57	GEN 3:1	Fɛwààfɛ̀ fɛɛ̀ do ciìnɛ̀ tiwanwantì timɔu ti Yiɛ̀ nKuyie ndɔ̀ɔ̀ tì. Kɛ̀ fɛ̀ɛ bekɛ onitipòkù kɛ dɔ̀: Mɔ́mmuɔ nwe Kuyie nyɛ̃mmɛ̀ di bá nyo nkupúú kó yɛtebɛ yɛmɔuà?
65	GEN 3:9	Kɛ̀ ti Yiɛ̀ nKuyie nyú onitidɔ̀ù kɛ dɔ̀: A borɛ?
67	GEN 3:11	Kɛ̀ ti Yiɛ̀ nKuyie ndɔ̀: We nda nàkɛ́ kɛ tú a bo difɔ̃̀kperì, yáà a di ditebii n yɛ̃ nha báá di dì ndi?
69	GEN 3:13	Kɛ̀ ti Yiɛ̀ nKuyie mbekɛ onitipòkù kɛ dɔ̀: Dɛ̀ yĩ́mɛ kàa dɔ̀ɔ̀ mɛmmɛ? Kòò dɔ̀: Fɛwààfɛ̀ fɛɛ̀ ǹ soutɛ́ kɛ̀ ǹ di ditebii.
86	GEN 4:6	Kɛ̀ ti Yiɛ̀ nKuyie nhò bekɛ kɛ dɔ̀: Kayɛ̃ɛ̃ dɛ̀ dòmmɛ kàa miɛkɛ pɛikɛ kàa ììkɛ̀ sɔ̀ùtɛ?
89	GEN 4:9	Kɛ̀ ti Yiɛ̀ nKuyie mbekɛ Kayɛ̃ɛ̃ kɛ dɔ̀: Yé a nantɛ̀ Abɛɛdi borɛ̀? Kɛ̀ Kayɛ̃ɛ̃ dɔ̀: N yí yɛ̃́ tɛ̀ borɛ̀, n túmu n nantɛ̀ kóo bàràà?
90	GEN 4:10	Kɛ̀ Kuyie ndɔ̀: A dɔ̀ɔ̀ ba? A nantɛ̀ yĩ̀ĩ̀ nkuɔ̀ nkɛtenkɛ̀ kɛ tú ḿ pɛitɛ.
317	GEN 12:18	Kɛ̀ Esibiti kóo kpààtìi yú Abarammu kóò bekɛ kɛ dɔ̀: Dɛ̀ yĩ́mɛ kàa n dɔ̀ɔ̀ miɛ? Dɛ̀ dòmmɛ̀ kàa í n nàkɛ́ kɛ tú a pokù nwe?
318	GEN 12:19	Dɛ̀ dòmmɛ̀ kàa n nàkɛ́ kɛ yɛ̃ nha tãũ̀ nwe kɛ̀ nh ò tùótɛ́ kɛ bo puokɛ? Nto a pokù kɛ́pɛ̃ɛ̃tɛ́.
363	GEN 15:2	Kɛ̀ Abarammu dɔ̀: Ti Yiɛ̀ nKuyie nha bo n duɔ́ mba? N yí mɔkɛ dɛbirɛ, kɛ̀ n kóo tɔ̃ntì Ediesɛɛ Damaasi ɛì kou, wèè bo n cĩ́ɛ̃̀tɛ̀, weè yóó túótɛ́ n kpɛrɛ.
366	GEN 15:5	Kɛ̀ Kuyie ndennɛ Abarammu ditowaà kóò nàkɛ́ kɛ dɔ̀: Bɔ́útɛ́ tiwɛtì kɛ́yà siwã̀ã, a bo na kɛ́ sì kàanaà? Kɛ̀ kù yíɛ́ kɛ dɔ̀: Siwã̀ã dòmmɛ̀, a yaàbí yóó sṹṹ mmɛɛ̀ botí.
369	GEN 15:8	Kɛ̀ Abarammu dɔ̀: Ti Yiɛ̀ nKuyie, m bo yĩ́mɛ kɛ́bantɛ́ n yóó tiekɛmɛ̀ dɛ kó kɛtenkɛ̀?
390	GEN 16:8	Kóò bekɛ kɛ dɔ̀: Akaa a bonní dɛ, a kɔri kɛ? Kòò dɔ̀: N cokù Saraii nwe n tú wèè kó kudaakù.
395	GEN 16:13	Kɛ̀ Akaa yú Kuyie nkùù o bɛ́innɛ̀ kɛ dɔ̀ Ata-Edii-Doyii (dɛ̀ɛ̀ tu: Ti Yiɛ̀ nKuyie nkùù n wùó). Kɛ dɔ̀: M mɛ̀nkɛ yàmu Kuyie nkɛ kpaá fòùà?
