33	GEN 2:2	Kuyie mpĩ́ nku tɔ̃mmú mumɔu yɛwe yɛ̀kuɔ̀ ndi, kɛ́om̀pɛ̀ diyiè yiénnì yiè.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omáà, m bo ò dɔ̀ɔ̀ wèè yó nhò dònnɛ̀ koò teénnɛ̀.
51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
61	GEN 3:5	Kuyie nyɛ̃́mu kɛ tú kɛ̀ di yɛ̀ di dìì yiè, di nuɔ ḿbo wéntɛ́, kɛ̀ di kù naánnɛ̀ kɛ́yĩ́ɛ̃́tɛ́ mɛsàà ǹnɛ̀ mɛyɛi.
62	GEN 3:6	Kòo nitipòkùu wéntɛ́ kɛ́yà yɛtebɛ bo nnaatimɛ̀, kɛ wenni fɛnɔ̀nfɛ̀, kɛ bo na kóò duɔ́ mmɛciì, kɛ́tɔ̃tɛ, kɛ́di kɛ́duɔ́ nho dɔù wèè ò bonɛ̀, kòo di.
63	GEN 3:7	Kɛ̀ bɛ nuɔ nwéntɛ́, kɛ̀ bɛ̀ɛ bantɛ́ bɛ̀ bomɛ̀ yɛfɔ̃̀kperɛ̀, kɛ́waá ntifãã̀tì kɛ́yi.
71	GEN 3:15	Nɛ̀ a bo mbomɛ̀, fɔ̃́ nnɛ̀ onitipòkù di báá narikɛ, o fuku nɛ̀ a kɔku dɛ̀ báá narikɛ. O fuku bo pɔntɛ a yuu, kàa kɔkuu dɔntɛ́ o nacɛ̀nkénnì.
89	GEN 4:9	Kɛ̀ ti Yiɛ̀ nKuyie mbekɛ Kayɛ̃ɛ̃ kɛ dɔ̀: Yé a nantɛ̀ Abɛɛdi borɛ̀? Kɛ̀ Kayɛ̃ɛ̃ dɔ̀: N yí yɛ̃́ tɛ̀ borɛ̀, n túmu n nantɛ̀ kóo bàràà?
103	GEN 4:23	Kɛ̀ Demɛkii nákɛ́ o pobɛ̀ kɛ dɔ̀: Ada nɛ̀ Sida, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odapàà nni mpotɛ́ kɛ̀ dɛ̀ màtìnnɛ kɛ̀ nh ò kùɔ.
150	GEN 6:12	Kɛ̀ kùu wéntɛ́ kutenkù kɛ́nsɔ̃́ nkù cààrɛ̀, kɛ̀ bɛnìtìbɛ̀ bɛmɔu dɔ̀ri bá bɛ borimɛ í wenni.
152	GEN 6:14	Á dɔɔ̀ tɛdabɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́waá mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
154	GEN 6:16	Á tɛ̀ dɔ̀ɔ̀ kɛ́pĩ́ĩ́ ntipĩ́mpĩ́ntì nɛ̀ kumarí dɛ cuokɛ̀, kɛ̀ mɛfíè nní nfeí kɛ mànnɛ̀ mɛ́tìrì kó dikéè. Kàa keutɛ́ dibòrì tɛ píkù, kɛ́ãnnɛ́ timùmmùntì tìtããti.
171	GEN 7:11	Nɔwee do mɔkɛ yɛbie nsikɔusìkuɔ̀ (600) ndi, dibenni kóo tã̀nkù dɛ́ríwè diyiè tɛpíítɛ̀ nɛ̀ diyiénnì, kɛ̀ yɛbirɛ ntɔ̃nní mɛniɛ nkɛ̀ iwɛtiborii kpetɛ́.
