104	GEN 4:24	Potokulai a ɠɛna Kayɛn ma, ná zeizu ɠɛ lɔfela, Leemɛke nɔnɔi zeizu ɠa ɠɛ ga puulɔfela (70).»
109	GEN 5:3	Adama ná-konagi ɠɛai ma ga ungila puusaʋagɔ (130), é doun zunu zɔlɔɔni, nii é ɠɛni ga baaɠulabai, ta maaniinigi, é daasei pɛɛni ga Sɛte.
110	GEN 5:4	Sɛte zɔlɔɔga ʋoluma, Adama kona undɔsaʋa (800) ɠili kɛɛni. É doun zunui ta doun anzanui taɠiligaa zɔlɔɔni.
111	GEN 5:5	Adama zii ma voloi kpein ge ɠɛni ga kona untaaʋuugɔ puusaʋagɔ (930), naa ʋolu é zaani.
112	GEN 5:6	Sɛte ná-konagi ɠɛai ma ga ungila dɔɔlugɔ (105), é Enɔse zɔlɔɔni.
113	GEN 5:7	Enɔse zɔlɔɔga ʋoluma, Sɛte kona undɔsaʋa kona dɔfela (807) ɠili kɛɛni. É doun zunui ta doun anzanui taɠiligaa zɔlɔɔni.
114	GEN 5:8	Sɛte zii ma voloi kpein ge ɠɛni ga kona untaaʋuugɔ puugɔ maazu felegɔ (912), naa ʋolu é zaani.
115	GEN 5:9	Enɔse ná-konagi ɠɛai ma ga puutaaʋuugɔ (90), é Keenan zɔlɔɔni.
116	GEN 5:10	Keenan zɔlɔɔga ʋoluma, Enɔse kona undɔsaʋa puugɔ maazu lɔɔlugɔ (815) ɠili kɛɛni. É doun zunui ta doun anzanui taɠiligaa zɔlɔɔni.
117	GEN 5:11	Enɔse zii ma voloi kpein ge ɠɛni ga kona untaaʋuugɔ kona dɔɔlugɔ (905), naa ʋolu é zaani.
118	GEN 5:12	Keenan ná-konagi ɠɛai ma ga puulɔfela (70), é Maɠalaleyɛle zɔlɔɔni.
119	GEN 5:13	Maɠalaleyɛle zɔlɔɔga ʋoluma, Keenan kona undɔsaʋa puunaanigɔ (840) ɠili kɛɛni. É doun zunui ta doun anzanui taɠiligaa zɔlɔɔni.
120	GEN 5:14	Keenan zii ma voloi kpein ge ɠɛni ga kona untaaʋuugɔ kona puugɔ (910), naa ʋolu é zaani.
121	GEN 5:15	Maɠalaleyɛle ná-konagi ɠɛai ma ga puulɔzita maazu lɔɔlugɔ (65), é Yeelɛde zɔlɔɔni.
122	GEN 5:16	Yeelɛde zɔlɔɔga ʋoluma, Maɠalaleyɛle kona undɔsaʋa puusaʋagɔ (830) ɠili kɛɛni. É doun zunui ta doun anzanui taɠiligaa zɔlɔɔni.
123	GEN 5:17	Maɠalaleyɛle zii ma voloi kpein ge ɠɛni ga kona undɔsaʋa untaaʋuu maazu lɔɔlugɔ (895), naa ʋolu é zaani.
124	GEN 5:18	Yeelɛde ná-konagi ɠɛai ma ga ungila puulɔzita maazu felegɔ (162), é Ɠeenɔke zɔlɔɔni.
125	GEN 5:19	Ɠeenɔke zɔlɔɔga ʋoluma, Yeelɛde kona undɔsaʋa (800) ɠili kɛɛni. É doun zunui ta doun anzanui taɠiligaa zɔlɔɔni.
126	GEN 5:20	Yeelɛde zii ma voloi kpein ge ɠɛni ga kona untaaʋuugɔ puulɔzita maazu felegɔ (962), naa ʋolu é zaani.
127	GEN 5:21	Ɠeenɔke ná-konagi ɠɛai ma ga puulɔzita maazu felegɔ (62), é Matuzalɛme zɔlɔɔni.
128	GEN 5:22	Matuzalɛme zɔlɔɔga ʋoluma, Ɠeenɔke kona unsaʋagɔ (300) ɠili kɛɛni. É doun zunui ta doun anzanui taɠiligaa zɔlɔɔni.
129	GEN 5:23	Ɠeenɔke zii ma voloi kpein ge ɠɛni ga kona unsaʋagɔ puulɔzita maazu lɔɔlugɔ (365).
131	GEN 5:25	Matuzalɛme ná-konagi ɠɛai ma ga ungila puulɔsaʋa maazu lɔfela (187), é Leemɛke zɔlɔɔni.
132	GEN 5:26	Leemɛke zɔlɔɔga ʋoluma, Matuzalɛme kona undɔfela puulɔsaʋa maazu felegɔ (782) ɠili kɛɛni. É doun zunui ta doun anzanui taɠiligaa zɔlɔɔni.
133	GEN 5:27	Matuzalɛme zii ma voloi kpein ge ɠɛni ga untaaʋuugɔ puulɔzita maazu taaʋuugɔ (969), naa ʋolu é zaani.
134	GEN 5:28	Leemɛke ná-konagi ɠɛai ma ga ungila puulɔsaʋa maazu felegɔ (182), é doun zunu ɠila sɔlɔɔni.
136	GEN 5:30	Nowe zɔlɔɔga ʋoluma, Leemɛke kona undɔɔlugɔ puutaaʋuu maazu lɔɔlugɔ (595) ɠili kɛɛni. É doun zunui ta doun anzanui taɠiligaa zɔlɔɔni.
137	GEN 5:31	Leemɛke zii ma voloi kpein ge ɠɛni ga kona undɔfela puulɔfela maazu lɔfela (777), naa ʋolu é zaani.
138	GEN 5:32	Nowe ná-konagi ɠɛai ma ga undɔɔlugɔ (500), é Sɛme ta Same ta Zafɛteni sɔlɔɔni.
141	GEN 6:3	Názu ɠa Ɠɔoɠɔ GALAGI ɠɛni ma la: «Nà-zɛnvui la yɛga nuɓusɛi zu ɠɔ, mazɔlɔɔ nui ɠa ga saa ani nɔ, sii ma voloi ɠa ɠɛ ga kona ungila puufelegɔ (120) nɔ.»
153	GEN 6:15	Wɛlɛ ʋelei ɗa kɛ la: keingi zakpai ɠa ɠɛ ga mɛtɛlɛ ungila puulɔɔlugɔ (150), kogi ɠɛ ga mɛtɛlɛ ʋuufelegɔ maazu lɔɔlugɔ (25), ta gaalɔgai ɠɛ ga mɛtɛlɛ puugɔ maazu lɔɔlugɔ (15).
164	GEN 7:4	Mazɔlɔɔ é yɛga ga folo lɔfela, gè tonai ʋu eteai zu, folo ʋuunaanigɔ (40) ta kpidi ʋuunaanigɔ (40) laawu, fuluaniiti kpein gè ti ɓɛtɛai, gè ti-ma zuwu ɠaaleʋe zooi ɠa.»
