112	GEN 5:6	Set ndaman toni irau 105, ve yesuru azuwa tipoop natudi aidaba, iza Enos.
116	GEN 5:10	Kenan izi, ve Enos ineep muul irau ndaman 815, ve tipoop ndinatudi nditamoot ve ndiliva pida.
117	GEN 5:11	Tovenen Enos ineep irau ndaman 905, ghoro imaat.
121	GEN 5:15	Malalel ndaman toni irau 65, ve yesuru azuwa tipoop natudi aidaba, iza Yared.
123	GEN 5:17	Tovenen Malalel ineep irau ndaman 895, ghoro imaat.
127	GEN 5:21	Enok ndaman toni irau 65, ve yesuru azuwa tipoop natudi aidaba, iza Metusela.
128	GEN 5:22	Metusela izi, ve Enok ineep muul irau ndaman 300, ve tipoop ndinatudi nditamoot ve ndiliva pida. Enok nepooŋ toman laghooŋ toni, ye mata iŋgalŋgal Maaron ve itaghon ataam toni irau sawa isob. Tovenen ineep irau ndaman 365, ghoro Maaron ighami izala, ve tighita muul maau.
136	GEN 5:30	Noa izi, ve Lamek ineep muul irau ndaman 595, ve tipoop ndinatudi nditamoot ve ndiliva pida.
138	GEN 5:32	Noa ndaman toni 500, ghoro yesuru azuwa tipoop ndinatudi nditamoot tol, izadi Sem, Ham, ve Yapet.
184	GEN 7:24	Tovenen ya itatab taan, ve ipot irau mboŋ 150 (kaiyo liim ma venen).
187	GEN 8:3	Tauto ya izizi poipoi irau mboŋ 150. Indeeŋ kaiyo inim liim ve ru, ve ndag to inim saaŋgul liim ve ru pani, waaŋ ilot izala lolooz eez to taan Ararat daba.
234	GEN 9:28	Yawaaŋa tiina ivot le isob, ghoro Noa ineep muul irau ndaman 350. Tovenen ndaman toni inim 950, ghoro imaat.
278	GEN 11:11	Apaksad izi, ve Sem ineep muul irau ndaman 500, ve tipoop ndinatudi nditamoot ve ndiliva pida, ghoro imaat.
279	GEN 11:12	Apaksad ndaman toni irau 35, ve yesuru azuwa tipoop natudi aidaba, iza Sela.
299	GEN 11:32	Tera ndaman toni irau 205, ghoro imaat tonowe.
303	GEN 12:4	Yoova isavia saveeŋ tonene le isob, ghoro Abram itaghon aliŋa, ve imundig ipul ndug Aran. Lot paam imundig ve ila tomani. Sawa tonenen, Abram ndaman toni irau 75 wa.
449	GEN 18:24	Ighaze ndiran deŋiadi tamoot ru saaŋgul (50) tineep izi ndug tonowen, pale uwaghamun ndug? Maau. Yom irau lolom samin di ve upul di tineep. Pasa, ndiran deŋiadi tonowen ndamodi pa ndug.
450	GEN 18:25	Maaron, yom moghon to gabizooŋ tau to tamtoghon tisob to taan. Yom irau uŋgabiiz di itaghon ŋgar deŋia. Ughita. Ighaze ndiran deŋiadi tamoot ru saaŋgul (50) tineep izi ndug tonowen ve uwaghamun ndug, nene pale urab tamtoghon deŋiadi toman yes samsamiadi. Ighaze ugham tovene, pale deŋia wa? Yom irau ughur atia raraate pa ndiran deŋiadi ve samsamiadi maau.”
451	GEN 18:26	Maaron ipamuul Abaram aliŋa tovene: “Ighaze you naghita ndiran deŋiadi irau tamoot ru saaŋgul (50) tineep izi ndug Sodom, yes pale ndamodi pa ndug tonowen, ve irau nawaghamun di maau.”
453	GEN 18:28	Ighaze ndiran deŋiadi irau tamoot ru avua liim (45) moghon tineep izi ndug Sodom, pale vena? Pale uwaghamun ndug dodoli tonowen? Pasa, nene ndiran liim moghon to maau.” Maaron ipamuul aliŋa ighaze: “Venen maau. Ighaze naghita ndiran deŋiadi tamoot ru avua liim (45), nene irau nawaghamun ndug tonowen maau.”
