1	GEN 1:1	Kuyie nyóó dɔɔ̀ kutenkù kɛ́dɔɔ̀ tiwɛtì nti nɛ̀ kɛtenkɛ̀.
21	GEN 1:21	Kɛ̀ kùù dɔɔ̀ siyĩĩ diɛsì nɛ̀ dɛ̀ɛ̀ kó dimàà fòù mɛniɛ mmiɛkɛ, dɛbotí dɛbotí nɛ̀ sinɔɔ sibotí sibotí. Kɛ̀ kùu dɛ̀ pɛ́nsìrì,
29	GEN 1:29	Kɛ̀ Kuyie ndɔ̀: N di duɔ́mmu timútì timɔu tìì pɛí nɛ̀ dɛtie ndɛmɔu dɛ̀ɛ̀ pɛí, kɛ̀ dɛ̀ bo ntú di kó mudiì.
30	GEN 1:30	N duɔ́mmu timútì nɛ̀ titieti kɛ̀ tì bo ntú iwũɔ̃ imɔu nɛ̀ tinɔ̀tì timɔu, nɛ̀ dɛbambaànnɛ̀ dɛmɔu dɛ kó mudiì. Kɛ̀ dɛ̀ɛ dɔɔ̀ kù yɛ̃mmɛ̀.
32	GEN 2:1	Mɛm̀mɛ kɛĩ́nkɛ̀ nɛ̀ kɛtenkɛ̀ dɛ̀ dɔ̀ɔ̀mɛ̀ nɛ̀ dɛ̀ɛ̀ kó dimàà bo.
35	GEN 2:4	Miɛ m̀botí nku Kuyie ndɔ̀ɔ̀mɛ̀ kɛĩ́nkɛ̀ nɛ̀ kɛtenkɛ̀, nɛ̀ dɛ̀ɛ̀ kó dimàà bo. Ti Yiɛ̀ nKuyie ndɔ̀ɔ̀ dìì mɔ̀nnì kɛtenkɛ̀ nɛ̀ kɛĩ́nkɛ̀,
40	GEN 2:9	Kɛ̀ ti Yiɛ̀ nKuyie nduɔ́ nkɛ̀ dɛtesààrɛ̀ dɛbotí dɛbotíi yɛ̀nní, kɛ́mpɛí yɛbɛ kɛ̀ yɛ̀ wenni kɛ naati. Kɛ̀ kùu soó nkupúú cuokɛ̀ mutie mùù duɔ̀ mmufòmmu nɛ̀ mùù yĩ́ɛ̃́kùnko mɛsàà ǹnɛ̀ mɛyɛi.
41	GEN 2:10	Kɛ̀ kukó ndiɛkù nyiɛ̀ní Edɛnni kɛ yɔ́ɔ́rì dɛ kó kupúú kɛ́totɛ́ kucɛ mɛ̀nàà.
42	GEN 2:11	Kuketikù yètìrì tu Pisɔ̃ɔ̃ kɛ̀ kù fitɛ́ dihɛì bɛ̀ tu dì Afidaa. Kɛ̀ mɛsɔɔ mbo dɛ kó dihɛì miɛkɛ,
46	GEN 2:15	Kɛ̀ ti Yiɛ̀ nKuyie nkannɛ onìtì dɛ kó kupúú miɛkɛ kòò bo nkù kuuti kɛ kù bàa.
47	GEN 2:16	Kɛ̀ ti Yiɛ̀ nKuyie nhò nàkɛ́ yɛtannɔ̀ kɛ dɔ̀: A bo na kɛ́nyo ndɛtie ndɛmɔu dɛ̀ɛ̀ bo kupúú dɛ kó yɛbɛ.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omáà, m bo ò dɔ̀ɔ̀ wèè yó nhò dònnɛ̀ koò teénnɛ̀.
