2	GEN 1:2	Kɛ̀ kɛtenkɛ̀ í mmɔkɛ kɛ̀ dòmmɛ̀, dɛ̀marɛ̀ í mbo, kɛ̀ do dò nkubinku nku kɛ dò mbì. Kɛ̀ Kuyie nYaá nnɔ́nkɛ́ ku ĩ́nkɛ̀ kɛ nampú.
6	GEN 1:6	Kɛ̀ Kuyie ndɔ̀: Tiwɛtìi buotɛ́ kɛ́totɛ́ mɛniɛ kɛ̀ miɛ nní ḿbo kɛĩ́nkɛ̀ kɛ̀ mɛtɛ̃mɛ̀ bo kɛtenkɛ̀.
7	GEN 1:7	Kù bɛ́i mmɛmmɛ kɛ̀ tiwɛtìi buotɛ́ kɛ́totɛ́ mɛniɛ, miɛ nkɛĩ́nkɛ̀ mɛtɛ̃mɛ̀ kɛtenkɛ̀.
8	GEN 1:8	Kɛ̀ kùu yú kɛĩ́nkɛ̀ kɛ dɔ̀ tiwɛtì. Kɛ̀ kuyuokuu buotɛ́ kɛ̀ dikṹnweńnìi buotɛ́. Diyiè dɛ́rì ndi.
14	GEN 1:14	Kɛ̀ Kuyie nyíɛ́ kɛ́bɛ́i nkɛ dɔ̀: Kuwenniku ḿbo kɛĩ́nkɛ̀ kɛ́mbaàtì kɛyènkɛ̀ nɛ̀ kuyie nnɛ̀ yɛmɔ̀rɛ̀ nɛ̀ yɛwe nɛ̀ yɛbie,
15	GEN 1:15	kɛ́mmí kɛĩ́nkɛ̀ nɛ̀ kɛtenkɛ̀. Kɛ̀ dɛ̀ɛ dɔɔ̀ kù yɛ̃mmɛ̀.
17	GEN 1:17	Kɛ̀ Kuyie ndɛ̀ ãnnɛ́ kɛĩ́nkɛ̀ kɛ̀ dɛ̀ mmí kɛtenkɛ̀.
20	GEN 1:20	Kɛ̀ Kuyie ndɔ̀: Dɛsĩ́ntɛ́kpɛrɛ dɛmɔuu buotɛ́ mɛniɛ mmiɛkɛ, kɛ̀ sinɔɔ buotɛ́ kɛ́nhɛintɛ kɛĩ́nkɛ̀, kɛ̀ dɛ̀ɛ dɔɔ̀ kù bɛ́immɛ̀.
21	GEN 1:21	Kɛ̀ kùù dɔɔ̀ siyĩĩ diɛsì nɛ̀ dɛ̀ɛ̀ kó dimàà fòù mɛniɛ mmiɛkɛ, dɛbotí dɛbotí nɛ̀ sinɔɔ sibotí sibotí. Kɛ̀ kùu dɛ̀ pɛ́nsìrì,
22	GEN 1:22	kɛ́ dɛ̀ pã mɛsàà nkɛ dɔ̀ dɛ̀ɛ piɛ́ kɛ́sṹṹ, nkɛ̀ siyĩĩ sṹṹ mmɛniɛ mmiɛkɛ, kɛ̀ sinɔɔ sṹṹ nkɛtenkɛ̀ ĩ́nkɛ̀.
26	GEN 1:26	Kɛ̀ Kuyie ndɔ̀: Tí dɔɔ̀nɛ̀ onìtì kòo nti dònnɛ̀, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ ìì bo kɛtenkɛ̀ nɛ̀ dɛbambaànnɛ̀ dɛmɔu.
28	GEN 1:28	Kɛ̀ kùu bɛ̀ pã mɛsàà nkɛ́ bɛ̀ nàkɛ́ kɛ dɔ̀: Piɛ́nnɛ̀ kɛ́sṹṹ nkɛ́píɛ nkɛtenkɛ̀ kɛmɔu, kɛ́ nkɛ̀ bakɛ́, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ imɔu ìì bo kɛtenkɛ̀ ĩ́nkɛ̀.
