104	GEN 4:24	Alooŋ. Ighe tamtamon eta irav Kain imaat, ene pale tiyatu irau pai liim ve ru. Eemon yau, isaav ighe tirav matin ghau, ene pale tiyatu irau pai tamoot tol saŋavul liim ve ru (77).”
141	GEN 6:3	Yoova ighita gabua tana, ve isaav ighe: “Tamtamon, ene yes taan sorok. Avuvug irau ileep tomani zi, ve tileep matazi yaryaare le alok ne mako. Pale tileep irau ndaman ndiŋndiŋ ee tamoot ee (120) mon, ve saawe toozi isov ve timaat.”
153	GEN 6:15	Ene eez tau yo aat utaghoni: Malaua to waaŋ, uroova irau roov tamoot tol saŋavul ve liim (133 mita), ve tuuku tooni irau roov saŋavul ve ru (22 mita), ve loolo izala saaŋa ve izilam siiŋa, ene irau roov liim ve ru (13 mita).
180	GEN 7:20	Yaa ivon izala le iliiv loloz dabazi naol isov irau roov paaŋ (8 mita).
184	GEN 7:24	Tauvene yaa itav taan, ve ipot irau mboŋ 150 (kaiyo liim ma vene).
277	GEN 11:10	Ene pitiiŋ to Sem toman paaghu tooni: Yaa ivon toman tapiri tiina le isov, ve ndaman ru ilam ila, ra Sem naatu aidaaba Apaksad izi. Saawe tana, Sem ndaman tooni irau ndiŋndiŋ ee (100).
326	GEN 13:7	Tauta Lot besooŋa tooni ve Abram besooŋa tooni tiburig ve tivazorai zi. (Saawe tana, yes Kanaana ve yes Peresa tilepleep nugh tawe paam.)
338	GEN 14:1	Saawe tana, Bera, i kinik to nugh Sodom. Birsa, i kinik to nugh Gomora. Sinap, i kinik to nugh Adma. Semeba, i kinik to nugh Zebo. Ve Kedorlaomer, i kinik to nugh Elam. Kedorlaomer iŋgin kinik paaŋ tawe tomania kinik to nugh Bela (eeza ite Zoar) irau ndaman saŋavul ve ru wa. Ve ndaman ite imin saŋavul ve tol, ene kinik liim tawe tiburig ve tizoor kinik Kedorlaomer aliiŋa. Tauvene ndaman imin saŋavul ve paaŋ, kinik Kedorlaomer imbaaŋ ila pa zeetŋa tol ve tilam. Ezazi tauvene: Amrapel, i kinik to nugh Sinar, Ariok, i kinik to nugh Elasa, ve Tidal, i kinik to nugh Goi. Kinik paaŋ tawe tomania zaaba toozi tila, ve yesŋa yes zeran to Repaim tigham malmal izi nugh Asterot-Karnaim le tiliiv zi. Ra tila pa nugh Am, ve yesŋa zeran to Zuzim tigham malmal le tiliiv zi paam. Ra tila pa taan duduuŋa to Kiriataim, ve yesŋa zeran to Enim tigham malmal le tiliiv zi. Mako tila pa taan Seir loloza, ve yesŋa zeran to Or tigham malmal le tiliiv zi, ve tinaan zi tila pa nugh El Paran, tau igheen igharau nugh ŋginaaŋa. Isov ra, timuul tila pa nugh Kades tau eeza ite En Mispat. Ve yesŋa zeran to Amalek, ve zeran to Amor tau tileep izi nugh Azezon Tamar na, tigham malmal le tiliiv zi paam. Kedorlaomer tomania zeetŋa tiliiv yes kinik tana le isov, ra kinik liim to Sodom, Gomora, Adma, Zebo, ve Bela tilup zi, ve tila pa taan duduuŋa tau eeza Sidim. Tileep ta sewe ve tisaŋan Kedorlaomer tomania zeetŋa leso yesŋa tigham malmal. Tipaburigin malmal ta sewe, ve Kedorlaomer tomania zeetŋa tiliiv kinik liim tawe.
354	GEN 14:17	Abram iliiv Kedorlaomer tomania kinik siriv tana, ra imuul ilam, ve kinik to Sodom ilam izaa tooni izi taan duduuŋa tau eeza Save. (Taan tawe, eeza ite ‘Taan duduuŋa to yes kinik.’)
