4682	NUM 31:16	Hiche Numei ho jeh leh Balaam thuhil jeh’a Peor chung chang thu’a Israel chate jouse Pakai adia thet-umtah'a ana chon ahiuvin, hiche jeh chun Pakai mite chunga gamna hoise ana lan sah ahi.
5601	DEU 27:14	Chuteng Levi miten jong aw-sangtah'a aphondoh uva, Israel pumpin hichu ajah soh kei diu ahi.
10690	1CH 11:13	Amapa hi Pas-dam'mim a Philistine te ana kisat lai’u chun galmun’a hi David toh ana kitho khom lhon ahi. Chule hiche galmun hi sakol chang dimset ana ke khah jeh chun Israel mite chu anajam tauve.
10724	1CH 11:47	Chujongle Mezoba kho mi Eli'el le Obed toh chule Ja-asi'el ahiuve.
22653	MIC 1:5	Ipi-jeh'a hitobang thil sohham! Ajeh chu Israel galbol jeh le Juda insung pumpi chonset jeh ahi – a nampumpi chonset jeh ahi;. Israel galbol hi koi pentah themmo kichansah ding ham? Samaria akhopiu! A milim doi hounau khopi lailung hoilai ham? Akhopiu Jerusalem ahi.
23326	MAT 5:23	Hijeh chun nangman hou-in'a maicham thilto ding nachoiya, mi koiham khat in nangma kilung doupina nanei nageldoh a ahileh,
23458	MAT 9:10	Chomkhat jouvin, Matthew in Jesu le Aseijuite ho tochun kaidong adangho chule midang minphatna neilou chonseho chu jin-gun'in a-in'a akouvin ahi.
23466	MAT 9:18	Jesun hiche thuho asei laiyin kikhopna in vaipopa chu ahungin chule amasanga ahung dilsun, “Kachanu tupet tah chun athi” hinlah nangma na hunga chule achunga nakhut na-ngap'a ahileh nahinsah kit thei ding ahi, ahungti.
23563	MAT 12:5	Chule Mose Danbua Thempu hou-in'a lhacha hon cholngah nikhoa na atoh thei diu phal ahi chu simdoh khalou nahiuvem?
24003	MAT 23:16	“Mitcho lamhil ho! Itobang lunghemna in nahin pha diuvem! Ajeh chu nang hon Pathen hou-in'a kihahsel ima akhohpoi natiuve; hinlah hou-in sunga Sana'a kihahsel chu khoh'ah ahi, natiuve.”
24004	MAT 23:17	Mitcho mingol ho! Hou-in'a sana ahilouleh Hou-in sana suthenga chu hoijoh thupijo hintem?
24106	MAT 25:29	Akipe kham kham phatea amanje heho chu, atamjo cheh kipe ding, chule abu-lhingset'a anei dingu ahi. Hinlah imacha bollou ho chu lhomcha anei chasun'u jong kilah mangpeh ding ahiuve.
24163	MAT 26:40	Chuphat in aseijuite henga ahungin ahileh a-ihmut'u ahungtoh tai. Aman Peter jah a, “Nidan khat jeng jong nei kigin peh joulouvu ham?
24166	MAT 26:43	Ama amaho koma akile kit phat in, amaho chu a-ihmut'u ahung mukit tan ahi, ajeh chu amaho a-ihmut'u soh behseh jenga ahitai.
24178	MAT 26:55	Chujouvin Jesun mihonpi jah'a chun, “Keima hi gamsung vaipohna khelgoa neingai touva chemjam le moltum thoa eiman dinga hunga nahiuvem? Ipi dinga Hou-in'a neimat lou u ham? Chua chu niseh'a thu kanahil ji ahi.
24204	MAT 27:6	Thempu pipui ho chun sum nong chu aloh khom un, aseiyun, “Hiche sum hi Hou-in'a sumkoina'a koikhom nom-ponte, ajeh chu mithana dinga kipedohsa ahi,” atiuve.
24217	MAT 27:19	Pilate thutanna'a atoupet tah in ajinu chun hiche thuhi athot in: “Hiche themmona beipa hi limsah hih in. Ama jeh hin tujan ka-ihmutna'a chun kathoh gimlheh jenge,” ati.
24561	MRK 7:29	Chuin Jesun, “Nadonbut hoilheh-e! Tuhin na-in'ah chetan, nachanu chu thilhan adalhatai,” atipehtai.
24562	MRK 7:30	Hichun Amanu jong a-in'a acheleh achanu chu jalkhun'a analup amun, lhagaoboh anapotdohtan ahi.
24863	MRK 14:40	Chuin ahung kile kit'in ahile amaho chu ana-imut'u ahung toh kit'in, aimutso behseh jeh-un adonbutje ahepouve.
