26	GEN 1:26	Hotu, Maromak katak tenik naꞌak, “Diꞌak liu, Ita haseꞌi ema tuir Itakaan ilas, nebee sia babilan naꞌan tasi iha tasi laran, manu iha leten, osa no lotuk hakiak no osa no lotuk seluk sia iha rai maran.”
49	GEN 2:18	Hotu MAROMAK katak naꞌak, “La furak ema neꞌe moris mesan. Diꞌak liu, Haꞌu kaseꞌi foo maluk ida mak makonak no nia.”
83	GEN 4:3	Dala ida, Kain nodi niakaan toꞌos isin balu, sera baa MAROMAK.
103	GEN 4:23	Dala ida, Lamek loko aan iha feen sia oin naꞌak, “Emi rona! Foin da-dauk neꞌe, mane nurak ida atu taꞌe haꞌu, mais haꞌu ktuku koꞌo nia.
151	GEN 6:13	Naree nunia, Maromak katak baa Noh naꞌak, “Iha fatin hotu-hotu, Haꞌu karee aꞌaat dei. Dadi, Haꞌu kakotu tiꞌan atu kabeꞌo dodok raiklaran neꞌe no sasoin hotu-hotu.
237	GEN 10:2	Yafet oan sia mak: Gomer, Magog, Madai, Yawan, Tubal, Mesek no Tiras. Ida-idak no lian duꞌuk, ema hunun duꞌuk, no rain duꞌuk. Gomer oan sia mak: Askenas, Rifat no Togarma. Yawan oan sia mak: Elisa, Tarsis, Kitim no Dodanim. Sia neꞌe, mak ema maktuun tasi uluk fohon.
242	GEN 10:7	Kus oan sia mak Seba, Hawila, Sabta, Raema no Sabteka. Raema oan sia mak Syeba no Dedan.
262	GEN 10:27	Hadoram, Usal, Dikla,
270	GEN 11:3	Hotu, sia kabuar lia fuan naꞌak, “Mamaluk sia! Diꞌak liu, ita hariik hola kota boot ida. Ita halo fatuk mean, tunu toꞌo monas. Hotu, ita hada baa malu hodi hanit atu hariik uma tetu ida mak aas toꞌo laleꞌan. Hodi nunia, ita hetan naran boot. Ita bele dadi klubun boot ida, la faꞌe karin malu ona.”
274	GEN 11:7	Diꞌak liu, Ita tuun baa, tokar siakaan lian, nebee sia la bele natene malu lian.”
298	GEN 11:31	Dala ida, Tera nodi oan Abram, oan feen Sarai, no bein oan Lot, sai nela leo huun Ur atu baa rai Kanaꞌan. Mais, toꞌo rai Haran, sia nein iha nia dei.
312	GEN 12:13	Diꞌak liu, o katak baa sia maꞌak, haꞌu neꞌe okaan maun. Hodi nunia, sia la noꞌo haꞌu. Mais sia diꞌa-diꞌak no haꞌu, tan o.”
328	GEN 13:9	Diꞌak liu, ita rua faꞌe malu ona. Rai neꞌe luan. Kalo o boi mola rai iha sorin karuk, haꞌu kola iha sorin kwana. Mais, kalo o boi mola iha sorin kwana, haꞌu kola iha karuk.”
329	GEN 13:10	Rona nola nunia, Lot titu satan leur. Titu naree rai fehan mota Yordan mak noo wee soe haa haat, toꞌo leo Soar. Fatin nia boran tebe-tebes, manesak no MAROMAK toꞌos etu, no rai Mesir. (Baa oras nia, MAROMAK sei la nabeꞌo dodok dauk kota Sodom no kota Gomora. Dadi, rai nia sei furak).
351	GEN 14:14	Abram rona nola ema kohi nola niakaan alin oan Lot, nia libur niakaan meo sia. Sura sia hotu-hotu, ema naꞌin atus tolu sanulu resin walu. Hotu, sia baa teꞌur tuir naꞌin haat nia, toꞌo leo Dan mak dook iha lorokaras.
