45	GEN 2:14	Saʋasiɛi laaseigi ɠɛni ga Tigele, naa ɠa é yeizu Asuul laai zu folo ɠulazu ʋelei. Ziɛ wolai naanisiɛi ɠa é ga Ufelate.
258	GEN 10:23	Alame mavofodaiti ti ɠɛni ga: Use, Ɠule, Geetɛɛl, ta Mase.
262	GEN 10:27	Ɠadɔlame, Uzale, Dikela,
295	GEN 11:28	Ɠalan zaani kɛɛɠɛ Teela luɠɔ, sɔlɔɔ zooi zu, ʋɛ ná ga Uul, Kaledee yooi zu.
298	GEN 11:31	Teela ná-doun zunui Aɓalame zeɠeni, ta ná-doun loin Lɔte, Ɠalan ná-doun zunui, ta Salayi, ná-doin Aɓalame anzai. Ti ɠulani ʋɔɔma Uul ʋa Kaledee yooi zu, ti li Kanaan yooi zu ʋele. Ti zeelini Ɠalan, ti zei ná.
355	GEN 14:18	Mɛlekizeedɛke, Salɛme masagi ʋaani ga ɓului ta dɔɔi. É ɠɛni ga GALA nii é Anii-Pɛ-Unda, naa ná-zalaɠa ɠula nui.
356	GEN 14:19	É tuya looni Aɓalame ʋɛ, é ɠɛ ma: «GALA ge tuya loo Aɓalame ʋɛ, GALAGI nii é Anii-Pɛ-Unda, é geeɠɔlɔgi ta zooi ɓɛtɛai!
357	GEN 14:20	Mamagi ɠa GALA bɛ, nii é Anii-Pɛ-Unda, nii é vaa bu, è zobogi zɔlɔɔ è zili nuiti ma!» Aɓalame kɔɔzoganiiti pɛ ma ʋuusiɛi veeni zea.
359	GEN 14:22	Aɓalame ɠɛni Sɔdɔme masagi ma: «Gè ɠonaa Ɠɔoɠɔ GALAGI ma, nii é Anii-Pɛ-Unda, é geeɠɔlɔgi ta zooi ɓɛtɛai,
368	GEN 15:7	É ɠɛni ma: «Nà ɠa gè ga Ɠɔoɠɔ GALAGI, nii é è ɠula Uul taazuʋɛ Kaledee yooi zu, gè niima yooi ve è ya ga ɗɔnɔ.»
379	GEN 15:18	Naama yee ná, Ɠɔoɠɔ GALAGI minazeɠeni Aɓalame ʋɛ, é ɠɛ ma: «Gè niima yooi kpein fea è-mavofodai ʋɛ, é zo Ezipete ɗɛ wolai ma, é zeeli ziɛ wolai Ufelate ma,
418	GEN 17:20	Isemayɛle letemazu, gè ɗa-vali wooi mɛnigɛ ná-faa zu. Ungo, nà tuya loo bɛ. Toɠa ɓuɠu, nà mavofodai ɠaawɔɔlɔ gola. Masa puugɔ maazu felegɔ (12) ɠa ɠula tɔun su, toɠa ɠɛ ga zii wola ma mɛmɛwolai.
430	GEN 18:5	Nà liizu, gè ʋa ga ɓulu go wo ʋɔ, wo zɛbɛ zɔlɔɔ ʋolu, naa ʋolu wa li niina, naa ɠa a kɛ wo mina leʋe ɠana nɔ pɔ̀ bɛ, nɛ̀i gè ga wa-wotiɠɛ nui.» Ti gooɠaaʋoteni, ti ɠɛ ma: «Ungo, kɛ, eɠɛʋelei è bogai la.»
