13	GEN 1:13	Nilhah khat le jingkah khat achekit in nithum alhing tai.
47	GEN 2:16	Ahin Pathen in mipa koma athupeh chu, “Nang man hiche honsunga theiga ho khu nadei dei naneh thei cheh ahi.
57	GEN 3:1	Pathen thilsem jouse laha gul hi a lungthim thempen ahi. Nikhat chu aman numeinu adong in, “Pathen in honsunga theiga jouse naneh thei lhon lou beh ding ahi tia asei mong em?” ati.
58	GEN 3:2	Numei nu chun gul jaha keini’n “Eden hon sunga theiga jouse kaneh thei lhon ding ahi nai.”
60	GEN 3:4	Hinlah Satan in numeinu jah a aseiyin, “Nathi lhon loubeh ding ahi.
69	GEN 3:13	Chuphat in Pakai Pathen in numeinu jah’a aseiye, “Nang in ipi dinga hitobang pihi nabol hitam!” atile numei nun adonbut’in, “Hiche gul hin eijol jol phat’a kaneh ahi bouve,” ati.
70	GEN 3:14	Hichun Pakai Pathen in gul jah’a, “Nangman hiche nana boldoh jeh in, ganhing jouse lah a nanghi sapset nachan ding na hinkho lhung keiya na oipoh’a na kithol tho ding, chule na hinkho sunga leivui naneh ding ahi.
72	GEN 3:16	Pathen in numeinu jah’a chun hitin a seiye, “Keiman na naovop hahsatna kabe peh ding, nao-sonat gentheiya cha nahin doh ding ahi. Najipa chung’a vai nahom nom jing ding, ahi vang’a najipan nang chunga vai ahop ding ahi,”ati.
73	GEN 3:17	Chuin Pakai Pathen in Adam jah’a hitin ati, “Nangman naji thu nangaiya naneh louhel ding ahi tia ka thupehsa theiga naneh tah jeh in nangma jeh a leiset hi sapset chang ahitai. Chule na hinkho damlai sungse a gimna le genthei thohpum pum’a neh na kihol a naneh ding ahi.
75	GEN 3:19	Na ti-ul na mai ja long pum’a anneh na kihol’a na neh ding, chule nangma leiset a kisemdoh nahin leiset na leso kit ding ahiye,” ati.
88	GEN 4:8	Nikhat chu Cain in asopipa Abel jah’a “Eini thinglhang lam’a che hite atin, gamlang agei lhon phat in Cain chu asopipa Abel chunga achun athat tai.”
89	GEN 4:9	Phat chomkhat jouvin, Pakai Pathen in Cain jah a, “Nasopipa Abel hoiya um hitam?” atile Cain’in jong adonbut in, “Kahe poi, Keima hi ka sopi pa Abel ching tup ka him?” ati.
90	GEN 4:10	Hichun Pathen in jong Cain jah’a “Ipi nabol hitam? Na sopi pa Abel thisan chu tol'a kon’in keima angsung gei in ahung peng in ahi.
96	GEN 4:16	Hichea kon chun Cain in Pathen kom adalhan Eden niso lam a Nod muna chun acheng tai.
102	GEN 4:22	Zillah jong chun Tubal-cain ahing in, ama chun manchah ding abonchan sum-eng jong thih jong ahin kheng’e. Chule Tubal-cain chun sopi numei khat anei jin amin Naamah ahi.
135	GEN 5:29	Ama min chu Noah asah in hitin aseiye, “Pathen in agaosapsa gim genthei thoh'a ikhut uva i-tohgim nau hiche leiset’a kona ama hin eitha-ol sah ding’u ahi,”ati.
136	GEN 5:30	Noah pen jou chun, Lamech chu kum ja nga le kum somko le kum nga ahing in hijou chun cha pasal le numei tamtah ahing na laiyin ahi.
138	GEN 5:32	Noah chu kum ja nga alhin’in, ama chu Shem, Ham, chule Japheth ahing in ahi.
142	GEN 6:4	Hiche lai chun leiset chunga Nephilim miho ana um uvin, chujong le Pathen chapate mihem Chanute henga ahunglut nung’u chun amahon jong cha ahin peh tauve; hiche ho chu khanglui laiya mihat te ana hiuvin, chule mi minthang ho chu ana hiuvin ahi.
