4	GEN 1:4	Kɛ̀ kùu pɛ́nsìrì kuwenniku kɛ́ kù cã̀ńnɛ́ nɛ̀ dibiìnnì,
13	GEN 1:13	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè tãã́nnì ndi.
16	GEN 1:16	Kɛ̀ Kuyie ndɔɔ̀ dɛ̀marɛ̀ dɛ̀dɛ́rɛ̀ dɛ̀ɛ̀ bo mmí, kɛ̀ dɛdiɛrɛ̀ ntú diyiè dìì bo mmí kuyie, kɛ̀ dɛsám̀pɔ́rɛ̀ ntú otã̀nkù wèè bo mmí kɛyènkɛ̀, kɛ yíɛ́nɛ̀ siwã̀ã.
17	GEN 1:17	Kɛ̀ Kuyie ndɛ̀ ãnnɛ́ kɛĩ́nkɛ̀ kɛ̀ dɛ̀ mmí kɛtenkɛ̀.
22	GEN 1:22	kɛ́ dɛ̀ pã mɛsàà nkɛ dɔ̀ dɛ̀ɛ piɛ́ kɛ́sṹṹ, nkɛ̀ siyĩĩ sṹṹ mmɛniɛ mmiɛkɛ, kɛ̀ sinɔɔ sṹṹ nkɛtenkɛ̀ ĩ́nkɛ̀.
28	GEN 1:28	Kɛ̀ kùu bɛ̀ pã mɛsàà nkɛ́ bɛ̀ nàkɛ́ kɛ dɔ̀: Piɛ́nnɛ̀ kɛ́sṹṹ nkɛ́píɛ nkɛtenkɛ̀ kɛmɔu, kɛ́ nkɛ̀ bakɛ́, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ imɔu ìì bo kɛtenkɛ̀ ĩ́nkɛ̀.
34	GEN 2:3	Kù dì pãmu mɛsàà nkɛ dì cã̀ńnɛ́ kɛ̀ dì tu ku kpɛri, kɛ yɛ̃́ kù dèèmɛ̀ ku tɔ̃mmú mumɔu kɛ òmpɛ̀ diì yiè.
37	GEN 2:6	Mupã̀ã mmamù muù do yiɛ̀ní kɛ yɔ́ɔ́rì kɛtenkɛ̀.
38	GEN 2:7	Kɛ̀ ti Yiɛ̀ nKuyie ndɔɔ̀ onìtì nɛ̀ mutã́ã́, nkɛ́fuutɛ o ɔ̃nnì muyaá nkòo mɔɔtɛ mufòmmu.
43	GEN 2:12	mɛsɔɔ nkperímɛ̀ nɛ̀ tihúúntì fɔ̃ɔ̃ti nɛ̀ yɛtã́sààyɛ̀ yɛ̀ɛ̀ donku dɛu.
45	GEN 2:14	Kɛ̀ kutãã́nkù kpɛri tú Tikidi, kuù pũɔ̃̀ ndiyiè yìɛ̀ní kɛ̀ɛ̀ bíɛ́kɛ̀ kɛ firì dihɛì bɛ̀ tu dì Asidii, kɛ̀ kunaankù kpɛri tú Efadati.
50	GEN 2:19	Kɛ̀ ti Yiɛ̀ nKuyie ntúótɛ́ mutã́ã́ nkɛ́dɔɔ̀nɛ̀ iwũɔ̃ imɔu, nɛ̀ tinɔ̀tì timɔu kɛ́duɔ́ nkɛ̀ dɛ̀ nkɔrìní onìtì borɛ̀, kɛ̀ kù bo yà ò yóó dɛ̀ yu yɛ̀ɛ̀ yètɛ̀. Bá dɛ̀, dɛ̀ do dò nkɛ́mmɔkɛmu diyètìrì.