50	GEN 2:19	Kɛ̀ ti Yiɛ̀ nKuyie ntúótɛ́ mutã́ã́ nkɛ́dɔɔ̀nɛ̀ iwũɔ̃ imɔu, nɛ̀ tinɔ̀tì timɔu kɛ́duɔ́ nkɛ̀ dɛ̀ nkɔrìní onìtì borɛ̀, kɛ̀ kù bo yà ò yóó dɛ̀ yu yɛ̀ɛ̀ yètɛ̀. Bá dɛ̀, dɛ̀ do dò nkɛ́mmɔkɛmu diyètìrì.
52	GEN 2:21	Kɛ̀ ti Yiɛ̀ nKuyie nduɔ́ nkòo yɛ̃̀ nkɛ́duɔ́, kɛ̀ kùu dɛitɛ kucĩntóo kùmáà kɛ́wɛ̃tɛ kɛ́pɔ̃nnɛ́ tikɔ̃̀ntì,
53	GEN 2:22	kɛ́túótɛ́ dɛ kó kucĩntóo kɛ́dɔɔ̀nɛ̀ onitipòkù kóò duɔ́ nhonitidɔ̀ù.
54	GEN 2:23	Kòo ò yà kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
55	GEN 2:24	Dɛɛ̀ te kòo nitidɔ̀ù bo yóu o cicɛ nɛ̀ o yɔ̃, kɛ́taunnɛ̀ o pokù kɛ̀ bɛ̀ɛ naá nhonìtì omáà.
57	GEN 3:1	Fɛwààfɛ̀ fɛɛ̀ do ciìnɛ̀ tiwanwantì timɔu ti Yiɛ̀ nKuyie ndɔ̀ɔ̀ tì. Kɛ̀ fɛ̀ɛ bekɛ onitipòkù kɛ dɔ̀: Mɔ́mmuɔ nwe Kuyie nyɛ̃mmɛ̀ di bá nyo nkupúú kó yɛtebɛ yɛmɔuà?
58	GEN 3:2	Kòo nitipòkùu fɛ̀ tɛ̃̀ńnɛ́ kɛ dɔ̀: Ti yommu kupúú kó yɛtebɛ.
59	GEN 3:3	Mutie mùù nɛ́ bo kupúú cuokɛ̀, Kuyie ntú ti báá di mu kó yɛtebɛ, ti ketɛ́ kɛ báá yɛ̀ kàákɛ́. Kɛ̀ ti yɛ̀ di ti bo kú.
60	GEN 3:4	Kɛ̀ fɛwààfɛ̀ dɔ̀: Di í yóó kú bìtì.
62	GEN 3:6	Kòo nitipòkùu wéntɛ́ kɛ́yà yɛtebɛ bo nnaatimɛ̀, kɛ wenni fɛnɔ̀nfɛ̀, kɛ bo na kóò duɔ́ mmɛciì, kɛ́tɔ̃tɛ, kɛ́di kɛ́duɔ́ nho dɔù wèè ò bonɛ̀, kòo di.
68	GEN 3:12	Kòo nitidɔ̀ù dɔ̀: Onitipòkù a mɛ nni nduɔ́ nwè kɛ̀ ti bo, weè ǹ duɔ́ ndɛ kó ditebii kɛ̀ ǹ di.
75	GEN 3:19	A níí yóó kã́tɛ́ mɛyɔ̃́ɔ̃̀ mmɛ kɛ́na kɛ́pɛ́tɛ́ kɛ́di, kɛ yàa wɛ̃tɛnɛ̀ mutã́ã́ mmiɛkɛ n da dɔ̀ɔ̀nɛ̀ mù. N da dɔ̀ɔ̀nɛ̀ mutã́ã́ mmu kàa yóó wɛ̃tɛ kɛ́naá mmutã́ã́.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbàrìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbaa mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhãã́.
81	GEN 4:1	Kɛ̀ Adammuu duɔ́nɛ̀ o pokù Ɛfu, kòo púó nkɛ́pɛitɛ́ dɛnitidabirɛ kɛ́ dɛ̀ yu kɛ dɔ̀ Kayɛ̃ɛ̃, kɛ dɔ̀: Ti Yiɛ̀ nKuyie nkuù te kɛ̀ m̀ pɛitɛ́ onìtì.
