26	GEN 1:26	Eshko ga tjl̈ẽ obi ga «No shäryëy shara, so shji kjoyoe. E ber tjwl̈õ ara, dbo ara, l̇l̇ëbo obl̈ë obl̈ë tjeng l̈i kjinmo, mã, sënwa, öng, äya kjl̈oshko so bakoe» l̈e.
96	GEN 4:16	Ga Caín opshino to l̈ano shäng l̈ishko dwayo ga jek öötong sök Nod kjokyo, e ber buk Edén kjokyo, dl̈o wen tëm shwo l̈ëkong.
100	GEN 4:20	Ada, e wapga domerga do pjök, kjl̈ara ko Jabal, kjl̈ara ko Jubal. Nopga to l̈öng öng daga kjok shto obl̈ë obl̈ë, ba u shäryak öng kwota go l̈i, shäryaga shäng bäm go l̈i Jabal. Nopga dbonmo të, nopga kjorkwang shäryak jong kjiyo tjok tëy or go wl̈eniyo l̈i të, e shäryaga bäm go l̈i Jubal.
102	GEN 4:22	Ga Zilara wa buk kjl̈ara domer ko Tubal Caín. Nopga parkokl̈o shäryë dröng shosho obl̈ë obl̈ë go l̈i, shäryaga shäng bäm go l̈i Tubal Caín. E dor shäng kjl̈ara ko Noamá.
107	GEN 5:1	Nopga shäryara Sbörë so e om go kjoyoe. Shäryara domer, wal̈ë. E kjimtara, ga koiara «nopga». Ëre ba tjëyo tek beno ba irgo l̈i kjibokwoyo.
135	GEN 5:29	Ga tjl̈ẽ ga «Shji parkë ara kjok ëre kjing go, kjok l̈i äyoshtara Jehovárë kjĩshko. Gueniyo chida ërera shji ie ber l̈öng woshtë» l̈e. E kjĩshko ga ba wa l̈i kowara Noé.
138	GEN 5:32	Noé, e öötong l̈u pjl̈ogl̈o sak dbäw pjl̈ogl̈o shkëngshko (500) ga wapga tjeng domerga dogl̈o mya, Sem, Jafet, Cam.
139	GEN 6:1	Nopga, e wapga shdöktong träk l̇l̇ëm kjok ëre kjing goshko. Ga wapga wal̈ëga kjong kjong wol̈ësowa. E kjĩshko ga Sbö wapga orkwosmono wal̈ëga woyde kjone dey l̈i tjok.
141	GEN 6:3	Eni ga Jehová tjl̈ẽ ga «Nopga, e iër ber l̈öng së ĩyado l̇l̇ëm, e wol̈on wl̈o kjĩshko. Eni ga iër ber l̈öng së l̈u pjl̈ogl̈o sak dbäw kjingsho sak pjök (120) eröe» l̈e.
144	GEN 6:6	Eni ga wotjl̈ĩk ga «Nopga shäryoror l̇l̇ëm kjwe dey, bangyo ara bor pjl̈úshko» l̈e.
145	GEN 6:7	Ga tjl̈ẽ ga «Nopga shäryoror tjeng kl̈ung kjing ëre kjër jũshko dwayo. Shäryër öng, äya kjl̈oshko so, sënwa tjok eni bakoe. Woyotjl̈ĩn ga shäryoror l̇l̇ëm kjwe dey» l̈e.
146	GEN 6:8	Gueniyo ga domer shäng kjl̈ara ko Noé. Jehová wopjl̈ú ba tjok.
147	GEN 6:9	Ëre l̇l̇ëye shäryara Noérë dö l̈i kjibokwoyo. E domer pjl̈o bek, pogo l̇l̇ëye dret Sbö bokso. L̇l̇ëye woyde Sbörë l̈i shärye eni, ga jëk shäng ba tjok ĩyado. Nopga obl̈ë obl̈ë omshäryono eni l̇l̇ëm, Noé eröe.
