104	GEN 4:24	Alooŋ. Ighaze tamtoghon eta irab Kain imaat, nene pale tiyat ŋgar toni irau pa liim ve ru. Eemoghon you, ighaze tirab ghou namaat, nene pale tiyat ŋgar todi irau pa tamoot tol saaŋgul liim ve ru (77).”
141	GEN 6:3	Yoova ighita mbeb tonenen, ve isaav ighaze: “Tamtoghon, nene yes taan sorok. Avuvug irau ineep toman di ve tineep matadi iyaryaar le alok ne maau. Pale tineep irau ndaman tamoot liim tamoot eez (120) moghon, ve sawa todi isob ve timaat.”
153	GEN 6:15	Nene ataam to yom irau utaghoni: Mala to waaŋ, uroova irau roov tamoot tol saaŋgul ve liim (133 mita), ve tuku toni irau roov saaŋgul ve ru (22 mita), ve lolo izala sala ve izi inim sila, nene irau roov liim ve ru (13 mita).
180	GEN 7:20	Ya ivon izala le ilib pa lolooz to naol ne dabadi irau roov paaŋ (8 mita).
184	GEN 7:24	Tovenen ya itatab taan, ve ipot irau mboŋ 150 (kaiyo liim ma venen).
277	GEN 11:10	Nene pitiiŋ to Sem toman papaghu toni. Yawaaŋa tiina ivot le isob, ve ndaman ru inim ila, ghoro Sem yesuru azuwa tipoop natudi aidaba, iza Apaksad. Sawa tonenen, Sem ndaman toni irau tamoot liim (100).
326	GEN 13:7	Tauto Lot mbesooŋa toni ve Abram mbesooŋa toni timundig ve tiwazoran di. (Sawa tonenen, yes Kanaana ve yes Peresa tinepneep ndug tonowen paam.)
338	GEN 14:1	Sawa tonenen, Bera, ye kinik to ndug Sodom. Birsa, ye kinik to ndug Gomora. Sinap, ye kinik to ndug Adma. Semeba, ye kinik to ndug Zebo. Ve Kedorlaomer, ye kinik to ndug Elam. Kedorlaomer iŋgin kinik paaŋ tonowen toman kinik to ndug Bela (iza ite Zoar), irau ndaman saaŋgul ve ru wa. Ve ndaman ite inim saaŋgul ve tol, nene kinik liim tonowen timundig ve tizoor kinik Kedorlaomer aliŋa. Tovenen ndaman inim saaŋgul ve paaŋ, kinik Kedorlaomer imbaaŋ ila pa ndita tol ve tinim. Izadi tovene: Amrapel, ye kinik to ndug Sinar, Ariok, ye kinik to ndug Elasa, ve Tidal, ye kinik to ndug Goi. Kinik paaŋ tonowen toman ndaaba todi tila, ve yesŋa yes ndiran to Repaim tigham malmal izi ndug Asterot-Karnaim le tilib padi. Ghoro tila pa ndug Am, ve yesŋa ndiran to Zuzim tigham malmal le tilib padi paam. Ghoro tila pa taan raapa to Kiriataim, ve yesŋa ndiran to Enim tigham malmal le tilib padi. Ghoro tila pa taan Seir dige to lolooza katindi, ve yesŋa ndiran to Or tigham malmal le tilib padi, ve tinaan di tila pa ndug El Paran, to ineep igharau ndug balim. Ghoro, timuul tila pa ndug Kades to iza ite En Mispat. Ve yesŋa ndiran to Amalek, ve ndiran to Amor to tineep izi ndug Azezon Tamar, tigham malmal le tilib padi paam. Kedorlaomer toman ndita tilib pa yes kinik tonenen le isob, ghoro kinik liim to Sodom, Gomora, Adma, Zebo, ve Bela tilup di, ve tila pa taan raapa to iza Sidim. Tineep tonowe ve tisaŋan Kedorlaomer toman ndita leso yesŋa tigham malmal. Tipamundigin malmal tonowe, ve Kedorlaomer toman ndita tilib pa kinik liim tonowen.
354	GEN 14:17	Abram ilib pa Kedorlaomer toman kinik pida tonenen, ghoro imuul inim, ve kinik to Sodom ila ivot toni izi taan raapa to iza Save. (Taan tonowen, iza ite ‘Taan raapa to yes kinik.’)
