54	GEN 2:23	Zunui ɠɛni ma: «Niizu nii ɠa é ga kaei, nii é ga mà ɠaei, kpusɛi nii é ga kpùsɛi. Daaseigi ɠa ʋɛɛ ga anzanui, mazɔlɔɔ kulaʋɛ zunui zu.»
66	GEN 3:10	É gooɠaaʋoteni, é ɠɛ ma: «Gè è-lugi mɛnigɛ kpelei zu. Dùaʋɛ, mazɔlɔɔ kàbei ʋe, naa ɠa é kɛa gè lɔɔɠua.»
477	GEN 19:19	Nɛ̀i gè ga ɗa-wotiɠɛ nui, gè zaalai zɔlɔɔgɛ è ɠaazu, è ɠɛɛʋɛ ga nu ʋagɔ wola bɛ̀, è zɛ̀nvui ɠizo fai zu. Gè la zooga gè ʋa ʋela, gè ʋa lɛ gizei ma, nà ɠɛ gè za, ùndaaʋili.
599	GEN 24:7	Ɠɔoɠɔ GALAGI, é ga geeɠɔlɔgi ma ƓALAGI, nii é kùla kɛ̀ɛ ʋɛlɛi wu, ta kɛ̀ɛ ná-zooi ʋa, nii é ɓɔɛni pɔ̀, é ɠonani bɛ̀, ga toɠa zooi nii ve màvofodai ya, tɔ ɓɔɠɔi ɠa ná-geezuɠeelai leʋe è luɠɔ, è anzai zeɠe ná dòun zunui ʋɛ.
640	GEN 24:48	Naa ʋoluma, gè maaʋɛɛʋɛ, gè nɔkɔ Ɠɔoɠɔ GALAGI wu, gè Ɠɔoɠɔ GALAGI mama, nii é ga màliɠii Aɓalaame ná-GALAGI, nii é loga tùɠɔ wooɠɛɠiladai zu, naa ɠa a kɛ gè màliɠii kɛɛɠɛloin ná-dounloin zeɠe ná-doun zunui ʋɛ.
880	GEN 31:6	Wa ɓɔɠɔgoi wo kwɛɛni ga gè botii ɠɛɛni wo-ɠɛɛ ʋɛ ga sùvikɛi kpein.
905	GEN 31:31	Zakɔɓe Laɓan wooɠaaʋoteni, é ɠɛ ma: «Dualuagi ɠa é ɠɛni sù, gè ɗa ɠisiɛ ga tanisu ɗa ʋaazu è-loun anzanuiti kulazu zèa ga zeeɠaaɓaai!
941	GEN 32:13	Nà è maanɛɛnɛzu, kìzo, è kùla dìɛ Ezawu ya. Mazɔlɔɔ nà luazu ga é mina ʋa, é ʋa pàa, gá doun deeiti ta dointi.
946	GEN 32:18	É ti ɠalivaani ná-botiɠɛ nuiti ma, togani ɓulugi yeeɠaaɠwɛa ɠɛni de su kpɛkpɛ. É ɠɛni ná-botiɠɛ nuiti ma: «À leʋe tùɠɔ, wo zɔɠɔzu ɠɛ togani ɓulugi ɠilagilagi ʋa.»
950	GEN 32:22	Wa ɠɛɛzu ma ɓalaa: ‹Wɛlɛ, ɗa-wotiɠɛ nui Zakɔɓe ʋa, é ʋaazu gi ʋolu ʋelei.› » Mazɔlɔɔ é ɠɛni ɠɛɛzu ma: «Nà ziilɛizu ga ɓɔɠɔ maazoloo ganii, nii é liizu tùɠɔ, naa ʋolu nà gaazuʋɛ ʋɛtɛ niina, tanisu toɠa yeezei bù ga pagɔ.»
971	GEN 33:10	Zakɔɓe gooɠaaʋoteni, é ɠɛ ma: «Ɓa-o, nà è maanɛɛnɛzu, ni gè zaalai zɔlɔɔgɛ è ɠaazu, nà-soloo ganii zo. Mazɔlɔɔ gwɛ̀lɛʋɛ è-ɠaazuʋɛ ʋa, eɠɛʋelei nu a wɛlɛ la GALA gaazuʋɛ ʋa, tama è yeezeiʋɛ bù ga pagɔ.