149	GEN 6:11	Ga ĩya Sbörë ga kl̈ung ëre kjing go l̇l̇ëbo owa ara, nopga ëngkjwë ara ëng tjok, l̇l̇gwega ërë l̇l̇ëme. Nopga l̈öng kës l̈i beno l̈öng l̇l̇ëbo owa shäryë eröe.
151	GEN 6:13	E kjĩshko ga Sbö tjl̈ẽ Noé kong ga «Tja wotjl̈ĩk nopga pjik uunkong l̈ër. L̈öng ëngkjwë ara ëng tjok. L̈öng l̇l̇ëbo owa shäryë erä. E kjĩshko ga e pjir ber dret, l̇l̇ëbo tjeng kl̈ung ëre kjing go l̈i tjok.
160	GEN 6:22	L̇l̇ëye l̈ara ba kong l̈i shäryara Noérë uunkong eni.
161	GEN 7:1	E irgo ga Jehová tjl̈ẽ Noé kong ga «No kjl̈araso wl̈ẽnor shäng pjl̈o bek bor bokso l̈i pja. E kjĩshko ga pja opzrës jem kjyong l̈i roy, bop boy, bop wapga, bop pjl̈aydoga tjok.
166	GEN 7:6	Kjok ëre piktongshko ga Noé l̈u pjl̈ogl̈o sak dbäw pjl̈ogl̈o tjer (600).
171	GEN 7:11	Mok pjök, dbar sak kjwara kjingsho kjäk (17) dbaryo ga Noé l̈u pjl̈ogl̈o sak dbäw pjl̈ogl̈o tjer (600). E dbaryo ga opzrëno jem kjyong l̈i roy, ba boy, ba wapga, ba pjl̈aydoga tjok. Öng, äya kjl̈oshko so, sënwa, e opzrëno jem l̈ok pjök pjök kjyong l̈i roy ba tjok bakoe. Opzrëno jem wl̈ënggl̈a kjl̈ara kjl̈ara, popga kjl̈ara kjl̈ara. L̈ara Sbörë ba kong sorë l̈i shäryara eni. E irgo ga u bäng bängzara Jehovárë beno jong tuke. E dbaryo ga dl̈ung kësbang buk kjok dorong l̈i dl̈oktong, tuktong kjone pogo. Kjok dogo ëmdë ga di börgak tjeng l̈i böptuktonge. Shunyo shrono pjang kjok ëre kjing go dbargwo sak pkëng (40), shkë dbae. Eshkoshko ga di jem poyong l̇l̇ögong l̇l̇ögong, ga kjyong l̈i beno buk di kjing wëng erä.
181	GEN 7:21	Nopga l̈öng kjok ëre kjing go kës l̈i wol̈ono eni. Öng, äya kjl̈oshko so, sënwa, e l̈öng kjok ëre kjing go kës l̈i kjëtong eni bakoe.
183	GEN 7:23	Gueniyo Noéra beno sök së, l̈öng kjyong l̈i roshko ba tjok bakoe. Epga eröe. L̇l̇amo pjitong dret, nopga, öng, äya kjl̈oshko so, sënwa bakoe.
185	GEN 8:1	Eshkoshko ga Noé woyojera Sbörë l̇l̇ëm, öng, äya kjl̈oshko so, e l̈öng ba tjok kjyong roy l̈i woyojera l̇l̇ëm bakoe. Eni ga pjl̈uk ichara di kjing go kjrina. Wop sira ga di kl̈än jer iröng obi.
190	GEN 8:6	Öötong dbargwo sak pkëng (40) obi ga Noé sökshko ga u bäng shäryara l̈i döra.
193	GEN 8:9	Gueniyo shto wl̈ẽno opyë wl̈o ga ä, kl̈ung buk l̈i kjing go di obi kjĩshko. Eni ga shrono iröng obishko ga Noé orkwo shino kjoko, ga kjrara, iara jek ba shtoshko.
