3	GEN 1:3	Kɛ̀ Kuyie mbɛ́i nkɛ dɔ̀: Kuwennikuu yɛ̀nní! Kɛ̀ kùu yɛ̀nní.
6	GEN 1:6	Kɛ̀ Kuyie ndɔ̀: Tiwɛtìi buotɛ́ kɛ́totɛ́ mɛniɛ kɛ̀ miɛ nní ḿbo kɛĩ́nkɛ̀ kɛ̀ mɛtɛ̃mɛ̀ bo kɛtenkɛ̀.
9	GEN 1:9	Kɛ̀ Kuyie mbɛ́i nkɛ dɔ̀: Mɛniɛ mmɛ̀ɛ̀ kpaá mɛ̀ɛ tíí ndɛ̀marɛ̀ máà, kɛ̀ kɛtenkɛ̀ɛ feitɛ́. Kɛ̀ dɛ̀ɛ dɔɔ̀ kù yɛ̃mmɛ̀.
11	GEN 1:11	Kɛ̀ Kuyie ndɔ̀: Titieti nɛ̀ timútì dɛ̀ɛ yɛ̀nní dɛbotí dɛbotí kɛ́mpɛí yɛbɛ. Kɛ̀ dɛ̀ɛ dɔɔ̀ kù yɛ̃mmɛ̀.
14	GEN 1:14	Kɛ̀ Kuyie nyíɛ́ kɛ́bɛ́i nkɛ dɔ̀: Kuwenniku ḿbo kɛĩ́nkɛ̀ kɛ́mbaàtì kɛyènkɛ̀ nɛ̀ kuyie nnɛ̀ yɛmɔ̀rɛ̀ nɛ̀ yɛwe nɛ̀ yɛbie,
20	GEN 1:20	Kɛ̀ Kuyie ndɔ̀: Dɛsĩ́ntɛ́kpɛrɛ dɛmɔuu buotɛ́ mɛniɛ mmiɛkɛ, kɛ̀ sinɔɔ buotɛ́ kɛ́nhɛintɛ kɛĩ́nkɛ̀, kɛ̀ dɛ̀ɛ dɔɔ̀ kù bɛ́immɛ̀.
24	GEN 1:24	Kɛ̀ Kuyie ndɔ̀: Kɛtenkɛ̀ɛ pɛitɛ́ iwũɔ̃ imɔu botí. Icɛ̃wũɔ̃ diɛyì nɛ̀ isám̀pɔ́ì nɛ̀ ikpawũɔ̃ ibotí ibotí nɛ̀ dɛbambaànnɛ̀ dɛbotí dɛbotí. Kɛ̀ dɛ̀ɛ dɔɔ̀ kù yɛ̃mmɛ̀.
26	GEN 1:26	Kɛ̀ Kuyie ndɔ̀: Tí dɔɔ̀nɛ̀ onìtì kòo nti dònnɛ̀, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ ìì bo kɛtenkɛ̀ nɛ̀ dɛbambaànnɛ̀ dɛmɔu.
28	GEN 1:28	Kɛ̀ kùu bɛ̀ pã mɛsàà nkɛ́ bɛ̀ nàkɛ́ kɛ dɔ̀: Piɛ́nnɛ̀ kɛ́sṹṹ nkɛ́píɛ nkɛtenkɛ̀ kɛmɔu, kɛ́ nkɛ̀ bakɛ́, kɛ́mbakɛ́ siyĩĩ nɛ̀ sinɔɔ sìì pùtì kɛĩ́nkɛ̀, nɛ̀ iwũɔ̃ imɔu ìì bo kɛtenkɛ̀ ĩ́nkɛ̀.
29	GEN 1:29	Kɛ̀ Kuyie ndɔ̀: N di duɔ́mmu timútì timɔu tìì pɛí nɛ̀ dɛtie ndɛmɔu dɛ̀ɛ̀ pɛí, kɛ̀ dɛ̀ bo ntú di kó mudiì.
47	GEN 2:16	Kɛ̀ ti Yiɛ̀ nKuyie nhò nàkɛ́ yɛtannɔ̀ kɛ dɔ̀: A bo na kɛ́nyo ndɛtie ndɛmɔu dɛ̀ɛ̀ bo kupúú dɛ kó yɛbɛ.
49	GEN 2:18	Kɛ̀ ti Yiɛ̀ nKuyie mbɛ́i nkɛ dɔ̀: Dɛ̀ í wenni onìtì bo mbomɛ̀ omáà, m bo ò dɔ̀ɔ̀ wèè yó nhò dònnɛ̀ koò teénnɛ̀.