1093	GEN 37:9	É segi taɠili boni mɔnɔ, nii é suɠulani diɛni ma. É ɠɛni ti ma: «Gè segi ta wogɛ mɔnɔ. Gè foloi ɠaani, ta alugi, ta somideɠa puugɔ maazu ɠilagiti (11), ti ʋaani, ti nɔkɔ bù kàkalaʋɛ.»
1187	GEN 40:14	Kɛlɛ nà è maanɛɛnɛzu, ɠizɛ sù, siɛgi zu è undaanɛɛzu la, nuɓɔɠɔla ɠɛ bɛ̀, è nà-faa ʋagɔ wo Falaɠɔn ma, nii a kɛ é kùla niima ɠasoi ɠa.
1188	GEN 40:15	Mazɔlɔɔ ti kùlaʋɛ Eɓulu nuiti ta-yooi zu ga zeeɠaaɓaai, ʋɛ ɓalaagi gè la faa ɲɔu nɔpɛ kɛɛni, nii nà ʋili kasoɠa ma vaa zu.»
1189	GEN 40:16	Siɛgi zu daaɠoli wotiɠɛ nuiti ta-ɠundiɠii kaani la ga Zozɛfe segi ʋolu ʋagɔ wogɛ, é ɠɛni ma: «Nà ɓalaa gè segi ta wogɛ, ɓulu ɓɔlɔ saʋagɔ ɠɛni zeini ùnma.
1190	GEN 40:17	Kpɔlɔgi nii gaaɠoozaa ɠɛni de, daamianigi ma zii kpein ge ɠɛni su Falaɠɔn ʋɛ, kɛlɛ wɔniiti ti ɠɛni miizu kpɔlɔgi zu, é zeini ùnma.»
1451	GEN 47:30	Siɛgi zu gè liizu la mɛ̀mɛwolani pɔ, ti zaai, ɗa kùla Ezipete yooi ʋa, è li ga ze, è màaɠulu ta-ɠabayeɠei zu.» Zozɛfe gooɠaaʋoteni, é ɠɛ ma: «Nà kɛ ɠana, eɠɛʋelei è bogai la.»
1467	GEN 48:15	É tuya looni Zozɛfe ʋɛ, é ɠɛ ma: «GALAGI niigi kɛ̀ɛ Aɓalaame ta kɛ̀ɛ Izaake ti ziɛni gaazu, GALAGI nii togai tùɠɔ sìi ma voloi pɛ su eyɛsu za,
1477	GEN 49:3	Luɓɛn, ɗa ɠa è ga dòun mɔungi, nà-zɛbɛi ta sùvikɛi ma mɔungiti, è-losuʋɛ wɔɔlɔai ti pɛ ba, è-zɛbɛi wɔɔlɔai ti pɛ ba.
1592	EXO 3:12	GALA ge ɠɛni ma: «Nà ɠɛ è ʋa, wɛlɛ nii é ɠɛɛzu ga poogi ga nà ɠa gè è leʋesu: Siɛgi zu ɗa nuɓusɛiti kulana la Ezipete yooi ʋa, wa nɔkɔ bù gizei nii ma.»
1815	EXO 11:8	Naazu, ɗa-wotiɠɛ nuiti kpein ta ʋa, ti nɔkɔ bù, ti ɠɛ ma: ‹Ɠula ʋɛ ʋa, wa nuɓusɛiti pɛ, niiti ti è ʋolu!› Naa ʋoluma nà ɠula, gè li.» Moize ɠulani Falaɠɔn ʋɔ bɛ ga ziiɠaawana wolai.
1923	EXO 15:2	Ɠɔoɠɔ GALAGI ɠa ga sùvikɛi ta nà-maamusɛ wuyeiti ma ungi, toɠa é ga nà-kizogi. Toɠa ga nà-GALAGI, nà bɔɔlɔ. Toɠa ga kɛ̀ɛ ná-GALAGI, nà maamusɛzu.