180	GEN 7:20	kɛ́dátínnɛ́ yɛtãrɛ̀ yɛ̀ɛ̀ dɔ̀kɛ dɛu mɛdiɛ̀, kɛ́séntɛ́ kɛ̀ dɛ̀ɛ pɛ̃ɛ̃tɛ́ mɛ́tìrì bɛ̀yiekɛ̀.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
191	GEN 8:7	kɛ́dennɛ dikãkãã̀ kɛ̀ dìì kɔtɛ kɛ́wɛ̃tɛní. Kòo nkpaá kémmú mɛniɛ mbo deèmɛ̀.
198	GEN 8:14	Dibenni pànnì kóo tã̀nkù dɛ́ríwè, diyiè sipísìdɛ́ nɛ̀ diyiénnì kɛ̀ kɛtenkɛ̀ɛ kpeí paíí.
204	GEN 8:20	Kɛ̀ Nɔwee maá diwũɔ̃tɔ̀nnì ti Yiɛ̀ nKuyie nkpɛ́í, kɛ́túótɛ́ iwũɔ̃ nɛ̀ sinɔɔ bɛ̀ feu dɛ̀ ti Yiɛ̀ nKuyie ndɛ̀marɛ̀ marɛ̀, kɛ́ dɛ̀ fìé ti Yiɛ̀ nKuyie ndiwũɔ̃tɔ̀nnì ĩ́nkɛ̀ kɛ́tuɔ.
206	GEN 8:22	Nɛ̀ kɛtenkɛ̀ bo mbomɛ̀, mubɔtimù nɛ̀ mudidɛ̀ì, muséé nnɛ̀ kuyiìnkù, dipaà nɛ̀ diyɔ̃ɔ̃̀, kuyie nnɛ̀ kɛyènkɛ̀, dɛ̀ yó mbomu sã́ã̀.
208	GEN 9:2	Tiwanwantì timɔu: Iwũɔ̃ nɛ̀ sinɔɔ nɛ̀ siyĩĩ, dɛbambaànnɛ̀ dɛmɔu dɛ̀ bo ndi dé, kɛ̀ dí ndɛ̀ bakɛ́.
229	GEN 9:23	Kɛ̀ Sɛmmu nɛ̀ Safɛti kɛ̀ bɛ̀ɛ buutɛ́ kuyààkù kɛ́nkérí bɛ fɔ̃nkúò kɛ́tuɔkɛ kóò dàtínnɛ́, bá bɛ̀ í nyà bɛ cicɛ fũ̀ɔ̃̀.
304	GEN 12:5	Kòo yie nkɛ́ítɛ́ kɛ́nnɛínɛ̀ o pokù Saraii nɛ̀ o nantɛ̀ birɛ Dɔti kɛ́ntɔ o kpɛrɛ dɛmɔu nɛ̀ o daatì ò do dontɛ́ tì Anaa ɛì, kɛ́kétɛ́ kɛ́cuó nKannahãã bíɛ́kɛ̀, kɛ́tuɔkɛ Kannahãã.
328	GEN 13:9	Á wéntɛ́ kɛ́dɛitɛ a dɔ́ kùù píkù kɛ̀ tí yatɛ. Kàa kɔ̀tɛ kubakù yoú n kɔtɛ kucã̀nku. Kàa mɛ nkɔ̀tɛ kucã̀nku ń kɔtɛ kuyoú.
329	GEN 13:10	Kɛ̀ Dɔtii wéntɛ́ kɛ́yà Suditɛ̃ɛ̃ kó kɛtenkɛ̀ kɛ̀ kɛ̀ boo bàmmùù kɛ́tuɔkɛnɛ̀ Soaa ɛì. Ti Yiɛ̀ nKuyie mu ndo í cɔ́u ndìì mɔ̀nnì Sodɔmmu ɛì nɛ̀ Komɔɔ ɛì kɛ̀ dɛ kó kɛtenkɛ̀ nɛ̀ Soaa ɛì kɛ̀ dɛ̀ boomu, kɛ wenni kɛ dò nti Yiɛ̀ nKuyie ndo dɔ̀ɔ̀ kùù púú, kɛ naati kɛ dònnɛ̀ Esibiti kó kɛtenkɛ̀.
333	GEN 13:14	Dɔti nɛ̀ Abarammu bɛ̀ yàtɛ dìì mɔ̀nnì, kɛ̀ ti Yiɛ̀ nKuyie nnákɛ́ Abarammu kɛ dɔ̀: Wéntɛ́ a cómmú dɛ̀, kɛ́wéntɛ́ diyiè yìɛ̀ní kɛ̀ɛ̀ bíɛ́kɛ̀, kɛ́wéntɛ́ a bakù yoú nɛ̀ kucã̀nku.