415	GEN 17:17	Abaram ilooŋ saveeŋ tonene, ghoro iput aghe ve ighur nagho izila taan, eemoghon iŋiŋ ve lolo ighur ighaze: “Wai, nene you nanim olman waat wa. Ighaze ŋgeu eta ndaman toni irau tamoot liim (100), pale irau yesuru azuwa tipoop? Ve Sara paam, ndaman toni irau tamoot paaŋ saaŋgul (90). Pale irau ipoop?”
422	GEN 17:24	Tovenen Abaram ndaman toni irau 99, ve natu Ismael ndaman toni irau saaŋgul ve tol (13), ghoro tizir yesuru. Ve sawa tonenen, tizir mbesooŋa toni tisob paam. Yes to nditinandi tipoop di ila Abaram ruum toni, toman yes to ye ighol di tinim ne paam.
449	GEN 18:24	Ighaze ndiran deŋiadi tamoot ru saaŋgul (50) tineep izi ndug tonowen, pale uwaghamun ndug? Maau. Yom irau lolom samin di ve upul di tineep. Pasa, ndiran deŋiadi tonowen ndamodi pa ndug.
450	GEN 18:25	Maaron, yom moghon to gabizooŋ tau to tamtoghon tisob to taan. Yom irau uŋgabiiz di itaghon ŋgar deŋia. Ughita. Ighaze ndiran deŋiadi tamoot ru saaŋgul (50) tineep izi ndug tonowen ve uwaghamun ndug, nene pale urab tamtoghon deŋiadi toman yes samsamiadi. Ighaze ugham tovene, pale deŋia wa? Yom irau ughur atia raraate pa ndiran deŋiadi ve samsamiadi maau.”
451	GEN 18:26	Maaron ipamuul Abaram aliŋa tovene: “Ighaze you naghita ndiran deŋiadi irau tamoot ru saaŋgul (50) tineep izi ndug Sodom, yes pale ndamodi pa ndug tonowen, ve irau nawaghamun di maau.”
453	GEN 18:28	Ighaze ndiran deŋiadi irau tamoot ru avua liim (45) moghon tineep izi ndug Sodom, pale vena? Pale uwaghamun ndug dodoli tonowen? Pasa, nene ndiran liim moghon to maau.” Maaron ipamuul aliŋa ighaze: “Venen maau. Ighaze naghita ndiran deŋiadi tamoot ru avua liim (45), nene irau nawaghamun ndug tonowen maau.”
455	GEN 18:30	Tovenen Abaram isaav muul ighaze: “O Tiina tiou, atem yabyab payou malep. You naghaze naghason ghom muul. Ighaze ughita ndiran deŋiadi tamoot ee saaŋgul (30) moghon tineep tonowe, pale vena?” Maaron ipamuul aliŋa ighaze: “Nene pale maau paam.”
456	GEN 18:31	Tovenen Abaram isaav muul ighaze: “Tiina tiou, you nawatag: Nakaria ghasoniiŋ ghom wa. Eemoghon ighaze yom ughita ndiran deŋiadi tamoot ee (20) moghon tineep, pale vena?” Maaron isaav pani ighaze: “Nene paam maau.”
484	GEN 19:26	Sawa to tighau, Lot azuwa ilaagh muri ve indaleel imuul ila, le rikia moghon itoora inim te (o sol) patua mala eez to iyoon inimale yaam.
512	GEN 20:16	Ve Abimelek isaav pa Sara ighaze: “Ughita. You nagham livum le yaam silva irau ndiŋndiŋ eez (1000). Leso napaghazoŋan izam ila yes to yamŋa alaghlaagh ne matadi, ve tiwatag tighaze yom lem sosor eta maau.”
519	GEN 21:5	Sawa to Sara ipoop Isak, Abaram ndaman toni irau tamoot liim (100).
569	GEN 22:21	Izadi tovene: Uz (ye aidaba), nditazi Bus, ve Kemuel to Aram tama, ve Kesed, Aso, Pildas, Yidlap, ve muria kat, nene Betuel to Rebeka tama. Yes liim ve tol tonene, to Abaram tazi Naor yesuru azuwa Milka ndinatudi.
573	GEN 23:1	Sara inepneep le ndaman toni irau 127, ghoro sawa toni isob ve imaat izi ndug Kiriat Arba to ineep ila taan suruvu to Kanaan. (Kiriat Arba iza ite Ebron). Tovenen Abaram lolo ipataŋan pa azuwa ve itaŋ pani.