54	GEN 2:23	Kòo ò yà kɛ dɔ̀: ɛ̃̀hɛ̃́ɛ̃̀! Ntɛ wèè tu n kṹɔ̃̀ kó dikɔ̃́ũ̀, n kɔ̃̀ntì kó tikɔ̃̀ntì. Bɛ̀ bo nhò yu kɛ tú onitipòkù kɛ yɛ̃́ Kuyie nhò dɔ̀ɔ̀nɛ̀mɛ̀ onitidɔ̀ù kó dikɔ̃́ũ̀ ndi.
57	GEN 3:1	Fɛwààfɛ̀ fɛɛ̀ do ciìnɛ̀ tiwanwantì timɔu ti Yiɛ̀ nKuyie ndɔ̀ɔ̀ tì. Kɛ̀ fɛ̀ɛ bekɛ onitipòkù kɛ dɔ̀: Mɔ́mmuɔ nwe Kuyie nyɛ̃mmɛ̀ di bá nyo nkupúú kó yɛtebɛ yɛmɔuà?
58	GEN 3:2	Kòo nitipòkùu fɛ̀ tɛ̃̀ńnɛ́ kɛ dɔ̀: Ti yommu kupúú kó yɛtebɛ.
60	GEN 3:4	Kɛ̀ fɛwààfɛ̀ dɔ̀: Di í yóó kú bìtì.
65	GEN 3:9	Kɛ̀ ti Yiɛ̀ nKuyie nyú onitidɔ̀ù kɛ dɔ̀: A borɛ?
66	GEN 3:10	Kòo kù tɛ̃̀ńnɛ́ kɛ dɔ̀: N kèè a tammɛ̀ mmɛ kupúú miɛkɛ kɛ̀ kufɔ̃waá nni mpĩ nkɛ̀ n sɔ̀ri, kɛ yɛ̃́ m bomɛ̀ difɔ̃̀kperì.
67	GEN 3:11	Kɛ̀ ti Yiɛ̀ nKuyie ndɔ̀: We nda nàkɛ́ kɛ tú a bo difɔ̃̀kperì, yáà a di ditebii n yɛ̃ nha báá di dì ndi?
68	GEN 3:12	Kòo nitidɔ̀ù dɔ̀: Onitipòkù a mɛ nni nduɔ́ nwè kɛ̀ ti bo, weè ǹ duɔ́ ndɛ kó ditebii kɛ̀ ǹ di.
69	GEN 3:13	Kɛ̀ ti Yiɛ̀ nKuyie mbekɛ onitipòkù kɛ dɔ̀: Dɛ̀ yĩ́mɛ kàa dɔ̀ɔ̀ mɛmmɛ? Kòò dɔ̀: Fɛwààfɛ̀ fɛɛ̀ ǹ soutɛ́ kɛ̀ ǹ di ditebii.
70	GEN 3:14	Kɛ̀ ti Yiɛ̀ nKuyie nnákɛ́ fɛwààfɛ̀ kɛ dɔ̀: Fɔ̃́ɔ̃̀ mɛ ntemɛ̀ kɛ̀ dɛ̀ dɔ̀ɔ̀ miɛ n da cɔ̃ɔ̃mu tiwanwantì timɔu miɛkɛ, a bo nfũrì a pɔutì, kɛ yo mmutã́ã́ nsã́ã̀.
72	GEN 3:16	Kɛ̀ ti Yiɛ̀ nKuyie nnákɛ́ onitipòkù kɛ dɔ̀: A pɛitímù bo yonkɛ mɛdiɛ̀. A níí bo fɛ̃́ṹtɛ́ mɛdiɛ̀ nkɛ nɛ́ na kɛ́pɛitɛ́, a bo mbúɔ́ a dɔù kòò da bakɛ́.
73	GEN 3:17	Kɛ̀ ti Yiɛ̀ nKuyie nnákɛ́ onitidɔ̀ù kɛ dɔ̀: A mɛ̀ nyiemmɛ̀ a pokù kpɛti kɛ di ditebii n yɛ̃ nha báá di dì. M bo cɔ̃ɔ̃ kɛtenkɛ̀, a níí bo kúútí kɛ́fɛ̃́ṹtɛ́ mɛdiɛ̀ nkɛ nɛ́ na kɛ́pɛ́tɛ́ kɛ́di.
78	GEN 3:22	kɛ́bɛ́i nkɛ dɔ̀: Onìtì naánnɛ̀ tí mbɛ kɛ yɛ̃́ mɛsàà nnɛ̀ mɛyɛi, ti báá yie nkòo tɔ̃tɛ ditebii dìì duɔ̀ mmufòmmu kɛ́di kɛ́nfòù sã́ã̀.
