138	GEN 5:32	Noa ndaman tooni 500, ra yesuru azaawa tipoop natuzŋa zitamoot tol, ezazi Sem, Ham, ve Yapet.
148	GEN 6:10	Noa natŋa tol, ezazi Sem, Ham, ve Yapet.
173	GEN 7:13	Saawe duduuŋ tana, Noa yesuru azaawa, ve natŋa tol, Sem, Ham ve Yapet, tomania azuwazŋa, tiloŋ tila waaŋ loolo.
224	GEN 9:18	Noa natŋa tol tau yesŋa tileep waaŋ loolo ve tivot muuri na, ezazi tauvene: Sem, Ham, ve Yapet. Ham naatu, ene Kanaan.
228	GEN 9:22	Noa naatu Ham, tau Kanaan taama na, ighita taama igheen tiini ŋginaaŋa, ve ivot ila muuri gha ipaes pa tooghŋa.
230	GEN 9:24	Saawe tau Noa iburig gha ŋgar tooni ighazooŋ, ilooŋ tighe naatu Ham ighita igheen tiini ŋginaaŋa.
236	GEN 10:1	Ene pitiiŋ to Noa tomania natŋa ve paaghu toozi. Noa natŋa, ene: Sem, Ham, ve Yapet. Yaa ivon toman tapiri tiina le isov, ra paaghu toozi tivot tauvene:
241	GEN 10:6	Ham natŋa, ene: Kus, Isip, Put, ve Kanaan.
250	GEN 10:15	Kanaan naatu aidaaba Sidon, ve tazŋa, ene: Het, Yebus, Amor, Girgas, Hiv, Aki, Sini, Arvad, Semar, ve Amat. Murei, ra paaghu to Kanaan timbiriis, ve tila tileep tirau nugh toz toz. Taan toozi ila imuul ta nugh Sidon, ve itaghon nari ila imuul nugh Gerar ve nugh Gaza. Ra imbutu iloŋ ila pa taan to nugh Sodom, Gomora, Adma, ve Seboim, le malmali ila ivool pa nugh Lasa. Ene taan to yes Kanaana.
255	GEN 10:20	Yes tana, ta tivot ila to Ham. Yes tivot timin naol, ve puughu toozi eŋaeŋa tila tileep irau nugh toz toz, ve tisavia aliŋazi ite ite.
350	GEN 14:13	Eemon ŋeer ee ighau pa malmal, ve ila ivot to Abram tau Hibru tamazi na, ve ipaes pani pa ŋgar tau ivot na. Saawe tana, Abram ilepleep igharau nugh tau ai tintiina siriv tiyozyooz pani na. Ai tawe to ŋeer ee, eeza Mamre. I tamtamon to Amor, ve tazŋa ezazi Eskol ve Aner. Abram yesŋa zeran tol tawe, lupuuŋ toozi eemon.
380	GEN 15:19	Taan tawe, ene to yes Kenia, Kenisa, Kadmona, Hita, Peresa, Repa, Amora, Kanaana, Girgasa, ve Yebusa.”
575	GEN 23:3	Itaŋtaŋ le isov, ra iburig, ipul azaawa paata izi, ve ila isavsaav tomania yes Hita. Isaav pazi ighe:
577	GEN 23:5	Yes Hita tiyol aliiŋa tighe: “Olman, yo ŋeer tiina ee tau uleep tomani ghei, ve nighilaal ghom nighe Maaron ileep tomani ghom. Ulooŋ, mateegha tsiei niazi katini. Ughita poia eta tau irau lolom, o ughur azuwam paata ila. Tamtamon tsiei eta irau iŋguruuta payo mako.”