371	GEN 15:10	Kɛ̀ Abarammu waanní iwũɔ̃ inyi, kɛ́kékɛ́ i cuokɛ̀, kɛ́ ì dɔú nkɛ́cuó nyitɔbɛ̀, ò mɛ nyí nkèkɛ́ sinɔ́nkpeé.
391	GEN 16:9	Kɛ̀ ti Yiɛ̀ nKuyie ntɔ̃nnìi ò nàkɛ́ kɛ dɔ̀: Wɛ̃tɛ o borɛ̀ kɛ́nyíé nhò yɛ̃ mmù.
432	GEN 18:7	Dɛ kó difɔ̃nkúò kɛ̀ Abarahammuu cokɛ́ kɛ́pĩ́nní dinaadabii dìì wenni, kɛ ã mɛkùɔ̀ nkɛ́duɔ́ nho kóo n tɔ̃ntì mɔù kòo dì kùɔ kɛ́bénnɛ́ mɛcãã.
444	GEN 18:19	N we ntããtɛ́ kɛ bo duɔ́ nkòo bí nɛ̀ o yaàbí kɛ̀ bɛ̀ nyíé n kuɔ́, kɛ̀ i borimɛ ńwenni kɛ̀ ì dɔ̀ɔ̀ri n dɔ́mɛ̀, kɛ̀ dɛ̀ɛ yie nkɛ̀ nh ò dɔ̀ɔ̀ mɛsàà n yɛ̃ n yóó ò dɔ̀ɔ̀ mɛ̀.
446	GEN 18:21	M bo kɔtɛ kɛ́síékɛ́, kɛ̀ bɛ̀ mɛ̀nkɛ caarimu n yà.
447	GEN 18:22	Kɛ̀ bɛ̀dɛ́bɛ̀ɛ kétɛ́ kɛ́nkɔri Sodɔmmu bíɛ́kɛ̀ kɛ̀ ti Yiɛ̀ nKuyie nní nkpaánɛ̀ Abarahammu.
460	GEN 19:2	Kɛ dɔ̀: N di báámmu kɛ tú dí kɔtɛ n cĩ́ɛ̃̀tɛ̀ kɛ́ɔ́ú di naàcɛ̀i, kɛ́yié nkɛ̀ dɛ̀ɛ wentɛ́ kɛ̀ dí pɛ̃ɛ̃tɛ́. Kɛ̀ yɛ̀ dɔ̀: Áà, ti bo yiénko tikãtitouti.
463	GEN 19:5	kɛ́bekɛ Dɔti kɛ dɔ̀: Yé bɛnìtìbɛ̀ bɛ̀ɛ̀ bàtɛ́ a cĩ́ɛ̃̀tɛ̀ kuyuoku? Dennɛní bɛ kɛ̀ tí bɛ̀ duɔ́nɛ̀.
477	GEN 19:19	A n dɔ̀ɔ̀mu mɛsàà, kɛ n kuɔ́ mmɛsémmɛ̀ kɛ n dɛɛtɛ́. N yí yóó na kɛ́cokɛ́ kɛ́tuɔkɛ di ntãrì kɛ̀ mɛyɛi nkpaaní, n yó nkpaá cokù kɛ̀ mɛ̀ n nìntɛmu kɛ́ n kuɔ.
486	GEN 19:28	kɛ́wéntɛ́ Sodɔmmu nɛ̀ Komɔɔ nɛ̀ yɛhɛkɛ̀ yɛ̀ɛ̀ dɛ̀ tɔ̀kɛ́ kɛ́yà kuyukú kɛ̀ kù yìɛ̀ kɛ dò nfɛhããtofɛ kɔku.
507	GEN 20:11	Kɛ̀ Abarahammu dɔ̀: N yɛ̀mmɛ̀ do dò ndi nhɛì kɔbɛ í dému Kuyie nkɛ yó n kuɔ m pokù kpɛ́í.
511	GEN 20:15	Kóò nàkɛ́ kɛ dɔ̀: Ntɛ dihɛì dimɔu, wéntɛ́ a dɔ́ kɛ̀ɛ̀ bíɛ́kɛ̀ kɛ́maá.
550	GEN 22:2	Kɛ̀ kù dɔ̀: Túótɛ́ a birɛ Isaki dɛ̀ɛ̀ bo dɛmáà, kàa dɛ̀ dɔ́, kɛ́kɔtɛnɛ̀ Mɔdiyaa kó dihɛì, ditãrì n yóó da bɛnkɛ dì ĩ́nkɛ̀ kɛ́ dɛ̀ nni féútɛ́ kɛ́tuɔ.
