5	GEN 1:5	kɛ́yú kuwenniku kɛ dɔ̀ kuyie, nkɛ́yú dibiìnnì kɛ dɔ̀ kɛyènkɛ̀. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè ketirì ndi.
8	GEN 1:8	Kɛ̀ kùu yú kɛĩ́nkɛ̀ kɛ dɔ̀ tiwɛtì. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè dɛ́rì ndi.
13	GEN 1:13	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè tãã́nnì ndi.
14	GEN 1:14	Kɛ̀ Kuyie nyíɛ́ kɛ́bɛ́i nkɛ dɔ̀: Kuwenniku ḿbo kɛĩ́nkɛ̀ kɛ́mbaàtì kɛyènkɛ̀ nɛ̀ kuyie nnɛ̀ yɛmɔ̀rɛ̀ nɛ̀ yɛwe nɛ̀ yɛbie,
16	GEN 1:16	Kɛ̀ Kuyie ndɔɔ̀ dɛ̀marɛ̀ dɛ̀dɛ́rɛ̀ dɛ̀ɛ̀ bo mmí, kɛ̀ dɛdiɛrɛ̀ ntú diyiè dìì bo mmí kuyie, kɛ̀ dɛsám̀pɔ́rɛ̀ ntú otã̀nkù wèè bo mmí kɛyènkɛ̀, kɛ yíɛ́nɛ̀ siwã̀ã.
18	GEN 1:18	Kɛ̀ dɛ̀ mmí kuyie nnɛ̀ kɛyènkɛ̀, kɛ baàtì kuwenniku nɛ̀ dibiìnnì. Kɛ̀ kùu dɛ̀ pɛ́nsìrì.
19	GEN 1:19	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè naannì ndi.
23	GEN 1:23	Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè nummurì ndi.
31	GEN 1:31	Kɛ̀ kùu yà kù dɔ̀ɔ̀ dɛ̀ dɛmɔu kɛ́ dɛ̀ pɛ́nsìrì. Kɛ̀ kuyuokuu buotɛ́, kɛ̀ dikṹnweńnìi buotɛ́. Diyiè kuɔ́nnì ndi.
33	GEN 2:2	Kuyie mpĩ́ nku tɔ̃mmú mumɔu yɛwe yɛ̀kuɔ̀ ndi, kɛ́om̀pɛ̀ diyiè yiénnì yiè.
34	GEN 2:3	Kù dì pãmu mɛsàà nkɛ dì cã̀ńnɛ́ kɛ̀ dì tu ku kpɛri, kɛ yɛ̃́ kù dèèmɛ̀ ku tɔ̃mmú mumɔu kɛ òmpɛ̀ diì yiè.
39	GEN 2:8	Kɛ̀ ti Yiɛ̀ nKuyie mbuɔtí dɛtie nkupúú sààkù Edɛnni, diyiè yìɛ̀ní kɛ̀ɛ̀ bíɛ́kɛ̀, kɛ́kannɛ kù dɔ̀ɔ̀ wèè nìtì dɛ miɛkɛ.
42	GEN 2:11	Kuketikù yètìrì tu Pisɔ̃ɔ̃ kɛ̀ kù fitɛ́ dihɛì bɛ̀ tu dì Afidaa. Kɛ̀ mɛsɔɔ mbo dɛ kó dihɛì miɛkɛ,
44	GEN 2:13	Kɛ̀ kudɛ́ríkù yètìrì tu Kiyɔ̃ɔ̃ kuù fitɛ́ dihɛì bɛ̀ tu dì Kuusi.
45	GEN 2:14	Kɛ̀ kutãã́nkù kpɛri tú Tikidi, kuù pũɔ̃̀ ndiyiè yìɛ̀ní kɛ̀ɛ̀ bíɛ́kɛ̀ kɛ firì dihɛì bɛ̀ tu dì Asidii, kɛ̀ kunaankù kpɛri tú Efadati.
48	GEN 2:17	A nɛ́ báá di mùù yĩ́ɛ̃́kùnko mɛsàà nnɛ̀ mɛyɛi mmu bɛ, kàa yɛ̀ di dìì yiè a kumu.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omáà, m bo ò dɔ̀ɔ̀ wèè yó nhò dònnɛ̀ koò teénnɛ̀.
