145	GEN 6:7	Tambaaŋo. Yau aat napasov tamtamon le tisov pa taan. Ve yes mon mako. Ŋgai, man, ve gabua naol isov tau tikakarau izi taan na paam, yau aat napasov zi pa taan ve tisov tilalez. Onoon, yau taug naghur zi. Eemon tigham ŋgar sasaghati naol. Tauta tigham ghau tinig imum pazi kat.”
181	GEN 7:21	Tauvene gabua tau tilepleep izi taan na, timataar tisov. Ŋgai to nughei, ŋgai to su, man, ve gabua naol tau tikakarau ila taan na, tomania tamtamon paam timataar le tisov kat.
208	GEN 9:2	Ŋgai maata maata tau tileep izi taan, tomania man, iigh, ve gabua soroksorok tau tikakarau ila taan, ene aat matazi izaa ve tiroi payam. Yau naghur zi tilat nimamim.
244	GEN 10:9	Ve i ŋeer to ilooŋ ŋgai sagsag. Tauvene murei, isaav ighe tipait ŋeer eta eeza, mako tiparim pani tauvene: ‘Ŋeer tane, Yoova igham le ŋgar tiina pa ilooŋ ŋgai sagsag imin Nimrot.’
467	GEN 19:9	Yes tilooŋ saveeŋ tane, ve tisaav tighe: “Ŋeer tane nugh tauu? I loom mon. Ve aazne, ighe imin tiina ve igabiiz ghiit?” Ra tisaav pani tighe: “Ughau ula pa ziige! Yei nighe nigham ŋgar saghati pa zeran ru tana. Ve yo pale nivaghamun ghom kat!” Ra tisipiir Lot ila ziige, ve tighe tirav valaghin ataman.
491	GEN 19:33	Tauvene mboŋ tana, yesuru tipaghun tamazi pa yaa vaen, le ŋgar tooni ivaghamgham. Ra livaa olman ila ve yesuru taama tigheen. Ŋgar tau i ighamu na, taama iwataghi mako.
505	GEN 20:9	Ra Abimelek ipoi Abaram ilam, ve iyaoni ighe: “Puughu mindai ta ugham ŋgar tane payei? Rigmon kanaŋ nagham sosor tiina kat. Yau nagham saa sosor payo, ta ugham ghau tomania tamtamon tsiau nisosor tiina ila Maaron maata? Ŋgar tau yo ugham payau na, ene iduduuŋ mako.”
540	GEN 21:26	Abaram ipaesia pataŋani tawe pa Abimelek, ve i iyol aliiŋa ighe: “Wai, saveeŋ tane, aazne mon ra nalooŋa. Mindai ta yo upaesia saveeŋ tane payau rekia mako? Ŋeer tau igham ŋgar tane, yau nawataghi mako.”
682	GEN 25:23	Yoova isaav pani ighe: “Tamtamon puughu toozi ru ta tileep ila apom loolo. Ŋgun ru pale tivot ilat tsio, ve tivalagh zi. Ŋgun ee pale tapiri iliiv ite. Ve ŋeer olman pale imin besooŋa pa ŋeer muria.”
684	GEN 25:25	Ŋeer olman tiini siŋsiŋai, ve bide ooro. Tauta tiwaat eeza Esau.
693	GEN 25:34	I imbu saveeŋ tomania taazi le isov, ra Yakop igham le mberet tomania sur, gha ighan ma ighun, ve iburig gha ila. Ŋgar tau Esau ighamu na, ene itotoia ighe i maata veleghin niia to ŋeer aidaaba ighe ene kaut sorok.
733	GEN 27:5	Isak yesuru naatu Esau tisavsaav, ve olman tinazi Rebeka taliiŋa isaut saveeŋ toozi. Tauvene Esau ila pa su ighe iil aniiŋ ziigha, ve Rebeka isaav pa naatu Yakop ighe: “Ŋgarig nalooŋ tamam isaav pa togham ighe:
866	GEN 30:35	Eemon Laban itaghon saveeŋ toozi mako. Pasaa, saawe tana, i iburig ila igham mekmek zitamoot tisov tau tinizi butbutuuŋ na, ve mekmek upin tisov tau galgaliiŋ na, ve sipsip natuzŋa tisov tau gabgabuai na. Ŋgai tisov tawe, i iŋguaaz zi tila to tauu natŋa, leso tiŋgin zi.