146	GEN 6:8	Hinlah Noah chun Pathen lungdei lam in aum jing in ahi.
147	GEN 6:9	Hiche hi Noah le a insung mite umchan thusim ahiye, Noah chu mi chonpha, hiche khanglai’a chu leichung’a mona neilou va um chu Noah bou anahi, chule Noah chu Pathen toh ki lhakang louhel le Pathen toh kihou mat jing mi ahi.
148	GEN 6:10	Noah chun chate thum aneiyin amaho chu ahi le Shem, Ham, chule Japheth ahi uve.
151	GEN 6:13	Hichun Pathen in Noah jah’a aseiyin, “Keiman tua hi hinna neiya avahle thei jouse ka suhmang ding ahi tai. Ajeh chu amaho jeh hin leiset chunga pumhat’a kino na jeng adim tan ahi, vetan kei man abonchauva leiset toh ka suhmang tha ding ahi tauve.
152	GEN 6:14	Nangman Gopher thingin kong innei lentah khat kisem in lang, kong innei sunga chun indan adan adan in khah tanin, chuteng asung le apo twilut na thei lai jouse na huhbing sohkei ding ahi.
160	GEN 6:22	Hichun Noah in jong Pathen in asei peh bang bang in abolpan tan ahi.
161	GEN 7:1	Chuin ima jouse ahina ding bang ahijou phat in Pathen in Noah chu ahoulim pitai. “Nangma le na insung mite kongsunga lut tauvin ajeh chu leiset chunga mihem holah’a mi chonpha thudih achon nang bou nahi”ati.
162	GEN 7:2	Nangman gancha theng lah a konin kop sagi, kop khat a achal khat le anu khat cheh, chule gancha thenglou lah a kon a jong kop sagi ma kop khat a achal khat le anu khat cheh ki kailut inlang,
164	GEN 7:4	Ni sagi jouva pat go hatah a leiset chunga ka juhsah pan ding ahitai, chule go chu ni somli le jan somli sunga ka juhsah ding leiset chunga umjouse le ahing thei jouse ka suh mang hel ding ahi tai,”ati.
165	GEN 7:5	Hiti chun Noah injong Pathen in athupeh bang bang chun abonchan abolsoh kei tan ahi.
166	GEN 7:6	Leiset chunga twisang ahunglet chun Noah chu kum jagup ana lhingtan ahi.
167	GEN 7:7	Hichun Noah chu achapate toh, ajinu toh, chule amoute toh twisanglen na kon’a ahoidoh theina diuvin kong sunga alut tai.
169	GEN 7:9	Akop kop a anu khat le achal khat cheh, Pathen in Noah ahoulim pi nabang chun kong sunga chun Noah koma avahlut cheh tauvin ahi.
171	GEN 7:11	Noah chu kum jagup alhin kum lhani lhin na ah, leinoi ja twi umjouse ahung put tan, chule vanthamjol apat in hatah in go alon tho tai.
172	GEN 7:12	Ni somli le jan somli sung in go chu tang lou hel’in hatah in ajujom jing tan ahi.
173	GEN 7:13	Hiche nitah chun Noah ahin, Noah chapate Shem, Ham, chule Japheth ahi uvin, Noah jinu ahin, amoute thum ahi uvin abonchauvin kong sunga alut tauve.
176	GEN 7:16	Hichu gancha ho lah a anu khat le achal khat ahung lut soh phat un Pathen in Noah atep peh bang chun, Pakai Pathen in kot akhah tai.
183	GEN 7:23	Pathen in leiset chunga thil ahing thei jouse asumang sohhel tai. Mihem ho jouse, gancha ho, ganhing gamsa ho, tolgo chunga lamjot thei jouse, chunga leng vachate jouse abon'in athi soh hel tai. Ahin hichea sohcha a hing doh Noah le a insung mite chule kong sunga um ganhing anu khat le achal khat um ho bou ahiuve.
185	GEN 8:1	Hinlah Pathen in Noah le gamsa hole gancha ho kong sunga umjouse ageldoh jingin, Leiset chunga huipi hattah ahin nun sahin ahile twisanglen chu ahung kem lheh tai.
