2	GEN 1:2	Raiklaran sei la dadi dauk, sa-saa hotu-hotu sei nahutan karin. Wee mak iha, mais nakukun luri taka nola tomak. Maromak Kmalar laleok iha wee fohon nia.
6	GEN 1:6	Hotu, Maromak katak tenik naꞌak, “Musti noo fatin mamuk atu hodi keta faꞌe wee, nebee noo wee iha leten no wee iha ohak.” Katak notu, wee moos naketak aan faꞌe baa rua.
10	GEN 1:10	Nia nanaran rai nia naꞌak, “rai maran”. Nanaran wee klibur nia naꞌak, “tasi”. Naree nunia, Maromak neon boot, tan saa mak Nia naseꞌi nia, kabaas tebes.
20	GEN 1:20	Hotu, Maromak katak tenik naꞌak, “Musti noo makmoris iha wee laran. No manu mak semo iha leten.”
21	GEN 1:21	Hotu, Maromak naseꞌi makmoris iha wee laran. Nia moos naseꞌi manu mak semo iha leten. Naree nunia, Maromak neon boot, tan saa mak Nia naseꞌi nia, kabaas tebes.
22	GEN 1:22	Maromak natuun matak-malirin baa sia hotu-hotu naꞌak, “Makmoris iha wee laran musti bea tuꞌan, nebee nakonu nola wee iha fatin hotu-hotu! Manu iha leten moos musti bea tuꞌan!”
33	GEN 2:2	Awan, kona baa loron dala hitu. Baa loron nia, Maromak nanawa serwisu.
34	GEN 2:3	Hodi nunia, Nia nalo loron dala hitu nia, dadi baa loron boot. Nia nalo nunia, tan hotu-hotu mak Nia naseꞌi nia, tetuk no nesan tiꞌan. Hotu Nia nanawa baa loron dala hitu.
38	GEN 2:7	Hotu MAROMAK nola rai isin oan ida, nodi naseꞌi ema. Nia nuu natama nawan baa ema nia inun, hotu ema nia moris.
42	GEN 2:11	Sorun ida, naran Pison. Sorun nia, suli nalik rai Hawila mak noo mean waꞌin.
56	GEN 2:25	Oras nia, sia rua sei nakwalan, mais sia la moe.
63	GEN 3:7	Sia rua naa notu, sarebak natene baa, sia nakwalan. Hotu, sia noman ai tahan nodi taka isin lolon, tan sia moe.
66	GEN 3:10	Mane nia nataa naꞌak, “Haꞌu koꞌi rona Naꞌi Maromak lian iha neꞌe. Mais haꞌu kmoe aan, tan kakwalan. Foin, haꞌu kalai baa kakfunin.”
67	GEN 3:11	Rona nola nunia, Maromak nusu naꞌak, “See mak katak naꞌak o makwalan? Keta arumak o maa tiꞌan ai fuan mak Haꞌu kbadu nia!”
73	GEN 3:17	Nunia hotu, Maromak katak tenik baa mane naꞌak, “O la tuir Haꞌukaan ukun, mais tuir okaan feen hakaran, toꞌo o maa ai fuan mak Haꞌu kbadu nia. Tan lia nia, o moos kona kastikar. Rai moos kona kastikar. Nahuu baa oras neꞌe toꞌo o mate, o musti serwisu susi ruin fila rai, nebee bele metan haan. Modi serwisu nunia, foin o bele moris.
75	GEN 3:19	O musti serwisu susi ruin, foin rai foo haan baa o. O musti serwisu masai kosar nunia, toꞌo mate. Haꞌu kaseꞌi o kosi rai. Oras o mate, o fila mikar baa rai.”
82	GEN 4:2	Ikus, Efa nahoris tenik oan mane ida. Nia tau naran, Habel. Oan rua nia boot mai, Habel bali bibi no bibi malae, Kain serwisu toꞌos.