24978	LUK 1:16	Chule aman Israel mi tamtah Pakai a-Pathen'u henga alehei ding ahi.
25081	LUK 2:39	Jesu nu le pan Pakai danthu dungjuiya boldinga lom cheng abulhit soh lhon phat in, a-in'u Galilee gam Nazereth kho ah akile tauve.
25270	LUK 7:6	Hijeh chun Jesu jong amaho toh alhon'in achetai. Ahivangin in ahunglhun masangjep un, sepai jalamkai pan loi phabep asol'in hitin agasei sah e, “Pakai, ka-in'a hung dingin nang le nang kisugim hih in, ajehchu keima chutobang loma jana chang dinga kilom kahipoi.”
25447	LUK 10:15	Chule nangho Capernaum mite, van-gam'ah jabolna chang nauvin natem? Nachan loudiu ahi, thina mun'a nachesuh joh diu ahi,” ati.
25452	LUK 10:20	Amavang lhagao gilou nathuuva anun jeh in kipah hih'un, ahin van-gam'a namin'u akijihlut jeh joh in kipah un,” ati.
25470	LUK 10:38	Jesu le aseijuite Jerusalem lam jona achejing laiyun, khokhat ahung lhung un, chua chun Martha kiti nun a-in'a dingin alemin ahi.
25511	LUK 11:37	Jesun thu aseilaiyin, Pharisee holah'a khat'in a-in'a anne ding in atem'in ahi. Hijeh chun ama alut in dokhanga atouna mun alotai.
25693	LUK 16:4	aphai, eihaisah tengleh loi le pai tampi kaneiya amahon a-in'a eilhunsah nadiuvin hitin bol inge” ati.
25785	LUK 18:28	Peter in aseiyin, “Keihon nangma jui dingin ka-in'u kadalhauve,” ati.
26486	JHN 8:36	Hijeh chun, Chapa chun nangho nalha-ong'uva ahileh nangho achamlhat tahbeh nahiu ahitai.
26640	JHN 11:48	Eihon ama hi tua banga iche jomsah jingu le mi jousen ama ahin tahsan cheh cheh dingu, hiche teng chule Rome solkal in eiho inam'u ahin i-Houin'u ahin eisuhchimpeh dingu ahitai” atiuve.
26921	JHN 19:27	Chuin Jesun hiche aseijui pa jah'a aseijin, “Hiche hi nanu ahi,” atin hichun hiche aseijui pa chun Jesu nu Mariam chu a-inlam'a apui tan ahi.
27351	ACT 10:23	Chuin Peter in amaho chu akoulut in a-in'ah jankhat agesah-in, ajing in Joppa a kona sopi themkhat toh akilhon tauvin ahi.
27599	ACT 17:7	“Hiche thilsoh hi Jason in a-in'a alhunsah jeh ahin, chule amahon Caesar dounan achonun Jesu kiti leng dang khat aume,” atiuvin ahi.
28044	ROM 2:14	Pathen Danthu kijih neilou chidang namdangte jeng'in bon apenpiu a-lungthim'u Danthua anungun, Danthu ajahkhahlou vang'un, amaho le amahon Danthu akisem'un ahi.
28083	ROM 3:24	Hinlah, Pathen in ichan diuva lomlou khotona einei jal'uva, michonpha'a eiphondoh-u ahitai. Aman ichonset jeh uva themmo eichannauva kon'a Christa Jesun ei-chamlhatsah'u ahitai.
28193	ROM 8:9	Hinlah nangho nachonset nom nau lungthim in na-thunun'u ahitapoi. Nasung uva Pathen Lhagao achen vangleh nangho Pathen Lhagao chun na-thunun'u ahitai. (chule nahetdiu chu, asunga Christa Lhagaovin chenna a aneilou chengse chu ama a hilou hel ahiuve.)
28208	ROM 8:24	Eiho huhhing'a i-um'u hin hiche kinepna hi eipeh-u ahi (eihon ineisau ipi ham khat chu mudinga kinem ihipouve).
28375	ROM 15:4	Chutobang thuchengho chu Pathen lekhabua ikihilna dinguva masang peh a ana kijihsa ahi. Chule Pathen thubun kinepna eipeuvin chule Pathen thutep ho guilhunna dinga thoh hattah angah dinga ei-tilkhou'u ahi.
28480	1CO 3:2	Keiman nangho bongnoiya kavah uva, an-ham'a kavah lou ding nahiuve, ajehchu nangho ahamjep nehna dingin nahi thei hihlaiyuve.
