3	GEN 1:3	GALA ge ɠɛni ma: «Wozakalagi ɠula.» Wozakalagi ma ge ɠula.
14	GEN 1:14	GALA ge ɠɛni ma: «Wozakalagiti ti ɠɛ geezuʋɛ geei ɠaaʋɛ, ti foloi ta kuai yeeɠaaɠwɛ. Naati ti ɠɛ ga poogiti, é lo siɛgiti ba, ta foloiti, ta konagiti,
29	GEN 1:29	GALA ge ɠɛni ma: «Wɛlɛ, tufai nii ma waai su a ɠɛ ga ma zuwui, zooi ɠa ná pɛ, gè naa vea wo ʋɛ, ta gului nii ma waai su a ɠɛ ga ma zuwui, naa ɠa ɠɛ ga wo-laamianigi.
60	GEN 3:4	Kaalii ɠɛni anzanui ma: «Wo la zaa ɲɛgɛlɛin!
94	GEN 4:14	Wɛlɛ, ɗa kpɛ̀ɛzu za tii ɠɛɛ yooi ma, gè maaɠooza, gè lɔɔɠu è ʋa. Nà ɠɛ ga pela nu, gè ɗa leʋeteʋe eteai zu. Ni nu a kàana, toɠa pàa.»
153	GEN 6:15	Wɛlɛ ʋelei ɗa kɛ la: keingi zakpai ɠa ɠɛ ga mɛtɛlɛ ungila puulɔɔlugɔ (150), kogi ɠɛ ga mɛtɛlɛ ʋuufelegɔ maazu lɔɔlugɔ (25), ta gaalɔgai ɠɛ ga mɛtɛlɛ puugɔ maazu lɔɔlugɔ (15).
163	GEN 7:3	Wɔniiti ɓalaa, ɗa ma zii ɠilagilagi zeɠe, ma zinɛ lɔfela, ta ma zaa lɔfela, naa ɠa a kɛ è ti-ma zuwui makɛ eteai zu ná pɛ.
213	GEN 9:7	Wɔun wa, à ɓuɠu, wo mɔin eteai zu.»
215	GEN 9:9	«Wɛlɛ, gè minazeɠea wo ʋɛ, wa wo-mavofodai,
263	GEN 10:28	Wɔɓale, Aɓimayɛle, Saɓa,
264	GEN 10:29	Wɔfiil, Ɠavila, ta Yɔɓaɓe. Niima nuiti pɛ ti ɠɛni ga Yɔketan mavofodaiti.
273	GEN 11:6	Ɠɔoɠɔ GALAGI ɠɛni ma: «Wɛlɛ, ta ga zii ɠilagi nɔ, woo ɠilagi nɔ ɠa é ti-la. Ni ta tɔɔzeina ɠani, ani nɔpɛ ge la mɔ pele ɓesaga ti luɠɔ naa ɠɛɛ vai zu, nii a ɠɛ ti ɠisu.
310	GEN 12:11	Siɛgi zu é ɠɛni ʋaazu maaɓuɠazu la Ezipete ʋa, é ɠɛni anzai Salayi ma: «Wɛlɛ, gè kwɛɛ ɗa ga anzanui nii pagai.
336	GEN 13:17	Wuzeɠena ʋɛ, è zooi zuɓizɛ, è ziɛ sakpai ta kogi ma, mazɔlɔɔ nà ʋaazu feezu è ʋɛ.»
340	GEN 14:3	Naati kpein ti ɠaalɛɛni ba Sidime nɛmɛ wolai zu, nii maaɓɔɔlegai za ga Kpoloɗɛ Wanai.
393	GEN 16:11	É ɠɛni ma mɔnɔ: «Wɛlɛ, ɗa doun zɔlɔɔsu, toɠa ɠɛ ga zunu loun. Ɗa daasei pɛɛ ga Isemayɛle, mazɔlɔɔ Ɠɔoɠɔ GALAGI è woomɛnini ɗa-ɠoozuʋiligi zu.