415	GEN 17:17	Kɛ̀ Abarahammuu nínkú kɛ́sĩ́nnɛ́ kɛtenkɛ̀, kɛ́daá, kɛ́bɛ́i nnɛ̀ o yɛ̀mmɛ̀ miɛkɛ kɛ dɔ̀: M bo yĩ́mɛ kɛ́pɛitɛ́ dɛbirɛ mí nwèè mɔ̀kɛ yɛbie ntɛkɔ̀ùtɛ̀ (100), kɛ̀ Saraa mɔ̀kɛ yɛbie n sipísìwɛi, ò bo yĩ́mɛ kɛ́pɛitɛ́?
434	GEN 18:9	Kɛ̀ bɛ̀ɛ bekɛ Abarahammu kɛ dɔ̀: A pokù Saraa borɛ? Kòò dɔ̀: Ò bo kutouku miɛkɛ.
438	GEN 18:13	Kɛ̀ ti Yiɛ̀ nKuyie mbekɛ Abarahammu kɛ dɔ̀: Dɛ̀ yĩ́mɛ kɛ̀ Saraa daá, kɛ tú ò kòtɛ́ kɛ pɛ̃ɛ̃tɛ́ ò bo pɛitɛ́mɛ̀ dɛbirɛ?
439	GEN 18:14	Dɛ̀marɛ̀ bo ti Yiɛ̀ nKuyie nyĩɛ̃kú dɛ̀à? Dɛ̀ yàa bo nkã́ã́kɛ́ miɛ nkɛ̀ nní nwɛ̃tiní a cĩ́ɛ̃̀tɛ̀ kɛ sɔ̃́ nSaraa pɛitɛ́mu dɛnitidabirɛ.
448	GEN 18:23	Mɛm̀mɛ kɛ̀ Abarahammu tɔ́ɔ́nko ti Yiɛ̀ nKuyie mborɛ̀ kɛ́ kù bekɛ kɛ dɔ̀: A bo yie nkɛ́wɛ̃nnɛ́ onitisàù nɛ̀ oyɛiwe kɛ́kuɔà?
449	GEN 18:24	Kɛ̀ bɛnitisààbɛ̀ bo Sodɔmmu sipísìnùmmù, a bo bɛ̀ wɛ̃nnɛ́nɛ̀ kɛ́kuɔà? A báá bɛ̀ cĩ̀ɛ̃́ nkɛ́yóu dihɛì bɛ kpɛ́ínáà?
453	GEN 18:28	Kɛ̀ bɛ̀ í tùɔ̀kɛ sipísìnùmmù, kɛ bo sipísìnàà nɛ̀ bɛ̀nùmmù á pɔntɛ dɛ kó dihɛìàà? Kɛ̀ ti Yiɛ̀ nKuyie ndɔ̀: Kɛ̀ n yà bɛ̀ɛ̀ wenni kɛ̀ bɛ̀ bo sipísìnàà nɛ̀ bɛ̀nùmmù, m báá pɔntɛ dihɛì.
454	GEN 18:29	Kɛ̀ Abarahammuu yíɛ́ kɛ́bɛ́i nkɛ dɔ̀: Kɛ̀ bɛ̀ɛ̀ wenni kɛ̀ bɛ̀ nɛ́ bo sipísìnàà tá? Kɛ̀ ti Yiɛ̀ nKuyie ndɔ̀: Kɛ̀ bɛ̀ bo sipísìnàà m báá pɔntɛ dihɛì.
455	GEN 18:30	Kɛ̀ Abarahammu dɔ̀: A miɛkɛ báá pɛikɛ n da báámmu, kɛ̀ bɛ̀ bo sipísìtããti tá? Kɛ̀ ti Yiɛ̀ nKuyie ndɔ̀: Kɛ̀ bɛ̀ bo sipísìtããti m báá dì pɔ̀ntɛ.
456	GEN 18:31	Kɛ̀ Abarahammu dɔ̀: N da báámmu yóu kɛ̀ n yíɛ́ kɛ́bɛ́i, kɛ̀ bɛ̀ bo sipísìdɛ́ tá? Kɛ̀ ti Yiɛ̀ nKuyie n dɔ̀: Kɛ̀ bɛ̀ bo sipísìdɛ́ m báá pɔntɛ dihɛì.