63	GEN 3:7	Kɛ̀ bɛ nuɔ nwéntɛ́, kɛ̀ bɛ̀ɛ bantɛ́ bɛ̀ bomɛ̀ yɛfɔ̃̀kperɛ̀, kɛ́waá ntifãã̀tì kɛ́yi.
70	GEN 3:14	Kɛ̀ ti Yiɛ̀ nKuyie nnákɛ́ fɛwààfɛ̀ kɛ dɔ̀: Fɔ̃́ɔ̃̀ mɛ ntemɛ̀ kɛ̀ dɛ̀ dɔ̀ɔ̀ miɛ n da cɔ̃ɔ̃mu tiwanwantì timɔu miɛkɛ, a bo nfũrì a pɔutì, kɛ yo mmutã́ã́ nsã́ã̀.
74	GEN 3:18	Kɛtenkɛ̀ bo mpɛí ipo nɛ̀ tisãmpotì, kàa nyo ndɛpaa nkpɛrɛ.
75	GEN 3:19	A níí yóó kã́tɛ́ mɛyɔ̃́ɔ̃̀ mmɛ kɛ́na kɛ́pɛ́tɛ́ kɛ́di, kɛ yàa wɛ̃tɛnɛ̀ mutã́ã́ mmiɛkɛ n da dɔ̀ɔ̀nɛ̀ mù. N da dɔ̀ɔ̀nɛ̀ mutã́ã́ mmu kàa yóó wɛ̃tɛ kɛ́naá mmutã́ã́.
78	GEN 3:22	kɛ́bɛ́i nkɛ dɔ̀: Onìtì naánnɛ̀ tí mbɛ kɛ yɛ̃́ mɛsàà nnɛ̀ mɛyɛi, ti báá yie nkòo tɔ̃tɛ ditebii dìì duɔ̀ mmufòmmu kɛ́di kɛ́nfòù sã́ã̀.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbàrìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbaa mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhãã́.
83	GEN 4:3	Kɛ̀ tidiitìi bi, kɛ̀ Kayɛ̃ɛ̃ waá nkɛ́pã ti Yiɛ̀ nKuyie.
84	GEN 4:4	Kɛ̀ Abɛɛdi yie tɔní o pedakɛ̀ yɛketiyɛ̀ kó dìmarì, dìì ã mɛkùɔ̀ nkɛ́pã ti Yiɛ̀ nKuyie. Kɛ̀ kùu ò pɛ́nsìrì kɛ́cɔutɛ́ o pãnnì,
85	GEN 4:5	kɛ́yetɛ Kayɛ̃ɛ̃ nɛ̀ o pãnnì, kòo miɛkɛɛ pɛikɛ mɛdiɛ̀ n kòo ììkɛ̀ɛ sɔutɛ.
91	GEN 4:11	Di mmɔ̀nnì n da cɔ̃ɔ̃mu kàa bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yã̀ a nantɛ̀ kó mɛyĩ̀ĩ̀ nha kùɔ tɛ̀.
100	GEN 4:20	Ada weè do pɛitɛ́ Yabaadi bɛ̀ɛ̀ ã titouti, kɛ cɛ̃mmù inààkɛ bɛ yààrì.
101	GEN 4:21	Yabaadi nantɛ̀ do tú Yubaadi bɛ̀ɛ̀ bie ntikùtìdùùtì, kɛ eu itãrí bɛ yààrì.
102	GEN 4:22	Kɛ̀ Sida yie múnkɛɛ pɛitɛ́ dɛnitidabirɛ, Tubaadi-Kayɛ̃ɛ̃, kòo mmáátí tinɛntì tibotí tibotí, mɛnatimɛ̀ kpɛti nɛ̀ mɛbiɛrimɛ nɛ̀ timátì. Kòo tãũ̀ yètìrì ntú Naama.
