3	GEN 1:3	Ra Maaron isaav ighe: “Ghazooŋa aat ivot.” Tauvene ghazooŋa ivot.
5	GEN 1:5	Ghazooŋa tana, i iwaato ighe “mataaz,” ve ndoroom i iwaato ighe “mboŋ.” Mboŋ tana ila ve nughizau, ene uraat imin ee isov.
6	GEN 1:6	Maaron isaav muul ighe: “Gabua ariaaŋa eta aat ivot, leso ivalagh yaa imin ru. Sirivu igheen izaa saaŋa, ve sirivu igheen izi siiŋa.”
8	GEN 1:8	Gabua ariaaŋa tana, i iwaato ighe “sambam saamba.” Mboŋ tana ila ve nughizau, ene uraat imin ru isov.
14	GEN 1:14	Maaron isaav muul ighe: “Gabua siriv aat tivot ila sambam saamba. Leso tisul taan, ve tivalagh mboŋ ve mataaz, ve timin ilaal pa kaiyo, ndaman, ve saawe siriv paam.” Tauvene gabua naol tawe tivot itaghon i tauu aliiŋa.
16	GEN 1:16	Maaron ighur gabua tintiina ru tomania pitum. Gabua tiina kat ighaaz pa mataaz, ve gabua tau imuul mon na ighaaz pa mboŋ.
44	GEN 2:13	Ve booga ite imin ru, eeza Gion. Ene ireer irau taan Kus isov.
155	GEN 6:17	Ulooŋ. Yau naghe nagham yaa ivon toman tapiri tiina le itavtav taan. Leso irewaar gabua tau matazi yaryaare ne tisov tilalez. Gabua naol isov tau tileep izi taan, aat tisov timataar.
182	GEN 7:22	Gabua naol isov tau tileep izi taan ve tighamgham yaghur, tauta tisov tilalez.
206	GEN 8:22	Aazne ve ila, saawe to vazoghiiŋ aniiŋ, ve saawe to mariri, saawe to nugh iyauŋ, ve saawe to nugh ituntun, ragh ve yavaar, mboŋ ve mataaz. Gabua naol tana irau tisov ne mako. Pale tighengheen tauvene mon taghon taghon gha ila.”
210	GEN 9:4	Gabua eemon tau yau naŋgalsekin gham pani. Gabua miiza tau siŋ igheen ila na, yam aghani sov. Pasaa, siŋ ta imin puughu pa gabua tileep matazi yaryaare.
216	GEN 9:10	Ve yam mon mako. Gabua matazi yaryaare naol isov to nughei ve su tau tileep tomani gham ila waaŋ loolo, ve yamŋa avot ala muuri gha aazne aleep izi taan ne, saveeŋ mbuaaŋ tsiau tane iŋarui zi paam.
237	GEN 10:2	Yapet natŋa, ene: Gomer, Magog, Madai, Yaban, Tubal, Mesek, ve Tiras.
238	GEN 10:3	Gomer natŋa, ene: Askenaz, Ripat, ve Togarma.
250	GEN 10:15	Kanaan naatu aidaaba Sidon, ve tazŋa, ene: Het, Yebus, Amor, Girgas, Hiv, Aki, Sini, Arvad, Semar, ve Amat. Murei, ra paaghu to Kanaan timbiriis, ve tila tileep tirau nugh toz toz. Taan toozi ila imuul ta nugh Sidon, ve itaghon nari ila imuul nugh Gerar ve nugh Gaza. Ra imbutu iloŋ ila pa taan to nugh Sodom, Gomora, Adma, ve Seboim, le malmali ila ivool pa nugh Lasa. Ene taan to yes Kanaana.
258	GEN 10:23	Aram natŋa, ene: Uz, Ul, Geter, ve Mas.
329	GEN 13:10	Tauvene Lot maata ila ve igabiiz nugh, ve ighita taan duduuŋa tau igheen yaa Yordan ziige ve ila imuul izi nugh Zoar. Taan tawe poia, ve le yaa katini imin uum to Maaron, ma taan to yes Isipa tau paghuuna kat. Pasaa, saawe tana, Yoova ivaghamunia nugh Sodom ve Gomora soone.