32	GEN 2:1	Mɛm̀mɛ kɛĩ́nkɛ̀ nɛ̀ kɛtenkɛ̀ dɛ̀ dɔ̀ɔ̀mɛ̀ nɛ̀ dɛ̀ɛ̀ kó dimàà bo.
33	GEN 2:2	Kuyie mpĩ́ nku tɔ̃mmú mumɔu yɛwe yɛ̀kuɔ̀ ndi, kɛ́om̀pɛ̀ diyiè yiénnì yiè.
35	GEN 2:4	Miɛ m̀botí nku Kuyie ndɔ̀ɔ̀mɛ̀ kɛĩ́nkɛ̀ nɛ̀ kɛtenkɛ̀, nɛ̀ dɛ̀ɛ̀ kó dimàà bo. Ti Yiɛ̀ nKuyie ndɔ̀ɔ̀ dìì mɔ̀nnì kɛtenkɛ̀ nɛ̀ kɛĩ́nkɛ̀,
40	GEN 2:9	Kɛ̀ ti Yiɛ̀ nKuyie nduɔ́ nkɛ̀ dɛtesààrɛ̀ dɛbotí dɛbotíi yɛ̀nní, kɛ́mpɛí yɛbɛ kɛ̀ yɛ̀ wenni kɛ naati. Kɛ̀ kùu soó nkupúú cuokɛ̀ mutie mùù duɔ̀ mmufòmmu nɛ̀ mùù yĩ́ɛ̃́kùnko mɛsàà ǹnɛ̀ mɛyɛi.
48	GEN 2:17	A nɛ́ báá di mùù yĩ́ɛ̃́kùnko mɛsàà nnɛ̀ mɛyɛi mmu bɛ, kàa yɛ̀ di dìì yiè a kumu.
52	GEN 2:21	Kɛ̀ ti Yiɛ̀ nKuyie nduɔ́ nkòo yɛ̃̀ nkɛ́duɔ́, kɛ̀ kùu dɛitɛ kucĩntóo kùmáà kɛ́wɛ̃tɛ kɛ́pɔ̃nnɛ́ tikɔ̃̀ntì,
53	GEN 2:22	kɛ́túótɛ́ dɛ kó kucĩntóo kɛ́dɔɔ̀nɛ̀ onitipòkù kóò duɔ́ nhonitidɔ̀ù.
61	GEN 3:5	Kuyie nyɛ̃́mu kɛ tú kɛ̀ di yɛ̀ di dìì yiè, di nuɔ ḿbo wéntɛ́, kɛ̀ di kù naánnɛ̀ kɛ́yĩ́ɛ̃́tɛ́ mɛsàà ǹnɛ̀ mɛyɛi.
66	GEN 3:10	Kòo kù tɛ̃̀ńnɛ́ kɛ dɔ̀: N kèè a tammɛ̀ mmɛ kupúú miɛkɛ kɛ̀ kufɔ̃waá nni mpĩ nkɛ̀ n sɔ̀ri, kɛ yɛ̃́ m bomɛ̀ difɔ̃̀kperì.
69	GEN 3:13	Kɛ̀ ti Yiɛ̀ nKuyie mbekɛ onitipòkù kɛ dɔ̀: Dɛ̀ yĩ́mɛ kàa dɔ̀ɔ̀ mɛmmɛ? Kòò dɔ̀: Fɛwààfɛ̀ fɛɛ̀ ǹ soutɛ́ kɛ̀ ǹ di ditebii.
80	GEN 3:24	Mɛm̀mɛ ti Yiɛ̀ nKuyie mbɛtimɛ̀ onìtì kupúú Edɛnni miɛkɛ, kɛ́cónnɛ́ bɛĩ́nkɛ̀mbàrìbɛ̀ diyiè yìɛ̀ní kɛ̀ɛ̀ bíɛ́kɛ̀ kɛ̀ bɛ̀ mbaa mutie mùù duɔ̀ mmufòmmu, kɛ ɛinko yɛse kɛ̀ yɛ̀ cɔ̀ú nkɛ dò mmuhãã́.
88	GEN 4:8	Mɛm̀mɛ kɛ̀ Kayɛ̃ɛ̃ nákɛ́ o nantɛ̀ Abɛɛdi kɛ dɔ̀: Tí kɔ̃tɛ́. Bɛ̀ kɔ̃tɛ́ dìì mɔ̀nnì kɛ̀ Kayɛ̃ɛ̃ pĩ́ nho nantɛ̀ Abɛɛdi kɛ́kuɔ.