81	GEN 4:1	Kɛ̀ Adammuu duɔ́nɛ̀ o pokù Ɛfu, kòo púó nkɛ́pɛitɛ́ dɛnitidabirɛ kɛ́ dɛ̀ yu kɛ dɔ̀ Kayɛ̃ɛ̃, kɛ dɔ̀: Ti Yiɛ̀ nKuyie nkuù te kɛ̀ m̀ pɛitɛ́ onìtì.
86	GEN 4:6	Kɛ̀ ti Yiɛ̀ nKuyie nhò bekɛ kɛ dɔ̀: Kayɛ̃ɛ̃ dɛ̀ dòmmɛ kàa miɛkɛ pɛikɛ kàa ììkɛ̀ sɔ̀ùtɛ?
88	GEN 4:8	Mɛm̀mɛ kɛ̀ Kayɛ̃ɛ̃ nákɛ́ o nantɛ̀ Abɛɛdi kɛ dɔ̀: Tí kɔ̃tɛ́. Bɛ̀ kɔ̃tɛ́ dìì mɔ̀nnì kɛ̀ Kayɛ̃ɛ̃ pĩ́ nho nantɛ̀ Abɛɛdi kɛ́kuɔ.
89	GEN 4:9	Kɛ̀ ti Yiɛ̀ nKuyie mbekɛ Kayɛ̃ɛ̃ kɛ dɔ̀: Yé a nantɛ̀ Abɛɛdi borɛ̀? Kɛ̀ Kayɛ̃ɛ̃ dɔ̀: N yí yɛ̃́ tɛ̀ borɛ̀, n túmu n nantɛ̀ kóo bàràà?
90	GEN 4:10	Kɛ̀ Kuyie ndɔ̀: A dɔ̀ɔ̀ ba? A nantɛ̀ yĩ̀ĩ̀ nkuɔ̀ nkɛtenkɛ̀ kɛ tú ḿ pɛitɛ.
93	GEN 4:13	Kɛ̀ Kayɛ̃ɛ̃ nákɛ́ ti Yiɛ̀ nKuyie nkɛ dɔ̀: A n toú ndìì tɔu cɛ̃́ɛ̃̀mu, m báá na kɛ́ dì tɔ.
95	GEN 4:15	Dɛ mɔ̀nnì kɛ̀ ti Yiɛ̀ nKuyie ndɔ̀: Kòò mɔù kùɔ Kayɛ̃ɛ̃ m bo pɛitɛ kucɛ mɛ̀yiekɛ̀. Kɛ̀ ti Yiɛ̀ nKuyie ncannɛ Kayɛ̃ɛ̃ mɛcannimɛ̀ mamɛ̀ mɛ̀ɛ̀ yó nte kɛ̀ wèè ò yà ò báá ò kùɔ.
103	GEN 4:23	Kɛ̀ Demɛkii nákɛ́ o pobɛ̀ kɛ dɔ̀: Ada nɛ̀ Sida, kéntɛ́nɛ̀ n kpɛti! Díndi Demɛki pobɛ̀ keènɛ̀ n tú mù! Onìtì n kɔ̀ùtɛ kɛ̀ nh ò kùɔ, odapàà nni mpotɛ́ kɛ̀ dɛ̀ màtìnnɛ kɛ̀ nh ò kùɔ.
109	GEN 5:3	Adammu mɔ̀kɛ dìì mɔ̀nnì yɛbie ntɛkɔ̀ùtɛ̀ nɛ̀ sipísìtããti (130) kɛ́pɛitɛ́ dɛnitidabirɛ kɛ̀ dɛ̀ nhò dònnɛ̀ sósó. Kòo dɛ̀ yu kɛ dɔ̀: Sɛti.
135	GEN 5:29	kɛ́ dɛ̀ yu kɛ dɔ̀ Nɔwee, kɛ́nnáá nkɛ tú: Yie nweè yóó ti bántɛ̀ nɛ̀ mutɔ̃mmú ti pĩ́ mmù yɛwe yɛmɔu, kɛ yɛ̃́ ti Yiɛ̀ nKuyie ncɔ̃ɔ̃mɛ̀ kɛtenkɛ̀.
141	GEN 6:3	Kɛ̀ ti Yiɛ̀ nKuyie ndɔ̀: M báá yóu kɛ̀ bɛnìtìbɛ̀ biɛ nní nfòù kɛ́mɔntɛ, bɛ̀ tu bɛnìtìbɛ̀ mbɛ, bɛ̀ bo mmɔkɛ yɛbie ntɛkɔ̀ùtɛ̀ nɛ̀ sipísìdɛ́ (120) kɛ́kú.
