23242	MAT 2:4	Reve u ɓoloto nan ganu a gbagbain na̱ munlu n Wila̱† suru, a̱vu we ece le, “Te ɗa aa matsan Kristi Zamawawa?”
23275	MAT 3:14	Agba a̱vu Yahaya shi ciga u ꞌyuwan a yuwan yi, a̱vu u damma, “A̱vu ɗa za na a̱a̱ rumbu mu. Cine tsa ɗa va̱a̱ ta̱wa̱ ya̱ꞌa̱ va̱?”
23459	MAT 9:11	Ana Afarishi enei ili i ndolo, a̱vu e ece ojoro a̱ yi, “Cine manlu ma̱ ɗu maa lyuwusa ilyalya ni icuꞌun ya ama o ndolo?”
23462	MAT 9:14	Urana u ro, ojoro a Yahaya za vu Urumbusu a̱ ta̱wa̱ ta̱ uba̱ta̱ wa̱ Yesu, reve a yuwan yi yeci, “Nye i zuwai a̱tsu na Afarishi tsaa yuwusan akuli, agba ojoro a̱ wu aa yuwusan shi?”
23476	MAT 9:28	Ana Yesu uwai o uꞌwa u ro, a̱vu nrumba̱ n reꞌe n ta̱wa̱ uba̱ta̱ wa̱ yi. Reve we ece le, “I usu ta̱ n ta gura zuwa ɗu ye ene ure?” A̱vu a̱ usu, “Ee, Zagbain.”
23531	MAT 11:3	Reve e ece yi, “A̱vu ɗaɗa za na tsoo purosuꞌu, ko tsu puro vuma ro?”
23568	MAT 12:10	Ana u uwai, a̱vu u cina pe vuma no osowi o ukere. Afarishi a zuwusa ta̱ esu tsa̱ra̱ e reme Yesu nu unusu, a̱vu e ece yi, “U lobono ta̱ a yuwan ulinga wo opocino o urana wa Ashibi?”
23581	MAT 12:23	Ama suru o oꞌwo ta̱ a asalama a̱vu a damma, “Vumaꞌa Mawun ma̱ Da̱wuda ma ɗa? A̱yi ɗaɗa Zamawawaꞌa?”
23606	MAT 12:48	A̱vu u usu, “Zane ɗa mma va̱? Nan zane ɗa waru muwun ma̱ a̱na̱wu n va̱?”
23618	MAT 13:10	Reve ojoro a̱ yi e ece yi, “Nye i zuwai vaa yuwusaan ama adanshi ni iroci?”
23659	MAT 13:51	A̱vu Yesu ece le, “I gura ta̱ reve ili i nda suru?” Reve a̱ usu, “Ee, tsu tsura̱ ta̱ urevu wa̱ yi.”
23664	MAT 13:56	Muwun ma̱ a̱na̱wu me esheli ma̱ yi suru a̱ ta̱ pa oɓolo na̱ a̱tsu. Cine tsa ɗa waa gura yuwan ulinga u nda suru?”
23697	MAT 14:31	A̱vu Yesu cananashi ukere wa̱ yi a̱vu u reme yi. A̱vu u damma yi, “Vu ta̱ nu ucawu wo okolo keꞌen. Nye i zuwai okolo a̱ wu a kuɗai?”
23714	MAT 15:12	Ɗaɗa ojoro a̱ yi a̱ ta̱wa̱i uba̱ta̱ wa̱ yi, a̱vu a damma, “Vu reve ta̱ a na vi isulai Afarishi na adanshi a na vu yuwain?”
23717	MAT 15:15	A̱vu Bituru usu, “Nye ɗa vaa dansa ana vu yuwain adanshi adama e ili i na i tsu lungusa̱ vuma?”
23735	MAT 15:33	A̱vu ojoro a̱ yi a̱ usu, “Uba̱ta̱ u nda u rotso ta̱ ogozo. Te ɗa tsa̱a̱ tsura̱ ilyalya i na yaa rawa lyuwato cuꞌun vo oɓolo a nda?”
23736	MAT 15:34	A̱vu we ece le, “Opopofu a yan a ɗa i ri ne ele?” A̱vu a̱ usu, “A̱za̱ e cindere, na̱ mugula meketeci.”
23754	MAT 16:13	Yesu no ojoro a̱ yi a̱tsuma̱ a mmalu, ana a rawai zuzu na̱ mɓa̱nga̱ ma Kasariya Filibi, a̱vu we ece le, “Zane ɗa ama a tarasa Mawun ma Vuma?”