166	GEN 7:6	Nowe kona undɔzita (600) zɔlɔɔni niina, siɛgi zu ziɛve golai ʋaani la eteai zu.
171	GEN 7:11	Nowe zii ma ɠona undɔzitai (600), ma alu felesiɛi, ma volo puugɔ maazu lɔfelasiɛi (17) ma, naama voloi zooi wu ɗɛ wolaiti ma ɗɛungiti kpein daaleʋeni, ta geeɠɔlɔgi ma ʋɛlɛlaʋɛti ɓalaa daalaoni.
172	GEN 7:12	Tonai tɔɔzeini ga ʋua eteai zu, eyɛsu folo ʋuunaanigɔ (40) ta kpidi ʋuunaanigɔ (40).
177	GEN 7:17	Ziɛve golai yɛni lɛɛzu, é kɛ ga folo ʋuunaanigɔ (40) eteai zu. Ziɛi veni, é keingi wuzeɠe zooi maazu.
184	GEN 7:24	Ziɛvegi yɛni eteai zu eyɛsu folo ungila folo ʋuulɔɔlugɔ (150).
187	GEN 8:3	Ziɛi maa ɠɛni yeizu vaa, é ɗa zeɠe zooi ma, maalɔini folo ungila folo ʋuulɔɔlugɔ (150) laawu.
188	GEN 8:4	Alu dɔfelasiɛi ma volo puugɔ maazu lɔfelasiɛi (17) ma, keingi loni gizei ma, nii daaseigi ga Alalate.
190	GEN 8:6	Folo ʋuunaanigɔ (40) leʋegai ma, Nowe fenɛtɛlɛi laalaoni, nii é kpɛtɛni keingi ʋa.
197	GEN 8:13	Nowe zii ma ɠona undɔzita maazu ɠilagi (601) ma alu mɔungi ma volo mɔungi, ziɛi vɔɔni zooi ɠa. Nowe keingi lakulugi zeɠeni da. É wɛlɛni, é ka ga zooi ɠaaʋɛ vɔɔni niina.
198	GEN 8:14	Alugi velesiɛi ma volo ʋuufelegɔ maazu lɔfelasiɛi (27) ma, zooi vɔɔni niina kpaankpaan.
234	GEN 9:28	Ziɛve golai ʋoluma, Nowe kɛɛni ga kona unsaʋagɔ puulɔɔlugɔ (350).
235	GEN 9:29	Nowe zii ma voloi kpein ge ɠɛni ga kona untaaʋuugɔ puulɔɔlugɔ (950), naa ʋolu é zaani.
277	GEN 11:10	Sɛme mavofodai ɠaa: Ziɛve golai leʋegai ma, é ɠɛ ga kona felegɔ, Sɛme ná-konagi ɠɛni ga ungila (100), é Aalepakesade zɔlɔɔni.
278	GEN 11:11	Aalepakesade zɔlɔɔga ʋoluma, Sɛme kona undɔɔlugɔ (500) ɠili kɛɛni. É doun zunui ta doun anzanui taɠiligaa zɔlɔɔni.
279	GEN 11:12	Aalepakesade ná-konagi ɠɛai ma ga puusaʋagɔ maazu lɔɔlugɔ (35), é Seela zɔlɔɔni.
280	GEN 11:13	Seela zɔlɔɔga ʋoluma, Aalepakesade kona unnaanigɔ kona saʋagɔ (403) ɠili kɛɛni. É doun zunui ta doun anzanui taɠiligaa zɔlɔɔni.
281	GEN 11:14	Seela ná-konagi ɠɛai ma ga puusaʋagɔ (30), é Eɓɛɛl zɔlɔɔni.
282	GEN 11:15	Eɓɛɛl zɔlɔɔga ʋoluma, Seela kona unnaanigɔ kona saʋagɔ (403) ɠili kɛɛni. É doun zunui ta doun anzanui taɠiligaa zɔlɔɔni.
283	GEN 11:16	Eɓɛɛl ná-konagi ɠɛai ma ga puusaʋagɔ maazu naanigɔ (34), é Peelɛge zɔlɔɔni.
284	GEN 11:17	Peelɛge zɔlɔɔga ʋoluma, Eɓɛɛl kona unnaanigɔ puusaʋagɔ (430) ɠili kɛɛni. É doun zunui ta doun anzanui taɠiligaa zɔlɔɔni.
285	GEN 11:18	Peelɛge ná-konagi ɠɛai ma ga puusaʋagɔ (30), é Leyu zɔlɔɔni.
286	GEN 11:19	Leyu zɔlɔɔga ʋoluma, Peelɛge kona unfelegɔ kona taaʋuugɔ (209) ɠili kɛɛni. É doun zunui ta doun anzanui taɠiligaa zɔlɔɔni.
287	GEN 11:20	Leyu ná-konagi ɠɛai ma ga puusaʋagɔ maazu felegɔ (32), é Seluge zɔlɔɔni.
288	GEN 11:21	Seluge zɔlɔɔga ʋoluma, Leyu kona unfelegɔ kona dɔfela (207) ɠili kɛɛni. É doun zunui ta doun anzanui taɠiligaa zɔlɔɔni.
289	GEN 11:22	Seluge ná-konagi ɠɛai ma ga puusaʋagɔ (30), é Naɠɔɔl zɔlɔɔni.
290	GEN 11:23	Naɠɔɔl zɔlɔɔga ʋoluma, Seluge kona unfelegɔ (200) ɠili kɛɛni. É doun zunui ta doun anzanui taɠiligaa zɔlɔɔni.
291	GEN 11:24	Naɠɔɔl ná-konagi ɠɛai ma ga puufelegɔ maazu taaʋuugɔ (29), é Teela zɔlɔɔni.
292	GEN 11:25	Teela zɔlɔɔga ʋoluma, Naɠɔɔl kona ungila puugɔ maazu taaʋuugɔ (119) ɠili kɛɛni. É doun zunui ta doun anzanui taɠiligaa zɔlɔɔni.
293	GEN 11:26	Teela ná-konagi ɠɛai ma ga puulɔfela (70), é Aɓalameni sɔlɔɔni ta Naɠɔɔl ta Ɠalan.
299	GEN 11:32	Teela zii ma voloi kpein ge ɠɛni ga kona unfelegɔ kona dɔɔlugɔ (205), naa ʋolu Teela zaani Ɠalan.
303	GEN 12:4	Aɓalame liini, eɠɛʋelei Ɠɔoɠɔ GALAGI boni ma la, Lɔte ʋilɛni polu. Aɓalame ná-konagi ɠɛni ga puulɔfela maazu lɔɔlugɔ (75), siɛgi zu è ɠulani la Ɠalan taai ʋa.
341	GEN 14:4	Kona puugɔ maazu felegɔ (12) laawu, ti ɠoloa ɠɛni de Kedɔɔl-Lawɔmɛɛl ʋɛ, kɛlɛ kona puugɔ maazu zaʋasiɛi (13) ma, ti ɓakani.
342	GEN 14:5	Kona puugɔ maazu naanisiɛi (14) ma, Kedɔɔl-Lawɔmɛɛl ta masagiti ti ɠɛni polu, ti ʋaani, ti zobo sɔlɔɔ Leefa mavofodaiti ma Asetelɔte-Kaalenayime, ta Zuze mavofodaiti ti Ɠame, ta Eme mavofodaiti ti Savee-Kiliyatayime,
351	GEN 14:14	Aɓalame mɛnigai ma ga deɠe loin zogɛ, é ná-botiɠɛ nu unsaʋagɔ nu puugɔ maazu lɔsaʋa (318) maaɠilini, niiti ti zuzeeliai kɔɔɠɔ vai ma, ti zɔlɔɔgai ná-pɛlɛi wu, naati ti ʋilɛni masagiti polu, eyɛsu ti zeeli Dan.
