2	GEN 1:2	Kɛ̀ kɛtenkɛ̀ í mmɔkɛ kɛ̀ dòmmɛ̀, dɛ̀marɛ̀ í mbo, kɛ̀ do dò nkubinku nku kɛ dò mbì. Kɛ̀ Kuyie nYaá nnɔ́nkɛ́ ku ĩ́nkɛ̀ kɛ nampú.
9	GEN 1:9	Kɛ̀ Kuyie mbɛ́i nkɛ dɔ̀: Mɛniɛ mmɛ̀ɛ̀ kpaá mɛ̀ɛ tíí ndɛ̀marɛ̀ máà, kɛ̀ kɛtenkɛ̀ɛ feitɛ́. Kɛ̀ dɛ̀ɛ dɔɔ̀ kù yɛ̃mmɛ̀.
10	GEN 1:10	Kɛ̀ kùu yú dɛ̀ɛ̀ waánnì kɛ dɔ̀ kɛtenkɛ̀, kɛ́yú mɛniɛ nkɛ dɔ̀ dàmɛ́ɛ̀rì.
16	GEN 1:16	Kɛ̀ Kuyie ndɔɔ̀ dɛ̀marɛ̀ dɛ̀dɛ́rɛ̀ dɛ̀ɛ̀ bo mmí, kɛ̀ dɛdiɛrɛ̀ ntú diyiè dìì bo mmí kuyie, kɛ̀ dɛsám̀pɔ́rɛ̀ ntú otã̀nkù wèè bo mmí kɛyènkɛ̀, kɛ yíɛ́nɛ̀ siwã̀ã.
24	GEN 1:24	Kɛ̀ Kuyie ndɔ̀: Kɛtenkɛ̀ɛ pɛitɛ́ iwũɔ̃ imɔu botí. Icɛ̃wũɔ̃ diɛyì nɛ̀ isám̀pɔ́ì nɛ̀ ikpawũɔ̃ ibotí ibotí nɛ̀ dɛbambaànnɛ̀ dɛbotí dɛbotí. Kɛ̀ dɛ̀ɛ dɔɔ̀ kù yɛ̃mmɛ̀.
38	GEN 2:7	Kɛ̀ ti Yiɛ̀ nKuyie ndɔɔ̀ onìtì nɛ̀ mutã́ã́, nkɛ́fuutɛ o ɔ̃nnì muyaá nkòo mɔɔtɛ mufòmmu.
48	GEN 2:17	A nɛ́ báá di mùù yĩ́ɛ̃́kùnko mɛsàà nnɛ̀ mɛyɛi mmu bɛ, kàa yɛ̀ di dìì yiè a kumu.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omáà, m bo ò dɔ̀ɔ̀ wèè yó nhò dònnɛ̀ koò teénnɛ̀.
50	GEN 2:19	Kɛ̀ ti Yiɛ̀ nKuyie ntúótɛ́ mutã́ã́ nkɛ́dɔɔ̀nɛ̀ iwũɔ̃ imɔu, nɛ̀ tinɔ̀tì timɔu kɛ́duɔ́ nkɛ̀ dɛ̀ nkɔrìní onìtì borɛ̀, kɛ̀ kù bo yà ò yóó dɛ̀ yu yɛ̀ɛ̀ yètɛ̀. Bá dɛ̀, dɛ̀ do dò nkɛ́mmɔkɛmu diyètìrì.
52	GEN 2:21	Kɛ̀ ti Yiɛ̀ nKuyie nduɔ́ nkòo yɛ̃̀ nkɛ́duɔ́, kɛ̀ kùu dɛitɛ kucĩntóo kùmáà kɛ́wɛ̃tɛ kɛ́pɔ̃nnɛ́ tikɔ̃̀ntì,
55	GEN 2:24	Dɛɛ̀ te kòo nitidɔ̀ù bo yóu o cicɛ nɛ̀ o yɔ̃, kɛ́taunnɛ̀ o pokù kɛ̀ bɛ̀ɛ naá nhonìtì omáà.
57	GEN 3:1	Fɛwààfɛ̀ fɛɛ̀ do ciìnɛ̀ tiwanwantì timɔu ti Yiɛ̀ nKuyie ndɔ̀ɔ̀ tì. Kɛ̀ fɛ̀ɛ bekɛ onitipòkù kɛ dɔ̀: Mɔ́mmuɔ nwe Kuyie nyɛ̃mmɛ̀ di bá nyo nkupúú kó yɛtebɛ yɛmɔuà?
