54	GEN 2:23	Tamoot ighita livaa tana, ve isaav ighe: “Aa ŋgarig gha leg etag ee! Tuua, ene yau tuag. Ve miiza, ene yau mizag. Yau aat nawaato naghe ‘livaa.’ Pasaa, i ivot ila to yau tamoot.”
273	GEN 11:6	I ighit zi ve isaav ighe: “Wai, tamtamon tilup zi timin eemon wa! Ve tisavia aliŋazi eemon, ve aazne tipaburigin uraat tiina tane paam. Murei, isaav ighe lolozi ighur pa uraat tintiina siriv, pale matazi sorok ve tighamu mon. Pasaa, gabua eta irau ipoon zi muul mako.
317	GEN 12:18	Tauvene kinik ipoi Abram ilam, ve iyaoni ighe: “Yo ugham karom payau pasaa? Sarai ene yo azuwam! Mindai ta usaav ughe yo livum? Yau naghur ila aliŋam, tauta naghamu naghe imin azuwag. Aiyo, ugham azuwam, ve yamru aghau ala!”
387	GEN 16:5	Tauvene Sarai izi ve isuk saveeŋ pa Abram ighe: “Pataŋani tau aazne izaa tsiau, ene yo umin puughu pani! Onoon, yau taug naghur besooŋa tsiau livaa ilat tsio. Eemon saawe tau iwatagh ighe i aapo, maata tatanin ghau kat. Maaron tauu pale igabiiz ghiit, ve ighur atuya iŋarui sei tau igham sosor!”
467	GEN 19:9	Yes tilooŋ saveeŋ tane, ve tisaav tighe: “Ŋeer tane nugh tauu? I loom mon. Ve aazne, ighe imin tiina ve igabiiz ghiit?” Ra tisaav pani tighe: “Ughau ula pa ziige! Yei nighe nigham ŋgar saghati pa zeran ru tana. Ve yo pale nivaghamun ghom kat!” Ra tisipiir Lot ila ziige, ve tighe tirav valaghin ataman.
470	GEN 19:12	Ra zeran ru tana tisaav pa Lot tighe: “Mindai, lem zetamŋa siriv tau tileep izi nugh tane? Ugham natum livaŋa, rawamŋa, ve tamtamon tsio tisov tau tileep izi nugh tane, ve yamŋa aburig ta aazne, ve aghau!
472	GEN 19:14	Tauvene Lot ila to rauŋa ru tau tighe tivai natlivaŋa na, ve isaav pazi ighe: “Ai, rekia aburig ve apul nugh tane! Pa Yoova ighe ireua ilale!” Eemon yesuru tighur ila Lot aliiŋa mako. Tighe pa i igham saveeŋ mogheraaŋ pazi mon.
473	GEN 19:15	Nughizau ve aŋela ru tana tipasul Lot tighe: “Uburig rekia, ve ugham azuwam tomania natum livaŋa ru, ve apul nugh tane, ve aghau ala! Mako pale alalemim tomani zi. Pa paita Yoova ireu nugh tane pa sosor toozi.”
475	GEN 19:17	Aŋela ru tana, toozi ee ipasul zi ighe: “Aŋguaaz taumim ve aghau rekia ala! Matamim imulmuul sov. Apul nugh raraate tane, ve aghau azala pa loloz. Ala aleep izi eez livuugha sov. Malmalimim ala! Mako pale Yoova ipasov gham tomania tamtamon to nugh tane.”
480	GEN 19:22	Eemon yam alaagh rekia! Pa yau irau nagham gabua eta ivot soone, le ala avot nugh tawe.” Nugh marani tawe, eeza Zoar.
499	GEN 20:3	Eemon mboŋ ee, Maaron ivot tooni ila vivuuŋ, ve isaav pani ighe: “Abimelek, ulooŋ. Paita umaat! Pasaa, livaa tau ughamu na, i livaa vaivaiŋ.”
524	GEN 21:10	Tauvene isaav pa Abaram ighe: “Uziir besooŋa livaa tawe yesuru naatu tighau tila soghan! Besooŋa livaa tawe naatu irau ileep tomania natug Isak, ve tiyooz pa gabua tsio mako.”