582	GEN 23:10	Abaram isavsaav tomania yes Hita izi lupuuŋ niia tau igheen eez maata, ve Epron tauu ilepleep paam. Tauvene iburig ve iyooz ila eval tiina matazi, ve iyol Abaram aliiŋa ighe:
589	GEN 23:17	Tauvene taan to Epron tau igheen izi Makpela igharau nugh Mamre, tomania maet puura ve ai tisov tau tiyooz ila taan tawe, ene Abaram ighol motin zi timin le. Ve yes Hita tisov tau tileep ila lupuuŋ tana, tilooŋ saveeŋ mbuaaŋ to yesuru, ve tighita pa matazi.
592	GEN 23:20	Tauvene taan tawe tomania maet puura tau igheen ila, ene yes Hita tipuli imin Abaram le, ve i ila igharaata imin mateegha tooni niazi.
668	GEN 25:9	Abaram natŋa ru, Isak ve Ismael, tighur paata iloŋ ila maet puura tau igheen ila taan Makpela igharau nugh Mamre. Muuŋ, taan tawe to Zoar naatu Epron. Zoar, i Hit tamazi.
669	GEN 25:10	Abaram ighol taan tawe ila to yes Hita. Ve titavia Sara yesuru Abaram izi ta sewe.
727	GEN 26:34	Esau ndaman tooni irau tamoot ru (40), ra ivai Hit tinazi ru, ezazi Yudit, ve Basemat. Yudit, i Beri natliva. Ve Basemat, i Elon natliva.
774	GEN 27:46	Ra Rebeka isaav pa Isak: “Oyai, rauaan livaŋa tau Hita tinazi ne, tinig imum pazi kat. Lolog pa Yakop ivai livaa eta to taan tane imin yes tane mako. Mako le mako kat. Ighe i igham tauvene, poia to namaat gha nala. Naleep pasaa?”
983	GEN 34:2	Amor tau daaba to nugh tawe, naatu Sekem ighita Dina, ve ila isaghavu ve imogheer pani. Amor, i Hep tamazi.
1043	GEN 36:2	Esau ivai Kanaan tinazi ru: Ada ve Oholibama. Ada, i Elon natliva. Elon, i Hit tamazi. Oholibama taama Ana, ve tiimbu Zibeon. Zibeon, i Ep tamazi.
1164	GEN 39:14	Tauvene iboob pa besooŋa siriv tilam, ve isaav pazi ighe: “Ai, aghita gabua tane! Azuwag igham Hibru tamazi tawe ilam ileep tomani ghiit, ve aazne i igham mayaŋa tiina kat pait. Pasaa, i ilam ighe imogheer payau. Eemon yau naboob aliŋag tiina, tauta iroi gha ipul nonoghiiŋa tooni tane izi, ve ighau ivot ila muuri.”
1167	GEN 39:17	Potipar ilam ivot, ve azaawa ipaes pani ighe: “Ai, Hibru tamazi tau yo ughamu ilam ileep tomani ghiit ne, i igham mayaŋa tiina kat pait. Pasaa, i ilam ighe imogheer payau.
1188	GEN 40:15	Pasaa, taug lolog ve nalam nugh tane mako. Yau naleep izi taan to yes Hibrua, ve timin umbuuŋ ghau. Tauta nalam sene. Ve nagham sosor eta ta sene paam mako. Tighur ghau naloŋ nalam ruum to yavyavuuŋ tane sorok.”
1208	GEN 41:12	Saawe tana, ŋeer paaghu ee to yes Hibrua ileep tomani ghei. I besooŋa to daaba to yes zaaba tau tiŋgin ruum tsio. Yeiru nisavia vivuuŋ tsiei ru pani, ve i ivotia pughuzi payei.
1323	GEN 43:32	Saawe tau tigham aniiŋ ilam, tighur Yosep le izala boor tooni, ve tooghŋa ve taazi lezi izala boor ite. Ve yes Isipa tau yesŋa tighanghan na, aniiŋ toozi izala boor ite paam. Pasaa, yes Isipa lolozi pa ghanghaniiŋ tomania yes Hibrua mako.