551	GEN 22:3	Kɛ̀ dɛ̀ɛ wentɛ́, dikṹnweńnì sɛ̀ì, kɛ̀ Abarahammuu ítɛ́ kɛ́yarí idɛí, kɛ́ãnnɛ́ sãmmarímú tinɛntì, kɛ́túótɛ́ o tɔ̃mbɛ̀ bɛ̀dɛ́bɛ̀ nɛ̀ o birɛ Isaki, kɛ̀ bɛ̀ɛ kétɛ́ kɛ́nkɔri Kuyie nhò bɛnkɛ dɛ̀.
552	GEN 22:4	Diyiè tãã́nnì yiè, kòo wéntɛ́ mɛdɛ́timɛ̀ kɛ́yà ditãrì bɛ̀ kɔ̀ri dì,
554	GEN 22:6	Kòo toú nho birɛ Isaki idɛí kɛ́ntɔ muhãã́ nnɛ̀ disiè, kɛ̀ bɛ̀ nkérí bɛdɛ́.
555	GEN 22:7	Kɛ̀ Isakii yú o cicɛ kɛ dɔ̀: N cicɛ! Kòò dɔ̀: Ntɛ mí. Kɛ̀ Isaki dɔ̀: Ti tɔ muhãã́ nnɛ̀ idɛí, yé fɛpìèfɛ̀ ti yóó kuɔ fɛ̀?
556	GEN 22:8	Kɛ̀ Abarahammu dɔ̀: M birɛ Kuyie nkuù yóó ti duɔ́ nfɛpìèfɛ̀. Mɛm̀mɛ kɛ̀ bɛ nnɛí, kɛ kérí bɛdɛ́.
560	GEN 22:12	Kɛ̀ dì dɔ̀: Kuyie ntu, a báá dɔɔ̀ dɛbirɛ mɛyɛi mmamɛ̀, kù bantɛ́mu di mmɔ̀nnì a kù démɛ̀ kɛ í kù yetɛnɛ̀ a birɛ dɛ̀ɛ̀ bo dɛmáà.
561	GEN 22:13	Kɛ̀ Abarahammuu wéntɛ́ kɛ́yà dipedaà, kɛ̀ dì còḿmú kɛ̀ di yìè nsàkɛ difãpèù, kòo dì dɛ̀tɛ kɛ́kuɔ o birɛ Isaki kó difɔ̃̀tìrì,
615	GEN 24:23	kóò bekɛ kɛ dɔ̀: We nkóo sapàà nda tú? N da báámmu mɛfíè mbo mbo a cicɛ cĩ́ɛ̃̀tɛ̀ nɛ̀ n kɔbɛ kɛ̀ tí yiénáà?
619	GEN 24:27	kɛ́bɛ́i nkɛ dɔ̀: Ti Yiɛ̀ nKuyie, n yiɛ̀ nhAbarahammu tũ nkù yètìrì ndɛu, kuù ò kuɔ́ mmɛsémmɛ̀ koò dɔ̀ɔ̀ mɛsàà, kɛ n niitɛ́ kɛ̀ ǹ tùɔ̀kɛní o kɔbɛ borɛ̀.
646	GEN 24:54	Kɛ̀ bɛ̀ɛ di kɛ́yã̀, wenwe nɛ̀ bɛ̀ɛ ò cíe, kɛ́deè kɛ́yié. Kɛ̀ dɛ̀ɛ wentɛ́ dikṹnweńnì kòò dɔ̀: Yóunɛ̀ kɛ̀ n kò n yiɛ̀ mborɛ̀.