110	GEN 5:4	Hotu, Adam sei moris tenik tinan atus walu, nodi netan tuꞌan oan feto, oan mane.
111	GEN 5:5	Hotu, nia mate baa otas tinan atus siwi tolu nulu.
113	GEN 5:7	Hotu, Set sei moris tenik tinan atus walu hitu, nodi netan tuꞌan oan feto, oan mane.
114	GEN 5:8	Hotu, nia mate baa otas tinan atus siwi sanulu resin rua.
115	GEN 5:9	Oras Enos otas tinan siwi nulu, netan oan mane ida naran Kenan.
116	GEN 5:10	Hotu, Enos sei moris tenik tinan atus walu sanulu resin lima, nodi netan tuꞌan oan feto, oan mane.
117	GEN 5:11	Hotu, nia mate baa otas tinan atus siwi lima.
119	GEN 5:13	Hotu, Kenan sei moris tenik tinan atus walu haat nulu, nodi netan tuꞌan oan feto, oan mane.
120	GEN 5:14	Hotu, nia mate baa otas tinan atus siwi sanulu.
122	GEN 5:16	Hotu, Mahalalel sei moris tenik tinan atus walu tolu nulu, nodi netan tuꞌan oan feto, oan mane.
123	GEN 5:17	Hotu, nia mate baa otas atus walu siwi nulu resin lima.
125	GEN 5:19	Hotu, Yared sei moris tenik tinan atus walu tenik, nodi netan tuꞌan oan feto, oan mane.
126	GEN 5:20	Hotu, nia mate baa otas tinan atus siwi neen nulu resin rua.
131	GEN 5:25	Oras Metusalak otas tinan atus ida walu nulu resin hitu, netan oan mane ida naran Lamek.
132	GEN 5:26	Hotu, Metusalak sei moris tenik tinan atus hitu walu nulu resin rua, nodi netan tuꞌan oan feto, oan mane.
133	GEN 5:27	Hotu, nia mate baa otas tinan atus siwi neen nulu resin siwi.
134	GEN 5:28	Oras Lamek otas tinan atus ida walu nulu resin rua, netan oan mane ida.
135	GEN 5:29	Hotu nia dale naꞌak, “Oan neꞌe atu nadiꞌak itakaan neon, toꞌo haluꞌa itakaan serwisu todan iha rai mak Maromak kastikar tiꞌan.” Etuk, nanaran oa nia, Noh (tan lia fuan ‘noh’ hanesan lia fuan Ibrani ida naꞌak ‘hadiꞌak neon’).
136	GEN 5:30	Hotu, Lamek sei moris tenik tinan atus lima siwi nulu resin lima, nodi netan tuꞌan oan feto, oan mane.
164	GEN 7:4	Rona diꞌa-diꞌak! Hela loron hitu dei, Haꞌu atu katuun udan mak la nanawa, toꞌo kalan haat nulu, loron haat nulu! Kodi nunia, Haꞌu koꞌo mohu hotu-hotu mak moris iha rai maran, mak Haꞌu kaseꞌi tiꞌan.”
172	GEN 7:12	Udan moos la nanawa kois loron-kalan, toꞌo loron haat nulu.
180	GEN 7:20	Wee nia saꞌe la nanawa kois, toꞌo aas roꞌa hitu iha foho leten.
185	GEN 8:1	Mais Maromak la naluꞌa Noh no osa no lotuk sia hotu-hotu iha roo nia. Nia foo anin nuu namoti wee motasaꞌe nia.
186	GEN 8:2	Nia moos taka wee matan hotu-hotu, no sena udan.
187	GEN 8:3	Wee nahuu moti oa-oan. Loron atus ida lima nulu siku liu tiꞌan, wee moos nahuu nakraik.
191	GEN 8:7	Hotu, nia nabusik sai manu kawaa ida. Manu nia semo baa-mai. Oras wee motasaꞌe nia moti, nia la fila nikar baa roo.
