239	GEN 10:4	Yaban ndinatu, nene: Elisa, Tarsis, Kitim, ve Dodanim.
242	GEN 10:7	Ve Kus ndinatu, nene: Seba, Avila, Sapta, Rama, ve Sapteka. Rama ndinatu, nene: Siba ve Dedan.
261	GEN 10:26	Yoktan ndinatu, nene: Almodad, Selep, Azamavet, Yera, Adoram, Uzal, Dikla, Obal, Abimael, Seba, Opir, Avila, ve Yobab. Yes tisob tonene Yoktan ndinatu.
351	GEN 14:14	Abram ilooŋ paesiiŋ tighaze tigham wagha Lot ve tiŋguaaza tila, tovenen ipoi mbesooŋa toni irau 318 to ndiran to malmal, ve yesŋa timundig ve tigham taghon kinik paaŋ tonenen tila. Yes mbesooŋa tonowen, sawa to nditinandi tipoop di le tinim ndolman, yes tineep toman Abram, ve ye ipatooŋ di pa ŋgar to ghamuuŋ malmal. Tila le tivot to kinik paaŋ tonenen izi ndug Dan.
352	GEN 14:15	Tineep le mboŋ izi, ghoro Abram ivalag ndaaba toni, ve tipamundigin malmal pa kinik paaŋ tonowen le tilib padi. Tinaan di tila tila le tilib pa ndug Damaskus, ve tila tivot ndug Oba.
363	GEN 15:2	Eemoghon Abram ipamuul aliŋa ighaze: “O Yoova, Maaron tiou, pale ugham sa payou? Ughita. You leg natug eta maau. Tovenen mbesooŋa tiou Eliezer to ndug Damaskus pale igham inag, ve igham mbeb tiou tisob tinim le.”
418	GEN 17:20	Eemoghon yom ughason ghou ughaze matag pa Ismael, tovenen you pale nagham tovene. Poia tiou pale iza toni, ve nagham papaghu toni tivot tinim naol, ve izadi tintina. Daba saaŋgul ve ru pale tivot ila toni.
662	GEN 25:3	Yoksan ndinatu, nene: Seba ve Dedan. Dedan papaghu toni, nene yes Asura, Letusa, ve Leuma.
671	GEN 25:12	Nene Abaram natu Ismael toman papaghu toni pitiiŋ todi. Agar, ye liva mbesooŋa to Sara. Ye Isip tidi to ipoop Abaram natu Ismael. Ismael ndinatu, nene: Nebaiot, Kedar, Adbel, Mipsam, Misma, Duma, Masa, Aad, Tamar, Yetur, Napis, ve Kedema.
837	GEN 30:6	Tovenen Rael isaav ighaze: “Aa, ghara Maaron iŋgabiiz ghou ighaze leg sosor eta maau. Pasa, ye ilooŋ suŋuuŋ tiou, ve igham leg natug tamoot tonene.” Tauto iwaat natu tonowen iza Dan.
852	GEN 30:21	Muri ghoro, Lea ipoop liva eez, ve iwaat iza Dina.
982	GEN 34:1	Sawa eez, Yakop yesuru Lea natudi liva Dina ila ighaze ighita ndiliva papaghu pida to ndug Sekem.
983	GEN 34:2	Amor to daba to ndug tonowen, natu Sekem ighita Dina, ve ila isavagi ve imogheer pani. Amor, ye Hep taamdi.
984	GEN 34:3	Sekem lolo pa Dina kat. Tovenen isavia saveeŋ popoia pida pani, leso irab ate, ve ighami lolo poia.
992	GEN 34:11	Ghoro Sekem imundig ve isaav pa Dina tama Yakop toman ndilivu tovene: “Ighaze lolomim toman ŋgar tiam inim tiou, sa mbeb to lolomim pani, you pale nagham payam.
994	GEN 34:13	Eemoghon Yakop ndinatu atedi yabyab kat pa Sekem pa ŋgar mayaŋiiŋa to igham pa livudi Dina. Tovenen tigham kaarom pa Sekem yesuru tama Amor tighaze:
1006	GEN 34:25	Uraat to zirooŋ di isob, ve mboŋ inim tol ve nditamoot to ndug Sekem tinepneep toman yabyabuuŋ tiina sone. Ghoro Yakop ndinatu ru, Simeon ve Levi to Dina ndilivu, timundig toman buza todi, ve tilooŋ tila ndug Sekem. Yes to paanu tikankaan pa ŋgar to yesuru tighaze tighami. Yesuru tila, ve timbut nditamoot tisob timatmaat.