2004	EXO 18:4	Zɔi laaseigi ɠɛni ga Eliyezɛɛl (nii poluʋɛ ga «nà-GALAGI ɓɔgɛ bà»), mazɔlɔɔ é ɠɛni ma: «Kɛ̀ɛ ná-GALAGI ɓɔgɛ bà, é ùnmɔɔ, é kùla Falaɠɔn ná-boɠa zɔkpɔi ya.»
3427	LEV 23:24	«Ɓɔɛ Izelayɛle nuiti pɔ, è ɠɛ ti ma: Alugi lɔfelasiɛi ma volo mɔungi ma, toɠa ɠɛ ga dooɠo folo wola wo ʋɛ, wo ɠitoo sù, wa puʋugiti fɛ, wo gaalɛba ɲadegai wo.
4131	NUM 14:22	Nui niiti ti nà-lɛbiyai ɠaani, ta poo golaiti gè ti ɠɛɛni Ezipete yooi zu, ta teʋebai zu, ti sùɠɔɠɔ daa ɠɛa puu, ti la ɠoloni bɛ̀,
4405	NUM 22:29	Ɓalaame gooɠaaʋoteni, é ɠɛ ma: «Mazɔlɔɔ è ɲɛɛɠulaʋɛ sù. Ee, ni boɠa zɔkpɔ ɠɛni zèa, gè ɠɛa è ʋaazu ɠani nɔ!»
4410	NUM 22:34	Ɓalaame ɠɛni Ɠɔoɠɔ GALAGI ná-geezuɠeelai ma: «Gè gaazaʋɛ, mazɔlɔɔ gè la ɠɛa kwɛɛ ga ɗa loni tùɠɔ pelei zu. Ni siɛi nii wanaʋɛ è ma, gè ɠale ma.»
6200	JOS 14:11	Sùlogɛ dɛ, eɠɛ naama voloi nɔ, yeei Moize tèʋeni da siɛi ma, zɛbɛi ɠa dɛ bà kɔɔɠɔ vaa zu, eɠɛʋelei é ɠɛni bà la naama ziɛgi zu, nà zoo dɛ gè ɗa li, gè ɗa ʋa.
6838	JDG 11:7	Zɛfetee Galaade ɠɛwolaiti gooɠaaʋoteni, é ɠɛ ti ma: «Wo la ɠɛni wɔ̀inzeɠeni ɓaa, wo ʋa kpɛ̀, wo kùla kɛ̀ɛ ná-pɛlɛyeɠei ʋa? Lee vaa zu wo ʋaazu pɔ̀ niina, tɛi wo kidaaʋiligi zu ɓaa?»
6873	JDG 12:2	Zɛfetee ti wooɠaaʋoteni, é ɠɛ ti ma: «Kpɔɛ wola ɠa é ɠɛa loni gi ʋa gá nà-nuɓusɛiti, é lo gi yɔɠɔzuʋɛ ʋa gá Amɔn nuiti. Siɛgi zu gè wo lolini la, ga wo ʋa wo ɓɔ bà, wo la ʋaani wo ʋa ɓɔ bà, wo ʋa kùla ti ya.
6902	JDG 13:16	Ɠɔoɠɔ GALAGI ná-geezuɠeelai gooɠaaʋoteni, é ɠɛ ma: «Anɛɛ ni ɗa sùzosu, gè la ɗa-laamianigi ta mia, kɛlɛ ni ɗa pɔ è gala zalaɠai ɠula Ɠɔoɠɔ GALAGI ʋɛ, naa ɠɛ!» Manoa la ɠɛni kwɛɛ ga Ɠɔoɠɔ GALAGI ná-geezuɠeelai ʋe.
6977	JDG 16:26	Samesɔn ɠɛni zunu loungoi ma, nii é ɠɛni sosu zee ʋa: «Lo tùɠɔ, è zèe ʋɛɛ kpɛdɛgiti ba, niiti pɛlɛi zeini ti ɠa, gè yeeve ti ʋɛ.»