374	GEN 15:13	Ɠɔoɠɔ GALAGI ɠɛni Aɓalame ma: «Suɠwɛɛ ga è-mavofodaiti ta ɠɛ ga seikɔɠɔma nuiti zooi taɠili su, ta ɠɛ ná ga duɔiti, ti ti zopele ɲɔu kona unnaanigɔ (400) laawu.
398	GEN 16:16	Aɓalame ná-konagi ɠɛni ga puulɔsaʋa maazu lɔzita (86), siɛgi zu Agaal Isemayɛle zɔlɔɔni la bɛ.
399	GEN 17:1	Aɓalame ná-konagi ɠɛai ma ga puutaaʋuu maazu taaʋuu (99), Ɠɔoɠɔ GALAGI ɠulani bɛ kɛlɛma, é ɠɛ ma: «Nà ɠa gè ga GALA Zɛbɛi-Pɛ-Maliɠii. Ɗa-eteai ziɛ gàazu ga pagɔ, zelilomazu mina ɠɛ è ʋa.
415	GEN 17:17	Aɓalaame maaʋɛɛni, é nɔkɔ zooi ma, é ɲɛɛi wo, é ɠɛ yiimaʋɛ: «Doun zunu ɠa zɔlɔɔ nɛi zunu ʋa, nii é kona ungila (100) kɛai na? Ta ànzai Sala é kona ʋuutaaʋuugɔ (90) ɠɛai na, naa ɠa zoo é doun zɔlɔɔ ɓaa?»
418	GEN 17:20	Isemayɛle letemazu, gè ɗa-vali wooi mɛnigɛ ná-faa zu. Ungo, nà tuya loo bɛ. Toɠa ɓuɠu, nà mavofodai ɠaawɔɔlɔ gola. Masa puugɔ maazu felegɔ (12) ɠa ɠula tɔun su, toɠa ɠɛ ga zii wola ma mɛmɛwolai.
422	GEN 17:24	Aɓalaame ná-konagi ɠɛni ga puutaaʋuu maazu taaʋuu (99), siɛgi zu é latini da pɛlɛʋolu.
423	GEN 17:25	Ná-doun zunui Isemayɛle ná-konagi ɠɛni ga puugɔ maazu saʋagɔ (13) niina, siɛgi zu é latini da pɛlɛʋolu.
449	GEN 18:24	Tanisu telebo nu ʋuulɔɔlugɔ (50) ɠa taai zu, ɗa naati ɓalaa undaaʋilisu, è la taai zuvaayɛga telebo nu ʋuulɔɔlugɔi (50) maaʋele ma, ti ti zaama?
451	GEN 18:26	Ɠɔoɠɔ GALAGI ɠɛni ma: «Ni nà telebo nu ʋuulɔɔlugɔ (50) ɠaana Sɔdɔme taazuʋɛ, nà taai kpein suvaayɛ ti maaʋele ma.»
453	GEN 18:28	Tanisu telebo nu ʋuulɔɔlugɔi (50) ɠaaɠaaʋoola ga dɔɔlugɔ, dɔɔlugɔ vai zu, ɗa taai kpein suɠoloɠolo ɓaa?» Ɠɔoɠɔ GALAGI ɠɛni ma: «Gè la taai zuɠoloɠologa, ni nà telebo nu ʋuunaanigɔ maazu lɔɔlugɔ (45) ɠaana ná.»
454	GEN 18:29	Aɓalaame kpɔɛi zeɠeni ʋolu mɔnɔ, é ɠɛ ma: «Tanisu telebo nu ʋuunaanigɔ (40) nɔ ɠa é ná.» Ɠɔoɠɔ GALAGI ɠɛni ma: «Gè la suɠoloɠologa naama nu ʋuunaanigɔi (40) maaʋele ma.»
455	GEN 18:30	Aɓalaame ɠɛni ma: «Màliɠii, soma kae è mina yiiɠaawana, tɔɔzei nà ɠilizu faa ɠilagi ʋa. Tanisu telebo nu ʋuusaʋagɔ (30) ɠa é ná.» Ɠɔoɠɔ GALAGI ɠɛni ma: «Ni nà telebo nu ʋuusaʋagɔ (30) ɠaana ná, gè la taai zuɠoloɠologa.»
456	GEN 18:31	Aɓalaame ɠɛni ma: «Wɛlɛ, nà zoosu gè ɓɔɛ Màliɠii ʋɔ. Tanisu telebo nu ʋuufelegɔ (20) ɠa é ná.» Ɠɔoɠɔ GALAGI ɠɛni ma: «Gè la taai zuɠoloɠologa nu ʋuufelegɔi (20) maaʋele ma.»
512	GEN 20:16	É ɠɛni Sala ma: «Gè wali ɠaei waagila (1 000) fea è-liɛ ya, é ɠɛ ga poogi ga è la ga sɔba nu niima vaiti su, è-maaɠoolii zu nuiti gaazu.»
519	GEN 21:5	Aɓalaame ná-konagi ɠɛni ga ungila (100), siɛgi zu ná-doun zunui Izaake zɔlɔɔni da.
573	GEN 23:1	Sala zii ma voloi kpein ge ɠɛni ga kona ungila puufele maazu lɔfela (127).
587	GEN 23:15	«Màliɠii, woilo gòoi ma, leeni ɠa a ɠɛ ga naa de yɔɠɔzu da ɗe, zooi naa vaa zu nii sɔngɔi ga wali ɠae unnaanigɔ (400)? È-anzai maaɠulu ná.»
588	GEN 23:16	Aɓalaame vaani naa wu, nii Efelon boni, é wali ɠaei ɠaaluni, nii naa boni ma Ɠɛte nuiti gaazu, é lo wali ɠae unnaanigɔi (400) ʋa, eɠɛʋelei falibogi laaʋɛ ɠɛni la yaaɠoiti zea.
614	GEN 24:22	Siɛgi zu ɲɔmɛiti ti ɓeni la ga ɓɔɔle, zunui zanu balaɠae gila seɠeni, nii buɲɛgi a la ɠɛ ga galamu lɔzita, ta zanu bala felegɔ ti ɠilagilagi wuɲɛgi ga galamu ungila (100) kɛɠala maazu ba, é ti veeni zea ga é ti lɔ yeeɠɔdaʋɛti.
666	GEN 25:7	Aɓalaame zii ma voloi kpein ge ɠɛni ga kona ungila kona ʋuulɔfela maazu lɔɔlu (175).
675	GEN 25:16	Isemayɛle ná-doun zunuiti ta ti-laaseigiti kana, eɠɛʋelei ta-ɠwɛpelegiti ta ti ʋuu ʋeleiti ti la. Kundiɠi puugɔ maazu felegɔiti (12) kaa, ti ɠɛni ta-nuɓusɛiti unda.
676	GEN 25:17	Isemayɛle zii ma voloi kpein ge ɠɛni ga kona ungila puusaʋagɔ maazu lɔfela (137). Zii looni, é za, é li mɛmɛwolani pɔ ti zaai.
679	GEN 25:20	Izaake ná-konagi ɠɛni ga puunaanigɔ (40), siɛgi zu é Laɓan baazeelai Eleɓɛka zeɠeni la ga anzai, Alame nui Ɓetuwɛle ná-doun anzanui, nii é Padan-Alame.
