635	GEN 24:43	Tja sök di bäng ëre zl̈ong wopro ga ‘Tja kong di shis sira, iër wl̈o’ l̈ër kjogl̈oga tjwe l̈öng di kjrë l̈i kong. Eshko ga woydër ga kjogl̈o kjrorop bor kägäyo wa kong l̈i tjl̈ẽ bor kong ga ‘Di iozong. Bop öng ëmdë ga kong di twër bakoe’ l̈e bor kong” l̈oror Jehová kong eni.
1370	GEN 45:11	Ëreshko ga pja sën dl̈i, bop pjeyoga uunkong tjok, pjãy pjl̈i kuk l̇l̇ëm wl̈o, dl̈i l̇l̇ëm kjwe l̈u pjl̈ogl̈o shkëng (5) obi kjĩshko’ l̈e Josérë” l̈ëmi ba kong eni.
1524	GEN 50:17	“Pjãy tjl̈ẽ bop l̈ëng kong ga ‘Bop data tjl̈ẽno beno bop kong ga “Bop shjiyga l̇l̇ëbo shäryono bop kong owa l̈i rokër bop kong sira ga epga shdum e kjĩshko l̇l̇ëme. Epga jnep kësbange” l̈ara bop datarë bop kong eni’ l̈ëmi ba kong” l̈ara. Eni ga roke l̈ok bop kong sira ga epga jnep kësbange, epga bop data Sbö parkagaga» l̈e. Kuya Josérë ga sl̈ar jonge.
23985	MAT 22:44	»“Tjl̈apga tjl̈ẽno bor Tjl̈apgayo kong ga ‘Pja tek wl̈ar ber sök bor orkwo kël̈ëkong, äär jong bop moskwoga zanor pjir guing, eshko ga twër ber bop kong ichëp wl̈o’ l̈e.”
24141	MAT 26:18	«Pjãy to Jerusalén kjokyo roshko. Domer shäng kjl̈ara eshko. Pjãy tjl̈ẽ ba kong ga “Tjl̈apga no pingga tjl̈ẽ ga ‘Tja dbaryo äätoe. Tja jek bop ushko bor oppinggaga tjok, Israel tjëyoga döktong tek Egipto kjokyo dwayo dbaryo l̈i shrërwa wl̈o’ l̈e” l̈ëmi ba kong eni» l̈e ba kong.
24778	MRK 12:36	Pjl̈ara ga David go Sbö Sëyashko ga no pjl̈uyo l̈i kowara ba Tjl̈apgayo. Eshko ga David tjl̈ẽ ga »“Tjl̈apga tjl̈ẽno bor Tjl̈apgayo kong ga ‘Pja tek wl̈ar ber sök bor orkwo kël̈ëkong, äär jong bop moskwoga zanor pjir guing, eshko ga twër ber bop kong ichëp wl̈o’” l̈e.
24837	MRK 14:14	Ĩmi ga opzrëk jek u roy ga pjãy tjl̈ẽ u sogo kong ga “Tjl̈apga no pingga tjl̈ẽ ga ‘¿Israel tjëyoga döktong tek Egipto kjokyo dwayo dbaryo shrëkkl̈o l̈i, e dl̈iyo uër bor oppinggaga tjok l̈i kjëryo kjone?’ l̈e” l̈ëmi ba kong eni.
25272	LUK 7:8	Tja kägäyo tjok. L̇l̇ëye l̈e bor kong l̈i shäryër eni ĩyado. Tja ëngkjwagaga ara kägäyo. L̇l̇ëye l̈ër ba kong l̈i shärye l̈ok eni ĩyado bakoe. ‘Pja nomo’ l̈ër kjl̈ara kong ga toe. ‘Pja tegö’ l̈ër kjl̈ara kong ga teke. Bor parkaga tjwl̈ẽk shäng pjir wl̈eniyo ichër l̇l̇ëbo shäryë ga shärye eni” l̈e bop kong eni» l̈e.
25547	LUK 12:19	Shäryoror eni pjir ga l̈ër bor pjl̈úshko ga ‘Tja l̇l̇ëbo jnek tjeng ara, äär l̈u pjl̈ogl̈o ara kong wl̈o. Tja woshtë, tja ië ara, tja ber wopjl̈úe’ l̈ër eni eshko jã” l̈e.