6979	JDG 16:28	Samesɔn wooɠulani Ɠɔoɠɔ GALAGI ma, é ɠɛ ma: «Màliɠii, Ɠɔoɠɔ GALAGI! Nà è maanɛɛnɛzu, ɠizɛ sù, ee, GALA, zɛbɛi ve bɛ̀, niizu, naa ɠɛ ɠila kpe nɔ, gè gàazuɠɛzɛ felegɔi vaa ʋotokula Filiseti nuiti ma!»
7044	JDG 19:18	É gooɠaaʋoteni, é ɠɛ ma: «Gá zeɠezu Ɓɛteleyɛme Zuda yooi zu, gá liizu Efelayime ɠize yooi ɠaaɓelazuʋɛ, miná ɠa gè zɔlɔɔni ná. Pàaʋɛ, gè zeɠe Ɓɛteleyɛme Zuda yooi zu, nà liizu Ɠɔoɠɔ GALAGI ná-pɛlɛi wu, kɛlɛ nu nɔpɛ ge la ná, nii é yeezeizu bù.
7412	1SA 9:19	Samiyɛle gooɠaaʋoteni, é ɠɛ ma: «Nà ɠa gè ga wozaɠaa nui, lo tùɠɔ, de li zalaɠa ɠula adaʋɛ. Ada laamiizu ʋɔɔma za, lina sobu, nà ɓena ga ɗa-ɠidaaʋili faiti kpein suɠula è ma, nà ɓe niina è ʋa, è ɗa li.
7428	1SA 10:8	«Naa pɛ poluma ɗa tosu da tùɠɔ, è li Gilegale, nà ʋaazu, gè è ɠa ná, gala zalaɠaiti kula vai ma, ta ziilɛi zalaɠaiti. Ɗa màaɓɔunsu ná folo lɔfela laawu, eyɛsu gè ʋa, gè naa lɛ ga ɗe, nii maanɛai ga è kɛ.»
7655	1SA 17:35	gè ɓena ʋilɛ polu, gè toganii naa ɠula daaʋɛ. Ni zalai ɓaa filɛ zuai a la ɠalena ma, é laalɛ bù, gè ɓena so kɔma leɠai ʋa, gè yɛ doɠazu, gè paa.
7657	1SA 17:37	Ɠɔoɠɔ GALAGI nii é kùla zalai ta filɛ zuai zaingiti zea, naa ɠa zoo é kùla Filiseti nui tɛi zea.» Sayile ɠɛni Davide ma: «Liina, Ɠɔoɠɔ GALAGI yɛ è ʋa.»
7798	1SA 22:8	Lee vaa zu mu, wo pɛ wo yaavai lɔɔzu mà? Mazɔlɔɔ wo tanɔpɛ ge la boni mà ga dòun zunui ti, ta Izayi ná-doun zunui, Davide, ti minazeɠeni yɔɠɔzu. Wo tanɔpɛ ge la yiizoolɛni ga é ʋa dɛɛ ga ze, ga dòun zunui ɠa nà-botiɠɛ nui laaʋilisu mà, nii a kɛ é bali lɛ tùɠɔ, eɠɛʋelei ade kaazu la za.»
7803	1SA 22:13	Sayile ɠɛ ma: «Lee vaa zu wa Izayi ná-doun zunui wo woyai lɔɔzu mà? Lee vaa zu è ɓului ta boɠa zɔkpɔi veai zea, è Ɠɔoɠɔ GALAGI ɠaazaɠa bɛ, nii a kɛ, é wuzeɠe dàalɔɠɔma, é bali lɛ tùɠɔ, eɠɛʋelei é kɛɛzu la za?»
7805	1SA 22:15	Ma mɔun ge la ga nuu ɓalaa, gè ʋa ɠɛ GALA gaazaɠasu bɛ. Kɛlɛ naa li poun! Gè la ɠisiɛni kaipa ga gè woya lɔ è ma. Tɔ ɠa é ba, mina niima ɠasɔi la ùnma, ɓaa nà-pɛlɛyeɠei wu nuɓusɛiti unma, mazɔlɔɔ gè la faa nɔpɛ kwɛɛ niima vai zu.»