374	GEN 15:13	Ra Maaron isaav pani ighe: “Mboŋ aazne, yau aat nasavia gabua tau murei pale ivot pa paaghu tsio. Yes pale tila tileep izi nugh ite timin loom. Nugh tawe tamtamona pale tigham zi timin besooŋa sorok, ve titatan zi ve tigham saghatin zi irau ndaman ndiŋndiŋ paaŋ (400).
415	GEN 17:17	Abaram ilooŋ saveeŋ tane, ra iput aaghe ve ighur naagho izila taan, eemon iŋiŋ ve loolo ighur ighe: “Wai, ene yau namin kooŋ wa. Isaav ighe ŋeer eta ndaman tooni irau ndiŋndiŋ ee (100), pale irau yesuru azaawa tipoop? Ve Sara paam, ndaman tooni irau tamoot paaŋ saŋavul (90). Pale irau ipoop?”
422	GEN 17:24	Tauvene Abaram ndaman tooni irau 99, ve naatu Ismael ndaman tooni irau saŋavul ve tol (13), ra tirav yesuru warozi. Ve saawe tana, tirav besooŋa tooni tisov warozi paam. Yes tau tinazŋa tipoop zi ila Abaram ruum tooni, tomania yes tau i ighol zi tilam na paam.
449	GEN 18:24	Isaav ighe zeran duduŋazi tamoot ru saŋavul (50) tileep izi nugh tawe, pale uvaghamunia nugh? Mako. Yo aat lolom isaghatin zi ve upul zi tileep. Pa zeran duduŋazi tawe ndamozi pa nugh.
450	GEN 18:25	Maaron, yo mon ta gabizooŋ tauu to tamtamon tisov to taan. Yo aat ugabiiz zi itaghon ŋgar duduuŋa. Ughita. Isaav ighe zeran duduŋazi tamoot ru saŋavul (50) tileep izi nugh tawe ve uvaghamunia nugh, ene pale urav tamtamon duduŋazi tomania yes sasaghatizi. Ighe ugham tauvene, pale iduduuŋ wa? Yo irau ughur atuya raraate pa zeran duduŋazi ve sasaghatizi mako.”
451	GEN 18:26	Maaron iyol Abaram aliiŋa tauvene: “Isaav ighe yau naghita zeran duduŋazi irau tamoot ru saŋavul (50) tileep izi nugh Sodom, yes aat ndamozi pa nugh tawe, ve irau navaghamun zi mako.”
453	GEN 18:28	Isaav ighe zeran duduŋazi irau tamoot ru geege liim (45) mon tileep izi nugh Sodom, ene pale mindai? Pale uvaghamunia nugh dodoli tawe? Pa ene zeran liim mon ta mako.” Maaron iyol aliiŋa ighe: “Mako. Isaav ighe naghita zeran duduŋazi tamoot ru geege liim (45), ene irau navaghamunia nugh tawe mako.”
455	GEN 18:30	Tauvene Abaram isaav muul ighe: “O Tiina tsiau, atem yavyav payau sov. Yau naghe naghason ghom muul. Ighe ughita zeran duduŋazi tamoot ee saŋavul (30) mon tileep ta sewe, ene pale mindai?” Maaron iyol aliiŋa ighe: “Ene pale mako paam.”
456	GEN 18:31	Tauvene Abaram isaav muul ighe: “Tiina tsiau, yau nawatagh: Nakaria ghasoniiŋ ghom wa. Eemon ighe yo ughita zeran duduŋazi tamoot ee (20) mon tileep, pale mindai?” Maaron isaav pani ighe: “Ene aat mako paam.”
512	GEN 20:16	Ve Abimelek isaav pa Sara ighe: “Ughita. Yau nagham livum le maet silva irau ndiŋndiŋ ndiŋndiŋ ee (1,000). Leso napaghazoŋai ezam ila yes tau yamŋa alaghlaagh na matazi, ve tiwatagh tighe yo lem sosor eta mako.”
519	GEN 21:5	Saawe tau Sara ipoop Isak, Abaram ndaman tooni irau ndiŋndiŋ ee (100) wa.
569	GEN 22:21	Ezazi tauvene: Uz (i aidaaba), tazŋa Bus, ve Kemuel tau Aram taama, ve Kesed, Aso, Pildas, Yidlap, ve muria kat, ene Betuel tau Rebeka taama. Yes liim ve tol tane, ta Abaram taazi Naor yesuru azaawa Milka natuzŋa.