560	GEN 22:12	Mbaŋooŋa tawe isaav pani ighe: “Nimam itut natum sov. Ugham gabua eta pani sov! Aazne, yau nawatagh ghom kat: Yo uroi pa Maaron, ve utaghon katin ŋgar tooni. Pasaa, natum eemon tau lolom igheen tooni kat na, yo uŋguruuta pani mako.”
587	GEN 23:15	“Tiina tsiau, ulooŋ! Taan tawe atuya irau maet silva 400 ma vene. Eemon tambaaŋo paam. Ugholi pasaa? Ituru tavawataghi ghiit. Ula ve utavia azuwam.”
598	GEN 24:6	Abaram iyol aliiŋa ighe: “Mako kat! Yo irau ughur natug imuul ila nugh tsiau puughu mako.
702	GEN 26:9	Tauvene Abimelek ipoi Isak ilam, ve isaav pani: “Wai, livaa tana, yo azuwam! Puughu mindai ta yo usaav ughe yo livum?” Isak iyol aliiŋa ighe: “Yau naroi naghe pale arav ghau namaat ve agham azuwag. Tauta nasaav naghe ene livug.”
715	GEN 26:22	Isak ipul nugh tawe, ve ila itai yaa ite muul imin tol. Yaa taiŋ tawe, le saveeŋa mako. Tauvene Isak iwaat eeza Reobot, ve isaav ighe: “Aa ŋgarig gha Yoova ighur sooso tiina pait to taleep pani! Ene pale taleep poia izi taan tane, ve tamasa tamin naol.”
755	GEN 27:27	Tauvene Yakop ila isaghav taama. Isak inuŋuz Esau vaazi tau igheen ila nonoghiiŋa tooni, ve ighur poia to Maaron izaa to Yakop ighe: “Aa, natug tane vaazi, imin su tau poia to Maaron igheen pani na!
759	GEN 27:31	I paam igharaat sur poia kat, ve ighamu ila pa taama, ve isaav pani ighe: “Tamaŋ, yau nagharaat sur tsio tomania ziigha to su, tauta naghamu ilam wa! Uburig gha ughun, ve ughur poia to Maaron izaa tsiau.”
764	GEN 27:36	Tauvene Esau isaav ighe: “Oyais, ŋeer tawe, tiwaat eeza Yakop le iduduuŋ kat! Pasaa, i itombaan ghau pai ru wa! Muuŋ, itombaan ghau gha igham niag imin ŋeer aidaaba. Ve aazne, ium palotiiŋ tsiau paam.” Ra Esau ighason taama muul ighe: “Tamaŋ, mindai? Lem palotiiŋ eta payau mako?”
791	GEN 28:17	Tauvene roiŋ tiina ighamu, ve isaav ighe: “Yau naroi kat. Pasaa, nugh tane patabuyaaŋ! Onoon kat, ene Maaron tauu niia. Ataman to nugh sambam igheen ta sene.”
808	GEN 29:12	Ve ivotia tauu pani ighe: “Yau tane ziiri waaro to tamam! Yau tinaŋ Rebeka.” Rael ilooŋ saveeŋ tane, ve rekia mon ilaan ila peria to taama, ve ipaes pani.
821	GEN 29:25	Mboŋoozo, Yakop iburig ve maata izi le ighilaal Lea ighengheen izi ziige! Tauvene ila isaav pa Laban: “Wai, ugham ŋgar tane payau pasaa? Yau nagham uraat payo leso navai Rael. Puughu mindai ta yo utombaan ghau?”
832	GEN 30:1	Rael ighita ighe i irau ipoop Yakop le naatu eta mako. Tauvene iriu toghliva, ve isaav pa Yakop ighe: “Ugham leg natug eta lak! Ighe mako, yau aat namaat!”
844	GEN 30:13	Tauvene Lea isaav ighe: “Aazne, yau lolog poia kat! Ve yes zilivaa to nughei paam pale lolozi poia tomani ghau.” Tauta Lea iwaat naatu tawe eeza Aser.
853	GEN 30:22	Ra Maaron maata iŋgal Rael paam, ve ilooŋ suŋuuŋ tooni. Tauvene iuul Rael gha aapo, ve ipoop naatu tamoot ee. Tauta Rael isaav ighe: “Aa, ŋgarig gha Yoova igham leg natug ve mayag isov!