23756	MAT 16:15	Reve we ece le, “A̱ɗu gba, zane ɗa yaa tarasa mu?”
23779	MAT 17:10	Reve ojoroꞌo e ece yi, “O una̱ wu nye munlu n Wila̱ n dammai a na Iliya ɗa a fara ta̱wa̱ kafu Zamawawa ta̱wa̱?”
23788	MAT 17:19	Ana alanga a jimai, a̱yi a̱ ndeꞌen, reve ojoro a̱ yi a̱ ta̱wa̱ uba̱ta̱ wa̱ yi a̱vu e ece yi, “Adama a̱ nye tsu kuɗa̱i o uta̱a̱ otoni a̱ lima̱ꞌa̱?”
23793	MAT 17:24	Ana Yesu no ojoro a̱ yi a rawai Kafarnahum, reve a̱za̱ o ushishi wu utafa wa̱ A̱a̱ꞌisamapaɗa e ece Bituru, “Manlu ma̱ ɗu ma tsu tsupa utafa wa̱ A̱a̱ꞌisamapaɗa shi?”
23794	MAT 17:25	A̱vu Bituru usu, “U tsu tsupa ta̱.” Reve Bituru uwa o uꞌwaꞌa, a̱vu kafu u yuwan adanshi, ɗaɗa Yesu ece niyi, “Ngono n tsu zuwaa ta̱ ama e le utafa, ko omocin?”
23797	MAT 18:1	A mantsaꞌa, reve ojoro e Yesu a̱ ta̱wa̱ uba̱ta̱ wa̱ yi, reve e ece yi, “Zane ɗa oo oꞌwo zagbain suru suru a̱tsuma̱ o tsugono tsa zuva?”
23817	MAT 18:21	Reve Bituru ta̱wa̱ ya̱ Yesu we ece, “Zagbain, na̱ za va̱ aa nususaan mu, hali uyan u ɗa maa yuwaan yi gafura? Toto ucindere?”
23834	MAT 19:3	A̱vu Afarishi o ro a ciga a lyungwa̱ yi na̱ yeci, reve a damma, “Wila̱ u tsu u lyawa ta̱ vuma kakasa na̱ ka va̱ yi ko adama e ili i ro i na we enei suru?”
23838	MAT 19:7	A̱vu Afarishi e ece yi, “To, adama a̱ nye i ɗa Musa lyawai vuma ca ka va̱ yi aatagada a wukasu u lolo reve u gba̱ra̱ yi?”
23847	MAT 19:16	Ana a yuwain ne, reve vuma ro ta̱wa̱ ya̱ Yesu reve we ece yi, “Manlu, ili ya̱ a̱ɓula̱ i ne i ɗa maa yuwan tsa̱ra̱ n tsura̱ wuma u na woo koto shi?”
23849	MAT 19:18	A̱vu vumaꞌa we ece, “Wila̱ u ne u ɗa?” Reve Yesu usu, “She vu una za nu ucigu wa̱ wu wan. She vu yuwan tsipere wan. She vu yuwan wivu wan. She vu yuwan epen a aci o ozo ro wan.
23851	MAT 19:20	Reve vumaꞌa u usu, “Ele nda suru n yuwan le ta̱ ɗe. Nye i buwai na maa yuwan waru?”
23856	MAT 19:25	Ana ojoro a̱ yi a uwwai ne, reve a uwa asalama lon, reve e ece, “To, zane gba aa laꞌa?”
23858	MAT 19:27	Ɗaɗa Bituru damma niyi, “A̱tsu ɗa nda tsu lyawai ili suru, reve tsu kuru wu. Nye ɗa gba tsa̱a̱ tsura̱ adama o ndolo?”
23882	MAT 20:21	A̱vu Yesu ece, “Nye i ɗa vu cigai?” A̱vu u damma, “A mantsa ma na vu da̱nuyi o tsugono tsa̱ wu, vu ta lyawa muwun n va̱ n nda a̱ da̱nu uba̱ta̱ u tsugbain zuzu na̱ a̱vu, za ta̱ o ukere usaꞌani za ta̱ waru o ukere ugula̱ wa̱ wu?”
23883	MAT 20:22	A̱vu Yesu damma, “I reve ili i na yaa patishi shi. I ta gura sowo mokoto ma̱ a̱tsuma̱lima̱ ma na maa zama n sowo?” Reve oloboꞌo a̱ usu, “Ee, tsu ta gura.”