886	GEN 31:12	“I isaav payau muul ighe: ‘Ŋgar isov tau Laban ighamgham payo na, yau naghita wa. Matam ila ve ughita. Mekmek zitamoot tau tiip pa mekmek upin, ewe butbutuuŋ ve galgaliiŋ mon.
901	GEN 31:27	Mindai ta yo ughau imin yoŋgaaŋ payau? Imin ta usaav payau, kanaŋ nigham ghanghaniiŋ toman narogho, ve nighur gham ala toman lolomai poia. Eemon yo upaes payau mako. Tauta natak natug livaŋa tomania tibugŋa nimazi mako, ve apul ghau. Ŋgar tau ugham payau ne, ene iduduuŋ mako. Ugham ŋgar imin yes borauŋa!
904	GEN 31:30	Yau nawatagh: Ŋgar tsio iyaryaaŋ kat ughe umuul ula pa tamam ve nugh tsio. Tauta upul ghau. Eemon puughu mindai ta uum maaron tsiau anunuzi tau tiŋginŋgin ruum tsiau ne?”
943	GEN 32:15	Ŋgai tauvene: Mekmek upin tamoot saŋavul (200), ve zitamoot tamoot ee (20). Sipsip upin tamoot saŋavul (200), ve zitamoot tamoot ee (20).
947	GEN 32:19	Ighe i ighason ghom tauvene, o uyol aliiŋa ughe: ‘Ŋgai tane, to besooŋa tsio Yakop. I ighe igham zi sorok pa tiina tooni Esau. I tauu ilaghlaagh murei.’”
954	GEN 32:26	Ŋeer tawe ighita ighe i tapiri irau to iliiv Yakop mako. Tauvene irav Yakop ŋgoi le seŋgaaŋa imazugh.
957	GEN 32:29	Ŋeer tana isaav pani muul ighe: “Yo aat ezam Yakop muul mako. Aat tiwaat ghom Israel. Pasaa, yamru Maaron ve tamtamon avatovai tapirimim le uliiv zi wa.”
958	GEN 32:30	Ra Yakop ighason ŋeer tana ighe: “Ezam sei?” Ŋeer tana iyol aliiŋa ighe: “Mindai ta yo ughason ghau pa ezag?” Ra ighur palotiiŋ izaa to Yakop, ve ipuli gha ila.
1034	GEN 35:22	Tilepleep izi nugh tawe, ve Ruben ila to Bila tau taama azaawa zazagheeŋ na, ve yesuru tigheen. Ŋgar tau ighamu na, taama Israel ilooŋ vaaru paam. Yakop natŋa zitamoot saŋavul ve ru tivot tauvene:
1061	GEN 36:20	Ŋeer ee ileep izi taan sirivu to Edom paam, eeza Seir. I Or tamazi. Seir natŋa, ene: Lotan, Sobal, Zibeon, Ana, Dison, Ezer, ve Disan. Yes tila tileep lez lez izi taan sirivu to Edom, ve timin zimaronŋa pa yes Ora.
1101	GEN 37:17	Ŋeer tawe isaav pani ighe: “Oyai, ulam rekia, kanaŋ ughit zi. Mako gha tipul nugh tane, ve tisakia tila wa. Eemon nalooŋ tighe tila pa nugh Dotan.” Tauvene Yosep itaghon tooghŋa ila, le indeeŋ zi izi nugh Dotan.
1103	GEN 37:19	Tighe: “Aghita! Ŋeer tau ighita vivuuŋ naol, tauta ilam we!
1236	GEN 41:40	Tauvene yau aat naghur ghom umin ŋginiiŋ pa taan tsiau isov. Tamtamon tsiau tisov aat tilooŋ aliŋam, ve titaghoni. Ve yau kinik mon, ta yo uleep ila sambag. Ŋeer ite paam iŋgin ghom mako.”
1298	GEN 43:7	Yes tiyol aliiŋa tighe: “Ŋeer tawe ighason rarai ghei pa ziiri waaro tsiei ighe: ‘Tamamim ilepleep, ma imaat wa? Ve tazimim ite paam ilepleep, ma mako?’ Tauta yei niyol ghasoniiŋ tooni. Ve ŋgar tooni tau ighe yei nigham tazimai tane gha yeŋa nizila, ene yei nikankaan pani.”