569	GEN 22:21	Use ɠa é ga ná-doun mɔungi, naa deɠeiti ti ɠɛ ga Ɓuze, ta Kemuwɛle nii é ga Alame kɛɛɠɛ,
650	GEN 24:58	Ti Eleɓɛka lolini, ti ɠɛ ma: «Ɗa pɔ wo li, wa zunui nii?» É ti wooɠaaʋoteni, é ɠɛ ma: «Ungo, gá li.»
739	GEN 27:11	Zakɔɓe dee wooɠaaʋoteni, é ɠɛ ma: «Ungo, kɛlɛ dìɛ Ezawu ɠa ga deɠaleɠa nu, nɔ̀un nà, gè la ga naama nu.
755	GEN 27:27	Zakɔɓe maaɓuɠani ba, é nɛɛnɛ ga daaʋɛ komagai. Izaake ná-seɠeiti makugi mɛnini. Naa ʋoluma, é tuya looni bɛ, é ɠɛ ma: «Ungo, dòun zunui makugi ɠɛɛʋɛ eɠɛ kpalagi makugi, nii Ɠɔoɠɔ GALAGI tuya loai bɛ.
801	GEN 29:5	É ɠɛni ti ma: «Wo Laɓan ɠwɛɛ nɛi ɓaa, nii é ga Naɠɔɔl ná-doun zunui?» Ti gooɠaaʋoteni, ti ɠɛ ma: «Uun, gi kwɛɛ.»
844	GEN 30:13	Lea ɠɛni ma: «Ga-o, kòozunɛa! Uun, anzalopoiti ta ɠɛ mà koozunɛɛ nui.» É daasei pɛɛni ga Asɛɛl.
895	GEN 31:21	É ʋelani ga naa kpein, nii é ɠɛni ga nɔnɔ. É liini, é ziɛ wolai Ufelate ɓudɛ, naa ʋolu é leteni Galaade ɠize yooi ʋɔ pelei ma.
1069	GEN 36:28	Disan ná-doun zunuiti ti ɠɛni ga: Use ta Alan.
1274	GEN 42:21	Ti ɠɛni ɠɛɛzu ɓɔɠɔ ma: «Ungo, ade ɠɛɛʋɛ ga sɔba nu de-leɠei letegi, mazɔlɔɔ de ná-ziizoolɛi ɠaani, siɛgi zu é ɠɛni de maanɛɛnɛzu la, de la ɠɛni woiloni ma ɲɛgɛlɛin! Naa ɠa é kɛa niima maanɔɠɔ vai zeelia ade ma la.»
1674	EXO 6:18	Keɠate ná-doun zunuiti ti ɠɛni ga: Amelame, Yiseɠaal, Ɠeeɓelɔn, ta Uziyɛle. Keɠate zii ma ɠonagiti ti ɠɛni ga kona ungila puusaʋagɔ maazu saʋagɔ (133).
1678	EXO 6:22	Uziyɛle ná-doun zunuiti ti ɠɛni ga: Mikayɛle, Ɛlesafan, ta Siteli.
2116	EXO 22:1	Kɛlɛ ni foloi a tɛɛna, ta ɠɛ ga sɔba nu tɔun tetemazu paa vai zu. Unma nui kpein ka naa ʋotogi ve, nii é unmaai. Ni ani la zea, ta pɔdi ná-unma vai zu.
2423	EXO 31:2	«Wɛlɛ, gè yiimazeɠeʋɛ ga Ɓɛsaleyɛle, nii é ga Uli ná-doun zunui, Ɠuul ná-dounloin, Zuda ná-bolodai zu.
2562	EXO 35:30	Moize ɠɛni Izelayɛle nuiti ma: «À wɛlɛ, Ɠɔoɠɔ GALAGI yeelogɛ Ɓɛsaleyɛle ʋa, nii é ga Uli ná-doun zunui, Ɠuul ná-dounloin, Zuda ná-bolodai zu.
2656	EXO 38:22	Uli ná-doun zunui Ɓɛsaleyɛle, Ɠuul ná-dounloin, Zuda ná-bolodai zu, é naa kpein kɛɛni, nii Ɠɔoɠɔ GALAGI ma levei veeni Moize ya.
2982	LEV 10:4	Moize Mikayɛle lolini ta Ɛlesafan, Uziyɛle ná-doun zunuiti, nii é ga Aalɔn kɛɛɠɛ kɛɛɠɛloin, é ɠɛ ti ma: «À maaɓuɠa bà, wo wo-ɠɛɛlointi seɠe, wo li ga tiye ade-ʋuuzuʋɛ ʋoluʋɛ, wo ti maaɠooza seizu ɲadegai ʋa.»