858	GEN 30:27	Eemon Laban iyol aliiŋa ighe: “Wai waghag! Ituru taleep rig o. Pa yau naghe nasaav payo pa gabua ee. Gabua siriv tivot timin ilaal payau, ve naghilaal naghe yo ndamom payau, tauta poia to Maaron izaa tsiau ve leg gabua naol.
901	GEN 31:27	Mindai ta yo ughau imin yoŋgaaŋ payau? Imin ta usaav payau, kanaŋ nigham ghanghaniiŋ toman narogho, ve nighur gham ala toman lolomai poia. Eemon yo upaes payau mako. Tauta natak natug livaŋa tomania tibugŋa nimazi mako, ve apul ghau. Ŋgar tau ugham payau ne, ene iduduuŋ mako. Ugham ŋgar imin yes borauŋa!
935	GEN 32:7	Yakop isavsaav pazi le isov, ve tila tighita Esau. Tighita le isov, ra timuul tila to Yakop ve tipaes pani tighe: “Yei nila nivot to togham, ta nimuul nilam. Ve ulooŋ! I tomania tamtamon tooni 400 tilaghlaagh tilam tighe tighit ghom.”
1029	GEN 35:17	Saawe tau yavyavuuŋ tiina kat ighamu, livaa tau ipapoopa na, isaav pani ighe: “Uroi sov! Ene upoop tamoot ite.”
1092	GEN 37:8	Yosep tooghŋa tilooŋ saveeŋ tane, ve tisaav pani tighe: “Wai! Yo upakur ghom pasaa! Yo ughe umin tiina payei ve uŋgin ghei?” Tauvene saveeŋ tau i isavia pa vivuuŋ tooni na, igham zi atezi yavyav kat pani.
1103	GEN 37:19	Tighe: “Aghita! Ŋeer tau ighita vivuuŋ naol, tauta ilam we!
1113	GEN 37:29	Malau mako, ve Ruben imuul ilam peria puura to yaa taiŋ tana. I ighita taazi Yosep naagho mako, le loolo ipataŋan kat. Tauvene iraŋgat nonoghiiŋa tooni, ve ila isaav pa tazŋa ighe: “Wai, ŋeer marani ilale wa! Pale nagham mindai?”
1164	GEN 39:14	Tauvene iboob pa besooŋa siriv tilam, ve isaav pazi ighe: “Ai, aghita gabua tane! Azuwag igham Hibru tamazi tawe ilam ileep tomani ghiit, ve aazne i igham mayaŋa tiina kat pait. Pasaa, i ilam ighe imogheer payau. Eemon yau naboob aliŋag tiina, tauta iroi gha ipul nonoghiiŋa tooni tane izi, ve ighau ivot ila muuri.”
1239	GEN 41:43	Ra ipul karis tooni ite imin Yosep le, ve Yosep ilanlaan pani, ve yes uraata to kinik timuŋmuuŋ pani, ve tiboboob tighe: “Alooŋ! Tiina tsiam, tauta ilam ne! Yam asov aput aghemim pani!” Kinik igham tauvene leso eval tisov to Isip tiwatagh tighe i ighur Yosep imin ŋginiiŋ pa taan isov to Isip wa.
1262	GEN 42:9	I maata iŋgal vivuuŋ tooni tau muuŋ ighita na, ve isaav pazi ighe: “Yam atoom. Yam zeran to padewaaŋ! Yam alam to apadeu pa taan tsiei. Leso awatagh ziige sindei tau tirao pa malmal mako.”
1267	GEN 42:14	Yosep isaav pazi muul ighe: “Saveeŋ tauta nasavia payam wa. Yam zeran to padewaaŋ! Tauvene yau nasaav ariaaŋ payam ila kinik to Isip eeza tauvene:
1291	GEN 42:38	Yakop iyol aliiŋa ighe: “Mako le mako kat! Natug tane irau ilat tomani gham mako. Pasaa, toogha Yosep, ta ilale wa. Ve aazne, i zigani kat. Yau namin kooŋ ve moom izaa payau wa. Ighe i ilat tomani gham, ve pataŋani eta ivot pani izi eez livuugha, ene pale lolog isaghat kat, ve namaat gha nazila nugh to mateegha.”