7858	1SA 24:17	Ɠɔoɠɔ GALAGI ɠa telebodai ɠɛ, tɔ ɠa é ɠɛɛzu ga tukpɔɠaaleʋe nui de yɔɠɔzu, ɗa-o, nà-o, toɠa màalobo, toɠa tukpɔi lo bɛ̀, é kùla è ya.»
7883	1SA 25:19	É ɠɛ ná-botiɠɛ nuiti ma: «À lo tùɠɔ, nà wo ʋolu.» Sinigi Naɓale la ɠɛni faa nɔpɛ kwɛɛ naama vaiti su.
7888	1SA 25:24	Naa ʋoluma é looni kɔɠɔwu, é ɠɛ ma: «Màliɠii, va bu ga niima vaa ɲɔi pɛ ge ɠɛ ga ùnma ɠasɔ! Va bu, nɛ̀i gè ga ɗa-wotiɠɛ anzanui, gè ɓɔɛ è ʋɔ, woilo gòo ma.
7895	1SA 25:31	màliɠii è-yii la ɓɔlɔa è ɠoozu, ɓaa è ʋa nimiza ɓɔɠɔ ma ga è ʋa ɠɛ nu ʋaani nɔ fuun, ɓaa è ʋa potokulai ɠɛ ɓɔɠɔ ʋɛ. Siɛgi zu Ɠɔoɠɔ GALAGI ɓesu la ga faa ʋagɔi ɠɛ è ʋɛ, màliɠii, ɠizɛ sù, nɛ̀i gè ga ɗa-wotiɠɛ anzanui.»
7897	1SA 25:33	Tuya ɠa è ma ɗa-ɠimala ʋagɔi ma vaa zu, tuya ɠa è ma ɓalaa è pele ɓesa fai zu tùɠɔ ga gè mina nu ʋaa, gè mina potokulai ɠɛ ɓɔɠɔ ʋɛ.
7898	1SA 25:34	Gaamazu gè ɠonaa Ɠɔoɠɔ GALAGI ma, Izelayɛle ná-GALAGI, nii é vulua, ga é pele ɓesagɛ tùɠɔ ga gè mina faa ɲɔu ɠɛ ga ɗe. Ni naa laade, ni è la ɠɛni dàaɠomini fala, é zo niizu ma, é li lina sobui ʋɔ, zunu ɠila kpalaa ge la mɔ ɠɛni yɛga vulua Naɓale ná-pɛlɛi wu.»
7903	1SA 25:39	Davide mɛnigai ma ga Naɓale zaa, é ɠɛni ma: «Mamagi ɠa Ɠɔoɠɔ GALAGI ʋɛ, nii é màaloboga, siɛgi zu Naɓale ɠɛni pòomusu la. Mamagi ɠa bɛ, é pele ɓesaga tùɠɔ, ga gè mina faa ɲɔu ɠɛ. Tɔ ɠa é Naɓale ná-faa ɲɔu ɠasɔi la tɔ ɓɔɠɔ unma.» Naa ʋoluma, Davide keela leʋeni Aɓigayile ma ga naa ɠɛ ga anzai.
7927	1SA 26:19	Niizu, màliɠii, soma é woilo gòoi ma, nɛ̀i gè ga ná-botiɠɛ nui: Ni Ɠɔoɠɔ GALAGI ɠa é è laaʋilisu mà, naazu é soma é yeezei zalaɠa ɠila bu, naa ziilɛi, kɛlɛ ni nuiti ka ti è laaʋilisu mà, Ɠɔoɠɔ GALAGI ɠa ma nuiti foovo, mazɔlɔɔ ta kpɛ̀ɛzu ga ti kùla zooi ʋa za, nii Ɠɔoɠɔ GALAGI feai ná-nuɓusɛiti zea ga tɔnɔ, kɛɛʋɛ eɠɛ ta ɠɛ ɠɛɛzu mà: ‹Li, è gala kiligiti dɛbi.›
7932	1SA 26:24	Eɠɛʋelei è-yɛnvui vizɔga la gàazu za, nà ɓalaa zɛ̀nvui vizɔ ɠana kae Ɠɔoɠɔ GALAGI ɠaazu, é kùla kidaaʋiligi pɛ su.»