3336	LEV 20:17	«Ni zunui ta a ná-seelai zeina ga anza, kɛɛɠɛ ná-doun anzanui, ɓaa dee ná-doun anzanui, é naa unfega, ta é ɓɔɠɔ unfega. Unfetala vaa wola ɠana, ti ɓe ka leʋe ta-nuɓusɛiti ba, naa ɠa ɠɛ ta-nuiti pɛ gaazu. Zunui naa é ná-seelai unfegai, ná-faaɠaaza golai ma ɠasɔi ɠa la unma.
3520	LEV 25:50	Ta geya nui ta konagi ɠaalu, é zo pɔdi voloi ma, é zeeli ɓɔɠɔyeema ɠonagi ma. Unmɔɔ salai ɠa leve, é zoloo nui ná-folo ɠila wotiɠɛ zalai ma, naa ɠa gaalusu, é zoloo konagi liegɔi ma.
3712	NUM 3:19	Keɠate ná-doun zunuiti daaseigiti kaa, eɠɛʋelei ta-wolodamaiti ti la: Amelame, Yiseɠaal, Ɠeeɓelɔn, ta Uziyɛle.
3720	NUM 3:27	Keɠate mavofodaiti ti ɠɛni ga Amelame ná-bolodamaiti, ta Yiseɠaal nɔnɔiti, naa ʋɛɛ Ɠeeɓelɔn ta Uziyɛle tɔnɔiti ba.
3723	NUM 3:30	Keɠate ná-bolodamaiti ta-ʋɛlɛyeɠeiti ta-ɠundiɠii ɠɛni ga Elisafan, Uziyɛle ná-doun zunui.
3815	NUM 5:22	Foovoo ɗɛi tɛi ge lɔ è ɠoozu, é è-ɠogi lɛ da, é è-ɓalaiti fɔ!› Anzanui ɠa gooɠaaʋote, é ɠɛ ma: ‹Ungo, é ɠɛ ɠana!›
4144	NUM 14:35	Nà, Ɠɔoɠɔ GALAGI, nà ɠa kpɔ̀ɛai. Ungo, zekana gè ʋaazu niima nuɓusɛ ɲɔiti sosu da, ti ɠiliai ʋa, ti wuzeɠe dàalɔɠɔma. Ta ɲɛɛlɛzu teʋebai tɛi su, ti za ná.»
4195	NUM 15:41	Nà ga Ɠɔoɠɔ GALAGI, wa-ƓALAGI, nii é wo ɠulaai Ezipete yooi ʋa, ga é ɠɛ ga wa-ƓALAGI. Ungo, nà ga Ɠɔoɠɔ GALAGI, wa-ƓALAGI.»
4381	NUM 22:5	É keelaiti teʋeni Ɓeyɔɔl ná-doun zunui Ɓalaame ma Petɔɔl, ziɛ wolai Ufelate ɠobaʋɛ, zooi naa ɠa é zɔlɔɔni su, é ɠɛ naa ma: «Wɛlɛ nuɓusɛiti kulaʋɛ Ezipete! Ti vazaga adaʋɛ pɛ, ti zeiɗa nà-zooi letemaʋɛ.
4463	NUM 24:16	nui nii é GALA gooiti mɛnisu, naa ná-keela wooi ɠaa, nii é Anii-Pɛ-Unda ná-faaɠwɛgiti feai zea, é Zɛbɛi-Pɛ-Maliɠii ná-kulakɛlɛmai ɠaazu, siɛgi zu é loozu la suɠili, gaazuzeɠe ma:
4901	DEU 1:7	À latina, wo li Amɔɔl nuiti ta-ɠize yooi zu, ta ná maaɠooliiti su, ʋɛ Kanaan nuiti ti zeini ná, Zuludɛn ma ʋɛtu nɛmɛi zu, ta gizeiti ma, naa ʋɛɛ ziɛlaʋɛ ma nɛmɛi zu ʋa, ta lɛkpɛmaʋɛ nu yeezazuʋɛ, ta Kpoloɗɛ Wolai ɠobaʋɛti, eyɛsu é zeeli Liɓan ɠizeiti ma, ta ziɛ wolai Ufelate ma.