1299	GEN 43:8	Ra Yuda isaav pa taama Israel muul ighe: “Tamaŋ, uyokia ŋeer paaghu tane payau lak! Leso yeŋa nizila pa Isip, ve nighol leen aniiŋ. Mako pale pitool ghiit ve tasov tamatmaat. Yo tomania timbumŋa, ve yei paam.
1301	GEN 43:10	Ughita! Imin ta yo ukis ghei pa savsaveeŋ mako, kanaŋ nizila gha nimuul nizalam imin pai ru wa.”
1332	GEN 44:7	Yes tilooŋ saveeŋ tooni, ve tiyol aliiŋa tighe: “Wai tiina, yo ughit ghei mindai, ta ugham saveeŋ tauvene payei? Yei besooŋa tsio irau nigham ŋgar eta tauvena mako. Mako le mako kat!
1362	GEN 45:3	Yosep isaav pa tooghŋa ve taazi ighe: “Yau Yosep! Taug tane! Onoon, tamaŋ ilepleep?” Eemon yes irau tiyol aliiŋa mako. Pasaa, tirur le toozi ilale.
1363	GEN 45:4	Tauvene Yosep isaav pazi muul ighe: “Alam agharau ghau.” Yes tila tigharauu, ve i isaav pazi muul ighe: “Yau Yosep! Yau tazimim tau muuŋ yam agholi ghau nala to yes zeran to raukoliiŋ. Zeran tawe, ta tigham ghau nalam naleep izi Isip.
1385	GEN 45:26	Ra tipaes pani tighe: “Tamamai, ulooŋ! Natum Yosep, i imaat mako. Ilepleep ta Isip we. Ve i imin tiina, ve iŋgin taan isov to Isip.” Yakop ilooŋ saveeŋ toozi, le irur ve ŋgar tooni imbool. Eemon ighur ila mako.
1436	GEN 47:15	Tighamgham tauvene, le Yosep iyauur yes Isipa ve yes Kanaana maet toozi le isov kat. Ra yes Isipa tila to Yosep, ve titaŋ raraini tighe: “O tiina tsiei, maet tsiei raa, isov kat. Ugham lemai aniiŋ sorok! Ighe yo uul ghei mako, ene aat nisov nimataar izi naghom.”
1585	EXO 3:5	Yoova isaav ila pani ighe: “Ulam ugharau sov! Uyooz ta sena, ve upas zuzuuŋa to aghem izi. Pa taan tau yo uyozyooz izala ne, ene patabuyaaŋ.
1637	EXO 5:4	Eemon kinik iyol aliŋazi ighe: “Puughu mindai ta yamru aghe agham tamtamon tipul uraat toozi? Rekia mon ve amuul ala pa uraat tsiam!
1646	EXO 5:13	Ve yes daaba tau tighurghur uraat pazi na, tipasul zi tighe: “Ai, yam avaghamgham kat pa uraat! Mataaz ta naol ne, brik piiz tau yei nisaav payam to agharaat zi, na yam aat apasovuur zi, imin muuŋ, saawe tau yei niuluul gham pa gabua ayazi na.”
1651	EXO 5:18	Eemon aat mako. Rekia mon amuul ala pa uraat tsiam. Irau tiuul gham pa gabua ayazi muul mako! Ve brik piiz tau tighuru payam to agharaat zi na, yam aat apasov zi.”
1654	EXO 5:21	Tighit zi, ve tiyaon zi tighe: “Ŋgar tau agham payei na, Yoova ighita wa. Ve i tauu pale ighur atuya payam! Pasaa, yamru ta agham kinik tomania yes uraata tooni atezi yavyav kat payei. Yes tighit ghei tighe yei sasaghatmai kat. Aazne, yamru aghur mbuzaagh ila nimazi, leso tirav ghei nisov nimatmaat.”
1719	EXO 8:4	Ra kinik to Isip ipoi Mose yesuru Aron tilam, ve isaav pazi ighe: “Yamru aghason Yoova to iziir gob tane tighau payau ve tamtamon tsiau paam! Leso napul yes Israela tila tigham watooŋrau pa Yoova.”