23893	MAT 20:32	Ana Yesu uwwa nle, reve wi isawan we ece, “Nye i cigai n yuwaan ɗu?”
23905	MAT 21:10	Ana Yesu uwai a̱tsuma̱ a̱ Urishelima,† lyuciꞌi ma̱ɓula̱ u shiwan ta̱ na̱ a̱gidiꞌya̱. Hali ama e ece, “Vuma ne ɗa gba ndaꞌa?”
23911	MAT 21:16	A̱vu e ece Yesu, “Vu ta uwwusa ili i na muwun n nda maa dansa?” Reve u usu le, “Ee, koto i ɗenuna̱ a̱tsuma̱ a Adanshi a̱ A̱sula̱ shi? ‘A̱vu A̱sula̱ vu rito ta̱ muwun na̱ nreɓu a canaa wu ishipa yi ica.’ ”
23915	MAT 21:20	Ana ojoro a̱ yi e enei ili i na i farai, a yuwan ta̱ asalama lon. Reve e ece, “Cine ubiri u nda u ꞌyewushi gogogo?”
23918	MAT 21:23	Ana Yesu ka̱mba̱i a̱tsuma̱ a̱ A̱a̱ꞌisamapaɗaꞌa, reve u reme uritosu. A̱vu nan ganu a gbagbain na azagbain a̱ ta̱wa̱ uba̱ta̱ wa̱ yi, reve e ece yi, “Nu ucira u ne vaa yuwusan cuꞌun vu ulinga u nda? Zane ɗa ca nuwu cuꞌun vu ucira u nda?”
23920	MAT 21:25	Zane cayi Yahaya ucira u yuwan urumbusu? A̱sula̱ a na a̱ ri zuva ɗa, ko vaɗilima̱?” Reve a̱ ka̱ra̱ a ndammulai va̱ni le. “Nna̱ tsu damma, ‘Diga zuva ɗa,’ u te ece tsu, nye i zuwai tsu ushi niyi shi.
23926	MAT 21:31	“Zane ɗa a̱tsuma̱ a̱ muwun n nda u yuwayin dadaꞌa tsutoni?” Reve a̱ usu, “Mawun mo ufaru.” A̱vu u damma le, “N ta dansaa ɗu amayun, a̱za̱ o uꞌushishi wu utafa na ashakala a ta uwa o tsugono tsa̱ A̱sula̱ kafu a̱ɗu.
23935	MAT 21:40	Reve u yuwan yeci, “Nna̱ za vu uɗuma̱ꞌa̱ u ta̱wa̱, nye i zuwai waa yuwan na aza a zamalingaꞌa?”
23958	MAT 22:17	Damma tsu majiyan ma̱ wu, u lobono ta̱ tsu tsupa utafa a̱ tyo ya Kaisa† mogono, ko she tsu tsupa wan?”
23961	MAT 22:20	Reve we ece le, “Ululu na aala a zane a ɗa a̱ ri ɗe uɗanu?”
23977	MAT 22:36	“Manlu, a̱tsuma̱ a̱ Wila̱ wa Musa, zane ɗa laꞌai mgbain?”
23983	MAT 22:42	“Nye yaa yuwusan majiyan adama a̱ Kristi Zamawawa? O ugundo wa̱ zane ɗa wu uta̱i?” Reve a̱ usu, “Kristi Zamawawa Mawun ma̱ Da̱wuda ma ɗa.”
23986	MAT 22:45	“Ana Da̱wuda ɗe niyi Zagbain, cine woo oꞌwiso mawun ma̱ yi a mantsa ma̱ ta̱?”
24029	MAT 24:3	Yesu ɗe nden a Masasan ma̱ Zetun, reve ojoro a̱ yi a̱ ta̱wa̱ uba̱ta̱ wa̱ yi a̱ da̱na̱ oɓolo na̱ a̱yi goon. A̱vu a damma, “Damma tsu mantsa ma na ili i ndolo yaa fara? Waru nye ya̱a̱ da̱na̱ iroci i na yoo roco tsu mantsa ma na va̱a̱ ta̱wa̱ ma rawa ta̱, waru mantsa ma na uvaɗi u nda woo koto?”