591	GEN 23:19	Ghoro Abaram ila ighur azuwa Sara paatu ilooŋ ila yaam saambu to ineep ila taan Makpela igharau ndug Mamre izi taan Kanaan. (Ndug Mamre iza ite Ebron.)
679	GEN 25:20	Ndaman to Isak irau tamoot ru (40), ghoro ivai Rebeka. Rebeka tama iza Betuel. Ye siŋ to Aram, ve ineep izi taan suruvu to Mesopotamia. Rebeka livu iza Laban.
685	GEN 25:26	Ghoro tazi ikis togha aghe gudu ve ana izi. Tovenen tiwaat iza Yakop. Sawa to Rebeka ipoop ndipain ru tonowen, Isak ndaman toni irau tamoot tol (60).
689	GEN 25:30	Tovenen isaav pa Yakop ighaze: “Aiss, you pitool ghou le nasami kat. Sur kaviaaŋa tonanan, uzob ag rita inim naghun!” (Tauto tiwaat Esau iza ite tighaze Edom.)
705	GEN 26:12	Ndaman tonenen, Isak ivazog aniiŋ ila taan tonowen le aniiŋ pughu eŋaeŋa anoŋadi tivot irau tamoot liim (100). Pasa, Yoova ighur poia tiina iza toni.
727	GEN 26:34	Esau ndaman toni irau tamoot ru (40), ghoro ivai Hit tidi ru, izadi Yudit ve Basemat. Yudit, ye Beri natu liva. Ve Basemat, ye Elon natu liva.
912	GEN 31:38	“You naneep toman ghom irau ndaman tamoot ee (20) wa. Sawa isob tonenen, sipsip ve mekmek tiom popaaŋ todi poia moghon. Ve you naghan sipsip tiom eta sorok maau.
943	GEN 32:15	Ŋgai tovene: Mekmek paŋgaar 200 ve nditamoot tamoot ee (20). Sipsip paŋgaar 200 ve nditamoot tamoot ee (20).
944	GEN 32:16	Kamel paŋgaar tamoot ee saaŋgul (30) toman ndinatudi. Makau paŋgaar tamoot ru (40), ve nditamoot saaŋgul (10). Ve esele paŋgaar tamoot ee (20) ve nditamoot saaŋgul (10).
980	GEN 33:19	Ve ighol taan to ye inepneep pani ne ila to siŋ to Amor. (Amor, ye Sekem tama.)
1031	GEN 35:19	Tovenen Rael imaat, ve titavia izi ataam to ila pa ndug Eprata ne dige. (Eprata, iza ite Betelem.)
1039	GEN 35:27	Yakop imundig muul, ve ila ivot to tama Isak izi ndug Mamre to igharau ndug Kiriat Arba. (Kiriat Arba iza ite Ebron. Ndug tonowen, to muuŋ Abaram yesuru Isak tineep tinim loom pani.)
1040	GEN 35:28	Isak inepneep le inim olman waat, ghoro imaat ve ila igheen toman siŋ toni pida to timaat muuŋ wa. Ndaman toni irau (180), ghoro imaat ve ndinatu ru, Esau ve Yakop, titavia.
1042	GEN 36:1	Nene pitiiŋ to Esau toman papaghu toni. (Esau iza ite Edom.)
1049	GEN 36:8	Tovenen Esau ila ineep izi lolooz to taan suruvu to Seir. (Esau iza ite Edom.)
1086	GEN 37:2	Nene kamos to Yakop toman ndinatu. Sawa to Yakop natu Yosep ndaman toni irau saaŋgul liim ve ru (17), yesŋa nditogha pida to Yakop ziria ru Bila ve Silpa ndinatudi tila tiŋgin ŋgai todi. Sawa pida, ighaze nditogha tigham mbeb eta isosor, ghoro Yosep ila ipaes pa tamandi.
1241	GEN 41:45	Kinik iwaat Yosep iza paghu Zapenat-Panea. Ve igham ŋgeu eez, iza Potipera, natu liva Asenat ila inim Yosep azuwa. Potipera tonowen, ye ŋgeu to watooŋrau to ndug On. Sawa to Yosep ndaman toni irau tamoot ee saaŋgul (30), ye ipamundigin uraat to kinik to Isip ighuri ila nima. Tovenen ipul kinik, ve ilaghlaagh irau ndug ndug to Isip, ve ighitghita di pa uraat todi.