190	GEN 8:6	Chujouvin ni somli jou chun Noah in huikot kong sunga asem chu ahin hong doh tan,
192	GEN 8:8	Chuin Noah in jong leiset chunga twi kang soh tam ti vetna dingin vakhu khat alendoh sah kit’in ahi.
193	GEN 8:9	Hinlah vakhu chu kingah na ding mun amu hihlaiye, Ajeh chu twijin leiset achup nahlai jeh in ahung ki nungle kitin, hichun Noah in vakhu chu akhut a adomlhan asung langa akoi lha kit tai.
195	GEN 8:11	Vakhu chu nilhah lang in ama henglam’a ahung kile kit’in, vetau amuh achun athah beh a kiloulha Olive thingna khat ahin pon, hijeh chun Noah in jong leiset chunga twipi akangsoh tai, ti ahedoh pai jin ahi.
196	GEN 8:12	Chujouvin Noah jong ni sagi ma akho ngai kit’in vakhu chu alha doh kit’in ahile vakhu chu ahung kinung le kit tapoi.
197	GEN 8:13	Noah hinkho chu kum jagup le kum khatna lha masapen, chu che lha ni masapen ni chun leiset chunga twipi abonchan akang soh heltan, hijeh chun Noah’in jong kong kusin chu ahoh lhan agahven ahile leiset chung chu ana go heltan ahi.
200	GEN 8:16	“Na boncha uvin kong sunga kon chun pot doh tauvin, nangma nahin, na jinu ahin, na chapate ahiuvin, chule na moute ahi uvin kilhon doh pin.
202	GEN 8:18	Hichun Noah ahin, ajinu ahin, achapate ho ahin amoute toh konga kon chun ahung potdoh tai.
204	GEN 8:20	Hichun Noah in maicham Pathen henga asemin, hi achun aman kipeh dohna maicham pumgo thilto saho chule vacha ho amaho akipeh doh na dung jui cheh in pumgo thilto ding in agou vam in ahi.
207	GEN 9:1	Hichun Pathen in Noah le achapate phatthei aboh in hitin ahou limpi in hitin aseiye, “Chale nao hing uvin, pung uvin lang leiset lochan sohkei uvin ati.
214	GEN 9:8	Hichun Pathen in Noah le achate ahoulim pin hitin aseiye.
223	GEN 9:17	Hichun Pathen in Noah ahoulim pin hitin aseiye, “Hiche hi leiset chunga tahsa ahingthei jouse toh kei kikah a kitepna ka phudoh chu amelchihna hi ding ahi,” ati.
224	GEN 9:18	Noah chate ho kong sunga kon’a hung potdoh ho chu ahi leh Shem, Ham chule Japhath ahiuve, Ham kiti pa hi Canaan pa ahiye.
225	GEN 9:19	Amaho chenghi Noah chate a kona vannoi mihem hung dim ahi.
226	GEN 9:20	Chuin twisanglet kichai jou chun Noah in tolgo lah achun lou abol pan tan hia chun lengpi phung aphut doh tai.
227	GEN 9:21	Chujouvin nikhat chu Noah chun lengpitwi adon in ahile akham tan khoilupon buh sung ah chun asagoh keovin alum tai.
228	GEN 9:22	Ham Canaan pa chun apa Noah sagoh keova aum chu amun apot doh paiyin asopi teni aga het sah in ahile,
230	GEN 9:24	Noah hichun alupna a kon in ahung khah doh phat in achapa neopen in ana limbol chu ahedoh tai.
231	GEN 9:25	Hichun Noah in hitin aseiyin: “Canaan vang gaosap chang hen, Asopi teni henga soh jouse soh in hung pang hen,” atin,
232	GEN 9:26	Hichun Noah in hitin aseiye, “Pathen in Shem phattheiboh mai hen, ahin Canaan vang asopi soh himai hen,
234	GEN 9:28	Twisanglen kichai jouvin Noah chu kum jathum le kum som nga ahing nalaiye.
235	GEN 9:29	Hitichun Noah hin nikho abon bonin kum jako le kum somnga alhing in, chujouvin ama athi tai.
236	GEN 10:1	Hiche thusim hohi Noah chapate Shem, Ham chule Japheth chilhah thusim chu ahiye; Twisang let jou chun amaho akonin cha tamtah ahung punbe in ahi.
