24	GEN 1:24	Kɛ̀ Kuyie ndɔ̀: Kɛtenkɛ̀ɛ pɛitɛ́ iwũɔ̃ imɔu botí. Icɛ̃wũɔ̃ diɛyì nɛ̀ isám̀pɔ́ì nɛ̀ ikpawũɔ̃ ibotí ibotí nɛ̀ dɛbambaànnɛ̀ dɛbotí dɛbotí. Kɛ̀ dɛ̀ɛ dɔɔ̀ kù yɛ̃mmɛ̀.
25	GEN 1:25	Kɛ̀ Kuyie ndɔɔ̀ iwũɔ̃ ibotí ibotí nɛ̀ icɛ̃wũɔ̃ nɛ̀ dɛbambaànnɛ̀ dɛmɔu. Kɛ̀ kùu dɛ̀ pɛ́nsìrì.
26	GEN 1:26	Kɛ̀ Kuyie ndɔ̀: Tí dɔɔ̀nɛ̀ onìtì kòo nti dònnɛ̀, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ ìì bo kɛtenkɛ̀ nɛ̀ dɛbambaànnɛ̀ dɛmɔu.
28	GEN 1:28	Kɛ̀ kùu bɛ̀ pã mɛsàà nkɛ́ bɛ̀ nàkɛ́ kɛ dɔ̀: Piɛ́nnɛ̀ kɛ́sṹṹ nkɛ́píɛ nkɛtenkɛ̀ kɛmɔu, kɛ́ nkɛ̀ bakɛ́, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ imɔu ìì bo kɛtenkɛ̀ ĩ́nkɛ̀.
30	GEN 1:30	N duɔ́mmu timútì nɛ̀ titieti kɛ̀ tì bo ntú iwũɔ̃ imɔu nɛ̀ tinɔ̀tì timɔu, nɛ̀ dɛbambaànnɛ̀ dɛmɔu dɛ kó mudiì. Kɛ̀ dɛ̀ɛ dɔɔ̀ kù yɛ̃mmɛ̀.
45	GEN 2:14	Kɛ̀ kutãã́nkù kpɛri tú Tikidi, kuù pũɔ̃̀ ndiyiè yìɛ̀ní kɛ̀ɛ̀ bíɛ́kɛ̀ kɛ firì dihɛì bɛ̀ tu dì Asidii, kɛ̀ kunaankù kpɛri tú Efadati.
50	GEN 2:19	Kɛ̀ ti Yiɛ̀ nKuyie ntúótɛ́ mutã́ã́ nkɛ́dɔɔ̀nɛ̀ iwũɔ̃ imɔu, nɛ̀ tinɔ̀tì timɔu kɛ́duɔ́ nkɛ̀ dɛ̀ nkɔrìní onìtì borɛ̀, kɛ̀ kù bo yà ò yóó dɛ̀ yu yɛ̀ɛ̀ yètɛ̀. Bá dɛ̀, dɛ̀ do dò nkɛ́mmɔkɛmu diyètìrì.
51	GEN 2:20	Kɛ̀ Adammuu duɔ́ nyicɛ̃wũɔ̃ i yètɛ̀ kɛ́duɔ́ nyikpakpɛyi i yètɛ̀, kɛ́duɔ́ nsinɔɔ si yètɛ̀. Ò mɛ nyí mpɛ̀tɛ́ wèè bo nhò dònnɛ̀ koò teénnɛ̀.
54	GEN 2:23	Kòo ò yà kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
70	GEN 3:14	Kɛ̀ ti Yiɛ̀ nKuyie nnákɛ́ fɛwààfɛ̀ kɛ dɔ̀: Fɔ̃́ɔ̃̀ mɛ ntemɛ̀ kɛ̀ dɛ̀ dɔ̀ɔ̀ miɛ n da cɔ̃ɔ̃mu tiwanwantì timɔu miɛkɛ, a bo nfũrì a pɔutì, kɛ yo mmutã́ã́ nsã́ã̀.