573	GEN 23:1	Sara ilepleep le ndaman tooni irau 127, ra saawe tooni isov ve imaat izi nugh Kiriat Arba tau igheen ila taan sirivu to Kanaan. (Kiriat Arba eeza ite Ebron). Tauvene Abaram loolo ipataŋan pa azaawa ve itaŋ pani.
591	GEN 23:19	Ra Abaram ila ighur azaawa Sara paata iloŋ ila maet puura tau igheen ila taan Makpela igharau nugh Mamre izi taan Kanaan. (Nugh Mamre eeza ite Ebron.)
679	GEN 25:20	Ndaman to Isak irau tamoot ru (40), ra ivai Rebeka. Rebeka taama eeza Betuel. I puughu tooni ivot ila to Aram, ve ileep izi taan sirivu to Mesopotamia. Rebeka liivu eeza Laban.
685	GEN 25:26	Ra taazi ikis toogha aaghe guubu ve aana izi. Tauvene tiwaat eeza Yakop. Saawe tau Rebeka ipoop geegeu ru tawe, Isak ndaman tooni irau tamoot tol (60).
689	GEN 25:30	Tauvene isaav pa Yakop ighe: “Aiss, yau pitool ghau le nasaghat kat. Sur siŋsiŋai tana, uzoov leg rigta ilam naghun!” (Tauta tiwaat Esau eeza ite tighe Edom.)
705	GEN 26:12	Ndaman tana, Isak ivazogh aniiŋ ila taan tawe le aniiŋ pugh eŋaeŋa anoŋazi tivot irau ndiŋndiŋ ee (100). Pasaa, Yoova ighur poia tiina izaa tooni.
727	GEN 26:34	Esau ndaman tooni irau tamoot ru (40), ra ivai Hit tinazi ru, ezazi Yudit, ve Basemat. Yudit, i Beri natliva. Ve Basemat, i Elon natliva.
912	GEN 31:38	“Yau naleep tomani ghom irau ndaman tamoot ee (20) wa. Saawe isov tana, sipsip ve mekmek tsio popaaŋ toozi poia mon. Ve yau naghan sipsip tsio eta sorok mako.
943	GEN 32:15	Ŋgai tauvene: Mekmek upin tamoot saŋavul (200), ve zitamoot tamoot ee (20). Sipsip upin tamoot saŋavul (200), ve zitamoot tamoot ee (20).
944	GEN 32:16	Kamel upin tamoot ee saŋavul (30) tomania natuzŋa. Makau upin tamoot ru (40), ve zitamoot saŋavul (10). Ve doŋki upin tamoot ee (20) ve zitamoot saŋavul (10).
980	GEN 33:19	Ve ighol taan tau i ilepleep pani na ila to yes ziiri waaro to Amor pa maet milmilia ndiŋndiŋ ee (100). (Amor, i Sekem taama).
1031	GEN 35:19	Tauvene Rael imaat, ve titavia izi eez tau ila pa nugh Eprata na ziige. (Eprata, eeza ite Betelem.)
1039	GEN 35:27	Yakop iburig muul, ve ila ivot to taama Isak izi nugh Mamre tau igharau nugh Kiriat Arba. (Kiriat Arba eeza ite Ebron. Nugh tawe, ta muuŋ Abaram yesuru Isak tileep timin loom pani.)
1040	GEN 35:28	Isak ilepleep le imin kooŋ kat, ra imaat ve ila ileep tomania ziiri waaro tooni tau timaat muuŋ na. Ndaman tooni irau ndiŋndiŋ ee tamoot paaŋ (180), ra imaat ve natŋa ru, Esau gha Yakop, titavia.
1042	GEN 36:1	Ene pitiiŋ to Esau tomania paaghu tooni. (Esau eeza ite Edom.)
1049	GEN 36:8	Tauvene Esau ila ileep izi taan sirivu to Seir loloza. (Esau eeza ite Edom.)
1086	GEN 37:2	Ene sinaiŋ to Yakop tomania natŋa. Saawe tau Yakop naatu Yosep ndaman tooni irau saŋavul liim ve ru (17), yesŋa tooghŋa siriv tau Yakop azauŋa zazagheeŋa Bila gha Silpa natuzŋa na, tiŋginŋgin ŋgai toozi. Saawe siriv, ighe tooghŋa tigham gabua eta isosor, mako ila ipaes pa tamazi.