402	GEN 17:4	«Wɛlɛ, nà-minazeɠegi ɠaa, gè kɛɛzu è ʋɛ: ɗa ɠɛɛzu ga zii mɔinmɔingaa ti-ɠɛɛ.
409	GEN 17:11	Wa-latipɛlɛʋolui ɠa ɠɛ ga minazeɠegi ma ʋoogi ade yɔɠɔzu.
452	GEN 18:27	Aɓalaame kpɔɛi zeɠeni ʋolu, é ɠɛ ma: «Wɛlɛ, nà zoosu gè ɓɔɛ Màliɠii ʋɔ, nɛ̀i gè ga pɔlɔi nɔ, ta zuʋui.
456	GEN 18:31	Aɓalaame ɠɛni ma: «Wɛlɛ, nà zoosu gè ɓɔɛ Màliɠii ʋɔ. Tanisu telebo nu ʋuufelegɔ (20) ɠa é ná.» Ɠɔoɠɔ GALAGI ɠɛni ma: «Gè la taai zuɠoloɠologa nu ʋuufelegɔi (20) maaʋele ma.»
460	GEN 19:2	É ɠɛni ti ma: «Nà wo maanɛɛnɛzu, màliɠiiti, à ɠale ma, wo ɲi nà-pɛlɛi wu, nɛ̀i gè ga wa-wotiɠɛ nui. Wa zoo wo wo-ɠɔɠɔiti maagba ná, wo ɲi piin, sobui wo wuzeɠe, wo ɗa li wo-liizu ʋelei.» Ti ɠɛni ma: «Ɓa-o, gá ɲiizu koi zaamaʋɛ nɔ.»
473	GEN 19:15	Geelaalao siɛgi zu, geezuɠeelaiti ti ɠilini Lɔte ma, ti ɗa ɠɛ ma: «Wuzeɠe, è-anzai zeɠe ta è-loun anzanu felegɔiti niiti ti ʋɛ, naa ɠa a kɛ è undaa mina ʋili taai ná-undaaʋiligi zu.»
478	GEN 19:20	Wɛlɛ, taai tɛi tago maaɓuɠaʋɛ, ga gè ɓizɛ gè zeeli ná. Dɔiʋɛ, nà zoo gè ʋela, gè li ná, zɛ̀nvui ɠizo! Taai naa la lɔini ɓaa?»
479	GEN 19:21	Geezuɠeelai ɠɛni ma: «Wɛlɛ, gè vaa naa wu, ga gè kɛ è ʋɛ ga faaɓɔɠɔ, gè la taai tɔna koloɠologa, nii è ná-fai wosu.
492	GEN 19:34	Naa ʋolu zobui, nu ɠitei ɠɛni loungo gelei ma: «Wɛlɛ, dàaʋɛ kɛ̀ɛ ɠoba kpɔkɔ ná. De dɔɔi ʋu da mɔnɔ za kpɔkɔi, è li, è la koba, naa ɠa a kɛ de-ɠɛɛ mavofodai ɠɛ ná.»
499	GEN 20:3	Naazu, GALA ge ɠulani kɛlɛma segi zu Aɓimeelɛke ʋɛ kpidii, é ɠɛ ma: «Wɛlɛ, ɗa ʋaazu zaazu, tɔɔzei anzanui naa ná-faa zu, nii è seɠeai, mazɔlɔɔ zini ka bɛ.»
532	GEN 21:18	Wuzeɠe, è zunu loungoi zeɠe, è gaanɛɛnɛ. Mazɔlɔɔ nà zii wola ɓɛtɛzu ba.»
578	GEN 23:6	«Woilo gi-woo ma, màliɠii. GALA ge è ɠɛɛʋɛ ga nu wola gi zaama. È-anzai maaɠulu gá-ɠabayeɠeiti ma ʋagɔi zu. Gi tanɔpɛ ge la è ɠoma ga ná-kabayeɠe ve vaa è ya è-anzai maaɠulu vai zu.»
585	GEN 23:13	É Efelon wooɠaaʋoteni, nii a kɛ ti pɛ ti gooi mɛni, é ɠɛni ma: «Woilo dɛɛ gòoi ma, ɗa ɓalaagi. Va bu gè kpalagi zɔngɔi ve è ya. Yeezei bu bɛ̀, nà ànzai maaɠulu ná niina.»