108	GEN 5:2	Kù dɔ̀ɔ̀ onitidɔ̀ù nɛ̀ onitipòkù nwe kɛ́ bɛ̀ pã mɛsàà, kɛ pã̀nkɛɛ bɛ̀ yu kɛ dɔ̀ onìtì.
109	GEN 5:3	Adammu mɔ̀kɛ dìì mɔ̀nnì yɛbie ntɛkɔ̀ùtɛ̀ nɛ̀ sipísìtããti (130) kɛ́pɛitɛ́ dɛnitidabirɛ kɛ̀ dɛ̀ nhò dònnɛ̀ sósó. Kòo dɛ̀ yu kɛ dɔ̀: Sɛti.
111	GEN 5:5	Ò do mɔkɛ yɛbie nsikɔusìwɛi nɛ̀ sipísìtããti (930) ndi kɛ́kú.
122	GEN 5:16	Ò pɛitɛ́ Yederi kɛ́deè, kɛ́mmɔkɛ yɛbie nsikɔusìni nɛ̀ sipísìtããti (830), kɛ́wɛ̃tɛ kɛ́piɛ́ initidabí nɛ̀ initipobí pɛ́u.
128	GEN 5:22	Ò pɛitɛ́ Matusadɛmmu kɛ́deè, kɛ́mmɔkɛ yɛbie nsikɔusìtããti (300), kɛ́ntaunɛ̀ Kuyie, kɛ́piɛ́ initidabí nɛ̀ initipobí pɛ́u.
129	GEN 5:23	Ò do mɔkɛ yɛbie nsikɔusìtããti nɛ̀ sipísìkuɔ̀ nɛ̀ yɛ̀nùmmù (365) ndi.
138	GEN 5:32	Nɔwee do yóó mɔɔtɛ initidabí ìtããti ìì yètɛ̀ tu Sɛmmu nɛ̀ Kammu nɛ̀ Safɛti kɛ mɔkɛ yɛbie nsikɔusìnùmmù (500) ndi.
140	GEN 6:2	Kɛ̀ kɛĩ́nkɛ̀ kó bɛkperíbɛ̀ɛ yà dɛ kó bɛsapàmbɛ̀ wennimɛ̀ mɛsàà, kɛ́tãnkɛ́ bɛ̀ dɔ́ bɛ̀, kɛ́puokɛ.
143	GEN 6:5	Kɛ̀ ti Yiɛ̀ nKuyie nyà bɛnìtìbɛ̀ borimɛ í wennimɛ̀ kɛ̀ bɛ̀ baa dɔ́ kɛ́ndɔɔri mɛyɛi nsã́ã̀.
148	GEN 6:10	kɛ́pɛitɛ́ initidabí ìtããti: Sɛmmu nɛ̀ Kammu, nɛ̀ Safɛti.
154	GEN 6:16	Á tɛ̀ dɔ̀ɔ̀ kɛ́pĩ́ĩ́ ntipĩ́mpĩ́ntì nɛ̀ kumarí dɛ cuokɛ̀, kɛ̀ mɛfíè nní nfeí kɛ mànnɛ̀ mɛ́tìrì kó dikéè. Kàa keutɛ́ dibòrì tɛ píkù, kɛ́ãnnɛ́ timùmmùntì tìtããti.
171	GEN 7:11	Nɔwee do mɔkɛ yɛbie nsikɔusìkuɔ̀ (600) ndi, dibenni kóo tã̀nkù dɛ́ríwè diyiè tɛpíítɛ̀ nɛ̀ diyiénnì, kɛ̀ yɛbirɛ ntɔ̃nní mɛniɛ nkɛ̀ iwɛtiborii kpetɛ́.