685	GEN 25:26	Naa ʋoluma, deɠei zɔlɔɔni, zeei Ezawu ɠɔɠɔ libiligi zogai. Ti daaseigi ʋɛɛni ga Zakɔɓe. Kona ʋuulɔzita (60) ɠa Izaake kɛɛni kpein, ti zɔlɔɔ siɛgi zu.
705	GEN 26:12	Izaake tii ɠɛni zooi naa zu, é ɓɛtɛ, é ma ʋɛɛda ungilagi (100) zɔlɔɔni naama ɠonagi, mazɔlɔɔ Ɠɔoɠɔ GALAGI tuya looni bɛ.
727	GEN 26:34	Ezawu ná-konagi ɠɛai ma ga puunaanigɔ (40), é Ɠɛte nui Ɓeeli ná-doun anzanui Zudite zeɠeni ga anza, ta Ɠɛte nui Elon ná-doun anzanui Ɓasemate.
912	GEN 31:38	Wɛlɛ kona ʋuufelegɔ (20) ɠa gè kɛɛni è ʋɔ bɛ, ɗa-ʋaala saaiti ta ɗa-woli zaaiti ta ɠo ge la zeɠeni ma, gè la ɗa-logani ɓulugi ma ʋaala sinɛiti ta miini.
915	GEN 31:41	Kona ʋuufelegɔ (20) ɠa gè kɛai ɗa-ʋɛlɛi wu, gè botii ɠɛɛni è ʋɛ ga kona puugɔ maazu naanigɔ (14) è-loun anzanu felegɔiti ta-vaa zu, gè kɛ ɗa-logani ɓulugi makɛ fai zu ga kona dɔzita, è sàlai valiboni ná zeizu ɠɛ puu.
936	GEN 32:8	Keelaiti ti ɠaleni ma Zakɔɓe ʋɔ bɛ, ti ɠɛ ma: «Gi liiʋɛ è-liɛ Ezawu ʋɔ bɛ, ta ʋaazu è laaɠomisu, ta zunu unnaanigɔ (400).»
944	GEN 32:16	boli zaa unfelegɔ (200) ta boli zinɛ ʋuufelegɔ (20), baala saa unfelegɔ (200) ta baala sinɛ wola ʋuufelegɔ (20),
945	GEN 32:17	ɲɔmɛ zaa ʋuusaʋagɔ (30), é ʋɛɛ ti-yiʋoiti ba, ti ɠɛni ɲiimii ɓɔlezu, nikɛ zaa ʋuunaanigɔ (30) ta nikɛ zinɛ puugɔ (10), soovale saa ʋuufelegɔ (30) ta soovale sinɛ puugɔ (10).
952	GEN 32:24	É wuzeɠeni naama ɓidii nɔ, é li ga anza felegɔiti, ta botiɠɛ anzanu felegɔiti, ta ná-doun puugɔ maazu ɠilagiti (11), é ɓudɛ ziɛ wolai Yaɓɔke maaleʋesuʋɛ.
962	GEN 33:1	Zakɔɓe ɠaazuwuzeɠeni, é wɛlɛ, é Ezawu ɠa, é ɗa ʋa, zunu unnaanigɔ (400) polu. É dointi gaaɠwɛɛni Leani zɔɠɔzu ta Lasɛle ta botiɠɛ anzanu felegɔiti.
980	GEN 33:19	Ʋɛ é ná-seɠe ɠotai loni ná, é naama you ɓuɠai ɠeyani Sikɛme kɛɛɠɛ Ɠamɔɔl ná-doun zunuiti ma, ga wali ɠae ungila (100).
1034	GEN 35:22	Siɛgi zu Izelayɛle ɠɛni zeini la naama yooi zu, Luɓɛn liini, é la ga Ɓileɠa, kɛɛɠɛ anza ɠiligi nii é la ɠɛni vuluni ga zɔi ɠɛʋele. Izelayɛle ma wooi mɛnini. Zakɔɓe ná-doun zunuiti tiegɔi ɠɛni ga puugɔ maazu fele (12).
1040	GEN 35:28	Izaake zii ma voloi kpein ge ɠɛni ga kona ungila kona ʋuulɔsaʋa (180).
1086	GEN 37:2	Zakɔɓe ná-pɛlɛyeɠei ná-fai ʋɛtɛ. Zozɛfe kona puugɔ maazu lɔfela (17) ɠulaai ma, ti ɠɛni togani ɓulugi makɛsu ta diɛni kɛɛɠɛ anzai Ɓileɠa ná-doun zunuiti ta Zilepa ná-doun zunuiti. Zozɛfe ɠɛni ti maalɔɔzu, é ɗa ti ziɛ ʋele ɲɔiti bo ti-ɠɛɛ ma.
1093	GEN 37:9	É segi taɠili boni mɔnɔ, nii é suɠulani diɛni ma. É ɠɛni ti ma: «Gè segi ta wogɛ mɔnɔ. Gè foloi ɠaani, ta alugi, ta somideɠa puugɔ maazu ɠilagiti (11), ti ʋaani, ti nɔkɔ bù kàkalaʋɛ.»
1112	GEN 37:28	Yaaɠoiti ti ɠɛni zeɠezu Madiyan, naati teʋesuʋɛ, ti Zozɛfe mɛɛnni, ti tɛ, ti kula zeɠezaɠai zu, ti pɔdini Isemayɛle nuiti ma ga wali ɠae ʋuufelegɔ (20), naati ti lii la Ezipete yooi zu.
1242	GEN 41:46	Zozɛfe ná-konagi ɠɛni niina ga puusaʋagɔ (30), siɛgi zu é liini la, é lo Ezipete masagi Falaɠɔn ɠaazu. Seɠeai ma Falaɠɔn ʋɔ bɛ, é Ezipete yooi kpein suɓizɛni.
1266	GEN 42:13	Ti gooɠaaʋoteni, ti ɠɛ ma: «Ɗa-wotiɠɛ nuiti gá ga kɛɛɠɛloun puugɔ maazu felegɔ (12), zunu ɠila kpegi ná-doun zunuiti Kanaan yooi zu. Loungo gelei, naa yɛgɛ gi-ɠɛɛ ʋɔ bɛ za, gila ge ɠɛni ná, naa la mɔ vulua.»
1285	GEN 42:32	Gá ga kɛɛɠɛloun puugɔ maazu felegɔ (12), gi pɛɛ ga kɛɛɠɛi ma. Gilagi la mɔ ná, doungo gelei ɠa gi-ɠɛɛ ʋɔ bɛ za, Kanaan yooi zu.›
1381	GEN 45:22	É seɠe niinɛi veeni ti ɠilagilagi ya. É wali ɠae unsaʋagɔ (300) veeni Ɓɛnzamɛn ya, ta seɠe niinɛ lɔɔlugɔ.
1402	GEN 46:15	Zunu lointi kana Lea ti zɔlɔɔni Zakɔɓe ʋɛ Padan-Alame, é ʋɛɛ ti-loun anzanui Dina ʋa. Ti-vofodaiti pɛ ti ɠɛni ga nu ʋuusaʋa maazu saʋa (33).
1405	GEN 46:18	Zakɔɓe mavofodaiti kana ti yɔɠɔzu ta Zilepa, botiɠɛ anzanui nii Laɓan feeni ná-doun anzanui Lea ya. Ti pɛ ti ɠɛni ga nu puugɔ maazu lɔzita (16).