1503	GEN 49:29	Yakop ighur poia to Maaron izaa to natŋa le isov, ra aavo iyaryaaŋ pazi ighe: “Yau naghe napul gham tane, ve nala naleep tomania ziiri waaro tsiau tau timaat wa. Saawe tau ighe namaat, yam agham ghau nala, ve aghur ghau naloŋ nala maet puura tau igheen izi taan Makpela. Leso nagheen tomania tamaŋ ve tibug. Maet puura tawe, muuŋ tibug Abaram igholi ila to Epron, i ŋeer to yes Hita. Igheen igharau nugh Mamre ta Kanaan we.
1506	GEN 49:32	Tauvene maet puura tau Abaram igholi ila to yes Hita na, yau naghe aghur ghau naloŋ nala nagheen ta sewe paam.”
1519	GEN 50:12	Tauvene Yakop natŋa titaghon aliiŋa, ve tigham tamazi paata ila taan Kanaan, ve tighuru iloŋ ila maet puura tau igheen izi taan Makpela na. Taan tau maet puura tawe igheen ila na, muuŋ Abaram igholi ila to Epron, i ŋeer to yes Hita. Leso titavia mateegha toozi ta sewe. Maet puura tawe igheen igharau nugh Mamre.
1548	EXO 1:15	Ra kinik to Isip ipoi Hibru tinazi ru tilam. Ee eeza Sipra, ve ite eeza Pua. Yesuru lezi uraat to tipapoop zilivaa to yes Hibrua. Kinik isaav pazi ighe: “Alooŋ. Saawe tau apapoop yes Hibru tinazi, na aghita natuzŋa. Isaav ighe zitamoot, na arav zi timaat. Ve ighe zilivaa, o apul zi tileep.”
1551	EXO 1:18	Tauvene kinik ipoi yesuru timuul tilam, ve ighason zi ighe: “Puughu mindai ta yamru azoor aliŋag, ve apulpul geegeu zitamoot to yes Hibrua tileep?”
1552	EXO 1:19	Yesuru tiyol aliiŋa tighe: “Wai, yes Hibru tinazi, popaaŋ toozi imin yes Isip tinazi mako. Pasaa, yes zilivaa ariaŋazi, ve tipopoop rekia mon. Saawe tau yeiru nilaghlaagh soone, yes tipoop wa!”
1555	EXO 1:22	Tauvene kinik isaav ariaaŋ pa eval tiina to Isip ighe: “Geegeu zitamoot tau Hibru tinazi tipoop zi na, asik zi tisov tizila yaa Nil. Ve ighe zilivaa, mako apul zi tileep.”
1561	EXO 2:6	Kinik natliva ikaak ti aavo, ve ighita ŋeer marani ighengheen ila loolo ve itaŋtaŋ. Tauvene loolo isaghatini, ve isaav ighe: “Alei, ene aat Hibru tinazi eta naatu!”
1562	EXO 2:7	Rekia mon ve ŋeer marani liivu ilam peria toozi, ve ighason kinik natliva ighe: “Mindai? Irau nala nail livaa eta to yes Hibrua, ve naghamu ilam? Leso iŋgin marani tana payo, ve igham payamyam pani.”
1566	EXO 2:11	Mose itum le imin olman. Saawe ee, i ila ighe ighita zeetŋa Hibrua. Ila ivot toozi ve ighita uraat pataŋani tau tighamghamu na. Ve ighita ŋeer ee to Isip irav toŋvetaz tooni ee to Hibru.
1568	EXO 2:13	Mboŋ le nughizau, ra i ila ighe igig zeetŋa tawe muul. Ilaghlaagh ila le ighita Hibrua ru tipaparav. Tauvene ighason ŋeer tau igham sosor ve ipaburigin malmal na ighe: “Wai, urav sorokin etam ite pasaa?”
1588	EXO 3:8	“Tauta aazne, nazilam to nagham mulin zi ila yes Isipa nimazi. Yau aat nagham zi tipul Isip, ve tila tileep izi taan to yes Kanaana, Hita, Amora, Peresa, Hivia, ve Yebusa. Pasaa, taan tawe, sooso tiina ve ŋgoreeŋa tiina kat. Ve igham gabua isov titum poia.