82	GEN 4:2	Kòo yíɛ́ kɛ́pɛitɛ́ o nantɛ̀ Abɛɛdi. Kɛ̀ Abɛɛdi ntú owũɔ̃cɛ̃nti kɛ̀ Kayɛ̃ɛ̃ tu otenkútì.
102	GEN 4:22	Kɛ̀ Sida yie múnkɛɛ pɛitɛ́ dɛnitidabirɛ, Tubaadi-Kayɛ̃ɛ̃, kòo mmáátí tinɛntì tibotí tibotí, mɛnatimɛ̀ kpɛti nɛ̀ mɛbiɛrimɛ nɛ̀ timátì. Kòo tãũ̀ yètìrì ntú Naama.
139	GEN 6:1	Bɛnìtìbɛ̀ sũ̀ṹ ndìì mɔ̀nnì kɛtenkɛ̀ ĩ́nkɛ̀ kɛ́piɛ́ bɛsapàmbɛ̀.
145	GEN 6:7	Kɛ̀ ti Yiɛ̀ nKuyie ndɔ̀: M bo kuɔ bɛnìtìbɛ̀ n dɔ̀ɔ̀ bɛ̀, kɛ́kuɔ iwũɔ̃ diɛyì nɛ̀ isám̀pɔ́ì nɛ̀ sinɔɔ, n dèmmumu n dɛ̀ dɔ̀ɔ̀mɛ̀.
147	GEN 6:9	Nɔwee do tú onitisàù nwe kɛ dɔɔri Kuyie ndɔ́mɛ̀ kɛ kù tũ,
152	GEN 6:14	Á dɔɔ̀ tɛdabɛɛcĩ́ɛ̃̀tɛ̀ nɛ̀ idɛí ìì kpeńnì, kɛ́cíékɛ́ tidieti kɛ̀ tì nsũ, kɛ́waá mmumɔ̀mmu kɛ́fiɛtí mɛfíè ntɛ miɛkɛ nɛ̀ tɛ ĩ́nkɛ̀.
158	GEN 6:20	Tiwanwantì timɔu botí nɛ̀ iwũɔ̃ dɛdaarɛ̀ nɛ̀ dɛniirɛ, sinɔɔ diɛsì nɛ̀ sisám̀pɔ́sì, nɛ̀ dɛbambaànnɛ̀ dɛbotí dɛbotí, dɛ̀ yóó kɔtɛnímu a borɛ̀ kɛ bo yentɛ́.
162	GEN 7:2	Á túótɛ́ iwũɔ̃ ibotí ibotí bɛ̀ n feu ì ìdɛ́ì ìdɛ́ì, fɛdaafɛ̀ nɛ̀ fɛnifɛ kucɛ mɛ̀yiekɛ̀ kɛ́túótɛ́ bɛ̀ í n feu ì ìdɛ́ì máà fɛdaafɛ̀ nɛ̀ fɛnifɛ,
164	GEN 7:4	Yɛwe yɛ̀yiekɛ̀ kó difɔ̃nkúò n yóó cṹũnko fɛtaafɛ̀ nfɛ kɛ̀ fɛ̀ nniu kɛ dɔ̀ yɛwe sipísìnàà nɛ̀ dɛyènnɛ̀ sipísìnàà, kɛ́kuɔ n dɔ̀ɔ̀ dɛ̀ɛ̀ kó dimàà kɛtenkɛ̀ ĩ́nkɛ̀.