666	GEN 25:7	Abaram nepooŋ toni poia moghon le inim olman waat. Ndaman toni irau 175, ghoro imaat, ve ila igheen toman siŋ toni pida to timaat muuŋ wa.
2021	EXO 18:21	Ve yom irau uŋgabiiz poian tamtoghon tisob to Israel, ve uvureer tamtoghon popoiadi pida, leso tiuul ghom pa uraat to ŋginiiŋ ival tiina tonene. Yes to avodi kaarom, ma matadi mbeb, ughur di malep. Ughita yes to avodi onoon, ve timatughez pa Maaron ve titaghon ŋgar toni, ghoro ughur di tiuul ghom pa uraat. Ughur pida tiŋgin tamtoghon ndiŋndiŋ ndiŋndiŋ eez (1000), pida tiŋgin tamoot liim (100), pida tiŋgin tamoot ru saaŋgul (50), ve pida tiŋgin tamtoghon saaŋgul moghon.
2025	EXO 18:25	Ye iŋgabiiz tamtoghon tisob to yes Israela, ve ivureer yes to ledi ŋgar popoia ve tirau uraat to ghamuuŋ pooz, ve ighur di tinim daba, leso tiuuli pa uraat to gharatooŋ saveeŋ. Pida tiŋgin tamtoghon ndiŋndiŋ ndiŋndiŋ eez (1000), pida tiŋgin tamoot liim (100), pida tiŋgin tamoot ru saaŋgul (50), ve pida tiŋgin tamtoghon saaŋgul moghon.
23687	MAT 14:21	Yes to tighan aniiŋ tonenen, yes nditamoot moghon irau ndiŋndiŋ liim (5000) ma venen. Ve ndiliva toman ndinatudi, tinin di maau.
23750	MAT 16:9	Aghilaal ghou sone? Mbeb gharatooŋadi naol to you nagham di ne, lolomim imaagh padi wa? Sawa to napan tamtoghon ndiŋndiŋ liim (5000) pa mberet liim moghon, yam aŋgoog aniiŋ pida pida irau nakaral piiz?
24092	MAT 25:15	Yaam to ighuri ila nimadi, ye itaghon gabizooŋ toni pa ŋgar ve uraat todi todi. Ye ighur yaam ndiŋndiŋ liim (5000) ila to mbesooŋa eez. Ve ndiŋndiŋ ru (2000) ila to mbesooŋa ite. Ve ndiŋndiŋ eez (1000) ila to mbesooŋa toni ite inim tol. Ghoro ipul di, ve ila.
24093	MAT 25:16	“Mbesooŋa to igham yaam ndiŋndiŋ liim (5000), rikia moghon ipamundigin uraat pa yaam tonowen. Ye iraukol pani ve igham ndiŋndiŋ liim muul izala pogho, le inim ndiŋndiŋ saaŋgul (10,000).
24097	MAT 25:20	Mbesooŋa to igham yaam ndiŋndiŋ liim (5000), ikis ndiŋndiŋ saaŋgul (10,000), ve ila ighuri ila to tiina toni, ve ipaes pani ighaze: ‘Tiina tiou, ughita. Yaam tiom ndiŋndiŋ liim (5000) to ughuri inim nimag, tauto nagham uraata, ve nagham ndiŋndiŋ liim muul izala pogho.’
24515	MRK 6:39	Ghoro Yesu isaav padi ighaze tighur ival tiina tonenen ila rouŋ rouŋ, ve tisaav padi leso mboledi izi kikiliiŋ popoia tonowen pogho. Tovenen titaghon Yesu aliŋa, ve mboledi izi tonowe tila rouŋ rouŋ. Rouŋ pida irau tamtoghon tamoot liim (100), ve rouŋ pida irau tamoot ru saaŋgul (50).
24520	MRK 6:44	Yes to tighan aniiŋ tonenen, yes nditamoot moghon, irau ndiŋndiŋ liim (5000) ma venen.
24587	MRK 8:18	Yam lemim matamim ve taliŋamim. Pughu vena to aghita mbeb maau, ve alooŋ saveeŋ maau? Lolomim imaagh wa? Sawa to nateev mberet liim moghon pa tamtoghon ndiŋndiŋ liim (5000), yam aŋgoog aniiŋ pida pida izila nakaral tintina piiz le tivon?” Yes tipamuul aliŋa tighaze: “Saaŋgul ve ru.”