197	GEN 8:13	Noé l̈u pjl̈ogl̈o sak dbäw pjl̈ogl̈o tjer kjingsho kjwarashko (601) ga di beno kl̈ung kjing go ame. Mok kjl̈ara, dbar kjwara dbaryo ga kjyong l̈i kjing, e kjara ga ĩya ga kl̈ung kjing l̈i beno buk dogroe.
199	GEN 8:15	Eni ga Sbö tjl̈ẽ Noé kong ga
204	GEN 8:20	E irgo ga Noé akkwo töno dl̈uw ëng kjing go kjókshko, ga öng zröra, sho sura e kjing go, pjono dret, Jehová poshrëkkl̈o. Ga öng uako wl̈eniyo shara obl̈ë obl̈ë kjl̈ara kjl̈ara, sënwa uako wl̈eniyo shara obl̈ë obl̈ë kjwara kjwara bakoe. Eshko ga zröra uunkong, ga sho sura Jehová kong.
205	GEN 8:21	Öng sho sura l̈i l̈õ beno pjl̈ú, owa l̇l̇ëm Jehová kong. Ga wotjl̈ĩk ga «Nopga, e tek miteshko ga wotjl̈ĩk l̇l̇ëbo owa shäryë eröe. Eni ëmdë ga kjok ëre äyoshtër nopga l̈i kjĩshko ame. Öng kës, äya kjl̈oshko so kës, e pjiror sorë ga shäryër eni ame bakoe.
207	GEN 9:1	Eshko ga Sbö tjl̈ẽno beno pjl̈ú Noé, ba wapga kong bakoe. Tjl̈ẽ ga «Pjãy wapga wenzong ara, shdär ber l̈öng kjok kjwang jĩkong wl̈o.
211	GEN 9:5	»Nopga shäryoror so tja kjoyoe. E kjĩshko ga ëye no zröno ga e shdungga tjarë, zröga äya kjl̈oshko sorë, zröga öng ushko sorë ëmdë ga e shdun eni bakoe. No zröga ërë ga e zröy. L̈ër jl̈õkoyo ga eni.
224	GEN 9:18	Noé wapga opshino kjyong kësbang roy dwayo l̈i, e Sem, Jafet, Cam. (Cam wa buk kjl̈ara ko Canaán.)
225	GEN 9:19	Shji l̈öng kjok kjwang jĩkong kës ëre beno l̈öng Noé wapga mya l̈i, e tjëyo.
226	GEN 9:20	Noé beno shäng dwl̈a dgaga. Ga kjil̇l̇gwo bo dyo dbo ara shärye wl̈o ga kjil̇l̇gwo eniyo l̈i dwl̈ayo dgara kjwöbö. Kjil̇l̇gwo eniyo dgaga bäm l̈i e.
230	GEN 9:24	Noé nel̈õ jenoshko ga wol̇l̇eno. L̇l̇ëye shäryara ba wa iröng wl̈eniyorë l̈i miydarashko ga
234	GEN 9:28	Kjok piktong irgo ga Noé l̈u ĩno pjl̈ogl̈o sak dbäw pjl̈ogl̈o mya kjingsho sak shkëng (350).
236	GEN 10:1	Sem, Jafet, Cam, e Noé wapga. Ëre ba tjëyo tek beno ba irgo l̈i kjibokwoyo. Kjok piktong irgo ga mya jĩkong l̈i wapga tjok.
243	GEN 10:8	Cus, e wa buk kjl̈ara domer obi ko Nimrod. E ëngkjwaga dbo ara wl̈eniyo.
244	GEN 10:9	Kjimtara Jehovárë kjĩshko ga e wl̈o pjl̈úe. E kjĩshko ga oba tjl̈ẽ ga «Kjwe kjimtara Jehovárë kjĩshko ga kjwe wl̈o pjl̈ú, Nimrod ĩ dik» l̈ëba eni.