1324	GEN 43:33	Saawe tau yes besooŋa tighur Yosep tooghŋa ve taazi pa lepoogh, tighur zi mbolezi izi tipartaghon le raraate imin tau tinazŋa tipoop zi na. Ŋeer aidaaba imuuŋ, ve ila ila le imuul izi ŋeer tau muria kat. Tauvene Yosep tooghŋa ve taazi avozi ikaak, ve tivamarari zi.
1330	GEN 44:5	Yam aum rubruub tooni tau i ighunghun pani, ve ighitghita gabua tau murei pale ivot. Ŋgar tau aghamu na, ene saghati kat!’”
1342	GEN 44:17	Eemon Yosep isaav pazi ighe: “Ee-e, irau nagham tauvene ne mako. Ŋeer tau rubruub tsiau igheen tooni na, i zigani mon ta aat ileep ve imin besooŋa payau. Ve yam siriv, amuul ala pa tamamim. Yau leg saveeŋ payam mako.”
1345	GEN 44:20	“Ve yei niyol ghasoniiŋ tsio nighe: ‘Vee. Tiina tsiei, tamamai yesuru tazimai muria, ta tilepleep we. Tazimai tawe, tamamai imin olman, ra tiina ipoopa. Ve tinamai tawe, i ipoop natŋa ru mon. Ŋeer olman, i imaat wa. Tauvene ŋeer muria mon ta ilepleep. Tamamai ipulpuli mako. Pasaa, i loolo igheen tooni kat.’
1387	GEN 45:28	Tauvene isaav ighe: “Onoon kat. Ŋgarig gha naghur ila. Natug Yosep imaat mako. I ilepleep. Yau aat nala ve naghita pataghaaŋ. O ighe namaat, namaat lak!”
1559	EXO 2:4	Ŋeer marani liivu iyooŋ soghan, ve maata ilala pani ighe ighita: Saa gabua pale ivot pani.
1565	EXO 2:10	Ŋeer marani itum le imin olman rig, ra tiina ighuru imuul ila to kinik natliva, gha ighamu imin naatu. Kinik natliva iwaat marani tana eeza Mose. Pasaa, maata iŋgal ighe: “Marani tane, i ileep yaa ziige ve naghamu izaa.”
1654	EXO 5:21	Tighit zi, ve tiyaon zi tighe: “Ŋgar tau agham payei na, Yoova ighita wa. Ve i tauu pale ighur atuya payam! Pasaa, yamru ta agham kinik tomania yes uraata tooni atezi yavyav kat payei. Yes tighit ghei tighe yei sasaghatmai kat. Aazne, yamru aghur mbuzaagh ila nimazi, leso tirav ghei nisov nimatmaat.”
1699	EXO 7:13	Kinik ighita gabua ŋgereeta tana pa tauu maata. Eemon ŋgar tooni iyaryaaŋ kat ighe izoor Mose yesuru Aron aliŋazi. Ŋgar tau i ighamu na, ene iduduuŋ kat pa saveeŋ tau muuŋ Yoova isavia pa yesuru na.
1708	EXO 7:22	Eemon yes mura to Isip tiburig, ve anazi tigham mur toozi pa yaa, le ivot raraate imin tau Mose gha Aron tighamu na. Tauvene kinik ŋgar tooni iyaryaaŋ muul, ve ilooŋ yesuru saveeŋ toozi mako. Ŋgar tau i ighamu, ene iduduuŋ kat pa saveeŋ tau Yoova isavia pa Mose gha Aron imin maata na.
1726	EXO 8:11	Saawe tau kinik to Isip ighita pataŋani to gob isov, i isaav ighe: “Aa saleem! Aazne ra, nimariau!” Eemon ŋgar tooni iyaryaaŋ muul ighe izoor Yoova aliiŋa. Tauvene ilooŋ Mose yesuru Aron aliŋazi mako, ve iŋguruut yes Israela muul. Ŋgar tau i ighamu, ene iduduuŋ pa saveeŋ tau Yoova isavia pa Mose gha Aron na.
1750	EXO 9:7	Kinik to Isip imbaaŋ tamtamon siriv tila titiir nugh, ve yes tighita ŋgai to yes Isipa mon ta timatmaat. Ve Israela toozi, popoiazi mon. Eta imaat mako. Eemon gabua tawe ipaburigin ŋgar to kinik mako. Ŋgar tooni iyaryaaŋ kat ighe iŋguruut yes Israela tileep. Tauta ipul zi tila mako.