84	GEN 4:4	Kɛ̀ Abɛɛdi yie tɔní o pedakɛ̀ yɛketiyɛ̀ kó dìmarì, dìì ã mɛkùɔ̀ nkɛ́pã ti Yiɛ̀ nKuyie. Kɛ̀ kùu ò pɛ́nsìrì kɛ́cɔutɛ́ o pãnnì,
87	GEN 4:7	Kàa dɔ̀ɔ̀ mɛsàà nha yɛ̀mmɛ̀ yóó narikɛmu, kàa mɛ ndɔ̀ɔ̀ dɛ̀ɛ̀ í wenni, mɛyɛi mbo a bòrì kɛ da díí, yetoo kɛ́ mɛ̀ na.
89	GEN 4:9	Kɛ̀ ti Yiɛ̀ nKuyie mbekɛ Kayɛ̃ɛ̃ kɛ dɔ̀: Yé a nantɛ̀ Abɛɛdi borɛ̀? Kɛ̀ Kayɛ̃ɛ̃ dɔ̀: N yí yɛ̃́ tɛ̀ borɛ̀, n túmu n nantɛ̀ kóo bàràà?
91	GEN 4:11	Di mmɔ̀nnì n da cɔ̃ɔ̃mu kàa bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yã̀ a nantɛ̀ kó mɛyĩ̀ĩ̀ nha kùɔ tɛ̀.
94	GEN 4:14	A mɛ nni mbɛ̀timɛ̀ yíe nkɛtensààkɛ̀, kɛ̀ n yóó da dɛ́tɛ́nɛ̀ kɛ́nfirì tipíìtì timɔu kɛ tú ocièntì, kòò mɔù ǹ yà ò yó n kuɔmu.
95	GEN 4:15	Dɛ mɔ̀nnì kɛ̀ ti Yiɛ̀ nKuyie ndɔ̀: Kòò mɔù kùɔ Kayɛ̃ɛ̃ m bo pɛitɛ kucɛ mɛ̀yiekɛ̀. Kɛ̀ ti Yiɛ̀ nKuyie ncannɛ Kayɛ̃ɛ̃ mɛcannimɛ̀ mamɛ̀ mɛ̀ɛ̀ yó nte kɛ̀ wèè ò yà ò báá ò kùɔ.
97	GEN 4:17	Kɛ̀ Kayɛ̃ɛ̃ duɔ́nɛ̀ o pokù, kòo púó nkɛ́pɛitɛ́ Enɔki. Kòo maá dihɛì kɛ́ dì yu o birɛ yètìrì kɛ dɔ̀ Enɔki.
105	GEN 4:25	Kɛ̀ Adammuu duɔ́nɛ̀ o pokù kòo púó nkɛ́pɛitɛ́ dɛnitidabirɛ, kòo dɛ̀ yu kɛ dɔ̀ Sɛti, dɛ̀ɛ̀ tu Kuyie nhò duɔ́ ndɛbirɛ kɛ̀ dɛ̀ còḿmú Abɛɛdi fɔ̃̀tìrì Kayɛ̃ɛ̃ do kùɔ wè.
107	GEN 5:1	Ntɛ Adammu kó kufuku. Kuyie ndɔ̀ɔ̀ dìì mɔ̀nnì onìtì kóò dònnɛnɛ̀ kumáà ndi.
109	GEN 5:3	Adammu mɔ̀kɛ dìì mɔ̀nnì yɛbie ntɛkɔ̀ùtɛ̀ nɛ̀ sipísìtããti (130) kɛ́pɛitɛ́ dɛnitidabirɛ kɛ̀ dɛ̀ nhò dònnɛ̀ sósó. Kòo dɛ̀ yu kɛ dɔ̀: Sɛti.