352	GEN 14:15	Toꞌo nebaa, Abram faꞌe niakaan meo sia, nalo baa klibur hira sia. Baa kalan nia, sia natuda funu sia nodi teꞌur toꞌo leo Hoba iha kota Damsik lorokaras.
363	GEN 15:2	Mais Abram nataa naꞌak, “Aaa! Naꞌi Maromak! Masik foo waꞌin nunia moos, la no folin! Tan haꞌu la koo oan atu foo husar-binan baa haꞌu! Masik koo sasoin oi-oik moos, kodi kalo saa? Tan Haꞌu la koo oan, habusik haꞌukaan atan Eliasar nosi Damsik dei mak netan Haꞌukaan sasoin hotu-hotu!”
383	GEN 16:1	Nunia tiꞌan, Abram nein iha Kanaꞌan tinan sanulu. Mais feen Sarai la netan oan dauk. Baa oras nia, Sarai noo ata feto ida nosi Mesir, naran Hagar. Dala ida, Sarai dale no Abram naꞌak, “Ama! MAROMAK sena-natoos haꞌukaan oa fatin tiꞌan. Diꞌak liu, ama toba mo haꞌukaan atan Hagar, nebee nia nahoris oan foo baa haꞌu.” Rona nola nunia, Abram simu feen dalen nia. Sarai latan Hagar, dadi baa Abram feen kiꞌik.
391	GEN 16:9	Hotu, makbukar nia namaus nia naꞌak, “Nuneꞌe! Diꞌak liu, o fila mikar baa okaan ina boot! Nia nalo saa baa o moos, simu dei.
430	GEN 18:5	Haꞌu moos kadiꞌa haan bodik ama sia nebee hetan biit oda, foin ama sia laꞌo liu. Haꞌu neon diꞌak, kalo bele kaliku ama sia.” Rona nola nunia, sia nataa naꞌak, “Diꞌak. Ami tuli.”
442	GEN 18:17	Hotu, MAROMAK naneo naꞌak, “Diꞌak liu, Haꞌu katak baa Abraham lia saa mak atu kalo baa kota Sodom.
458	GEN 18:33	Dale hotu baa malu nunia, MAROMAK laꞌo liu. Abraham moos fila.
467	GEN 19:9	Mais ema Sodom sia nahii naꞌak, “O keta kahur! O ema maktabar dei iha neꞌe! O ema luan. O la moo beran babilan ami. Diꞌak liu, o sees sai mosi neꞌe. Kalo lale, ami halo o todan liu tan ema rua nia!” Sia moos dudu sees Lot, hotu sia baa basak bele-bele odamatan atu nadodok uma nia odamatan.
489	GEN 19:31	Dala ida, oan feto biin dale baa alin naꞌak, “Iha neꞌe la noo mane ida atu nola ita. Itakaan ama hetak katuas. La kleur, ama la bele netan oan tenik ona.
490	GEN 19:32	Diꞌak liu, ita haroo halanu ama, nebee bele ita toba ho ama, atu hatutan niakaan husar-binan.”
500	GEN 20:4	Mais naꞌin simu naꞌak, “Naꞌi Maromak! Haꞌu ksei la rose aan baa feto nia. Haꞌu la sala. Abraham mak naꞌak duꞌuk, feto nia niakaan alin! Feto nia duꞌuk moos katak nunia! Tan lia nia, haꞌu karuka ema baa nola nia, kodi neon moos! Dadi Naꞌi Maromak keta masalak haꞌu!”
509	GEN 20:13	Dadi, baa oras Maromak naruka ami rua baa ema rain, haꞌu katak baa haꞌukaan feen kaꞌak, ‘Kalo ita rua baa nabee dei, hotu ema nusu itakaan hatalin malu neꞌe, kalo o madomi haꞌu, o mataa maꞌak ita rua feton-naan’.”