245	GEN 10:10	Kjok tjeng pkëng (4) ko Babel, Érec, Acad, Calné. Pkëng jĩkong, e Sinar kjokyo obl̈ë obl̈ë. Kjrina kjrina kjëryo shäryak ak go pjribri kjókshko. Kjok eshko sopga ichaga Nimroddë bäm go.
246	GEN 10:11	E irgo ga opshino jek shäng Asiria kjokyo l̈ëkong. Eshko ga kjok shto obl̈ë obl̈ë u ywara kjwöböso. Kjok kjrina kjrina kjëryo shäryak ak go pjribri kjókshko. Kjok, e ko Nínive, Rejobot Ir, Cala,
247	GEN 10:12	Resén. Resén, e kjokyo kësbange. E ber buk Nínive kjokyo, Cala kjokyo, e tjrëko.
248	GEN 10:13	Misrayin, e tjëyo tek beno ba irgo l̈i beno tjëyo kop ara. E Lud tjëyo, Anam tjëyo, Lehab tjëyo, Naftu tjëyo,
267	GEN 10:32	Tjëyoga uunkong ëre, e Noé wapga tjëyoga. Tjëyo kjrina kjrina tak beno l̈ok kjibokwo ëre go ba kjokëso tjok, ba kjok baĩya tjok bakoe. Kl̈ung piktong irgo ga epga shdöktong beno l̈öng kjone pogo. Eeri ga tjëyo l̈öng kjrina kjrina kjok kjwang jĩkong, e Noé wapga tjëyoga.
273	GEN 11:6	Eshko ga wotjl̈ĩk ga «Nopga kjwe tjëyo kjrinaso, tjl̈õkwo jong kjwaraso bakoe. Eni ga l̇l̇ëye shärye woydë kës l̈i, e sl̈ongga ërë l̇l̇ëme.
275	GEN 11:8	Nopga iara Jehovárë beno tjeng dboy dboy kjok shto obl̈ë obl̈ë eni. Ga ba pak shärye l̈öng l̈i rayarae.
289	GEN 11:22	Serug, e l̈u pjl̈ogl̈o sak myashko (30) ga wa buk kjl̈ara domer ko Najor.
291	GEN 11:24	Najor, e l̈u pjl̈ogl̈o sak pjök kjingsho shkawshko (29) ga wa buk kjl̈ara domer ko Taré.
293	GEN 11:26	Taré, e l̈u pjl̈ogl̈o sak kjäkshko (70) ga wapga tjeng domerga ko Abram, Najor, Jarán.
294	GEN 11:27	Ëre Taré tjëyo tek beno ba irgo. Ba wapga ko Abram, Najor, Jarán. Jarán, e wa kjl̈ara ko Lot.
296	GEN 11:29	Wal̈ë shäng kjl̈ara ko Saray. Abram, e orkwosmono ba tjok. Jarán, e wapga wal̈ëga ko Milca, Iscá. Najor, e orkwosmono Milca tjok.
308	GEN 12:9	E irgo ga jek l̈öng shtor shtor, irbo jek jong äär Néguev kjokyo shwo l̈ëkong.
320	GEN 13:1	Abram opshino to Egipto kjokyo dwayoshko ga jek öötong shäng Néguev kjokyo, ba boy, ba shtop Lot, ba l̇l̇ëbo tjeng kës l̈i tjok.
448	GEN 18:23	Wop tjok ga Abraham tjl̈ẽ ba kong ga «¿Nopga owa l̈i tjrëko nopga pjl̈o bek tjok wl̈eni ga pjip uunkongde?
450	GEN 18:25	Nopga pjl̈o bek shdum nopga owa l̈i tjok ga äe. Nopga pjl̈o bek l̇l̇gwep nopga owa l̈i dik ga äe. Rokër bop kong sira ga shäryëp eni l̇l̇ëme. Pja nopga l̈öng kjok ëre kjing go l̈i l̇l̇gwega. Miydër ga pja kjok l̇l̇gwek beke» l̈e.