1726	EXO 8:11	Saawe tau kinik to Isip ighita pataŋani to gob isov, i isaav ighe: “Aa saleem! Aazne ra, nimariau!” Eemon ŋgar tooni iyaryaaŋ muul ighe izoor Yoova aliiŋa. Tauvene ilooŋ Mose yesuru Aron aliŋazi mako, ve iŋguruut yes Israela muul. Ŋgar tau i ighamu, ene iduduuŋ pa saveeŋ tau Yoova isavia pa Mose gha Aron na.
1736	EXO 8:21	Tauvene kinik imbaaŋ pa Mose yesuru Aron tilam, ve isaav pazi ighe: “Irao lak! Yam Israela ala agham watooŋrau pa Maaron tsiam. Eemon ala nugh malau sov. Aleep tataŋgan izi taan to yei Isipa, ve agham uraat tana.”
1770	EXO 9:27	Tauvene kinik to Isip imbaaŋ pa Mose gha Aron tilam, ve isaav pazi ighe: “Irao lak! Aazne, naghilaal naghe nagham sosor wa. Yoova ŋgar tooni, ene iduduuŋ. Ve yau tomania tamtamon tsiau nisosor.
1788	EXO 10:10	Tauvene kinik isaav pani muul ighe: “Yau nawatagh: Isaav ighe nayok payam to ala, ene aat Yoova ileep tomani gham ve poia tooni izaa tsiam. Eemon irau napul azuwamimŋa ve natmimŋa tila tomani gham ne mako. Mako le mako kat! Pa ŋgar saghati eta aat igheen ila lolomim.
1806	EXO 10:28	Ve iziir Mose ighe: “Ughau pa matag. Ve umuul ulam sene sov! Isaav ighe naghit ghom muul, yo aat umaat.”
1848	EXO 12:31	Mboŋ tana, kinik imbaaŋ pa Mose yesuru Aron tilam tooni, ve isaav pazi ighe: “Rekia mon ve aburig apul nugh tsiau, ve aghau ala! Ve yamru mon mako. Eval tiina to Israel paam. Yam asov ayau sipsip, mekmek, ve makau tsiam, ve ala agham suŋuuŋ pa Yoova itaghon ghasoniiŋ tsiam. Apul tamtamon tsiau, ve aghau ala! Ve aghason Maaron tsiam to igham poghani ghau.”
1895	EXO 14:5	Saawe tau tipaes pa kinik to Isip tighe yes Israela tighawaar tila wa, i yesŋa uraata tooni titoor ŋgar toozi muul, ve tighe: “Wai, iit tagham ŋgar to borauŋa! Tapul yes Israela tila pasaa? Aazne, savunugha pale timin besooŋa pait?”
1903	EXO 14:13	Eemon Mose irav motin saveeŋ toozi ighe: “Aroi sov. Ayooz ariaaŋ! Aazne, yam pale aghit katin Yoova uleeŋ tooni. Pasaa, i tauu pale ivool tsiam ve igham mulin gham. Yes Isipa tau aazne matamim ila pazi we, murei aat aghit zi muul mako.
1915	EXO 14:25	Ve igham hos tomania karis toozi aghezi tiptipia, leso tizuar pa landooŋ. Ve igham karis aghezi paspas ve titaptap tizizi. Tauvene yes Isipa tisaav tighe: “Ee-e, tala sov! Tamuul! Ene Yoova tauu, ta ivool to yes Israela ve iparav tomani ghiit ne.”
1951	EXO 16:3	“Imin ta Yoova irav ghei nimaat izi Isip pataghaaŋ, kanaŋ poia! Pa saawe tau nileep izi sewe, lepoogh tsiei poia kat. Nidaag ghei nilepleep, ve nighanghan aniiŋ tiina tomania ziigha le apomai isuŋ. Mindai, yamru aghe arav ghei nimatmaat pa pitool, tauta agherev ghei nilam nugh ta ŋginaaŋa ne?”
1988	EXO 17:4	Tauvene Mose itaŋ rarai Yoova ighe: “O Yoova, ughita. Paita tamtamon tane tirav ghau pa maet! Pale nagham mindai pazi?”