515	GEN 21:1	Nosi ikus, MAROMAK moos natuun matak-malirin baa Sara, tuir Niakaan mamenon. Baa oras Abraham katuas tiꞌan, Sara moos koꞌus. Toꞌo niakaan oras, Sara nahoris nola oa mane ida. Hotu, Abraham nanaran oa nia, Isak (tan ‘isak’ lia isin naꞌak ‘hanasa’.) Baa oras Sara nahoris Isak nia, Abraham otas tinan atus ida ona. Sara katak naꞌak, “Maromak nalo haꞌu kanasa. Haꞌu neon diꞌak. Ema naneo naꞌak, haꞌu la kbele ketan oan baa otas ferik nuneꞌe. Haꞌukaan laꞌen moos katuas basuk tiꞌan, mais haꞌu ksei bele kahoris oan bodik nia! Dadi, oras neꞌe, se-see dei mak rona lia neꞌe, sia moos nanasa bele-bele no haꞌu.” Baa oras lawarik nia otas loron walu, Abraham moos nalo hamane aan baa nia, tuir Maromak ukun.
538	GEN 21:24	Abraham moos simu naꞌak, “Diꞌak! Haꞌu karai aan.”
554	GEN 22:6	Dale hotu nunia, Abraham nola ai maran nia sia, nasaan baa Isak. Nia naꞌin duꞌuk nodi tudik no haꞌi. Sia rua sei laꞌo,
564	GEN 22:16	“MAROMAK duꞌuk naꞌak, ‘O madiꞌa aan tiꞌan atu foo okaan oan mesak nia, dadi sera bodik Haꞌu. Dadi, Haꞌu karai aan kodi Haꞌukaan naran duꞌuk
576	GEN 23:4	“Haꞌu neꞌe, ema maktabar dei iha emikaan leet. Haꞌu la koo rai atu kakoi haꞌukaan feen. Dadi, kalo bele, haꞌu ksosa kola emikaan rai rohan ida, bodik kakoi haꞌukaan feen.”
578	GEN 23:6	“Nuneꞌe, ama! Hori wain neꞌe, ami filak ama, hanesan ema matas mak ami hakneter. Dadi, ama boi duꞌuk dei rai kabaas mak ama nakara. Ami nanis simu dei. La noo ida dudu.”
594	GEN 24:2	Noo Abraham klosan ida, mak nia fiar. Ema nia naliku Abraham sasoin sia. Dala ida, Abraham bolu nola klosan nia, hotu naꞌak, “Rona diꞌa-diꞌak! Haꞌu kusu o marai aan modi Maromak naran, tan Nia mak naseꞌi laleꞌan no raiklaran! O mameno maꞌak, o la mola feto nosi ema Kanaꞌan neꞌe, atu malo baa haꞌukaan oan Isak feen.
597	GEN 24:5	Rona nola nunia, klosan nia nusu Abraham naꞌak, “Diꞌak, ama! Mais, kalo feto nia la noꞌuk tuir mai, haꞌu kmusti ko ama oan baa nola malu iha nebaa ka, nunabee?”
599	GEN 24:7	Manoin! MAROMAK makaer beran iha laleꞌan. Nia mak nodi haꞌu sai tiꞌan kosi haꞌukaan uma huun, nalaꞌo haꞌu toꞌo rai neꞌe. Nia moos namate menon no haꞌu naꞌak, ‘Haꞌu klatan to-tomak rai neꞌe bodik okaan husar-binan.’ Dadi, lalika mataꞌuk! Baa ona! Tan Maromak nanis naruka Niakaan makbukar laleꞌan mai loke dalan bodik o, nebee o bele masoru feto mak atu dadi baa haꞌukaan oa feen.