1007	GEN 34:26	Amor ve natu Sekem paam, timbut yesuru pa buza ve timaat. Ghoro tigham livudi Dina, ve tipul ruum to Sekem, ve tighau tila.
1008	GEN 34:27	Ghoro Yakop ndinatu pida anadi timundig ve tilaan muri tilooŋ tila ndug Sekem, ve tiyou mbeb to yes to tirab di timaat ne, inim yatuuŋ ŋgar samia to tigham pa livudi Dina. Tigham makau, esele, ve sipsip todi, toman mbaliiŋ ve mbeb todi pida to tineep ruum lolo. Mbeb todi to ineep paanu, ve mbeb to uum paam, eta ineep muul maau. Tiyou di le tisob. Ve tiyou ndiliva todi toman ndinatudi paam.
1020	GEN 35:8	Tinepneep tonowe, ve Debora, liva mbesooŋa to Yakop tina Rebeka, imaat. Sawa to Rebeka paini ve inim, Debora iŋgini. Yes titavia izi ai tiina eez pughu to iyoon igharau ndug tonowen. Tovenen tiwaat ai tonowen iza tighaze “Ai to taŋiiz.”
1037	GEN 35:25	Bila to liva mbesooŋa to Rael, ye ipoop Dan yesuru Naptali.
1061	GEN 36:20	Ŋgeu eez ineep izi taan suruvu to Edom paam, iza Seir. Ye Or taamdi. Seir ndinatu, nene: Lotan, Sobal, Zibeon, Ana, Dison, ve Ezer. Yes tila tineep ledi ledi izi taan suruvu to Edom, ve tinim ndimaronŋa pa yes Ora.
1066	GEN 36:25	Ana ipoop ndinatu ru. Tamoot iza Dison, ve liva iza Oholibama.
1067	GEN 36:26	Dison ndinatu, nene: Emdan, Esban, Itran, ve Keran.
1069	GEN 36:28	Ve Disan ndinatu, nene: Uz ve Aran.
1070	GEN 36:29	Tovenen Or papaghu toni to tivot ve tinim ndimaronŋa pa rumai todi todi, nene Lotan, Sobal, Zibeon, Ana, Dison, Ezer, ve Disan. Yes tonenen, to tiŋgin yes Ora, ve tineep ledi ledi izi taan suruvu to Seir.
1073	GEN 36:32	Beor natu Bela, ye kinik to iŋgin taan suruvu to Edom muuŋ. Ndug toni iza Dinaaba.
1101	GEN 37:17	Ŋgeu tonowen isaav pani ighaze: “Wais, unum rikia, tone ughita di. Maau ve tipul ndug tonene, ve tisakia di tila wa. Eemoghon nalooŋ tighaze tila pa ndug Dotan.” Tovenen Yosep itaghon nditogha ila, le indeeŋ di izi ndug Dotan.
1173	GEN 39:23	Daba to iŋginŋgin ruum to yabyabuuŋ, ipul uraat isob ila Yosep nima, ve mata ila pani muul maau. Pasa, Yoova inepneep toman Yosep. Tovenen uraat isob to Yosep ighami, nene ilaan poia moghon.
1402	GEN 46:15	Yakop yesuru azuwa Lea tinepneep izi taan suruvu to Mesopotamia, ve tipoop ndinatudi nditamoot tonene toman natudi liva Dina. Tovenen Lea ndinatu ve nditimbu, yes irau tamoot ee saaŋgul ve tol (33).
1410	GEN 46:23	Dan ipoop natu ee moghon, iza Usim.
1490	GEN 49:16	Dan papaghu toni pale tinim rumai kainaŋen eez to yes Israela, ve tigham uraat pa gharatooŋ pataŋani to tamtoghon. Yes ival maau. Eemoghon pale tiwaghamun koiadi tinimale moot samia to ineep ataam dige ve isasaŋan. Ighaze tamtoghon eta ilaan toman hos toni inim, nene pale rikia moghon iŋaaŋ hos aghe, ve ŋgeu to ineep izala hos pogho, itap izi taan.