1597	EXO 3:17	Ve i isaav tauvene: Taan Isip tau aazne andeeŋ pataŋani tiina pani na, i aat igham gham apuli, ve ala aleep izi taan to yes Kanaana, Hita, Amora, Peresa, Hivia, ve Yebusa. Taan tawe ŋgoreeŋa tiina ve igham gabua naol titum poi.’
1598	EXO 3:18	“Tauvene yo ula usavia aliŋag tane pa zolman to yes Israela. Yes pale tilooŋ ghom. Mako ugham zi gha yamŋa ala avot to kinik to yes Isipa, ve asaav pani aghe: ‘Yoova, Maaron to yei Hibrua, i ivot tsiei wa. Tauvene nighe yo uyok payei, leso nila nugh ŋginaaŋa ve nigham watooŋrau pani izi ta sewe. Pale nilaagh irau mboŋ tol, mako nila nivot.’
1636	EXO 5:3	Tauvene tisaav pani muul tighe: “O kinik, Yoova tau Maaron to yei Hibrua, i ivot tsiei wa. Tauvene nighe yo upul ghei nila pa nugh ŋginaaŋa. Leso nilup ghei pa suŋuuŋ izi ta sewe, ve nigham watooŋrau pani. Pale nilaagh irau mboŋ tol, o nila nivot. Isaav ighe nila tooni mako, i pale igham moroghooŋ saghati eta ivot payei ve ivaghamun ghei, ma igham malmal ivot ve tirav ghei pa mbuzaagh.”
1702	EXO 7:16	mako usaav pani ughe: ‘Yoova tau Maaron to yei Hibrua na, imbaaŋ ghau nalam ve nasavia aliiŋa payo wa. I ighe yo upul tamtamon tooni Israel tila, leso tibees pani ve tisuŋ pani izi nugh ŋginaaŋa. Eemon saawe tana ve ilam aazne, yo ulooŋ aliiŋa rigta mako.
1744	EXO 9:1	Saawe siriv ilam ila, ra Yoova isaav pa Mose ighe: “Ula to kinik to Isip, ve usaav pani ughe: Yoova, Maaron to yei Hibrua, aliiŋa ilat payo ighe: Upul tamtamon tooni tila, leso tibees pani ve tisuŋ pani.
1746	EXO 9:3	Pa Yoova pale itotoi tapiri payam, ve ighur moroghooŋ saghati kat pa ŋgai tsiam maata maata tau tilaghlaagh muuri na. Hos, doŋki, kamel, makau, sipsip, ve mekmek tsiam pale timatmaat.
1756	EXO 9:13	Pataŋani to mbotmboot isov ve murei ra, Yoova isaav pa Mose ighe: “Bogzo mboŋoozo, o uburig ula ve usaŋan kinik to Isip. Saawe tau i ilam ivot, mako usaav pani ughe: Yoova, Maaron to yei Hibrua, aliiŋa ilat payo ighe: Upul tamtamon tooni tila, leso tibees pani ve tisuŋ pani. Isaav ighe yo upul zi tila mako, na uyamaan ghom. Pa i aat iŋgal yo tomania uraata tsio ve eval tiina to Isip matamim pa pataŋani siriv tau tintiina kat. Leso yo uwatagh kat ughe: Maaron eta to taan raraate imin i mako.
1781	EXO 10:3	Yoova isavsaav le isov, ra Mose yesuru Aron tila tivot to kinik, ve tisaav pani tighe: “Yoova, Maaron to yei Hibrua, aliiŋa ilat payo muul ighe: Yo ukaria zoraaŋ saveeŋ wa. Pale ŋeez o uput aghem pani ve uleep ila i saamba? Upul tamtamon tooni tila, leso tibees pani ve tisuŋ pani.