1755	EXO 9:12	Eemon Yoova igham kinik ŋgar tooni iyaryaaŋ le iyaryaaŋ kat. Tauvene i ilooŋ Mose yesuru Aron mako. Ŋgar tau kinik ighamu, ene iduduuŋ pa Yoova aliiŋa tau muuŋ isavia pa Mose na.
1778	EXO 9:35	Kinik ŋgar tooni iyaryaaŋ kat. Tauta iŋguruut yes Israela muul. Ŋgar tau i ighamu, ene iduduuŋ kat pa Yoova aliiŋa ta Mose isavia na.
1814	EXO 11:7	Eemon yes Israela tomania ŋgai toozi tisov aat tileep poi. Ŋgavuun eta irau ipaŋal mako. Leso yo uwatagh kat ughe: Yau Yoova nagham ŋgar raraate pa tamtamon tsiau Israel ve yam Isipa mako. Naghamgham ŋgar ite ite.’”
1859	EXO 12:42	Mboŋ tawe ta Yoova maata iŋgal yes Israela, ve igham zi tipul Isip itaghon saveeŋ mbuaaŋ tooni. Tauta ndaman isov, saawe to Pasova ighe ivot, yes Israela tisov aat timamaat ve matazi iŋgal gabua tau ivot pa mboŋ tana, ve tipait Yoova. Ŋgar tane aat igheen tauvene taghon gha ila.
1884	EXO 13:16	Ŋgar tane, ene imin ilaal tau igheen ila nimaan ve ndamoon ve ipei mulin ŋgar toit pa saawe tau Yoova itotoi tapiri tiina, ve igham ghiit tapul nugh to yes Isipa ve talam. Leso loloon iveegh pani sov, ve mataan iŋgalŋgali irau saawe.’”
1902	EXO 14:12	Ŋgar tane, ta niroi pani. Tauta saawe tau talepleep izi Isip, yei nisaav payo nighe: ‘Tambaaŋo. Upul ghei nileep, ve nigham uraat pa yes Isipa.’ Eemon yo ulooŋ ghei mako. Imin ta nileep izi Isip gha nibesbees pazi, kanaŋ poia. Eemon mako. Aazne, aat nisov nimataar izi nugh ŋginaaŋa tane.”
1960	EXO 16:12	“Ŋoŋaaŋ to yes Israela, yau nalooŋa wa. Tauvene usaav pazi: Ravrav aaz izila goroŋia, o lezi aniiŋ ziigha izilat. Ve bogzo pale aniiŋ izilat, ve tighan le apozi isuŋ. Leso tiwatagh kat tauvene: Yau Yoova, Maaron tsiam, nalepleep.”
1968	EXO 16:20	Eemon tamtamon siriv tizoor Mose aliiŋa, ve tighur aniiŋ siriv imin ŋaar. Ŋaar toozi tawe igheen le nughizau, ve iŋaraaŋ. Ve tighita motmoot igheen ila. Mose ighita ŋgar tau tighamu na, le aate yavyav kat.
2023	EXO 18:23	Ŋgar tane, Maaron ighe yo utaghoni. Isaav ighe ugham tauvene, ene aat uraat ipataŋan payo geeg mako. Ve tamtamon tisov tau tilam tomania pataŋani toozi na, pale timuul tila pa niazi toman lolozi poia.”
2031	EXO 19:4	‘Ŋgar tau yau nagham pa yes Isipa na, yam Israela aghita pa taumim matamim wa. Yam awatagh: Yau nabaad gham imin manbog ibaad natŋa izala baage, ve nagham gham alam avot tsiau izi ta sene.
2163	EXO 23:18	“Isaav ighe urav gabua eta imin watooŋrau payau, na ulup gabua tau yis igheen ila na, tomania sov. Ve saawe tau yamŋa eval tiina alup gham pa suŋuuŋ ve ugham watooŋrau payau, na yav aat ighan suvinia watooŋrau tsio tana miiza tomania ŋgoreeŋa. Ŋgiira rigta igheen mboŋ nughizau sov.