7934	1SA 27:1	Davide ɠisiɛni, é ɠɛ ɓɔɠɔ ma: «Yeeta Sayile ɠa ʋaazu vɔnisu mà, é pàa. Nii pagai ga gè kɛ, naa ɠa ga gè ʋela, gè li, gè lɔɔɠu Filiseti nuiti ta-yooi zu, nii a kɛ Sayile looɠo gàiziɛzu Izelayɛle yooi zu, naazu kùla ɠana zea.»
7945	1SA 27:12	Akise laani Davide la ga gola, é ɗa ɠɛ ɓɔɠɔ ma: «Davide ɓɔɠɔ wɔinzeɠea ná-nuiti ma, Izelayɛle nuiti, toɠa yɛsu bù ɠɔ, é ɗa botii ɠɛ bɛ̀.»
7954	1SA 28:9	Anzanui ɠɛni ma: «È suɠwɛɛ sɔ ga Sayile gɔvɛ laawooleʋe nuiti kulaʋɛ zooi ʋa, ta niiti gɔvɛiti ti ʋelela ʋele vaiti bosu ti ma, ɗa ɠɛɛzu è balii lɛ tùɠɔ ɓaa? Sàa vai ɠa è pɔ ɓaa?»
7960	1SA 28:15	Samiyɛle ɠɛni Sayile ma: «Lee vaa zu è ná-dooɠogi zuɠoloɠologai? Lee vaa zu è tòlisu?» Sayile gooɠaaʋoteni, é ɠɛ ma: «Nà ziiɓɔlɔ wolai zu, Filiseti nuiti ti kɔɔi laalɛa bù, Ɠɔoɠɔ GALAGI ma ge zeɠea bà, é la gòoɠaaʋoteni ga GALA goo wo nuiti ɓaa segiti maaʋele. Gè è loligɛ ga nii nà kɛ, è naa lɛ ga ze.»
7996	1SA 30:15	Davide gaazaɠani, é ɠɛ ma: «Ɗa kɛ è lo tùɠɔ, de zeeli kɔɔɓɔgi naa ma?» Ezipete zunu loungoi ɠɛni Davide ma: «Ɠona bɛ̀ GALA daaseigi zu, ga è la pàa, ta è la fèa nà-duɔ kɛɛɠɛi ya, naa a ɠɛɛna, nà lo è luɠɔ, de zeeli ti ma.»
8034	2SA 1:9	É ɠɛni mà: ‹Maaɓuɠa bà, è pàa. Mazɔlɔɔ gaazulatigi sòga, anɛɛ ni zɛnvui ɠa dɛ sù.›
8092	2SA 3:8	Naama wooiti ti wola wanani Aɓenɛɛl ma, é ɠɛ Iseɓaale ma: «Ɗa kàazu ga gilɛ, nii é botii ɠɛɛzu Zuda ʋɛ ɓaa? Kaite nà wooɠɛɠiladai ɠɛɛzu è-ɠɛɛ Sayile ná-pɛlɛyeɠei ʋɛ, naa ʋɛɛ kɛɛɠɛlointi ba, ta bɔɔlaiti. Gè la vaani bu, è ʋa loo Davide yeezu. Ɗa ɠa è faaɠaaza daazu ùnma za, anzanui nii maaʋele ma.
8132	2SA 4:9	Davide Ɓeelɔte nui Limon ná-doun zunu felegɔiti gooɠaaʋoteni, Leekaɓe ta Ɓaana, é ɠɛ ti ma: «Gè ɠonaa Ɠɔoɠɔ GALAGI ma, nii é vulua, nii é ùnmɔɔgai, é kùla kidaaʋiligiti pɛ su,
8155	2SA 5:20	Davide zeelini Ɓaale-Pelasime, é vɔni ti ma miná. Davide ɠɛni ma: «Ɠɔoɠɔ GALAGI zeɠe wɔɔʋɛ sìli nuiti ta-ɠɔɔɓɔgi ʋa tùɠɔ, eɠɛʋelei ziɛi a ɗa kaaɠai ɠolo la.» Naa ɠa é kɛɛni, ti ná laasei pɛɛni ga Ɓaale-Pelasime (nii poluʋɛ ga «Maliɠii nii é zeɠe wɔɔzu»).