2010	EXO 18:10	Tauvene isaav pa Mose ighe: “Yau napait Yoova pa poia tooni! Muuŋ, saawe tau yam aleep ila kinik to Isip tomania tamtamon tooni sambazi, yes titatan gham ve tigham saghatin gham kat. Eemon Yoova igham mulin gham ila nimazi wa. Tauvene aazne, yau naghilaal kat naghe: Yoova, i iliiv zimaronŋa tisov!”
2440	EXO 32:1	Mose ileep malau izi loloz Sinai daaba. Tauvene yes Israela tisaŋani le mako, ra tila tilivut Aron, ve tisaav pani tighe: “Aron, ugharaat leen maaron eta! Leso imuuŋ pait ve iŋgin ghiit. Pa ŋeer tau igham gherev pait gha tapul taan to yes Isipa ve talam na, yei nikankaan pani. Gabua eta aat ivot pani wa.”
2446	EXO 32:7	Tighamgham tauvene, ve Yoova isaav pa Mose ighe: “Ai, rekia mon uzila! Pa tamtamon tsio tau ugham zi tipul Isip ve yamŋa alam na, ŋgar toozi isaghat ve tivaghamgham. Eez tau avog iyaryaaŋ pazi naghe titaghoni, ene tipuli wa. Ulooŋ. Tigharaat lezi makau anunu, ve tiput aghezi pani, ve tigham watooŋrau pani. Ve tisavsaav tighe: ‘Yam Israela, aghita. Maaron toit tau igham ghiit tapul Isip ve talam, tauta ene!’
2462	EXO 32:23	Yes tisaav payau tighe: ‘Ugharaat leen maaron eta lak! Leso imuuŋ pait ve iŋgin ghiit. Pa ŋeer tau igham gherev pait gha tapul taan to yes Isipa ve talam ne, yei nikankaan pani. Gabua eta aat ivot pani wa.’
7171	RUT 2:20	Tauvene Naimi isaav pani ighe: “Yoova pale ighur poia tooni izaa to Boas ve igham poghania! Ŋgar to Yoova tau loolo isaghav tamtamon tooni ve iuluul zi, ene isov mako. Saawe isov, i maata iŋgalŋgal yes mateegha ve iit tau talepleep ne paam.” Ve Naimi isaav muul ighe: “Ŋeer tawe, yesuru Elimelek toŋvetaz. Yesuru siŋ eemon. I aat iyooz pait ve iuul ghiit pa pataŋani toit.”
7182	RUT 3:8	Boas ighengheen le mboŋ anooŋa, ra irur iburig ve ighe itoor ghi, le ighita livaa ee ighengheen izi aaghe puughu! Tauvene ighasoni ighe:
7206	RUT 4:14	Tauvene Betelem tinazi tisaav pa Naimi tighe: “Tapait Yoova eeza! Pa i ipul ghom uleep sorok mako. Aazne, igham lem timbum poia ee. Murei, marani tane ighe imin olman, i aat iyooz payo ve maata payo. Ve yes Israela pale tighita tighe i eeza tiina.
13969	PSA 3:8	O Yoova, rekia mon uburig gha uul ghau! Urav koiagŋa azezi le livozi ipolpol. Ve urav matin tapirizi le isov kat.
13995	PSA 6:3	Yoova, yau besooŋa tsio. Lolom isaghatin ghau ve uul ghau lak! Pa tapirig isov wa. O Maaron, ugham ghau tinig poia. Pa tuag isov iyavyav.
14001	PSA 6:9	Yam zeran tau aghamgham ŋgar sasaghati na, asov aghau payau! Pa taŋiiz tsiau, Yoova ilooŋa wa.
14045	PSA 9:14	O Yoova, ughita pataŋani tau koiagŋa tigham payau ne! Yes tivaghamun ghau kat le naghe namaat. Lolom isaghatin ghau, ve upas ghau navot pa pataŋani tane.
14064	PSA 10:12	Oyai, Yoova, uburig utotoi tapirim pazi lak! Maaron tsiei, yes tau tinumeer ghom ve tibadbaad pataŋani na, lolom iveegh pazi sov.
14072	PSA 11:2	Ughita! Zeran sasaghati tiyooŋ ila ndoroom loolo, ve tiyool paneegh toozi, tighur paneegh naatu ila ool, ve tisasaŋan tighe tivanegh yes tau ŋgar duduuŋa igheen ariaaŋ ila lolozi na.”