1241	GEN 41:45	Kinik iwaat Yosep eeza paaghu Zapenat-Panea. Ve igham ŋeer ee, eeza Potipera, natliva Asenat ila imin Yosep azaawa. Potipera tawe, i ŋeer to watooŋrau to nugh On. Saawe tau Yosep ndaman tooni irau tamoot ee saŋavul (30), i ipaburigin uraat tau kinik to Isip ighuru ila niima na. Tauvene ipul kinik, ve ilaghlaagh irau nugh nugh to Isip, ve ighitghit zi pa uraat toozi.
1381	GEN 45:22	Ve irei lezi nonoghiiŋa paghpaaghu le irau zi. Eemon Benyamin, Yosep igham le nonoghiiŋa paghpaaghu liim, ve maet silva irau ndiŋndiŋ tol (300).
1402	GEN 46:15	Yakop yesuru azaawa Lea tilepleep izi taan sirivu to Mesopotamia, ve tipoop natuzŋa zitamoot tane tomania natuzliva Dina. Tauvene Lea natŋa ve timŋa, yes irau tamoot ee saŋavul ve tol (33).
1405	GEN 46:18	Tamtamon saŋavul liim ve ee (16) tane, ene Lea besooŋa tooni livaa Silpa yesuru Yakop natuzŋa ve timbuzŋa. Silpa tane, Lea taama Laban igham pani imin besooŋa tooni.
1409	GEN 46:22	Tamtamon saŋavul ve paaŋ (14) tane, ene Yakop yesuru azaawa Rael natuzŋa ve timbuzŋa.
1413	GEN 46:26	Tauvene Yakop natŋa ve timŋa tau yesŋa tizila pa Isip na, yes irau tamoot tol liim ve ee (66). Ve raulivaŋa, ene tinin zi tomani zi mako.
1414	GEN 46:27	Ve isaav ighe talup Yakop tauu, natŋa, ve timŋa, tomania Yosep ve natŋa ru tau yesuru azaawa Asenat tipoop zi izi Isip na, ene timin tamoot tol saŋavul (70). Yes tane ta tilup zi ve tileep izi Isip.
1430	GEN 47:9	Yakop iyol aliiŋa ighe: “Yau naleep namin loom izi taan irau ndaman ndiŋndiŋ ee tamoot ee saŋavul (130) wa. Ndaman tsiau katini imin to tibugŋa mako. Ve lepoogh tsiau poia mako. Pataŋani naol indeeŋ ghau.”
1449	GEN 47:28	Yakop ileep izi Isip irau ndaman saŋavul liim ve ru, le ndaman tooni irau ndiŋndiŋ ee, tamoot ru, ve liim ve ru (147).
1459	GEN 48:7	Saawe tau napul taan Mesopotamia, ve namuul nalam Kanaan le nagharau nugh Eprata, tinam Rael imaat izi eez livuugha, ve natavia ta sewe.” (Nugh Eprata, eeza ite Betelem.)
1509	GEN 50:2	Itaŋ le isov, ra isaav pa yes besooŋa tooni tau tighamgham uratoi yes mateegha patazi na, gha tigharaat taama paata. Leso isaghat rekia sov, ve igheen malau. Tauvene yes tila ve tigham uratoi Yakop paata itaghon gabuazi, le irau mboŋ tamoot ru (40). Pasaa, uraat tawe ikis zi saawe malau tauvene. Yes Isipa paam titaŋ pa olman Yakop, ve tileep ila moŋiiŋ le irau mboŋ tamoot tol saŋavul (70).
1529	GEN 50:22	Yosep tomania tooghŋa ve taazi tilepleep izi Isip, le Yosep ndaman tooni irau ndiŋndiŋ ee ve saŋavul (110).
1533	GEN 50:26	Tauvene Yosep ndaman tooni irau ndiŋndiŋ ee ve saŋavul (110), ra imaat. Yes Isipa tigharaat paata leso imbuuz sov, ve tizeeva ila ndawawa loolo ta Isip we.
1534	EXO 1:1	Yes Israela tau yesŋa tamazi Yakop, ve azuwazŋa ma natuzŋa tizila pa Isip na ezazi tauvene: Ruben, Simeon, Levi, Yuda, Isakar, Zebulun, Benyamin, Dan, Naptali, Gat ve Aser. Yakop eeza ite ta Israel. Paaghu tooni tau yesŋa tizila Isip na, yes irau tamoot tol saŋavul (70). Ve naatu Yosep, i imuuŋ ila ileep pataghaaŋ wa.
1671	EXO 6:15	Yakop naatu Simeon natŋa, ene: Yemuel, Yamin, Oat, Yakin, Zoar, ve Saul. (Saul tiina, i Kanaan tinazi.) Yes tana ta tivot ila to Simeon le timin eval, ve murei ra, tivalagh tauzi timin rumei liim ve ee.