691	GEN 25:32	Ezawu ɠɛni ma: «Wɛlɛ, nà ga ʋa zaazu ga pului, naama loun mɔun tosuʋɛ ɠa leeni ɠɛ bɛ̀?»
734	GEN 27:6	Eleɓɛka ɠɛni ná-doun zunui Zakɔɓe ma: «Wɛlɛ, gè è-ɠɛɛ woomɛnigɛ, é ɗa ɓɔɛ è-liɛ Ezawu ʋɔ, é ɠɛ ma:
736	GEN 27:8	Woilo dɛɛ gòoi ma, dòun zunu, nii gè bosu è ma, è naa nɔ ɠɛ.
741	GEN 27:13	Dee ɠɛni ma: «Dòun zunu, naama voovooi yɛ ga ze! Woilo nɔ gòoi ma, è li, è ʋa ga tiye pɔ̀.»
765	GEN 27:37	Izaake ɠɛni Ezawu ma: «Wɛlɛ, gè seiɗa ga è-maliɠii, gè kɛɛɠɛlointi kpein kɛa ga ná-botiɠɛ nuiti, gè moloi ta dɔɔi vea zea. Lee ɠa deɠɛmu nà zoo gè kɛ è ʋɛ, dòun zunu?»
770	GEN 27:42	Ti Eleɓɛka ná-doun zunu mɔungi Ezawu wooiti boni ma. É ná-doun zunui loungo gelei Zakɔɓe lolini, é ɠɛ ma: «Wɛlɛ, è-liɛ Ezawu ɠa ɠɛɛzu é potokulai ɠɛ, é è ʋaa.
771	GEN 27:43	Woilo gòoi ma niizu, dòun zunu! Wuzeɠe, è ʋela, è li dìɛ Laɓan ʋɔ bɛ Ɠalan yooi zu.
776	GEN 28:2	Wuzeɠena, è li Padan-Alame è-lee kɛɛɠɛ Ɓetuwɛle ʋɔ bɛ, è anza ɠaiziɛ è-ɠɛkɛ Laɓan ná-doun anzanuiti saama, è sei.
789	GEN 28:15	Wɛlɛ, nà ɓɔɠɔi nà è ʋa, nà è makɛ, ʋɛ kpein è liizu ná, nà ʋaazu ga ɗe ʋolu niima yooi zu, mazɔlɔɔ gè la ɠɛlɛa è ʋa ɲɛgɛlɛin, eyɛsu naa kpein daazeeli, nii gè boga è ma.»
801	GEN 29:5	É ɠɛni ti ma: «Wo Laɓan ɠwɛɛ nɛi ɓaa, nii é ga Naɠɔɔl ná-doun zunui?» Ti gooɠaaʋoteni, ti ɠɛ ma: «Uun, gi kwɛɛ.»
803	GEN 29:7	Zakɔɓe ɠɛni ma: «Wɛlɛ, foloi wɔɔlɔʋɛ dɛ, yeeɠɛɠala la ga nii, ga nu togani ɓulugiti gaalɛ ba. À ziɛi ve togani goiti zea, naa ʋolu, wo li ga tiye ga ti daami wo.»
880	GEN 31:6	Wa ɓɔɠɔgoi wo kwɛɛni ga gè botii ɠɛɛni wo-ɠɛɛ ʋɛ ga sùvikɛi kpein.
912	GEN 31:38	Wɛlɛ kona ʋuufelegɔ (20) ɠa gè kɛɛni è ʋɔ bɛ, ɗa-ʋaala saaiti ta ɗa-woli zaaiti ta ɠo ge la zeɠeni ma, gè la ɗa-logani ɓulugi ma ʋaala sinɛiti ta miini.
925	GEN 31:51	Laɓan ɠɛni Zakɔɓe ma: «Wɛlɛ kɔtu ziɠigi ʋa ta kɔtu ɠaalɔgai, niiti gè ti logai de yɔɠɔzu.
934	GEN 32:6	É devei nii veeni ti ya, é ɠɛ ti ma: «Wɛlɛ nii ɠa wa bo màliɠii Ezawu ma: ‹Pele ɠa ɗa-wotiɠɛ nui Zakɔɓe ɓɔɛzu la: Gè zeini Laɓan ʋɔ bɛ, zɛ̀gɛ ná eyɛsu niizu zeeli.