145	GEN 6:7	Kɛ̀ ti Yiɛ̀ nKuyie ndɔ̀: M bo kuɔ bɛnìtìbɛ̀ n dɔ̀ɔ̀ bɛ̀, kɛ́kuɔ iwũɔ̃ diɛyì nɛ̀ isám̀pɔ́ì nɛ̀ sinɔɔ, n dèmmumu n dɛ̀ dɔ̀ɔ̀mɛ̀.
148	GEN 6:10	kɛ́pɛitɛ́ initidabí ìtããti: Sɛmmu nɛ̀ Kammu, nɛ̀ Safɛti.
151	GEN 6:13	Kɛ̀ Kuyie nnákɛ́ Nɔwee kɛ dɔ̀: M bo kuɔ dì mmɔ̀nnì bɛnìtìbɛ̀ bɛmɔu bɛ̀ dɔ̀nnɛmu, kɛ̀ bɛ yonku dɛukɛ, m bo bɛ̀ kùɔ.
153	GEN 6:15	Ntɛ a yóó tɛ̀ dɔ̀ɔ̀ mɛ̀ɛ̀ botí: Tɛ okùmɛ̀ ḿbo mɛ́tìrì tɛkɔ̀ùtɛ̀ nɛ̀ sipísìnùmmù (150), mɛpɛ̃kùmɛ̀ mɛ́tìrì sipísìdɛ́ nɛ̀ bɛ̀nùmmù, mɛcómmɛ̀ mɛ́tìrì tɛpíítɛ̀ nɛ̀ bɛ̀nùmmù.
161	GEN 7:1	Kɛ̀ ti Yiɛ̀ nKuyie nnákɛ́ Nɔwee kɛ dɔ̀: Ta tɛdabɛɛcĩ́ɛ̃̀tɛ̀ fɔ̃́ nnɛ̀ a cĩ́ɛ̃̀tɛ̀ kɔbɛ. N sɔ̃́ nfɔ̃́ɔ̃̀ máà yie n kpɛti a kɔbɛ cuokɛ̀.
183	GEN 7:23	Mɛm̀mɛ dɛ̀ɛ̀ kó dimàà weí: Bɛnìtìbɛ̀ nɛ̀ iwũɔ̃ nɛ̀ tiwanwantì, dɛ̀ kumɛ̀. Kɛ̀ Nɔwee weè máà nkpaá nɛ̀ o cĩ́ɛ̃̀tɛ̀ kɔbɛ bɛ̀ɛ̀ do ò bonɛ̀ tɛdabɛɛcĩ́ɛ̃̀tɛ̀ miɛkɛ.
199	GEN 8:15	Kɛ̀ Kuyie nnákɛ́ Nɔwee kɛ dɔ̀:
205	GEN 8:21	Kɛ̀ ti Yiɛ̀ nKuyie nkeè dɛ kó kufɔ̃ɔ̃ku kɛ̀ dɛ̀ɛ kù narikɛ kɛ̀ kù dɔ̀: N tɛ̃́nkɛ í yóó cɔ̃ɔ̃ kɛtenkɛ̀, kɛ yɛ̃́ onìtì yɛ̀mmɛ̀ í wennimɛ̀ nɛ̀ ò bomɛ̀. N tɛ̃́nkɛ báá kuɔ dɛ̀ɛ̀ kó dimàà weí m mɛ ndɔ̀ɔ̀ mɛ̀ɛ̀ botí.
207	GEN 9:1	Kɛ̀ Kuyie mpã Nɔwee mɛsàà wenwe nɛ̀ o bí kɛ dɔ̀: Piɛ́nɛ̀ kɛ́sṹṹ nkɛ́píɛ nkɛtenkɛ̀.
208	GEN 9:2	Tiwanwantì timɔu: Iwũɔ̃ nɛ̀ sinɔɔ nɛ̀ siyĩĩ, dɛbambaànnɛ̀ dɛmɔu dɛ̀ bo ndi dé, kɛ̀ dí ndɛ̀ bakɛ́.
214	GEN 9:8	Kɛ̀ Kuyie nyíɛ́ kɛ́nákɛ́ Nɔwee nɛ̀ o bí kɛ dɔ̀:
223	GEN 9:17	Kɛ̀ Kuyie nnákɛ́ Nɔwee kɛ dɔ̀: Kutãmmɛyãrí kuù yó mbɛnkú n taunɛ̀mɛ̀ kɛtenkɛ̀ kɔbɛ.
224	GEN 9:18	Nɔwee bí ì do yɛ̀nnímɛ̀ tɛdabɛɛcĩ́ɛ̃̀tɛ̀ iǹyi: Sɛmmu nɛ̀ Kammu nɛ̀ Safɛti. Kammu weè naá nKannahãã kɔbɛ kóo cicɛ.