1402	GEN 46:15	Yakop yesuru azuwa Lea tinepneep izi taan suruvu to Mesopotamia, ve tipoop ndinatudi nditamoot tonene toman natudi liva Dina. Tovenen Lea ndinatu ve nditimbu, yes irau tamoot ee saaŋgul ve tol (33).
1405	GEN 46:18	Tamtoghon saaŋgul liim ve eez (16) tonene, nene Lea liva mbesooŋa toni Silpa yesuru Yakop ndinatudi ve nditimbudi. Silpa tonene, Lea tama Laban igham pani inim mbesooŋa toni.
1409	GEN 46:22	Tamtoghon saaŋgul ve paaŋ (14) tonene, nene Yakop yesuru azuwa Rael ndinatudi ve nditimbudi.
1413	GEN 46:26	Tovenen Yakop ndinatu ve nditimbu to yesŋa tizila pa Isip, yes irau tamoot tol liim ve eez (66). Ve ndirawa liva, nene tinin di toman di maau.
1414	GEN 46:27	Ve ighaze talup Yakop tau, ndinatu, ve nditimbu, toman Yosep ve ndinatu ru to yesuru azuwa Asenat tipoop di izi Isip, nene tinim tamoot tol saaŋgul (70). Yes tonene to tilup di ve tineep izi Isip.
1430	GEN 47:9	Yakop ipamuul aliŋa ighaze: “You naneep nanim loom izi taan irau ndaman tamoot liim tamoot ee saaŋgul (130) wa. Ndaman tiou katindi inimale to nditimbug maau. Ve nepooŋ tiou poia maau. Pataŋani naol tigham ghou.”
1449	GEN 47:28	Yakop ineep izi Isip irau ndaman saaŋgul liim ve ru, le ndaman toni irau tamoot liim, tamoot ru, ve liim ve ru (147).
1459	GEN 48:7	Sawa to napul taan to Mesopotamia, ve namuul nanim Kanaan le nagharau ndug Eprata, tinam Rael imaat izi ataam luvuŋa, ve natavia tonowe.” (Ndug Eprata, iza ite Betelem.)
1509	GEN 50:2	Itaŋ le isob, ghoro isaav pa yes mbesooŋa toni to tighamgham uraat pa yes mateeŋa patudi, ve tigharaat tama paatu. Leso isami rikia sob, ve ineep mala. Tovenen yes tila ve tigham uraat pa Yakop paatu itaghon gabuadi, le irau mboŋ tamoot ru (40). Pasa, uraat tonowen ikis di sawa mala tovene. Yes Isipa paam titaŋ pa olman Yakop, ve tineep ila moŋiiŋ le irau mboŋ tamoot tol saaŋgul (70).
1529	GEN 50:22	Yosep toman nditogha ve tazi tinepneep izi Isip, le Yosep ndaman toni irau tamoot liim ve saaŋgul (110).
1533	GEN 50:26	Tovenen Yosep ndaman toni irau tamoot liim ve saaŋgul (110), ghoro imaat. Yes Isipa tigharaat paatu leso imbuuz sob, ve tizeeva ila ndawawa lolo to Isip we.
1534	EXO 1:1	Yes Israela to yesŋa tamandi Yakop, ve ndizwadi ve ndinatudi tizila pa Isip ne izadi tovene: Ruben, Simeon, Levi, Yuda, Isakar, Zebulun, Benyamin, Dan, Naptali, Gat ve Aser. Yakop iza ite Israel. Papaghu toni to yesŋa tizila Isip, yes irau tamoot tol saaŋgul (70). Ve natu Yosep, ye imuuŋ ila ineep pataghaaŋ wa.
1671	EXO 6:15	Yakop natu Simeon ndinatu, nene Yemuel, Yamin, Oat, Yakin, Zoar, ve Saul. (Saul tina, ye Kanaan tidi.) Yes tonene to tivot ila to Simeon. Yes tivot tinim ival, ve muri ghoro tinim rumai liim ve eez.
1693	EXO 7:7	Sawa tonenen, Mose ndaman toni irau tamoot paaŋ (80). Ve Aron ndaman toni irau tamoot paaŋ ve tol (83).
1823	EXO 12:6	Aŋgin poian di le mboŋ inim saaŋgul ve paaŋ (14) to kaiyo tonene, ve rabrab izi, sawa to taghita sapirin ghiit, ghoro arab di. Ve ruum sine to aneep ila, agham mbeb to arab di ne siŋidi, ve apeli ila ataam avo dige ru, ve izala pa sala paam. Leso inim ghilalooŋ payam ighaze yam tamtoghon to Yoova to alup gham pa ghanghaniiŋ ila ruum tonanan lolo.