948	GEN 32:20	ɗa gooɠaaʋote ga: ‹Ɗa-wotiɠɛ nui Zakɔɓe nɔnɔi ʋe, é teʋegɛ màliɠii Ezawu ma ga sabai. Wɛlɛ tɔ ɓɔɠɔgoi ʋa, é ʋaazu gi ʋolu ʋelei.› »
950	GEN 32:22	Wa ɠɛɛzu ma ɓalaa: ‹Wɛlɛ, ɗa-wotiɠɛ nui Zakɔɓe ʋa, é ʋaazu gi ʋolu ʋelei.› » Mazɔlɔɔ é ɠɛni ɠɛɛzu ma: «Nà ziilɛizu ga ɓɔɠɔ maazoloo ganii, nii é liizu tùɠɔ, naa ʋolu nà gaazuʋɛ ʋɛtɛ niina, tanisu toɠa yeezei bù ga pagɔ.»
989	GEN 34:8	Ɠamɔɔl ɓɔɛni ti ʋɔ, é ɠɛ ti ma: «Wo-loun anzanui wola nɛɛʋɛ dòun zunui Sikɛme ʋɛ, nà wo maanɛɛnɛzu ga wo fe bɛ niina ga anza.
991	GEN 34:10	Wa zei gi zaama, zooi laa ɠa lao wo luɠɔ ga wo zei ná, wo wa-wotii ɠɛ su, wo ná tanigaa ɠeya ɓɔɠɔ ʋɛ.»
1011	GEN 34:30	Zakɔɓe ɠɛni naazu Simiyɔn ta Leevi ma: «Wa kpɔ̀lɔzu, wo màayoseɠe zooi zu nuɓusɛiti bɛ, niiti ti ga Kanaan nuiti, ta Feeleeze nuiti. Nuɓusɛ go nɔ ɠa é zèa, ta ʋaazu ɠaalɛɛzu ba dàalɔɠɔma, ti kɔɔi ʋɛɛ bà, ti kòloɠolo, nà-o, nà-pɛlɛyeɠei-yo.»
1013	GEN 35:1	GALA ge ɠɛni Zakɔɓe ma: «Wuzeɠe, è lɛ Ɓeetɛle, è zei ná. Ɗa zalaɠa ɠulazuʋɛ ta ɓɛtɛ ná GALAGI ʋɛ, nii é ɠulani è ʋɛ kɛlɛma, siɛgi zu è ɠɛni ʋelazu la è-liɛ Ezawu ʋa.»
1030	GEN 35:18	Kɛlɛ zii loozuʋɛ, é ʋa za, é daasei pɛɛni ga Ɓɛne-Wɔni (nii poluʋɛ ga «màanɔɠɔ loun zunui»), kɛlɛ kɛɛɠɛ daasei pɛɛni ga Ɓɛnzamɛn (nii poluʋɛ ga «zeezazu loun zunui»).
1043	GEN 36:2	Ezawu anzanu saʋagɔ zeɠeni, é sei, Kanaan anzanu lointi saama: Ada, Elon Ɠɛte nui ná-doun anzanui, Wɔɠɔliɓama, Ana ná-doun anzanui, Siɓeyon Ɠeeve nui ná-dounloin,
1046	GEN 36:5	Wɔɠɔliɓama Yeyuse zɔlɔɔ, ta Yalame, ta Kɔla. Ezawu ná-doun zunuiti kana, é ti zɔlɔɔni Kanaan yooi zu.
1052	GEN 36:11	Elifaze ná-doun zunuiti ti ɠɛni ga: Teeman, Wɔmaal, Sefo, Gayetame, ta Kenaze.
1055	GEN 36:14	Ezawu anzai Wɔɠɔliɓama, é ga Ana ná-doun anzanui, Siɓeyon ná-dounloin, naa ɠa é Yeyuse zɔlɔɔni bɛ, ta Yalame, ta Kɔla.
1056	GEN 36:15	Bolodama ɠundiɠiiti kaa, ti ɠulani Ezawu ná-doun zunuiti saama. Ezawu ná-doun mɔungi Elifaze, ná-doun zunuiti ti ɠɛni ga: kundiɠii Teeman, kundiɠii Wɔmaal, kundiɠii Sefo, kundiɠii Kenaze,
1059	GEN 36:18	Ezawu anzai Wɔɠɔliɓama ná-doun zunuiti ti ɠɛni ga: kundiɠii Yeyuse, kundiɠii Yalame, ta kundiɠii Kɔla. Ana ná-doun anzanui Wɔɠɔliɓama, Ezawu anzai nɔnɔ ma wolodama ɠundiɠiiti kana.