2503	EXO 34:6	I ilaagh imbut Mose naagho, ve isaav ighe: “Yau Yoova. Ezag tauta ene: Yoova. Yau Maaron tau lolog isasaghatin besooŋa tsiau, ve naghamgham poghani zi. Ateg yavyav rekrekia mako. Poia tsiau, ene tiina kat. Lolog isaghav tamtamon tsiau ariaaŋ ve nauluul zi, ve nataghon saveeŋ mbuaaŋ tsiau irau saawe. Ŋgar tau lolog isaghav tamtamon tsiau ve nauluul zi, ene natotoia pa tamtamon ndiŋndiŋ ndiŋndiŋ. Ve ŋgar toozi to zoraaŋ saveeŋ, tomania ŋgar toozi siriv tau isapir pa tutuuŋ tsiau na, sosor toozi naol tawe, monmon yau nareureu zi. Eemon yes tau lezi sosor na, yau naleleel zi mako. Naghurghur atuya pa yes tauzi, tomania natuzŋa, timbuzŋa, ve gabazŋa.”
2506	EXO 34:9	Ighe: “Aa Yoova, isaav ighe lolom poia payau, ve ughe ugham poghani ghau, na ulam tomani ghei ve itiŋa tala. Onoon, eval tiina tawe, dabazi ariaaŋa, ve tiloŋlooŋ saveeŋ mako. Eemon lolom isaghatin ghei, ve ureu sosor tsiei. Ŋgar tsiei naol tau isapir pa tutuuŋ tsio na, ureu zi tilalez. Ve ugham ghei nimin lem kat.”
7152	RUT 2:1	Ŋeer ee ilepleep Betelem, eeza Boas. Yesuru Naimi azaawa Elimelek, siŋ eemon. Boas, i kuaz tauu, ve eval tiina titandagh pani tighe i eeza tiina.
7170	RUT 2:19	Tauvene Naimi ighasoni ighe: “Laak, aazne yo uyau bali tane izi sindei? Yo ugham uraat ila uum to sei? Ŋeer tau maata iŋgal ghom ve iuul ghom na, poia to Yoova aat izaa tooni.” Rut iyol aliiŋa ighe: “Aazne, yau nagham uraat ila uum to ŋeer ee, eeza Boas.”
7171	RUT 2:20	Tauvene Naimi isaav pani ighe: “Yoova pale ighur poia tooni izaa to Boas ve igham poghania! Ŋgar to Yoova tau loolo isaghav tamtamon tooni ve iuluul zi, ene isov mako. Saawe isov, i maata iŋgalŋgal yes mateegha ve iit tau talepleep ne paam.” Ve Naimi isaav muul ighe: “Ŋeer tawe, yesuru Elimelek toŋvetaz. Yesuru siŋ eemon. I aat iyooz pait ve iuul ghiit pa pataŋani toit.”
7184	RUT 3:10	Boas isaav pani ighe: “Natugliva, poia to Yoova pale izaa tsio. Ŋgar tau yo ughamu ne, ene itaghon katin ŋgar to loloon isaghav ziiri waaro toit. Ve iliiv ŋgar popoia siriv tau yo ughamgham pa rawamliva Naimi. Pasaa, zitamoot paghpaaghu katini tilepleep. Siriv kuaz tauŋa, ve siriv mbolaaŋa. Eemon yo ugham ŋgar pa toozi eta mako. Yo uŋarui ghau pasaa, yau ziiri waaro to azuwam.
7193	RUT 4:1	Saawe tana, Boas malmali ila nugh to lupuuŋ tau igheen igharau eez maata na, ve mboole izi ta sewe. Malau mako ve ŋeer tau Boas isavia pa Rut na, ilam. Ŋeer tawe, yesuru Elimelek siŋ eemon. Boas ighita, ve isaav ila pani ighe: “Ai toghag, ulam mbolem izi. Pa yau leg saveeŋ payo.” I ilooŋ aliiŋa, ve ila mboole izi.
7196	RUT 4:4	Tauta nasaav payo pani. Ighe lolom pa taan tawe, na ugholi ila yes zolman ve tamtamon siriv tau itiŋa talepleep ne matazi. Pa puughu tsio igharau kat pa Elimelek, ve yau nataghon ghom. Tamtamon ite paam mako. Tauvene yo irau ughol taan tooni. Ve isaav ighe lolom pa taan tawe mako, usaav ghazooŋa payau ve nalooŋa. Leso nagholi.” Ŋeer tana iyol aliiŋa ighe: “Poia. Pale nagholi.”