655	GEN 24:63	Kuyuoku makù kɛ̀ Isakii yɛ̀ kɛ́ncentì dikpáà, kɛ́wéntɛ́ kɛ́yà yòyóbɛ̀ kɛ̀ bɛ̀ kèríní.
656	GEN 24:64	Kɛ̀ Debekaa wéntɛ́ kɛ́yà Isaki kɛ́cútɛ́ní yòyó ĩ́nkɛ̀,
685	GEN 25:26	Kòo nantɛ̀ nyɛtìní kɛ pĩ́ nho nacɛ̀nkénnì, kɛ̀ bɛ̀ɛ ò yu kɛ dɔ̀ Sakɔbu. Bɛ̀ yóó bɛ̀ pɛitɛ́ kɛ sɔ̃́ nyIsaki mɔ̀kɛ yɛbie nsipísìkuɔ̀ ndi.
698	GEN 26:5	Kɛ yɛ̃́ Abarahammu yíémmɛ̀ n kuɔ́ imɔu nɛ̀ n tannɔ̀ yɛmɔu, nɛ̀ n tié nnɛ̀ nh ò nàkɛ́ tì.
701	GEN 26:8	Kɛ̀ bɛ̀ ḿbo dɛborɛ̀ kɛ́mɔntɛ, kɛ̀ Abimɛdɛki nsíékɛ́ diyiè marì fenɛ́tì, kɛ́yà Isaki kòò kpɛ̀itinɛ̀ o pokù Debekaa.
732	GEN 27:4	kɛ́bénnɛ́ n dɔ́ mùù diì kɛ́kɔtɛnɛ̀ní kɛ̀ ǹ di, kɛ́ da pã mɛsàà nkɛ nɛ́ na kɛ́kú.
735	GEN 27:7	wèe ta dikpáà kóò kùɔní tɛhontɛ̀ kɛ́bénnɛ́ mudiì ò dɔ́ mù, kòo di, kóò pã ti Yiɛ̀ nKuyie nkó mɛsàà nkɛ́na kɛ́kú.
736	GEN 27:8	M birɛ kéntɛ́ kɛ́keè n yóó da nákɛ́ tì kɛ́ tì dɔ̀ɔ̀.
737	GEN 27:9	Kɔtɛ kɛ́pĩ́nní yɛbɔpàà nyɛ̀dɛ́ɛ̀ kɛ̀ m bénnɛ́ a cicɛ dɔ́ mùù diì.
742	GEN 27:14	Kɛ̀ Sakɔbuu kɔtɛ kɛ́pĩ́nní yɛbɔpàà nkɛ́duɔ́ nho yɔ̃, kòo bénnɛ́ o cicɛ dɔ́ mùù diì.
759	GEN 27:31	kɛ́bénnɛ́ mudiì kɛ́tɔo kɛ́duɔ́ nho cicɛ kɛ dɔ̀: N cicɛ ítɛ́ kɛ́cáákɛ́ iorimaa n kùɔní ì kɛ́ m pã mɛsàà.
771	GEN 27:43	M birɛ kéntɛ́ n yóó da nákɛ́ tì, kɛ́cokɛ́ kɛ́kɔtɛ n tãũ̀ Damaa ciɛ Anaa ɛì,
785	GEN 28:11	kɛ́mberínɛ̀ dibòrì marì kɛ̀ diyiè ta, kòo waá nditã́rì kɛ́ceé nho yuu kɛ́nduɔ́ dɛborɛ̀,
791	GEN 28:17	Kɛ̀ kufɔ̃waá nhò pĩ nkòò dɔ̀: Dibòrì dii ndò nkɛ́ndému, Kuyie ncĩ́ɛ̃̀tɛ̀ ntɛ, kɛĩ́nkɛ̀ kó dibòrì diì kpetɛ́ diɛ.
802	GEN 29:6	Kòò dɔ̀: Ò bo kɛ̀ dɛ̀ naataà? Kɛ̀ bɛ̀ dɔ̀: Ɛ̃ɛ̃, dɛ̀ naatimu! Ntɛ o kóo sapàà nDasɛɛdi kɛ kéríní nɛ̀ o pecɛ̃nku.
828	GEN 29:32	Kɛ̀ Dea púó nkɛ́pɛitɛ́ dɛnitidabirɛ, kɛ́ dɛ̀ yu kɛ dɔ̀ Dubɛnni, dɛ̀ɛ̀ tu: Ti Yiɛ̀ nKuyie nyà n sémmɛ̀. Kɛ dɔ̀: N dɔù bo n dɔkɛ di mmɔ̀nnì.