1409	GEN 46:22	Zakɔɓe mavofodaiti kana ti yɔɠɔzu ta Lasɛle. Ti pɛ ti ɠɛni ga nu puugɔ maazu naani (14).
1413	GEN 46:26	Nuiti ti yɛni Zakɔɓe ʋa, ti ʋa Ezipete yooi zu, ti ɠulaai tɔun su, ti kpein kpɔga ɠɛni ga nu ʋuulɔzita maazu lɔzita (66), Zakɔɓe ná-doun zunuiti ti-anzaiti ti la naama ɠaalugi zu.
1414	GEN 46:27	Zozɛfe ná-doun zunuiti ti zɔlɔɔni Ezipete yooi zu: nu felegɔ. Zakɔɓe ná-pɛlɛyeɠei ma nuɓusɛi liegɔi é yeini Ezipete yooi zu, é ɠɛni ga nu ʋuulɔfela (70).
1430	GEN 47:9	Zakɔɓe Falaɠɔn wooɠaaʋoteni, é ɠɛ ma: «Sìi ma voloi ma ɠonagiti ti ɠɛai siɛziɛgi zu, ta ga kona ungila puusaʋa (130). Sìi ma voloi ma ɠonagiti ti la mɔinni, ti ɲɔuʋɛ, ti la zeelini ɲɛgɛlɛin mɛ̀mɛwolani ti-zii ma voloi ma ɠonagiti su, tɔnɔ ma ziɛziɛ voloiti.»
1449	GEN 47:28	Zakɔɓe kona puugɔ maazu lɔfela ɠɛni Ezipete yooi zu. Zakɔɓe zii ma voloi kpein ge ɠɛni ga kona ungila puunaani maazu lɔfela (147).
1502	GEN 49:28	Naati kpein ka ti ga Izelayɛle ná-boloda puugɔ maazu felegɔiti (12), pele ɠana ti-ɠɛɛ naama ɓɔɛiti boni la ti ma, é ɗa tuya loo ti ʋɛ. É tuya looni ti ʋɛ, ɛsɛ gilagilagi ta nɔnɔ ma luyai.
1510	GEN 50:3	Kɛni ta la kɛ ga folo ʋuunaanigɔ (40), yeeɠɛɠalai naa ɠa maanɛɛni, é ɠɛ, poomai ɗa vɔ, gulɔi ɗa ɲɔfɔ ma. Ezipete nuiti ti ná-wɔlɔi woni folo ʋuulɔfela (70) laawu.
1529	GEN 50:22	Zozɛfe zeini Ezipete, ta ná-pɛlɛyeɠei. É yɛni vulua, ná-konagi ɠɛ ga ungila puugɔ (110).
1533	GEN 50:26	Zozɛfe ná-konagi ɠɛai ma ga ungila puugɔ (110), é zaani. Ti ma ʋoomai vɔɔni, ti ɗa gulɔ maku nɛɛnɛgi ɲɔfɔ ma, ti da pooma ɠesui zu Ezipete yooi zu.
1538	EXO 1:5	Zakɔɓe mavofodaiti tiegɔi ɠɛni ga nu ʋuulɔfela (70). Zozɛfe ɠɛni niina Ezipete yooi zu.
1672	EXO 6:16	Leevi ná-doun zunuiti daaseigiti kaa, eɠɛʋelei ti-mavofodaiti ti la: Gɛɛleson, Keɠate, ta Melali. Leevi zii ma ɠonagiti ti ɠɛni ga kona ungila puusaʋagɔ maazu lɔfela (137).
1674	EXO 6:18	Keɠate ná-doun zunuiti ti ɠɛni ga: Amelame, Yiseɠaal, Ɠeeɓelɔn, ta Uziyɛle. Keɠate zii ma ɠonagiti ti ɠɛni ga kona ungila puusaʋagɔ maazu saʋagɔ (133).
1676	EXO 6:20	Amelame nazai Yɔkeeɓɛde zeini ga anza, naa doun zunuiti sɔlɔɔni bɛ: Aalɔn ta Moize. Amelame zii ma voloi kpein ge ɠɛni ga kona ungila puusaʋagɔ maazu lɔfela (137).
1693	EXO 7:7	Moize ná-konagi ɠɛni niina ga puulɔsaʋa (80), Aalɔn ná-konagi ɠɛ ga puulɔsaʋa maazu saʋagɔ (83), siɛgi zu ti liini la, ti ɓɔɛ Falaɠɔn ʋɔ.
1823	EXO 12:6	Wa makɛ, wo ɗa pɛtɛ eyɛsu alugi ma volo puugɔ maazu naanisiɛi (14), Izelayɛle ʋɛbɛi kpein ka ti ɠɔdaaleʋe kpɔkɔi.
1835	EXO 12:18	Alugi ma mɔungi, ma volo puugɔ maazu naanisiɛi (14) ma ɓɔkɔi, wa ɓuluiti mi nii lɛʋɛ la su, eyɛsu folo ʋuufelegɔ maazu ɠilasiɛi (21) ma ɓɔkɔi.
1854	EXO 12:37	Izelayɛle nuiti ti zeɠeni Lamesɛse, ti li Sukɔte. Zunuiti ti ɠɛni ziɛzu ɠɔɠɔa, naati ti ɠɛni ga nu waaundɔzita (600 000) ɠɛɠala, doungoiti ta anzanuiti ti la naama ɠaalugi zu.
1857	EXO 12:40	Yeeɠɛɠalai liegɔi Izelayɛle nuiti ti kɛɛni Ezipete yooi zu, naa ɠɛni ga kona unnaanigɔ kona ʋuusaʋagɔ (430).
1858	EXO 12:41	Kona unnaanigɔ kona ʋuusaʋagɔi (430), naama ɠona pilɛda voloi nɔ ɠa, Ɠɔoɠɔ GALAGI ná-nuɓusɛ ɓulugiti kpein ti ɠulani la Ezipete yooi ʋa.
1897	EXO 14:7	É wotolo ɓiin gola undɔzita (600) zeɠeni ta Ezipete wotoloiti kpein, kɔɔɠɔ nuiti ti ɠɛni ti zu ga nu zaʋasaʋagi.
1948	EXO 15:27	Ti zeelini Elime, ʋɛ ziɛun puugɔ maazu felegɔ (12) ɠɛni ná, ta dɔɔ wulu ʋuulɔfela (70). Ti ʋuuni miná ziɛlaʋɛ.
1949	EXO 16:1	Izelayɛle ʋɛbɛi kpein ge zeɠeni Elime, ti li, ti zeeli Sin teʋebai zu, nii é Elime ta Sinayi ti yɔɠɔzuʋɛ, folo puugɔ maazu lɔɔlusiɛi (15) ma, alugi velesiɛi ma, ti ɠulaai ma Ezipete yooi ʋa.
1983	EXO 16:35	Izelayɛle nuiti ti manegi miini kona ʋuunaanigɔ (40) laawu, eyɛsu ti zeeli zooi naa zu, ʋɛ nua ti ɠɛni zeini ná. Ti manegi miini, eyɛsu ti zeeli Kanaan yooi ɠwɛgi ma.
2058	EXO 20:6	Kɛlɛ nà ɗa wooɠɛɠiladai ɠɛ, eyɛsu é zeeli yamani waagilasiɛi (1 000) ma, naati bɛ, niiti ti nɛ̀ɛzu ʋɛ, ta ti nà-deveiti sosu.