457	GEN 18:32	Kɛ̀ Abarahammu yíɛ́ kɛ́bɛ́i nkɛ dɔ̀: N Yiɛ̀ nKuyie nha báá nh ɔunɛ̀, n yóó bɛ́i mmɛsɔmmɛ mmɛ. Bɛ̀ɛ̀ wenni kɛ̀ bɛ̀ bo tɛpíítɛ̀ tá? Kɛ̀ ti Yiɛ̀ nKuyie ndɔ̀: Kɛ̀ bɛ̀ bo tɛpíítɛ̀ m báá pɔntɛ dihɛì.
463	GEN 19:5	kɛ́bekɛ Dɔti kɛ dɔ̀: Yé bɛnìtìbɛ̀ bɛ̀ɛ̀ bàtɛ́ a cĩ́ɛ̃̀tɛ̀ kuyuoku? Dennɛní bɛ kɛ̀ tí bɛ̀ duɔ́nɛ̀.
500	GEN 20:4	Kɛ sɔ̃́ nhAbimɛdɛki mu nyí ò duɔ́nɛ̀, kɛ́nákɛ́ Kuyie nkɛ dɔ̀: N Yiɛ̀, n yí cààrɛ̀, a bo sɔ̃́ntɛ́ kɛ́ n kuɔà?
505	GEN 20:9	Kɛ̀ Abimɛdɛkii yú Abarahammu kóò bekɛ kɛ dɔ̀: Dɛ̀ yĩ́mɛ kàa ti dɔ̀ɔ̀ miɛ? N da cààrɛ̀ ba, kàa dɔ́ mɛyɛi ndiɛmɛ̀ɛ do mí nnɛ̀ n kɔbɛ ti ĩ́nkɛ̀? A n dɔ̀ɔ̀ onìtì í dɔɔrimɛ̀ mmɛ otɔù,
506	GEN 20:10	ba nte kàa dɔ̀ɔ̀ mɛmmɛ?
531	GEN 21:17	Kɛ̀ Kuyie nkeè dɛbirɛ kuɔ̀mmɛ̀, kɛ̀ ku tɔ̃nnì ḿboní kɛĩ́nkɛ̀ kɛ́yú Akaa kɛ dɔ̀: Dɛ̀ dòmmɛ? Bá nyĩɛ̃̀kù Kuyie nkèèmu dɛbirɛ kuɔ̀mmɛ̀.
543	GEN 21:29	Kɛ̀ Abimɛdɛki dɔ̀: Ba nkpɛ́í nte kàa cã̀ńnɛ́ yɛpesɛrɛ̀ yɛ̀yiekɛ̀?
555	GEN 22:7	Kɛ̀ Isakii yú o cicɛ kɛ dɔ̀: N cicɛ! Kòò dɔ̀: Ntɛ mí. Kɛ̀ Isaki dɔ̀: Ti tɔ muhãã́ nnɛ̀ idɛí, yé fɛpìèfɛ̀ ti yóó kuɔ fɛ̀?
587	GEN 23:15	kɛ dɔ̀: Yie n yóó da nákɛ́ tì, mɛdítíbii nsikɔusìnàà (400) kpɛti tú ba fɔ̃́ nnɛ̀ mí nti cuokɛ̀? Kũnnɛ́ o cíì.
597	GEN 24:5	Kòo tɔ̃ntì dɔ̀: Kɛ̀ dɛ̀ yɛ̀mmɛ̀ onitipòkù báá yie nkɛ́ n nɛinɛ̀ní diɛ di nhɛì, a birɛ yó nni nnɛínɛ̀mu dɛ bíɛ́kàà?
615	GEN 24:23	kóò bekɛ kɛ dɔ̀: We nkóo sapàà nda tú? N da báámmu mɛfíè mbo mbo a cicɛ cĩ́ɛ̃̀tɛ̀ nɛ̀ n kɔbɛ kɛ̀ tí yiénáà?
623	GEN 24:31	Kɛ dɔ̀: Fɔ̃́ nti Yiɛ̀ nKuyie nkó mɛsàà mbonɛ̀ wè, kɔtɛní kɛ̀ tí kò. Dɛ̀ yĩ́mɛ kàa bo dikpáà? N tũ̀ntɛmu tɛcĩ́ɛ̃̀tɛ̀ kɛ waá nyòyóbɛ̀ yó mborɛ̀.