606	GEN 24:14	Dadi, haꞌu kakroꞌan nuneꞌe: kalo haꞌu kdale ko feto ida kaꞌak, ‘Bete! Tulun matuun okaan lolo, foo haꞌu kemu lai.’ Kalo feto nia nataa naꞌak, ‘Ama memu ona! Haꞌu moos karoo okaan kuda unta sia,’ lia nia dadi tadak naꞌak, feto nia mak Naꞌi Maromak boi dadi baa Isak feen! Tuir tadak nunia, haꞌu kbele katene kaꞌak, Naꞌi Maromak natudu dadiꞌak bodik haꞌukaan ulun Abraham.”
634	GEN 24:42	Dadi, ohin haꞌu toꞌo wee knuuk nia, haꞌu kamulak iha neon laran kaꞌak, ‘MAROMAK, mak haꞌukaan ulun Abraham niakaan Maromak. Tulun loke dalan, nebee haꞌukaan dalan neꞌe netan sotir diꞌak. Nebee kasoru Isak sasudin.
635	GEN 24:43	Naꞌi Maromak, haꞌu kariik iha wee knuuk diꞌin neꞌe. Feto sia nosi kota neꞌe mai nakonu wee iha neꞌe. Dadi, haꞌu kusu nuneꞌe: kalo haꞌu kdale ko feto ida kaꞌak, “Bete! Tulun matuun lolo, foo haꞌu kemu lai,”
641	GEN 24:49	Dadi, oras neꞌe, kalo ama sia nadomi haꞌukaan ulun Abraham, katak malorek baa haꞌu. Kalo lale moos, katak malorek. Nebee haꞌu kbele katene, haꞌu kmusti kalo saa.”
648	GEN 24:56	Mais klosan nia nataa naꞌak, “Adeei! Keta saseni haꞌu! MAROMAK tulun haꞌu tiꞌan, toꞌo kasoru tiꞌan haꞌukaan ulun oan feen. Dadi, ina sia habusik ami ona, nebee ami fila baa hasara lia baa haꞌukaan ulun lai.”
662	GEN 25:3	Yoksan oan sia mak: Seba no Dedan. Dedan husar-binan sia mak: ema Asyur, ema Letus no ema Leum.
672	GEN 25:13	Ismael oan mane naꞌin sanulu resin rua. Siakaan naran tuir malu nosi ulun toꞌo ikun, mak neꞌe: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis no Kedma. Oan nia sia dadi bei uluk nosi ema klubun sanulu resin rua, ida-idak no rain duꞌuk. Sia nanaran rai nia sia, ida-idak tuir siakaan bei uluk naran.
688	GEN 25:29	Dala ida, Yakob daꞌan fore mean. Oras nia moos, Esau fila mai nosi alas. Nia kole no salaen tebe-tebes.
690	GEN 25:31	Yakob nataa naꞌak, “Diꞌak mau. Mais latan okaan beran oa ulun baa haꞌu lai, foin haꞌu kfoo!”
709	GEN 26:16	Hotu, Naꞌi Abimelek katak baa Isak naꞌak, “Diꞌak liu, o laꞌo mela rai neꞌe ona. Tan okaan beran liu ami tiꞌan.”
721	GEN 26:28	Sia nataa naꞌak, “Nuneꞌe! Oras neꞌe, ami hatene MAROMAK mak daka o. Dadi ami hanoin, diꞌak liu ita hamate menon. Mamenon nia nuneꞌe: o marai aan maꞌak,
765	GEN 27:37	Isak nataa naꞌak, “Haꞌu kfoti tiꞌan nia dadi baa okaan ulun. Niakaan maun-alin hotu-hotu, atu dadi baa niakaan atan! Haꞌu kfoo tiꞌan baa nia, hare waꞌin lear no anggor fuan bokar tebe-tebes. Dadi, oa! Oras neꞌe, matak-malirin saa tenik mak atu kfoo baa o? La noo tiꞌan.”
769	GEN 27:41	Nunia hotu, Esau hirus tebe-tebes Yakob, tan nia nadau nola niakaan matak-malirin. Mais Esau naneo naꞌak, “La kleur, ama mate. Dadi, haꞌu kein dei, toꞌo loron daka ama maten liu tiꞌan, foin haꞌu koꞌo nia!”