59	GEN 3:3	Mutie mùù nɛ́ bo kupúú cuokɛ̀, Kuyie ntú ti báá di mu kó yɛtebɛ, ti ketɛ́ kɛ báá yɛ̀ kàákɛ́. Kɛ̀ ti yɛ̀ di ti bo kú.
61	GEN 3:5	Kuyie nyɛ̃́mu kɛ tú kɛ̀ di yɛ̀ di dìì yiè, di nuɔ ḿbo wéntɛ́, kɛ̀ di kù naánnɛ̀ kɛ́yĩ́ɛ̃́tɛ́ mɛsàà ǹnɛ̀ mɛyɛi.
63	GEN 3:7	Kɛ̀ bɛ nuɔ nwéntɛ́, kɛ̀ bɛ̀ɛ bantɛ́ bɛ̀ bomɛ̀ yɛfɔ̃̀kperɛ̀, kɛ́waá ntifãã̀tì kɛ́yi.
64	GEN 3:8	Kuyuoku mɔ̀nnì kɛ̀ ti Yiɛ̀ nKuyie nní nceǹtì kupúú miɛkɛ kɛ náá nkɛ̀ bɛ̀ yo, kɛ́sɔri titieti miɛkɛ.
66	GEN 3:10	Kòo kù tɛ̃̀ńnɛ́ kɛ dɔ̀: N kèè a tammɛ̀ mmɛ kupúú miɛkɛ kɛ̀ kufɔ̃waá nni mpĩ nkɛ̀ n sɔ̀ri, kɛ yɛ̃́ m bomɛ̀ difɔ̃̀kperì.
67	GEN 3:11	Kɛ̀ ti Yiɛ̀ nKuyie ndɔ̀: We nda nàkɛ́ kɛ tú a bo difɔ̃̀kperì, yáà a di ditebii n yɛ̃ nha báá di dì ndi?
70	GEN 3:14	Kɛ̀ ti Yiɛ̀ nKuyie nnákɛ́ fɛwààfɛ̀ kɛ dɔ̀: Fɔ̃́ɔ̃̀ mɛ ntemɛ̀ kɛ̀ dɛ̀ dɔ̀ɔ̀ miɛ n da cɔ̃ɔ̃mu tiwanwantì timɔu miɛkɛ, a bo nfũrì a pɔutì, kɛ yo mmutã́ã́ nsã́ã̀.
71	GEN 3:15	Nɛ̀ a bo mbomɛ̀, fɔ̃́ nnɛ̀ onitipòkù di báá narikɛ, o fuku nɛ̀ a kɔku dɛ̀ báá narikɛ. O fuku bo pɔntɛ a yuu, kàa kɔkuu dɔntɛ́ o nacɛ̀nkénnì.
72	GEN 3:16	Kɛ̀ ti Yiɛ̀ nKuyie nnákɛ́ onitipòkù kɛ dɔ̀: A pɛitímù bo yonkɛ mɛdiɛ̀. A níí bo fɛ̃́ṹtɛ́ mɛdiɛ̀ nkɛ nɛ́ na kɛ́pɛitɛ́, a bo mbúɔ́ a dɔù kòò da bakɛ́.
73	GEN 3:17	Kɛ̀ ti Yiɛ̀ nKuyie nnákɛ́ onitidɔ̀ù kɛ dɔ̀: A mɛ̀ nyiemmɛ̀ a pokù kpɛti kɛ di ditebii n yɛ̃ nha báá di dì. M bo cɔ̃ɔ̃ kɛtenkɛ̀, a níí bo kúútí kɛ́fɛ̃́ṹtɛ́ mɛdiɛ̀ nkɛ nɛ́ na kɛ́pɛ́tɛ́ kɛ́di.
75	GEN 3:19	A níí yóó kã́tɛ́ mɛyɔ̃́ɔ̃̀ mmɛ kɛ́na kɛ́pɛ́tɛ́ kɛ́di, kɛ yàa wɛ̃tɛnɛ̀ mutã́ã́ mmiɛkɛ n da dɔ̀ɔ̀nɛ̀ mù. N da dɔ̀ɔ̀nɛ̀ mutã́ã́ mmu kàa yóó wɛ̃tɛ kɛ́naá mmutã́ã́.