24138	MAT 26:15	Reve u damma, “Nye i ɗa yaa tsupa mu nna̱ n ca ɗu Yesu?” A̱vu a ca yi ikebe† i azurufa mataꞌatsu.
24140	MAT 26:17	O urana wu ufaru u na aa yuwusan A̱buki o Opopofu,† a̱vu ojoro a̱ ta̱wa̱ a yuwan Yesu yeci, “Te ɗa vu cigai tsu foɓo alya e ilyalya adama A̱buki a Mapasa?”
24145	MAT 26:22	Ojoroꞌo a uwwa uyoꞌo shi, reve a̱ ka̱ra̱ e eceshe yi a̱za̱ a̱ ta̱ ta̱, “Amayun, Zagbain, a̱mu ɗa maa wina wu shi. Ko a̱mu ɗa?”
24148	MAT 26:25	A̱vu Yahuza za na aa wina yi, damma, “Manlu, amayun a̱mu ɗa shi, ko a̱mu ɗa?” A̱vu Yesu usu, “Ee, a̱vu ɗa.”
24185	MAT 26:62	A̱vu aabara a nan ganu a̱ ꞌyon mishin, reve we ece Yesu, “Vu ri ni ili i na vaa damma adama e ili i na ama a nda a dammai shi?”
24189	MAT 26:66	Nye i cigai a yuwan na̱ a̱yi?” A̱vu a̱ usu, “U yuwan ta̱ unusu u na u rawai o una yi.”
24209	MAT 27:11	A mantsa mo ndolo, Yesu shi ta̱ mishin a̱ ma̱ka̱ka̱n ma Bilatu Gwamna, a̱vu Bilatu ece yi, “A̱vu mogono ma aza a Israꞌila ma ɗa?” Reve Yesu usu, “Ee, cine vu dammai ne ɗa u ri.”
24211	MAT 27:13	Ɗaɗa Bilatu damma niyi, “Vu uwwa adanshi a na aa yuwusaan a aci a̱ wu shi?”
24215	MAT 27:17	Adama o ndolo ana ama o ɓolotoi uba̱ta̱ u ta̱, ɗaɗa Bilatu ece nle, “A̱tsuma̱ aza a na a̱ ri pe a̱tsuma̱ o uꞌwa wa ali, zane ɗa i laꞌa cigai n lyawa? I ciga ta̱ n lyawa Baraba ko Yesu za na ee ɗesu Zamawawa?”
24219	MAT 27:21	A̱vu Bilatu ecishe oɓoloꞌo, “A̱tsuma̱ a ama e re a nda, zane ɗa i cigai n lyawaa ɗu?” Reve a̱ usu, “Baraba.”
24220	MAT 27:22	Reve Bilatu ece le, “To, cine i cigai n yuwan na̱ Yesu, za na ee ɗesu Zamawawa?” A̱vu suru nle a̱ usu, “Vara niyi a akpata.”
24221	MAT 27:23	Reve Bilatu ece le, “Nye i zuwai? Unusu u ne u ɗa u yuwain?” A̱vu a̱ da̱shi saala lon, “Vara niyi akpata!”
24244	MAT 27:46	A mantsa mo ndolo, reve Yesu saala, “Eloi, Eloi, lama sabaktani,” nga, “A̱sula̱ a̱ va̱, A̱sula̱ a̱ va̱, nye i zuwai vu vari numu?”
24336	MRK 2:7	“Nye i zuwai vuma nda yuwain adanshi tsundolo? U tara ta̱ aciya̱yi una̱ta̱ na̱ A̱sula̱.† Zane ɗa aa gura yuwaan vuma gafura vu unusu, she A̱sula̱ goon shi?”
24345	MRK 2:16	A̱vu ana munlu n Wila̱ na Afarishi e ene niyi a alya e ilyalya na̱ a̱za̱ o unusu na̱ a̱za̱ o ushishi wu utafa, a̱vu a damma ojoro a̱ yi, “Cine waa lyuwusa woo sowuso ni icuꞌun ya ama o ndolo?”
24347	MRK 2:18	Yashi i ndolo ojoro a Yahaya oɓolo na Afarishi a̱ da̱na̱ ta̱ na akuli, a̱vu a̱ ta̱wa̱ ya̱ Yesu a damma, “Nye i zuwai ojoro a Yahaya no ojoro a Afarishi aa yuwusan akuli, amma ojoro a̱ wu aa yuwusan shi?”
24353	MRK 2:24	A̱vu Afarishi† a damma yi, “Ka̱lyuwa̱, anaꞌan urana wa Ashibi u ɗa. Nye i ɗa i zuwai ojoro a̱ wu a kuɗusa a̱ga̱za̱ e ishina a yuwusan ili i na Wila̱ u putsayi?”