231	GEN 9:25	kɛ́bɛ́i nkɛ dɔ̀: A bo yà fɔ̃́ nKannahãã! A bo ntú a tebìí miɛkɛ kudaakù sɔnsɔnku,
232	GEN 9:26	Kòo yíɛ́ kɛ́bɛ́i nkɛ dɔ̀: Ti Yiɛ̀ nKuyie ńdɔɔ̀ mɛsàà nSɛmmu kɛ̀ Kannahãã ńtú o kó kudaakù.
237	GEN 10:2	Safɛti kó ibí tú: Kɔmɛɛ nɛ̀ Makɔku nɛ̀ Madaii nɛ̀ Yafãã nɛ̀ Tubaadi nɛ̀ Mɛsɛki nɛ̀ Tidaasi.
238	GEN 10:3	Kɔmɛɛ kó ibí tú: Asekenaasi nɛ̀ Difati nɛ̀ Tokadima.
239	GEN 10:4	Yafãã kó ibí tú: Edisaa nɛ̀ Tadisisi nɛ̀ Kitimmu nɛ̀ Dodanimmu.
241	GEN 10:6	Kammu kó ibí tú: Kuusi nɛ̀ Misidaimmu nɛ̀ Puti nɛ̀ Kannahãã.
242	GEN 10:7	Kuusi kó ibí tú: Sebaa nɛ̀ Afidaa nɛ̀ Sabitaa nɛ̀ Dayemaa nɛ̀ Sabitekaa. Dayemaa kó ibí tú: Sebaa nɛ̀ Dedanni.
245	GEN 10:10	Ntɛ yɛhɛkɛ̀ ketiyɛ̀ ò do bakɛ́ yɛ̀: Babɛɛdi nɛ̀ Edɛsi nɛ̀ Akadi nɛ̀ Kadinɛɛ. Dɛ kó yɛhɛkɛ̀ do bo Sindeaa miɛkɛ nkɛ.
251	GEN 10:16	Kɛ̀ Kannahãã yaàbí ntú: Yebusiibɛ nɛ̀ Amɔriibɛ nɛ̀ Kidikasiibɛ
258	GEN 10:23	Kɛ̀ Aramu kó ibí ntú: Uusi nɛ̀ Udi nɛ̀ Ketɛɛ nɛ̀ Maasi.
270	GEN 11:3	kɛ́nákɛ́ bɛtɔbɛ̀ kɛ dɔ̀: Ítɛ́nɛ̀ kɛ̀ ti pííkú yɛdombiɛ, kɛ́ yɛ̀ pũ̀ńnɛ́ kɛ̀ yɛ̀ɛ kpenkɛ kɛ́ndò nyɛtã́rɛ̀, kɛ̀ tí waá nkùtìnɔ́ɔ̀ kɛ́nsĩɛ̃kù.
273	GEN 11:6	Kɛ dɔ̀: Bɛ̀ mɛ̀ ntúmɛ̀ kubotí kùmáà kɔbɛ kɛ náá ntináaǹtì tìmáà, dɛ̀marɛ̀ í yóó bɛ̀ dìtínnɛ́ bɛ̀ yóó namu kɛ́dɔɔ̀ bɛ̀ dɔ́mɛ̀.
277	GEN 11:10	Sɛmmu kó kufuku tú kuu: Ò do mɔkɛ yɛbie ntɛkɔ̀ùtɛ̀ (100) ntɛ kɛ́pɛitɛ́ Adipakisadi kɛ sɔ̃́ ndɛ̀ mɔ̀kɛ yɛbie nyɛ̀dɛ́ɛ̀ nɛ̀ mɛniɛ nkùɔmɛ̀ bɛnìtìbɛ̀.
300	GEN 12:1	Kɛ̀ ti Yiɛ̀ nKuyie nnákɛ́ Abarammu kɛ dɔ̀: Ítɛ́ a tenkɛ̀, a kɔbɛ borɛ̀, a cicɛ cĩ́ɛ̃̀tɛ̀, kɛ́kɔtɛ n yóó da bɛnkɛ kɛ̀ɛ̀ tenkɛ̀.
303	GEN 12:4	Dɛ mɔ̀nnì kɛ sɔ̃́ nhAbarammu mɔ̀kɛ yɛbie nsipísìyiekɛ̀ nɛ̀ yɛ̀nùmmù. Kɛ̀ ti Yiɛ̀ nKuyie nhò nàkɛ́ kɛ dɔ̀: Ítɛ́ Anaa ɛì.