2110	EXO 21:32	Kɛlɛ siɛgi zu nikɛi a duɔi ziɠana la, zunu ɓaa anzanu, wali ɠae ʋuusaʋagɔ (30) ɠa a zo duɔ kɛɛɠɛi ya, nikɛi ɠa zɔɔ ga kɔtui.
2179	EXO 24:1	GALA ge ɠɛni Moize ma: «Lɛ Ɠɔoɠɔ GALAGI ʋɔ bɛ, ɗa ɓɔɠɔi wa Aalɔn, ta Nadaɓe ta Aɓiyu, ta Izelayɛle ɠɛwola ʋɔlɔ ʋuulɔfela (70), wo yɛ ɠoozama, wo nɔkɔ.
2182	EXO 24:4	Moize Ɠɔoɠɔ GALAGI wooiti kpein sɛʋɛni. Naa ʋolu é wuzeɠeni ga sobuzobui, é zalaɠa ɠulazuʋɛ lo gizei ɠɔɠɔaʋɛ, é kɔtu puugɔ maazu felegɔiti (12) pilɛni ga ɠizɛsui Izelayɛle ná-boloda puugɔ maazu felegɔiti (12) faa zu.
2187	EXO 24:9	Moizeni ti lɛɛni gizei ma ta Aalɔn, ta Nadaɓe, ta Aɓiyu, é ʋɛɛ Izelayɛle ɠɛwola ʋɔlɔ ʋuulɔfela (70) ʋa.
2196	EXO 24:18	Moize lɔɔni tonaɓiingi zaama, é lɛ gizei ma. Moize kɛɛni gizei ma ga folo ʋuunaanigɔ (40) ta kpidi ʋuunaanigɔ (40).
2235	EXO 25:39	Ɗa kilo ʋuusaʋagɔ (30) zeɠe zanu kitei zu, è kpɛtɛ ga fitina zei anii ta ma zɔɔlaiti kpein.
2238	EXO 26:2	Tanda ɠilagi zakpai ɠa ɠɛ ga mɛtɛlɛ puugɔ maazu naanigɔ (14), kogi ɠɛ ga mɛtɛlɛ felegɔ. Kɔɠɔgi ɠa ɠɛ ga ani ɠila nɔ tandaiti kpein faa zu.
2241	EXO 26:5	Ɗa galu ʋuulɔɔlugɔ (50) ɠiliɠili tandai ma ɓɔsu mɔungi laamaʋɛ ʋa, è galu ʋuulɔɔlugɔ (50) ɠiliɠili tandai ma ɓɔsu velesiɛi laamaʋɛ ʋa. Naama ɠaluiti ta zoloo ɓɔɠɔ ma ga felefele.
2242	EXO 26:6	Ɗa zanu kala puulɔɔlugɔ (50) ɓɛtɛ, è tandai ma ɓɔsuiti giliɠili ɓɔɠɔ ʋa ga tiye. Seɠe ʋɛlɛ ɲadegai ɠa ɠɛ ga ani ɠila kpe nɔ.
2243	EXO 26:7	Ɗa boli leɠa landa puugɔ maazu ɠila (11) kpɛtɛ, ti ʋɛɛ seɠe ʋɛlɛ ɲadegai ɠɔma.
2244	EXO 26:8	Tanda ɠilagi zakpai ɠa ɠɛ ga mɛtɛlɛ puugɔ maazu lɔɔlugɔ (15), kogi ɠɛ ga mɛtɛlɛ felegɔ. Kɔɠɔgi ɠa ɠɛ ga ani ɠila nɔ tanda puugɔ maazu ɠilagiti (11) bɛ.
2246	EXO 26:10	Ɗa galu ʋuulɔɔlugɔ (50) ɠiliɠili tandai ma ɓɔsu mɔungi laamaʋɛ, ɗa galu ʋuulɔɔlugɔ (50) ɓalaa giliɠili tandai ma ɓɔsu velesiɛi laamaʋɛ.
2247	EXO 26:11	Ɗa kɔlu ɓɔi kala puulɔɔlugɔ (50) ɓɛtɛ, è kalagiti dɔ galuiti unsu. Ɗa tanda ma ɓɔsuiti sei ɓɔɠɔ la ɠana, ti ɠɛ ga ani ɠila nɔ.
2254	EXO 26:18	Ɗa kpɛdɛ ʋuufelegɔ (20) ɓɛtɛ seɠe ʋɛlɛ ɲadegai ʋɛ, ti ɠɛɛzu nu yeezazu ʋelei.
2255	EXO 26:19	Ɗa dabu ʋuunaanigɔiti (40) kpɛtɛ ga walii, ti ʋa la kpɛdɛ ʋuufelegɔiti (20) gilagilagi wu, kpadɔzu felegɔiti bɛ.
2256	EXO 26:20	Ɗa kpɛdɛ ʋuufelegɔ (20) ɓɛtɛ ɓalaa seɠe ʋɛlɛ ɲadegai ʋɛ, nu ɠɔʋɛzu ʋelei.
2257	EXO 26:21	Ɗa dabu ʋuunaanigɔiti (40) kpɛtɛ ɓalaa ga walii, ti ʋa la kpɛdɛ ʋuufelegɔiti (20) gilagilagi wu, kpadɔzu felegɔiti bɛ.
2261	EXO 26:25	Kpɛdɛ dɔsaʋa ɠa naazu, é ɠɛɛzu seɠe ʋɛlɛ ɲadegai ɓogaʋɛ, é ʋɛɛ ta-labu puugɔ maazu lɔzitaiti (16) ba, ti ɓɛtɛai ga walii, kpɛdɛ gila dabu felegɔ.
2274	EXO 27:1	Ɗa zalaɠa ɠulazuʋɛ ɓɛtɛ ga akasia wului. Sakpai ɠa ɠɛ ga mɛtɛlɛ felegɔ ta tukpɛ (2,5), kogi ɠɛ ga mɛtɛlɛ felegɔ ta tukpɛ (2,5). Zalaɠa ɠulazuʋɛ ɠa ɠɛ ga seki naanigi, sɔligɔi ɠɛ ga mɛtɛlɛ ɠila ta tukpɛ (1,5).
2282	EXO 27:9	Ɗa seɠe ʋɛlɛ ɲadegai ma ɠoizuʋɛ ɓɛtɛ. Lɛkpɛmaʋɛ nu yeezazuʋɛ, maazasa ga seɠei é ga geze ʋagɔi kpaliai. Sasai zakpai ɠɛ ga mɛtɛlɛ ʋuulɔɔlugɔ (50) naama ɠakama mɔungi.
2283	EXO 27:10	Tɔkpala ʋuufelegɔiti (20) ta lɔ dabu ʋuufelegɔiti (20) ga, ti ɓɛtɛai ga kɔlu ɓɔigi. Tɔkpalaiti ma ɠalagiti ta ti zɛlɛ kɔluiti ta ɠɛ ga walii.
2284	EXO 27:11	Lɛkpɛmaʋɛ nu ɠɔʋɛzuʋɛ, sasai zakpai ɠa ɠɛ miná ɓalaa ga mɛtɛlɛ ʋuulɔɔlugɔ (50), naa ɠɛ ga seɠei, ta tɔkpala ʋuufelegɔiti (20), ta ta-labu ʋuufelegɔiti (20), ti ga kɔlu ɓɔigi. Tɔkpalaiti ma ɠalagiti ta ti zɛlɛ kɔluiti ta ɠɛ ga walii.