116	GEN 5:10	Dɛ kó difɔ̃nkúò kɛ́mɔɔtɛ yɛbie nsikɔusìni nɛ̀ tɛpíítɛ̀ nɛ̀ yɛ̀nùmmù (815) kɛ́piɛ́ initidabí nɛ̀ initipobí.
119	GEN 5:13	Dɛ kó difɔ̃nkúò kɛ́mmɔkɛ yɛbie nsikɔusìni nɛ̀ sipísìnàà (840), kɛ́piɛ́ initidabí nɛ̀ initipobí.
130	GEN 5:24	Ò do taunɛ̀ Kuyie nku, kɛ̀ kùu ò tùótɛ́ kɛ́kònnɛ̀ ku ciɛ kɛ̀ bɛ̀ɛ ò mɔ̀ńtóo.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
138	GEN 5:32	Nɔwee do yóó mɔɔtɛ initidabí ìtããti ìì yètɛ̀ tu Sɛmmu nɛ̀ Kammu nɛ̀ Safɛti kɛ mɔkɛ yɛbie nsikɔusìnùmmù (500) ndi.
140	GEN 6:2	Kɛ̀ kɛĩ́nkɛ̀ kó bɛkperíbɛ̀ɛ yà dɛ kó bɛsapàmbɛ̀ wennimɛ̀ mɛsàà, kɛ́tãnkɛ́ bɛ̀ dɔ́ bɛ̀, kɛ́puokɛ.
141	GEN 6:3	Kɛ̀ ti Yiɛ̀ nKuyie ndɔ̀: M báá yóu kɛ̀ bɛnìtìbɛ̀ biɛ nní nfòù kɛ́mɔntɛ, bɛ̀ tu bɛnìtìbɛ̀ mbɛ, bɛ̀ bo mmɔkɛ yɛbie ntɛkɔ̀ùtɛ̀ nɛ̀ sipísìdɛ́ (120) kɛ́kú.
142	GEN 6:4	Tidadiɛtì tiì do bo dɛ mɔ̀nnì kɛ́nsɔkɛ́ kɛ bo. Kɛĩ́nkɛ̀ kó bɛkperíbɛ̀ do kɔ̀tɛní kɛ́duɔ́nɛ̀ bɛsapàmbɛ̀ kɛ̀ bɛ̀ɛ piɛ́ tìnti, tiì do nɔ ndɛmɔu kɛ̀ ti yètɛ̀ feí.
149	GEN 6:11	Dɛ kó dimɔ̀nnì bɛnìtìbɛ̀ do dɔrimu, kɛ mɛ̀nkɛ dɔri mɛdiɛ̀ mbá dɛ̀ í nnaati Kuyie.
153	GEN 6:15	Ntɛ a yóó tɛ̀ dɔ̀ɔ̀ mɛ̀ɛ̀ botí: Tɛ okùmɛ̀ ḿbo mɛ́tìrì tɛkɔ̀ùtɛ̀ nɛ̀ sipísìnùmmù (150), mɛpɛ̃kùmɛ̀ mɛ́tìrì sipísìdɛ́ nɛ̀ bɛ̀nùmmù, mɛcómmɛ̀ mɛ́tìrì tɛpíítɛ̀ nɛ̀ bɛ̀nùmmù.
154	GEN 6:16	Á tɛ̀ dɔ̀ɔ̀ kɛ́pĩ́ĩ́ ntipĩ́mpĩ́ntì nɛ̀ kumarí dɛ cuokɛ̀, kɛ̀ mɛfíè nní nfeí kɛ mànnɛ̀ mɛ́tìrì kó dikéè. Kàa keutɛ́ dibòrì tɛ píkù, kɛ́ãnnɛ́ timùmmùntì tìtããti.