1064	GEN 36:23	Sɔɓale mavofodaiti ti ɠɛni ga: Alevan, Manaɠate, Eɓale, Sefo ta Wɔname.
1066	GEN 36:25	Ana ná-dointi ti ɠɛni ga: ná-doun zunui Dison ta ná-doun anzanui Wɔɠɔliɓama.
1082	GEN 36:41	Wɔɠɔliɓama, Ela, Pinon,
1116	GEN 37:32	Ti ná-seɠe ʋɔnɛgi leʋeni ti-ɠɛɛ ma, ti ɠɛ ma: «Wɛlɛ nii ɠa gi kaai! Pɛtɛ, ni è-loun zunui ná-seɠei laade.»
1124	GEN 38:4	É kogi zeɠeni mɔnɔ, é doun zunu zɔlɔɔ, é daasei pɛɛ ga Wɔnan.
1128	GEN 38:8	Zuda ɠɛni naazu Wɔnan ma: «Li, è ʋilɛ è-liɛ anzai ʋolu, è-nimɔɠɔi ʋe, sei, è pɔnɔ to è-liɛ ʋa.»
1129	GEN 38:9	Kɛlɛ Wɔnan kwɛɛni ga naama lointi ti la ɠɛɛzu ga tɔun nɔnɔ. Naa ɠa é ba, a la ɠɛna ɓɛdɛa diɛ anzai ma, é ɠɛni gaaɓelazu ga é ma ɗɛi ʋu zooi ma, nii a kɛ é mina mavofoda zɔlɔɔ diɛ ʋɛ.
1133	GEN 38:13	Ti ɠɛni Tamaal ma: «Wɛlɛ, è-ɠɛɛmɔɔin ɠa lɛɛzu Timena, ná-baalagiti maaleɠa leʋezuʋɛ.»
1143	GEN 38:23	Zuda ɠɛni ma naazu: «É makɛ naa ʋa, nii é zea, de mina ɓɔɠɔ lɔ ɲɛɛɠulasu zu. Wɛlɛ, nɔ̀un gè boli yiʋoi nii leʋega pɔ, kɛlɛ è la kaani.»
1169	GEN 39:19	Kpegai ma ga anzai ɓɔɛ wooiti mɛni, é ɗa ɠɛ ma: «Wɛlɛna, naa ɠa ɗa-luɔi kɛa,» Zozɛfe maliɠii wola yiiɠaawanani.
1237	GEN 41:41	Falaɠɔn ɠɛni Zozɛfe ma: «Wɛlɛ, gè è zeiɗa Ezipete yooi kpein unda, devei ɠa ɗa nɔ è ya.»
1241	GEN 41:45	Falaɠɔn Zozɛfe laasei pɛɛni ga Safenate-Payeneya. É Azenate zeɠeni, é fe zea ga anza, galagi daa ga Won, naa ná-zalaɠa ɠula nui Pɔtifeela ná-doun anzanui. Zozɛfe liini, é leʋeteʋe, é wɛlɛ Ezipete yooi ná kpein su.
1246	GEN 41:50	Pulu ɠona mɔunpagi yeeluɠɔ, Won ná-zalaɠa ɠula nui Pɔtifeela ná-doun anzanui Azenate zunu loun felegɔ zɔlɔɔni Zozɛfe ʋɛ.
1262	GEN 42:9	Zozɛfe ɠigi looni segiti su, é boni, é ʋilɛ ti ʋa. É ɠɛni ti ma: «Wa ga nɛnɛgiti! Wo ʋaaʋɛ ga wo zooi ná-zobotalazuʋɛti sumɔ.»
1268	GEN 42:15	Wɛlɛ, ʋelegi gè ʋaazu wo ʋoluɠulazu la. Nà ɠonazu Falaɠɔn ma, nii é vulua, wo la ɠulazuʋɛ ɲɛgɛlɛin, ni wo-leɠei la ʋaani ʋɛ.