78	GEN 3:22	kɛ́bɛ́i nkɛ dɔ̀: Onìtì naánnɛ̀ tí mbɛ kɛ yɛ̃́ mɛsàà nnɛ̀ mɛyɛi, ti báá yie nkòo tɔ̃tɛ ditebii dìì duɔ̀ mmufòmmu kɛ́di kɛ́nfòù sã́ã̀.
83	GEN 4:3	Kɛ̀ tidiitìi bi, kɛ̀ Kayɛ̃ɛ̃ waá nkɛ́pã ti Yiɛ̀ nKuyie.
88	GEN 4:8	Mɛm̀mɛ kɛ̀ Kayɛ̃ɛ̃ nákɛ́ o nantɛ̀ Abɛɛdi kɛ dɔ̀: Tí kɔ̃tɛ́. Bɛ̀ kɔ̃tɛ́ dìì mɔ̀nnì kɛ̀ Kayɛ̃ɛ̃ pĩ́ nho nantɛ̀ Abɛɛdi kɛ́kuɔ.
92	GEN 4:12	A níí bo kúútí, a báá dɛitɛ, a bo nfirì tipíìtì timɔu kɛ tú ocièntì.
93	GEN 4:13	Kɛ̀ Kayɛ̃ɛ̃ nákɛ́ ti Yiɛ̀ nKuyie nkɛ dɔ̀: A n toú ndìì tɔu cɛ̃́ɛ̃̀mu, m báá na kɛ́ dì tɔ.
95	GEN 4:15	Dɛ mɔ̀nnì kɛ̀ ti Yiɛ̀ nKuyie ndɔ̀: Kòò mɔù kùɔ Kayɛ̃ɛ̃ m bo pɛitɛ kucɛ mɛ̀yiekɛ̀. Kɛ̀ ti Yiɛ̀ nKuyie ncannɛ Kayɛ̃ɛ̃ mɛcannimɛ̀ mamɛ̀ mɛ̀ɛ̀ yó nte kɛ̀ wèè ò yà ò báá ò kùɔ.
97	GEN 4:17	Kɛ̀ Kayɛ̃ɛ̃ duɔ́nɛ̀ o pokù, kòo púó nkɛ́pɛitɛ́ Enɔki. Kòo maá dihɛì kɛ́ dì yu o birɛ yètìrì kɛ dɔ̀ Enɔki.
102	GEN 4:22	Kɛ̀ Sida yie múnkɛɛ pɛitɛ́ dɛnitidabirɛ, Tubaadi-Kayɛ̃ɛ̃, kòo mmáátí tinɛntì tibotí tibotí, mɛnatimɛ̀ kpɛti nɛ̀ mɛbiɛrimɛ nɛ̀ timátì. Kòo tãũ̀ yètìrì ntú Naama.
103	GEN 4:23	Kɛ̀ Demɛkii nákɛ́ o pobɛ̀ kɛ dɔ̀: Ada nɛ̀ Sida, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odapàà nni mpotɛ́ kɛ̀ dɛ̀ màtìnnɛ kɛ̀ nh ò kùɔ.
106	GEN 4:26	Kɛ̀ Sɛti múnkɛɛ pɛitɛ́ dɛnitidabirɛ, kɛ́ dɛ̀ yu kɛ dɔ̀ Enɔsi. Dɛ mɔ̀nnì ndi bɛnìtìbɛ̀ ketɛ́mɛ̀ bɛ̀ bo mbáámmɛ̀ Kuyie nkɛ kù yu kɛ tú ti Yiɛ̀.
107	GEN 5:1	Ntɛ Adammu kó kufuku. Kuyie ndɔ̀ɔ̀ dìì mɔ̀nnì onìtì kóò dònnɛnɛ̀ kumáà ndi.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
141	GEN 6:3	Kɛ̀ ti Yiɛ̀ nKuyie ndɔ̀: M báá yóu kɛ̀ bɛnìtìbɛ̀ biɛ nní nfòù kɛ́mɔntɛ, bɛ̀ tu bɛnìtìbɛ̀ mbɛ, bɛ̀ bo mmɔkɛ yɛbie ntɛkɔ̀ùtɛ̀ nɛ̀ sipísìdɛ́ (120) kɛ́kú.