155	GEN 6:17	Dɛ mɔ̀nnì m bo duɔ́ nkɛ̀ fɛtaafɛ̀ɛ ni kɛ̀ mɛniɛ mpíɛ nkɛ́kuɔ dɛ̀ɛ̀ kó dimàà fòù kɛtenkɛ̀ ĩ́nkɛ̀.
157	GEN 6:19	Á tannɛ́ dɛ̀ɛ̀ kó dimàà fòù kɛtenkɛ̀ ĩ́nkɛ̀ tɛdabɛɛcĩ́ɛ̃̀tɛ̀ miɛkɛ, dɛdaarɛ̀ nɛ̀ dɛniirɛ kɛ̀ dɛ̀ɛ yentɛ́.
158	GEN 6:20	Tiwanwantì timɔu botí nɛ̀ iwũɔ̃ dɛdaarɛ̀ nɛ̀ dɛniirɛ, sinɔɔ diɛsì nɛ̀ sisám̀pɔ́sì, nɛ̀ dɛbambaànnɛ̀ dɛbotí dɛbotí, dɛ̀ yóó kɔtɛnímu a borɛ̀ kɛ bo yentɛ́.
162	GEN 7:2	Á túótɛ́ iwũɔ̃ ibotí ibotí bɛ̀ n feu ì ìdɛ́ì ìdɛ́ì, fɛdaafɛ̀ nɛ̀ fɛnifɛ kucɛ mɛ̀yiekɛ̀ kɛ́túótɛ́ bɛ̀ í n feu ì ìdɛ́ì máà fɛdaafɛ̀ nɛ̀ fɛnifɛ,
163	GEN 7:3	kɛ́túótɛ́ sinɔɔ sibotí sibotí sìdɛ́sì dɛ́sì, tɛdaatɛ̀ nɛ̀ tɛniitɛ kucɛ mɛ̀yiekɛ̀, kɛ̀ sìi sɔɔtɛ́ kubotí kɛtenkɛ̀ ĩ́nkɛ̀.
164	GEN 7:4	Yɛwe yɛ̀yiekɛ̀ kó difɔ̃nkúò n yóó cṹũnko fɛtaafɛ̀ nfɛ kɛ̀ fɛ̀ nniu kɛ dɔ̀ yɛwe sipísìnàà nɛ̀ dɛyènnɛ̀ sipísìnàà, kɛ́kuɔ n dɔ̀ɔ̀ dɛ̀ɛ̀ kó dimàà kɛtenkɛ̀ ĩ́nkɛ̀.
166	GEN 7:6	Mɛniɛ ndo yóó píɛ nkɛtenkɛ̀ kɛ sɔ̃́ nNɔwee mɔ̀kɛ yɛbie nsikɔusìkuɔ̀ (600) ndi.
168	GEN 7:8	nɛ̀ iwũɔ̃ bɛ̀ feu ì Kuyie nnɛ̀ bɛ̀ í kù feu ì, nɛ̀ sinɔɔ nɛ̀ dɛ̀ɛ̀ kó dimàà fòù kɛtenkɛ̀ ĩ́nkɛ̀.
170	GEN 7:10	Yɛwe yɛ̀yiekɛ̀ kó difɔ̃nkúò kɛ̀ fɛtaafɛ̀ɛ tuɔkɛní, kɛ́nniu kɛ́píɛ nkɛtenkɛ̀.
171	GEN 7:11	Nɔwee do mɔkɛ yɛbie nsikɔusìkuɔ̀ (600) ndi, dibenni kóo tã̀nkù dɛ́ríwè diyiè tɛpíítɛ̀ nɛ̀ diyiénnì, kɛ̀ yɛbirɛ ntɔ̃nní mɛniɛ nkɛ̀ iwɛtiborii kpetɛ́.
175	GEN 7:15	Dɛ̀ɛ̀ kó dimàà weí kɛ̀ dɛ̀ nkɔrì Nɔwee borɛ̀ dɛbotí dɛbotí, dɛdaarɛ̀ nɛ̀ dɛniirɛ.
176	GEN 7:16	Kɛ̀ dɛ̀ɛ kɔtoo bá dɛ̀ kɛ̀ dɛ̀ nnɛínɛ̀ dɛ pokù kɛ́ta tɛdabɛɛcĩ́ɛ̃̀tɛ̀ ti Yiɛ̀ nKuyie ndo nàkɛ́ Nɔwee kɛ dɔ̀ dɛ̀ yóó ndòmmɛ̀. Kɛ̀ Kuyie nkpetínnɛ́ dibòrì.