1534	EXO 1:1	Yes Israela to yesŋa tamandi Yakop, ve ndizwadi ve ndinatudi tizila pa Isip ne izadi tovene: Ruben, Simeon, Levi, Yuda, Isakar, Zebulun, Benyamin, Dan, Naptali, Gat ve Aser. Yakop iza ite Israel. Papaghu toni to yesŋa tizila Isip, yes irau tamoot tol saaŋgul (70). Ve natu Yosep, ye imuuŋ ila ineep pataghaaŋ wa.
1929	EXO 15:8	Yom atem yabyab padi kat. Tauto ugham yaghur tiina imundig ve ivalag te. Pida ila pa ŋas, ve pida ila pa waan. Dige ru tonowen tiŋgud tiza ve tiyoon kat tinimale didiiŋ. Te to mazovan iyoon le iyaryaaŋ.
7209	RUT 4:17	Tovenen Betelem tidi tisaav tighaze: “A ghara, Naimi igham le paghu eez wa.” Ve tiwaat pain tonenen iza Obet. Obet tonene to natu Yesi. Ve Yesi natu, nene kinik David.
7210	RUT 4:18	Nene pitiiŋ to Peres papaghu toni: Peres natu, nene Ezron, Ezron natu Ram, Ram natu Aminadap, Aminadap natu Nason, Nason natu Salmon, Salmon natu Boas, Boas natu Obet, Obet natu Yesi, ve Yesi natu, nene David to inim kinik tiina to Israel.
14181	PSA 18:51	Yoova iuluul yes to ye ighur di tinim kinik. Tauto tiliblib pa malmal tintina. Ye tau ighur David pa igham pooz. Tovenen lolo ineep tuŋia ila toni, ve pale ighur poia toni iza to David toman papaghu toni itaghoni taghoni gha ila.
14383	PSA 32:9	Tovenen ugham ŋgar pooi. Dabam ariaŋa inimale hos ma esele malep. Yes ledi ŋgar maau. Tauto tamtoghon tighurghur ain suruvu toman waar ila avodi, leso tipasaluŋgan di pa laghooŋ, ve titaghon ŋgar todi.”
14664	PSA 47:10	Daba to ndug ndug tilup toman iit to tambesmbees pa Maaron to Abaram, ve itiŋa tapait iza. Pasa, pooza tisob to taan tineep ila nima. Tapait iza izala le izala kat.
14968	PSA 68:16	Lolooz to ndug Basan, nene tiina ve daba izala kat, ve le mbuŋa mbuŋa ve kazimuŋa katindi. Daba izala kat, tauto ye le iza.
15075	PSA 72:20	Suŋuuŋ to Yesi natu David, tauto tinim timuul sualen.
15241	PSA 78:70	Ve isia mbesooŋa toni David inim kinik. David iŋginŋgin sipsip ila sirsiir lolo, ve Maaron ighami pa uraat toni.
15243	PSA 78:72	Tovenen David iŋgin di itaghon ŋgar deŋia, ve igham pooz padi pooi.
15394	PSA 89:4	Muuŋ, yom usaav ughaze: “You nasia mbesooŋa tiou David ve nambua saveeŋ tomani. Saveeŋ tonene, napariaaŋa le iyaryaaŋ kat naghaze: ‘You pale napalot papaghu tiom, ve naghur di tinim kinik irau sawa isob. Yes pale tineep ila inam to ghamuuŋ pooz, ve tiŋgin yes Israela itaghoni taghoni gha ila.’”
15411	PSA 89:21	You naghita mbesooŋa tiou David, ye iraua. Tauto naliŋ ŋgoreeŋ tiou patabuaŋ izala daba, ve naghuri pa uraat.
15420	PSA 89:30	Siŋ toni irau isob maau. Pale naŋgin papaghu toni, ve tineep pooi itaghoni taghoni gha ila tinimale sambam paroŋania. Pale tineep ila David ina to ghamuuŋ pooz, ve tiŋgin yes Israela irau sawa isob.