770	GEN 27:42	Mais Ribka rona Esau lia kakotun nia. Hotu, nia bolu nola Yakob nodi katak naꞌak, “Rona diꞌa-diꞌak! Okaan maun hirus o toꞌo atu noꞌo o. Dadi, malai lai-lais baa okaan tua naꞌi Laban iha leo Haran.
779	GEN 28:5	Dale notu nunia, Isak moos nabusik Yakob baa tua naꞌi Laban no bei Betuel uman iha Padan-Aram.
803	GEN 29:7	Rona nola nunia, Yakob dale tenik naꞌak, “Oras neꞌe loro sei aas! Diꞌak liu emi haroo bibi sia ona mak naklibur tiꞌan iha neꞌe. Hotu, halaꞌo hodi baa hae molik, nebee naa tenik hae.”
815	GEN 29:19	Rona nola nunia, Laban simu naꞌak, “Kakara! Diꞌak liu o mak mola Rahel, tan o haꞌukaan familin duꞌuk! Hein baa neꞌe dei, serwisu bodik haꞌu.”
816	GEN 29:20	Hotu, Yakob serwisu tinan hitu, nebee netan Rahel. Nia beer Rahel liu resik. Dadi, tinan hitu nia, nia noran nuꞌu loron hira dei.
817	GEN 29:21	Tinan hitu siku tiꞌan, Yakob foo natene baa Laban naꞌak, “Haꞌu kserwisu tinan hitu tiꞌan bodik tua naꞌi. Dadi, latan Rahel baa haꞌu ona.”
819	GEN 29:23	Mais kalan nia, Laban la latan Rahel baa Yakob. Nia naruka Lea mak tama baa Yakob batanen. Hotu, Yakob toba no Lea. Baa awan, foin Yakob natene naꞌak nia nola Lea, lahoos Rahel. Nia baa kedan naksuhuk baa Laban naꞌak, “Tan saa tua naꞌi maktolek haꞌu? Haꞌu kserwisu susi ruin tinan hitu tiꞌan atu ketan Rahel! Tan saa seluk Rahel hodi Lea?” Hotu Laban nataa naꞌak, “Keta nawan saꞌe nunia! Tuir amikaan adat iha neꞌe, alin la bele noo uluk laꞌen. Diꞌak liu, o mein toꞌo dahur loron hitu neꞌe hotu lai, foin haꞌu klatan tenik Rahel. Surak o serwisu bodik haꞌu tinan hitu tenik.” Baa oras nia, Laban moos latan ata feto ida naran Silpa, dadi baa Lea atan.
831	GEN 29:35	Nosi ikus, Lea koꞌus, netan tenik oan mane ida. Nia dale naꞌak, “Dala ida neꞌe, haꞌu kakara tonu-kaboot MAROMAK!” Hotu, Lea nanaran oan nia, naranYahuda (tan lia fuan yahuda isin naꞌak ‘tonu-haboot’). Nunia tiꞌan, Lea la nahoris ona.
834	GEN 30:3	Rahel nataa naꞌak, “Nuneꞌe! Diꞌak liu, o mola haꞌukaan atan Bilha, toba mo nia, nebee nahoris oan bodik haꞌu.”
837	GEN 30:6	Naree nunia, Rahel dale naꞌak, “Maromak rona haꞌukaan hamulak tiꞌan nodi foo oan mane ida baa haꞌu! Nia nakotu haꞌukaan lia nodi moon!” Hotu, Rahel nanaran oan nia, naran Dan (tan lia fuan dan isin naꞌak ‘hakotu lia hodi moon’).
845	GEN 30:14	Dala ida, oras kuꞌu hare, Ruben baa alas laran. Nia netan ai horis ida dadi aitahan mak bele nalo ema netan oan. Nia nodi mai baa inan Lea. Naree nunia, Rahel nusu baa Lea naꞌak, “Bii! Aitahan mak ohin Ruben nodi mai nia, foo oan ida baa haꞌu lai.”