168	GEN 7:8	nɛ̀ iwũɔ̃ bɛ̀ feu ì Kuyie nnɛ̀ bɛ̀ í kù feu ì, nɛ̀ sinɔɔ nɛ̀ dɛ̀ɛ̀ kó dimàà fòù kɛtenkɛ̀ ĩ́nkɛ̀.
174	GEN 7:14	nɛ̀ tiwanwantì tibotí tibotí, nɛ̀ iwũɔ̃ ibotí ibotí nɛ̀ tinɔ̀tì nɛ̀ dɛbambaànnɛ̀ nɛ̀ tipumpùtì.
177	GEN 7:17	Kɛ̀ fɛtaafɛ̀ nniu kɛ dɔ̀ yɛwe sipísìnàà, kɛ̀ mɛniɛ nsṹũnko kɛ̀ tɛdabɛɛcĩ́ɛ̃̀tɛ̀ nɔ̀ńkɛ́ mɛ ĩ́nkɛ̀.
181	GEN 7:21	Kɛ̀ dɛ̀ɛ̀ kó dimàà fòù kɛtenkɛ̀ ĩ́nkɛ̀, iwũɔ̃, nɛ̀ tiwanwantì nɛ̀ dɛsĩ́ntɛ́kpɛrɛ dɛmɔu, dɛ̀ɛ̀ bo kɛtenkɛ̀ ĩ́nkɛ̀ kɛ̀ dɛ̀ɛ kú dɛmɔu.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
185	GEN 8:1	Kuyie nyí nyɛ̃̀ nNɔwee kpɛ́í nnɛ̀ iwũɔ̃ nɛ̀ tiwanwantì dɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ, kɛ́duɔ́ nkɛ̀ kuyaakù nfuu kɛtenkɛ̀ kɛ̀ mɛniɛ nní nkɛ̃́kú.
195	GEN 8:11	Kɛ̀ tɛ̀ nwɛ̃tiní kuyuoku kɛ tɔní kufãã̀sũ̀ũ̀kù makù, kɛ̀ Nɔwee bantɛ́ mɛniɛ ncɔ̀ɔ̀tɛmɛ̀,
197	GEN 8:13	Dibenni pànnì kó diyiè ketirì yiè, kɛ sɔ̃́ nNɔwee mɔ̀kɛ yɛbie nsikɔusìkuɔ̀ nɛ̀ dìmáà (601) kɛ̀ mɛniɛ nkṹṹ, kòo dátɛ́ tipĩ́mpĩ́ntì kɛ́yà mɛ̀ kũ̀ṹmɛ̀.
201	GEN 8:17	Dennɛ iwũɔ̃ ibotí ibotí tiwanwantì nɛ̀ tinɔ̀tì nɛ̀ dɛbambaànnɛ̀, kɛ̀ dɛ̀ɛ pɛ̃tɛ́ kɛ́sṹṹ nkɛtenkɛ̀ ĩ́nkɛ̀.
203	GEN 8:19	kɛ́dennɛ tiwanwantì nɛ̀ iwũɔ̃ dɛbotí dɛbotí nɛ̀ sinɔɔ nɛ̀ dɛbambaànnɛ̀.
204	GEN 8:20	Kɛ̀ Nɔwee maá diwũɔ̃tɔ̀nnì ti Yiɛ̀ nKuyie nkpɛ́í, kɛ́túótɛ́ iwũɔ̃ nɛ̀ sinɔɔ bɛ̀ feu dɛ̀ ti Yiɛ̀ nKuyie ndɛ̀marɛ̀ marɛ̀, kɛ́ dɛ̀ fìé ti Yiɛ̀ nKuyie ndiwũɔ̃tɔ̀nnì ĩ́nkɛ̀ kɛ́tuɔ.
208	GEN 9:2	Tiwanwantì timɔu: Iwũɔ̃ nɛ̀ sinɔɔ nɛ̀ siyĩĩ, dɛbambaànnɛ̀ dɛmɔu dɛ̀ bo ndi dé, kɛ̀ dí ndɛ̀ bakɛ́.
211	GEN 9:5	Nyɛ̃́nɛ̀ kɛ tú n yóó pɛitɛmu bɛ̀ɛ̀ kɔ̀ù bɛnìtìbɛ̀ kɛ́pɛitɛ iwũɔ̃ nɛ̀ tiwanwantì tìì kɔ̀ù bɛnìtìbɛ̀.
216	GEN 9:10	nɛ̀ iwũɔ̃ ìì do di bonɛ̀ tɛdabɛɛcĩ́ɛ̃̀tɛ̀ miɛkɛ sinɔɔ nɛ̀ iwũɔ̃ nɛ̀ tiwanwantì dɛ̀ɛ̀ yóó buotɛ́.
225	GEN 9:19	Nɛ̀ Nɔwee bí itããti miɛkɛ nkɛ ibotí sũ̀ṹmmɛ̀ kɛtenkɛ̀ ĩ́nkɛ̀.
228	GEN 9:22	Kɛ̀ Kammu Kannahãã kɔbɛ kóo cicɛɛ yà o cicɛ Nɔwee fũ̀ɔ̃̀ feímɛ̀, kɛ́yɛ̀ kɛ́nákɛ́ o tebìí sidɛ́ ditowaà.
229	GEN 9:23	Kɛ̀ Sɛmmu nɛ̀ Safɛti kɛ̀ bɛ̀ɛ buutɛ́ kuyààkù kɛ́nkérí bɛ fɔ̃nkúò kɛ́tuɔkɛ kóò dàtínnɛ́, bá bɛ̀ í nyà bɛ cicɛ fũ̀ɔ̃̀.