5142	DEU 8:3	Ungo, é vaani bu, wo baladai ɠwɛɛ, ta pului, é wo laamianigi ve ga manegi, nii wo la ɠɛni kwɛɛ, wo-mɛmɛwolani ɓalaa ti la ɠɛni kwɛɛ. Naa maaʋele ma, é ɠɛni pɔ é wo ɠala ga nui la zɛnvui woga ga daamianigi nɔ, kɛlɛ kɛni ɓalaa ga wooiti pɛ maaʋele ti ɠulazu Ɠɔoɠɔ GALAGI la.
5159	DEU 8:20	Ungo, wo undaa ɠa ʋili, eɠɛʋelei Ɠɔoɠɔ GALAGI ziiti undaaʋilisu da wo luɠɔ, ni wo la woiloni Ɠɔoɠɔ GALAGI wooi ma, wa-ƓALAGI.
5234	DEU 11:24	Adaʋɛ kpein wo ɠɔɠɔlosu ná ma, miná ɠa ɠɛ ga wɔnɔ, wa-ɠwɛpelemaʋɛ ɠa zeeli Liɓan teʋebai ma, ta ziɛ wolai Ufelate, eyɛsu é zeeli folo liizu ʋele ɓoloɗɛi ma.
5587	DEU 26:19	Ungo, Ɠɔoɠɔ GALAGI wa-ƓALAGI ɠa pɔ wo yeeleʋe ziiti pɛ ba, é ti ɓɛtɛai, wo lɛbiyai zɔlɔɔ, wo-lɔɠɔi ɠula, wo-losuʋɛ wɔɔlɔ, wo ɠɛ ga nuɓusɛiti ti ɲadegai bɛ, eɠɛʋelei é boni la.
5621	DEU 28:8	Ɠɔoɠɔ GALAGI ɠa tuya loo wo ʋɛ, é molo ɠotaiti daave, wo ɓɔɠɔ zɔlɔɔ wo-yeavai pɛ su. Ungo, Ɠɔoɠɔ GALAGI wa-ƓALAGI ɠa tuya loo wo ʋɛ zooi naa zu, nii é feezu wo ʋɛ.
5748	DEU 31:18	Ungo, naama ziɛgi zu nà ʋoluave ti ʋa ɲɛgɛlɛin, faa ɲɔi kpein faa zu, nii ta kɛ, ta ɠaaʋotena gala kiligiti ma.
5768	DEU 32:8	Siɛgi zu nii é Anii-Pɛ-Unda, é zooi veeni la nuɓusɛiti bɛ, é nuɓusɛiti gaaɠwɛ, ti vaza zooi ɠa, é zooiti kwɛgi la, é zoloo GALA dointi tiegɔi ma.
5796	DEU 32:36	Ungo, Ɠɔoɠɔ GALAGI ɠa ná-nuɓusɛiti tukpɔɠaaleʋe ga telebodai, toɠa ná-botiɠɛ nuiti maawɔinɠa, siɛgi zu é kwɛɛsu la ga ti-zɛbɛi ɓega, nu la mɔ ti zaama a ɠɛ ga duɔ, ɓaa ɓɔɠɔyeema nu.
5815	DEU 33:3	Ungo, nuɓusɛiti nɛɛʋɛ è ʋɛ, ɗa makɛsu naati ma, niiti ti ga ɗɔnɔiti, ta ʋuuni è ɠɔɠɔwu, ti ɗa è-laawooi mɛni.
5829	DEU 33:17	Unfemai ɠa Zozɛfe ʋɛ! Suzeeliʋɛ eɠɛ nikɛ zinɛi. Minɛ felegɔi ɠa ba, eɠɛ wɔlɔwɔlɔ leɠui, naati ka a ɗa ziiti siɠa la, é ti laaʋili, é li ga tiye zou ɓela ga. Minɛi gilagi ɠa é ga Efelayime nuɓusɛ waawaagiti, zɔi ɠa é ga Manasee ná-nuɓusɛ mɔinmɔingiti.
5836	DEU 33:24	Asɛɛl letegi, é ɠɛni ma: Asɛɛl ɠa ga tuya nu, Zakɔɓe ná-doun zunuiti saama. Undaanɛ ɠɛ bɛ yɛ, kɛɛɠɛlointi saama, kɔɠɔi ɠa lɔ gulɔi wu.
5857	JOS 1:4	Wa-yooi ɠa zo teʋebai ma, eyɛsu é zeeli Liɓan ɠizeiti ma, ta ziɛ wolai Ufelate, Ɠɛte nuiti ta-yooi kpein ka ɠɛ su, é zei Kpoloɗɛ Wolai ʋa, folo liizu ʋelei.