491	GEN 19:33	E shkëyo ga kjil̇l̇gwo bo dyo dbo ara twara ba data kong. Nel̈õtkono ga Lot wa bäm ĩyo pono ba tjok. Gueniyo nel̈õ kjĩshko ga to miydara l̇l̇ëme.
497	GEN 20:1	E irgo ga Abraham wl̈o opshino Mamré kjokyo dwayo, to jongya jong Néguev kjokyo. Eshko ga beno l̈öng Guerar kjokyo, e buk Cades kjokyo, Sur kjokyo, e tjrëko.
522	GEN 21:8	E irgo ga Isaac kunoe. Nä döra dbaryoshko ga dl̈i shäryara ba datarë kësbang, ba poshrëkkl̈o.
568	GEN 22:20	Öötong dbar kop ara ga roy shrono Abraham kong ga ba kjl̈ara Najor wapga tjeng ara. Wapga tjeng domerga dogl̈o kjwong (8) ba boy Milca tjok. Ba wa domer bäm ĩyo ko Uz, e irgo Buz, e irgo Quemuel. (Quemuel, e Aram data.) E irgo ga wapga tjeng domerga ko Quésed, Jazó, Pildás, Yidlaf, Betuel. (Betuel, e Rebeca data.)
572	GEN 22:24	Najor boy obl̈ë ba parkaga wl̈eniyo tjok kjl̈ara ko Reumá. Wapga tjeng domerga obi ba tjok ko Tébaj, Gaján, Tajás, Macá.
602	GEN 24:10	E irgo ga l̇l̇ëbo wol̈ësowa anmoyõ wl̈eniyo kjrara ba kägäyo l̈i ushko dwayo, ga iara beno tjeng öng jëkkl̈o sok këskës dogl̈o sak kjwara (10) kjing go, ga söra to jek Najor kjokyo, e Aram Najarayin kjokyo obi.
607	GEN 24:15	Syõshtë sök obi wopro ga ĩya ga Rebeca tek shäng di bapkwo söya jong ba dbopdo. Rebeca, e Betuel wa. Betuel, e Najor wa, ba boy Milca tjok. Najor, e Abraham kjl̈arayo.
616	GEN 24:24	«Tja data Betuel. E data Najor, mekë Milca.
639	GEN 24:47	»E irgo ga tja tjl̈ẽ ba kong ga “¿Pja data ë?” »“Tja data Betuel. E data Najor, mekë Milca” l̈e bor kong. »Eshko ga ne iokl̈o ioror pjang ba ne go, ga orkwo iokl̈o ioror l̈ok ba orkwo go.
654	GEN 24:62	E wopro ga Isaac jek öör shäng di bäng ko «Sbö, Bor Ĩga» jong l̈ishko, ga shrono sök iröng Néguev kjokyo, ba u jong l̈ishko.
671	GEN 25:12	Ismael, e Abraham wa, Sara parkaga tjwl̈ẽk shäng pjir wl̈eniyo Egipto so ko Agar l̈i tjok. Ismael, e wa buk domer bäm ĩyo ko Nebayot. E irgo tek eni, Cedar, Adbel, Mibsán,
674	GEN 25:15	Hadar, Temá, Jetur, Nafis, Cedema.
783	GEN 28:9	E kjĩshko ga öör shäng Ismael ĩk, e Abraham wa. Eshko ga wal̈ë shäng kjl̈ara ko Majalat. Majalat, e Nebayot dor, Ismael wa, Abraham tjër. Ga Esaú orkwosmono ba tjok. Boyga mya l̈i beno l̈öng ba tjok eni.
801	GEN 29:5	Kuya ga tjl̈ẽ ba kong ga «¿Labán miydëmire? E Najor tjër.» «Ëng, miydërwa» l̈e l̈ok ba kong.
839	GEN 30:8	Eshko ga Raquel tjl̈ẽ ga «Tja dbonino bor wi tjok ara, ga zanor. E kjĩshko ga bor wa ëre koiër Neftalí» l̈e.