1835	EXO 12:18	“Tovenen ndaman tisob, kaiyo to ivot muuŋ, mboŋi inim saaŋgul ve paaŋ, ve rabrab toni, nene sawa to lupuuŋ tiina tonene imundig. Ve ila isob pa rabrab to mboŋ inim tamoot ee ve eez (21). Mboŋ liim ve ru tonenen, ighaze aghan mberet, ghoro aghan mberet to tighur yis ila maau. Tovenen sawa tonenen, yis eta ineep ruum tiam lolodi malep. Ighaze taumim eta, ma loom eta to ineep ila lolomim izoor saveeŋ ve ighan mberet to titoora toman yis ila sawa tonenen lolo, azuruni ighau ila saguan pa yam Israela. Ilup toman gham muul malep.
1948	EXO 15:27	Ghoro yes Israela tilaagh tila tivot izi ndug Elim. Ndug tonowen, le taan saambu saaŋgul ve ru to ya ivotvot padi. Ve ai det tamoot tol saaŋgul (70) titub tonowe paam. Ai tonowen anoŋadi poia pa ghaniiŋ. Tovenen tigharaat inadi tonowe, ve atedi izi.
2021	EXO 18:21	Ve yom irau uŋgabiiz poian tamtoghon tisob to Israel, ve uvureer tamtoghon popoiadi pida, leso tiuul ghom pa uraat to ŋginiiŋ ival tiina tonene. Yes to avodi kaarom, ma matadi mbeb, ughur di malep. Ughita yes to avodi onoon, ve timatughez pa Maaron ve titaghon ŋgar toni, ghoro ughur di tiuul ghom pa uraat. Ughur pida tiŋgin tamtoghon ndiŋndiŋ ndiŋndiŋ eez (1000), pida tiŋgin tamoot liim (100), pida tiŋgin tamoot ru saaŋgul (50), ve pida tiŋgin tamtoghon saaŋgul moghon.
2025	EXO 18:25	Ye iŋgabiiz tamtoghon tisob to yes Israela, ve ivureer yes to ledi ŋgar popoia ve tirau uraat to ghamuuŋ pooz, ve ighur di tinim daba, leso tiuuli pa uraat to gharatooŋ saveeŋ. Pida tiŋgin tamtoghon ndiŋndiŋ ndiŋndiŋ eez (1000), pida tiŋgin tamoot liim (100), pida tiŋgin tamoot ru saaŋgul (50), ve pida tiŋgin tamtoghon saaŋgul moghon.
2110	EXO 21:32	Ve ighaze makau tamoot eta iŋgal mbesooŋa tamoot ma liva eta pa ndooŋa, makau tama irau ighol yaam silva tamoot ee saaŋgul (30) ila pa daba to mbesooŋa tonenen. Ve yam irau arab makau tonenen pa yaam le imaat.
2179	EXO 24:1	Yoova isaav pa Mose ighaze: “Yamru togham Aron, toman ndinatu ru Nadap ve Abiu, ve daba tamoot tol saaŋgul (70) to yes Israela aza anim tiou to lolooz daba ne. Eemoghon anim agharau ghou kat malep. Aneep saguan ris, ve aput aghemim, ve asuŋ payou.
2187	EXO 24:9	Ghoro Mose igham Aron, Nadap, Abiu, ve daba tamoot tol saaŋgul (70) to yes Israela, ve yesŋa tizala pa lolooz.
2467	EXO 32:28	Tovenen yes Levia titaghon Mose aliŋa, ve sawa tonenen timbut nditamoot irau ndiŋndiŋ tol (3000) pa buza ve timatmaat.
2525	EXO 34:28	Mose ineep toman Yoova izi lolooz daba irau mboŋ tamoot ru (40). Sawa tonenen, ye ineep sorok. Ighan aniiŋ eta maau, ve ighun ya maau. Ve iŋgeret tutuuŋ saaŋgul ila yaam babaŋadi ru. Tutuuŋ tonowen isavia ataam to titaghoni, leso lupuuŋ todi toman Maaron ineep ariaŋa.
7199	RUT 4:7	(Muuŋ, yes Israela gabuadi tovene: Ighaze tighol taan eta, ma tiparabol pa mbeb pida, nene todi eez ipas duduuŋa to aghe izi, ve ighami ila to ita ite to yesuru tiparabol pa mbeb todi. Leso ipariaaŋ saveeŋ mbuaaŋ todi.)