240	GEN 10:5	Bɛɛ̀ do sũ̀ṹ nkɛ́cíɛ́tɛ́ kɛ́maá dàmɛ́ɛ̀rì takɛ́ kɛ́cã́nnɛ́ cã́nnɛ́ ibotí bɛ náaǹtì dò ndòmmɛ̀.
270	GEN 11:3	kɛ́nákɛ́ bɛtɔbɛ̀ kɛ dɔ̀: Ítɛ́nɛ̀ kɛ̀ ti pííkú yɛdombiɛ, kɛ́ yɛ̀ pũ̀ńnɛ́ kɛ̀ yɛ̀ɛ kpenkɛ kɛ́ndò nyɛtã́rɛ̀, kɛ̀ tí waá nkùtìnɔ́ɔ̀ kɛ́nsĩɛ̃kù.
297	GEN 11:30	Saraii do tú tɛhãũntɛ ntɛ kɛ́nkpa dɛbirɛ.
306	GEN 12:7	Kɛ̀ ti Yiɛ̀ nKuyie mbɛnkɛ kumáà Abarammu kóò nàkɛ́ kɛ dɔ̀: N yóó duɔ́ nkɛ ntenkɛ̀ nkɛ a yaàbí. Kɛ̀ Abarammuu maá ti Yiɛ̀ nKuyiendiwũɔ̃tɔ̀nnì dɛ kó dibòrì.
307	GEN 12:8	Ò dɛ nyìtɛ́ kɛ́kɔtɛ yɛtãrɛ̀ kó dihɛì Betɛɛdi diyiè yìɛ̀ní kɛ̀ɛ̀ bíɛ́kɛ̀, kɛ́kari Betɛɛdi nɛ̀ Aii dɛ cuokɛ̀ kɛ tó maá ti Yiɛ̀ nKuyie ndiwũɔ̃tɔ̀nnì tɛrì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
312	GEN 12:13	Á bɛ̀ nàkɛ́ kɛ dɔ̀ n tú a tãũ̀ nwe kɛ̀ bɛ̀ nni ndɔɔri mɛsàà nha kpɛ́í, kɛ̀ nní nfòù.
318	GEN 12:19	Dɛ̀ dòmmɛ̀ kàa n nàkɛ́ kɛ yɛ̃ nha tãũ̀ nwe kɛ̀ nh ò tùótɛ́ kɛ bo puokɛ? Nto a pokù kɛ́pɛ̃ɛ̃tɛ́.
323	GEN 13:4	Ò do maá dɛ̀ diwũɔ̃tɔ̀nnì kɛ́bántɛ̀ ti Yiɛ̀ nKuyie nkɛ́ kù yu kɛ dɔ̀ o Yiɛ̀.
325	GEN 13:6	Bá kɛtenkɛ̀ í mbɛ̀ sànnɛ̀ kɛ yɛ̃́ bɛ̀ do mɔkɛmɛ̀ iwũɔ̃ mɛdiɛ̀.
337	GEN 13:18	Kɛ̀ Abarammuu ítɛ́ dɛborɛ̀ kɛ́sɔɔ́ nkɛ́kari dibòrì marì bɛ̀ tu dì Mammudee kó mutie borɛ̀ Ebunɔɔ takɛ́, kɛ́maá diwũɔ̃tɔ̀nnì kɛ́bántɛ̀ ti Yiɛ̀ nKuyie.
344	GEN 14:7	kɛ́nkũntiní kɛ́pɔntɛ Ammisipati bɛ̀ tu dìì ɛì Kadɛɛsi, kɛ́pɔntɛ Amadesiibɛ kó kɛtenkɛ̀ kɛmɔu, nɛ̀ Amɔriibɛ bɛ̀ɛ̀ bo Asasɔnni-Tamaa.
351	GEN 14:14	Abarammu kèè dìì mɔ̀nnì bɛ̀ kònnɛ̀mɛ̀ Dɔti koò kpetí, kɛ́duɔ́ nkòo tɔ̃mbɛ̀ bɛ̀ piɛ́ bɛ̀ o cĩ́ɛ̃̀tɛ̀ kɛ̀ bɛ̀ɛ báátí, sikɔusìtããti nɛ̀ tɛpíítɛ̀ nɛ̀ bɛ̀ni (318), kɛ̀ bɛ̀ɛ tũnnɛ kɛ́tuɔkɛ Danni tenkɛ̀.