6178	JOS 13:22	Ungaiziɛ nui Ɓalaame, Ɓeyɔɔl ná-doun zunui ɠɛni naati saama, niiti Izelayɛle nuiti ti ti ʋaani ga boɠa zɔkpɔi.
6353	JOS 19:30	é ɓɔ Uma ʋa, ta Afɛke, ta Leɠɔɓe. Taa wolai liegɔi ɠɛni ga puufelegɔ maazu felegɔ (22), ta ma laa goiti.
6480	JOS 24:2	Zozuwe ɠɛni nuɓusɛiti kpein ma: «Ɠɔoɠɔ GALAGI, Izelayɛle ná-GALAGI wooi ɠaa: ‹Suɠooza gola, wo-mɛmɛwolani, Teela ɓɔɔɓɔ, Aɓalaame ta Naɠɔɔlni ti-ɠɛɛ, naati ti zeini ziɛ wolai Ufelate ʋolu ʋele yooi zu, ti ɠɛni gala kiligiti dɛbizu.
6481	JOS 24:3	Gè wo-mɛmɛwola Aɓalaame zeɠeni ziɛ wolai Ufelate ʋolu ʋele yooi zu. Gè ziɛni la Kanaan yooi zu ná pɛ. Gè mavofodai mɔinni gola, gè Izaake ve zea ga doun zunui.
6492	JOS 24:14	Zozuwe ɠɛni ti ma: «Niizu, à lua Ɠɔoɠɔ GALAGI ʋa, wo dɛbi ga sɔledai ta wooɠɛɠiladai. À gala kiligiti kula ɓɔɠɔ zaama, niiti wo-mɛmɛwolani ti ɠɛni ti lɛbizu ziɛ wolai Ufelate ʋolu ʋelei ta Ezipete yooi zu. À Ɠɔoɠɔ GALAGI lɛbi.
6493	JOS 24:15	Ni é la nɛɛni wo ʋɛ ga wo Ɠɔoɠɔ GALAGI lɛbi, à yiimazeɠe za ga galagi naa, nii wa dɛbi, ɓaa naati niiti wo-mɛmɛwolani ti ti lɛbini ziɛ wolai Ufelate ʋolu ʋele yooi zu, ɓaa Amɔɔl nuiti ta-ɠalagiti, niiti wo zeini ta-yooi zu. Nà-o, nà-pɛlɛyeɠei-yo, gá Ɠɔoɠɔ GALAGI lɛbi.»
6505	JOS 24:27	Zozuwe ɠɛni nuɓusɛiti ma: «Wɛlɛ, kɔtui nii ɠa ɠɛɛzu ga zeelei ade laalɔɠɔma, mazɔlɔɔ wooi kpein Ɠɔoɠɔ GALAGI bogai ade ma, é naati pɛ mɛnigɛ. Ungo, toɠa ɠɛ ga zeelei wo laalɔɠɔma, ga wo mina ɠɛlɛ wa-ƓALAGI ʋa.»
7198	RUT 4:6	Zɔi unmɔɔ fai ma losuʋɛ ɠɛni zea, naa gooɠaaʋote, é ɠɛ ma: «Ni naa ʋe, gè ɠɛlɛa unmɔɔ tosuʋɛ ʋa, gè mina ʋa nà-poganii ɠoloɠolosu. Unmɔɔ fai ma losuʋɛ zeɠe ga ɗɔnɔ, mazɔlɔɔ gè la zooga gè ʋa unmɔɔ.»
7321	1SA 4:22	É wooɠulani, é ɠɛ ma: «Ungo, lɛbiyai ɠula Izelayɛle ʋa, mazɔlɔɔ Izelayɛle zili nuiti ti lia ga GALA ná-minazeɠe kesui.»
7400	1SA 9:7	Sayile ɠɛni ná-botiɠɛ nui ma: «Ungo, kɛlɛ leeni ɠa de liizu la zunui tɔna pɔ? Daamianigi ɓega da-ɓɔlɔiti su, vebɛani ɠili ge la de ya, nii da fe GALA goo wo nui ya. Leeni ɠa é de ya?»