13968	PSA 3:7	Ighaze koiagŋa ndiŋndiŋ ndiŋndiŋ saaŋgul (10,000) tiluvut ghou pa tigham malmal payou, you irau namatughez padi maau.
15447	PSA 90:4	Yom ughita ughaze ndaman ndiŋndiŋ eez (1000), nene sawa tuku moghon. Ila ŋgar tiom, nene inimale noor ve inim aazne. Ve inimale sawa tuku to mboŋ to yes ndaaba tiyoon, ve tipamaat.
15453	PSA 90:10	Nineep irau ndaman tamoot tol saaŋgul (70) moghon, ve nimaat. Ve ighaze tapirimai iraua, ghoro nineep irau ndaman tamoot paaŋ (80) ma venen. Ve ndaman tiei to naol ne, nirabrab taumai pa uraat, ve nimbadbaad pataŋani. Sawa samia, ve sawa poia paam. Nighamgham tovene ila le rikia moghon nivot pa sawa tiei, ghoro nisob.
15467	PSA 91:7	Ighaze tamtoghon ndiŋndiŋ eez (1000) timatmaat ve titaptap ila digem, ma tamtoghon ndiŋndiŋ saaŋgul (10,000) to tiluvut ghom timatmaat, yom umatughez malep. Pasa, mbeb samia eta irau inim igharau ghom maau.
23230	MAT 1:17	Tovenen Abaraam natu Isak, Isak natu Yakop, ve siŋ todi tiparseŋgan di tovene itaghoni ila ila le imuul David ivot inim saaŋgul ve paaŋ (14). Ve sawa to David, le ila imuul sawa to yes Babilona tiyou yes Yuda ve tigham di tila tivot Babilon, nene siŋ to David tiparseŋgan di irau saaŋgul ve paaŋ (14) muul. Ve sawa to yes Yuda tipul Babilon ve timuul tila taudi ndug todi, le ila imuul sawa to Krisi tina ipoopa, nene siŋ to David tiparseŋgan di irau saaŋgul ve paaŋ (14).
23296	MAT 4:18	Sawa eez, Yesu ilaghlaagh taghon naari to ya naliu Galilaia, ve ighita ndiran ru to ghamuuŋ iigh tiwaswaas. Eez, iza Simon (to iza ite Petrus), ve ite iza Andreas. Ye Simon tazi.
23316	MAT 5:13	Yesu isaav muul ighaze: “Yam animale te (o sol) to taan. Eemoghon ighaze te tapiri isob, ve itete muul maau, pale tagharaata vena? Maau. Te tovene, le uraat muul maau. Tovenen iit pale tipiyaava ilale, ve tamtoghon tivazagi inimale mbeb sorok.
23419	MAT 8:5	Yesu ilaagh ilooŋ ila pa ndug Kapernaum, ve daba eez ilaagh iŋarua ila. Daba tonowen iŋgin ndaaba to Rom irau tamoot liim (100). Ye ila ivot to Yesu, ve itaŋ rorani ighaze:
23488	MAT 10:2	Mbaŋooŋa toni saaŋgul ve ru tonowen, izadi tovene: Simon (ye ŋgeu to imuuŋ padi. Tiwaat iza ite tighaze Petrus) yesuru tazi Andreas, Zebedi ndinatu ru, Yakobus yesuru tazi Yoan,
23561	MAT 12:3	Yesu ipamuul aliŋadi ighaze: “Kamos to isavia sawa to kinik David yesŋa ndita pida pitool di, yam awaata, ma maau? Sawa tonenen, David ilooŋ ila mbeez (o haus sel) patabuaŋ to Maaron, ve igham mberet patabuaŋ to tighuri ila Maaron nagho. Mberet tonowen tutuuŋa tovene: Ival tiina irau tighan maau. Yes ndiran to watooŋrau moghon, ghoro tighani. Eemoghon David igham mberet tonenen ve ighani, ve irei pida pa tamtoghon toni, ve tighan paam.
23600	MAT 12:42	“Ve garawaat tidi (o kwin) to muuŋ igham pooz pa taan suruvu to ineep mala kat ila pa daudau pughu, tovene paam. Ye ilaagh mala kat inim ighaze ilooŋ ŋgar popoiadi to kinik Solomon. Ve aazne, mbeb to ilib kat pa Solomon, ivotvot ila lolomim. [Eemoghon yam aghilaala maau.] Tovenen sawa to Mboŋ Muri, ve Maaron ighaze iŋgabiiz tamtoghon ve ighur atia padi, liva tonowen pale imundig toman yam ndiran to aazne, ve ivotia sosor tiam ivot ighazooŋ.”