243	GEN 10:8	Cush kitipa hin leiset chunga mihat ahung pang masapen Nimrod chu ahing’in ahi.
244	GEN 10:9	Hiche phat laiya chu vannoiya gamlen hat sakap them pen ahung hin, chule Pathen ging tah mi jong ana hi’e, hijeh chun mihon Nimrod banga gamlen hat sakapthem pen ahi tin aseiuve.
246	GEN 10:11	Aman hiche akon chun Assyria ajonin hikom achun Nineveh khopi aphut doh in aban'a Rehobothir khopi ahin Calah khopi jong ahin phut doh kit e.
247	GEN 10:12	Chuban chun Nineveh le Calah khopi teni kikah achun Resen khopi aphut doh in khopi lentah ahi.
248	GEN 10:13	Mizraim chu Ludite, Anamite, Naphuhite chule Lehabite ho cheng pa ahi.
267	GEN 10:32	Hiche phungle chang hung kimin phah se hi Noah chate a kon’a chi le nam hung kisem doh ama gui penna dung juiya vannoiya nam jouse hi hiche phungpi a kon’a twisanglet jouva patna hung um doh ahi.
289	GEN 11:22	Serug kiti pachu kum som thum bou alhinin Nahor pa ahung hitai.
290	GEN 11:23	Nahor pen jou chun Serug chu kum jani ahinbe nalaiyin, hiche jou chun aman cha pasal le cha numei phachompi ahinbe nalaiye.
291	GEN 11:24	Nahor chu kum som ni le kum ko bou alhin in Terah apeng tai.
292	GEN 11:25	Terah pen jou chun Nahol chu kum jakhat le kum som le kum ko ahing nalaiyin, hichun aman cha pasal le cha numei simsen lou ahinbe nalaiye.
293	GEN 11:26	Terah vang chu kum som sagi jen ahung lhinin Abram, Nahor, chule Haran ahin hingin ahi.
294	GEN 11:27	Hiche hi Terahte thusim kisei ahi. Terah chun Abram, Nahor, chule Haran pa ahin, chule Haran chu Lot pa ahiye.
296	GEN 11:29	Ahin chutobang lai chun Abram le Nahor chun ji anei gel lhon in, Abram jinu min chu Sarai ahin, Nahor jinu min chu ahile Milcah ahin, Haran chanu ahiye; (Milcah le a sopi nu Iscah chu Nahor sopi pa Haran Chanute ahi lhon e).
298	GEN 11:31	Nikhat Terah chun achapa Abram le amounu Sarai chule Haran chapa atupa Lot akipuiyin abonchauvin Chaldea gam khopi Ur a kon chun Canaan gam jon ding in ache tauve; Ahin Haran khopi ahin phah phat uvin hiche muna chun acheng den tauve.
300	GEN 12:1	Pathen in Abram chu ana houlimpi in “Nagam, na insung mite, na sopiho chule napa sopi ho dalhan keiman gamthah ka musah ding khu jon tan,” ati.
308	GEN 12:9	Hichun Abram chu noilam’a ahung chalbe ben Negev lam jonin ache paiye.
320	GEN 13:1	Hichun Abram’in ajinu Sarai, asopipa Lot toh, Egypt gam chu adalha uvin chunglam Negev mun lang jonin achetou tai.
322	GEN 13:3	Hitichun Negev apat Bethel geiyin ahung cheng un, chuleh Bethel le Ai kikah mun a khoilupon in asong un phat masa a ana um bang in,
374	GEN 15:13	Hichun Pathen in Abram ahoulimpi in, “Nangman thonlou dinga nahet ding chu na chilhah hohi gam danga hung mah thah diu ahiye, amaho se chu kum jali sunga mi bol genthei thoh'a ga um ding ahiuve.
376	GEN 15:15	Nangman vang lungmong sel’a na pute heng na jot ding, chule na kum lhing set’a na hinkho kichai a na kivui ding ahiye.
391	GEN 16:9	Hichun Pakai Vantil chun amanu ahoulimpi in, “Nangma na pinu kom’a kinungle in chule amanu dan noiya nakun angaiye.”