1873	EXO 13:5	Muuŋ, Yoova imbu saveeŋ tomania timbumimŋa ighe i pale igham taan to yes Kanaana, Hita, Amora, Hivia, ve Yebusa imin lemim. Taan tawe ŋgoreeŋa ve poia pa gabua naol titum pani. Tauvene murei, saawe tau Yoova igham gham ala avot ta sewe, na matamim iŋgal to ataghon ŋgar tauvene: Ndaman isov, ighe tazaa pa kaiyo Abib, na yam aat alup gham ve asuŋ pa Yoova. Mboŋ liim ve ru, yam aghan mberet tau le yis mako na mon. Ve mboŋ imin liim ve ru tau lupuuŋ tiina tana isov pani na, yam aat alup gham ve agham suŋuuŋ tiina, ve apait Yoova eeza toman lolomim poia.
1942	EXO 15:21	Ve Miriam iit mbouŋ tane pazi ighe: “Ambou ve apait Yoova. I eeza tiina le tiina kat. I iparav ariaaŋ le iliiv koiŋa. Hos toozi tomania yes tau tilandoov zi na, i ipazali zi tizila te loolo gha tilalez.”
1994	EXO 17:10	Tauvene Yosua itaghon Mose aliiŋa, ve igham yes Israela gha tila tiparav tomania yes Amaleka. Ve Mose yesuru Aron ve ŋeer ite, eeza Hur, yes tol tizala tiyooz ila nugh mbua.
1996	EXO 17:12	Mose niima izaa ila ila le niima ipaspas kat. Tauvene Aron yesuru Hur tighita maet ee, ve tighur Mose mboole izala. Ra tiit niima ru izaa, ve ee ipalot niima tapir, ve ite ipalot ŋas. Tipaloti tuŋia, ve niima izazaa tauvene vene le aaz izila.
2080	EXO 21:2	“Isaav ighe ughol Hibru tamazi eta imin lem besooŋa, i pale ibees payo irau ndaman liim ve ee. Ve isaav ighe ndaman imin liim ve ru, na yo aat upuli ila. Ve upoi pa lem atuya sov. Pa uraat tooni, tauta iyol mulin maet tau papazoge yo upuli pa gholiiŋni.
2168	EXO 23:23	Tauvene aŋela tsiau tane pale imuuŋ payam, ve igham gham ala avot taan to yes Amora, Hita, Peresa, Kanaana, Hivia, ve Yebusa. Ve yau taug pale narav zi tilalez, leso agham taan toozi imin lemim.
2173	EXO 23:28	Ve yau pale nambaaŋ ŋgururuuv ndiŋndiŋ ndiŋndiŋ timuuŋ payam. Leso tireu yes Hivia, Kanaana, ve Hita tighau.
2476	EXO 33:2	Yau aat nambaaŋ aŋela tsiau ee imuuŋ payam, to iziir taan tawe tamtamona tighau. Ene yes Kanaana, Amora, Hita, Peresa, Hivia, ve Yebusa.
2508	EXO 34:11	Tutuuŋ tau aazne naghuru payam ne, yam asov aat matamim kisini, ve ataghon duduŋaini. Leso namuuŋ payam ve naziir yes Amora, Kanaana, Hita, Peresa, Hivia, ve Yebusa tau tileep izi taan Kanaan na, tisov taghawaar.
15403	PSA 89:13	Yo ughur taan tau igheen ila pa ragh, ve ila imuul yavaar puughu. Loloz Tabor ve loloz Hermon timboumbou toman lolozi poia ve tipait ezam.
15696	PSA 105:23	Eez tane ta yes Israela tau siŋ to Yakop na tila tivot izi Isip, ve tileep timin loom ila taan to Ham.
15700	PSA 105:27	Maaron ighe itotoi tapiri pa yes Isipa. Tauta ipalot Mose gha Aron, ve tigham gabua ŋgeretazi naol ve uraat tintiina ila yes Isipa sosozi. Uraat tau ivot izi taan to Ham, ene maata ite kat.