23616	MAT 13:8	Eemoghon uuv pida titap tizala taan poia. Tovenen titub pooi tiza, ve anoŋadi katindi. Pida anoŋadi irau tamoot liim (100), pida anoŋadi irau tamoot tol (60), ve pida anoŋadi irau tamoot ee saaŋgul (30).”
23631	MAT 13:23	Ve uuv pida to ŋgeu tonenen isuruuv di ila taan poia, nene iza to yes to tilooŋ saveeŋ to Maaron ve tighazooŋ pani. Tovenen ghurla todi ighur anoŋa popoia katindi. Pida, anoŋadi tivot irau tamoot liim (100), pida anoŋadi irau tamoot tol (60), ve pida anoŋadi irau tamoot ee saaŋgul (30).”
23687	MAT 14:21	Yes to tighan aniiŋ tonenen, yes nditamoot moghon irau ndiŋndiŋ liim (5000) ma venen. Ve ndiliva toman ndinatudi, tinin di maau.
23740	MAT 15:38	Ival tiina to tighan aniiŋ tonenen, nditamoot moghon irau ndiŋndiŋ paaŋ (4000) ma venen. Ve ndiliva toman ndinatudi, tinin di maau.
23750	MAT 16:9	Aghilaal ghou sone? Mbeb gharatooŋadi naol to you nagham di ne, lolomim imaagh padi wa? Sawa to napan tamtoghon ndiŋndiŋ liim (5000) pa mberet liim moghon, yam aŋgoog aniiŋ pida pida irau nakaral piiz?
23751	MAT 16:10	Ve sawa to napan tamtoghon ndiŋndiŋ paaŋ (4000) pa mberet liim ve ru, yam aŋgoog aniiŋ pida pida irau nakaral tintina piiz?
23808	MAT 18:12	Yesu isaav muul ighaze: “Laak, yam agham ŋgar vena? Ighaze ŋgeu eta, ye le sipsip tamoot liim (100), ve todi eta ipas ila lolodi, ve ila isagsag, nene pale igham vena? Ye pale ipul sipsip toni tamoot paaŋ saaŋgul liim ve paaŋ (99) tonenen tineep lolooz dige, ve ila ikaal ye to ilale.
23818	MAT 18:22	Yesu ipamuul aliŋa ighaze: “Liim ve ru, nene iraua maau. Unini malep. Ighaze yom upul sosor toni irau pa tamoot tol saaŋgul liim ve ru (77), nene paam iraua maau.
23824	MAT 18:28	“Mbesooŋa tonenen ivot ila pumuri, ve indeeŋ ita ite eez to mbesooŋa to kinik paam. Ita ite tonowen, ye igham bun tiina ris ila toni inimale denari tamoot liim (100). Ye iza to ita ite tonenen, ve nima ila igigin lua, ve isaav pani ighaze: ‘Ai, yom irau uyat bun tiom rikia moghon!’
23860	MAT 19:29	Ve tamtoghon tisob to tigham ŋgar pa you izag, ve tipul ruum todi, toŋvetaz todi, nditamandi ve nditinandi, ndinatudi, ma uum todi, nene pale poia tiina to Maaron iza todi, le iyat mulin mbeb tisob to tipul di, irau tamoot liim (100). Ve yes pale tineep matadi iyaryaar le alok.
23994	MAT 23:7	Ve ighaze tilaagh ila maran ate, yes tighaze le tamtoghon tighita di ve tisavia saveeŋ popoia padi inimale pakuruuŋ di, ve tipoi di tighaze ‘Rabi’ (o ‘Patoŋaaŋ’).
24041	MAT 24:15	Yesu isaav muul ighaze: “Muri, yam pale aghita tamtoghon tipayoon mbeb samia kat ilooŋ ila Rumai Patabuaŋ to Maaron pa tiwaghamuni. Ghoro tipul ndug tonowen ineeple. Saveeŋa, propet Daniel ivotia muuŋ wa. (Yom sei to uwaat saveeŋ tonene, ugham ŋgar pani pooi.)