1693	EXO 7:7	Saawe tana, Mose ndaman tooni irau tamoot paaŋ (80). Ve Aron ndaman tooni irau tamoot paaŋ ve tol (83).
1823	EXO 12:6	Aŋgin zi poi le mboŋ imin saŋavul ve paaŋ (14) to kaiyo tane, ve ravrav izi, saawe tau taghit sapirin ghiit, mako arav zi. Ve ruum sindei tau aleep ila na, agham gabua tau arav zi na siŋizi, ve akumu izala didiiŋaia to ataman. Ila ziige ru, ve izaa pa saaŋa paam. Leso imin ilaal pa yam tamtamon to Yoova tau alup gham pa ghanghaniiŋ ila ruum tana loolo.
1835	EXO 12:18	“Tauvene ndaman isov, kaiyo tau ivot imin maata na, mbooŋi imin saŋavul ve paaŋ (14), ve ravrav tooni, ene saawe tau lupuuŋ tiina tane iburig, ve ila isov pa ravrav to mboŋ imin tamoot ee ve geege ee (21). Mboŋ liim ve ru tana, isaav ighe aghan mberet, na aghan mberet tau tighur yis ila mako na. Tauvene saawe tana, yis eta igheen ruum tsiam lolozi sov. Isaav ighe taumim eta, ma loom eta tau ileep ila sosomim na izoor saveeŋ, ve ighan mberet tau tikepu tomania yis ila saawe tana loolo, na aziire ighau ila soghan pa yam Israela. Ilup ghi tomani gham muul sov.
1948	EXO 15:27	Ra yes Israela tilaagh tila tivot nugh Elim. Nugh tawe, le taan puura saŋavul ve ru tau yaa ivotvot pazi. Ve ai det tamoot tol saŋavul (70) titum ta sewe paam. Ai tawe anoŋazi poia pa ghaniiŋ. Tauvene tighur niazi ta sewe ve timariau.
2021	EXO 18:21	Ve yo aat ugabiiz poghania tamtamon tisov to Israel, ve uvureer tamtamon popoiazi siriv, leso tiuul ghom pa uraat to ŋginiiŋ eval tiina tane. Yes tau avozi karom, ma matazi aniiŋ na, ughur zi sov. Ughita yes tau avozi onoon, ve tiroi pa Maaron ve titaghon ŋgar tooni, o ughur zi to tiuul ghom pa uraat. Ughur siriv to tiŋgin tamtamon ndiŋndiŋ ndiŋndiŋ ee (1,000), siriv to tiŋgin ndiŋndiŋ ee (100), siriv to tiŋgin tamoot ru saŋavul (50), ve siriv to tiŋgin tamtamon saŋavul mon.
2025	EXO 18:25	I igabiiz tamtamon tisov to yes Israela, ve ivureer yes tau lezi ŋgar popoia ve tirau uraat to ghamuuŋ pooz na, ve ighur zi timin daaba, leso tiuule pa uraat to gharatooŋ saveeŋ. Siriv tiŋgin tamtamon ndiŋndiŋ ndiŋndiŋ ee (1,000), siriv tiŋgin ndiŋndiŋ ee (100), siriv tiŋgin tamoot ru saŋavul (50), ve siriv tiŋgin tamtamon saŋavul mon.
2110	EXO 21:32	Ve isaav ighe makau tamoot eta iŋgal besooŋa tamoot ma livaa eta pa zooŋa, na makau taama aat ighol maet silva tamoot ee saŋavul (30) ila pa daaba to besooŋa tana. Ve yam aat arav makau tana pa maet le imaat.
2179	EXO 24:1	Yoova isaav pa Mose ighe: “Yamru togham Aron, tomania natŋa ru Nadap gha Abiu, ve daaba tamoot tol saŋavul (70) to yes Israela azalam tsiau ta loloz daaba ne. Eemon alam agharau ghau geeg sov. Aleep soghan rig, ve aput aghemim, ve asuŋ payau.
2187	EXO 24:9	Ra Mose igham Aron, Nadap, Abiu, ve daaba tamoot tol saŋavul (70) to yes Israela, ve yesŋa tizala pa loloz.
2467	EXO 32:28	Tauvene yes Levia titaghon Mose aliiŋa, ve saawe tana tirav zitamoot irau ndiŋndiŋ ndiŋndiŋ tol (3,000) pa mbuzaagh gha timataar.