858	GEN 30:27	Kɛ̀ Damaa dɔ̀: Kéntɛ́ n dɔ́ kɛ́ da nákɛ́ tì, m bantɛ́mu fɔ̃́ɔ̃̀ temɛ̀ kɛ̀ ti Yiɛ̀ nKuyie nni n dɔ̀ɔ̀ mɛsàà.
873	GEN 30:42	Kɛ̀ icĩ̀rìyì dɔ́ kɛ́dekɛ ò báá mɛ́ú ndɛ kó idɛí. Mɛm̀mɛ kɛ̀ icĩ̀rìyì ntú Damaa kpɛyi kɛ̀ ikpéríyì tu Sakɔbu kpɛyi.
886	GEN 31:12	Kɛ̀ dì dɔ̀: Wéntɛ́ kɛ́yà yɛbɔdakɛ̀ nɛ̀ ipe dɛ̀ɛ̀ dò nyàùyàù dɛɛ̀ dèkùmɛ̀. N yàmu Damaa da dɔɔ̀rimɛ̀.
892	GEN 31:18	kɛ́túótɛ́ o wũɔ̃ nɛ̀ o kpàtì timɔu ò pɛ̀tɛ́ tì Mɛsopotamii, kɛ́kétɛ́ kɛ́nkũnti o cicɛ Isaki borɛ̀ Kannahãã.
895	GEN 31:21	kɛ́túótɛ́ o kpɛrɛ dɛmɔu kɛ́cokɛ́, kɛ́séntɛ́ kukó ndiɛkù Efadati, kɛ́kétɛ́, kɛ́nwetí Kadaadi tãrì.
906	GEN 31:32	Wéntɛ́ n kó bɛnìtìbɛ̀, kàa yà wèè borɛ̀ a bɔkɛ̀ bɛ̀ɛ ò kùɔ. Sakɔbu do í yɛ̃́ kɛ dò nDasɛɛdi weè yɛ̀ tùótɛ́.
913	GEN 31:39	Musĩ̀mmù í pĩ nha ɔ̃̀fɛ̀ mafɛ̀, kɛ̀ n fɛ̀ tɔní kɛ da bɛnkɛ, nh ɔ̃ɔ̃ fɛ̀ yietímu. Kàa m békú bɛ̀ yúúkú ì kuyie nnɛ̀ kɛyènkɛ̀, kɛ̀ ǹ da yietí.
914	GEN 31:40	Kɛ̀ fɛwentaafɛ̀ m potɛ́, kɛ̀ muséé nni m potɛ́ kɛyènkɛ̀, kɛ̀ n níí nyié nkɛ wúó.
916	GEN 31:42	Kɛ̀ Kuyie, n yààrì Abarahammu do tũ nkù, n cicɛ Isaki dé kù do í n teennɛ̀, a na nni m bɛ̀ti n nɔu sinùmmù ndi. Kù mɛ nyàmu n fɛ̃̀ṹtɛ́mɛ̀ a cĩ́ɛ̃̀tɛ̀, kɛ n teennɛ̀ wenkɛ kɛyènkɛ̀.
927	GEN 31:53	Kuyie nhAbarahammu nɛ̀ Naɔɔ bɛ̀ tũ nkù ni nti wúó! Kɛ̀ Sakɔbuu parìkɛ̀ kɛ́yú Kuyie nho cicɛ Isaki dé kù yètìrì,
928	GEN 31:54	kɛ́féútɛ́ fɛɔ̃̀fɛ̀ Kuyie, kɛ́yú o kɔbɛ kɛ̀ bɛ̀ɛ cáákɛ́ kɛ́nyié nditãrì ĩ́nkɛ̀.
942	GEN 32:14	Kɛ̀ Sakɔbuu bátɛ́ dɛborɛ̀ kɛ́yié, kɛ́dɛitɛ ò do mɔkɛ dɛ̀ miɛkɛ ò yóó pã dɛ̀ o kóo kótì Esayuu.
950	GEN 32:22	Kɛ̀ bɛ̀ɛ kétɛ́nɛ̀ yɛpãrɛ̀ kɛ̀ wenwe nkpaá dɛ kó kɛyènkɛ̀ bɛ̀ bàtɛ́ dɛ̀.
951	GEN 32:23	Mɛm̀mɛ kòo ítɛ́ dɛ kó kɛyènkɛ̀ kɛ́túótɛ́ o pobɛ̀ bɛdɛ́ nɛ̀ o nitipotɔ̃mbɛ̀ bɛdɛ́ nɛ̀ o bí tɛpíítɛ̀ nɛ̀ dɛmáà kɛ bo séntɛ́ tipètì-yɛ̀rì, bɛ̀ tu kùù kó nSabɔki.