25676	LUK 15:19	Bek ga tja tjwl̈õ bop wa dik ame. Tja ios ber bop parkaga wl̈eni dey’ l̈ër ba kong eni” l̈e.
25891	LUK 20:43	äär jong bop moskwoga zanor pjir guing, eshko ga twër ber bop kong ichëp wl̈o’” l̈e.
25944	LUK 22:11	Eshko ga pjãy tjl̈ẽ u sogo kong ga “Tjl̈apga no pingga tjl̈ẽ ga ‘¿Israel tjëyoga döktong tek Egipto kjokyo dwayo dbaryo shrëkkl̈o l̈i, e dl̈iyo uër bor oppinggaga tjok l̈i kjëryo kjone?’ l̈e” l̈ëmi ba kong eni.
25970	LUK 22:37	Sbö tjl̈õkwo tak pjang eni: “‘Domer kjwe l̇l̇ëbo owa shäryaga’ l̈araba ara.” E bor l̈ayde, ga wop ä ga shäryë bor kong eni kjl̈uwe» l̈e.
26083	LUK 24:23	gueniyo shinmo l̈i doyo wl̈ẽna l̇l̇ëme. Tek shrono l̈ok iröng obi ga tjl̈ẽ borwa kong ga “Sbö parkagaga kjok dogo so weno l̈öng borwa kong yoshko wl̈eni, ga tjl̈ẽ ga ‘Jesús, e woshrara Sbörë iröng obi’ l̈e l̈ok borwa kong eni” l̈e.
26107	LUK 24:47	Tjl̈õkwo tak pjang obi tjl̈ẽ eni: “Ba ko goshko ga tjl̈õkwo l̈ëba tjëyo kjrina kjrina l̈öng kjok ëre kjing go l̈i kong. Tjl̈õkwo l̈ëba l̈i ëre: ‘L̇l̇ëbo shäryëy l̈öng owa l̈i, e owa jl̈õe l̈ëy, ga rayëy ga owa pjang bi go l̈i l̈ö̃ya Sbörë ber drete.’”
26136	JHN 1:23	Kuya ga tjl̈ẽ ba kong l̈ok ga «Kjibokwo tara Sbö tjl̈õkwo l̈aga tek dënashko so Isaíasdë. Tjl̈ẽno beno eni: »“Kjok dogro no l̇l̇ëmshko ga ëbo tjl̈ẽ shäng dbo go ga ‘Irbo shäryozĩ ber bek Tjl̈apga tjwe l̈i kong’ l̈e.” Ëbo tjl̈ẽ shäng dbo go l̈ara l̈i, e tja l̈ayde» l̈e.
26584	JHN 10:34	Kuya ga tjl̈ẽ ba kong ga «Tak pjang bomi kjok l̇l̇gwekkl̈o go eni: “‘L̈ër bomi kong ga pjãy sböpga’ l̈e Sbörë eni.”
26814	JHN 16:19	L̇l̇ëye kjakroke woyde ba kong l̈i miydara Jesúsdë pjire. E kjĩshko ga tjl̈ẽ ba kong l̈ok ga «¿“‘Wop ä ga tja ĩmi shäng bomi tjok ame. Gueniyo wop ä obi ga tja ĩmi shäng bomi tjok jek obi’ l̈e shäng l̈i l̇l̇ë l̈ayde?” l̈ëmi l̈öng ëng kong eni.
26915	JHN 19:21	Eni ga judío syõshtaga kägäyoga tjl̈ẽ l̈ok Pilato kong ga «Tëy kjweni l̇l̇ëme. Tos “Domer ëre tjl̈ẽ ga ‘Judío pjl̈uyo l̈i tja’ l̈e.” Tos eni dey» l̈e.
27039	ACT 2:21	Eshko ga ëye, tja rokara ba kjimtë ga era döktonge’ l̈e Sbörë eni.”
27052	ACT 2:34	Dënashko ga David tjl̈ẽ ga »“Tjl̈apga tjl̈ẽno bor Tjl̈apgayo kong ga ‘Pja tek wl̈ar ber sök bor orkwo kël̈ëkong, äär jong bop moskwoga zanor pjir guing, eshko ga iër ber tjeng bop wl̈oshko, ichëp wl̈o’ l̈e Tjl̈apgarë” l̈e Daviddë eni, to jem kjok dogo l̇l̇ëm gueniyo.