2525	EXO 34:28	Mose ileep tomania Yoova izi loloz daaba irau mboŋ tamoot ru (40). Saawe tana, i ileep sorok. Ighan aniiŋ eta mako, ve ighun yaa mako. Ve iŋgeret tutuuŋ saŋavul ila maet babaŋazi ru. Tutuuŋ tawe isavia eez to titaghoni, leso lupuuŋ toozi tomania Maaron igheen tuŋia.
7199	RUT 4:7	(Muuŋ, yes Israela gabuazi tauvene: Isaav ighe tighol taan eta, ma tiparavol pa gabua siriv, ene toozi ee ipas zuzuuŋa to aaghe izi, ve ighamu ila to iitete tau yesuru tiparavolia gabua toozi na. Leso ipariaaŋ saveeŋ mbuaaŋ toozi.)
13968	PSA 3:7	Isaav ighe koiagŋa ndiŋndiŋ ndiŋndiŋ saŋavul (10,000) tilivut ghau to tigham malmal payau, ene yau irau naroi pazi mako.
15447	PSA 90:4	Yo ughita ughe ndaman ndiŋndiŋ ndiŋndiŋ ee (1,000), ene saawe tuuku mon. Ila ŋgar tsio, ene imin noor ve ilam aazne. Ve imin saawe tuuku to mboŋ tau yes zaaba tiyooz, ve timamaat.
15453	PSA 90:10	Nileep irau ndaman tamoot tol saŋavul (70) mon, ve nimaat. Ve ighe tapirimai irao, o nileep irau ndaman tamoot paaŋ (80) ma vene. Ve ndaman tsiei ta naol ne, niravrav ghei pa uraat, ve nibadbaad pataŋani. Saawe saghati, ve saawe poia paam. Nighamgham tauvene ila le rekia mon nizaa pa saawe tsiei, mako nisov.
15467	PSA 91:7	Isaav ighe tamtamon ndiŋndiŋ ndiŋndiŋ ee (1,000) timatmaat ve titaptap ila zigem, ma tamtamon ndiŋndiŋ ndiŋndiŋ saŋavul (10,000) tau tilivut ghom na timataar, na uroi sov. Pa gabua saghati eta irau ilam igharau ghom mako.
23230	MAT 1:17	Tauvene Abaram naatu Isak, Isak naatu Yakop, ve paaghu toozi tiparseeŋ tauvene taghon taghon le David ivot imin saŋavul ve paaŋ (14). Ve indeeŋ saawe to David, le ila imuul saawe tau yes Babilona tiyau yes Yuda ve tigham zi tila Babilon, paaghu to David tiparseeŋ irau saŋavul ve paaŋ (14) muul. Ve saawe tau yes Yuda tipul Babilon ve timuul tila tauzi nugh toozi, le ila imuul saawe tau Krisi tiina ipoopa na, paaghu to David tiparseeŋ irau saŋavul ve paaŋ (14) muul.
23296	MAT 4:18	Saawe ee, Yesu ilaghlaagh taghon nari to yaa naliu Galilaia, ve ighita zeran ru to ghamuuŋ iigh tiwaswaas. Ee, eeza Simon (tau eeza ite Petrus). Ve ite eeza Andreas. I Simon taazi.
23419	MAT 8:5	Yesu ilaagh iloŋ ila pa nugh Kapernaum, ve daaba ee ilaagh ŋaruini ila. Daaba tawe iŋgin zaaba to Rom irau ndiŋndiŋ ee (100). I ila ivot to Yesu, ve itaŋ raraini ighe:
23616	MAT 13:8	Eemon uuv siriv titap tizala taan poia. Tauvene titum poi tizaa, ve anoŋazi katini. Siriv anoŋazi irau ndiŋndiŋ ee (100), siriv anoŋazi irau tamoot tol (60), ve siriv anoŋazi irau tamoot ee saŋavul (30).”
23631	MAT 13:23	Ve uuv siriv tau ŋeer tana isuruuv zi ila taan poia, ene izaa to yes tau tilooŋ saveeŋ to Maaron ve tighazooŋ pani. Tauvene ghuruuŋ ila toozi ighur anooŋa popoia katini. Siriv, anoŋazi ivot irau ndiŋndiŋ ee (100), siriv anoŋazi irau tamoot tol (60), ve siriv anoŋazi irau tamoot ee saŋavul (30).”