192	GEN 8:8	Hotu, Noh moos nabusik manu lakateu ida, atu nodi natene, wee moti tebes tiꞌan ka, sei.
193	GEN 8:9	Mais, tan wee sei taka nola raiklaran, manu nia la netan rani fatik. Hotu, nia fila nikar baa roo. Noh lolo liman, simu nola manu nia, natama nikar baa roo laran.
195	GEN 8:11	Loro malirin, manu nia fila nikar mai baa Noh, mais tutu nodi ai saitun tahan ida, mak foin tutu silu nola. Naree nunia, Noh bele natene wee moti tebes tiꞌan.
197	GEN 8:13	Oras Noh otas tinan atus neen ida, wee motasaꞌe nia nakraik tebe-tebes, kona baa fulan ida loron dala uluk. Noh loke kuak anin nodi titu satan leur, foin natene naꞌak, rai atu maran ona.
208	GEN 9:2	Osa no lotuk no manu ai leten no naꞌan tasi wee laran, hotu-hotu atu nataꞌuk emi. Emi mak babilan sia.
227	GEN 9:21	Baa dala ida, Noh nemu anggor toꞌo lanu todan. Nia kolu tais, toba nakwalan iha batane laran.
228	GEN 9:22	Ham naree nola aman nakwalan nunia, nia moos nalai sai baa katak maun Sem no Yafet.
229	GEN 9:23	Sem no Yafet nola tais ida, hotu felar nodi sakat baa siakaan baas. Hotu, sia laꞌo nakiduk, tama baa batane laran, nafuꞌut siakaan aman. Sia nalo nunia, nebee sia duꞌuk la naree aman nakwalan. Hotu, sia sai.
235	GEN 9:29	Otas tinan atus siwi lima nulu, foin Noh mate.
237	GEN 10:2	Yafet oan sia mak: Gomer, Magog, Madai, Yawan, Tubal, Mesek no Tiras. Ida-idak no lian duꞌuk, ema hunun duꞌuk, no rain duꞌuk. Gomer oan sia mak: Askenas, Rifat no Togarma. Yawan oan sia mak: Elisa, Tarsis, Kitim no Dodanim. Sia neꞌe, mak ema maktuun tasi uluk fohon.
242	GEN 10:7	Kus oan sia mak Seba, Hawila, Sabta, Raema no Sabteka. Raema oan sia mak Syeba no Dedan.
246	GEN 10:11	Nosi Sinear, nia ukun tenik rai Asyur. Nariik kota Niniwe, Rehobot-Ir, Kala,
247	GEN 10:12	no Resen, mak iha Niniwe no Kala leet. Kota nia sia, hotu-hotu kota boot.
252	GEN 10:17	ema Hewi, ema Arki, ema Sini,
253	GEN 10:18	ema Arwadi, ema Semari no ema Hamati. Kanaꞌan husar-binan sia keen karin malu do-dook,
261	GEN 10:26	Yoktan oan sia mak: Almodad, Selef, Hazar-Mawet, Yera,
264	GEN 10:29	Ofir, Hawila no Yobab. Sia hotu-hotu nia, Yoktan oan.
273	GEN 11:6	Naree nunia, MAROMAK naneo naꞌak, “Ema neꞌe sia, ema klubun ida mak dale lia ida dei. Saa mak sia nalo baa oras neꞌe, foin hakat uluk fohon dei. Awan-wainrua, kalo sia metis malu nohuun, sia bele nalo sa-saa dei.
275	GEN 11:8	Hotu, MAROMAK tuun, tokar lauk siakaan lian. Nodi nunia, Nia nalo ema nia sia faꞌe karin malu baa fatin hotu-hotu iha raiklaran. Sia moos nanawa nariik kota nia.
277	GEN 11:10	Neꞌe, Sem husar-binan. Motasaꞌe boot nia nanawa tiꞌan tinan rua, Sem moos otas tinan atus ida. Hotu, netan oan mane ida, naran Arpaksad.