22609	JON 1:9	Tauvene Yona iyol aliŋazi ighe: “Yau to Hibru. Nabesbees pa Yoova. I Maaron to sambam tau ighur te ve taan. Eemon naghau pani ta nalam.” Tilooŋ saveeŋ tane, le roiŋ tiina igham zi. Tauvene tisaav pani tighe: “Wai, yo ugham sosor tiina kat!
23904	MAT 21:9	Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Tapakur David Naatu. Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!”
23910	MAT 21:15	Tauvene geegeu tau tileep Rumei Tiina naagho na paam, tiboboob aliŋazi tiina tighe: “Hosana! Tapakur David Naatu!” Yes daaba to watooŋrau ve yes ŋgara to tutuuŋ tighita gabua ŋgeretazi tau Yesu ighamgham zi na, ve tilooŋ saveeŋ to geegeu tawe, le irau lolozi mako.
24718	MRK 11:9	Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti!
24719	MRK 11:10	Tamtamon tau aazne ilam ne, pale imin kinik, ve igham pooz imin muuŋ timbuun David ighamu. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!”
26281	JHN 5:2	Yaa naliu ee igheen igharau didiiŋ tiina tau ilivut Yerusalem na. Tiwaat eeza ila saveeŋ Hibru tighe Betesda. Yaa tawe igheen igharau ataman aavo tau tiwaato tighe ‘Ataman to Sipsip.’ Ve tirau balbaal liim tiyooz tilivutin yaa aaze.
26662	JHN 12:13	Tauvene tigham gabua imin tuum raua, ve tivot tila tighe tighita. Saawe tau tighita, tipaburigin bobaaŋ ve tiyoor eeza tighe: “Hosana! Tapakur Maaron toit! Poia to Maaron aat izaa to ŋeer tane. Pasaa, i ilam pa Ŋeer Tiina eeza, ve i kinik to iit Israela!”
26907	JHN 19:13	Piladus ilooŋ saveeŋ tane, ve igham Yesu gha yesuru tivot tila muuri, ra Piladus mboole ila niia to gharatooŋ saveeŋ. Niia tawe igheen nugh tau tiwaat eeza ila saveeŋ Hibru tighe ‘Gabata’ (‘Gabata’ puughu tauvene: nugh tau tiraar maet babaŋazi ila imin nugh to lepoogh.)
26911	JHN 19:17	Tauvene tigham Yesu ila, ve tauu ibaad ai pambarooŋ tooni. Tipul nugh tiina Yerusalem gha tivot tila muuri, ra tinau pa nugh mbua ee, eeza ‘Daaba rubruuba.’ Tiwaat nugh tawe eeza ila saveeŋ Hibru tighe ‘Golgata.’
26914	JHN 19:20	Saveeŋ tane, tiboode ila saveeŋ Hibru, Roma aliŋazi, ve yes Grika aliŋazi paam. Nugh tau tirav Yesu izala ai pambarooŋ pani na, ene igheen igharau Yerusalem. Tauvene yes Yuda eval tilam tighita saveeŋ tana, ve tiwaato.
26952	JHN 20:16	Tauvene Yesu isaav pani ighe: “Maria.” I isaav tauvene, ra Maria ighilaalo ighe ene Yesu tauta ene. Tauvene itoor ghi naagho ila pani, ve isaav pani ila saveeŋ Hibru ighe: “Raboni!” Saveeŋ tane, puughu vene: ‘Paduduŋaaŋ tsiau.’
27171	ACT 6:1	Saawe tana, yes tau titaghon Yesu na tivot timin eval. Eemon pataŋani ee ivot ila sosozi. Yes Yuda tau tisavsaav Grika aliŋazi na, tiyau avozi pa zetazŋa tau tisavsaav ila saveeŋ Hibru na tighe: Mataaz ta naol ne, saawe tau tirei uleeŋ siriv pa yes mbolaaŋa, matazi iŋgal yes Grika zinaara toozi kat mako.