8607	2SA 22:2	É ɠɛni ma: «Ɠɔoɠɔ GALAGI ɠa ga nà-fasai, nà-siɠigi, ùnmɔɔ nui,
8611	2SA 22:6	Gɔvɛalaazu ɠaluiti ti veleveleni mà, saai ná-tumɔiti ti ɠɛ tùɠɔ, ti ɗa màalua.
8622	2SA 22:17	É yeemaaleni, é yɛ geezuʋɛ, é nɔ̀un so, é mɛ̀ɛn, é kùla ziɛ wolaiti ga.
8623	2SA 22:18	É kùlani sìli nu wolai ya, niiti ti wɔ̀inzeɠezu, tama ti zuɓaai nɔ̀un ba.
8625	2SA 22:20	É kùlani faaɓaagi zu, é kùlani, mazɔlɔɔ nɛ̀ɛʋɛ bɛ.
8646	2SA 22:41	Ɗa sìli nuiti kpɛɛzu tùɠɔ, nà wɔ̀inzeɠe nuiti koloɠolo.
8649	2SA 22:44	È kùla nà-nuɓusɛiti ta-ɓaka fai laawu, è màkɛga ga zii ɠiligiti ta-ɠundiɠii. Nuɓusɛiti gè la ti ɠwɛɛ, naati ta botii ɠɛɛzu bɛ̀.
8654	2SA 22:49	ɗa kùlazu sìli nuiti zea. Ɗa sèizu wɔ̀inzeɠe nuiti unda, è kùla nu ɲɔiti zea!
8705	2SA 24:10	Gaamago Davide gaaɠaani ga toɠa ga sɔba nu, mazɔlɔɔ é nuɓusɛiti daaseigiti sɛʋɛni. É ɠɛni Ɠɔoɠɔ GALAGI ma: «Gè faaɠaaza gola ɠɛa ga nii ɠɛɛ vai! Naa ɠa é ba, Ɠɔoɠɔ GALAGI, sùvaayɛ ga nà-faa ɲɔi kae, nɛ̀i gè ga ɗa-wotiɠɛ nui, mazɔlɔɔ gè kwɛɛni ga gè nii ɠɛɛʋɛ eɠɛ ɠimalala nu.»
22861	ZEP 1:5	Nà naati pɛ koloɠolo, niiti ti lɛɛzu pɛlɛ ɠɔmaʋɛ, ti ɗa nɔkɔ ná aniiti pɛ bu, ti volozu geeɠɔlɔgi zu, ta zɔiti ti nɔkɔsu bù, ti ɗa ɠona mà, nɛ̀i gè ga Ɠɔoɠɔ GALAGI, ti lati ti ɗa minazeɠegiti bo ta-ɠalagi Mɔlɔke ʋɛ.
23094	ZEC 10:9	Gè ti zuvazagɛ zɔɔma ziiti saama, zooiti su ti maaɠoozaai, ti-ɠi ka loo sù miná, ta yɛ ná ta ti-lointi, naa ʋoluma ti ɠale ma, ti ʋa.
23190	MAL 3:1	Ɠɔoɠɔ GALAGI Fai-Pɛ-Maliɠii ɠɛ ma: «Nà nà-keelai leʋesu, ga é pelei ɓɛtɛ tùɠɔ. Maliɠii nii wo kpɔunsu, naa ɠa ʋa, é lɛ gaamanɔ GALA sei ʋɛlɛi wu, ʋɛ ná ga nɔnɔi. Minazeɠegi ma ɠeelai wo wɔin ɠɛɛzu, wɛlɛ, tɔ ɠa é ʋaazu.»
23197	MAL 3:8	Nà wo wooɠaaʋotesu ga nii: Nu ɠa zoo nɛi é GALA unma? Mazɔlɔɔ wa ùnmazu. Kɛlɛ wa gàazaɠasu, wo ɗa ɠɛ ma: ‹Gi è unmaʋɛ ɠale?› Wa ùnmazu, siɛgi zu wo ɠɛlɛzu la wa-ʋuusiɛiti ta wa-ƓALA kɔɔiti feezu la.