15424	PSA 89:34	Eemoghon ŋgar to lolog ineep tuŋia ila to David ve papaghu toni, ve nauluul di, nene irau napuli maau. Pale inepneep tovene itaghoni taghoni gha ila. Ŋgar tiou to natataghon saveeŋ tiou, nene irau napuli maau. Tovenen saveeŋ to nambua toman David, irau nareua maau. Saveeŋ to ivot ila taug avog, irau natoora maau.
15426	PSA 89:36	Pasa, you Maaron patabuaŋ. Tovenen saveeŋ mbuaaŋ tiou to napariaaŋa le iyaryaaŋ kat, nene pale inepneep tovene itaghoni taghoni gha ila. Irau natombaan David maau.
15429	PSA 89:39	Yoova, muuŋ yom umbua saveeŋ ariaŋa tovene pa David ve papaghu toni. Eemoghon aazne, atem yabyab kat pa kinik tiei to taum usia ve ughuri pa uraat. Yom lolom pani muul maau, ve upul murim pani kat.
15431	PSA 89:41	Didiiŋ ariaŋa to iluvut ndug toni, yom ureu mbirisani izi. Ve uwaghamun ruum toni ariaŋadi paam, le tisob timbiriis.
15440	PSA 89:50	Yoova, muuŋ yom umbua saveeŋ toman David, ve upariaaŋa le iyaryaaŋ kat ughaze pale lolom ineep tuŋia ila toni, ve uuli irau sawa isob. Eemoghon aazne, poia tiom tonanan ineep sine? Vena to utaghon saveeŋ mbuaaŋ tiom muul maau?
15495	PSA 93:3	Yoova, te imundig toman tapiri ighaze ireu ndug, ve avolutu tiina inimale lalaav. Dibom tipolpol, ve tighelghel taan toman avolutu tiina.
15735	PSA 106:17	Tovenen taan ikaak, ve Datan yesuru Abiram toman siŋ todi tisob titaptap tizila, ve taan avo ila iŋgup muul.
15792	PSA 107:26	Dibom tonowen indae waaŋ todi iza kat, ve ipuli izi le rismoghon tone indal izila mazovan tiina lolo. Tovenen matughezaaŋ tiina igham di, le tapiridi isob.
16162	PSA 122:5	Pasa, kinik tiei to tivot ila to David ne, inadi to ghamuuŋ pooz ineep to sualen. Ve tighagharaat saveeŋ to tamtoghon paam izi sualen.
16220	PSA 132:1	O Yoova, matam iŋgal David pa pataŋani naol to imbaad di.
16221	PSA 132:2	Muuŋ, David imbua saveeŋ ariaŋa toman Yoova, ye Maaron ariaŋa to Yakop. Ve ipariaaŋ saveeŋ tonowen le iyaryaaŋ kat.
16229	PSA 132:10	O Yoova, matam iŋgal mbesooŋa tiom David. Ye ndamo payei, tauto nighaze ulooŋ suŋuuŋ tiei tonene. Paghu toni to yom ughuri inim kinik payei ne, upul murim pani malep.
16230	PSA 132:11	Muuŋ, Yoova imbua saveeŋ ariaŋa toman David, ve ipariaaŋa le iyaryaaŋ kat. Tovenen irau ireua maau. Isaav ighaze: “You pale naghur papaghu tiom eta inim kinik, leso igham inam, ve ineep ila inam to ghamuuŋ pooz.
16236	PSA 132:17	Paghu to David to naghuri inim kinik ve ineep izi ndug tonene, you pale nagham iza ve tapiri ivot inim tiina. Kinik to you taug nasia ve naghuri pa uraat, you pale napalot papaghu toni, ve tigham pooz itaghoni taghoni gha ila, tinimale lam to iyaryaar irau sawa isob.
16385	PSA 144:10	Pasa, yom uluul yes kinik to yei Israela. Tauto tilib pa malmal. Muuŋ, yom ugham mulin mbesooŋa tiom David pa buza to mateeŋ.