7405	1SA 9:12	Anzalopoiti ti ti wooɠaaʋoteni, ti ɠɛ ma: «Ungo, paa ɠa feya wo luɠɔ, paaʋɛ za gá-laazuʋɛ, tɔɔzei taai kpein ka za zalaɠa ɠulazu, zalaɠa ɠula adaʋɛ ma. À li fala.
7467	1SA 12:5	Samiyɛle ɠɛni ti ma ʋolu: «Ɠɔoɠɔ GALAGI, ta wa-masagi, ta ga zeelei, ga wo la sɔ kaani bà, nii wa pèelala su.» Ti ɠɛni ma: «Ungo, zekana é la.»
7602	1SA 16:5	Samiyɛle ɠɛni ti ma: «Ungo, pàaʋɛ zalaɠa ɠulazu Ɠɔoɠɔ GALAGI ʋɛ. À ɓɔɠɔ ɲadena zalaɠa ɠula vai ma, wa ʋa niina pɔ̀ pelei.» Samiyɛle Izayi ta ná-dointi tolini ga ti ɓɔɠɔ ɲade, ti ʋa zalaɠa ɠulazuʋɛ.
7815	1SA 23:2	Davide Ɠɔoɠɔ GALAGI ɠaazaɠani, é ɠɛ ma: «Nà zoo nɛi gè li, gè kɔɔi ʋɛɛ Filiseti nui niiti ba?» Ɠɔoɠɔ GALAGI gooɠaaʋoteni, é ɠɛ ma: «Ungo, li, ɗa vɔnisu ti ma, è Keyila taai ɠula ti ya.»
7824	1SA 23:11	Keyila ɠundiɠiiti ta ʋaazu fèezu zea ɓaa? Tɔun ka ʋaazu ga ɠite, eɠɛʋelei gè mɛnigai da, nɛ̀i gè ga ɗa-wotiɠɛ nui? Ɠɔoɠɔ GALAGI, Izelayɛle ná-GALAGI, zoo è naa lɛ ga ze.» Ɠɔoɠɔ GALAGI gooɠaaʋoteni, é ɠɛ ma: «Ungo, toɠa ʋaazu.»
7925	1SA 26:17	Sayile Davide wooi ɠwɛɛni, é ɠɛ ma: «Dòun zunu Davide, è-wooi ɠa gè mɛnisu ɓaa?» Davide gooɠaaʋoteni, é ɠɛ ma: «Ungo, masagi màliɠii, gòoi ɠa è mɛnisu.»
8053	2SA 2:1	Naama vaiti poluma, Davide Ɠɔoɠɔ GALAGI ɠaazaɠani, ga ni toɠa zoo liizu, é zei Zuda laa wolai gila su. Ɠɔoɠɔ GALAGI gooɠaaʋoteni, é ɠɛ ma: «Ungo, ɗa zoo liizu.» Davide ɠɛ ma: «Taai ma ɓɛgele zu?» Ɠɔoɠɔ GALAGI ɠɛ ma: «Ɠeeɓelɔn.»
8072	2SA 2:20	Aɓenɛɛl ungi latini, é gaazaɠagi wo, é ɠɛ ma: «Azayɛle, ɗa ɠa è pòlu?» Azayɛle ɠɛ ma: «Ungo, nà ʋe.»
8163	2SA 6:3	Ti minazeɠe kesui ɠulani Aɓinadaɓe ná-pɛlɛi wu gize unmaʋɛ, ti da wotolo niinɛi zu. Aɓinadaɓe ná-doun zunuiti Uza ta Ayiyo ɠa ti ɠɛni loni wotoloi luɠɔ.
8166	2SA 6:6	Ti zeeliai ma Nakon ná-molo loɠazuʋɛ, nikɛiti ti ɓunɛni, ti ɠɛni ɠɛɛzu, ti GALA ná-minazeɠe kesui loo. Uza yeemaaleni, é so.
8167	2SA 6:7	Ɠɔoɠɔ GALAGI yiiɠaawanani Uza ma, é doɠa náʋɛ nɔ, tɔɔzei ná-faaɠaazagi ʋa. Uza zaani miná, GALA ná-minazeɠe kesui ɠobaʋɛ.