354	GEN 14:17	Abarammu na dìì mɔ̀nnì okpààtì Kedɔɔdaomɛɛ nɛ̀ bɛkpààtìbɛ̀ bɛ̀ɛ̀ ò wɛ̃ńnɛ́ kɛ́nkũnti, kɛ̀ Sodɔmmu kóo kpààtìi yɛ̀nní kóò co Safee kó kubiriku miɛkɛ, bɛ̀ tu kù okpààtì biriku.
360	GEN 14:23	kɛ pàrìkɛ̀ kɛ tú n yí yóó túótɛ́ a kpɛrɛ marɛ̀ bá fɛpààkonyĩɛ̃̀fɛ̀ yoo kunɛùkù kó kuhɔ̃ũ, a yàà bo yĩ́ fɔ̃́ɔ̃̀ te mí nhAbarammu kɛ̀ n naá nhokpààtì.
371	GEN 15:10	Kɛ̀ Abarammu waanní iwũɔ̃ inyi, kɛ́kékɛ́ i cuokɛ̀, kɛ́ ì dɔú nkɛ́cuó nyitɔbɛ̀, ò mɛ nyí nkèkɛ́ sinɔ́nkpeé.
374	GEN 15:13	Kɛ̀ ti Yiɛ̀ nKuyie nhò nàkɛ́ kɛ dɔ̀: A nyɛ̃́ kɛ tú a yaàbí bo kɔtɛ dihɛì marì dìì í tú i kpɛri, kɛ́ nkɛ̀ bo kɛ dɔ̀ yɛbie nsikɔusìnàà (400), kɛ tú tidaatì kɛ̀ bɛ̀ ì fɛ̃́ũnko.
375	GEN 15:14	Kɛ̀ n fɛ̃́ũ ndɛ kó kubotí kùù ì fɛ̃́ũnko, kàa yaàbí nyɛtì kɛ tɔ tikpàtì mɛdiɛ̀.
376	GEN 15:15	Fɔ̃́ nha yó mbonɛ̀ diwɛ̀ì ndi kɛ yàa kótɛ́ kɛ́kú, kɛ̀ bɛ̀ da kũnnɛ́ a yɛmbɛ̀ borɛ̀.
377	GEN 15:16	A yaàbí kó iyaàbí, iì wɛ̃tiní kɛ ntenkɛ̀. Kɛ yɛ̃́ Amɔriibɛ yɛi mu nyí sũ̀ṹmmɛ̀ kɛ tùɔ̀kɛ m bo bɛ̀ bɛ̀ti dɛ̀.
378	GEN 15:17	Diyiè ta dìì mɔ̀nnì kɛ̀ dɛ̀ɛ biitɛ sã̀ṹ, kɛ̀ Kuyie nkɔtɛní kɛ́ndò mmuhãã́ nnɛ̀ kuyukú nɛ̀ fɛhããdɛɛ̀nfɛ̀, kɛ pɛ̃nkù iwũɔ̃ bɛ̀ kèkɛ́ ì sàku.
388	GEN 16:6	Kɛ̀ Abarammuu nákɛ́ Saraii kɛ dɔ̀: A kó kudaakù nku, kɛ̀ fɔ̃́ɔ̃̀ kù te, dɔɔ̀ ku a dɔ́mɛ̀. Mɛm̀mɛ kɛ̀ Saraii fɛ̃́ũ nhAkaa mmɛdiɛ̀, kòo cokɛ́ kɛ́ta dikpáà cuokɛ̀.
412	GEN 17:14	Kɛ̀ wèè í cãntɛ́ dí ò dènnɛ di cuokɛ̀, ò í tũ̀nnɛ mɛ̀ɛ̀ kpɛ́í n taummɛ̀ kó ikuɔ́.
433	GEN 18:8	Imaa mbi dìì mɔ̀nnì kòo ì tùótɛ́ kɛ́waá mmɛnaamiɛ̀ mmɛ̀ɛ̀ kãntɛ́ nɛ̀ mɛ̀ɛ̀ ũmmú bàmbà nkɛ́ bɛ̀ ĩ̀ńnɛ́, kɛ̀ bɛ̀ nyo nkòò còḿmú bɛ takɛ́, kɛ dírí mutie.