639	GEN 24:47	Kɛ̀ nh ò bekɛ kɛ yĩ: We nkóo sapàà nda tú? Kòò yɛ̃ nNaɔɔ nɛ̀ Midikaa bɛ birɛ Betuyɛɛdi kóo sapàà nhò tu, kɛ̀ n tɔ̃nnɛ́ o ɔ̃nnì mumámáá koò ũ̀ńnɛ́ sinɛí.
650	GEN 24:58	Kɛ̀ bɛ̀ɛ yú Debekaa kóò bekɛ kɛ dɔ̀: A dɔ́ kɛ́nɛinɛ̀ onìtì yie nkɛ̀ dí kònàà? Kòò dɔ̀: Ɛ̃ɛ̃, m bo ò nɛinɛ̀!
657	GEN 24:65	kɛ́bekɛ́ Abarahammu kóo tɔ̃ntì kɛ dɔ̀: Wenninwe wèè kèríní ti bíɛ́kɛ̀? Kòò dɔ̀: N yiɛ̀ nwe. Kɛ̀ Debekaa kãã́ nkuyààkù o ììkɛ̀.
681	GEN 25:22	Kɛ̀ ibí ḿbokù ìtɔbɛ̀ i yɔ̃ pɔutì miɛkɛ, kòò dɔ̀: Kɛ̀ dɛ̀ dò mmiɛ mmɛ, ba nte kɛ̀ m pùó? Kòo kɔtɛ kɛ́bekɛ ti Yiɛ̀ nKuyie.
691	GEN 25:32	Kɛ̀ Esayuu dɔ̀: Dikònnì yó n kuɔ kɛ̀ Mpo ɔ̃ nte dɛ̀ ń dɔɔ̀ ba?
702	GEN 26:9	Kòo ò yu kóò nàkɛ́ kɛ dɔ̀: A pokù nwe! Dɛ̀ yĩ́mɛ kàa yɛ̃ nha tãũ̀? Kòò dɔ̀: N yĩɛ̃̀kù bɛ̀ bo n kuɔmɛ̀ mmɛ o kpɛ́í kɛ yɛ̃ n tãũ̀.
703	GEN 26:10	Kɛ̀ Abimɛdɛki dɔ̀: A ti dɔ̀ɔ̀ ba? Dɛ̀ kpaá sám̀pɔ́rɛ̀ ndɛ òmɔù na nduɔ́nɛ̀mɛ̀ a pokù, kàa ti tannɛ́ mɛyɛi mmiɛkɛ.
720	GEN 26:27	Kɛ̀ Isaki dɔ̀: Di kɔ̀tɛní kɛ yɛ̃ mba? Díndi bɛ̀ɛ̀ í n dɔ́ kɛ m bɛ̀ti di ciɛ?
746	GEN 27:18	Kɛ̀ Sakɔbuu kɔtɛ o cicɛ borɛ̀ kɛ dɔ̀: N cicɛ! Kòò dɔ̀: Ntɛ mí! Fɔ̃́ nwennìnwe?
748	GEN 27:20	Kɛ̀ Isaki dɔ̀: A pã̀nkɛ pɛ̀tɛ́mu dɛndɛ bàmbà ntɛhontàà? Kòò dɔ̀: A Yiɛ̀ nKuyie nkuù tɛ̀ kɔ̀tɛnɛ̀ní n yììkɛ̀.
752	GEN 27:24	Kóò bekɛ kɛ dɔ̀: Fɔ̃́ nwe m birɛ Esayuàà? Kòò dɔ̀: Ɛ̃ɛ̃ mínwe.
760	GEN 27:32	Kɛ̀ Isakii bekɛ kɛ dɔ̀: Fɔ̃́ nwennìnwe? Kòò dɔ̀: Mínwe Esayuu a kóo Po.
761	GEN 27:33	Kɛ̀ dɛ̀ɛ di Isaki mɛdiɛ̀ nkòo kɔ̃̀ntìi aá, kòò dɔ̀: Wenninwe wèè kùɔní tɛhontɛ̀ kɛ n duɔ́ nkɛ̀ n càákɛ́ kɛ dèè kàa kpaaní, kɛ̀ nh ò pã mɛsàà nkòo yóó mɛ̀ pɛ̀tɛ́?