50	GEN 2:19	Kɛ̀ ti Yiɛ̀ nKuyie ntúótɛ́ mutã́ã́ nkɛ́dɔɔ̀nɛ̀ iwũɔ̃ imɔu, nɛ̀ tinɔ̀tì timɔu kɛ́duɔ́ nkɛ̀ dɛ̀ nkɔrìní onìtì borɛ̀, kɛ̀ kù bo yà ò yóó dɛ̀ yu yɛ̀ɛ̀ yètɛ̀. Bá dɛ̀, dɛ̀ do dò nkɛ́mmɔkɛmu diyètìrì.
51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
54	GEN 2:23	Kòo ò yà kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
61	GEN 3:5	Kuyie nyɛ̃́mu kɛ tú kɛ̀ di yɛ̀ di dìì yiè, di nuɔ ḿbo wéntɛ́, kɛ̀ di kù naánnɛ̀ kɛ́yĩ́ɛ̃́tɛ́ mɛsàà ǹnɛ̀ mɛyɛi.
62	GEN 3:6	Kòo nitipòkùu wéntɛ́ kɛ́yà yɛtebɛ bo nnaatimɛ̀, kɛ wenni fɛnɔ̀nfɛ̀, kɛ bo na kóò duɔ́ mmɛciì, kɛ́tɔ̃tɛ, kɛ́di kɛ́duɔ́ nho dɔù wèè ò bonɛ̀, kòo di.
66	GEN 3:10	Kòo kù tɛ̃̀ńnɛ́ kɛ dɔ̀: N kèè a tammɛ̀ mmɛ kupúú miɛkɛ kɛ̀ kufɔ̃waá nni mpĩ nkɛ̀ n sɔ̀ri, kɛ yɛ̃́ m bomɛ̀ difɔ̃̀kperì.
68	GEN 3:12	Kòo nitidɔ̀ù dɔ̀: Onitipòkù a mɛ nni nduɔ́ nwè kɛ̀ ti bo, weè ǹ duɔ́ ndɛ kó ditebii kɛ̀ ǹ di.
76	GEN 3:20	Kɛ̀ Adammuu yú o pokù kɛ dɔ̀ Ɛfu, dɛ̀ɛ̀ tu mufòmmu, kɛ yɛ̃́ weè tumɛ̀ bɛnìtìbɛ̀ bɛmɔu yɔ̃.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbàrìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbaa mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhãã́.
92	GEN 4:12	A níí bo kúútí, a báá dɛitɛ, a bo nfirì tipíìtì timɔu kɛ tú ocièntì.
94	GEN 4:14	A mɛ nni mbɛ̀timɛ̀ yíe nkɛtensààkɛ̀, kɛ̀ n yóó da dɛ́tɛ́nɛ̀ kɛ́nfirì tipíìtì timɔu kɛ tú ocièntì, kòò mɔù ǹ yà ò yó n kuɔmu.
95	GEN 4:15	Dɛ mɔ̀nnì kɛ̀ ti Yiɛ̀ nKuyie ndɔ̀: Kòò mɔù kùɔ Kayɛ̃ɛ̃ m bo pɛitɛ kucɛ mɛ̀yiekɛ̀. Kɛ̀ ti Yiɛ̀ nKuyie ncannɛ Kayɛ̃ɛ̃ mɛcannimɛ̀ mamɛ̀ mɛ̀ɛ̀ yó nte kɛ̀ wèè ò yà ò báá ò kùɔ.
96	GEN 4:16	Kɛ̀ Kayɛ̃ɛ̃ ítɛ́ ti Yiɛ̀ nKuyie mborɛ̀, kɛ́kɔtɛ kɛ́mbo bɛ̀ tu dɛ̀ Nɔdi, kupúú Edɛnni, diyiè yìɛ̀ní kɛ̀ɛ̀ bíɛ́kɛ̀.
97	GEN 4:17	Kɛ̀ Kayɛ̃ɛ̃ duɔ́nɛ̀ o pokù, kòo púó nkɛ́pɛitɛ́ Enɔki. Kòo maá dihɛì kɛ́ dì yu o birɛ yètìrì kɛ dɔ̀ Enɔki.
99	GEN 4:19	Kɛ̀ Demɛkii puokɛ bɛnitipòbɛ̀ bɛ̀dɛ́bɛ̀, kòo ketiwè yètìrì ntú Ada, kòo dɛ́rì kpɛri ntú Sida.
100	GEN 4:20	Ada weè do pɛitɛ́ Yabaadi bɛ̀ɛ̀ ã titouti, kɛ cɛ̃mmù inààkɛ bɛ yààrì.
102	GEN 4:22	Kɛ̀ Sida yie múnkɛɛ pɛitɛ́ dɛnitidabirɛ, Tubaadi-Kayɛ̃ɛ̃, kòo mmáátí tinɛntì tibotí tibotí, mɛnatimɛ̀ kpɛti nɛ̀ mɛbiɛrimɛ nɛ̀ timátì. Kòo tãũ̀ yètìrì ntú Naama.