338	GEN 14:1	Saawe tana, Bera, i kinik to nugh Sodom. Birsa, i kinik to nugh Gomora. Sinap, i kinik to nugh Adma. Semeba, i kinik to nugh Zebo. Ve Kedorlaomer, i kinik to nugh Elam. Kedorlaomer iŋgin kinik paaŋ tawe tomania kinik to nugh Bela (eeza ite Zoar) irau ndaman saŋavul ve ru wa. Ve ndaman ite imin saŋavul ve tol, ene kinik liim tawe tiburig ve tizoor kinik Kedorlaomer aliiŋa. Tauvene ndaman imin saŋavul ve paaŋ, kinik Kedorlaomer imbaaŋ ila pa zeetŋa tol ve tilam. Ezazi tauvene: Amrapel, i kinik to nugh Sinar, Ariok, i kinik to nugh Elasa, ve Tidal, i kinik to nugh Goi. Kinik paaŋ tawe tomania zaaba toozi tila, ve yesŋa yes zeran to Repaim tigham malmal izi nugh Asterot-Karnaim le tiliiv zi. Ra tila pa nugh Am, ve yesŋa zeran to Zuzim tigham malmal le tiliiv zi paam. Ra tila pa taan duduuŋa to Kiriataim, ve yesŋa zeran to Enim tigham malmal le tiliiv zi. Mako tila pa taan Seir loloza, ve yesŋa zeran to Or tigham malmal le tiliiv zi, ve tinaan zi tila pa nugh El Paran, tau igheen igharau nugh ŋginaaŋa. Isov ra, timuul tila pa nugh Kades tau eeza ite En Mispat. Ve yesŋa zeran to Amalek, ve zeran to Amor tau tileep izi nugh Azezon Tamar na, tigham malmal le tiliiv zi paam. Kedorlaomer tomania zeetŋa tiliiv yes kinik tana le isov, ra kinik liim to Sodom, Gomora, Adma, Zebo, ve Bela tilup zi, ve tila pa taan duduuŋa tau eeza Sidim. Tileep ta sewe ve tisaŋan Kedorlaomer tomania zeetŋa leso yesŋa tigham malmal. Tipaburigin malmal ta sewe, ve Kedorlaomer tomania zeetŋa tiliiv kinik liim tawe.
347	GEN 14:10	Taan to Sidim le puura katini tau kolta igheen ila. Tauvene saawe tau kinik to Sodom ve kinik to Gomora tomania zaaba toozi tighau, tamtamon toozi siriv titaptap tizila taan puura tawe. Ve siriv tighau tizala pa loloz.
348	GEN 14:11	Malmal tana isov, ra Kedorlaomer tomania zeetŋa tila tiyau lezi aniiŋ, tomania gabua isov to nugh Sodom ve Gomora, ve tila.
358	GEN 14:21	Ra kinik to Sodom isaav pa Abram ighe: “Gabua naol tana, ugham zi timin lem. Eemon upul tamtamon tsiau tilam, ve yeŋa nila.”
360	GEN 14:23	Yau irau nagham gabua tsio ŋgiira rigta imin waar iimu, ma waar to zuzuuŋa to aghem ne mako. Mako kat. Gabua tau zaaba tsiau tighani, tauta ena. Ve zetagŋa tol tau titaghon ghau ve yeŋa nilam, Aner, Eskol, ve Mamre, ene yau leg saveeŋ eta pazi mako. Yes tauzi. Isaav ighe lolozi pa ghamuuŋ lezi gabua siriv, ene poia. Tighamu.” Abram isaav tauvene pasaa, iroi pa murei pale kinik to Sodom ipakur ghi ighe: “Yau ta nagham Abram ivot gha imin kuaz tauu.”