145	GEN 6:7	Kɛ̀ ti Yiɛ̀ nKuyie ndɔ̀: M bo kuɔ bɛnìtìbɛ̀ n dɔ̀ɔ̀ bɛ̀, kɛ́kuɔ iwũɔ̃ diɛyì nɛ̀ isám̀pɔ́ì nɛ̀ sinɔɔ, n dèmmumu n dɛ̀ dɔ̀ɔ̀mɛ̀.
149	GEN 6:11	Dɛ kó dimɔ̀nnì bɛnìtìbɛ̀ do dɔrimu, kɛ mɛ̀nkɛ dɔri mɛdiɛ̀ mbá dɛ̀ í nnaati Kuyie.
150	GEN 6:12	Kɛ̀ kùu wéntɛ́ kutenkù kɛ́nsɔ̃́ nkù cààrɛ̀, kɛ̀ bɛnìtìbɛ̀ bɛmɔu dɔ̀ri bá bɛ borimɛ í wenni.
151	GEN 6:13	Kɛ̀ Kuyie nnákɛ́ Nɔwee kɛ dɔ̀: M bo kuɔ dì mmɔ̀nnì bɛnìtìbɛ̀ bɛmɔu bɛ̀ dɔ̀nnɛmu, kɛ̀ bɛ yonku dɛukɛ, m bo bɛ̀ kùɔ.
152	GEN 6:14	Á dɔɔ̀ tɛdabɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́waá mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
158	GEN 6:20	Tiwanwantì timɔu botí nɛ̀ iwũɔ̃ dɛdaarɛ̀ nɛ̀ dɛniirɛ, sinɔɔ diɛsì nɛ̀ sisám̀pɔ́sì, nɛ̀ dɛbambaànnɛ̀ dɛbotí dɛbotí, dɛ̀ yóó kɔtɛnímu a borɛ̀ kɛ bo yentɛ́.
159	GEN 6:21	Á waá mmudiì mubotí mubotí, a kɔ̃mu nɛ̀ tiwanwantì kɔ̃mu kɛ̀ dí nyo.
161	GEN 7:1	Kɛ̀ ti Yiɛ̀ nKuyie nnákɛ́ Nɔwee kɛ dɔ̀: Ta tɛdabɛɛcĩ́ɛ̃̀tɛ̀ fɔ̃́ nnɛ̀ a cĩ́ɛ̃̀tɛ̀ kɔbɛ. N sɔ̃́ nfɔ̃́ɔ̃̀ máà yie n kpɛti a kɔbɛ cuokɛ̀.
162	GEN 7:2	Á túótɛ́ iwũɔ̃ ibotí ibotí bɛ̀ n feu ì ìdɛ́ì ìdɛ́ì, fɛdaafɛ̀ nɛ̀ fɛnifɛ kucɛ mɛ̀yiekɛ̀ kɛ́túótɛ́ bɛ̀ í n feu ì ìdɛ́ì máà fɛdaafɛ̀ nɛ̀ fɛnifɛ,
176	GEN 7:16	Kɛ̀ dɛ̀ɛ kɔtoo bá dɛ̀ kɛ̀ dɛ̀ nnɛínɛ̀ dɛ pokù kɛ́ta tɛdabɛɛcĩ́ɛ̃̀tɛ̀ ti Yiɛ̀ nKuyie ndo nàkɛ́ Nɔwee kɛ dɔ̀ dɛ̀ yóó ndòmmɛ̀. Kɛ̀ Kuyie nkpetínnɛ́ dibòrì.
179	GEN 7:19	Kɛ̀ mɛniɛ ndɔkɛ píɛ nkɛ́dátínnɛ́ yɛtãrɛ̀ diɛyɛ̀,
180	GEN 7:20	kɛ́dátínnɛ́ yɛtãrɛ̀ yɛ̀ɛ̀ dɔ̀kɛ dɛu mɛdiɛ̀, kɛ́séntɛ́ kɛ̀ dɛ̀ɛ pɛ̃ɛ̃tɛ́ mɛ́tìrì bɛ̀yiekɛ̀.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