103	GEN 4:23	Kɛ̀ Demɛkii nákɛ́ o pobɛ̀ kɛ dɔ̀: Ada nɛ̀ Sida, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odapàà nni mpotɛ́ kɛ̀ dɛ̀ màtìnnɛ kɛ̀ nh ò kùɔ.
105	GEN 4:25	Kɛ̀ Adammuu duɔ́nɛ̀ o pokù kòo púó nkɛ́pɛitɛ́ dɛnitidabirɛ, kòo dɛ̀ yu kɛ dɔ̀ Sɛti, dɛ̀ɛ̀ tu Kuyie nhò duɔ́ ndɛbirɛ kɛ̀ dɛ̀ còḿmú Abɛɛdi fɔ̃̀tìrì Kayɛ̃ɛ̃ do kùɔ wè.
110	GEN 5:4	Adammu pɛitɛ́ dìì mɔ̀nnì Sɛti kɛ́deè, kɛ́nfòù kɛ́tuɔkɛ yɛbie nsikɔusìnì (800), kɛ́piɛ́ initidabí nɛ̀ initipobí.
113	GEN 5:7	Ò pɛitɛ́ dìì mɔ̀nnì Enɔsi kɛ́deè kɛ́mmɔkɛ yɛbie nsikɔusìni nɛ̀ yɛ̀yiekɛ̀ (807), kɛ́piɛ́ initidabí nɛ̀ initipobí pɛ́u.
122	GEN 5:16	Ò pɛitɛ́ Yederi kɛ́deè, kɛ́mmɔkɛ yɛbie nsikɔusìni nɛ̀ sipísìtããti (830), kɛ́wɛ̃tɛ kɛ́piɛ́ initidabí nɛ̀ initipobí pɛ́u.
125	GEN 5:19	Ò pɛitɛ́ Enɔki kɛ́deè kɛ́yíɛ́ kɛ́mɔɔtɛ yɛbie nsikɔusìni (800), yɛ miɛkɛ nkɛ ò piɛ́mɛ̀ initidabí nɛ̀ initipobí pɛ́u.
128	GEN 5:22	Ò pɛitɛ́ Matusadɛmmu kɛ́deè, kɛ́mmɔkɛ yɛbie nsikɔusìtããti (300), kɛ́ntaunɛ̀ Kuyie, kɛ́piɛ́ initidabí nɛ̀ initipobí pɛ́u.
132	GEN 5:26	Ò pɛitɛ́ Demɛki kɛ́deè kɛ́mmɔkɛ yɛbie nsikɔusìyiekɛ̀ nɛ̀ sipísìni nɛ̀ yɛ̀dɛ́ɛ̀ (782), kɛ́piɛ́ initidabí nɛ̀ initipobí pɛ́u.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
136	GEN 5:30	Ò pɛitɛ́ Nɔwee kɛ́deè, kɛ́wɛ̃tɛ kɛ́mɔɔtɛ yɛbie nsikɔusìnùmmù nɛ̀ sipísìwɛi nɛ̀ yɛ̀nùmmù (595), kɛ́piɛ́ initidabí nɛ̀ initipobí pɛ́u.
138	GEN 5:32	Nɔwee do yóó mɔɔtɛ initidabí ìtããti ìì yètɛ̀ tu Sɛmmu nɛ̀ Kammu nɛ̀ Safɛti kɛ mɔkɛ yɛbie nsikɔusìnùmmù (500) ndi.
142	GEN 6:4	Tidadiɛtì tiì do bo dɛ mɔ̀nnì kɛ́nsɔkɛ́ kɛ bo. Kɛĩ́nkɛ̀ kó bɛkperíbɛ̀ do kɔ̀tɛní kɛ́duɔ́nɛ̀ bɛsapàmbɛ̀ kɛ̀ bɛ̀ɛ piɛ́ tìnti, tiì do nɔ ndɛmɔu kɛ̀ ti yètɛ̀ feí.