2285	EXO 27:12	Folo liizu ʋelei, sasai ɠogi ɠa ɠɛ ga mɛtɛlɛ ʋuufelegɔ maazu lɔɔlugɔ (25), naa ɠɛ ga seɠei, ta ta-lɔkpala puugɔ ta ta-labu puugɔiti.
2286	EXO 27:13	Folo ɠulazu ʋelei, sasai ɠogi ɠa ɠɛ ga mɛtɛlɛ ʋuufelegɔ maazu lɔɔlugɔ (25).
2287	EXO 27:14	Nu lɛɛzuʋɛ ɠobaʋɛ ɠilazuʋɛ, sasai ɠa ɠɛ ga mɛtɛlɛ lɔfela ta tukpɛ (7,5), naa ɠɛ ga seɠei, ta tɔkpala saʋagɔ, ta ta-labu saʋagɔiti.
2288	EXO 27:15	Nu lɛɛzuʋɛ ɠobaʋɛ zɔɔla ʋelei, sasai ɠa ɠɛ miná ga mɛtɛlɛ lɔfela ta tukpɛ (7,5), naa ɠɛ ga seɠei, ta tɔkpala saʋagɔ, ta ta-labu saʋagɔiti.
2291	EXO 27:18	Sasai zakpai ɠa ɠɛ ga mɛtɛlɛ ʋuulɔɔlugɔ (50), kogi ɠɛ ga puufelegɔ maazu lɔɔlugɔ (25), sɔligɔi ɠɛ ga mɛtɛlɛ felegɔ ta tukpɛ (2,5). Seɠeiti ta ɠɛ ga geze ʋagɔi kpaliai, ta dabuiti ta ɠɛ ga kɔlu ɓɔigi.
2315	EXO 28:21	Ɗa Izelayɛle ná-doun zunuiti daaseigiti sɛʋɛ kɔtu puugɔ maazu felegɔiti (12) ma, eɠɛʋelei nu a ɗa kɔtui zaɠa la, eɠɛ zeeʋozɛba aniiti. Boloda puugɔ maazu felegɔiti (12) daaseigiti ta ɠɛ ti ma, kɔtu ɠila, gila daasei, kɔtu ɠila, gila daasei.
2377	EXO 29:40	Ɗa baala ziʋo mɔungi ɠula ga zalaɠai, è pɛɛ ɓulu vukɔ ʋagɔi kilo saʋagɔ ʋa, gaayɔgai ga wolive wulɔ ʋagɔi ma litɛlɛ ɠila ta tukpɛ (1,5), naa ʋɛɛ dɔɔi litɛlɛ ɠila ta tukpɛ (1,5) ba.
2397	EXO 30:14	Nu-o-nu é ɠɛɛzu gaalugi zu, é zo kona ʋuufelegɔ (20) ma, é lɛ zeemaazu, naa ɠa vebɛanii zala, nii é veezu Ɠɔoɠɔ GALAGI ʋɛ.
2467	EXO 32:28	Leevi nuiti ti kɛɛni, eɠɛʋelei Moize boni la, zunu waasaʋagɔ (3 000) ɠɛɠala ɠa é zaani nuɓusɛiti saama naama voloi.
2504	EXO 34:7	é wooɠɛɠiladai ɠɛɛzu, eyɛsu é zeeli yamani waagilasiɛi (1 000) ma, é faa ɲɔi zuvaayɛsu, ta tɔ koloɠologiti, ta kotoi, kɛlɛ é la sɔba nui zoga ga sɔbalala nu, a ɗa ɠɛɛɠɛiti ta-vaa ɲɔi ʋotokula ti-lointi ma, ta ti-lounlointi ma, eyɛsu é zeeli yamani zaʋasiɛi ta naanisiɛi ma.»
2525	EXO 34:28	Moize kɛɛni Ɠɔoɠɔ GALAGI ɠoba náʋɛ ga folo ʋuunaanigɔ (40) ta kpidi ʋuunaanigɔ (40). É la daami woni, ta é la ziɛ ɓɔleni. É minazeɠe gooiti sɛʋɛni kokologiti ma, ti ga tɔ puugɔi ma wooiti.
2576	EXO 36:9	Tanda ɠilagi zakpai ɠɛni ga mɛtɛlɛ puugɔ maazu naanigɔ (14), kogi ɠɛ ga mɛtɛlɛ felegɔ. Kɔɠɔgi ɠɛni ga ani ɠila nɔ tandaiti kpein faa zu.
2579	EXO 36:12	Ti galu ʋuulɔɔlugɔ (50) ɠiliɠilini tandai ma ɓɔsu mɔungi laamaʋɛ ʋa, ti galu ʋuulɔɔlugɔ (50) ɠiliɠili tandai ma ɓɔsu velesiɛi laamaʋɛ ʋa. Naama ɠaluiti ti zolooni ɓɔɠɔ ma ga felefele.
2580	EXO 36:13	Ti zanu kala puulɔɔlugɔ (50) ɓɛtɛni, ti tandai ma ɓɔsuiti giliɠili ɓɔɠɔ ʋa ga tiye. Seɠe ʋɛlɛ ɲadegai ɠɛni ga ani ɠila kpe nɔ.
2581	EXO 36:14	Ti boli leɠa landa puugɔ maazu ɠila (11) kpɛtɛni, ti ti ʋɛɛ seɠe ʋɛlɛ ɲadegai ɠɔma.
2582	EXO 36:15	Tanda ɠilagi zakpai ɠɛni ga mɛtɛlɛ puugɔ maazu lɔɔlugɔ (15), kogi ɠɛ ga mɛtɛlɛ felegɔ. Kɔɠɔgi ɠɛni ga ani ɠila nɔ tanda puugɔ maazu ɠilagiti (11) bɛ.
2584	EXO 36:17	Ti galu ʋuulɔɔlugɔ (50) ɠiliɠilini tandai ma ɓɔsu mɔungi laamaʋɛ, ti galu ʋuulɔɔlugɔ (50) ɓalaa giliɠili tandai ma ɓɔsu velesiɛi laamaʋɛ.
2585	EXO 36:18	Ti kɔlu ɓɔi kala puulɔɔlugɔ (50) ɓɛtɛni, naa ɠa a kɛ tandai ma ɓɔsuiti ti zei da ga tiye, ti ɠɛ ga ani ɠila nɔ.
2590	EXO 36:23	Ti kpɛdɛ ʋuufelegɔ (20) ɓɛtɛni seɠe ʋɛlɛ ɲadegai ʋɛ, ti ɠɛni nu yeezazu ʋelei.
2591	EXO 36:24	Ti dabu ʋuunaanigɔiti (40) kpɛtɛni ga walii, ti ʋa la kpɛdɛ ʋuufelegɔiti (20) gilagilagi wu, kpadɔzu felegɔiti bɛ.
2592	EXO 36:25	Ti kpɛdɛ ʋuufelegɔ (20) ɓɛtɛni ɓalaa seɠe ʋɛlɛ ɲadegai ʋɛ, nu ɠɔʋɛzu ʋelei.
2593	EXO 36:26	Ti dabu ʋuunaanigɔiti (40) kpɛtɛni ɓalaa ga walii, ti ʋa la kpɛdɛ ʋuufelegɔiti (20) gilagilagi wu, kpadɔzu felegɔiti bɛ.