24092	MAT 25:15	Yaam to ighuri ila nimadi, ye itaghon gabizooŋ toni pa ŋgar ve uraat todi todi. Ye ighur yaam ndiŋndiŋ liim (5000) ila to mbesooŋa eez. Ve ndiŋndiŋ ru (2000) ila to mbesooŋa ite. Ve ndiŋndiŋ eez (1000) ila to mbesooŋa toni ite inim tol. Ghoro ipul di, ve ila.
24093	MAT 25:16	“Mbesooŋa to igham yaam ndiŋndiŋ liim (5000), rikia moghon ipamundigin uraat pa yaam tonowen. Ye iraukol pani ve igham ndiŋndiŋ liim muul izala pogho, le inim ndiŋndiŋ saaŋgul (10,000).
24094	MAT 25:17	Mbesooŋa to igham yaam ndiŋndiŋ ru (2000), tovene paam. Igham yaam ndiŋndiŋ ru muul izala pogho, le inim ndiŋndiŋ paaŋ (4000).
24095	MAT 25:18	Eemoghon mbesooŋa to igham ndiŋndiŋ ee (1000), ye ila itai saambu, ve iŋgooz yaam to tiina toni izila.
24097	MAT 25:20	Mbesooŋa to igham yaam ndiŋndiŋ liim (5000), ikis ndiŋndiŋ saaŋgul (10,000), ve ila ighuri ila to tiina toni, ve ipaes pani ighaze: ‘Tiina tiou, ughita. Yaam tiom ndiŋndiŋ liim (5000) to ughuri inim nimag, tauto nagham uraata, ve nagham ndiŋndiŋ liim muul izala pogho.’
24099	MAT 25:22	“Ghoro mbesooŋa to igham yaam ndiŋndiŋ ru (2000), ana ila ivot toni, ve ipaes pani ighaze: ‘Tiina tiou, ughita. Yaam tiom ndiŋndiŋ ru to ughuri inim nimag, tauto nagham uraata, ve nagham ndiŋndiŋ ru muul izala pogho.’
24101	MAT 25:24	“Muri ghoro, mbesooŋa to igham yaam ndiŋndiŋ ee (1000), ana ila ivot toni, ve ipaes pani ighaze: ‘Tiina, you nawatag ghom wa. Yom ughamgham ariaŋa pa tamtoghon. Irau lolom isamin di rita maau. Ve unepneep ila ndiran pida nimadi. Taum uvazog aniiŋ maau. Eemoghon sawa to ndouŋ aniiŋ, yom uyouyou sorokini inim am!
24105	MAT 25:28	Ghoro tiina toni isaav pa mbesooŋa toni pida to tineep tigharau ighaze: ‘Yaam ndiŋndiŋ eez to ŋgeu tonene ikisi, asadi ila nima, ve aghami ila to ita ite to ikis yaam ndiŋndiŋ saaŋgul (10,000)!
24138	MAT 26:15	ve ighason di ighaze: “Laak, ighaze you naghur Yesu ilat nimamim, pale agham leg sa?” Tovenen tigham le yaam silva irau tamoot ee saaŋgul (30).
24170	MAT 26:47	Yesu isavsaav sone, ve Yudas ighereb ival tiina kat a tinim peria. (Yudas, ye taghoniiŋa saaŋgul ve ru, todi eez.) Ival tiina tonowen, yes daba to watooŋrau toman pooza pida to yes Yuda timbaaŋ di tinim. Yes tikis buza ve ndaab le irau di.
24201	MAT 27:3	Yudas, ŋgeu to ighur Yesu ila koia nimadi, ilooŋ tighaze yes daba timbua saveeŋ tighaze tirab Yesu imaat. Tovenen lolo ipataŋan kat, ve igham yaam silva tamoot ee saaŋgul (30) to tigham pani ne, ve ila ighaze ipamuula. Ye ila ivot to yes daba to watooŋrau ve yes pooza, ve isaav padi ighaze:
24207	MAT 27:9	Tovenen Maaron aliŋa to muuŋ propet Yeremia ivotia ne anoŋa ivot. Saveeŋ tonenen isaav ighaze: “Yes Israela tighur yaam silva tamoot ee saaŋgul (30) inim tamtoghon tonene atia. Yaam tonowen, tighami ve tighol taan pida to gharatooŋ uur pani itaghon saveeŋ to Maaron isavia payou.”
24231	MAT 27:33	ve tila tivot ndug eez, iza ‘Golgata.’ (‘Golgata’ pughu tovene: ‘Ndug to ghitooŋa inimale tamtoghon daba rubruuba.’)