1269	GEN 42:16	Wo zaama, à gila teʋe, é li, é ʋa ga wo-leɠei. Wa ma, wo yɛ kasoi ɠa eyɛsu wo ɓɔɛ wooiti poluɠula, nà kwɛɛ ni gaamai ɠa wo bosu. Ni naa laade, gè ɠonaa Falaɠɔn ma, nii é vulua, wa ga nɛnɛgiti.»
1289	GEN 42:36	Ti-ɠɛɛ Zakɔɓe ɠɛni ti ma: «Wa bàlasu dòinti ma! Zozɛfe la mɔ ná, Simiyɔn la mɔ ná mɔnɔ, wa ga Ɓɛnzamɛn zeɠe mɔnɔ, wo lii la! Nà nɔ ɠa naa kpein ge yɛsu ga ze.»
1291	GEN 42:38	Zakɔɓe ɠɛni ma: «Ɓa-o! Wo la lia ʋɔɔma pɛ wa dòun zunui, mazɔlɔɔ diɛ zunui zaa, tɔ ɠila kpe nɔ ɠa é zèa niina. Ni faa ɲɔu a maazɔlɔɔna siɛi zu, wo la ʋaazu bosu, wa nɔ̀undeɠa ɠolegiti zeizu gɔvɛalaazu soolɛi zu.»
1294	GEN 43:3	Zuda gooɠaaʋoteni, é ɠɛ ma: «Zunui naa boni, é maaɓakpa, ga: ‹Wo la mɔ ɠaazulaa gàazuʋɛ ma, kɛni wo-leɠei a yɛ ná wo ʋolu, wo ʋa.›
1296	GEN 43:5	Kɛlɛ ni è la pɔ, è ʋa teʋe, gi la kɛa, gi ʋa yei pɛ, mazɔlɔɔ zunui naa ɠɛɛʋɛ gi ma: ‹Wo la mɔ ɠaazulaa gàazuʋɛ ma, kɛni wo-leɠei a yɛ ná wo ʋolu, wo ʋa.› »
1298	GEN 43:7	Ti gooɠaaʋoteni, ti ɠɛ ma: «Zunui naa gi ɠaazaɠagɛ ga fɛɠɛlɛfɛɠɛlɛgi gá-vaiti ma, ta gá-ʋɛlɛyeɠe vaiti, é ɠɛ ma: ‹Wo-ɠɛɛ ɠa dɛ vulua ɓaa? Kɛɛɠɛloun ɠili ka wo ʋɛ?› Gá ma, gi gooɠaaʋotegi veeni naati pɛ su, gá la zoo ɠale gi kwɛɛ ga toɠa ɠɛ gi ma: ‹À li, wo ʋa ga wo-leɠe zunui?› »
1309	GEN 43:18	Ti luani siɛgi zu ti liini ga tiye la Zozɛfe ná-pɛlɛi wu, ti ɠɛni ma: «Walii vaa ʋe, é ɠɛni ada-ɓɔlɔiti su zɔizu. Naa ɠa ti liizu ga adeye ma, ti vala ade ʋa ga maaɓaai, ti de ɠɛ ga duɔiti, ti da-zoovalegiti seɠe.»
1314	GEN 43:23	Naavolo unda nui ti wooɠaaʋoteni, é ɠɛ ma: «À yiilɛi, wo mina lua! Wa-ƓALAGI ʋe, wo-ɠɛɛ ná-GALAGI, nii é naavoloi laani wa-ɓɔlɔiti su. Wa-walii zeelini zèa.» Naa ʋolu é yeeɓeni Simiyɔn ʋa, é lii la ti ʋɔ.
1318	GEN 43:27	É ti ɠaazaɠani ʋelei ti ɠɛʋelei la, é ɠɛ ti ma: «Wo-ɠɛɛ ma ʋɔlɔzaɠagi, nii wo ná-fai woni, kɛdɛgɛ? Toɠa dɛ vulua?»
1320	GEN 43:29	Zozɛfe wɛlɛni, é Ɓɛnzamɛn ɠa, nii é ɠɛni ga deɠei, dee ná-doun zunui. É gaazaɠagi woni, é ɠɛ ma: «Wo-leɠe zunu ɠaaɓelagi ɠaa, nii wo ná-fai woni mà?» É ɠɛni naa ma: «GALA ge è ɠaazumaawɔinɠa, dòun zunu!»