181	GEN 7:21	Kɛ̀ dɛ̀ɛ̀ kó dimàà fòù kɛtenkɛ̀ ĩ́nkɛ̀, iwũɔ̃, nɛ̀ tiwanwantì nɛ̀ dɛsĩ́ntɛ́kpɛrɛ dɛmɔu, dɛ̀ɛ̀ bo kɛtenkɛ̀ ĩ́nkɛ̀ kɛ̀ dɛ̀ɛ kú dɛmɔu.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
186	GEN 8:2	Kɛ̀ yɛbirɛɛ yóu yɛ̀ bo ntɔ̃mmɛ̀ mɛniɛ, kɛ̀ iwɛtiborii ĩ́tínnɛ́ kɛ̀ fɛtaafɛ̀ɛ cómmú.
187	GEN 8:3	Yɛwe tɛkɔ̀ùtɛ̀ nɛ̀ sipísìnùmmù (150) kó difɔ̃nkúò kɛ̀ mɛniɛ nní nkɛ̃́kú sám̀pɔ́ sám̀pɔ́.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
189	GEN 8:5	Kɛ̀ mɛniɛ nní nkpaá yaari kɛ́tuɔkɛ otã̀nkù píínwè diyiè ketirì yiè, kɛ̀ yɛtãrɛ̀ yómmɛ̀ɛ feitɛ́.
192	GEN 8:8	Dɛ kó difɔ̃nkúò kòo dennɛ tɛnɔ́nkpetɛ kɛ bo yà kɛ̀ mɛniɛ ncɔ̀ɔ̀tɛ.
193	GEN 8:9	Tɛ̀ mɛ nyí mpɛ̀tɛ́ tɛ̀ bo cómmú dɛ̀, kɛ yɛ̃́ mɛniɛ ndo kpaá píɛ́kɛ́mɛ̀ kɛtenkɛ̀ kɛmɔu, kɛ̀ tɛ̀ɛ wɛ̃tɛní o borɛ̀, kòo youtɛ o nɔ̀ùtɛ̀ kɛ́ tɛ̀ pĩ nkɛ́tannɛ́ kudieku,
194	GEN 8:10	kɛ́yóu kɛ̀ dɛ̀ mmɔkɛ yɛwe yɛ̀yiekɛ̀ kòo wɛ̃tɛ kɛ́ tɛ̀ dènnɛ.
196	GEN 8:12	kɛ́yóu kɛ̀ dɛ̀ mmɔkɛ yɛwe yɛ̀yiekɛ̀ kòo wɛ̃tɛ kɛ́ tɛ̀ dènnɛ, bá tɛ̀ í nwɛ̃̀tɛní.
197	GEN 8:13	Dibenni pànnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmáà (601) kɛ̀ mɛniɛ nkṹṹ, kòo dátɛ́ tipĩ́mpĩ́ntì kɛ́yà mɛ̀ kũ̀ṹmɛ̀.
198	GEN 8:14	Dibenni pànnì kóo tã̀nkù dɛ́ríwè, diyiè sipísìdɛ́ nɛ̀ diyiénnì kɛ̀ kɛtenkɛ̀ɛ kpeí paíí.
204	GEN 8:20	Kɛ̀ Nɔwee maá diwũɔ̃tɔ̀nnì ti Yiɛ̀ nKuyie nkpɛ́í, kɛ́túótɛ́ iwũɔ̃ nɛ̀ sinɔɔ bɛ̀ feu dɛ̀ ti Yiɛ̀ nKuyie ndɛ̀marɛ̀ marɛ̀, kɛ́ dɛ̀ fìé ti Yiɛ̀ nKuyie ndiwũɔ̃tɔ̀nnì ĩ́nkɛ̀ kɛ́tuɔ.