362	GEN 15:1	Gabua tana isov ve murei ra, Maaron ivot to Abram ila vivuuŋ, ve isaav pani ighe: “Abram, uroi sov. Yau aat navool tsio ve namin sigheu payo. Ve yo aat ugham lem atuya tiina kat.”
380	GEN 15:19	Taan tawe, ene to yes Kenia, Kenisa, Kadmona, Hita, Peresa, Repa, Amora, Kanaana, Girgasa, ve Yebusa.”
439	GEN 18:14	Yau Yoova. Gabua eta ikeek ghau mako. Tauvene saawe tane ivot muul pa ndaman murei, yau aat namuul nalam. Ve saawe tau nalam soone, azuwam Sara aat ipoop lem natum tamoot.”
442	GEN 18:17	Yoova isaav pa tauu ighe: “Gabua tau naghe naghamu, pale naŋgooza pa Abaram, ma navotia pani? Mako. Aat navotia pani.
445	GEN 18:20	Ra Yoova isaav pa Abaram ighe: “Tamtamon to Sodom ve Gomora tinoknok ghamuuŋ ŋgar saghati kat. Ve sosor toozi vaaru tomania taŋiiz tiina to yes tau Sodom ve Gomora tighamgham saghatin zi na, ene izalam gha nalooŋa wa. Tauvene yau naghe nazila ve naghit zi. Leso nawatagh kat: Varuzi ve taŋiiz tiina tau izazalam gha naloŋlooŋa ne, ene onoon, ma mako?”
482	GEN 19:24	Ra Yoova igham yav tomania maet salfa tuntunu tau vaazi saghati kat na titaptap tizi, le ireu Sodom ve Gomora.
485	GEN 19:27	Mboŋoozo tana, Abaram iburig gha izala nugh mbua tau noor yesuru Yoova tileep pani ve tisavsaav na. I maata izila pa Sodom ve Gomora tomania taan raraate tau igheen siiŋa we, le ighita yav mbuasa imbuŋ izazaa le ikau taan sirivu tawe imin yav tiina ighan nugh.
497	GEN 20:1	Abaram ipul nugh Mamre, ve ilaagh ila pa taan Negev, ve ighur niia to lepoogh izi bodbodaaŋ pa nugh Kades ve nugh Sur. Ileep malau rig izi ta sewe, ra iburig muul, ve ila ileep imin loom izi nugh Gerar.
498	GEN 20:2	Saawe tau Abaram ilepleep izi nugh Gerar, isavsaav pazi pa azaawa ighe: “Sara, ene yau livug.” Tauvene Abimelek, tau kinik to nugh Gerar na, imbaaŋ besooŋa tooni siriv tila, ve tigham Sara ila ruum tooni.
572	GEN 22:24	Naor ivai livaa ite imin azaawa zazagheeŋ, eeza Reuma. Reuma ipoop natŋa paaŋ: Teba, Gaam, Taas, ve Maaka.
642	GEN 24:50	Laban yesuru Betuel tiyol aliiŋa tighe: “Gabua tane ivot ila to Yoova tauu. Tauta yeiru irau nisavia saveeŋ eta mako.
694	GEN 26:1	Saawe siriv ilam ila, ra pitool tiina ivot muul izi taan sirivu to Kanaan, imin muuŋ ivot pa saawe to Abaram. Tauvene Isak iburig ighe ighau izila pa Isip. I ilaagh ila le ivot nugh Gerar. Nugh tawe igheen ila taan to yes Pilistia, ve kinik Abimelek iŋgin zi.
699	GEN 26:6	Tauta Isak izila Isip mako. I ileep mon izi nugh Gerar.
706	GEN 26:13	Tauvene Isak le aniiŋ ve gabua katini, ve eeza tiina. Gabua tooni ivotvot, le i imin kuaz tauu kat.
710	GEN 26:17	Tauvene Isak ipul zi, ve ila ivot taan raraate to Gerar, ve ighur niia to lepoogh izi ta sewe.
713	GEN 26:20	Eemon yes ŋginiiŋ ŋgaia to nugh Gerar tomania yes ŋginiiŋ ŋgaia to Isak tivazorai zi pa yaa tawe. Yes Gerara avozi iyaryaaŋ tighe ene yaa toozi. Tauta Isak iwaat yaa taiŋ tana eeza Esek. Pasaa, tiŋooŋ pa yaa tawe.