187	GEN 8:3	Yɛwe tɛkɔ̀ùtɛ̀ nɛ̀ sipísìnùmmù (150) kó difɔ̃nkúò kɛ̀ mɛniɛ nní nkɛ̃́kú sám̀pɔ́ sám̀pɔ́.
189	GEN 8:5	Kɛ̀ mɛniɛ nní nkpaá yaari kɛ́tuɔkɛ otã̀nkù píínwè diyiè ketirì yiè, kɛ̀ yɛtãrɛ̀ yómmɛ̀ɛ feitɛ́.
191	GEN 8:7	kɛ́dennɛ dikãkãã̀ kɛ̀ dìì kɔtɛ kɛ́wɛ̃tɛní. Kòo nkpaá kémmú mɛniɛ mbo deèmɛ̀.
193	GEN 8:9	Tɛ̀ mɛ nyí mpɛ̀tɛ́ tɛ̀ bo cómmú dɛ̀, kɛ yɛ̃́ mɛniɛ ndo kpaá píɛ́kɛ́mɛ̀ kɛtenkɛ̀ kɛmɔu, kɛ̀ tɛ̀ɛ wɛ̃tɛní o borɛ̀, kòo youtɛ o nɔ̀ùtɛ̀ kɛ́ tɛ̀ pĩ nkɛ́tannɛ́ kudieku,
196	GEN 8:12	kɛ́yóu kɛ̀ dɛ̀ mmɔkɛ yɛwe yɛ̀yiekɛ̀ kòo wɛ̃tɛ kɛ́ tɛ̀ dènnɛ, bá tɛ̀ í nwɛ̃̀tɛní.
197	GEN 8:13	Dibenni pànnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmáà (601) kɛ̀ mɛniɛ nkṹṹ, kòo dátɛ́ tipĩ́mpĩ́ntì kɛ́yà mɛ̀ kũ̀ṹmɛ̀.
199	GEN 8:15	Kɛ̀ Kuyie nnákɛ́ Nɔwee kɛ dɔ̀:
204	GEN 8:20	Kɛ̀ Nɔwee maá diwũɔ̃tɔ̀nnì ti Yiɛ̀ nKuyie nkpɛ́í, kɛ́túótɛ́ iwũɔ̃ nɛ̀ sinɔɔ bɛ̀ feu dɛ̀ ti Yiɛ̀ nKuyie ndɛ̀marɛ̀ marɛ̀, kɛ́ dɛ̀ fìé ti Yiɛ̀ nKuyie ndiwũɔ̃tɔ̀nnì ĩ́nkɛ̀ kɛ́tuɔ.
205	GEN 8:21	Kɛ̀ ti Yiɛ̀ nKuyie nkeè dɛ kó kufɔ̃ɔ̃ku kɛ̀ dɛ̀ɛ kù narikɛ kɛ̀ kù dɔ̀: N tɛ̃́nkɛ í yóó cɔ̃ɔ̃ kɛtenkɛ̀, kɛ yɛ̃́ onìtì yɛ̀mmɛ̀ í wennimɛ̀ nɛ̀ ò bomɛ̀. N tɛ̃́nkɛ báá kuɔ dɛ̀ɛ̀ kó dimàà weí m mɛ ndɔ̀ɔ̀ mɛ̀ɛ̀ botí.
210	GEN 9:4	Di nɛ́ báá cáákɛ́ fɛɔ̃̀fɛ̀ yĩ̀ĩ̀, mmufòmmu bo mɛɛ̀ miɛkɛ.
212	GEN 9:6	Wèè kùɔ onìtì, onìtì weè múnkɛ yóó ò kùɔ. Kɛ yɛ̃́ n dɔ̀ɔ̀mɛ̀ onìtì kɛ dònnɛnɛ̀ m máà ndi.
214	GEN 9:8	Kɛ̀ Kuyie nyíɛ́ kɛ́nákɛ́ Nɔwee nɛ̀ o bí kɛ dɔ̀:
217	GEN 9:11	N di dɔúnnɛ̀ dinùù ndi kɛ tú, n tɛ̃́nkɛ báá duɔ́ nkɛ̀ mɛniɛ mpíɛ nkɛtenkɛ̀ kɛ́kuɔ dɛ̀ɛ̀ kó dimàà bo.
221	GEN 9:15	kɛ̀ n dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀, mɛniɛ ntɛ̃́nkɛ báá píɛ nkɛtenkɛ̀ kɛ́ di kuɔ.
223	GEN 9:17	Kɛ̀ Kuyie nnákɛ́ Nɔwee kɛ dɔ̀: Kutãmmɛyãrí kuù yó mbɛnkú n taunɛ̀mɛ̀ kɛtenkɛ̀ kɔbɛ.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
227	GEN 9:21	kɛ́yã̀ dɛ kó mɛnaà nkɛ́muɔ́ nkɛ́dátɛ́ o yààtì kɛ́nduɔ́ o dieku difɔ̃̀kperì.
228	GEN 9:22	Kɛ̀ Kammu Kannahãã kɔbɛ kóo cicɛɛ yà o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nákɛ́ o tebìí sidɛ́ ditowaà.