7198	RUT 4:6	Ŋeer tana ilooŋ saveeŋ tane, ve isaav ighe: “Ee-e, yau irau nagholi mako. Onoon, yau irau nayooz pa Naimi ve nauule. Eemon irau nasakia taan ma gabua tsiau siriv ila pa ŋeer ite natŋa mako. Tambaaŋo, yau naleep, ve yo ugholi.”
13950	PSA 2:1	Puughu mindai ta nugh nugh timbu saveeŋ tighe tipaburigin malmal? Tamtamon tiliil eez to tigham taliiŋzizi pasaa? Ŋgar toozi tawe, tighamu sorok. Irau ighur mako.
13973	PSA 4:3	Oyai, yam tamtamon tau atatan ghau ve avaghamunia ezag na, ŋeez o apul ŋgar tsiam tana? Yam aghur lolomim pa ŋgar soroksorok tau le anooŋa mako na, ve ataghon ŋgar karom. Ŋeez o apuli?
13990	PSA 5:11	O Maaron, uvotia sosor toozi ivot ighazooŋ, ve ughur atuya pazi. Ŋgar sasaghati tau tighamghamu na, upamuule ila pa tauzi ve ivaghamun zi. Saawe isov, yes timamalaaŋ pa tutuuŋ tsio. Tauvene uziir zi tilalez. Pa yes tizorzoor ghom, ve tighamgham taliiŋzizi.
14019	PSA 7:16	Ŋeer tau ighe itai puura pa tamtamon eta, ene pale tauu itap izila puura tana.
14020	PSA 7:17	Ŋgar saghati tau i ighe igham pa tamtamon, ene pale imuul pa tauu. Ve malmal tau i ighe igham pazi, ene pale ivaghamunia i tauu.
14029	PSA 8:8	Ŋgai maata maata to nughei, ve gabua tisov tau tileep izi su,
14056	PSA 10:4	Zeran sasaghati tawe, tipakur tauzi pa ŋgar toozi. Tauta lolozi pa tiwatagh Maaron mako. Ŋgar toozi iyaryaaŋ tighe: “Maaron irau ighur pataŋani payau mako. Pa Maaron eta ileep mako.”
14063	PSA 10:11	Ve matazi iŋgal tighe: “Maaron maata ilam payei mako. Ŋgar tau yei nighamu, ene i irau ighita mako, ve iwataghi mako.”
14065	PSA 10:13	Maaron, mindai ta yo upul zeran sasaghati tivelegh ghom? Yes tisavsaav ila lolozi tighe: “Ŋgar tau yei nighamu ne, Maaron irau ipayooz ghei pa savsaveeŋ mako.”
14066	PSA 10:14	Eemon Maaron, yo ughita gabua isov tau tighamu na. Ŋgar sasaghati ve pataŋani maata maata tau yes tigham pa tamtamon na, yo uwatagh zi tisov ve igheen ila yo nimam. Pasaa, yes mbolaaŋa tau tirau gabua eta mako na, tighur tauzi ila yo nimam ve tinumeer ghom. Yo taum ta umin uleeŋa pa yes parooŋa.
14088	PSA 13:2	Oyai Yoova, pataŋani tiina tane ikis ghau malau wa. Ŋeez o uul ghau? Pale lolom iveegh payau taghon taghon gha ila? Mindai ta uŋgooz naghom payau? Ŋeez o matam ilam payau muul?
14089	PSA 13:3	Saawe isov yau naghamgham ŋgar naol pa pataŋani tsiau, mboŋ ve mataaz lolog isaghat naghe nataŋ. Pale koiagŋa tiliiv ghau taghon taghon gha ila? Ŋeez o ulam uul ghau?
14093	PSA 14:1	Yes kankanooŋa tau lolozi iveegh pa Maaron na, tigham ŋgar ila lolozi tighe: “Maaron eta ileep mako.” Zeran tauvene, Maaron loolo pazi mako kat. Pasaa, Ŋgar toozi isaghat wa. Tauta tighamgham ŋgar sasaghati naol. Eta igham ŋgar poia mako.