90	GEN 4:10	Kɛ̀ Kuyie ndɔ̀: A dɔ̀ɔ̀ ba? A nantɛ̀ yĩ̀ĩ̀ nkuɔ̀ nkɛtenkɛ̀ kɛ tú ḿ pɛitɛ.
91	GEN 4:11	Di mmɔ̀nnì n da cɔ̃ɔ̃mu kàa bo ítɛ́ kɛ́dɛ́tɛ́nɛ̀ kɛtenkɛ̀ kɛ̀ɛ̀ yã̀ a nantɛ̀ kó mɛyĩ̀ĩ̀ nha kùɔ tɛ̀.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
139	GEN 6:1	Bɛnìtìbɛ̀ sũ̀ṹ ndìì mɔ̀nnì kɛtenkɛ̀ ĩ́nkɛ̀ kɛ́piɛ́ bɛsapàmbɛ̀.
140	GEN 6:2	Kɛ̀ kɛĩ́nkɛ̀ kó bɛkperíbɛ̀ɛ yà dɛ kó bɛsapàmbɛ̀ wennimɛ̀ mɛsàà, kɛ́tãnkɛ́ bɛ̀ dɔ́ bɛ̀, kɛ́puokɛ.
142	GEN 6:4	Tidadiɛtì tiì do bo dɛ mɔ̀nnì kɛ́nsɔkɛ́ kɛ bo. Kɛĩ́nkɛ̀ kó bɛkperíbɛ̀ do kɔ̀tɛní kɛ́duɔ́nɛ̀ bɛsapàmbɛ̀ kɛ̀ bɛ̀ɛ piɛ́ tìnti, tiì do nɔ ndɛmɔu kɛ̀ ti yètɛ̀ feí.
152	GEN 6:14	Á dɔɔ̀ tɛdabɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́waá mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
154	GEN 6:16	Á tɛ̀ dɔ̀ɔ̀ kɛ́pĩ́ĩ́ ntipĩ́mpĩ́ntì nɛ̀ kumarí dɛ cuokɛ̀, kɛ̀ mɛfíè nní nfeí kɛ mànnɛ̀ mɛ́tìrì kó dikéè. Kàa keutɛ́ dibòrì tɛ píkù, kɛ́ãnnɛ́ timùmmùntì tìtããti.
155	GEN 6:17	Dɛ mɔ̀nnì m bo duɔ́ nkɛ̀ fɛtaafɛ̀ɛ ni kɛ̀ mɛniɛ mpíɛ nkɛ́kuɔ dɛ̀ɛ̀ kó dimàà fòù kɛtenkɛ̀ ĩ́nkɛ̀.
156	GEN 6:18	Dɛ mɔ̀nnì m bo da dɔɔ̀nɛ̀ mɛtaummɛ̀ kàa ta tɛdabɛɛcĩ́ɛ̃̀tɛ̀ miɛkɛ nɛ̀ a pokù nɛ̀ a bí nɛ̀ i pobɛ̀.
157	GEN 6:19	Á tannɛ́ dɛ̀ɛ̀ kó dimàà fòù kɛtenkɛ̀ ĩ́nkɛ̀ tɛdabɛɛcĩ́ɛ̃̀tɛ̀ miɛkɛ, dɛdaarɛ̀ nɛ̀ dɛniirɛ kɛ̀ dɛ̀ɛ yentɛ́.
161	GEN 7:1	Kɛ̀ ti Yiɛ̀ nKuyie nnákɛ́ Nɔwee kɛ dɔ̀: Ta tɛdabɛɛcĩ́ɛ̃̀tɛ̀ fɔ̃́ nnɛ̀ a cĩ́ɛ̃̀tɛ̀ kɔbɛ. N sɔ̃́ nfɔ̃́ɔ̃̀ máà yie n kpɛti a kɔbɛ cuokɛ̀.
163	GEN 7:3	kɛ́túótɛ́ sinɔɔ sibotí sibotí sìdɛ́sì dɛ́sì, tɛdaatɛ̀ nɛ̀ tɛniitɛ kucɛ mɛ̀yiekɛ̀, kɛ̀ sìi sɔɔtɛ́ kubotí kɛtenkɛ̀ ĩ́nkɛ̀.