927	GEN 31:53	Bop kjokë Abraham Sbö, e ber bi l̇l̇gwega. Bor kjokë Najor sbö, e ber bi l̇l̇gwega bakoe» l̈e. Eshko ga Jacob tjl̈ẽno jl̈õkoyo ba data Isaac Sbö bokshto.
1037	GEN 35:25	Raquel parkaga Bilhá tjok, e Dan, Neftalí.
1043	GEN 36:2	Esaú orkwosmono wal̈ëga Canaán so dogl̈o mya tjok. Epga ko Ada, Aholibama, Basemat. Ba boy Ada, e Elón wa. Elón, e Het tjëyo. Ba boy Aholibama, e Aná wa. Aná, e Zibeón wa. Zibeón, e heveo. Ba boy Basemat, e Ismael wa, Nebayot dor bakoe.
1050	GEN 36:9	Esaú, e Edom tjëyoga data. E beno l̈öng Seir kjokyo dl̈up shwo l̈ëkong. Ëre ba tjëyo tek beno ba irgo. Esaú boyga dogl̈o mya: Ada, Basemat, Aholibama. Ada tjok ga Esaú wa domer kjl̈ara ko Elifaz. Elifaz, e wapga domerga ko eni: Temán, Omar, Zefo, Gatán, Cenaz. Elifaz boy obl̈ë ba parkaga wl̈eniyo ko Timná tjok ga wa domer kjl̈ara ko Amalec. Basemat tjok ga Esaú wa domer kjl̈ara ko Reuel. Reuel, e wapga domerga ko eni: Najat, Zera, Sama, Mizá. Aholibama tjok ga Esaú wapga domerga dogl̈o mya: Jeús, Jalán, Coré. Aholibama, e Aná wa. Aná, e Zibeón wa. Zibeón, e heveo.
1058	GEN 36:17	Esaú wa Basemat tjok Reuel l̈i tjëyo tek beno ba irgo l̈i tjëyoga ëre: Najat, Zera, Sama, Mizá. Epga l̈öng Edom kjokyo.
1076	GEN 36:35	Jusán wol̈onoshko ga beno Hadad, e Avit so, Bedad wa. Nopga Madián so zana Bedaddë Moab kjokyo.
1197	GEN 41:1	L̈u pjl̈ogl̈o pjök irgo ga shkër kjwara ga Egipto so pjl̈uyo yoĩk ga shäng Nilo diyo kjako.
1213	GEN 41:17	Kuya ga tjl̈ẽ ba kong ga «Tja yoĩk ga tja shäng Nilo diyo kjako.
1406	GEN 46:19	Raquel wapga Jacob tjok ko l̈ok eni. Ba wapga tjok ga beno l̈öng dogl̈o sak kjwara kjingsho pkëng (14). José, e sök Egipto kjokyo ga wapga tjeng domer do pjök ba boy Asenat tjok ko Manasés, Efraín. Asenat, e Potifera wa. Potifera, e sök On kjokyo. E syõshtaga Egipto so sböpga kong. Benjamín, e öötong ba wapga domerga Bela, Béquer, Asbel, Guerá, Naamán, Ehí, Ros, Mupín, Jupín, Ard tjok.
1410	GEN 46:23	Parkaga twara Labándë ba wa Raquel kong ko Bilhá l̈i wapga Jacob tjok ko l̈ok eni. Ba wapga tjok ga beno l̈öng dogl̈o kjäk (7). Dan, e öötong ba wa domer Jusín tjok. Neftalí, e öötong ba wapga domerga Yazel, Guní, Jéser, Silén tjok.