27116	ACT 4:25	Bop Sëya kjĩshko ga l̈orop borwa tjl̈apga tek dënashko so David kong. Tjl̈ẽno beno eni: »“¿Tjëyoga tjeng kjok kjwang jĩkong l̈i, e shdöktong iirkë ara egaro? ¿Wotjl̈ĩk l̈öng ‘¿L̇l̇ëye shäryëy Sbö kong owa ga äe?’ l̈e egaro?
27235	ACT 7:50	¿L̇l̇ëbo tjeng kës kjok ëre kjing go kjwe, e shäryaga tjarë bor orkwo om go go l̇l̇ëmdo?’ l̈e Sbörë.”
27390	ACT 11:14	Eshko ga tjl̈õkwo l̈e bomi kong, pja döya Sbörë e go wl̈o, bomi pjeyoga l̈öng bomi ushko uunkong l̈i döya wl̈o bakoe’ l̈e bor kong eni” l̈e.
27472	ACT 13:41	»“Pjãy Sbö tjl̈õkwo joywë ä, l̇l̇ëbo shäryër ga ĩzĩ yõtsoe. ¡Pjãy sëya l̇l̇ëm, pjãy wol̈on! Pjãy l̈öng së obishko ga l̇l̇ëbo shäryër kësbange. L̈ëba eni bomi kong wẽl̈ë ëmdë ga pjãy wotjl̈ĩk ga ‘E shäryaga Sbörë’ l̈ëmi l̇l̇ëme’”» l̈e.
27791	ACT 22:19	»Kur ga tja tjl̈ẽ ba kong ga “Tjl̈apga, dënashko ga tja to shäng judíoga syõ uyo kjwarashko kjwarashko, ga nopga mär l̈öng bop go l̈i, e sharor, söror, ioror beno tjeng no shdũzl̈ong uyo roshko, ga shpoga tjarë om go bakoe. Ga bop roy l̈aga Esteban l̈ira zrökobashko ga tja shäng eshko. Ĩn shäng ga ‘Zrözĩa’ l̈ër shäng eni, ga ba zrögaga l̈i, ba shwong ter l̈ëkong l̈i skwarashko ga tja beno shäng shwong l̈i daga. L̇l̇ëye shäryoror uunkong ëre, e miydëba l̈öng pjire” l̈ër.
27993	ACT 28:26	»“Pja nom tjl̈ẽ bor nopga ëre kong ga ‘Kumi l̈öng kjër ga l̇l̇ë l̈okl̈o miydëmi l̈öng l̇l̇ëme. Ĩmi l̈öng kjër ga l̇l̇ë ĩgömi l̇l̇ëme’ l̈ëp ba kong eni.
28304	ROM 11:27	Sbö tjl̈ẽ ga “Tjl̈õkwo tworor ba kong, beno ĩyado wl̈o l̈i beno eni: ‘Owa pjang ba go l̈i l̈ön ber drete’” l̈e.»
30789	REV 2:4	”’Gueniyo bor kong ga pjãy l̈öng l̇l̇ëbo shäryë owa kjrina. Pjãy mär l̈öng bor go kjwl̈ëshko ga pjãy ëng woydono ara kar kare. Gueniyo pjãy opshäryë eni ame.
30792	REV 2:7	”’Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso. Sbö kjok bukshko ga kjor jong kjl̈ara, ba bo uoroy ga shji wol̈on l̇l̇ëme. Ga ëye l̇l̇ëbo owa l̈i zano ga ichër kjor bo l̈i uë’ l̈e.”
30796	REV 2:11	”’Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso. Ëye l̇l̇ëbo owa l̈i zano ga nopga wol̈ono tjeng l̈i wol̈on jek obi wl̈enishko ga l̇l̇ëye wen ba kong l̇l̇ëme’ l̈e.”
30799	REV 2:14	”’Gueniyo bor kong ga pjãy l̈öng l̇l̇ëbo shäryë owa. Dënashko ga Balac pina Balándë Israel tjëyoga jyãpgwë ara. Epga ichara öng sho twaraba sböpga jyãgl̈o kong l̈i uë. Epga ichara pë no orkwosmono ba tjok l̇l̇ëm l̈i tjok. Pjãy kjone kjone jëk l̈öng tjl̈õkwo ëre go.