1329	GEN 44:4	Ti ɠulaai ma taai ʋa, ti maa la ɠɛni dɛ ɠoozani, Zozɛfe ɠɛni ná-naavolo unda nui ma: «Wuzeɠe, li, è ʋilɛ nui niiti polu. Siɛgi zu è ti ɠɔɠɔzu mɛɛnsu da, ɗa ɠɛ ti ma: ‹Lee vaa zu wo faa ʋagɔi zuloozu ga faa ɲɔi?
1333	GEN 44:8	Walii gi kaani gá-ɓɔlɔiti daaʋɛ, gi ʋaaʋɛ ga naa ʋolu è ʋɔ, gi zeɠe la Kanaan yooi zu. Lee vaa zu gá li mɔnɔ walii ɓaa mu zanu unmazu è-maliɠii ná-pɛlɛi wu.
1340	GEN 44:15	Zozɛfe ɠɛni ti ma: «Leeni vaa ɠa wo kɛai ga nii? Wo la kwɛɛni ɓaa, ga zunui eɠɛʋelei gè la, gè ungaiziɛi wo, é lo ʋelela ʋele vaiti ba?»
1352	GEN 44:27	Ɗa-wotiɠɛ nui gi-ɠɛɛ ɠɛni gi ma: ‹Wo kwɛɛni ga ànzai Lasɛle doun zunu felegɔ zɔlɔɔni bɛ̀.
1354	GEN 44:29	Wa niima gelei zeɠena mɔnɔ, wo lii la, wo maaɠooza la bà, faa ɲɔu a ɠɛɛna la, wa nɔ̀undeɠa ɠolegi yeizu gɔvɛalaazu soolɛi zu.›
1368	GEN 45:9	«À ɠale ma fala, wo li kɛ̀ɛ ɠoba. Wa ɠɛ ma: ‹È-loun zunui Zozɛfe ɠa é niima wooi laazeelizu è ma: ‹GALA ge sèiɗa ga Ezipete yooi kpein maliɠii. Suvilɛ, è ʋa pɔ̀ bɛ!
1371	GEN 45:12	«Wa ɓɔɠɔi wo kaa ga ɠaazuʋɛ, dèɠei Ɓɛnzamɛn ɓalaa kaa ga ɠaazuʋɛ, ga nà ɓɔɠɔgoi ɠa gè ɓɔɛzu wo ʋɔ.
1377	GEN 45:18	wo wo-ɠɛɛ zeɠe ta wa-ʋɛlɛyeɠe wu nuɓusɛiti, naa ʋolu wo ɠale ma, wo ʋa pɔ̀ bɛ. Nà zooi ʋasuʋɛti fe wo ya Ezipete yooi zu. Wa zooi ná-kulanuma ʋagɔiti sɔlɔɔ, wo mi.›
1378	GEN 45:19	Ɗa devei nii ve ti ya, è ɠɛ ti ma: ‹À wotoloiti seɠe Ezipete yooi zu, wo-lointi bɛ ta wo-anzaiti. Wa wo-ɠɛɛ ɓalaa seɠe, wo ʋa.
1379	GEN 45:20	Wo-yii mina ɠoloɠolo wo-ɠɔligiti faa zu, mazɔlɔɔ anii ʋagɔiti ti Ezipete yooi zu, naati ta ɠɛ ga wɔnɔ.› »
1397	GEN 46:10	Simiyɔn ná-doun zunuiti ti ɠɛni ga: Yemuwɛle, Yamin, Wɔɠade, Yakin, Sɔɠaal, ta Sayile, nii é ga Kanaan anzanui ná-doun zunui.
1399	GEN 46:12	Zuda ná-doun zunuiti ti ɠɛni ga: Ɛɛl, Wɔnan, Seela, Peelɛse, ta Zeela. Kɛlɛ Ɛɛl ta Wɔnanni ti zaani Kanaan yooi zu. Peelɛse nɔnɔ ma loun zunuiti ti ɠɛni ga: Ɠɛselon ta Ɠamule.
1407	GEN 46:20	Won ná-zalaɠa ɠula nui Pɔtifeela ná-doun anzanui Azenate doun felegɔ zɔlɔɔni Zozɛfe ʋɛ Ezipete yooi zu: Manasee ta Efelayime.