395	GEN 16:13	Hiche jou chun Hagar in ajah a thu hin sei Pakai chu amin in asah peh in, “Nangma hi keima eimudoh a Pathen na hi,” ati. Ajeh chu amanu’n “Tahbeh monga keiman Pathen kamu a chule ama ka mu nunga ka hing’a ka um nah lai ham?” atin ahi.
407	GEN 17:9	Hichun Pathen in Abraham ahoulimpi in, “Nangma tah in jong kinopto na hi na jui ding, chule na nunga nason na chilhahte dinga jong akhang lhum kei uva ajui ding’u ahi.
409	GEN 17:11	Nangman na bollou a hitheilou chu na tahsa vun val abohlai chu na chelhah soh kei ding, hichun avetsah chu ahile keima le nangma kikah a ki nopto na hijing ding ahi.
426	GEN 18:1	Mamre munna gangpi phung komma chun Pakai chu Abraham henga ahung kilah in ahi. Nikhat hi nichangsat pettah hin Abraham chu aponbuh maiya ana touvin ahi.
428	GEN 18:3	Chuin Abraham'in “Ka Pakai,” tin adonbut in, “Nanghon pha nasah uleh phat chomkhat naki ngah thei diu ham.
429	GEN 18:4	Nakeng sil na ding’u kahin choi kah in hiche thing limnoiya hin ana kicholdo ta diu vin.
434	GEN 18:9	Chuin ama hon Abraham jah’a “Na loinu Sarah hoilam a um aham?” atiu leh Abraham’in ponbuh sunga aum nai ati.
448	GEN 18:23	Abraham'in Pathen chu anailut in hitin aseiye, “Nangman michonpha atheng chule mi phalou agilouho aboncha nasuh mang tha ding ham,” ati.
450	GEN 18:25	Nang dinga hitobang thil nabol a, michonpha le migilou agoma natha cheh a, michonpha le migilou akibah ding chu bolda hel jengle chun kati! Leiset thutan pan adih a atan lou ding ham?” atile.
456	GEN 18:31	Hichun Abraham'in aseikit in, “Nangman neiphal peh theile ka thusei hi ka jom nome, Ijem tin mi som ni hi jongle atile,” Pakaiyin adonbut in, “Mi somni kamu jongle ka suhmang lou ding ahi,” ati.
463	GEN 19:5	Amaho chun Lot henga asam tauvin “Nangma koma ageh dinga hungho chu hoilam a nakoi hitam? amani chu hinpui doh in amani chutoh ka lupkhom diu ahi tin athum tauve.”
475	GEN 19:17	Amaho khopi pam langa ahin puidoh lhon phat in Vantil teni in thu amop in “Naki hinso thei na dingu vin jam dohloi jin hung jong hung kinung hei hih uvin phaicham dunga jong bangpa hihhel uvin, thinglhang lam’a jam doh loiyun achuti louleh nangma jong suhmanga na um tha khah ding ahi,” ati peh lhon e.
477	GEN 19:19	Nangman neina ngailu lheh in chule ka hinkho jong neina huhdoh in chukeo hilouvin ngailut na sangtah jong nei musah in, Hinlah molsang langa kache jou lou ding ahiye, thinan eiphah lo ding ahi, ka hinkho kichai ding ahi.
489	GEN 19:31	Nikhat chu Lot chanu teni alenjo nu chun anao nu kom a hitin aseiye “Hikom gamsunga pasal gollhang aum tapoi midangho banga ji enei lhon lou ding ahi tai. Chuleh eihing hon ipa jong hungvoija ateh lang ahi tan, cha aneilou ding ahi tai.
497	GEN 20:1	Hiche akon chun Abraham chu Negev gam langa akichon in Kadesh le Shur kikah a phat chomkhat ana cheng in, chuin Gerar lang gei in aga cheng in ahi.
499	GEN 20:3	Hinlah hiche jan chun Pathen in Abimelech amang in aki musah in hitin aseipeh’e, “Nangma hi athisa nahi ahi tai, ajeh chu numei na kipui hi aji nei numei ahi bouve!”
506	GEN 20:10	Chuin Abimelech in Abraham komma aseiye, “Nang in ipi nabol na ham?”