27772	ACT 21:40	Daaba tana iyok pani, tauvene Paulus iburig iyooz izala ndeet, ve itatan niima pazi. Leso oroor imot, ve isavia saveeŋ tooni. Eval tiina tighita le tineneeŋ. Ra Paulus ipaburigin saveeŋ tooni ila tauzi aliŋazi Hibru.
27774	ACT 22:2	Yes tilooŋ Paulus isaav pazi ila aliŋazi duduuŋ Hibru, le tineneeŋ kat.
27905	ACT 26:14	Yei nisov nitap nizi taan, ve nalooŋ ŋeer ee aliiŋa. Isaav payau ila saveeŋ Hibru ighe: ‘Saul, Saul, puughu mindai ta yo unoknok ghuruuŋ pataŋani payau. Ŋgar tsio tau uzorzoor ghau ne, tauta ivaghamunia taum. Yo umin bapolo tau isosor pa eez ve tiŋgal ziige pa ai maata, leso tipaduduuŋa.’
28248	ROM 9:25	Saveeŋa, propet Hosea isavia muuŋ wa. Ighe: “Yes tau tamtamon tsiau mako na, yau aat nawaat zi naghe ‘tamtamon tsiau.’ Ve yes tau muuŋ lolog igheen toozi mako na, yau aat nasaav pazi naghe: ‘Yau lolog igheen tsiam.’
29079	2CO 11:22	Mindai, zeran tana yes Hibrua? Yau paam to Hibru. Ve yes to Israel? Yau paam to Israel. Ve yes tivot ila to Abaram? Yau paam navot ila to Abaram.
29493	PHP 3:5	Pasaa, saawe tau tinaŋ ipoop ghau ve mboŋ imin liim ve tol, ra tirav warog. Yau tamtamon to Israel. Rumei tsiau, ene Benyamin. Tamaŋ ma tinaŋ, yesuru Hibrua duduuŋ ve aliŋazi Hibru. Ve yau paam Hibru duduuŋ ve nasaav Hibru. Ve zeran tutuuŋa, yau toozi ee.
29622	COL 4:13	Epapras, yau nighita ŋgar tooni wa. Tauta naghe nasaav payam: I igham uraat tiina kat payam. Ve igham uraat tiina pa zetaanŋa siriv tau tileep izi Laodisia ve Hierapolis paam.
29783	1TI 1:20	Zeran tana, toozi ru, ene Himenaios gha Aleksander. Yau naziir zi pa lupuuŋ to Krisi, ve naghur zi tileep ila Sadan niima wa. Naghe napaduduuŋ zi ve tighilaal, leso tivelegh Maaron muul sov.
30389	JAS 3:3	Aghita. Iit taghurghur ain ila hos aavo, leso tagham pooz pani, ve itaghon ŋgar toit. Hos, ene gabua tiina. Eemon ain marani tawe, ene irau igham pooz pa hos anooŋa dodoli.
30865	REV 6:4	Tauvene hos ite ivot ila. Hos tawe, siŋsiŋai kat imin yav yaama. Ve tigham mbuzaagh tiina ee pa ŋeer tau ilandoova na, ve tiyok pani to ipaghau lepoogh poia pa tamtamon to taan, ve ipazaagh zi pa malmal. Leso tivaravu zi gha timatmaat.
30919	REV 9:11	Ve yes lezi kinik to iŋgin zi paam. Kinik toozi, ene aŋela tau iŋgin puura saghati tau le puughu mako na. Tiwaat eeza ila Hibru aliŋazi tighe ‘Abaddon.’ Ve ila Grika aliŋazi tighe ‘Apolion.’
30927	REV 9:19	Hos tawe, tapirizi igheen ila avozi ve ighuzi. Ighuzi maata, ene imin moot saghati daaba. Tauta tivaghamunia tamtamon pani.
31039	REV 16:16	Tauvene avuvu sasaghati tawe tila tiyau yes kinik tomania zaaba toozi ve tilup zi izi nugh tau tiwaat eeza ila saveeŋ Hibru tighe Armagedon. Leso tigham malmal izi ta sewe.