179	GEN 7:19	Kɛ̀ mɛniɛ ndɔkɛ píɛ nkɛ́dátínnɛ́ yɛtãrɛ̀ diɛyɛ̀,
180	GEN 7:20	kɛ́dátínnɛ́ yɛtãrɛ̀ yɛ̀ɛ̀ dɔ̀kɛ dɛu mɛdiɛ̀, kɛ́séntɛ́ kɛ̀ dɛ̀ɛ pɛ̃ɛ̃tɛ́ mɛ́tìrì bɛ̀yiekɛ̀.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
189	GEN 8:5	Kɛ̀ mɛniɛ nní nkpaá yaari kɛ́tuɔkɛ otã̀nkù píínwè diyiè ketirì yiè, kɛ̀ yɛtãrɛ̀ yómmɛ̀ɛ feitɛ́.
190	GEN 8:6	Diyiè sipísìnàà yiè kɛ̀ Nɔwee kpetɛ́ tɛbòtɛ̀ ò do ãnnɛ́ tɛ̀,
191	GEN 8:7	kɛ́dennɛ dikãkãã̀ kɛ̀ dìì kɔtɛ kɛ́wɛ̃tɛní. Kòo nkpaá kémmú mɛniɛ mbo deèmɛ̀.
195	GEN 8:11	Kɛ̀ tɛ̀ nwɛ̃tiní kuyuoku kɛ tɔní kufãã̀sũ̀ũ̀kù makù, kɛ̀ Nɔwee bantɛ́ mɛniɛ ncɔ̀ɔ̀tɛmɛ̀,
198	GEN 8:14	Dibenni pànnì kóo tã̀nkù dɛ́ríwè, diyiè sipísìdɛ́ nɛ̀ diyiénnì kɛ̀ kɛtenkɛ̀ɛ kpeí paíí.
206	GEN 8:22	Nɛ̀ kɛtenkɛ̀ bo mbomɛ̀, mubɔtimù nɛ̀ mudidɛ̀ì, muséé nnɛ̀ kuyiìnkù, dipaà nɛ̀ diyɔ̃ɔ̃̀, kuyie nnɛ̀ kɛyènkɛ̀, dɛ̀ yó mbomu sã́ã̀.
207	GEN 9:1	Kɛ̀ Kuyie mpã Nɔwee mɛsàà wenwe nɛ̀ o bí kɛ dɔ̀: Piɛ́nɛ̀ kɛ́sṹṹ nkɛ́píɛ nkɛtenkɛ̀.
218	GEN 9:12	Ntɛ n yóó dɔɔ̀ mɛ̀ɛ̀ bɛnkùmɛ̀ kɛ̀ mɛ̀ mbo sã́ã̀, kɛ bɛnkú mí nnɛ̀ díndi nɛ̀ dɛ̀ɛ̀ kó dimàà weí ti kó mɛtaummɛ̀.
219	GEN 9:13	Nh ãnnɛ́ kutãmmɛyãrí nku tiwɛtì kɛ̀ kù bo mbɛnkú mí nnɛ̀ díndi ti kó mɛtaummɛ̀,
222	GEN 9:16	Kutãmmɛyãrí níí bo yɛ̀nní yɛwɛtɛ̀ ĩ́nkɛ̀, kɛ̀ n kù yà, kɛ́dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀.
223	GEN 9:17	Kɛ̀ Kuyie nnákɛ́ Nɔwee kɛ dɔ̀: Kutãmmɛyãrí kuù yó mbɛnkú n taunɛ̀mɛ̀ kɛtenkɛ̀ kɔbɛ.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
225	GEN 9:19	Nɛ̀ Nɔwee bí itããti miɛkɛ nkɛ ibotí sũ̀ṹmmɛ̀ kɛtenkɛ̀ ĩ́nkɛ̀.
227	GEN 9:21	kɛ́yã̀ dɛ kó mɛnaà nkɛ́muɔ́ nkɛ́dátɛ́ o yààtì kɛ́nduɔ́ o dieku difɔ̃̀kperì.
228	GEN 9:22	Kɛ̀ Kammu Kannahãã kɔbɛ kóo cicɛɛ yà o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nákɛ́ o tebìí sidɛ́ ditowaà.