23687	MAT 14:21	Yes tau tighan aniiŋ tana, yes zitamoot mon irau ndiŋndiŋ ndiŋndiŋ liim (5,000) ma vene. Ve zilivaa tomania natuzŋa, ene tinin zi mako.
23740	MAT 15:38	Eval tiina tau tighan aniiŋ tana, zitamoot mon irau ndiŋndiŋ ndiŋndiŋ paaŋ (4,000) ma vene. Ve zilivaa tomania natuzŋa, tinin zi mako.
23750	MAT 16:9	Aghilaal ghau soone? Gabua ŋgeretazi naol tau yau nagham zi na, lolomim iveghai zi wa? Saawe tau napan tamtamon ndiŋndiŋ ndiŋndiŋ liim (5,000) pa mberet liim mon, yam agoog aniiŋ siriv siriv irau nakaral piiz?
23751	MAT 16:10	Ve saawe tau napan tamtamon ndiŋndiŋ ndiŋndiŋ paaŋ (4,000) pa mberet liim ve ru, yam agoog aniiŋ siriv siriv irau nakaral tintiina piiz?
23808	MAT 18:12	Yesu isaav muul ighe: “Laak, yam agham ŋgar mindai? Isaav ighe ŋeer eta, i le sipsip ndiŋndiŋ ee (100), ve toozi eta ipas ivot gha ilale, ene pale tamtamon tana igham mindai? I pale ipul sipsip tooni tamoot paaŋ saŋavul liim ve paaŋ (99) tana tizi loloz ziige, ve ila iil i tau ilale na.
23818	MAT 18:22	Yesu iyol aliiŋa ighe: “Mako, liim ve ru, ene irao mako. Unini sov. Ighe yo upul sosor tooni irau pai tamoot tol saŋavul liim ve ru (77), ene paam irao mako.
23824	MAT 18:28	“Besooŋa tana ivot ila muuri, ve izaa to iitete ite tau besooŋa to kinik paam. Iitete tawe, i igham bun tiina rig ila tooni. Bun tooni irau denari ndiŋndiŋ ee (100). I izaa to iitete tana, ve niima ila igigin luua, ve isaav pani ighe: ‘Ai, yo aat uyat bun tsio rekia mon!’
23860	MAT 19:29	Ve tamtamon tisov tau tigham ŋgar pa yau ezag, ve tipul ruum toozi, toŋvetaz toozi, tamazŋa ve tinazŋa, natuzŋa, ma uum toozi, ene pale poia tiina to Maaron izazaa toozi, le iyol gabua tisov tau tipul zi na, irau ndiŋndiŋ ee (100). Ve yes pale tileep matazi yaryaare le alok.
23994	MAT 23:7	Ve isaav ighe tilaagh ila maaran aate, ene tighe tamtamon tighit zi ve tisavia saveeŋ popoia pazi imin pakuruuŋ zi, ve tipoi zi tighe ‘Rabi’ (o ‘Paduduŋaaŋ’).
24041	MAT 24:15	Yesu isaav muul ighe: “Murei, yam pale aghita gabua saghati kat iyooz iloŋ ila Rumei Patabuyaaŋ to Maaron ve ivaghamunia. Mako tipul nugh tawe ileple. Saveeŋa, propet Daniel ivotia muuŋ wa. (Yo sei tau ighe uwaat saveeŋ tane, na ugham ŋgar pani poi.)
24092	MAT 25:15	Maet tau i ighuru ila nimazi na, itaghon gabizooŋ tooni pa ŋgar ve uraat toz toz. I ighur maet ndiŋndiŋ ndiŋndiŋ liim (5,000) pa besooŋa ee. Ve ndiŋndiŋ ndiŋndiŋ ru (2,000) ila to besooŋa ite. Ve ndiŋndiŋ ndiŋndiŋ ee (1,000) ila to besooŋa tooni ite imin tol. Ra ipul zi, ve ila.
24093	MAT 25:16	“Besooŋa tau igham maet ndiŋndiŋ ndiŋndiŋ liim (5,000) na, rekia mon ipaburigin uraat pa maet tawe. I iraraukol pani ve igham ndiŋndiŋ ndiŋndiŋ liim (5,000) muul izala paavo le imin ndiŋndiŋ ndiŋndiŋ saŋavul (10,000).
24094	MAT 25:17	Besooŋa tau igham maet ndiŋndiŋ ndiŋndiŋ ru (2,000) na, tauvene paam. Igham uratoi maet tawe le igham ndiŋndiŋ ru muul izala paavo gha imin ndiŋndiŋ ndiŋndiŋ paaŋ (4,000).