2597	EXO 36:30	Kpɛdɛ dɔsaʋa ɠa naazu, é ɠɛni seɠe ʋɛlɛ ɲadegai ɓogaʋɛ, é ʋɛɛ ta-labu puugɔ maazu lɔzitaiti (16) ba, ti ɓɛtɛai ga walii, kpɛdɛ gila dabu felegɔ.
2629	EXO 37:24	Kilo ʋuusaʋagɔ (30) ɠa é seɠeni zanu kitei zu, fitina zei anii, ta ma zɔɔlaiti kpein kpɛtɛ vai zu.
2635	EXO 38:1	É gala zalaɠaiti kulazuʋɛ ɓɛtɛni ga akasia wului. Sakpai ɠɛni ga mɛtɛlɛ felegɔ ta tukpɛ (2,5), kogi ɠɛ ga mɛtɛlɛ felegɔ ta tukpɛ (2,5). É ɠɛni ga seki naanigi, sɔligɔi ɠɛ ga mɛtɛlɛ ɠila ta tukpɛ (1,5).
2643	EXO 38:9	É koizuʋɛ ɓɛtɛni. Nu yeezazu ʋelei, seɠei é ga geze ʋagɔi kpaliai ɠa é ɠɛni ná ga sasai. Sasai zakpai ɠɛni ga mɛtɛlɛ ʋuulɔɔlugɔ (50).
2644	EXO 38:10	Tɔkpala ʋuufelegɔiti (20) ti lɔɔni dabu ʋuufelegɔiti (20) ga, ti ga kɔlu ɓɔigi. Tɔkpalaiti ma ɠalagiti ta ti zɛlɛ kɔluiti ti ɠɛni ga walii.
2645	EXO 38:11	Lɛkpɛmaʋɛ nu ɠɔʋɛzuʋɛ, sasai zakpai ɠɛni miná ɓalaa ga mɛtɛlɛ ʋuulɔɔlugɔ (50), naa ɠɛ ga seɠei, ta tɔkpala ʋuufelegɔ (20), ta ta-labu ʋuufelegɔiti (20), ti ga kɔlu ɓɔigi. Tɔkpalaiti ma ɠalagiti ta ti zɛlɛ kɔluiti ti ɠɛni ga walii.
2646	EXO 38:12	Folo liizu ʋelei, sasai ɠogi ɠɛni ga mɛtɛlɛ ʋuufelegɔ maazu lɔɔlugɔ (25), naa ɠɛ ga seɠei, ta ta-lɔkpala puugɔiti ta ta-labu puugɔiti. Tɔkpalaiti ma ɠalagiti ta ti zɛlɛ kɔluiti ti ɠɛni ga walii.
2647	EXO 38:13	Folo ɠulazu ʋelei, sasai ɠogi ɠɛni ga mɛtɛlɛ ʋuufelegɔ maazu lɔɔlugɔ (25).
2648	EXO 38:14	Nu lɛɛzuʋɛ ɠobaʋɛ ɠilazuʋɛ, sasai ɠɛni ga mɛtɛlɛ lɔfela ta tukpɛ (7,5), naa ɠɛ ga seɠei, ta tɔkpala saʋagɔ, ta ta-labu saʋagɔiti.
2649	EXO 38:15	Nu lɛɛzuʋɛ ɠobaʋɛ zɔɔla ʋelei, sasai ɠɛni miná ga mɛtɛlɛ lɔfela ta tukpɛ (7,5), ta tɔkpala saʋagɔ, ta ta-labu saʋagɔiti.
2652	EXO 38:18	Sasai laaʋɛ ma zeɠe zuɠooza golai zuʋua ɠɛni de ga geze ɓiinii, ta ma ɓɔigi, ta ma ɓɔi sɔsɔgi, ta geze ʋagɔi kpaliai. Sakpai ɠɛni ga mɛtɛlɛ puugɔ. Sɔligɔi ɠɛni ga mɛtɛlɛ felegɔ ta tukpɛ (2,5), eɠɛʋelei sasai ma zeɠei la.
2658	EXO 38:24	Zanugi liegɔi nii é lɔɔni seizu ɲadegai ma wotiiti kpein su, é ɠɛni ga kilo waagila (1 000) kɛɠala, eɠɛʋelei seizu ɲadegai ma ɠɔɠɔgi la.
2659	EXO 38:25	Nuɓusɛiti ti ɠaaluni, naati ta-walii ɠɛni ga kilo waasaʋagɔ unnaani puunaanigɔ (3 440) ɠɛɠala, eɠɛʋelei seizu ɲadegai ma ɠɔɠɔgi la.
2660	EXO 38:26	Nu ɠilagilagi ɠɛni wali ɠaei ma ʋali saamai veezu, eɠɛʋelei seizu ɲadegai ma wali ɠaei la. Zunu ɠilagilagi naa ɠɛɛni, niiti kpein ti ɠaaluni, é zo kona ʋuufelegɔ (20) ma, é lɛ zeemaazu, naa ɠa é ɠɛni ga zunu waaundɔzita maazu saʋagɔ undɔɔlu puulɔɔlugɔ (603 550).
2661	EXO 38:27	Walii kilo waasaʋagɔ unnaani puufelegɔ (3 420), naa ɠa gaawuunni, é ɠɛ ga seizu ɲadegai ma labuiti, ta seɠe zuɠooza golai ma labuiti. Dabuiti ti ɓɛtɛai ga walii nii, naati ti ɠɛni ga ungila (100).
2662	EXO 38:28	Walii kilo ʋuufelegɔi (20) mɔtai zɔiti, naati ka é ti ɠaawuunni. É kalagiti ta sɛlɛ kɔluiti kpɛtɛni la tɔkpalaiti bɛ, ta é ti-unsuʋɛti pɛɛ la.
2663	EXO 38:29	Kɔlu ɓɔigi é ɠɛni ga vebɛanii, é ɠɛni ga kilo waafelegɔ unnaanigɔ puufele maazu ɠila (2 421) kɛɠala.
2679	EXO 39:14	Ti Izelayɛle ná-doun zunuiti daaseigiti sɛʋɛni kɔtu puugɔ maazu felegɔiti (12) ma, eɠɛʋelei nu a ɗa kɔtui zaɠa la, eɠɛ zeeʋozɛba aniiti. Boloda puugɔ maazu felegɔiti (12) daaseigiti ti ɠɛni ti ma, kɔtu ɠila, gila daasei, kɔtu ɠila, gila daasei.
3049	LEV 12:4	Toɠa yɛ dɛ mɔnɔ ɓɔɠɔ ɲadesu folo ʋuusaʋagɔ maazu saʋagɔ (33) laawu, ná-ɲamai vaa zu, é mina vɔɔɠu ani ɲadega ɠila kpalaa ba, é mina li seizu ɲadegai, eyɛsu ná-ɲade foloiti daazeeli.
3050	LEV 12:5	«Ni a anzanu loun zɔlɔɔna, kɔzɔai ɠa yɛ de dɔɔɠɔ felegɔ laawu, eɠɛ ná-alu kaa ziɛgi ma yeeɠɛɠalai. Toɠa yɛ ɓɔɠɔ ɲadesu folo ʋuulɔzita maazu lɔzita (66) laawu.
3408	LEV 23:5	«Alu mɔungi ma volo puugɔ maazu naanisiɛi (14) ma ɓɔkɔi, kpidii a ʋɛɛna, naa ɠa é ga Ɠɔoɠɔ GALAGI ná-Pakegi.