14096	PSA 14:4	Tauvene Yoova igham ŋgar naol ighe: “Yes tau tinoknok ghamuuŋ ŋgar sasaghati na, lezi ghilalooŋ, ma mako? Ŋeez o ŋgar toozi ivot? Saawe isov, yes titombaan tamtamon tsiau ve tipasov gabua toozi le isov kat, imin yes tau tighan aniiŋ popoia, ve tipasovu. Matazi iŋgal ghau ve tisuŋ payau mako.”
14191	PSA 19:10	Ŋgar to taroi pa Yoova ve tataghon ŋgar tooni, ene poia. Ŋgar tauvene, ene iŋgalaaŋ ila i maata, ve igheen tauvene taghon taghon gha ila. Ve gabizooŋ to Yoova, ene iduduuŋ ve onoon mon.
14203	PSA 20:7	Ŋgarig gha nawatagh: Yoova pale iuul kinik tau i tauu ighuru pa uraat na. I pale ileep izi nugh tooni patabuyaaŋ sambam, ve ilooŋ suŋuuŋ tooni, ve ipaloti pa tauu tapiri. Leso iliiv koiŋa tisov.
14236	PSA 22:16	Ŋgarsuag igorgor kat. Yo upul ghau ve nagheen ila ŋgaupup loolo ve naghe paita namaat tane.
14351	PSA 31:2	O Yoova, yau nanumeer ghom ve nayooŋ ilat tsio. Upul koiagŋa titatan ghau sov. Pa ighe tiliiv ghau, ene pale mayag. Ŋgar tsio iduduuŋ. Tauvene ugham mulin ghau.
14379	PSA 32:5	Naleep le mako, ra navotia sosor tsiau payo. Ŋgar tsiau saghati, naŋgooza muul mako. Saawe tana, yau naghe: “Ŋgar tsiau to zoraaŋ Yoova aliiŋa, yau aat navotia ila tooni.” Tauvene navotia sosor tsiau payo, ve ureua ilale.
14390	PSA 33:5	I loolo pa ŋgar duduuŋa ve ŋgar to gharatooŋ pataŋani to tamtamon le iduduuŋ. Ve loolo isaghav tamtamon tooni ariaaŋ ve iuluul zi. Ŋgar tane, i itotoia irau taan isov.
14455	PSA 35:25	Mako lolozi poia ve tisaav tighe: “Aa, isov! Ŋgar tau taghe tagham pani, tauta ivot pani gha isaghat wa!”
14460	PSA 36:2	Ŋgar to zoraaŋ Maaron aliiŋa tau igheen ila zeran sasaghati lolozi, ene isavsaav pazi, ve ighamgham pooz pazi. Tauta matazi iŋgal Maaron mako, ve tiroi pani mako.
14462	PSA 36:4	Saveeŋ karom ve saveeŋ sasaghati mon ta ivotvot ila avozi. Ŋgar tau iuul ghiit to taleep poia, ene tipuli wa. Tauta tigham ŋgar poia eta mako.
14463	PSA 36:5	Ŋgar toozi iyaryaaŋ kat. Tighe le tigham ŋgar saghati mon. Mboŋ ta naol ne, tighengheen ila moogh toozi, ve matazi iŋgalŋgal pa saa ŋgar saghati tau pale tighamu. Eez saghati tawe, lolozi pa tipuli mako.
14464	PSA 36:6	Yoova, yo lolom isaghav tamtamon tsio, ve uluul zi irau saawe. Ŋgar tsio tana, ene tiina le tiina kat. Izala le ikis sambam saamba. Ve ŋgar to taghoniiŋ saveeŋ mbuaaŋ tsio paam. Izala le ikis taitai.
14465	PSA 36:7	Ŋgar tsio duduuŋa, ene imin loloz tintiina. Ve ŋgar tsio tau ugabiiz tamtamon itaghon ŋgar duduuŋa ve ughur atuya pazi, ene paam tiina kat, imin mazavan belbeluuŋa tau izila le izila kat. Yoova, yo uŋgin tamtamon ve gabua maata maata to su ve nughei, ve uluul zi, tauta tileep poi.
14506	PSA 37:35	Muuŋ, yau nawatagh ŋeer saghati ee. Saawe isov, i ipaparoi tamtamon, ve itatan zi le tileep saghat. Ŋeer tawe tapiri tiina kat. I imin ai mezepur tiina to Lebanon. Eemon murei, nalaagh izi nugh tooni, ve naghita ŋeer tana ileep muul mako. Nail naagho le mako. Aat ila mindai?