164	GEN 7:4	Yɛwe yɛ̀yiekɛ̀ kó difɔ̃nkúò n yóó cṹũnko fɛtaafɛ̀ nfɛ kɛ̀ fɛ̀ nniu kɛ dɔ̀ yɛwe sipísìnàà nɛ̀ dɛyènnɛ̀ sipísìnàà, kɛ́kuɔ n dɔ̀ɔ̀ dɛ̀ɛ̀ kó dimàà kɛtenkɛ̀ ĩ́nkɛ̀.
167	GEN 7:7	Wenwe nɛ̀ o pokù kɛ̀ bɛ̀ɛ ta tɛdabɛɛcĩ́ɛ̃̀tɛ̀ nɛ̀ o bí nɛ̀ i pobɛ̀ kɛ bo yentɛ́nɛ̀ mɛnɛ́diɛmɛ̀,
168	GEN 7:8	nɛ̀ iwũɔ̃ bɛ̀ feu ì Kuyie nnɛ̀ bɛ̀ í kù feu ì, nɛ̀ sinɔɔ nɛ̀ dɛ̀ɛ̀ kó dimàà fòù kɛtenkɛ̀ ĩ́nkɛ̀.
169	GEN 7:9	Kɛ̀ dɛ̀ nkɔrìní dɛdaarɛ̀ nɛ̀ dɛniirɛ, kɛ taà tɛdabɛɛcĩ́ɛ̃̀tɛ̀ Nɔwee borɛ̀ Kuyie mbɛ́i mmɛ̀ɛ̀ botí.
173	GEN 7:13	Dɛ mɔ̀nnì Nɔwee nɛ̀ o pokù nɛ̀ o bí Sɛmmu nɛ̀ Kammu nɛ̀ Safɛti nɛ̀ bɛ pobɛ̀, kɛ̀ bɛ̀ ta tɛdabɛɛcĩ́ɛ̃̀tɛ̀
176	GEN 7:16	Kɛ̀ dɛ̀ɛ kɔtoo bá dɛ̀ kɛ̀ dɛ̀ nnɛínɛ̀ dɛ pokù kɛ́ta tɛdabɛɛcĩ́ɛ̃̀tɛ̀ ti Yiɛ̀ nKuyie ndo nàkɛ́ Nɔwee kɛ dɔ̀ dɛ̀ yóó ndòmmɛ̀. Kɛ̀ Kuyie nkpetínnɛ́ dibòrì.
177	GEN 7:17	Kɛ̀ fɛtaafɛ̀ nniu kɛ dɔ̀ yɛwe sipísìnàà, kɛ̀ mɛniɛ nsṹũnko kɛ̀ tɛdabɛɛcĩ́ɛ̃̀tɛ̀ nɔ̀ńkɛ́ mɛ ĩ́nkɛ̀.
178	GEN 7:18	Kɛ̀ mɛniɛ mpíɛ mmɛdiɛ̀ nkɛ̀ tɛdabɛɛcĩ́ɛ̃̀tɛ̀ nnɔ́nkɛ́ mɛ ĩ́nkɛ̀.
181	GEN 7:21	Kɛ̀ dɛ̀ɛ̀ kó dimàà fòù kɛtenkɛ̀ ĩ́nkɛ̀, iwũɔ̃, nɛ̀ tiwanwantì nɛ̀ dɛsĩ́ntɛ́kpɛrɛ dɛmɔu, dɛ̀ɛ̀ bo kɛtenkɛ̀ ĩ́nkɛ̀ kɛ̀ dɛ̀ɛ kú dɛmɔu.
182	GEN 7:22	Dɛmɔu dɛ̀ɛ̀ bo kɛtenkɛ̀ ĩ́nkɛ̀ kɛ weí kɛ̀ dɛ̀ɛ kú.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
185	GEN 8:1	Kuyie nyí nyɛ̃̀ nNɔwee kpɛ́í nnɛ̀ iwũɔ̃ nɛ̀ tiwanwantì dɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ, kɛ́duɔ́ nkɛ̀ kuyaakù nfuu kɛtenkɛ̀ kɛ̀ mɛniɛ nní nkɛ̃́kú.