24095	MAT 25:18	Eemon besooŋa tau igham maet ndiŋndiŋ ndiŋndiŋ ee (1,000) na, ila itai puura, ve iŋgooz maet to tiina tooni izila.
24097	MAT 25:20	Besooŋa tau igham maet ndiŋndiŋ ndiŋndiŋ liim (5,000) na, ikis ndiŋndiŋ ndiŋndiŋ saŋavul (10,000), ve ila ighuru ila to tiina tooni, ve ipaes pani ighe: ‘Tiina tsiau, ughita. Maet tsio ndiŋndiŋ ndiŋndiŋ liim (5,000) tau upuli ila nimag, tauta nagham uratoini gha nagham ndiŋndiŋ ndiŋndiŋ liim muul izala paavo.’
24099	MAT 25:22	“Ra besooŋa tau igham maet ndiŋndiŋ ndiŋndiŋ ru (2,000) na, aana ila ivot tooni, ve ipaes pani ighe: ‘Tiina tsiau, ughita. Maet tsio ndiŋndiŋ ndiŋndiŋ ru tau upuli ila nimag, tauta nagham uratoini gha nagham ndiŋndiŋ ndiŋndiŋ ru muul izala paavo.’
24101	MAT 25:24	“Murei ra, besooŋa tau igham maet ndiŋndiŋ ndiŋndiŋ ee (1,000) na, aana ila ivot tooni, ve ipaes pani ighe: ‘Tiina, yau nawatagh ghom wa. Yo ughamgham ariaaŋa pa tamtamon. Irau lolom isaghatin zi rigta mako. Ve ulepleep sorok ve tamtamon tighamgham uratoi ghom. Taum uvazogh aniiŋ mako. Eemon saawe to lupuuŋ aniiŋ, yo uyauyau sorokini imin lem.
24105	MAT 25:28	Ra tiina tooni isaav pa zeran siriv tau tileep tigharau na ighe: ‘Maet ndiŋndiŋ ee tau ŋeer tane ikisi ne, awalaava pani, ve aghuru ila to iitete tau ikis maet ndiŋndiŋ ndiŋndiŋ saŋavul (10,000) na!
24138	MAT 26:15	ve ighason zi ighe: “Laak, isaav ighe yau naghur Yesu ila nimamim, pale agham leg saa?” Tauvene tigham le maet silva irau tamoot ee saŋavul (30).
24170	MAT 26:47	Yesu isavsaav soone, ve Yudas igherev eval tiina gha tilam peria. (Mbiwa saŋavul ve ru, i toozi ee.) Eval tiina tawe, yes daaba to watooŋrau tomania pooza siriv to yes Yuda timbaaŋ zi. Yes tikis mbuzaagh ma zaab le irau zi.
24201	MAT 27:3	Yudas, ŋeer tau ighur Yesu ila koiŋa nimazi na, ilooŋ tighe yes daaba timbu saveeŋ to tirav Yesu imaat. Tauvene loolo ipataŋan kat, ve igham maet silva tamoot ee saŋavul (30) tau tigham pani na, ve ila ighe ipamuule. I ila ivot to yes daaba to watooŋrau ve yes pooza, ve isaav pazi ighe:
24207	MAT 27:9	Tauvene Maaron aliiŋa tau muuŋ propet Yeremia ivotia na ighur anooŋa. Saveeŋ tana isaav ighe: “Yes Israela tighur maet silva tamoot ee saŋavul (30) imin tamtamon tane atuya. Maet tana, tighamu ve tighol taan sirivu to ravuuŋ uur pani itaghon saveeŋ tau Maaron isavia payau na.”
24231	MAT 27:33	ve tila tivot nugh ee, eeza ‘Golgata.’ (‘Golgata’ puughu tauvene: ‘Nugh tau ghitooŋa imin tamtamon daaba rubruuba.’)
24243	MAT 27:45	Aaz anunu izalam zegmatuugh, ra ndoroom tiina ivot irau taan isov, ve ighengheen tauvene le aaz ivool (3 kilok).
24280	MAT 28:16	Mbiwa saŋavul ve ee (11) to Yesu tila tivot Galilaia, ve tilup zi izi loloz ee itaghon saveeŋ tau Yesu isavia pazi na.
24373	MRK 3:16	Zeran saŋavul ve ru tawe, ezazi tauvene: Simon (i, Yesu iwaat eeza ite ighe Petrus),