852	GEN 30:21	Nosi ikus, Lea nahoris oan feto ida. Nia nanaran oan nia, naran Dina.
859	GEN 30:28	Dadi, makara musu hira moos, haꞌu kselu! Surak, tuur mafati iha neꞌe, modi serwisu nima-nimak bodik haꞌu.”
865	GEN 30:34	Rona nola nunia, Laban simu nodi naꞌak, “Diꞌak! Nunia dei.”
875	GEN 31:1	Dala ida, Yakob rona Laban oan sia dale baa malu naꞌak, “Yakob neꞌe soi basuk, tan nia koi namara itakaan aman sasoin tiꞌan.”
884	GEN 31:10	Dala ida, oras bibi sia naklaꞌok malu, haꞌu kmeꞌi karee kaꞌak bibi aman mak naklaꞌok nia sia, rahun makerek no falatak mohu.
888	GEN 31:14	Rona laꞌen dale nunia, Rahel no Lea nataa naꞌak, “Diꞌak! Ami tuir dei, tan ami la hetan tenik sasoin tiꞌan nosi ama Laban!
918	GEN 31:44	Diꞌak liu, ita rua hamate menon, nebee ita moris tuir mamenon nia.”
972	GEN 33:11	Dadi, haꞌu kusu no kakneter, nebee mau simu buat mak la no folin neꞌe sia. Maromak diꞌak liu resik baa haꞌu tiꞌan. Nia foo sa-saa hotu-hotu, mak haꞌu kbuka.” Yakob namaus Esau nohuun nunia, toꞌo Esau moos simu.
975	GEN 33:14	Diꞌak liu, mau sia uluk ona. Ami tuir nai-naik. Ami toꞌo tiꞌan, foin haꞌu kmai karee mau iha Seir.”
982	GEN 34:1	Baa oras nia, Yakob no Lea oan feto Dina, boot tiꞌan. Dala ida, Dina baa nasoru mamaluk feto sia iha rai nia.
983	GEN 34:2	Rai nia naꞌin, naran Hemor. Hemor nia, nosi ema hunun Hewi. Niakaan oan mane, naran Sikem. Oras Sikem naree Dina, nia lemas nola, nalo lia kfoꞌer no nia.
984	GEN 34:3	Sikem neon monu baa Dina toꞌo nakara basuk. Nia dale namaus Dina, nebee simu nia.
985	GEN 34:4	Nia moos katak baa aman naꞌak, “Ama! Tulun tama musu Dina, nebee kalo baa haꞌukaan feen.”
987	GEN 34:6	Baa oras nia moos, Sikem no aman Hemor mai nasoru Yakob atu tama nusu Dina.
989	GEN 34:8	Mais Hemor namaus tenik Yakob no oan sia naꞌak, “Maluk Yakob! Haꞌukaan oan Sikem beer tebe-tebes baa maluk oan feto. Dadi, haꞌu kusu nebee foo leet baa haꞌukaan oan nola nia.
992	GEN 34:11	Hotu, Sikem dale no Dina aman no maun sia naꞌak, “Emi hakara saa dei, haꞌu ktuir. Emi tate osan taka odamatan no husu folin hira moos, haꞌu kselu. Surak emi foo leet baa haꞌu kola Dina.”
994	GEN 34:13	Yakob oan mane sia hirus tan Sikem nalo lia kfoꞌer no siakaan feton Dina tiꞌan. Hotu, sia nataa asufanu baa Sikem no aman Hemor
1000	GEN 34:19	Sikem la terus nein ona, tan nia beer Dina liu resik tiꞌan. Ema iha rai nia moos, nakneter Sikem.
1001	GEN 34:20	Dadi, Hemor no Sikem baa kedan hakotu lia fatin iha leo odamatan nanokar. Sia koꞌa kabuar lia no ema hotu-hotu iha rai nia nodi dale naꞌak,
1002	GEN 34:21	“Mamaluk sia hotu-hotu! Ema Israꞌel neꞌe sia nakara moris dame no ita. Dadi habusik sia nein namutuk no ita iha neꞌe. Rai neꞌe luan bodik ita hotu-hotu. Ita bele hola siakaan oan feto. Sia moos bele nola itakaan oan feto.