186	GEN 8:2	Kɛ̀ yɛbirɛɛ yóu yɛ̀ bo ntɔ̃mmɛ̀ mɛniɛ, kɛ̀ iwɛtiborii ĩ́tínnɛ́ kɛ̀ fɛtaafɛ̀ɛ cómmú.
188	GEN 8:4	Otã̀nkù yiénwè diyiè tɛpíítɛ̀ nɛ̀ diyiénnì kɛ̀ tɛdabɛɛcĩ́ɛ̃̀tɛ̀ɛ cómmú ditãrì bɛ̀ yu dì kɛ tú Adadati di ĩ́nkɛ̀.
193	GEN 8:9	Tɛ̀ mɛ nyí mpɛ̀tɛ́ tɛ̀ bo cómmú dɛ̀, kɛ yɛ̃́ mɛniɛ ndo kpaá píɛ́kɛ́mɛ̀ kɛtenkɛ̀ kɛmɔu, kɛ̀ tɛ̀ɛ wɛ̃tɛní o borɛ̀, kòo youtɛ o nɔ̀ùtɛ̀ kɛ́ tɛ̀ pĩ nkɛ́tannɛ́ kudieku,
197	GEN 8:13	Dibenni pànnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmáà (601) kɛ̀ mɛniɛ nkṹṹ, kòo dátɛ́ tipĩ́mpĩ́ntì kɛ́yà mɛ̀ kũ̀ṹmɛ̀.
201	GEN 8:17	Dennɛ iwũɔ̃ ibotí ibotí tiwanwantì nɛ̀ tinɔ̀tì nɛ̀ dɛbambaànnɛ̀, kɛ̀ dɛ̀ɛ pɛ̃tɛ́ kɛ́sṹṹ nkɛtenkɛ̀ ĩ́nkɛ̀.
204	GEN 8:20	Kɛ̀ Nɔwee maá diwũɔ̃tɔ̀nnì ti Yiɛ̀ nKuyie nkpɛ́í, kɛ́túótɛ́ iwũɔ̃ nɛ̀ sinɔɔ bɛ̀ feu dɛ̀ ti Yiɛ̀ nKuyie ndɛ̀marɛ̀ marɛ̀, kɛ́ dɛ̀ fìé ti Yiɛ̀ nKuyie ndiwũɔ̃tɔ̀nnì ĩ́nkɛ̀ kɛ́tuɔ.
208	GEN 9:2	Tiwanwantì timɔu: Iwũɔ̃ nɛ̀ sinɔɔ nɛ̀ siyĩĩ, dɛbambaànnɛ̀ dɛmɔu dɛ̀ bo ndi dé, kɛ̀ dí ndɛ̀ bakɛ́.
210	GEN 9:4	Di nɛ́ báá cáákɛ́ fɛɔ̃̀fɛ̀ yĩ̀ĩ̀, mmufòmmu bo mɛɛ̀ miɛkɛ.
213	GEN 9:7	Di piɛ́ mɛsàà nkɛ́sṹṹ kɛtenkɛ̀ ĩ́nkɛ̀, kɛ́ nkɛ̀ bakɛ́.
216	GEN 9:10	nɛ̀ iwũɔ̃ ìì do di bonɛ̀ tɛdabɛɛcĩ́ɛ̃̀tɛ̀ miɛkɛ sinɔɔ nɛ̀ iwũɔ̃ nɛ̀ tiwanwantì dɛ̀ɛ̀ yóó buotɛ́.
221	GEN 9:15	kɛ̀ n dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀, mɛniɛ ntɛ̃́nkɛ báá píɛ nkɛtenkɛ̀ kɛ́ di kuɔ.
222	GEN 9:16	Kutãmmɛyãrí níí bo yɛ̀nní yɛwɛtɛ̀ ĩ́nkɛ̀, kɛ̀ n kù yà, kɛ́dentɛní mɛtaummɛ̀ mɛ̀ɛ̀ bo mí nnɛ̀ díndi nɛ̀ dɛ̀ɛ̀ kó dimàà weí kɛtenkɛ̀ ĩ́nkɛ̀ ti cuokɛ̀.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