28621	1CO 9:13	Hou-in'a natong ho khun hou-insunga hung kikatdoh hoa kona neh akimu jiu ahi geldohlou nahiuvem? Chule maichama tohna neiho khun maichama kikatdoh thiltohoa khu chan aneiyu ahi.
28747	1CO 14:1	Ngailut hi nalungtup sangpen'u hihen. Hintin Lhagao thilpeh thilboltheina aphadehset chu-adehset'a Pathen Thuseidoh theina lhagao thilpeh chu nalunga nangaichat'u hihen.
28775	1CO 14:29	Mi-ni ahilouleh mi-thum'in gaothu seiyuhen, chule midangsen akiseidoh cheng chu datkhenna neiyuhen.
29265	GAL 6:10	Hichejeh chun, phat kijen ineipet chauhin mitin koma thilpha bolu hite-adehset'a tahsan insung miho koma iboldiu ahije.
29624	COL 4:15	Laodicea khopia um sopite ho le Nymphas chule a-in'a um houbung miho salam anapeuvin.
29732	2TH 2:4	Ama kichoisang ding, chule mihon pathen atiuva aumsah u tapou chu ajahda ding chule amatah Pathen kahi tia hung ki Pathen sah ding ahi. Ama Pathen hou-in'a lut a, keima Pathen kahi ahungti ding ahi.
29967	TIT 1:8	Maljin phatbol mi, a-in'a jin alhunle kipah, chule Pathen ginga, chondihtaha hinkho mang mi hiding, thilpha ngailu, lunglimgeh, chondih, amachang kitimthei, Pathen ging mi hiding ahi.
30007	PHM 1:2	chule isopinu'u Apphia chule kasepai chankhompiu Archippus, chule na-in'a kikhom houbung henga dinga kahinsut ahi.
30522	1PE 4:9	Nehding ngaicha ahilouleh umna ding hol a chu kipahtah in na-in'a lhunsah un.
30783	REV 1:18	Keima ahing jinga kahi. Keima kathin, hinla ven, Keima a-itih'a kahin jing ding ahi! Chule Keiman thina le mithi kholna lhankhuh kot-heh kachoiye.
30826	REV 3:12	Jona neiho jouse chu ka Pathen hou-in'a khombul a kapansah ding ahi, chule amahon hichu adalhah tahlou dingu ahi. Chule keiman achunguva ka Pathen min kajih ding chule amaho ka Pathen khopi mite hiding ahiuve–Jerusalem thah, vana ka Pathena kona hungkumlha muna chu. Chule keiman achunguva kaminthah kasut ding ahi.
30902	REV 8:7	Vantil akhatna chun asumkon amut in ahileh gelchang le meikou thisanto kihal chu leiset chunga ahung kisep lhatai. Leiset hop-thum'a hop-khat meiyin akatai, thingho hop-thum'a hop-khat akalhan, chule hamhing jouse jong hop-thum'a hop-khat akavamtai.
30903	REV 8:8	Chujouvin vantil nina in asum kon amut'in ahileh, meikou mol lentah tobang chu twikhanglen'a akilehlut tai. Hiti chun twikhanglen'a twi chu hop-thum'a hop-khat thisan akisohtai.
30904	REV 8:9	Hiti chun twikhanglen'a hinna nei jouse hop-thum'a hop-khat athigam tai, chule twikhanglen'a konglen jouse jong hop-thum'a hop-khat akisuse gamtai.
30905	REV 8:10	Chuphat in vantil thumna chun asumkon chu amut in ahileh ahsi lentah khat vana konin ahung lenglhan, kolphemeivah tobang'in asal jenge. Hichu vadung ho chunga le twinah ho hop-thum'a hop-khat chunga achun ahi.
30907	REV 8:12	Chujouvin vantil-lina chun asumkon chu amut in ahileh Nisa chu hop-thum'a hop-khat, Lha chu hop-thum'a hop-khat, chule Ahsi ho jong hop-thum'a hop-khat chengse chu abonun athimtai. Chule nikho jong chu hop-thum'a hop-khat athimtan ahi. Chule jan jong hop-thum'a hop-khat chu athimtai.
30923	REV 9:15	Chuphat in vantil-li ho, hiche phat a chule anikho le alha chule akum sungsea dinga leiset chunga miho hop-thum'a hop-khat that dinga kigongsaho, chu alhadoh tauve.
31076	REV 18:14	“Thil mantam nangman nangailut lheh jengho jong chu amangthah in, na kinomsah na le na loupina ho jong a-itih'a din amangthah tai,” tia asap diu ahi.