14508	PSA 37:37	Matam ila pa yes tau lezi sosor mako, ve ugham ŋgar pa yes tau ŋgar toozi popoia mon na, ve ughita saa ŋgar ta ivotvot pazi. Ŋeer marowa tau ilup tamtamon timin eemon ve iuluul zi to tileep poia, i tomania paaghu tooni pale tileep poia taghon taghon gha ila.
14531	PSA 38:20	Koiagŋa, yes eval kat, ve tapirizi tiina. Ŋgar tau tigham payau ne, iduduuŋ mako. Pasaa, yau nagham sosor eta pazi mako. Yes tighur koi payau sorok.
14532	PSA 38:21	Ŋgar popoia tau muuŋ yau naghamgham pazi na, aazne tiyoli pa ŋgar saghati. Yes tighurghur koi payau pasaa, yau nazuari ghau pa ŋgar poia mon.
14552	PSA 40:4	Ve ipaburigin ghau ve nambou mbouŋ paaghu. Ene mbouŋ to tapait Maaron toit eeza. Ŋgar tau Yoova igham payau na, pale igham eval tiina tighilaal. Tauvene yes pale tiroi, ve tighur ila tooni.
14555	PSA 40:7	Ŋgar to ravuuŋ gabua imin watooŋrau payo, tomania ŋgar to ghamuuŋ aniiŋ payo imin paitooŋ, ene yo lolom pani mako. Ve ŋgar to ghuruuŋ gabua izala artaal leso yav ighan dodolini, tomania ŋgar to ravuuŋ gabua pa rewaaŋ sosor to tamtamon, ene paam, yo ughur matam pani mako. Yo ugham taliŋag ikaak, leso nalooŋ aliŋam.
14559	PSA 40:11	Onoon kat, uleeŋ ve ŋgar duduuŋa tau utotoia payau na, yau naŋgooza igheen to taug mon mako. Ve gabuam tau lolom isaghav tamtamon tsio ariaaŋ ve uluul zi, ene paam, naŋgooza pa tamtamon tsio mako. Saawe tau tilup zi pa suŋuuŋ, yau nasasavia gabuam tana pazi. Ŋgar tsio tau uluul tamtamon itaghon saveeŋ mbuaaŋ tsio, ene navovotia pazi.
14560	PSA 40:12	Yoova, matam kisin sosor tsiau sov. Lolom isaghatin ghau ve upul sosor tsiau. Ŋgar tsio tau lolom isaghav tamtamon tsio ariaaŋ ve utataghon saveeŋ mbuaaŋ tsio, ene aat imin sigheu payau.
14561	PSA 40:13	Ughita. Aazne, pataŋani naol tilivutin ghau. Irau nanin zi mako. Ŋgar tsiau sasaghati atuya, tauta iŋarui ghau ne. Tauvene naghita naghe leg eez eta muul mako. Sosor tsiau, katini kat. Iliiv dabag rau. Tauvene naroi ve tapirig isov kat.
14564	PSA 40:16	Ve yes tau tisavsaav payau tighe: “Aa, ughita wa? Ŋgar tau nighe ivot payo, tauta ivot wa!” Zeran tauvene, utatan zi ve ugham zi tivaghamgham. Leso mayazi pa ŋgar tau tighamu na.
14572	PSA 41:6	Koiagŋa tisasavia saveeŋ sasaghati iŋarui ghau tighe: “Ŋeer tawe, ŋeez o imaat leso eeza ilale ve loloon iveegh pani?”
14631	PSA 45:7	Maaron, pooz tsio irau isov ne mako. Pale uleep ila niam to ghamuuŋ pooz irau saawe. Ŋgar duduuŋa tau ughamgham pa tamtamon na, ene imin ilaal pa pooz tsio.
14687	PSA 49:8	Eemon gabua toozi tawe irau igham mulin zi pa mateegh mako. Pasaa, tamtamon eta irau ighol Maaron leso ipaghau mateegh pani ve lepoogh tooni to taan iseeŋga taghon gha ila ne mako. Ŋgar tauvene, tapuli ileple. Pa lepoogh tauvene, atuya ite kat.
14734	PSA 51:11	Ŋgar tsiau naol tau isosor pa eez tsio na, matam ila pani muul sov. Ureu sosor tsiau isov ilale.