719	GEN 26:26	Murei ra, Abimelek ipul nugh Gerar, ve ilam ighe ighita Isak. I ilam tomania ŋeer ŋgara ee, eeza Ausat, ve daaba to yes zaaba tooni, eeza Pikol. Yes tol tilam tivot to Isak,
841	GEN 30:10	Ra Silpa aapo, ve ipoop Yakop le naatu ee. Tauvene Lea isaav ighe: “Ene gabua poia tau ivot payau!” Tauta iwaat naatu tawe eeza Gat.
845	GEN 30:14	Saawe ee tau tiluplup wit anooŋa, Ruben ilaghlaagh ila uum loolo, le ighita waar anooŋa siriv, ve iyau zi ila pa tiina Lea. Gabua tawe, yes tighur ila tighe ipazaagh zitamoot ve zilivaa, leso tigheen ve zilivaa apozi. Rael ighita, ve isaav pa Lea ighe: “Ai, kaut tau natum ighamu na, ugham leg siriv ilam!”
858	GEN 30:27	Eemon Laban iyol aliiŋa ighe: “Wai waghag! Ituru taleep rig o. Pa yau naghe nasaav payo pa gabua ee. Gabua siriv tivot timin ilaal payau, ve naghilaal naghe yo ndamom payau, tauta poia to Maaron izaa tsiau ve leg gabua naol.
875	GEN 31:1	Murei ra, tipaes pa Yakop tighe Laban natŋa tisavsaav tighe: “Yakop tawe, i iyauur gabua naol isov to tamaan timin le wa. Gabua tooni ta naol we, tisov tivot ila to tamaan mon.”
895	GEN 31:21	Tauvene Yakop iyauur gabua tooni naol isov, ve yesŋa tamtamon tooni tisov tighau. Yes tila timbut yaa tiina Euprates ve tivool pa paaŋa ite, ve tilaagh tiŋarui taan sirivu Gileat loloza gha tila.
897	GEN 31:23	Tauvene Laban iburig, iyau ziiri waaro tooni siriv, ve yesŋa tilaan taghon zi. Titaghon zi tila tila le irau mboŋ liim ve ru. Ra tila tigharau zi izi taan sirivu to Gileat loloza.
899	GEN 31:25	Yakop ighur niia to lepoogh izi nugh Gileat, ve yesŋa tamtamon tooni tileep ta sewe. Tauvene Laban tomania ziŋeera tilam tivot toozi, ve tighur niazi to lepoogh izi ta sewe paam.
921	GEN 31:47	Maet ndouŋ tana, Laban iwaat eeza ila yes Aramea aliŋazi ighe Yegar Saduta. Ve Yakop iwaat maet tana eeza Galet.
922	GEN 31:48	Laban isaav ighe: “Aazne, maet ndouŋ tane igheen ila ituru sosoon to ipariaaŋ saveeŋ mbuaaŋ toit.” Tauta tiwaat maet ndouŋ tana eeza Galet.
926	GEN 31:52	Gabua ru tane pale tipei ŋgar toit. Leso mataan iŋgal saveeŋ mbuaaŋ toit. Saveeŋ tauvene: Ituru irau tamalaaŋ pa maet ndouŋ tane, ve yau nalat navaghamun ghom, ma yo ulam uvaghamun ghau ne mako.
970	GEN 33:9	Eemon Esau isaav pani ighe: “Wai tazig, yau narao pa gabua ta naol ne. Gabua tsio igheen pa taum.”
974	GEN 33:13	Eemon Yakop isaav pani ighe: “Mako. Tiina tsiau, yo umuuŋ. Ughita. Geegeu tane, tapirizi irau tilaagh rekia mako. Ve sipsip ve mekmek tane tighunghun tuz soone, ve tikaria laghooŋ wa. Tapasul zi sov. Isaav ighe tagham zi tilaagh malau pa aaz eemon, ene aat tisov timatmaat.