1434	GEN 47:13	Egipto kjokyo, Canaán kjokyo ga dbar jek ga pjl̈i tjwe ara anmoyõ. Nopga wol̈onto pjl̈irë.
1442	GEN 47:21	Nopga uunkong beno l̈öng ba parkagaga tjwl̈ẽk l̈öng pjir wl̈eniyo.
1495	GEN 49:21	»Neftalíra shwl̈ing kjl̈oshko so jek zron oojong, wapga wol̈ëso wl̈eni.
1514	GEN 50:7	Eni ga José jek ba data jnek, ba pjeyoga tjok. Yorkara tjl̈apgaga parkë l̈öng pjl̈u kong kjl̈obi l̈irë, pjl̈u ëngkjwagaga jëk kwomgl̈a go, jëkkl̈o roy tjok. Nopga öör träk l̇l̇ëme. Ba öng, ba wapga chilawa, e iara Jacob pjeyogarë beno tjeng Gosén kjokyo erä.
7130	RUT 1:1	Domer shäng kjl̈ara ko Elimélec, boy ko Noemí, wapga domerga do pjök ko Majlón, Quilión. Elimélec, e efrateo, Belén so. Belén kjokyo, e Judá tjëyoga kjokyo obi. Israel tjëyoga pjl̈uyo l̇l̇ëm obi dbaryoshko ga pjl̈i shrono ara kjok eshko. E kjĩshko ga Elimélec to jek öötong beno sök Moab kjokyo, ba pjeyoga l̈i tjok.
7132	RUT 1:3	Eshko ga Elimélec shinmotkonoe. Ba boy Noemí beno sök eshko, ba wapga do pjök tjok.
7134	RUT 1:5	Majlón, Quilión, e shinmotkono l̈ok. Eni ga Noemí beno sök wa dret, l̈anma dret bakoe.
7135	RUT 1:6	Eshkoshko ga Israel tjëyoga kjimtara Jehovárë, ga pjl̈i dbaryo l̈i pjirae. Roy kura Noemírë eshko Moab kjokyo. E kjĩshko ga wotjl̈ĩk to iröng Judá tjëyoga kjokyo obi, ba pjl̈aydoga do pjök l̈i tjok l̈e. Opshik kjok eshko dwayo kjwl̈ëshko ga
7144	RUT 1:15	Eshko ga Noemí tjl̈ẽ ba kong ga «Bop kjl̈ara kjwe ĩzong. To jek iröng ba pjeyoga l̈öng l̈ishko. To ba sböpga baĩya poshrëk iröng obi. Pja to ba tjok dey» l̈e.
7147	RUT 1:18	Ĩya Noemírë ga raye woydë Rutdë l̇l̇ëm kuzong ga l̇l̇ëye l̈ara ba kong ame.
7148	RUT 1:19	Eni ga jek l̈ok pjöyĩkong. Öötong l̈öng Belén kjokyo ga nopga shdöktong tjl̈ẽ ara. Wal̈ëga eshko so tjl̈ẽ l̈ok ëng kong ga «¿Kjwe Noemí l̇l̇ëmdo?» l̈e l̈ok eni.
7149	RUT 1:20	Kuya Noemírë ga tjl̈ẽ ba kong l̈ok ga «Tja kowëmi Noemí ame. Jehová, l̇l̇ëye shärye woydë l̈i shärye ga pjl̈úe. Ga tja iara beno sök woydë ara. E kjĩshko ga tja kowëmi Mara shara.
7150	RUT 1:21	Tja opshino na dwayoshko ga l̇l̇ë pogo woydër l̈i tjok. Gueniyo tja söra Jehovárë tek iröng or rorëe. Opyono shäng bor wl̈oyo. ¿Eni ga tja kowëmi Noemí sorëro?» l̈e.
7151	RUT 1:22	Eni ga Noemí opshino tek Moab kjokyo dwayo ba pjl̈aydo Rut, Moab so l̈i tjok. Öötong l̈öng Belén kjokyoshko ga dwl̈a bo kjrozl̈ong dbaryo l̈i soyëba l̈öng kjwl̈ëe.