764	GEN 27:36	Kɛ̀ Esayuu dɔ̀: Bɛ̀ ò yu kɛ tú Sakɔbu osoùntì, dɛɛ̀ te kòò n soutɛ́ kucɛ mɛ̀dɛ́mɛ̀ kɛ cɔutɛ́ Mpo ɔ̃ nte dɛ̀ kɛ wɛ̃̀tɛ kɛ cɔutɛ́ n kó mɛsàà. Kɛ dɔ̀: Mɛsàà mmamɛ̀ í kpaá n kpɛ́ínáà?
766	GEN 27:38	Kɛ̀ Esayuu dɔ̀: N cicɛ a mɔkɛ mɛɛ̀ sàà mmáà? Múnkɛ n dɔɔ̀ mɛsàà. Dɛ mɔ̀nnì kɛ́kuɔ́.
800	GEN 29:4	Kɛ̀ Sakɔbuu bekɛ bɛpecɛ̃mbɛ kɛ dɔ̀: Di ciɛ borɛ̀? Kɛ̀ bɛ̀ dɔ̀: Ti ciɛ bo Anaa ɛì ndi.
801	GEN 29:5	Kòò dɔ̀: Di yɛ̃́ Naɔɔ birɛ Damaa? Kɛ̀ bɛ̀ dɔ̀: Ti ò yɛ̃́mu.
802	GEN 29:6	Kòò dɔ̀: Ò bo kɛ̀ dɛ̀ naataà? Kɛ̀ bɛ̀ dɔ̀: Ɛ̃ɛ̃, dɛ̀ naatimu! Ntɛ o kóo sapàà nDasɛɛdi kɛ kéríní nɛ̀ o pecɛ̃nku.
811	GEN 29:15	Kɛ̀ Damaa dɔ̀: A bo nni mpĩ́ mmutɔ̃mmú fààrɛ̀ a tú mɛ̀ɛ̀ kpɛ́í n cĩ́ɛ̃̀tɛ̀ kouà? Nákɛ́ a dɔ́ n da yietí mù.
821	GEN 29:25	Kɛ̀ dɛ̀ɛ wentɛ́ kɛ̀ Sakɔbu nsɔ̃́ nDea nwe, kòo bekɛ Damaa kɛ dɔ̀: A n dɔ̀ɔ̀ ba! N da pĩ mmutɔ̃mmú yɛbie nyɛ̀yiekɛ̀ Dasɛɛdi kpɛ́í nkɛ. Dɛ̀ yĩ́mɛ kàa n soutɛ́?
833	GEN 30:2	Kɛ̀ Sakɔbu miɛkɛɛ pɛikɛ Dasɛɛdi, kòo ò nàkɛ́ kɛ dɔ̀: N tú Kuyie nkuàà? Kuyie nkuù da mɔ̀ntɛ kupɛitóo.
846	GEN 30:15	Kɛ̀ Dea dɔ̀: A fìètɛ n dɔù kɛ̀ dɛ̀ í da sannɛ̀ kàa wɛ̃̀tɛ kɛ dɔ́ kɛ́cɔutɛ́ m birɛ tɔní yɛ̀ɛ̀ tebɛà? Kɛ̀ Dasɛɛdi dɔ̀: Kàa m pã yɛtebɛ ò bo ta a borɛ̀ kɛ nyènkɛ̀.
862	GEN 30:31	Kɛ̀ Damaa bekɛ Sakɔbu kɛ dɔ̀: N yóó da yietí ba? Kòò dɔ̀: A í yó n yietí mùmamù. Kàa yie n yóó da nákɛ́ tì, n sɔɔtɛ́ kɛ́ncɛ̃mmù a wũɔ̃.
900	GEN 31:26	kɛ́bekɛ Sakɔbu kɛ dɔ̀: A n dɔ̀ɔ̀ ba, kɛ n soutɛ́? Kɛ tùótɛ́ n kó bɛsapàmbɛ̀ kɛ dò nha kpà nkɛ bɛ̀ ɛí.
901	GEN 31:27	Dɛ̀ dòmmɛ kàa n soutɛ́, kɛ sɔ̀ri kɛ cokɛ́, bá a í n nàkɛ́? Ti na n da cíemmu kɛ́ndiè, kɛ bie nyɛbàrɛ̀ nɛ̀ tikùtìdùùtì kɛ̀ dɛ̀ naati.