1008	GEN 34:27	Ra Yakop natŋa siriv anazi tiburig, ve tiloŋ tila nugh Sekem, ve tiyauur saveeŋ mariŋ to yes tau tirav zi timaat na, imin yatuuŋ ŋgar saghati tau tigham pa livuzi Dina na. Tigham makau, doŋki, ve sipsip toozi, tomania kuaz ve gabua toozi siriv tau igheen ruum loolo na. Gabua toozi tau igheen nughei, ve gabua to uum paam, eta igheen muul mako. Tiyauur zi le tisov. Ve tiyauur zilivaa toozi tomania natuzŋa paam.
1038	GEN 35:26	Ve Silpa tau besooŋa livaa to Lea na, i ipoop Gat yesuru Aser. Saawe tau Yakop ilepleep izi Mesopotamia, tipoop natŋa tawe.
1052	GEN 36:11	Esau naatu Elipas natŋa ene: Teman, Omar, Sepo, Gatam, ve Kenas.
1056	GEN 36:15	Esau paaghu tooni tawe tila tileep izi nugh toozi eŋaeŋa, ve timin zimaronŋa pa rumei toz toz. Esau naatu aidaaba Elipas natŋa, ene: Teman, Oman, Sepo, Kenas, Kora, Gatam, ve Amalek. Elipas paaghu tooni tawe tileep izi taan sirivu to Edom, ve timin zimaronŋa pa rumei toz toz. Ena Esau paaghu tooni tau tivot ila to azaawa Ada.
1109	GEN 37:25	Ruben ipul zi, ve ila ilaghlaagh malau rig, ve yes siriv mbolezi izi pa ghaniiŋ aniiŋ. Malau mako, matazi ila le tighita tamtamon siriv to Ismael tilam. Zeran tawe tilam pa taan sirivu to Gileat, ve tighe tizila Isip pa raukoliiŋ. Kamel toozi tighuuz gabua maata maata tau vazizi popoia ve atuyazi tintiina.
1143	GEN 38:23	Tauvene Yuda isaav pani ighe: “Tambaaŋo paam. Ileple. Tanoknok ghasoniiŋ, pale tamtamon tiŋiŋ pait. Gabua tsiau tau livaa tawe igham zi na, igheen gha imin le. Pasaa, yau natoova to nayambaar le mekmek naatu, eemon yo undeeŋa mako.”
1159	GEN 39:9	Yau namin daaba pa ruum tane imin i tauu. Ve yo mon, ta i iŋgalsekin ghau payo. Gabua ite paam mako. Pasaa, i azaawa yo. Isaav ighe nataghon aliŋam ve nagham ŋgar saghati tane, pale poia? Mako. Ene pale nagham sosor tiina ila Maaron maata.”
1224	GEN 41:28	Gabua tane, ene imin tau nasaav payo. Maaron itotoi gabua tau i ighe ighamu ivot na payo.
1369	GEN 45:10	Tauvene yamŋa natumŋa ve timbumŋa, asov aburig, ve ayau ŋgai tsiam tomania yauyauŋ tsiam naol isov, ve alam. Leso aleep agharau ghau izi taan sirivu to Gosen.
1398	GEN 46:11	Levi natŋa, ene: Gerson, Koat, ve Merari.
1403	GEN 46:16	Gat natŋa, ene: Zipion, Agi, Suni, Ezbon, Eri, Arodi, ve Areli.
1408	GEN 46:21	Benyamin natŋa, ene: Bela, Beker, Asbel, Gera, Naaman, Ehi, Ros, Mupim, Upim, ve Art.
1411	GEN 46:24	Ve Naptali natŋa, ene: Yazil, Guni, Yezer, ve Silem.
1415	GEN 46:28	Yakop tomania natŋa ve timŋa tila tigharau Isip, ra imbaaŋ naatu Yuda imuuŋ ila, ve isavia varuzi pa Yosep ighe taama ilam ivot taan sirivu to Gosen wa.