30802	REV 2:17	”’Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso. Ëye l̇l̇ëbo owa l̈i zano ga kong dl̈i ter kjok dogo dwayo miydëba kjok ëre kjing go l̇l̇ëm wl̈eniyo l̈i twër ber ba kong. Kong akkwo kjwo pjl̈ubl̈ún twër kjwara bako, goshko ko jyã tak pjang tjagl̈ën, miydaga ërë l̇l̇ëm, miyde ba kjraga l̈irë eröe’ l̈e.”
30805	REV 2:20	”’Gueniyo bor kong ga pjãy l̈öng l̇l̇ëbo shäryë owa kjrina. Wal̈ë shäng kjl̈ara ko Jezabel. E tjl̈ẽ ga “Tja Sbö tjl̈õkwo l̈aga” l̈e, gueniyo jyõ erä. Tjl̈õkwo l̈e shäng l̈i go ga bor parkagaga jyãpgwe ara. Epga iche pë no orkwosmono ba tjok l̇l̇ëm l̈i tjok. Epga iche öng sho twaraba sböpga jyãgl̈o kong l̈i uë bakoe. Eni ëmdë ga e sl̈omi l̇l̇ëme.
30809	REV 2:24	”’Gueniyo pjãy kjone kjone jëk l̈öng Jezabel tjl̈õkwo l̈i go l̇l̇ëme. Pjãy oppino kjok miydë Ä ĩ miydëba l̇l̇ëm wl̈eniyo l̈ëba l̈i go l̇l̇ëm bakoe. Pjãyda ichër l̇l̇ëbo obl̈ë shäryë l̇l̇ëme.
30811	REV 2:26	”’Ëye l̇l̇ëbo owa l̈i zano, ga tja kol̈ara äär jong ba dbo go ga kong dbo twër, tjëyoga uunkong iche wl̈o,
30814	REV 2:29	Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso’ l̈e.”
30818	REV 3:4	”’Pjãy kjl̈öbö, bomi shwong shtimirë wl̈iwl̈i wl̈eni l̇l̇ëm obi. Pjãyda omshäryono eni kjĩshko ga pjãy iër ber jëk l̈öng bor tjok, doyë shwong ko pjl̈ubl̈ún go.
30820	REV 3:6	Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso’ l̈e.”
30825	REV 3:11	”’Tja äär mal̈inge. L̇l̇ëye tjeng bomi tjok l̈i jnezĩ, bomi potjwl̈ẽkkl̈o l̈i döga ërë bomi shjiryo l̇l̇ëm wl̈o.
30827	REV 3:13	Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso’ l̈e.”
30828	REV 3:14	»Roy söga shäng kjl̈ara obi, bor tjl̈õkwo kjragaga l̈öng Laodicea kjokyo l̈i kong. Kong kjibokwo tos kjwara, söya jek ba kong wl̈o. Kjibokwo l̈i tos eni: »“Shäng kjl̈ara, ‘Ber eni’ l̈aga l̈i e. L̇l̇ëye l̈e l̈i shärye eni ĩyado. L̇l̇ëye ĩna l̈i l̈e jl̈õkoyo. L̇l̇ëbo shäryara Sbörë kës ichaga l̈i e bakoe. E tjl̈ẽ bomi kong ga
30833	REV 3:19	”’Ëye woydër l̈i jëk owashko ga wl̈on, ga poshdun, opyë jëk pjl̈o bek iröng wl̈o. Eni ga l̇l̇ëbo owa shäryëmi l̈öng l̈i, e owa jl̈õe l̈ozĩ, ga rayozĩa.
30835	REV 3:21	”’L̇l̇ëbo owa l̈i zanor, ga tja öötong sök bor Data tjok, ba pjl̈u sökkl̈o kjing go. Ëye l̇l̇ëbo owa l̈i zano ga kong dbo twër äär ber sök bor tjok, bor pjl̈u sökkl̈o kjing go eni bako wl̈o.
30836	REV 3:22	Ëye kwomgwo tjok ga woyde ga tjl̈õkwo l̈e Sbö Sëyarë bor tjl̈õkwo kjragaga kong l̈i kuya yõtso’ l̈e.”»