469	GEN 19:11	kɛ́ bɛ̀ bɔntɛ́ tiyũ̀ɔ̃̀ntì bɛmɔu, ibí nɛ̀ bɛkótíbɛ̀, kɛ̀ bɛ̀ nhàrì ditowaà bá bɛ̀ í nyà dibòrì bo kɛ̀ɛ̀ bíɛ́kɛ̀.
482	GEN 19:24	Mɛm̀mɛ kɛ̀ ti Yiɛ̀ nKuyie ncṹũnní muhãpòpùo nSodɔmmu ɛì nɛ̀ Komɔɔ ɛì ĩ́nkɛ̀, kɛ̀ mù ncɔ́ú.
498	GEN 20:2	kɛ́nnáá nkɛ tú o pokù Saraa tu o tãũ̀. Kɛ̀ Abimɛdɛki Kedaari kóo kpààtìi túótɛ́ Saraa kɛ́kònnɛ̀.
501	GEN 20:5	Abarahammu n nàkɛ́ kɛ tú o tãũ̀ nwe, kòo nitipòkù múnkɛ yɛ̃ nho tãũ̀ nwe. N yí ò tòú kɛ yĩɛ̃̀kù, n yí cààrɛ̀.
504	GEN 20:8	Kɛ̀ Abimɛdɛkii entɛ dikṹnweńnì sɛ̀ì, kɛ́yú o kó bɛtũ̀mbɛ̀, kɛ́ bɛ̀ nàkɛ́ dɛ̀ɛ̀ dɔ̀ɔ̀, kɛ̀ kufɔ̃waá mbɛ̀ pĩ.
508	GEN 20:12	Ò tu n tãũ̀ nwe bakɛ yie, kɛ̀ ti wɛ̃ nti cicɛ omáà kɛ̀ ti yɔ̃bɛ̀ nɛ́ cã́ã́. Kɛ̀ nh ò puokɛ.
509	GEN 20:13	Kuyie nduɔ́ ndìì mɔ̀nnì kɛ̀ n yìtɛ́ n cicɛ cĩ́ɛ̃̀tɛ̀, n nàkɛ́ diì mɔ̀nnì m pokù kɛ dɔ̀: Kɛ̀ ti kɔ̀tɛ kɛ̀ɛ̀ bíɛ́kɛ̀ a dɔ̀ a tú n tãũ̀.
512	GEN 20:16	Kòo nákɛ́ Saraa kɛ dɔ̀: N duɔ́mmu a tãũ̀ mɛdítíbii ntɛkɔupíítɛ̀ (1000), kɛ̀ dɛ̀ bo bɛnkɛ a kɔbɛ bɛmɔu a í dɔ̀ɔ̀mɛ̀ mmɛ tìmatì tináaǹtì tii mmiɛkɛ.
528	GEN 21:14	Dikṹnweńnì sɛ̀ì kɛ̀ Abarahammuu túótɛ́ pɛ̃́ɛ̃̀ kɛ́cũɔ̃́ mɛniɛ nkudɔukù miɛkɛ, kɛ́duɔ́ nhAkaa, kóò duɔ́ nho birɛ, kóò bɛ̀ti, kòo kɔtɛ kɛ́nhàrì dikpáà cuokɛ̀ bɛ̀ tu dì Bɛɛrisebaa.
530	GEN 21:16	kɛ́kɔtɛ kɛ́nkari mɛdɛ́timɛ̀ kɛ̀ dɛ̀ mànnɛ̀ a bo tãũmɛ̀ kupie, kɛ kuɔ̀ nkɛ tú: N yí dɔ́ ń yà m birɛ kɔ̃ ndɛ̀!