1416	GEN 46:29	Tauvene Yosep isaav pa uraata tooni gha tigharaat karis pani, ra izaa ve ila pa Gosen ighe ighita taama. Ila ivot tooni, ra isaghavu ve itaŋ pani le malau.
1420	GEN 46:33	Yau aat nala tooni ve nasaav pani tauvene. Ve alooŋ. Yes Isipa lolozi pa tilup zi tomania yes zeran to ŋginiiŋ ŋgai mako kat. Tauvene saawe tau kinik ipoi gham ala tooni, ve ighason gham pa uraat tsiam, yam asaav pani tauvene aghe: ‘O tiina tsiei, saawe tau yei kukuamai ve ilam aazne, yei tamtamon to ŋginiiŋ ŋgai imin timbumaiŋa.’ Ighe asaav pani tauvene, i pale iyok payam to aleep izi taan sirivu to Gosen tane.”
1422	GEN 47:1	Yosep ila to kinik ve ipaes pani ighe: “O kinik, tamaŋ, tazig ve toghagŋa tipul taan Kanaan, ve tilam tivot Isip wa. Yes tilam tomania ŋgai ve saveeŋ mariŋ toozi, ve aazne tileep izi Gosen. Tauta nagham tamtamon toozi siriv tilam, leso ughit zi.”
1425	GEN 47:4	Pitool tiina ivot izi taan Kanaan, ve nugh tawe le kikiliiŋ irau ŋgai tsiei tighan ne mako. Tauta nilam nighe nileep nimin loom izi nugh tsio tane. Tiina tsiei, mindai? Irau uyok payei to nileep izi taan sirivu to Gosen, ma mako?”
1427	GEN 47:6	Taan isov to Isip tau igheen ila yo nimam wa. Tauvene taum ughita taan sirivu eta tau poia kat, ve ughur zi tileep pani. Isaav ighe lolozi pa tileep izi taan Gosen, ene poia. Ve isaav ighe tamtamon toozi siriv tirau kat pa uraat to ŋginiiŋ ŋgai, o ughur zi to tiŋgin ŋgai tsiau paam.”
1448	GEN 47:27	Tauvene yes Israela tizila Isip, ve tila tileep izi taan sirivu to Gosen. Tileep ta sewe, ve tamtamon tomania gabua toozi timasa le timin naol kat.
1493	GEN 49:19	Gat paaghu tooni koiazŋa pale tilam tighe tireu zi. Eemon yes pale tiparav ariaaŋ, ve tinaan zi tighau tila.
1514	GEN 50:7	Tauvene Yosep tomania tooghŋa, taazi, ve tamtamon toozi siriv tiburig, ve tigham tamazi Yakop paata tighe tila titavia izi taan Kanaan. Yes uraata to kinik tau tiŋginŋgin ruum tooni na, tomania yes daaba to Isip tisov tiburig tomani zi, ve yesŋa tila. Siriv tizaa hos, siriv tizaa karis, ve siriv tilaagh taan. Tauvene yes tau tilaagh tomania Yosep na, yes eval kat. Eemon Yosep tomania tooghŋa ve taazi tipul azuazŋa tomania natuzŋa ve ŋgai toozi tizi tileep izi taan Gosen.
1534	EXO 1:1	Yes Israela tau yesŋa tamazi Yakop, ve azuwazŋa ma natuzŋa tizila pa Isip na ezazi tauvene: Ruben, Simeon, Levi, Yuda, Isakar, Zebulun, Benyamin, Dan, Naptali, Gat ve Aser. Yakop eeza ite ta Israel. Paaghu tooni tau yesŋa tizila Isip na, yes irau tamoot tol saŋavul (70). Ve naatu Yosep, i imuuŋ ila ileep pataghaaŋ wa.