8168	2SA 6:8	Davide yiiɠaawanani, mazɔlɔɔ Ɠɔoɠɔ GALAGI nii ɠɛɠala loɠai woni ga Uza. Ná laasei ge ʋɛɛni ga Peelɛse-Uza (nii poluʋɛ ga «é ɠulaʋɛ Uza ma»), naama laaseigi ɠa dɛ é ba zaaɠaza.
8215	2SA 8:3	Naa ʋoluma Davide vɔnini Sɔɓa masagi Ɠadadeezɛɛl ma, Leɠɔɓe ná-doun zunui, siɛgi zu é ɠɛni liizu la ga ná-masadai zeiɗa ʋolu ziɛ wolai Ufelate maaʋɛ.
8259	2SA 10:16	Masagi Ɠadadeezɛɛl keela leʋeni, ga ti Siili nui zɔiti gaalɛ ba, niiti ti ziɛ wolai Ufelate ʋolu ʋelei. Ɠadadeezɛɛl ná-kɔɔɠuluɓai Sɔɓake loni ti luɠɔ, ti zeeli Ɠeelame.
8619	2SA 22:14	Ɠɔoɠɔ GALAGI ɠa zikɔzu geeɠɔlɔgi zu, GALA nii é Anii-Pɛ-Unda, naa wooi ɠa ɠulazu.
8641	2SA 22:36	Unmɔɔgi è bosu ga ze, naa ɠa é ga nà-kɔɔɠɔ zɛpɛgi, ɗa-ɓɔbaiti ta sɛ̀bɛlɔɔzu.
16538	PRO 3:13	Undaanɛɛ nu ɠa ga naama zunui, nii é ɠigi zɔlɔɔgai, zunui nii é ga kidafaawu nui!
16610	PRO 5:23	Undaa ɠa ʋili, tɔɔzei é la zooni ɓɔɠɔ zosu, ná-ɓoloɠai ɠa a ɗa paa.
16706	PRO 8:34	Undaanɛɛ nu ɠa ga naati, niiti ti woilosu gòo ma, niiti ti losu nà-pɛlɛlaʋɛ folo-o-folo, ti ɠaaɓaazu nà-pɛlɛlaʋɛ ma!
16717	PRO 9:9	Ungo, ɠima nui lɛnɛ, ta ɠa ɓɔ ná-ɠimalai ʋa. Telebo nui ɠala, ta ɠa ɓɔ ná-faaɠwɛgi ʋa.
16941	PRO 16:31	Undeɠa ɠolegiti ta ga lɛbiya wɔɔlɔgi, ta ɗa zɔlɔɔ sɔledai zu.
16974	PRO 18:3	Siɛgi zu nu ɲɔi ʋaazu la, wɔinzeɠemai ɠa ɗa ʋilɛ polu, ti ʋa. Unfegi ɠa ɗa ʋilɛ ɓaaɠulamai ʋolu.
17161	PRO 24:12	Mina ɠɛ ma: «Ee, gè la ɠɛa suɠwɛɛ!» GALA nii é fai pɛ kwɛɛ, nii é ɠɛɛzu è-yiimaʋɛ, naa la zɔɠɔzuɠwɛɛ ɓaa? Ungo, zɔi é è-yɛnvui makɛsu, naa kwɛɛ, toɠa ɛsɛ gilagilagi zala, eɠɛʋelei ná-kɛɛwotiiti ti la.
17280	PRO 28:14	Undaanɛɛ nu ɠa ga naama nui, nii yeenɔpɛ é luazu faa ɲɔi ɠɛɛ vai ʋa, kɛlɛ zɔi é ɠikpaazu, é ɗa faa ɲɔi ɠɛ, naa ɠa lɔ maanɔɠɔi zu.
17312	PRO 29:18	Siɛgi zu GALA ge la kulakɛlɛma wosu da, nuɓusɛiti ta ɗa eteai ziɛ faazupui zu. Undaanɛɛ nu ɠa ga naama nui, nii naazu, é ɠolozu GALA ná-tɔgi ʋɛ.
17322	PRO 30:1	Yakee ná-doun zunui Aguul ná-kpɔɛiti. Zunui nii ná-deve wooiti ti Itiyɛle ná-faa ma. Itiyɛle ná-faa ma, ta Ukale.