22622	JON 2:6	Dibom ipol izala poghog, ve itatab ghou. Ve waŋaar to te lolo ililiit ghou, ve aniiŋ to pon ikaukau dabag.
23214	MAT 1:1	Nene pitiiŋ to Yesu Krisi pughu toni. Yesu, ye siŋ to kinik David, ve David, ye siŋ to Abaraam.
23215	MAT 1:2	Yesu pughu toni to Abaraam ve inim imuul izi David, tauto izadi tovene: Abaraam natu Isak, Isak natu Yakop, ve Yakop ndinatu, nene Yuda toman nditogha ve nditazi.
23219	MAT 1:6	ve Yesi natu, nene kinik David. David ivai Uraia azuwa Batseba, ve yesuru tipoop Solomon.
23230	MAT 1:17	Tovenen Abaraam natu Isak, Isak natu Yakop, ve siŋ todi tiparseŋgan di tovene itaghoni ila ila le imuul David ivot inim saaŋgul ve paaŋ (14). Ve sawa to David, le ila imuul sawa to yes Babilona tiyou yes Yuda ve tigham di tila tivot Babilon, nene siŋ to David tiparseŋgan di irau saaŋgul ve paaŋ (14) muul. Ve sawa to yes Yuda tipul Babilon ve timuul tila taudi ndug todi, le ila imuul sawa to Krisi tina ipoopa, nene siŋ to David tiparseŋgan di irau saaŋgul ve paaŋ (14).
23233	MAT 1:20	Ighamgham ŋgar sone, ve Maaron aŋela toni ivot toni ila vibiiŋ, ve isaav pani ighaze: “Yosep, yom siŋ to David, umatughez pa ugham Maria inim azuwam malep. Pasa, tamtoghon to ineep ila ye apo, nene ivot pa Avuvu Patabuaŋ tapiri.
23303	MAT 4:25	Tovenen ival tiina to Galilaia, ve ival tiina to taan suruvu to Dekapolis, toman yes Yerusalema, ve yes to Yudea, ve ndug pida to tineep tigharau ya Yordan paŋa ite ila pa ndag iza ne paam, tiketkeet tila toni, ve titaghoni ve yesŋa tilaghlaagh.
23339	MAT 5:36	Dabamim paam, awaata pa apariaaŋ saveeŋ tiam malep. Pasa, yam irau agham dabamim raua asosooŋa eta, ma moom eta iza ne maau.
23419	MAT 8:5	Yesu ilaagh ilooŋ ila pa ndug Kapernaum, ve daba eez ilaagh iŋarua ila. Daba tonowen iŋgin ndaaba to Rom irau tamoot liim (100). Ye ila ivot to Yesu, ve itaŋ rorani ighaze:
23475	MAT 9:27	Yesu ipul ndug tonowen, ve isakia laghooŋ toni muul ila, ve ndiran ru to matadi pisi, titaghoni tinim, ve timboboob tighaze: “Oo, David Natu, lolom ghora, isamin ghei, ve uul ghei lak!”
23516	MAT 10:30	Ve yam, Maaron ighita gham ighaze yam alib kat pa man niuruŋgu to katindi ne. Ve ye iwatag katin gham. Dabamim raua paam, ye inin di tisob. Tovenen yam amatughez malep. Ye pale mata iŋgal gham.
23561	MAT 12:3	Yesu ipamuul aliŋadi ighaze: “Kamos to isavia sawa to kinik David yesŋa ndita pida pitool di, yam awaata, ma maau? Sawa tonenen, David ilooŋ ila mbeez (o haus sel) patabuaŋ to Maaron, ve igham mberet patabuaŋ to tighuri ila Maaron nagho. Mberet tonowen tutuuŋa tovene: Ival tiina irau tighan maau. Yes ndiran to watooŋrau moghon, ghoro tighani. Eemoghon David igham mberet tonenen ve ighani, ve irei pida pa tamtoghon toni, ve tighan paam.
23581	MAT 12:23	Ival tiina tighita mbeb gharatooŋa tonenen, le tisob ruŋadi iza ve ŋgar todi isob. Tovenen tisaav tighaze: “Wai, ŋgeu tonene avaat David Natu tou?”
23724	MAT 15:22	Mala maau ve Kanaan tidi eez to ndug tonowen iŋarua Yesu ila, ve itaŋ rorani toman aliŋa tiina ighaze: “Tiina, yom David Natu. Lolom ghora, isamin ghou ve uul ghou! Pasa, avuvu samia izeev natug liva le isami kat.”