1555	EXO 1:22	Tauvene kinik isaav ariaaŋ pa eval tiina to Isip ighe: “Geegeu zitamoot tau Hibru tinazi tipoop zi na, asik zi tisov tizila yaa Nil. Ve ighe zilivaa, mako apul zi tileep.”
1577	EXO 2:22	Yesuru tileep le Sipora aapo, ve ipoop naatu tamoot, ve Mose iwaat eeza Gersom. Pasaa, maata iŋgal ighe: “Muuŋ, naleep namin loom ta sewe.”
1583	EXO 3:3	Tauvene igham ŋgar naol ighe: “Wai, ewe saa kaut? Gabua tawe, ghitooŋa ite kat. Puughu mindai ta yav iyaryaar izala ai tawe, eemon ighani mako? Yau aat nala nagharauu, ve naghit poghania.”
1594	EXO 3:14	Maaron isaav pani ighe: “YAU TAUG NALEPLEEP. Ene yau ezag ve gabuag. Tauvene usaav pa yes Israela ughe: ‘I TA ILEPLEEP’ tauta imbaaŋ ghau payam.”
1595	EXO 3:15	Ve Maaron isaav pa Mose muul ighe: “Usaav pa yes Israela tauvene: ‘Yoova, Maaron to timbuunŋa Abaram, Isak, ve Yakop, ta imbaaŋ ghau nalam payam. I eeza “YAU TAUG NALEPLEEP.” ’ Ezag tane pale igheen le alok. Tauvene tamtamon tau pale tivot murei na, aat matazi iŋgal ezag tane taghon taghon gha ila.
1602	EXO 3:22	Tauvene zilivaa tsiam tisov aat tila ve tighason yes Isip tinazi tau tileep tomani zi na, to tigham lezi nonoghiiŋa popoiazi tomania kuaz toozi siriv tau tigharaat zi pa gol ma silva. Yes pale tigham payam. Gabua toozi tawe pale tisov timin natmimŋa lezi to tinonogh zi pani. Tauvene yam aat ayauur gabua toozi le isov, o aburig ala.”
1619	EXO 4:17	“Ve matam iŋgal titi tsio paam. Ukisi ve ula. Pa yo pale ugham gabua ŋgeretazi siriv ivot pani. Gabua tana pale itotoi ighe yau naleep tomani ghom.”
1672	EXO 6:16	Yakop naatu Levi natŋa ezazi, ene: Gerson, Koat, ve Merari. Levi ileep irau ndaman 137, ra imaat.
1673	EXO 6:17	Gerson natŋa, ene: Libni ve Simei.
1714	EXO 7:28	Gob ndiŋndiŋ ndiŋndiŋ pale tivot ila yaa Nil, ve tipul yaa ve tiŋarui ruum tsio tilat. Mako tiloŋ tila ruum, ve tiyaat tizala niam to ghenooŋ paam. Ve tiloŋ tila ruum to uraata tsio, ve tiyaat tizala eval tiina to Isip pavozi paam. Ve gob pale tiloŋ tila niamim to naznazuuŋ, ve tiyaat tiloŋ tila uur to kepuuŋ mberet lolozi paam.
1733	EXO 8:18	Eemon i aat ipoon taan sirivu to Gosen tau tamtamon tooni Israel tileep ila na, ve nimnim eta irau ivot pazi mako. Leso yo uwatagh ughe i ileep izi taan tsio paam. Pasaa, i pale itaghon ŋgar ite ite pa tamtamon tooni ve tamtamon tsio. Bogzo, o igham gabua ŋgereeta tane ivot, leso itotoi tapiri payo.”
1762	EXO 9:19	Tauvene usaav pa uraata tsio tigham ŋgai tsio tomania gabua tsio tau tigheen muuri na, ve tighur zi tisov tiloŋ tila ruum, leso ruum ipoon zi. Gabua eta igheen muuri sov. Pa ais paatu paatu tau pale tizi ne, ene aat tiravuur gabua naol isov tau tileep muuri na le timatmaat.” [Yoova isavsaav pa Moses le isov, ra Mose ila ipaesia Yoova aliiŋa pa kinik.]