230	GEN 9:24	Nɔwee naà nyɛ̀ dìì mɔ̀nnì kòo keè o bíyããtɛ̀ dɔ̀ɔ̀ dɛ̀,
231	GEN 9:25	kɛ́bɛ́i nkɛ dɔ̀: A bo yà fɔ̃́ nKannahãã! A bo ntú a tebìí miɛkɛ kudaakù sɔnsɔnku,
232	GEN 9:26	Kòo yíɛ́ kɛ́bɛ́i nkɛ dɔ̀: Ti Yiɛ̀ nKuyie ńdɔɔ̀ mɛsàà nSɛmmu kɛ̀ Kannahãã ńtú o kó kudaakù.
233	GEN 9:27	Kuyie ńdɔɔ̀ mɛsàà nSafɛti nɛ̀ Sɛmmu kɛ̀ bɛ̀ ńwɛ̃ nkɛ bo, kɛ̀ Kannahãã ńtú bɛ kó kudaakù.
234	GEN 9:28	Mɛniɛ nkùɔ dìì mɔ̀nnì bɛnìtìbɛ̀ kɛ́deè, kɛ̀ Nɔwee mmɔkɛ yɛbie nsikɔusìtããti nɛ̀ sipísìnùmmù (350) ndi,
237	GEN 10:2	Safɛti kó ibí tú: Kɔmɛɛ nɛ̀ Makɔku nɛ̀ Madaii nɛ̀ Yafãã nɛ̀ Tubaadi nɛ̀ Mɛsɛki nɛ̀ Tidaasi.
239	GEN 10:4	Yafãã kó ibí tú: Edisaa nɛ̀ Tadisisi nɛ̀ Kitimmu nɛ̀ Dodanimmu.
240	GEN 10:5	Bɛɛ̀ do sũ̀ṹ nkɛ́cíɛ́tɛ́ kɛ́maá dàmɛ́ɛ̀rì takɛ́ kɛ́cã́nnɛ́ cã́nnɛ́ ibotí bɛ náaǹtì dò ndòmmɛ̀.
241	GEN 10:6	Kammu kó ibí tú: Kuusi nɛ̀ Misidaimmu nɛ̀ Puti nɛ̀ Kannahãã.
247	GEN 10:12	Kɛ̀ Desãã ɛì dii ḿbo Ninifu nɛ̀ Kadaa dihɛidiɛ̀ dɛ cuokɛ̀.
250	GEN 10:15	Kɛ̀ Kannahãã pɛitɛ́ Sidonni o kóò Po nɛ̀ Ɛti.
251	GEN 10:16	Kɛ̀ Kannahãã yaàbí ntú: Yebusiibɛ nɛ̀ Amɔriibɛ nɛ̀ Kidikasiibɛ
253	GEN 10:18	nɛ̀ Adifadiibɛ nɛ̀ Semadiibɛ nɛ̀ Amatiibɛ. Dɛ kó difɔ̃nkúò kɛ̀ Kannahãã kɔbɛɛ cíɛ́tɛ́,
255	GEN 10:20	Kammu kó ibí nyi ìì do yàtɛ tinaàmùntì, kɛ́kari yɛhɛkɛ̀ bɛ náaǹtì cã̀ã́ ncã́ã́mmɛ̀ nɛ̀ bɛ botí.
260	GEN 10:25	Kɛ̀ Eebɛɛ mmɔkɛ ibí ìdɛ́ì, kɛ̀ dɛketirɛ̀ yètìrì ntú Pedɛki (dɛ̀ɛ̀ tu mɛyatimɛ̀). Dɛ kó dimɔ̀nnì ndi ibotí do yàtɛmɛ̀, kòo nantɛ̀ yètìrì ntú Yokitãã.