904	GEN 31:30	A dɔ́ mɛcãã mmɛ kɛ bo kò nha cicɛ cĩ́ɛ̃̀tɛ̀, dɛ̀ nɛ́ yĩ́mɛ kàa yùúkú m bɔkɛ̀?
910	GEN 31:36	Kɛ̀ dɛ̀ɛ yonkɛ Sakɔbu kòo nkpannɛ̀ Damaa, kɛ tú: N càkɛ ba? N dɔ̀ɔ̀ ɔ̃̀mmɛ yɛi nkàa n tũ̀ nnɛ̀ kɛmiɛkɛ?
911	GEN 31:37	A fiɛ́mu n nɛntì, a yà ba dɛ̀ɛ̀ tu a kpɛrɛ? Bɛnkɛ dɛ n kɔbɛ nɛ̀ a kɔbɛ, kɛ̀ bɛ̀ɛ yà kɛ́ ti pútɛ́.
946	GEN 32:18	Kòo nákɛ́ oketiwè kɛ dɔ̀: Kɛ̀ n kóo kótì Esayuu da conɛ̀ kɛ bekɛ kɛ tú: We nda te? A kɔri kɛ? We nte iwũɔ̃ ìì ni a ììkɛ̀?
956	GEN 32:28	Kɛ̀ dɛ kóo nìtìi bekɛ Sakɔbu kɛ dɔ̀: A yètìrì tu ba? Kòò dɔ̀: Sakɔbu.
958	GEN 32:30	Kɛ̀ Sakɔbu dɔ̀: N da báámmu n nákɛ́ a yètìrì, kòò dɔ̀: Ba nte kàa m bèkú n yètìrì? Ò mɛ nyĩ kóò dɔ̀ɔ̀ mɛsàà.
966	GEN 33:5	Kɛ̀ Esayuu yà bɛnitipòbɛ̀ nɛ̀ ibí, kɛ́bekɛ kɛ dɔ̀: Ɔ̃̀mbɛ mbɛ biɛ mbɛ̀ɛ̀ da nɛínɛ̀? Kɛ̀ Sakɔbu dɔ̀: Ti Yiɛ̀ nKuyie m pã bɛ̀mbɛ mí nha kóo tɔ̃ntì.
969	GEN 33:8	Kɛ̀ Esayuu o bekɛ kɛ dɔ̀: A dɔ́ kɛ́dɔ̀ɔ̀nɛ̀ ba m mɛ̀ n conɛ̀ ìì wũɔ̃? Kòò dɔ̀: N dɔ́ fɔ̃́ n yiɛ̀ nhá n cɔutɛ́ mɛsàà mmɛ.
976	GEN 33:15	Kɛ̀ Esayuu dɔ̀: M bo da yóunɛ̀ n kó bɛnìtìbɛ̀ mabɛ̀. Kɛ̀ Sakɔbu dɔ̀: Kɛ̀ bɛ̀ɛ dɔɔ̀ ba? Fɔ̃́ ncɛ̃́nkɛ n cɔutɛ́nɛ̀ diwɛ̀ì.
1012	GEN 34:31	Kɛ̀ bɛ̀ dɔ̀: Ti na nyóu kɛ̀ bɛ̀ɛ wéntɛ́ ti tãũ̀ onitipòkù wèè dɔuti dɔutinɛ̀ bɛnitidaabàà?
1092	GEN 37:8	Kòo kó bɛkótíbɛ̀ dɔ̀: A yɛ̀mmɛ̀ dò nfɔ̃́ɔ̃̀ yóó ti baatɛ́, kɛ́naá nti kóo kpààtàà? Kɛ̀ bɛ miɛkɛ dɔ̀kɛɛ ò pɛikɛ nɛ̀ ò yàu tìì dɔuǹtì kɛ bɛ̀ nàá nti kpɛ́í.
1094	GEN 37:10	Kòo tì nàkɛ́ o cicɛ, kòo ò kpannɛ̀ kɛ dɔ̀: Ba nkó tidɔuǹtì nti? A yɛ̀mmɛ̀ dò mmí nnɛ̀ a yɔ̃ nɛ̀ a kó bɛkótíbɛ̀ ti bo nínkú a ììkàà?
1099	GEN 37:15	Kɛ̀ òmɔùu ò yà kòò àrì dikpáà miɛkɛ. Kɛ̀ dɛ yiɛ̀ nhò bekɛ kɛ dɔ̀: A wanti ba?
1110	GEN 37:26	Kɛ̀ Sudaa dɔ̀: Ti yóó sɔri kɛ́kuɔ ti nantɛ̀ kɛ́yà ba?
1114	GEN 37:30	Kòo yɛ̀mmɛ̀ɛ caàrɛ̀ kòo kɛ̃tɛ́ o yaàbòrì, kɛ́wɛ̃tɛ o kɔbɛ borɛ̀ kɛ dɔ̀: Dɛbirɛ í dɛ̀ kpaá, n yóó yĩ́mɛ?
1136	GEN 38:16	Sudaa í nyɛ̃́ kɛ dò nho cɔ̀kù nwe, kɛ́kétóo o borɛ̀ kɛ dɔ̀: Yóu kɛ̀ n da duɔ́nɛ̀. Kòò dɔ̀: Kàa ǹ duɔ́nɛ̀ a bo n duɔ́ mba?