23198	MAL 3:9	Foovooi zeeliʋɛ wo ma, mazɔlɔɔ nà ɠa wo pɛ wo ùnmazu, wɔi wo ga nuɓusɛiti.
27044	ACT 2:26	Naa ɠa é ba, zìi ɠaanɛa, gòoiti daavegɛ ga koozunɛɛi, kpùsɛi ɓɔɠɔi ɠa looɠosu, makɛgai kitogi zu.
27049	ACT 2:31	Kilista wuzeɠe vai, é ɠula saai ya, naa ɠa Davide kaani ma yeeluɠɔ, naama wooi ɠa é boni ga: ‹GALA ge la ɠɛlɛa bà, gè ʋa yɛ gɔvɛalaazu, é la vaa bu, kpùsɛi ʋa luula kabayeɠei zu.›
27281	ACT 8:36	Ti yɛni liizu, ti zeeli adɛ ta, ʋɛ ziɛi ɠɛni ná, kundiɠii ɠɛni Filipe ma: «Wɛlɛ ziɛi ʋa. Lee ɠa é pele leʋesu tùɠɔ, gè ʋa ɓatize?»
27381	ACT 11:5	«Gè ɠɛni Zɔpee taazuʋɛ, gè yɛni GALA falizu sùɠili, gè kulakɛlɛmai ta zɔlɔɔni. Ani ta zeɠeni geeɠɔlɔgi zu, eɠɛ seɠe wola toko logai seki naanigɔi pɛ ga, é ɗa yei, eyɛsu é zeeli mà.
27417	ACT 12:11	Piyɛlɛ naama vaiti gaaɠaani niina, é ɠɛ ma: «Gaamazu, gè kwɛɛ niina ga Maliɠii ná-geezuɠeelai leʋegɛ ga é kùla Elɔde yeezu, ta naa pɛ su, nii Zuifui nuɓusɛiti ki ge ɠɛa ba, é lo nɔ̀un ba.»
27789	ACT 22:17	Naa ʋoluma, siɛgi zu gè ʋaani la ʋolu Zeeluzalɛme, yeeta gè ɠɛni GALA falizu GALA sei ʋɛlɛi wu sùɠili.
27808	ACT 23:6	Tɛi Pɔle kwɛɛni ga kpɔgi ɠilazuʋɛ ɠa ga Saduseyɛinti, gilazuʋɛ ɠɛ ga Faliziɛinti, é wooɠulani tukpɔɠaaleʋe nu wolaiti saama, é ɠɛ ma: «Kɛ̀ɛleaiti, nà ga Faliziɛn, Faliziɛin ta ná-doun zunu ɠa ga ze, kitogi é zèa gɔvɛiti buzeɠe vai zu saai ya, naa maaʋele ɠa za tùkpɔɠaaleʋezu la.»
27858	ACT 24:21	Kɛni, ni ti yiiɠaawanaʋɛ mà, tɔɔzei naama wooi ʋa gè boni kpaun ti zaama ga: ‹Kitogi é zèa gɔvɛiti buzeɠe vai ʋa saai ya, naa maaʋele ɠa za tùkpɔɠaaleʋezu la wo ɠakala.› »
27893	ACT 26:2	«Ee, masagi Agelipa, gòla undaanɛɛʋɛ ga gè woozuɠula è ɠaazu, é ʋilɛ naama vaiti pɛ ba, nii Zuifuiti ti daazu ùnma.
27984	ACT 28:17	Folo saʋagɔ leʋegai ma, Pɔle Zuifuiti ta-lotuɠɔiti tolini ga ti ɠomi ta naati. Siɛgi zu naati ti ʋaani la pɔ bɛ, é ɠɛni ti ma: «Kɛ̀ɛleaiti, gè la faa ɠoloɠoloni ada-nuɓusɛiti ma, gè la ade-mɛmɛwolani ta-vaa ʋɔlɔmai ta ɠoloɠoloni ɓalaa. Anɛɛ naa ʋe, ti sòni, ti pìli kasoi ɠa Zeeluzalɛme, ti kùla miná, ti fè Wɔlɔme nuiti zea.