145	GEN 6:7	Kɛ̀ ti Yiɛ̀ nKuyie ndɔ̀: M bo kuɔ bɛnìtìbɛ̀ n dɔ̀ɔ̀ bɛ̀, kɛ́kuɔ iwũɔ̃ diɛyì nɛ̀ isám̀pɔ́ì nɛ̀ sinɔɔ, n dèmmumu n dɛ̀ dɔ̀ɔ̀mɛ̀.
152	GEN 6:14	Á dɔɔ̀ tɛdabɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́waá mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
154	GEN 6:16	Á tɛ̀ dɔ̀ɔ̀ kɛ́pĩ́ĩ́ ntipĩ́mpĩ́ntì nɛ̀ kumarí dɛ cuokɛ̀, kɛ̀ mɛfíè nní nfeí kɛ mànnɛ̀ mɛ́tìrì kó dikéè. Kàa keutɛ́ dibòrì tɛ píkù, kɛ́ãnnɛ́ timùmmùntì tìtããti.
164	GEN 7:4	Yɛwe yɛ̀yiekɛ̀ kó difɔ̃nkúò n yóó cṹũnko fɛtaafɛ̀ nfɛ kɛ̀ fɛ̀ nniu kɛ dɔ̀ yɛwe sipísìnàà nɛ̀ dɛyènnɛ̀ sipísìnàà, kɛ́kuɔ n dɔ̀ɔ̀ dɛ̀ɛ̀ kó dimàà kɛtenkɛ̀ ĩ́nkɛ̀.
171	GEN 7:11	Nɔwee do mɔkɛ yɛbie nsikɔusìkuɔ̀ (600) ndi, dibenni kóo tã̀nkù dɛ́ríwè diyiè tɛpíítɛ̀ nɛ̀ diyiénnì, kɛ̀ yɛbirɛ ntɔ̃nní mɛniɛ nkɛ̀ iwɛtiborii kpetɛ́.
172	GEN 7:12	Kɛ̀ fɛtaafɛ̀ nniu kɛ dɔ̀ iyie nsipísìnàà dɛyènnɛ̀ sipísìnàà.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
189	GEN 8:5	Kɛ̀ mɛniɛ nní nkpaá yaari kɛ́tuɔkɛ otã̀nkù píínwè diyiè ketirì yiè, kɛ̀ yɛtãrɛ̀ yómmɛ̀ɛ feitɛ́.
190	GEN 8:6	Diyiè sipísìnàà yiè kɛ̀ Nɔwee kpetɛ́ tɛbòtɛ̀ ò do ãnnɛ́ tɛ̀,
191	GEN 8:7	kɛ́dennɛ dikãkãã̀ kɛ̀ dìì kɔtɛ kɛ́wɛ̃tɛní. Kòo nkpaá kémmú mɛniɛ mbo deèmɛ̀.
194	GEN 8:10	kɛ́yóu kɛ̀ dɛ̀ mmɔkɛ yɛwe yɛ̀yiekɛ̀ kòo wɛ̃tɛ kɛ́ tɛ̀ dènnɛ.
196	GEN 8:12	kɛ́yóu kɛ̀ dɛ̀ mmɔkɛ yɛwe yɛ̀yiekɛ̀ kòo wɛ̃tɛ kɛ́ tɛ̀ dènnɛ, bá tɛ̀ í nwɛ̃̀tɛní.
197	GEN 8:13	Dibenni pànnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmáà (601) kɛ̀ mɛniɛ nkṹṹ, kòo dátɛ́ tipĩ́mpĩ́ntì kɛ́yà mɛ̀ kũ̀ṹmɛ̀.
198	GEN 8:14	Dibenni pànnì kóo tã̀nkù dɛ́ríwè, diyiè sipísìdɛ́ nɛ̀ diyiénnì kɛ̀ kɛtenkɛ̀ɛ kpeí paíí.
205	GEN 8:21	Kɛ̀ ti Yiɛ̀ nKuyie nkeè dɛ kó kufɔ̃ɔ̃ku kɛ̀ dɛ̀ɛ kù narikɛ kɛ̀ kù dɔ̀: N tɛ̃́nkɛ í yóó cɔ̃ɔ̃ kɛtenkɛ̀, kɛ yɛ̃́ onìtì yɛ̀mmɛ̀ í wennimɛ̀ nɛ̀ ò bomɛ̀. N tɛ̃́nkɛ báá kuɔ dɛ̀ɛ̀ kó dimàà weí m mɛ ndɔ̀ɔ̀ mɛ̀ɛ̀ botí.