1138	GEN 38:18	Kòò dɔ̀: N yóó da duɔ́ mba? Kòò dɔ̀: A cannimɛ̀ nɛ̀ a ɔ̃ũ nɛ̀ a pààti. Kòo dɛ̀ nhò duɔ́, kóò duɔ́nɛ̀, kòo púó,
1141	GEN 38:21	kɛ́bekɛ dɛborɛ̀ kɔbɛ kɛ dɔ̀: Yé onitipòkù wèè dɔuti dɔutinɛ̀ bɛnitidaabɛ̀, kɛ ɔ̃ nkarì diɛ? Kɛ̀ bɛ̀ dɔ̀: Onitipòkù mɔù í buotɛ́ diɛ ndiyiè marì kɛ dɔuti dɔutinɛ̀ bɛnitidaabɛ̀.
1159	GEN 39:9	Ò í dɛu kɛ m pɛ̃ɛ̃tɛ́ tɛcĩ́ɛ̃̀tɛ̀ tiɛ mmiɛkɛ. Ò í n yetɛnɛ̀ dɛ̀marɛ̀ kɛ̀ dɛ̀ í tú fɔ̃́, kɛ yɛ̃́ a túmɛ̀ o pokù. Dɛ̀ bo yĩ́mɛ kɛ̀ n dɔɔ̀ mɛyɛi ndiɛmɛ̀ miɛ nkɛ́yetɛ́nɛ̀ Kuyie?
1180	GEN 40:7	Kòo bɛ̀ bekɛ kɛ dɔ̀: Dɛ̀ dòmmɛ kɛ̀ di ììkɛ̀ sɔ̀ù yíe mmiɛ mbotí?
1254	GEN 42:1	Mɛm̀mɛ kɛ̀ Sakɔbuu keè tidiitì bomɛ̀ Esibiti kɛ́nákɛ́ o bí kɛ dɔ̀: Dɛ̀ dòmmɛ kɛ̀ di kari kɛ wúó nditɔbɛ̀?
1260	GEN 42:7	Kɛ̀ Sosɛfuu yà o kó bɛkótíbɛ̀ kɛ́ bɛ̀ bantɛ́, kɛ́dɔɔ̀ kɛ́ndò nwè í bɛ̀ bantɛ́, kɛ́ bɛ̀ bɛ́innɛ̀ mɛkperímɛ̀ kɛ dɔ̀: Di yɛ̀nní dɛ? Kɛ̀ bɛ̀ dɔ̀: Ti yɛ̀nní Kannahãã nwe, kɛ dɔ́ kɛ́dontɛ́ tidiitì.
1291	GEN 42:38	Kɛ̀ Sakɔbu dɔ̀: M birɛ báá di nɛinɛ̀. Kɛ̀ mɛyɛi mmamɛ̀ dɛ̀ tùɔ̀kɛní kucɛ dí dɔɔ̀ ba? Di bá ntannɛ́ kudɔnkù mí nhodakótì nɛ̀ tiyùpɛ́ítì.
1297	GEN 43:6	Kɛ̀ Sakɔbu dɔ̀: Ba nte kɛ̀ di nàkɛ́ dɛ kóo nìtì kɛ yɛ̃ ndi nantɛ̀ bo? Di cààrɛ̀mu.
1298	GEN 43:7	Kɛ̀ bɛ̀ dɔ̀: Weè ti bìékɛ́ tináaǹtì pɛ́u ti cĩ́ɛ̃̀tɛ̀ kpɛti kɛ tú: Di cicɛ kpaá boà? Di yɔ̃fũ̀ɔ̃̀ kou mɔù boà? Kɛ̀ ti tɛ̃̀ńnɛ́ ò ti bekɛ tì. Ti do yɛ̃́mu kɛ dò nhò bo yĩ́ tí tɔní ti nantàà?
1318	GEN 43:27	Kɛ̀ Sosɛfuu bɛ̀ dɔunnɛ̀ diwɛ̀ì kɛ dɔ̀: Di kɔ̃̀ntì naataà? Di cicɛ odakótì di sòò nàá nwèè kpɛ́í, ò kpaá fòù kòo kɔ̃̀ntì naataà?