23891	MAT 20:30	Tilaagh tila le tivot to ndiran ru to matadi pisi. Mboledi izi ataam dige ve tinepneep. Yesuru tilooŋ tighaze Yesu inim le ighaze isalib padi. Tovenen timboob aliŋadi tiina tighaze: “Aa Tiina tiei, David Natu, lolom isamin ghei, ve uul ghei lak!”
23892	MAT 20:31	Ival tiina tilooŋ di, ve tiyaan di tighaze neneeŋadi. Eemoghon maau. Yesuru titaŋ roran Yesu muul toman aliŋadi tiina kat tighaze: “Wais tiina tiei, David Natu, lolom, ghora, isamin ghei, ve uul ghei lak!”
23904	MAT 21:9	Ve tamtoghon pida timuuŋ pa Yesu, ve pida tilaagh muri, ve tipaiti toman aliŋadi tiina tighaze: “Hosana! Tapakur David Natu. Ŋgeu tonene inim pa Ŋgeu Tiina iza. Poia to Maaron pale iza toni ve ipaloti. Hosana! Tapait Maaron to ineep sala le sala kat ne iza!”
23910	MAT 21:15	Tovenen ndipain to tineep Rumai Tiina nagho ne paam, timboboob inimale pakuruuŋi tighaze: “Hosana! Tapakur David Natu!” Yes daba to watooŋrau ve yes ŋgara to tutuuŋ tighita mbeb gharatooŋadi to Yesu ighamgham di, ve tilooŋ saveeŋ to ndipain tonowen, le irau lolodi maau.
23983	MAT 22:42	“Laak, yam agham ŋgar vena pa Mesia? Pale ivot ila siŋ to sei?” Yes tipamuul aliŋa tighaze: “Ye pale ivot ila siŋ to kinik David.”
23984	MAT 22:43	Tovenen Yesu ighason di muul: “Ighaze venen, pughu vena to Maaron Avuvu ipamundigin David, ve ye iwaat Mesia ighaze ‘Tiina toni’?
23985	MAT 22:44	Pasa, muuŋ David isaav ighaze: ‘Maaron isaav pa Tiina tiou ighaze: “Unum mbolem izi ila pa nimag waan, le irau natatan koiamŋa, ve tapiridi isob kat, ve uvazag di ila aghem samba.” ’
23986	MAT 22:45	“Ighaze David tau iwaat Mesia ighaze ‘tiina toni,’ pale Mesia ivot ila siŋ to David vena?”
24041	MAT 24:15	Yesu isaav muul ighaze: “Muri, yam pale aghita tamtoghon tipayoon mbeb samia kat ilooŋ ila Rumai Patabuaŋ to Maaron pa tiwaghamuni. Ghoro tipul ndug tonowen ineeple. Saveeŋa, propet Daniel ivotia muuŋ wa. (Yom sei to uwaat saveeŋ tonene, ugham ŋgar pani pooi.)
24188	MAT 26:65	Daba to watooŋrau ilooŋ saveeŋ tonene le irau lolo maau kat. Tovenen ireep nonogiiŋa toni, ve isaav ighaze: “Isob wa! Takaal tamtoghon ite paam pa ipariaaŋ saveeŋ muul pasa? Aazne, yam taumim alooŋ katin saveeŋ ila ye tau avo wa. Ye isavia saveeŋ velegiiŋ pa Maaron.
24216	MAT 27:18	Piladus isaav tovene pasa, ye iwatag: Daba to yes Yuda tigham Yesu inim, ve tighuri ila nima pasa, tighita tamtoghon katindi tipait Yesu pa uraat toni ve titaghoni. Tauto ireu yes daba tonowen lolodi ve tighur koi pani.
24354	MRK 2:25	Yesu isaav padi ighaze: “Kamos to isavia sawa to kinik David yesŋa ndita pida timbool pa aniiŋ ve pitool di, yam awaata rita, ma maau? Kamos tonenen isaav tovene: Sawa to Abiata ye daba to watooŋrau, David ilooŋ ila mbeez (o haus sel) patabuaŋ to Maaron, ve igham mberet patabuaŋ to tighuri ila Maaron nagho. Mberet tonowen tutuuŋa tovene: Ival tiina irau tighan maau. Yes ndiran to watooŋrau moghon, ghoro tighani. Eemoghon David igham mberet tonenen ve ighani, ve irei pida pa tamtoghon toni ve tighan paam.”