206	GEN 8:22	Nɛ̀ kɛtenkɛ̀ bo mbomɛ̀, mubɔtimù nɛ̀ mudidɛ̀ì, muséé nnɛ̀ kuyiìnkù, dipaà nɛ̀ diyɔ̃ɔ̃̀, kuyie nnɛ̀ kɛyènkɛ̀, dɛ̀ yó mbomu sã́ã̀.
212	GEN 9:6	Wèè kùɔ onìtì, onìtì weè múnkɛ yóó ò kùɔ. Kɛ yɛ̃́ n dɔ̀ɔ̀mɛ̀ onìtì kɛ dònnɛnɛ̀ m máà ndi.
220	GEN 9:14	kɛ̀ fɛtaafɛ̀ níí kpèri kùu yɛ̀nní,
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
226	GEN 9:20	Nɔwee weè tu otenkútì ketiwè weè fìíkú dɛtie mbɛ̀ tu dɛ̀ fínyĩ̀,
230	GEN 9:24	Nɔwee naà nyɛ̀ dìì mɔ̀nnì kòo keè o bíyããtɛ̀ dɔ̀ɔ̀ dɛ̀,
234	GEN 9:28	Mɛniɛ nkùɔ dìì mɔ̀nnì bɛnìtìbɛ̀ kɛ́deè, kɛ̀ Nɔwee mmɔkɛ yɛbie nsikɔusìtããti nɛ̀ sipísìnùmmù (350) ndi,
236	GEN 10:1	Ntɛ Nɔwee bí, Sɛmmu nɛ̀ Kammu nɛ̀ Safɛti kó kufuku mɛniɛ ndo kùɔ bɛnìtìbɛ̀ kɛ́deè, kɛ̀ bɛ̀ɛ piɛ́mu ibí.
243	GEN 10:8	Kuusi weè do wɛ̃̀tɛ kɛ́pɛitɛ́ Nɛmmudoti wèè do naá nhokpàrì ketiwè kɛtenkɛ̀ ĩ́nkɛ̀.
244	GEN 10:9	Nɛmmudoti do tú opaawaà ndiɛwè nwe kɛ̀ ti Yiɛ̀ nKuyie nwùó. Dɛɛ̀ te kɛ̀ bɛ̀ ɔ̃ɔ̃ yĩ́ ti Yiɛ̀ nKuyie nda teennɛ̀ kàa ntú opaawaà ndiɛwè Nɛmmudoti do dòmmɛ̀.
256	GEN 10:21	Kɛ̀ Safɛti kóo kótì Sɛmmu múnkɛɛ mɔɔtɛ ibí, weè tu Ebɛɛ kóo yààrì.
260	GEN 10:25	Kɛ̀ Eebɛɛ mmɔkɛ ibí ìdɛ́ì, kɛ̀ dɛketirɛ̀ yètìrì ntú Pedɛki (dɛ̀ɛ̀ tu mɛyatimɛ̀). Dɛ kó dimɔ̀nnì ndi ibotí do yàtɛmɛ̀, kòo nantɛ̀ yètìrì ntú Yokitãã.
265	GEN 10:30	Bɛ̀ do bo Mɛsa ɛì ndi kɛ́ntɔ kɛ́tuɔkɛnɛ̀ Sefaadi tãrì, diyiè yìɛ̀ní kɛ̀ɛ̀ bíɛ́kɛ̀.
267	GEN 10:32	Nɔwee bí kó iwuɔ nyi mɛmmɛ, bɛ̀ ì cã̀ńnɛ́mɛ̀ ibotí ibotí. Mɛniɛ ndo kùɔ bɛnìtìbɛ̀ kɛ́deè kɛ̀ bɛɛ̀ piɛ́ ibotí imɔu ìì bo kutenkù miɛkɛ.
269	GEN 11:2	Kɛ̀ bɛ̀ɛ kɔtɛ diyiè yìɛ̀ní kɛ̀ɛ̀ bíɛ́kɛ̀ kɛ́yà kubiriku makù, dihɛì bɛ̀ tu dì Sindeaa kɛ bo maá,
271	GEN 11:4	Kɛ̀ tí maá dihɛì, kɛ́maá didènnì kɛ̀ dìi káákɛ́ tiwɛtì, kɛ̀ ti yètìrìi feitɛ́, kɛ̀ ti báá cíɛ́tɛ́ kɛtenkɛ̀ kɛmɔu.