534	GEN 21:20	Kɛ̀ Kuyie nní ntɔ dɛbirɛ, kɛ̀ dɛ̀ɛ kótɛ́ dikpáà cuokɛ̀ kɛ́ naá nhohoditãũtì diɛwè.
557	GEN 22:9	Bɛ̀ tùɔ̀kɛ dìì mɔ̀nnì Kuyie nhò bɛnkɛ dɛ̀, kɛ̀ Abarahammuu maá diwũɔ̃tɔ̀nnì, kɛ́dɔɔ̀ idɛí kɛ́daá nkɛ́boú o birɛ Isaki kɛ́nɔ́ɔ́,
576	GEN 23:4	M bo diɛ nkɛ tú opɔ̀ɔ̀ nwe, ḿ pãnɛ̀ kɛtenkɛ̀ kɛ̀ n kũnnɛ́ ocíì kóò díɛ.
578	GEN 23:6	Okótì a tú okpààtì nwe ti cuokɛ̀, kɛ̀ Kuyie nkó mɛsàà nda bonɛ̀. Kũnnɛ́ a cíì a dɔ́ kùù fɔ̃ti, òmɔù í yóó da yetɛnɛ̀.
580	GEN 23:8	kɛ dɔ̀: Kɛ̀ di yie nkɛ̀ m bo kũnnɛ́ ocíì diɛ, dí m bántɛ̀ Efunɔɔ Soaa birɛ,
581	GEN 23:9	kòo n duɔ́ nho fɔ̃ti kùù bo Makpedaa o paku nùù, kɛ̀ n yietí kudonku di ììkɛ̀ kɛ̀ kù ntú n kɔku kɛ̀ nní nkũrì bɛcíríbɛ̀.
583	GEN 23:11	Áà, n Yiɛ̀! N da pãmu kupaku nɛ̀ kufɔ̃ti n kɔbɛ ììkɛ̀. Kũnnɛ́ ocíì.
585	GEN 23:13	kɛ́nákɛ́ Efunɔɔ kɛ dɔ̀: N da báámmu bɛnìtìbɛ̀ ììkɛ̀ kɛ tú á n fítɛ́nɛ̀ ku kɛ̀ n kũnnɛ́ ocíì.
587	GEN 23:15	kɛ dɔ̀: Yie n yóó da nákɛ́ tì, mɛdítíbii nsikɔusìnàà (400) kpɛti tú ba fɔ̃́ nnɛ̀ mí nti cuokɛ̀? Kũnnɛ́ o cíì.
591	GEN 23:19	Kɛ̀ Abarahammuu kũnnɛ́ o pokù Saraa kufɔ̃ti kùù bo kupaku Makpedaa, kɛ wetí Mammudee bɛ̀ yu dɛ̀ Ebunɔɔ, Kannahãã kó kɛtenkɛ̀ miɛkɛ.
592	GEN 23:20	Dɛ mɔ̀nnì, kɛ̀ Abarahammuu tiekɛ kupaku nɛ̀ kufɔ̃ti dɛ̀ɛ̀ do tú Itiibɛ kpɛrɛ, kɛ́nkũrì o círíbɛ̀.
604	GEN 24:12	Kòo bántɛ̀ ti Yiɛ̀ nKuyie nkɛ dɔ̀: N Yiɛ̀ nKuyie nhAbarahammu tũ nkù n da báámmu yóu kɛ̀ n yà n wanti dɛ̀ yíe. Dɔɔ̀ n yiɛ̀ nhAbarahammu mɛsàà.
608	GEN 24:16	Dɛ kóo sapàà ndo wenni mɛdiɛ̀ mmɛ, kɛ mu nyí yɛ̃́ onitidɔ̀ù, kòo dó mɛniɛ nkɛ́píɛ nho dúù kɛ́tɔ nkɛ́nkũnti.
612	GEN 24:20	Kòo utɛ́ mɛniɛ mmɛcãã nyiwũɔ̃ yɔ̃̀ ndɛ̀, kɛ́cokɛ́ kɛ́dónní kɛ́duɔ́ nyòyóbɛ̀ bɛmɔu.
614	GEN 24:22	Kɛ̀ yòyóbɛ̀ɛ yã̀ kɛ́deè kòo túótɛ́ mumámáá mmɛsɔɔ nkɔ̃mu bɛ̀ tũɔ̃̀mù dihɔ̃nnì nɛ̀ sinɛí sìdɛ́sì mɛsɔɔ nkpɛsi,
617	GEN 24:25	Kòo yíɛ́ kɛ́bɛ́i nkɛ dɔ̀: Timúkpetì bomu nɛ̀ tisũ̀ũ̀tì pɛ́u, kɛ̀ di bo duɔ́ dɛ̀ bo.
619	GEN 24:27	kɛ́bɛ́i nkɛ dɔ̀: Ti Yiɛ̀ nKuyie, n yiɛ̀ nhAbarahammu tũ nkù yètìrì ndɛu, kuù ò kuɔ́ mmɛsémmɛ̀ koò dɔ̀ɔ̀ mɛsàà, kɛ n niitɛ́ kɛ̀ ǹ tùɔ̀kɛní o kɔbɛ borɛ̀.