225	GEN 9:19	Nɛ̀ Nɔwee bí itããti miɛkɛ nkɛ ibotí sũ̀ṹmmɛ̀ kɛtenkɛ̀ ĩ́nkɛ̀.
226	GEN 9:20	Nɔwee weè tu otenkútì ketiwè weè fìíkú dɛtie mbɛ̀ tu dɛ̀ fínyĩ̀,
243	GEN 10:8	Kuusi weè do wɛ̃̀tɛ kɛ́pɛitɛ́ Nɛmmudoti wèè do naá nhokpàrì ketiwè kɛtenkɛ̀ ĩ́nkɛ̀.
244	GEN 10:9	Nɛmmudoti do tú opaawaà ndiɛwè nwe kɛ̀ ti Yiɛ̀ nKuyie nwùó. Dɛɛ̀ te kɛ̀ bɛ̀ ɔ̃ɔ̃ yĩ́ ti Yiɛ̀ nKuyie nda teennɛ̀ kàa ntú opaawaà ndiɛwè Nɛmmudoti do dòmmɛ̀.
270	GEN 11:3	kɛ́nákɛ́ bɛtɔbɛ̀ kɛ dɔ̀: Ítɛ́nɛ̀ kɛ̀ ti pííkú yɛdombiɛ, kɛ́ yɛ̀ pũ̀ńnɛ́ kɛ̀ yɛ̀ɛ kpenkɛ kɛ́ndò nyɛtã́rɛ̀, kɛ̀ tí waá nkùtìnɔ́ɔ̀ kɛ́nsĩɛ̃kù.
300	GEN 12:1	Kɛ̀ ti Yiɛ̀ nKuyie nnákɛ́ Abarammu kɛ dɔ̀: Ítɛ́ a tenkɛ̀, a kɔbɛ borɛ̀, a cicɛ cĩ́ɛ̃̀tɛ̀, kɛ́kɔtɛ n yóó da bɛnkɛ kɛ̀ɛ̀ tenkɛ̀.
314	GEN 12:15	Kɛ̀ Esibiti kóo kpààtì kó bɛtɔ̃mbɛ̀ɛ kɔtɛ kɛ́ nhò sãntí okpààtì ììkɛ̀, kóò tùótɛ́ kɛ́kɔtɛnɛ̀ okpààtì cĩ́ɛ̃̀tɛ̀.
316	GEN 12:17	Kɛ̀ ti Yiɛ̀ nKuyie mpotɛ́ okpààtì nɛ̀ o cĩ́ɛ̃̀tɛ̀ kɔbɛ mɛdiɛ̀ nhAbarammu pokù Saraii kpɛ́í.
317	GEN 12:18	Kɛ̀ Esibiti kóo kpààtìi yú Abarammu kóò bekɛ kɛ dɔ̀: Dɛ̀ yĩ́mɛ kàa n dɔ̀ɔ̀ miɛ? Dɛ̀ dòmmɛ̀ kàa í n nàkɛ́ kɛ tú a pokù nwe?
327	GEN 13:8	Kɛ̀ Abarammuu nákɛ́ Dɔti kɛ dɔ̀: Mí nnɛ̀ fɔ̃́ ti í dò nkɛ́kpa, ti naacɛ̃mbɛ mɛ nyí dò nkɛ́kpa, kɛ yɛ̃́ ti wɛ̃ḿmɛ̀ tɛcĩ́ɛ̃̀tɛ̀.
347	GEN 14:10	Sidimmu kó kubiriku do mɔkɛ yɛfɔ̃̀tɛ̀ nyɛ kɛ̀ kùtìnɔ́ɔ̀ pìɛ́kɛ́ yɛ miɛkɛ. Kɛ̀ Sodɔmmu kóo kpààtìi nɛ̀ Komɔɔ kou kɛ̀ bɛ̀ɛ cokɛ́ kɛ́duó yɛ miɛkɛ, kɛ̀ bɛsɔmbɛɛ cokɛ́ kɛ́dekɛ ditãrì ĩ́nkɛ̀.
350	GEN 14:13	Kòò mɔùu cokɛ́ kɛ́kɔtɛ kɛ́nákɛ́ Abarammu, Ebedeebɛ botí kou, ò borɛ̀ Amɔriibɛ botí kou Mammudee kó dɛtie mborɛ̀. Mammudee tebìí do tú Ɛsikɔɔdi nɛ̀ Anɛɛ. Bɛtããti mɛmmɛ bɛ̀ do wɛ̃ńnɛ̀ Abarammu nwe didootitĩ̀nnì.