952	GEN 32:24	Kòo bɛ̀ sée nkukó nkɛ́séennɛ̀ o mɔ̀kɛ dɛ̀ɛ̀ kó dimàà,
953	GEN 32:25	kɛ́ ndɛ̀ kpaá omáà kɛ́nyié nkɛ maùnɛ̀ onìtì mɔù nɛ̀ kukṹnwentóo.
977	GEN 33:16	Dɛ kó diyiè dimáà miɛkɛ kɛ̀ Esayuu kétɛ́ kɛ́nwɛ̃ti Seii.
986	GEN 34:5	Kɛ̀ Sakɔbuu keè Sisɛmmu duɔ́nɛ̀mɛ̀ Dina, kɛ sɔ̃́ nho kó bɛdapàmbɛ̀ bo kupaku kɛ cɛ̃mmú iwũɔ̃. Kòò ndò nyúóó kɛ kémmú bɛ̀ bo konnímɛ̀.
1012	GEN 34:31	Kɛ̀ bɛ̀ dɔ̀: Ti na nyóu kɛ̀ bɛ̀ɛ wéntɛ́ ti tãũ̀ onitipòkù wèè dɔuti dɔutinɛ̀ bɛnitidaabàà?
1014	GEN 35:2	Kɛ̀ Sakɔbuu nákɛ́ o cĩ́ɛ̃̀tɛ̀ kɔbɛ nɛ̀ bɛ̀ɛ̀ do ò bonɛ̀ bɛmɔu kɛ dɔ̀: Bɔntɛ́nko yɛbɔkɛ̀ kɛ́wénkùnnɛ dimáà, kɛ́ceetɛ di yààtì.
1103	GEN 37:19	kɛ́nnáá mbɛtɔbɛ̀ kɛ tú: Ntɛnɛ̀ tidɔuǹtì yiɛ̀ nkɛ kéríní.
1113	GEN 37:29	Kɛ̀ Dubɛnni wɛ̃tɛní kɛ́síékɛ́ tɛbintɛ kɛ́nsɔ̃́ nSosɛfu í dɛ̀ kpaá.
1116	GEN 37:32	kɛ́ di duɔ́nko bɛ cicɛ kɛ dɔ̀: Ntɛ ti yà dìì yaàbòrì, wéntɛ́ kɛ́yà a birɛ kpɛri bá nni ndi.
1136	GEN 38:16	Sudaa í nyɛ̃́ kɛ dò nho cɔ̀kù nwe, kɛ́kétóo o borɛ̀ kɛ dɔ̀: Yóu kɛ̀ n da duɔ́nɛ̀. Kòò dɔ̀: Kàa ǹ duɔ́nɛ̀ a bo n duɔ́ mba?
1141	GEN 38:21	kɛ́bekɛ dɛborɛ̀ kɔbɛ kɛ dɔ̀: Yé onitipòkù wèè dɔuti dɔutinɛ̀ bɛnitidaabɛ̀, kɛ ɔ̃ nkarì diɛ? Kɛ̀ bɛ̀ dɔ̀: Onitipòkù mɔù í buotɛ́ diɛ ndiyiè marì kɛ dɔuti dɔutinɛ̀ bɛnitidaabɛ̀.
1153	GEN 39:3	Kòo yiɛ̀ Potifaa yà ti Yiɛ̀ nKuyie nhò bonɛ̀mɛ̀ kòò dɔ̀ɔ̀ri dɛ̀ dɛmɔu yíé,
1155	GEN 39:5	Nɛ̀ Sosɛfu kpɛ́í nkɛ̀ ti Yiɛ̀ nKuyie ndɔ̀ɔ̀ Potifaa mɛsàà, kòò kpɛrɛ dɛmɔu nɛ̀ o paa nkɛ̀ dɛ̀ nyíé.