205	GEN 8:21	Kɛ̀ ti Yiɛ̀ nKuyie nkeè dɛ kó kufɔ̃ɔ̃ku kɛ̀ dɛ̀ɛ kù narikɛ kɛ̀ kù dɔ̀: N tɛ̃́nkɛ í yóó cɔ̃ɔ̃ kɛtenkɛ̀, kɛ yɛ̃́ onìtì yɛ̀mmɛ̀ í wennimɛ̀ nɛ̀ ò bomɛ̀. N tɛ̃́nkɛ báá kuɔ dɛ̀ɛ̀ kó dimàà weí m mɛ ndɔ̀ɔ̀ mɛ̀ɛ̀ botí.
206	GEN 8:22	Nɛ̀ kɛtenkɛ̀ bo mbomɛ̀, mubɔtimù nɛ̀ mudidɛ̀ì, muséé nnɛ̀ kuyiìnkù, dipaà nɛ̀ diyɔ̃ɔ̃̀, kuyie nnɛ̀ kɛyènkɛ̀, dɛ̀ yó mbomu sã́ã̀.
209	GEN 9:3	Dɛ̀ɛ̀ kó dimàà nampú kɛ weí n dɛ̀ ndi duɔ́mmu kɛ̀ dɛ̀ bo ntú di kó mudiì, n di duɔ́ mmɛ̀ɛ̀ botí titebiiti.
211	GEN 9:5	Nyɛ̃́nɛ̀ kɛ tú n yóó pɛitɛmu bɛ̀ɛ̀ kɔ̀ù bɛnìtìbɛ̀ kɛ́pɛitɛ iwũɔ̃ nɛ̀ tiwanwantì tìì kɔ̀ù bɛnìtìbɛ̀.
212	GEN 9:6	Wèè kùɔ onìtì, onìtì weè múnkɛ yóó ò kùɔ. Kɛ yɛ̃́ n dɔ̀ɔ̀mɛ̀ onìtì kɛ dònnɛnɛ̀ m máà ndi.
216	GEN 9:10	nɛ̀ iwũɔ̃ ìì do di bonɛ̀ tɛdabɛɛcĩ́ɛ̃̀tɛ̀ miɛkɛ sinɔɔ nɛ̀ iwũɔ̃ nɛ̀ tiwanwantì dɛ̀ɛ̀ yóó buotɛ́.
217	GEN 9:11	N di dɔúnnɛ̀ dinùù ndi kɛ tú, n tɛ̃́nkɛ báá duɔ́ nkɛ̀ mɛniɛ mpíɛ nkɛtenkɛ̀ kɛ́kuɔ dɛ̀ɛ̀ kó dimàà bo.
218	GEN 9:12	Ntɛ n yóó dɔɔ̀ mɛ̀ɛ̀ bɛnkùmɛ̀ kɛ̀ mɛ̀ mbo sã́ã̀, kɛ bɛnkú mí nnɛ̀ díndi nɛ̀ dɛ̀ɛ̀ kó dimàà weí ti kó mɛtaummɛ̀.
219	GEN 9:13	Nh ãnnɛ́ kutãmmɛyãrí nku tiwɛtì kɛ̀ kù bo mbɛnkú mí nnɛ̀ díndi ti kó mɛtaummɛ̀,
221	GEN 9:15	kɛ̀ n dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀, mɛniɛ ntɛ̃́nkɛ báá píɛ nkɛtenkɛ̀ kɛ́ di kuɔ.
222	GEN 9:16	Kutãmmɛyãrí níí bo yɛ̀nní yɛwɛtɛ̀ ĩ́nkɛ̀, kɛ̀ n kù yà, kɛ́dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀.
223	GEN 9:17	Kɛ̀ Kuyie nnákɛ́ Nɔwee kɛ dɔ̀: Kutãmmɛyãrí kuù yó mbɛnkú n taunɛ̀mɛ̀ kɛtenkɛ̀ kɔbɛ.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
227	GEN 9:21	kɛ́yã̀ dɛ kó mɛnaà nkɛ́muɔ́ nkɛ́dátɛ́ o yààtì kɛ́nduɔ́ o dieku difɔ̃̀kperì.