351	GEN 14:14	Abarammu kèè dìì mɔ̀nnì bɛ̀ kònnɛ̀mɛ̀ Dɔti koò kpetí, kɛ́duɔ́ nkòo tɔ̃mbɛ̀ bɛ̀ piɛ́ bɛ̀ o cĩ́ɛ̃̀tɛ̀ kɛ̀ bɛ̀ɛ báátí, sikɔusìtããti nɛ̀ tɛpíítɛ̀ nɛ̀ bɛ̀ni (318), kɛ̀ bɛ̀ɛ tũnnɛ kɛ́tuɔkɛ Danni tenkɛ̀.
352	GEN 14:15	Kɛ̀ Abarammu bɛ̀ totí yɛtĩ̀rɛ̀ yɛtĩ̀rɛ̀ pɛ́u, kɛ̀ bɛ̀ɛ cɛ̃tìnnɛ bɛ dootitɔbɛ̀ kɛ́ bɛ̀ na, kɛ́ bɛ̀ bɛ̀ti kɛ́tuɔkɛnɛ̀ Obaa, dihɛì dìì bo Damaasi bakù yoú bíɛ́kɛ̀,
355	GEN 14:18	Kɛ̀ Mɛsisedɛki Sadɛmmu kóo kpààtì wèè tu Kuyie nkùù bakɛ́ kɛĩ́nkɛ̀ nɛ̀ kɛtenkɛ̀ ku kuɔ́ nìùtì, kòo kɔtɛnní pɛ̃́ɛ̃̀ nɛ̀ mɛnaà nkóò co,
356	GEN 14:19	kɛ́mɔɔ Kuyie nkó mɛsàà nhAbarammu kpɛ́í nkɛ dɔ̀: Kuyie nkùù bakɛ́ kɛĩ́nkɛ̀ nɛ̀ kɛtenkɛ̀ kù da dɔɔ̀ mɛsàà.
357	GEN 14:20	Kuyie nkùù bakɛ́ kɛĩ́nkɛ̀ nɛ̀ kɛtenkɛ̀ kɛ te kàa na a dootitɔbɛ̀ ku yètìrì ndɛu! Kɛ̀ Abarammuu dɛitɛ ò tɔní dɛ̀ bá tɛ̀ɛ̀ píítɛ̀ miɛkɛ, dɛmáà dɛmáà kóò duɔ́.
359	GEN 14:22	Kɛ̀ Abarammuu ò tɛ̃̀ńnɛ́ kɛ dɔ̀: N youtɛ n nɔ̀ùtɛ̀ ntɛ, ti Yiɛ̀ nKuyie nkùù bakɛ́ kɛĩ́nkɛ̀ nɛ̀ kɛtenkɛ̀ ku ììkɛ̀,
360	GEN 14:23	kɛ pàrìkɛ̀ kɛ tú n yí yóó túótɛ́ a kpɛrɛ marɛ̀ bá fɛpààkonyĩɛ̃̀fɛ̀ yoo kunɛùkù kó kuhɔ̃ũ, a yàà bo yĩ́ fɔ̃́ɔ̃̀ te mí nhAbarammu kɛ̀ n naá nhokpààtì.
362	GEN 15:1	Kɛ̀ ti Yiɛ̀ nKuyie mbɛnkɛ kumáà Abarammu kóò nàkɛ́ kɛ dɔ̀: Bá nyĩɛ̃̀kù! Míì tu a kó kudɔpìkù, m bo da cú dɛ̀ bo ndɛu mɛdiɛ̀.
363	GEN 15:2	Kɛ̀ Abarammu dɔ̀: Ti Yiɛ̀ nKuyie nha bo n duɔ́ mba? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Damaasi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
369	GEN 15:8	Kɛ̀ Abarammu dɔ̀: Ti Yiɛ̀ nKuyie, m bo yĩ́mɛ kɛ́bantɛ́ n yóó tiekɛmɛ̀ dɛ kó kɛtenkɛ̀?
373	GEN 15:12	Diyiè tati dìì mɔ̀nnì kɛ̀ inuɔ mpĩ́ nhAbarammu kòo duɔ́ mɛdiɛ̀, kɛ̀ dibiìnnì diɛrì marìi ò sɔ̃̀ńtɛ́, kɛ̀ kufɔ̃waá nhò pĩ mmɛdiɛ̀.