1769	EXO 9:26	Nugh eemon geeg ta ais izi pani mako. Ene taan sirivu to Gosen tau yes Israela tileep pani.
1803	EXO 10:25	Eemon Mose isaav pani ighe: “Ee-e, vene mako. Yei aat niburig tomania ŋgai tsiei tisov. Irau nipul eta ileep mako. Pa yei taumai nikankaan pa saa gabua tau pale nigham zi timin watooŋrau pa Maaron tsiei Yoova. Tauvene yei aat niyauur zi tisov tila tomani ghei. Nila nivot nugh sindei tau Yoova ighe nileep pani ve nisuŋ, mako i tauu isaav payei pa saa gabua tau pale nigham zi timin watooŋrau pani. Gabua siriv, pale nimoz sirivu mon imin watooŋrau. Ve siriv, yav pale ighan dodolin zi.”
1817	EXO 11:10	Tauvene Mose yesuru Aron tigham gabua ŋgeretazi naol ila kinik to Isip maata. Gabua tawe ite kat. Eemon Yoova igham kinik ŋgar tooni iyaryaaŋ le iyaryaaŋ kat. Tauta iyok pa yes Israela to tipul taan tooni ve tila ne mako.
1962	EXO 16:14	Uwam imamaas, ve yes Israela tighita gabua pisosooŋa itav nugh toozi le ivool. Ghitooŋa imin iigh anavu.
2002	EXO 18:2	Tauvene ighe ila ighita Mose. Saawe tana, Mose azaawa Sipora toman natŋa ru tilepleep tomania Yetro. Pasaa, Mose ighur zi tila tileep tomania alok rig wa. Tauvene saawe tau Yetro iburig ila pa ghitooŋ raawa, i igham zi ve yesŋa tila. Mose natŋa ru. Ee eeza Gersom, ve ite eeza Eliezer. Ezazi tane, lezi pughuzi. Saawe tau naatu aidaaba izi, Mose isaav ighe: “Muuŋ, naleep imin loom tau ipul tauu nugh tooni.” Tauvene iwaat naatu olman eeza Gersom. Ve saawe tau tipoop natuzi ite, Mose isaav ighe: “Maaron to tamaŋ iuul ghau ve ipaghau ghau pa kinik to Isip mbuzaagh tooni maata.” Tauta iwaat naatu muria eeza Eliezer.
2127	EXO 22:12	Ve isaav ighe gabua sagsag eta ighan ŋgai tana ve iraŋgati, ene aat ŋeer tau iŋgini na, igham sirivu ila, ve itotoia pa ŋgai tana taama. Leso iwatagh ighe iitete tana ium ŋgai tooni mako. Gabua sagsag eta ivaghamunia. Tauvene iitete tana irau iyoli mako. Pa i le sosor mako.
2188	EXO 24:10	Tila tivot ta sewe, ra tighita Maaron to Israela. I iyooz izala gabua ee paavo. Gabua tawe babaaŋa, ve mazavaniiŋa imin sambam saamba.
2440	EXO 32:1	Mose ileep malau izi loloz Sinai daaba. Tauvene yes Israela tisaŋani le mako, ra tila tilivut Aron, ve tisaav pani tighe: “Aron, ugharaat leen maaron eta! Leso imuuŋ pait ve iŋgin ghiit. Pa ŋeer tau igham gherev pait gha tapul taan to yes Isipa ve talam na, yei nikankaan pani. Gabua eta aat ivot pani wa.”
2462	EXO 32:23	Yes tisaav payau tighe: ‘Ugharaat leen maaron eta lak! Leso imuuŋ pait ve iŋgin ghiit. Pa ŋeer tau igham gherev pait gha tapul taan to yes Isipa ve talam ne, yei nikankaan pani. Gabua eta aat ivot pani wa.’