621	GEN 24:29	Debekaa do mɔkɛ o tãũ̀ mɔù nwe kòo yètìrì tu Damaa kòo yà mumámáá nnɛ̀ sinɛí kɛ́keè ò nàá ntì kɛ́ítɛ́ mɛcãã nkɛ́kɔtɛ tɛbintɛ borɛ̀ kɛ́ yà dɛ kóo nìtì nɛ̀ o yòyóbɛ̀.
623	GEN 24:31	Kɛ dɔ̀: Fɔ̃́ nti Yiɛ̀ nKuyie nkó mɛsàà mbonɛ̀ wè, kɔtɛní kɛ̀ tí kò. Dɛ̀ yĩ́mɛ kàa bo dikpáà? N tũ̀ntɛmu tɛcĩ́ɛ̃̀tɛ̀ kɛ waá nyòyóbɛ̀ yó mborɛ̀.
624	GEN 24:32	Kòo tuɔkoo tɛcĩ́ɛ̃̀tɛ̀ kɛ̀ Damaa duɔ́ nkɛ̀ bɛ̀ɛ boutɛ́ yòyóbɛ̀ tinɛntì, kòo bɛ̀ duɔ́ ntimúkpetì nɛ̀ tisũ̀ũ̀tì, kɛ́duɔ́ mmɛniɛ nhAbarahammu kóo tɔ̃ntì nɛ̀ o nɛínɛ̀ bɛ̀, kɛ̀ bɛ̀ɛ ɔ́ú bɛ naàcɛ̀i.
627	GEN 24:35	Ti Yiɛ̀ nKuyie nkuù dɔ̀ɔ̀ n yiɛ̀ nhAbarahammu mɛsàà, kòò kpenkɛ kɛ mɔkɛ tikpàtì mɛdiɛ̀. Kɛ mɔkɛ iwũɔ̃ nɛ̀ idíítí nɛ̀ mɛsɔɔ nnɛ̀ bɛtɔ̃mbɛ̀ bɛnitidaabɛ̀ nɛ̀ bɛnitipòbɛ̀ nɛ̀ yòyóbɛ̀ nɛ̀ sãmmarímúbɛ̀.
632	GEN 24:40	Kòò n tɛ̃̀ńnɛ́ kɛ tú o Yiɛ̀ nKuyie nhò tũ nkù yó n niitɛ́mu kɛ̀ m pɛ́tɛ́ onitipòkù o kɔbɛ cuokɛ̀, o cicɛ cĩ́ɛ̃̀tɛ̀ miɛkɛ, kɛ́kònnɛ̀nko kɛ́puó nhò kóò dapàà.
634	GEN 24:42	N tùɔ̀kɛní tɛbintɛ borɛ̀ yíe nkɛ bántɛ̀mu Kuyie nkɛ yĩ: Ti Yiɛ̀ nKuyie nhAbarahammu tũ nkù yóu kɛ̀ n yà n wanti dɛ̀,
639	GEN 24:47	Kɛ̀ nh ò bekɛ kɛ yĩ: We nkóo sapàà nda tú? Kòò yɛ̃ nNaɔɔ nɛ̀ Midikaa bɛ birɛ Betuyɛɛdi kóo sapàà nhò tu, kɛ̀ n tɔ̃nnɛ́ o ɔ̃nnì mumámáá koò ũ̀ńnɛ́ sinɛí.
640	GEN 24:48	Dɛ mɔ̀nnì ndi n nìńkúmɛ̀ kɛ dɔunnɛ̀ mutɔ̃mmú ti Yiɛ̀ nKuyie nhAbarahammu tũ nkù, kù n niitɛ́mɛ̀ weti weti kɛ̀ m bo túótɛ́ o tebitɛ kóo sapàà nkɛ́puó nho birɛ.