1320	GEN 43:29	Kɛ̀ Sosɛfuu wéntɛ́ kɛ́yà Bɛnsamɛɛ o nantɛ̀ nɛ̀ wè bɛ̀ wɛ̃ mbɛ yɔ̃ kɛ dɔ̀: Di sòò nàá ndi nantɛ̀ tiɛ nkpɛ́í nkaà? Kóò bɛ́innɛ̀ kɛ dɔ̀: Kuyie nda dɔɔ̀ mɛsàà m birɛ.
1329	GEN 44:4	kɛ mu nyí ndɛ́tɛ́nɛ̀ dihɛì kɛ̀ Sosɛfuu nákɛ́ o kóo tɔ̃ntì kɛ dɔ̀: Tũnnɛ bɛ. Kàa bɛ̀ nìntɛ a dɔ̀: Dɛ̀ yĩ́mɛ kɛ̀ bɛ̀ di dɔ̀ɔ̀ mɛsàà nkɛ̀ di dɔ̀ɔ̀ mɛyɛi?
1332	GEN 44:7	Kɛ̀ bɛ̀ɛ ò tɛ̃̀ńnɛ́ kɛ dɔ̀: Ti yiɛ̀ ndɛ̀ yĩ́mɛ kàa nàá mmɛmmɛ? Ti báá yie nkɛ́dɔɔ̀ mɛmmɛ kóò botí.
1340	GEN 44:15	Kɛ̀ Sosɛfu dɔ̀: Di dɔ̀ɔ̀ ba? Di í yɛ̃́ kɛ do nhonìtì wèè dò m mɛ̀ ndòmmɛ̀ ò bo na kɛ́nyɛ̃́ dɛmɔuà?
1341	GEN 44:16	Kɛ̀ Sudaa dɔ̀: Okótì, ti bo da nákɛ́ ɔ̃̀nti kàa bantɛ́ ti í cààrɛ̀mɛ̀? Kuyie mbɛnkɛmu ti yɛi, kɛ̀ ti bo ntú a kó tidaatì, tínti nɛ̀ bɛ̀ yà wèè kó tinɛntì miɛkɛ fɛbòòfɛ̀.
1344	GEN 44:19	Okótì a sòò ti bekɛmu kɛ dɔ̀: Ti cicɛ kpaá boà? Kɛ̀ ti tebitɛ matɛ̀ kpaánáà?
1362	GEN 45:3	Kɛ̀ Sosɛfuu nákɛ́ o tebìí kɛ dɔ̀: Míì tu Sosɛfu, n cicɛ kpaá fòùà? Kɛ̀ dɛ̀ɛ bɛ̀ di kɛ́ bɛ̀ kpeí bá bɛ̀ í nna kóò tɛ̃̀ńnɛ́ tìmatì.
1420	GEN 46:33	Kòo kpààtì di yu kɛ di bekɛ kɛ tú: Di tɔ̃mmú tú ɔ̃̀mmu?
1424	GEN 47:3	Kòo bɛ̀ bekɛ kɛ dɔ̀: Di pĩ́ nhɔ̃̀mmu tɔ̃mmú botí? Kɛ̀ bɛ̀ dɔ̀: Okpààtì, ti cɛ̃mmù inààkɛ nyi ti yɛmbɛ̀ do ì cɛ̃mmùmɛ̀.
1429	GEN 47:8	Kòo kpààtìi o bekɛ kɛ dɔ̀: A bie mbo yɛ̀dɛ?
1460	GEN 48:8	Kɛ̀ Sakɔbuu yà Sosɛfu bí idɛ́ kɛ́bekɛ Sosɛfu kɛ dɔ̀: Ɔ̃̀mbɛ mbɛ biɛ?
1551	EXO 1:18	Kòo kpààtìi bɛ̀ yu kɛ́ bɛ̀ bekɛ kɛ dɔ̀: Dɛ̀ dòmmɛ kɛ̀ di dɔɔri mɛmmɛ kɛ you initidabí kɛ̀ ì fòù?
1562	EXO 2:7	Kɛ̀ dɛbirɛ tãũ̀ũ ò bekɛ kɛ dɔ̀: A dɔ́ kɛ̀ ń kɔtɛ kɛ́ da waanní Ebedee kóo nitipòkù mɔù kòò ndɛ̀ nda yããnkoàà?