24361	MRK 3:4	A̱vu we ece le, “Nye i ɗa Wila̱ u dammai wu ntsayi a yuwan urana wa Ashibi, a yuwan isaꞌani ko iwuya, a wawa wuma ko o una?” Agba a damma ili i ro shi.
24390	MRK 3:33	A̱vu u usu le, “Zane ɗa mma va̱ na̱ a̱za̱ a̱ va̱?”
24429	MRK 4:37	A jima lon shi, a̱vu upepu u keɓe ɗe a̱ ta̱wa̱. A̱vu upepuꞌu u yuwusan mini ikeɗu ikeɗu, hali wantsuꞌun u ciga u shiwan na̱ mini. A̱vu ojoro a̱ yi a uwwa wovon lon, reve a̱ ꞌya̱wa̱ a jisan yi. Reve a damma, “Manlu, u ɓa̱la̱ wu a na tsaa liɓa shi?”
24432	MRK 4:40	A̱vu u damma le, “Nye i zuwai yi daꞌwain tsunda, hali n gogo koto i ca mu okolo a̱ ɗu shi?”
24433	MRK 4:41	A̱vu wovon u tsura̱ le lon, a̱vu a dammulai, “Cuꞌun vuma ne ɗa tsundaꞌa, hali nu upepu fo u tsu yuwan ta̱ ili i na u dammai?”
24442	MRK 5:9	A̱vu we ece yi, “Cine tsa ɗa aala a̱ wu?” A̱vu u usu, “Aala a̱ va̱ a ɗa Oɓolo adama a na tsu ta̱ a̱bunda̱.”
24463	MRK 5:30	A̱vu Yesu reveshi ucira wu uta̱ ta̱ a̱ lipu va̱ yi. Ɗaɗa u vadalai a̱tsuma̱ o oɓoloꞌo, a̱vu we ece, “Zane ɗa juꞌwa̱n numu utugu?”
24468	MRK 5:35	A̱yi pe a̱tsuma̱ a adanshi, a̱vu ozo o ro a̱ ta̱wa̱ ɗe o uꞌwa wu zagbain va̱ a̱a̱ꞌisa̱ a damma, “Usheli wa̱ wu u kuwa̱ ta̱. Cine vaa damaton yi waru?”
24479	MRK 6:3	A̱yi nda, a̱yi ɗa za vu usheꞌen ndolo shi, mawun ma Meri,† zakpara va Yakubu, oɓolo na̱ Isuhu, na̱ Yahuza na̱ Simo shi? A̱za̱ a̱ yi e esheli pa ɗa a̱ ri oɓolo na̱ tsu shi?” Ɗaɗa a ꞌyuwan niyi.
24500	MRK 6:24	A̱vu wu uta̱ we ece mma va̱ yi, “Nye maa pati?” A̱vu u usu yi, “Pati aaci a Yahaya za vu Urumbusu.”
24513	MRK 6:37	A̱vu u usu le, “ꞌYa̱wa̱i i ca le ilyalya i na aa lyuwa.” A̱vu a̱ usu yi, “Tsu ꞌya̱wa̱ tsu una ikebe i na i rawai ikebe yu ulivu ukpakure (200) e ilyalya, a̱vu tsu ca le a lyuwa?”
24551	MRK 7:19	Adama a na u uwa o okolo a̱ yi shi, amma u uwa ta̱ a̱ a̱a̱tsuma̱ a̱ yi, ne ɗa waru woo uta̱?” Ne ɗa Yesu yuwain u ka̱mba̱toi ilyalya suru ulobonu adama a alya.
24573	MRK 8:4	A̱vu ojoro a̱ yi a̱ usu yi, a damma, “Uba̱ta̱ u nda ogozo a ɗa, te ɗa gba tsaa gura tsura̱ ilyalya i na tsaa gura lyuwato ama a̱ a̱bunda̱ a nda?”
24574	MRK 8:5	A̱vu we ece le, “Opopofu a yan a ɗa ɗu?” A̱vu a damma, “A̱za̱ e cindere.”
24588	MRK 8:19	Waru i cuwan ana m bubusai opopofu o ton, a̱vu n neꞌeshen ama ukpakukupa uton shi? Akapi gba asaka a yan a ɗa i ɓolotoi?” A̱vu a̱ usu, “Kupa ne ejere.”