229	GEN 9:23	Kɛ̀ Sɛmmu nɛ̀ Safɛti kɛ̀ bɛ̀ɛ buutɛ́ kuyààkù kɛ́nkérí bɛ fɔ̃nkúò kɛ́tuɔkɛ kóò dàtínnɛ́, bá bɛ̀ í nyà bɛ cicɛ fũ̀ɔ̃̀.
240	GEN 10:5	Bɛɛ̀ do sũ̀ṹ nkɛ́cíɛ́tɛ́ kɛ́maá dàmɛ́ɛ̀rì takɛ́ kɛ́cã́nnɛ́ cã́nnɛ́ ibotí bɛ náaǹtì dò ndòmmɛ̀.
243	GEN 10:8	Kuusi weè do wɛ̃̀tɛ kɛ́pɛitɛ́ Nɛmmudoti wèè do naá nhokpàrì ketiwè kɛtenkɛ̀ ĩ́nkɛ̀.
246	GEN 10:11	Kɛ̀ Nɛmmudotii ítɛ́ dɛ kó dihɛì kɛ́kɔtɛ Asidii kɛ́maá Ninifu nɛ̀ Debotidii nɛ̀ Kadaa.
255	GEN 10:20	Kammu kó ibí nyi ìì do yàtɛ tinaàmùntì, kɛ́kari yɛhɛkɛ̀ bɛ náaǹtì cã̀ã́ ncã́ã́mmɛ̀ nɛ̀ bɛ botí.
266	GEN 10:31	Kɛ̀ Sɛmmu kɔbɛ múnkɛɛ yɛ̀ kɛ́cã́nnɛ́ yɛhɛkɛ̀, yɛhɛkɛ̀ bɛ náaǹtì dò mmɛ̀ɛ̀ botí.
268	GEN 11:1	Bɛnìtìbɛ̀ bɛmɔu do náá ntináaǹtì timáà ndi, onìtì náaǹtì do í cã́ã́.
269	GEN 11:2	Kɛ̀ bɛ̀ɛ kɔtɛ diyiè yìɛ̀ní kɛ̀ɛ̀ bíɛ́kɛ̀ kɛ́yà kubiriku makù, dihɛì bɛ̀ tu dì Sindeaa kɛ bo maá,
270	GEN 11:3	kɛ́nákɛ́ bɛtɔbɛ̀ kɛ dɔ̀: Ítɛ́nɛ̀ kɛ̀ ti pííkú yɛdombiɛ, kɛ́ yɛ̀ pũ̀ńnɛ́ kɛ̀ yɛ̀ɛ kpenkɛ kɛ́ndò nyɛtã́rɛ̀, kɛ̀ tí waá nkùtìnɔ́ɔ̀ kɛ́nsĩɛ̃kù.
271	GEN 11:4	Kɛ̀ tí maá dihɛì, kɛ́maá didènnì kɛ̀ dìi káákɛ́ tiwɛtì, kɛ̀ ti yètìrìi feitɛ́, kɛ̀ ti báá cíɛ́tɛ́ kɛtenkɛ̀ kɛmɔu.
272	GEN 11:5	Kɛ̀ ti Yiɛ̀ nKuyie ncútɛ́ní kɛ bo yà bɛnìtìbɛ̀ maá dìì ɛì nɛ̀ didènnì.
273	GEN 11:6	Kɛ dɔ̀: Bɛ̀ mɛ̀ ntúmɛ̀ kubotí kùmáà kɔbɛ kɛ náá ntináaǹtì tìmáà, dɛ̀marɛ̀ í yóó bɛ̀ dìtínnɛ́ bɛ̀ yóó namu kɛ́dɔɔ̀ bɛ̀ dɔ́mɛ̀.