25305	LUK 7:41	Yesu isavia saveeŋ palelaaŋ tonene pani ighaze: “Sawa eez, ndiran ru tila to ŋgeu eez, ve tigham bun ila toni. Eez igham yaam denari 500, ve ite igham pius liim.
25384	LUK 9:14	Tisaav tovene pasa, ival tiina tonowen, nditamoot moghon irau ndiŋndiŋ liim (5000) ma venen. Yesu isaav padi muul ighaze: “Aghur tamtoghon ila rouŋ rouŋ, ve asaav padi mboledi izi. Aghur tamtoghon irau tamoot ru saaŋgul (50) ila rouŋ eŋaeŋa.”
25695	LUK 16:6	“Ŋgeu tonowen ipamuul aliŋa ighaze: ‘Ŋgoreeŋ to ineep ila patudi tintina irau tamoot liim (100).’ “Uraata tonenen isaav pani ighaze: ‘You pale nanduura izi ris. Nes, ugham rau to bun tiom ineep ila ne, mbolem izi, ve rikia moghon umbood tamoot ru saaŋgul (50) moghon. Ve pida, ineeple.’
26336	JHN 6:10	Ndug to tineep pani, le kikiliiŋ popoia. Tovenen Yesu isaav pa taghoniiŋa toni ighaze: “Ala asaav pa ival tiina tonowen mboledi izi.” Ival tiina mboledi izi, ghoro Yesu igham mberet tonowen, ipait Maaron pani, ve ireii padi. Ghoro igham ŋgar raraate moghon pa iigh. Tovenen ival tiina tighan le isooŋ di. Ival tiina tonenen, nditamoot todi moghon irau ndiŋndiŋ liim (5000) ma venen.
26507	JHN 8:57	Tovenen yes Yuda tonenen tipamuul Yesu aliŋa tighaze: “Wai, ndaman tiom tamoot ru saaŋgul (50) sone. Ve yom upakur taum ughaze ughita Abaram!”
26978	JHN 21:11	Tovenen Simon Petrus ivot muul ila izala waaŋ, ve iyou malum toman iigh ilooŋ inim taan. Iigh tiŋgud tila malum le isami kat. Eemoghon imotmot maau. Iigh geegeu maau. Tintinadi moghon. Tinin di le irau 153.
27095	ACT 4:4	Yes to tilooŋ saveeŋ to yesuru, katindi titoor ŋgar todi ve tighur ila to Yesu. Tovenen tiŋgal yes to muŋginadi ne, le tinim ival kat. Nditamoot todi moghon irau ndiŋndiŋ liim (5000) ma venen.
27199	ACT 7:14	Ghoro Yosep imbaaŋ ila pa tama Yakop ighaze yesŋa tamtoghon toni tisob tiyouyou, ve tizi tinim toni. Tamtoghon to timundig ve tizila Isip ne, yes irau tamoot tol saaŋgul ve liim (75).
27451	ACT 13:20	Uraat isob tonenen igham ndaman 450. “Muri ghoro, Maaron ighur ledi daba pida. Leso tiŋgin di ve tigharaat saveeŋ todi. Inim inim le indeeŋ sawa to propet Samuel,
27673	ACT 19:19	Yes mura katindi tinim paam toman rau todi to var ma mur saveeŋa ineep ila, ve tindou di ila ival tiina matadi, ve tighur yab padi. Rau tonowen, tinin atiadi le irau yaam silva 50,000.
28792	1CO 15:6	Muri ghoro, ye ila ivot to tamtoghon toni irau 500 ve avua pida, ve tisob tighita. Ndiran tonowen, katindi tinepneep sone. Ve pida timaat wa.
31044	REV 16:21	Ve ais patu patu tintina titaptap sambam ve tizizi, ve tirabrab tamtoghon. Ais tonowen, gegegeu maau. Pataŋani to patua eŋaeŋa, nene irau 50 kilogram ma venen. Tovenen tamtoghon tipiyaav saveeŋ samsamia naol pa Maaron. Pasa, pataŋani tonowen, tiina le tiina kat.