17364	PRO 31:10	Undaanɛɛ nu ɠa ga naa, nii a anzanu zɔɓelamai zɔlɔɔ, tosuʋɛ wɔɔlɔʋɛ kɔbu ani ʋagɔiti sɔngɔi ʋa.
22723	MIC 6:6	Leeni ɠa nà li gè lo da, Ɠɔoɠɔ GALAGI ɠaazu, siɛgi zu gè liizu nɔkɔsu da tɔun bu, GALAGI é Anii-Pɛ-Unda? Gala zalaɠaiti ka nà li ga tiye pɔ ɓaa, ti ga kona gila nikɛ yiʋoiti?
22753	MIC 7:20	Ungo, ɗa ɗa-wooɠɛɠiladai ɠula kɛlɛma Zakɔɓe mavofodaiti bɛ. È è-zaalai ɠula kɛlɛma Aɓalaame mavofodaiti bɛ, eɠɛʋelei è ma minazeɠegi woni da kaite wɔlɔwɔlɔi gi-mɛmɛwolani bɛ.
22937	HAG 2:13	Azee ti ɠaazaɠani mɔnɔ, é ɠɛ ti ma: «Ni nui ta a ɠɔzɔna, tɔɔzei é vɔɔɠuni nu ʋoomai ta ʋa, ni a vɔɔɠuna daamianigi tanɔpɛ ba, naa ɠa ɠɔzɔ niina ɓaa?» Zalaɠa ɠula nuiti ti gooɠaaʋoteni, ti ɠɛ ma: «Ungo, toɠa ɠɔzɔ.»
22996	ZEC 4:5	Geezuɠeelai é ɠɛni ɓɔɛzu pɔ̀, é gàazaɠani é ɠɛ mà: «È la naa ʋoluʋɛ ɠwɛɛ?» Gè ɠɛ ma: «Ungo Màliɠii, gè la poluɠwɛɛ.»
23004	ZEC 4:13	É ɠɛni mà: «È la ti ʋoluɠwɛɛ?» Gè ɠɛ ma: «Ungo Màliɠii, gè la ti ʋoluɠwɛɛni.»
23010	ZEC 5:5	Geezuɠeelai é ɠɛni ɓɔɛzu pɔ̀, é ɠɛni mà: «Ungi wuzeɠe è wɛlɛ naa ʋa, nii é ɠulazu munu.»
23090	ZEC 10:5	Ta ɠɛ eɠɛ kɔɔɠuluɓaiti, ta kɔɔi ɠɔ, ti ɗa koi yɔɠɔzu ʋalaʋalai ɠaayɔ ga ɠɔɠɔi, mazɔlɔɔ Ɠɔoɠɔ GALAGI ɠa ɠɛɛzu ti ʋa. Unfegi ɠa yei ga ti zili nuiti, ti sooiti kɔma.
23174	MAL 2:2	Ɠɔoɠɔ GALAGI Fai-Pɛ-Maliɠii ɠɛ ma: «Ni wo la woiloni, wo ʋa so ga ɠigi, wo ʋa dàaseigi lɛbi, nà wo voovoozu, gè wa-undaanɛɛiti maavalibo ga maanɔɠɔi. Ungo, nà wo-laa luyaiti maavalibo ga foovooi, tɔɔzei wo tanɔpɛ ge la seɠeni ga yii, é ʋa dɛ̀bi.
23204	MAL 3:15	Naa ɠa é ba, gi ɠida bu ga waso nuiti ka ti ga undaanɛɛ nuiti. Ungo! Nuiti ti faa ɲɔi ʋolu, naati ka ti kulagaanɛɛzui zu. Anɛɛ ni ta GALA suɠɔɠɔsu, faa nɔpɛ ge la ti ʋa, ta ɠulazu su.› »
27036	ACT 2:18	Ungo, naama voloiti su, nà nà-Zɛnvui yei nà-botiɠɛ zunuiti ta nà-botiɠɛ anzanuiti ma, ti ɗa GALA gooi wo.
27136	ACT 5:8	Piyɛlɛ gaazaɠani, é ɠɛ ma: «Gaamai wo mà, anɠɛ nɛi nuuma walii liegɔi ɠa, wo zooi ʋɔdiai la?» É naa wooɠaaʋoteni, é ɠɛ ma: «Ungo, naa ɠa pɔdiai la.»