261	GEN 10:26	Kɛ̀ Yokitãã pɛitɛ́ Adimɔdadi nɛ̀ Sedɛfu nɛ̀ Asadimafɛti nɛ̀ Yedaki,
264	GEN 10:29	nɛ̀ Ofiidi nɛ̀ Afidaa nɛ̀ Yobabu. Bɛmɔu mɛmmɛ bɛ̀ tu Yokitãã bí nyi.
265	GEN 10:30	Bɛ̀ do bo Mɛsa ɛì ndi kɛ́ntɔ kɛ́tuɔkɛnɛ̀ Sefaadi tãrì, diyiè yìɛ̀ní kɛ̀ɛ̀ bíɛ́kɛ̀.
266	GEN 10:31	Kɛ̀ Sɛmmu kɔbɛ múnkɛɛ yɛ̀ kɛ́cã́nnɛ́ yɛhɛkɛ̀, yɛhɛkɛ̀ bɛ náaǹtì dò mmɛ̀ɛ̀ botí.
267	GEN 10:32	Nɔwee bí kó iwuɔ nyi mɛmmɛ, bɛ̀ ì cã̀ńnɛ́mɛ̀ ibotí ibotí. Mɛniɛ ndo kùɔ bɛnìtìbɛ̀ kɛ́deè kɛ̀ bɛɛ̀ piɛ́ ibotí imɔu ìì bo kutenkù miɛkɛ.
268	GEN 11:1	Bɛnìtìbɛ̀ bɛmɔu do náá ntináaǹtì timáà ndi, onìtì náaǹtì do í cã́ã́.
270	GEN 11:3	kɛ́nákɛ́ bɛtɔbɛ̀ kɛ dɔ̀: Ítɛ́nɛ̀ kɛ̀ ti pííkú yɛdombiɛ, kɛ́ yɛ̀ pũ̀ńnɛ́ kɛ̀ yɛ̀ɛ kpenkɛ kɛ́ndò nyɛtã́rɛ̀, kɛ̀ tí waá nkùtìnɔ́ɔ̀ kɛ́nsĩɛ̃kù.
279	GEN 11:12	Kɛ̀ Adipakisadi mmɔkɛ yɛbie nsipísìtããti nɛ̀ yɛ̀nùmmù kɛ́pɛitɛ́ Sedaasi.
280	GEN 11:13	Dɛ kó difɔ̃nkúò kɛ́mmɔkɛ yɛbie nsikɔusìnàà nɛ̀ yɛ̀tããti (403), kɛ́piɛ́ bɛdapàmbɛ̀ nɛ̀ bɛsapàmbɛ̀.
281	GEN 11:14	Kɛ̀ Sedaa mmɔkɛ yɛbie nsipísìtããti kɛ́pɛitɛ́ Ebɛɛ.
282	GEN 11:15	Dɛ kó difɔ̃nkúò kɛ̀ Ebɛɛ mmɔkɛ yɛbie nsikɔusìnàà nɛ̀ yɛ̀tããti (403) kɛ́piɛ́ bɛdapàmbɛ̀ nɛ̀ bɛsapàmbɛ̀.
283	GEN 11:16	Kɛ̀ Ebɛɛ pɛitɛ́ Pɛdɛki kɛ́deè kɛ́mmɔkɛ yɛbie nsipísìtããti nɛ̀ yɛ̀nàà kɛ́pɛitɛ́ Pedɛki.
284	GEN 11:17	Dɛ kó difɔ̃nkúò kɛ̀ Ebɛɛ mmɔkɛ yɛbie nsikɔusìnàà, nɛ̀ sipísìtããti (430) kɛ́piɛ́ bɛdapàmbɛ̀ nɛ̀ bɛsapàmbɛ̀.
285	GEN 11:18	Kɛ̀ Pedɛki mmɔkɛ yɛbie nsipísìtããti kɛ́pɛitɛ́ Deyuu.
287	GEN 11:20	Kɛ̀ Deyuu mmɔkɛ yɛbie nsipísìtããti nɛ̀ yɛ̀dɛ́ɛ̀ kɛ́pɛitɛ́ Seduki.
289	GEN 11:22	Kɛ̀ Seduki mmɔkɛ yɛbie nsipísìtããti kɛ́pɛitɛ́ Naɔɔ.