306	GEN 12:7	Kɛ̀ ti Yiɛ̀ nKuyie mbɛnkɛ kumáà Abarammu kóò nàkɛ́ kɛ dɔ̀: N yóó duɔ́ nkɛ ntenkɛ̀ nkɛ a yaàbí. Kɛ̀ Abarammuu maá ti Yiɛ̀ nKuyiendiwũɔ̃tɔ̀nnì dɛ kó dibòrì.
310	GEN 12:11	Bɛ̀ tùɔ̀kɛ dìì mɔ̀nnì Esibiti kɛ́ntati dihɛì, kɛ̀ Abarammuu nákɛ́ o pokù Saraii kɛ dɔ̀: N yɛ̃́mu a túmɛ̀ oposáátì,
317	GEN 12:18	Kɛ̀ Esibiti kóo kpààtìi yú Abarammu kóò bekɛ kɛ dɔ̀: Dɛ̀ yĩ́mɛ kàa n dɔ̀ɔ̀ miɛ? Dɛ̀ dòmmɛ̀ kàa í n nàkɛ́ kɛ tú a pokù nwe?
327	GEN 13:8	Kɛ̀ Abarammuu nákɛ́ Dɔti kɛ dɔ̀: Mí nnɛ̀ fɔ̃́ ti í dò nkɛ́kpa, ti naacɛ̃mbɛ mɛ nyí dò nkɛ́kpa, kɛ yɛ̃́ ti wɛ̃ḿmɛ̀ tɛcĩ́ɛ̃̀tɛ̀.
333	GEN 13:14	Dɔti nɛ̀ Abarammu bɛ̀ yàtɛ dìì mɔ̀nnì, kɛ̀ ti Yiɛ̀ nKuyie nnákɛ́ Abarammu kɛ dɔ̀: Wéntɛ́ a cómmú dɛ̀, kɛ́wéntɛ́ diyiè yìɛ̀ní kɛ̀ɛ̀ bíɛ́kɛ̀, kɛ́wéntɛ́ a bakù yoú nɛ̀ kucã̀nku.
356	GEN 14:19	kɛ́mɔɔ Kuyie nkó mɛsàà nhAbarammu kpɛ́í nkɛ dɔ̀: Kuyie nkùù bakɛ́ kɛĩ́nkɛ̀ nɛ̀ kɛtenkɛ̀ kù da dɔɔ̀ mɛsàà.
358	GEN 14:21	Kɛ̀ Sodɔmmu kóo kpààtìi nákɛ́ Abarammu kɛ dɔ̀: N duɔ́ mbɛnìtìbɛ̀ kɛ́nte tinɛntì a ɛí tì.
359	GEN 14:22	Kɛ̀ Abarammuu ò tɛ̃̀ńnɛ́ kɛ dɔ̀: N youtɛ n nɔ̀ùtɛ̀ ntɛ, ti Yiɛ̀ nKuyie nkùù bakɛ́ kɛĩ́nkɛ̀ nɛ̀ kɛtenkɛ̀ ku ììkɛ̀,
361	GEN 14:24	N yí yóó túótɛ́ dɛ̀marɛ̀, kɛ̀ dɛ̀ í tú n kó bɛnìtìbɛ̀ di dɛ̀. Bɛ̀ɛ̀ n cíe mbɛɛ̀ tu: Anɛɛ nɛ̀ Ɛsikɔɔdi nɛ̀ Mammudee, bɛɛ̀ bo túótɛ́ bɛ kpɛrɛ.
362	GEN 15:1	Kɛ̀ ti Yiɛ̀ nKuyie mbɛnkɛ kumáà Abarammu kóò nàkɛ́ kɛ dɔ̀: Bá nyĩɛ̃̀kù! Míì tu a kó kudɔpìkù, m bo da cú dɛ̀ bo ndɛu mɛdiɛ̀.
363	GEN 15:2	Kɛ̀ Abarammu dɔ̀: Ti Yiɛ̀ nKuyie nha bo n duɔ́ mba? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Damaasi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
365	GEN 15:4	Kɛ̀ ti Yiɛ̀ nKuyie nhò tɛ̃̀ńnɛ́ kɛ dɔ̀: Weè í yóó túótɛ́ a kpɛrɛ. A yóó pɛitɛ́ dɛ̀ɛ̀ birɛ dɛɛ̀ yóó dɛ̀ tùótɛ́.