278	GEN 11:11	Sem sei moris tinan atus walu tenik, nodi netan tuꞌan oan feto, oan mane.
286	GEN 11:19	Pelek sei moris tinan atus rua siwi tenik, nodi netan tuꞌan oan feto, oan mane.
291	GEN 11:24	Nahor otas tinan rua nulu resin siwi, netan oan mane ida, naran Tera.
292	GEN 11:25	Nahor sei moris tinan atus ida sanulu resin siwi tenik, nodi netan tuꞌan oan feto, oan mane.
303	GEN 12:4	Oras Abram otas tinan hitu nulu resin lima, nodi feen Sarai, alin oan Lot, eman serwisu hotu-hotu, no bein sasoin hotu-hotu mak nia netan iha leo Haran. Sia laꞌo nela Haran, baa fatin ida naran Kanaꞌan. Fatin nia mak MAROMAK natudu baa Abram.
321	GEN 13:2	Oras nia, Abram soi tebes. Niakaan bibi no karau sia, waꞌin basuk. Niakaan mean-mutin moos, waꞌin tebes.
324	GEN 13:5	Oras nia, Lot namutuk no Abram. Lot moos noo bibi no karau waꞌin. Niakaan ema serwisu moos waꞌin.
327	GEN 13:8	Hotu, Abram katak baa oan Lot naꞌak, “Lot! Ita neꞌe, oan-aman. Keta toꞌo ita rua la kona malu, hotu itakaan ema serwisu sia moos nakaat malu bei-beik.
328	GEN 13:9	Diꞌak liu, ita rua faꞌe malu ona. Rai neꞌe luan. Kalo o boi mola rai iha sorin karuk, haꞌu kola iha sorin kwana. Mais, kalo o boi mola iha sorin kwana, haꞌu kola iha karuk.”
329	GEN 13:10	Rona nola nunia, Lot titu satan leur. Titu naree rai fehan mota Yordan mak noo wee soe haa haat, toꞌo leo Soar. Fatin nia boran tebe-tebes, manesak no MAROMAK toꞌos etu, no rai Mesir. (Baa oras nia, MAROMAK sei la nabeꞌo dodok dauk kota Sodom no kota Gomora. Dadi, rai nia sei furak).
333	GEN 13:14	Lot no Abram faꞌe malu tiꞌan, MAROMAK katak baa Abram naꞌak, “Abram! Soe kokon matan satan leur, mana fatin hotu-hotu mosi o mariik fatik nia. Maree diꞌa-diꞌak oin-kotuk, karuk-kwana.
335	GEN 13:16	Haꞌu atu kalo okaan husar-binan bea waꞌin, hanesan raihenek iha tasi tehen mak ema la bele sura nola.
342	GEN 14:5	Tama baa tinan sanulu resin haat, naꞌi Kedarlaomer no niakaan mamaluk naꞌin tolu nia, mai nodi siakaan sondadu sia. Hotu, sia natuda natoba nola ema rai hira sia, mak ema Refaim iha rai Asterot-Karnaim, ema Susim iha rai Ham, ema Emim iha rai Sawe-Kiryataim,
347	GEN 14:10	Iha rai fehan nia, noo debu kriꞌit waꞌin. Baa oras sia natuda nia, naꞌi Sodom no naꞌi Gomora no siakaan sondadu sia niꞌit aan nalai lakon. Balu monu tama baa debu kriꞌit nia sia. Balu tenik nalai baa foho.
351	GEN 14:14	Abram rona nola ema kohi nola niakaan alin oan Lot, nia libur niakaan meo sia. Sura sia hotu-hotu, ema naꞌin atus tolu sanulu resin walu. Hotu, sia baa teꞌur tuir naꞌin haat nia, toꞌo leo Dan mak dook iha lorokaras.
354	GEN 14:17	Abram fila nikar nosi natuda natoba naꞌin haat nia, naꞌi Sodom mai nasoru nia iha rai fehan Sawe (mak ema temi naꞌak, Rai Fehan Naꞌin).
355	GEN 14:18	Baa oras nia, noo kota Salem naꞌin naran Melkisedek. Nia moos naꞌilulik nosi Maromak mak Aas Kaliuk. Melkisedek mai foo tubi no anggor ween baa Abram.