24453	MRK 5:20	Tovenen ŋgeu tonenen imuul ila, ve ivotia uraat tiina to Yesu igham pani ne varu irau ndug ndug to tineep ila taan suruvu to Dekapolis. Ival tisob to tilooŋ saveeŋ toni, ruŋadi iza pa Maaron tapiri le ŋgar todi isob.
24563	MRK 7:31	Yesu ipul taan suruvu to Tair, ve isakia laghooŋ toni ila ivot ndug Sidon. Ghoro iluvut muul inim, ve imbut taan suruvu to Dekapolis, ve ila ivot ya naliu Galilaia muul.
24578	MRK 8:9	Ival tiina to tighan aniiŋ tonenen, yes irau ndiŋndiŋ paaŋ (4000) ma venen. Tighan le isob, ve Yesu ighur di timuul tila pa ndug todi todi. Ghoro rikia moghon yesŋa taghoniiŋa toni tizila muul pa naari, ve tiza waaŋ todi, ve tiraav tivool tila pa taan suruvu to Dalmanuta.
24704	MRK 10:47	Ye ilooŋ tighaze ŋgeu to inim ne, ye Yesu to Nasaret. Tovenen imboob aliŋa tiina ighaze: “Aa Yesu, David Natu, lolom ghora, isamin ghou ve uul ghou lak!”
24705	MRK 10:48	Tamtoghon katindi tilooŋa, ve tiyaana tighaze neneeŋa. Eemoghon maau. Ye itaŋ roran Yesu muul toman aliŋa tiina kat ighaze: “O David Natu, lolom isamin ghou ve uul ghou lak!”
24719	MRK 11:10	Tamtoghon to aazne inim ne, pale inim kinik, ve igham pooz inimale muuŋ timbuud David ighami. Poia to Maaron pale iza toni ve ipaloti. Hosana! Tapait Maaron to ineep sala le sala kat ne iza!”
24777	MRK 12:35	Yesu ipatoot tamtoghon pa Maaron aliŋa ila sirsiir to Rumai Tiina lolo, ve ighason di ighaze: “Laak, pughu vena to yes ŋgara to tutuuŋ tighaze Mesia pale ivot ila siŋ to kinik David? Pasa, muuŋ Avuvu Patabuaŋ ipamundigin David, ve isaav ighaze:
24779	MRK 12:37	“Aghita. David tau iwaat Mesia ighaze ‘tiina toni.’ Eemoghon Mesia, ye siŋ to David. Mbeb tonene, ŋgara vena?” Ival tiina to tiloŋlooŋ Yesu saveeŋ toni, tinidi iza ve lolodi poiawaat kat.
24876	MRK 14:53	Yes tigham Yesu tila, ve tighuri ilooŋ ila ruum to daba to imuuŋ pa yes to watooŋrau. Daba tisob to watooŋrau, toman yes ŋgara to tutuuŋ ve yes pooza tilup di tonowe ve tisasaŋan.
24886	MRK 14:63	Daba to watooŋrau ilooŋ saveeŋ tonene le irau lolo maau kat. Tovenen ireep nonogiiŋa toni, ve isaav ighaze: “Isob wa! Takaal tamtoghon ite paam pa ipariaaŋ saveeŋ muul pasa?
24905	MRK 15:10	Piladus isaav tovene pasa, ye iwatag: Daba to yes Yuda tigham Yesu inim, ve tighuri ila nima pasa, tighita tamtoghon katindi tipait Yesu pa uraat toni ve titaghoni. Tauto ireu yes daba tonowen lolodi, ve tighur koi pani.
24934	MRK 15:39	Daba to yes ndaaba iyondyood ila Yesu nagho, ve ighita Yesu imaat. Ye ighita mateeŋ toni, ite kat. Tovenen isaav ighaze: “Onoon kat, ŋgeu tonene, ye Maaron Natu.”