366	GEN 15:5	Kɛ̀ Kuyie ndennɛ Abarammu ditowaà kóò nàkɛ́ kɛ dɔ̀: Bɔ́útɛ́ tiwɛtì kɛ́yà siwã̀ã, a bo na kɛ́ sì kàanaà? Kɛ̀ kù yíɛ́ kɛ dɔ̀: Siwã̀ã dòmmɛ̀, a yaàbí yóó sṹṹ mmɛɛ̀ botí.
368	GEN 15:7	Kɛ̀ ti Yiɛ̀ nKuyie mbɛ́i nkɛ dɔ̀: Míì da íinní Uudi ɛì, Babidɔnni kó kɛtenkɛ̀, kɛ bo da duɔ́ kɛ ntenkɛ̀ a mɛ̀ mbo kɛ̀ɛ̀ miɛkɛ.
369	GEN 15:8	Kɛ̀ Abarammu dɔ̀: Ti Yiɛ̀ nKuyie, m bo yĩ́mɛ kɛ́bantɛ́ n yóó tiekɛmɛ̀ dɛ kó kɛtenkɛ̀?
370	GEN 15:9	Kɛ̀ ti Yiɛ̀ nKuyie nhò nàkɛ́ kɛ dɔ̀: Waanní dinaasɛrì nɛ̀ dibɔsɛrì nɛ̀ dipedaà, dɛ̀ɛ̀ mɔ̀kɛ yɛbie nyɛ̀tããti nɛ̀ tɛnɔ́nkpetɛ nɛ̀ dikpɛtìnɔ́nkperi.
374	GEN 15:13	Kɛ̀ ti Yiɛ̀ nKuyie nhò nàkɛ́ kɛ dɔ̀: A nyɛ̃́ kɛ tú a yaàbí bo kɔtɛ dihɛì marì dìì í tú i kpɛri, kɛ́ nkɛ̀ bo kɛ dɔ̀ yɛbie nsikɔusìnàà (400), kɛ tú tidaatì kɛ̀ bɛ̀ ì fɛ̃́ũnko.
379	GEN 15:18	Dɛ yiè ndi ti Yiɛ̀ nKuyie ntàunnɛ̀mɛ̀ kumáà Abarammu kɛ dɔ̀: N yóó duɔ́ ndɛ kó kɛtenkɛ̀ a yaàbí nyi kɛ̀ ì nkɛ̀ te, kɛ́túótɛ́ kukó kùù bo Esibiti mànku, kɛ́kã́ã́ kukó ndiɛkù Efadati.
384	GEN 16:2	Kɛ̀ Saraii nákɛ́ o dɔù kɛ dɔ̀: A wúómmu ti Yiɛ̀ nKuyie nyí m pãmɛ̀ ibí. Duɔ́nɛ̀ n kó kudaakù, kɛ̀ dɛ yɛ̀mmɛ̀ ò bo m pɛitɛ́ dɛbirɛ. Kɛ̀ Abarammuu yie ndɛ kó tináaǹtì.
387	GEN 16:5	Kɛ̀ Saraii nákɛ́ Abarammu kɛ dɔ̀: Fɔ̃́ɔ̃̀ te kɛ̀ bɛ̀ n sã̀ã́. Míì tùótɛ́ n kó kudaakù kɛ da puó, nɛ̀ kù bantɛ́mɛ̀ kɛ dò nkù pùó nkù tɛ̃́nkɛ í n wúó. Ti Yiɛ̀ nKuyie kuù bo ti pútɛ́ fɔ̃́ nnɛ̀ mí.
388	GEN 16:6	Kɛ̀ Abarammuu nákɛ́ Saraii kɛ dɔ̀: A kó kudaakù nku, kɛ̀ fɔ̃́ɔ̃̀ kù te, dɔɔ̀ ku a dɔ́mɛ̀. Mɛm̀mɛ kɛ̀ Saraii fɛ̃́ũ nhAkaa mmɛdiɛ̀, kòo cokɛ́ kɛ́ta dikpáà cuokɛ̀.
390	GEN 16:8	Kóò bekɛ kɛ dɔ̀: Akaa a bonní dɛ, a kɔri kɛ? Kòò dɔ̀: N cokù Saraii nwe n tú wèè kó kudaakù.
391	GEN 16:9	Kɛ̀ ti Yiɛ̀ nKuyie ntɔ̃nnìi ò nàkɛ́ kɛ dɔ̀: Wɛ̃tɛ o borɛ̀ kɛ́nyíé nhò yɛ̃ mmù.
392	GEN 16:10	Kɛ̀ dìi yíɛ́ kɛ dɔ̀: Ti Yiɛ̀ nKuyie mbo duɔ́ nkàa yaàbíi sṹṹ mmɛdiɛ̀, bá òmɔù báá na kɛ́ ì kàa.
395	GEN 16:13	Kɛ̀ Akaa yú Kuyie nkùù o bɛ́innɛ̀ kɛ dɔ̀ Ata-Edii-Doyii (dɛ̀ɛ̀ tu: Ti Yiɛ̀ nKuyie nkùù n wùó). Kɛ dɔ̀: M mɛ̀nkɛ yàmu Kuyie nkɛ kpaá fòùà?