363	GEN 15:2	Mais Abram nataa naꞌak, “Aaa! Naꞌi Maromak! Masik foo waꞌin nunia moos, la no folin! Tan haꞌu la koo oan atu foo husar-binan baa haꞌu! Masik koo sasoin oi-oik moos, kodi kalo saa? Tan Haꞌu la koo oan, habusik haꞌukaan atan Eliasar nosi Damsik dei mak netan Haꞌukaan sasoin hotu-hotu!”
372	GEN 15:11	Nunia hotu, manu kawaa sia semo mai atu naa naꞌan nia sia. Mais Abram nabuꞌa lakon sia.
374	GEN 15:13	Hotu, Maromak katak baa Abram naꞌak, “Abram! O atu moris toꞌo katuas basuk. O moos mate no-nook. Foin sia nakoi o diꞌa-diꞌak! Mais, okaan husar-binan sia atu dadi ema maktabar iha ema rain. Ema rai nia atu nalo sia baa ata, no tonan nasusar sia toꞌo tinan atus haat laran. Mais, Haꞌu nanis kastikar ema rai nia! Haꞌu atu kodi okaan husar-binan sai kosi rai nia. Sia moos loi nodi sasoin waꞌin nosi rai nia.
388	GEN 16:6	Mais Abram nataa naꞌak, “Nuneꞌe! O neꞌe, feen kawaꞌik. Nia, feen kiꞌik dei! O mak moo beran ukun nia. O makara malo saa baa nia, loos o!” Hotu, Sarai natudu hahalok makaꞌas no Hagar, toꞌo Hagar niꞌit aan nalai.
389	GEN 16:7	Nia nalai toꞌo raihenek molik ida. MAROMAK Niakaan makbukar laleꞌan ida mai nasoru nia kreꞌis wee matan ida iha dalan baa Sur.
396	GEN 16:14	Tan lia nia, ema nanaran wee matan nia naꞌak, Beer Lahai Roi. Lia isin naꞌak, “wee matan nosi Nia mak moris, mak naliku haꞌu.” Wee matan nia, toꞌo oras neꞌe sei iha leo Kades no leo Beret leet.
398	GEN 16:16	Oras Hagar nahoris Ismael, Abram otas tinan walu nulu resin neen tiꞌan.
399	GEN 17:1	Oras Abram otas tinan siwi nulu resin siwi, MAROMAK natadu aan baa nia nodi naꞌak, “Haꞌu neꞌe, Maromak mak noo Beran Kaliuk! O musti tuir bei-beik Haꞌukaan hakara modi moris tuir dalan loos!
402	GEN 17:4	“Haꞌu kamate menon ko o nuneꞌe: o atu dadi bei uluk bodik ema klubun waꞌin! Tan lia nia, nahuu oras neꞌe, okaan naran lahoos Abram tenik, mais Abraham (tan abraham lia isin naꞌak ‘bei uluk mak nariik ema klubun waꞌin’).
404	GEN 17:6	Haꞌu atu kalo okaan husar-binan bea tebe-tebes! Haꞌu moos atu kariik ema klubun waꞌin nosi sia, kodi foti naꞌin lear nosi sia!
409	GEN 17:11	Nahuu baa oras neꞌe, ema mane hotu-hotu musti namane aan, nahuu nosi otas foin loron walu. Okaan familin, okaan ema serwisu, no okaan ata mak o sosa tiꞌan mosi rai seluk, hotu-hotu musti namane aan! Hamane aan nia dadi tadak hamate menon bodik ita rua. Tadak nia atu nakriꞌit aan baa emi ida-idak!
414	GEN 17:16	Haꞌu atu katuun matak-malirin waꞌin baa Sara, nebee nia nahoris oan mane ida foo baa o! Tebes! Sara atu dadi bei uluk bodik ema klubun waꞌin. Haꞌu moos atu foti naꞌin lear nosi niakaan husar-binan!”