24589	MRK 8:20	Ɗaɗa we ece nle, “Ana m bubusayi ama opopofu e cindere, akapi a asaka a yan a ɗa a buwai ana i ɓolotoi?” Reve a̱ usu yi “A̱za̱ e cindere a ɗa.”
24590	MRK 8:21	Ɗaɗa we ece nle, “Hali n gogo koto i reve ili i na maa dansaa ɗu shi?”
24592	MRK 8:23	A̱vu u reme ukere wa̱ yi, wu uta̱a̱ yi a̱ mɓa̱nga̱ n lyuci. Reve u tsuwa̱a̱n yi ma̱tsa̱n e esu, waru u kuruwa̱ yi ukere, a̱vu we ece yi, “Vu gura ta̱ ene ili i ro?”
24596	MRK 8:27	Yesu ꞌyon ta̱ no ojoro a̱ yi, u uwa mulyuci n Kasariya Filibi. A̱vu we ece ojoro a̱ yi, “Zane ɗa ama aa dansa n ri?”
24598	MRK 8:29	A̱vu we ece le, “Amma a̱ɗu gba, zane ɗa yaa dansa n ri?” A̱vu Bituru usu yi, “A̱vu ɗa Kristiꞌi† Zamawawa.”†
24617	MRK 9:10	A yuwan ta̱ ili i na u damma nle a yuwan, amma a yuwusan ta̱ adanshiꞌi goon le, “Nye i ɗa waa dansa adama o uꞌyosun o ukwa̱ u nda?”
24618	MRK 9:11	A̱vu e ece yi, “Nye i zuwai munlu n Wila̱ n dammai nga Iliya ta fara ta̱wa̱ elime a̱ Kristi Zamawawa?”
24623	MRK 9:16	A̱vu we ece le, “Mawasan ma̱ ne yaa yuwusan?”
24628	MRK 9:21	A̱vu Yesu ece dada va̱ yi, “Urana u ne ili i ndolo i cina niyi?” A̱vu u damma, “A̱yi a mawun.
24635	MRK 9:28	Ana u uwai o uꞌwa, a̱vu ojoro a̱ yi e ece yi usokowu, “Nye i zuwai tsu kuɗa̱i, a na tsoo lo otoni a̱ lima̱ o ndolo?”
24640	MRK 9:33	A̱vu a rawa Kafarnahum. Ana u uwai o uꞌwa, a̱vu we ece le, “Mawasan ma̱ ne yaa yuwusan o ure?”
24659	MRK 10:2	A̱vu Afarishi a̱ ta̱wa̱ uba̱ta̱ wa̱ yi, reve e ece yi, “Unusu u ɗa vuma lyawa ka va̱ yi?”
24660	MRK 10:3	A̱vu we ece le, “Nye i ɗa Musa damma nɗu?”
24674	MRK 10:17	Ana u remei mmalu a̱ tyo Urishelima, ɗaɗa nanza sumai elime e Yesu, a̱vu u kingyo. A̱vu u damma, manlu ma̱ a̱ɓula̱, “Nye ɗa maa yuwan, tsa̱ra̱ n tsura̱ wuma u babu ukotu?”
24683	MRK 10:26	Ana a uwwai ne, a̱vu a̱ ka̱ra̱ a asalama, a̱vu a damma, “Na̱ wo oꞌwo za vu utsuru a̱a̱ tsura̱ u uwa a̱tsuma̱ o tsugono tsa̱ A̱sula̱ shi, zane ɗa aa laꞌa?”
24693	MRK 10:36	Reve we ece le, “Nye i cigai n yuwaan ɗu?”
24695	MRK 10:38	A̱vu u usu le, “I reve ili i na yaa patishi shi. I ta gura sowo awuya a na moo sowo, a ta gura tsupu ɗu ununa a̱a̱ tsupu mu a awuya?”
24708	MRK 10:51	A̱vu we ece yi, “Nye vu cigai n yuwaan wu?” A̱vu u usu yi, “Manlu, adama n tsura̱ me ene ure.”
24714	MRK 11:5	Ele a̱ ma̱ba̱ɗa̱ ma̱ yi, reve aza a na a̱ da̱na̱i lo mishin e ece le, “Nye ɗa i zuwai ya̱a̱ ba̱ɗa̱sa̱ yi?”
24735	MRK 11:26	Amma ni i yuwaan za ɗu gafura shi, cine tsa ɗa Dada ɗu za na ri zuva waa yuwaan ɗu gafura vu unusu u ɗu?”