1004	GEN 34:23	Kalo ita hamutuk tiꞌan, nanis siakaan bibi no karau no sasoin hotu-hotu bele dadi baa itakaan. Diꞌak liu ita simu siakaan hakaran. Ita hotu-hotu hamane aan bele-bele! Hakara ka?”
1006	GEN 34:25	Baa wainrua, oras mane hotu-hotu sei moras tan namane aan, Dina naan Simeon no Lewi losu surik naruk. Sia tama no-nook baa kota laran, noꞌo mane hotu-hotu.
1007	GEN 34:26	Sia moos noꞌo Hemor no Sikem. Hotu, sia dada nodi fila Dina sai nosi Sikem uman.
1020	GEN 35:8	Kreꞌis leo Betel, no ai huun boot ida naran Alon Bakut. Lia isin naꞌak, ‘ai tanis hadeꞌun aan’. Ai naran nunia, tan Ribka inan haliku naran Debora, mate, hotu sia nakoi nia iha ai nia ohak.
1033	GEN 35:21	Nunia hotu, Yakob lori baa-mai bei-beik. Dala ida, nia nariik batane iha tetu Eder sorin.
1037	GEN 35:25	Rahel ata feto Bilha oan sia, Dan no Naftali.
1047	GEN 36:6	Dala ida, Esau lori baa rai seluk, dook nosi Yakob. Nodi feen-oan, ema serwisu, bibi no karau no naha hotu-hotu.
1061	GEN 36:20	Iha fatin nia moos noo ema Hori ida, naran Seir. Niakaan oan sia sasa faꞌe malu, dadi baa ema hunun waꞌin, ida-idak no duꞌuk fukun. Oan sia dadi baa fukun Lotan, fukun Sobal, fukun Sibeon, fukun Anah, fukun Dison, fukun Eser no fukun Disan.
1066	GEN 36:25	Anah oan feto mak Oholibama. No oan mane mak Dison. Dison oan mak Hemdan, Esban, Yitran no Keran.
1069	GEN 36:28	Disan oan mak Us no Aran.
1070	GEN 36:29	Fukun ema hunun Hori sia mak neꞌe: Lotan, Sobal, Sibeon, Anah, Dison, Eser no Disan. Sia hotu-hotu nein iha rai Seir.
1073	GEN 36:32	Sia foti Beor oan Bela, dadi naꞌin kota Dinhaba.
1087	GEN 37:3	Baa oras Yusuf moris, Yakob katuas tiꞌan. Tan baa nia, Yakob dadobe Yusuf liu nosi oan seluk sia. Dala ida Yakob nalo nola faru klobor kabaas ida bodik Yusuf.
1094	GEN 37:10	Dale baa maun sia tiꞌan, Yusuf baa katak lia meꞌi nia baa aman. Mais aman deꞌan makaꞌas nia naꞌak, “Meꞌi saa mak nia! O maneo, haꞌu ko okaan inan no okaan maun-alin sia atu mai deꞌi o ain ka? O neꞌe, liu resik!”
1097	GEN 37:13	La kleur falik, Yusuf aman dale naꞌak, “Yusuf! Okaan maun sia naliku bibi no bibi malae sia kreꞌis baa Sikem. O madiꞌa aan baa maree sia lai!” Rona aman dale nunia, Yusuf nataa naꞌak, “Diꞌak, ama!”
1101	GEN 37:17	Hotu, ema nia katak naꞌak, “Sia la iha neꞌe tiꞌan! Haꞌu krona sia katak naꞌak sia atu baa kreꞌis leo Dotan.” Rona nola nunia, Yusuf baa tuir maun sia iha Dotan. Sei dook, nia naree maun sia tiꞌan.