396	GEN 16:14	Dɛɛ̀ te kɛ̀ bɛ̀ yu tɛbintɛ tɛ̀ɛ̀ bo Kadɛɛsi, nɛ̀ Bedɛdi dɛ cuokɛ̀ kɛ tú: Daayii-Doyii (dɛ̀ɛ̀ tu: Kuyie kùù ǹ wùó nku kó tɛbintɛ).
399	GEN 17:1	Abarammu mɔ̀kɛ dìì mɔ̀nnì yɛbie nsipísìwɛi nɛ̀ yɛ̀wɛi, kɛ̀ ti Yiɛ̀ nKuyie nhò bɛnkɛ kumáà, kóò nàkɛ́ kɛ dɔ̀: Míì tu Kuyie mmuwɛ̃rímú mumɔu yiɛ̀. A ndɔɔri n dɔ́mɛ̀ sã́ã̀.
401	GEN 17:3	Kɛ̀ Abarammuu nínkú kɛ́sĩ́nnɛ́ kɛtenkɛ̀, kɛ̀ Kuyie nhò nàkɛ́ kɛ dɔ̀:
407	GEN 17:9	Kɛ̀ Kuyie nyíɛ́ kɛ́nákɛ́ Abarahammu kɛ dɔ̀: Fɔ̃́ nnɛ̀ a yaàbí nɛ̀ di bo mbomɛ̀, di mpĩ́ n kó mɛtaummɛ̀.
408	GEN 17:10	Ntɛ di dò nkɛ́ndɔɔrimɛ̀ ti kó mɛtaummɛ̀ miɛkɛ: Di fuku miɛkɛ bɛ̀ɛ̀ kó dimàà tu bɛnitidaabɛ̀ bɛ̀ ncãmmù.
413	GEN 17:15	Kɛ̀ Kuyie nnákɛ́ Abarahammu kɛ dɔ̀: A tɛ̃́nkɛ bá nyu a pokù kɛ tú Saraii, o yètìrì yó ntú Saraa nwe.
415	GEN 17:17	Kɛ̀ Abarahammuu nínkú kɛ́sĩ́nnɛ́ kɛtenkɛ̀, kɛ́daá, kɛ́bɛ́i nnɛ̀ o yɛ̀mmɛ̀ miɛkɛ kɛ dɔ̀: M bo yĩ́mɛ kɛ́pɛitɛ́ dɛbirɛ mí nwèè mɔ̀kɛ yɛbie ntɛkɔ̀ùtɛ̀ (100), kɛ̀ Saraa mɔ̀kɛ yɛbie n sipísìwɛi, ò bo yĩ́mɛ kɛ́pɛitɛ́?
416	GEN 17:18	Kɛ̀ Abarahammuu nákɛ́ Kuyie nkɛ dɔ̀: Kɛ̀ Isimayɛɛri cɛ̃́nkɛ fòù, kàa ò dɔ̀ɔ̀ mɛsàà, m báá bekɛ òmɔù tɛ̃́nkɛ!
417	GEN 17:19	Kɛ̀ Kuyie nnákɛ́ Abarahammu kɛ dɔ̀: A pokù Saraa bo da pɛitɛ́ dɛnitidabirɛ, kàa dɛ̀ yu kɛ dɔ̀ Isaki. M bo nhò taunɛ̀ nɛ̀ o yaàbío sã́ã̀.
428	GEN 18:3	kɛ́nákɛ́ bɛ kóò mɔù kɛ dɔ̀: Di báá pɛ̃ɛ̃tɛ́ mí nha kóo tɔ̃ntì n cĩ́ɛ̃̀tɛ̀.
430	GEN 18:5	M bo waá mmudiì kɛ́ di duɔ́ nkɛ̀ dí di, kɛ́pɛ́tɛ́ muwɛ̃rímú, kɛ́na kɛ́sɔɔtɛ́ di cɛ, di báá pɛ̃ɛ̃tɛ́ n cĩ́ɛ̃̀tɛ̀ mɛmmɛ. Kɛ̀ bɛ̀ dɔ̀: Dɔɔ̀ a bɛ́i ntì.