14079	PSA 12:2	O Yoova, uul ghei lak! Pa tamtamon tau lolozi isaghav ghom ariaaŋ ve titaghon eez tsio na, tisov wa. Yes tau avozi onoon na, eta ileep tomani ghei muul mako.
14099	PSA 14:7	Oyai, Maaron tau ileep izi nugh Zion na iuul yes Israela, ve ipas zi tivot pa pataŋani toozi, o poi! Isaav ighe Yoova iuul tamtamon tooni ve tileep poia muul, ene pale tintinizi. Onoon kat, Yakop paaghu tooni pale lolozi poia le poia kat.
14128	PSA 17:13	Yoova, uburig urav koiagŋa lak! Uyooz umin sigheu payau, upoon zi, ve utatan tapirizi. Ukas zi pa mbuzaagh tsio, ve ugham mulin ghau pa zeran sasaghati tane. Leso naleep poi.
14129	PSA 17:14	Zeran tawe tigham ŋgar tighe gabua to taan, ene gabua tauu. Utotoi nimam pazi, ve ugham mulin ghau ila nimazi. Atuya tau yo ughe ugham pazi na, upasovu pataghaaŋ. Leso tiyamaana kat! Ve ugham tauvene pa natuzŋa ve iseeŋga ila izaa to timbuzŋa paam.
14130	PSA 17:15	Eemon yau ŋeer duduŋag. Tauvene yau aat naghita naghom. Saawe tau naburig, yau aat naleep ila yo naghom, ve nayamaan naghe: Aa, gabua ta nazuari ghau pani, tauta naghamu wa!
14134	PSA 18:4	Iit aat tapait Yoova eeza! Yau napoii pa uleeŋ, ve i igham mulin ghau ila koiagŋa nimazi.
14177	PSA 18:47	Onoon kat, Yoova ilepleep! I iponpoon ghau imin maet tiina. I Uleeŋa tsiau. Tauvene yau napakuru ve napait eeza.
14240	PSA 22:20	Yoova, uleep soghan payau sov. Uleeŋa tsiau, ulam rekia ve uul ghau!
14242	PSA 22:22	Ugham mulin ghau pa laion tane aavo, ve upasali ghau pa makau sagsagŋa tane zoŋazi. Aa, ŋgarig gha naghita naghe yo ulooŋ ghau!
14275	PSA 25:7	Sosor ve ŋgar to taliiŋzizi tau yau kukuag ve naghamgham zi na, matam iŋgal zi sov. Yoova, yo poiam, ve lolom isaghav tamtamon tsio ariaaŋ ve uluul zi itaghon saveeŋ mbuaaŋ tsio. Tauvene matam iŋgal ghau ve uul ghau!
14314	PSA 27:12	Upul ghau nala nimazi sov! Pa yes tiŋgalŋgal saveeŋ karom naol payau, ve tighamgham saveeŋ paroiŋ payau.
14317	PSA 28:1	Yoova, yo uponpoon ghau pa koiagŋa imin maet tiina. Tauvene taŋiiz tsiau ilat payo. Ughur taliŋam pa suŋuuŋ tsiau tane ve uul ghau lak! Ighe ulooŋ ghau mako, ve uneneeŋ mon, ene pale namin yes tau timaat gha tizila puura to yes mateegha.
14327	PSA 29:2	Apait Yoova! Pa i eeza tiina kat. I ipabood tauu pa ŋgar tooni patabuyaaŋ. Tauvene aput aghemim pani ve apaiti.
14347	PSA 30:11	Tauvene Yoova, ulooŋ suŋuuŋ tsiau tane. Lolom isaghatin ghau ve uul ghau lak! Pa yau besooŋa tsio.”
14348	PSA 30:12	Aa ŋgarig gha upasov taŋiiz tsiau! Tauvene yau aat tintinig ve nator. Yo upasov pataŋani tsiau, ve uzuzuum uuli to moŋiiŋ izi pa tinig. Yo ugham ghau lolog poia kat, ve naleep ila poia tsio loolo.
14352	PSA 31:3	Ughur taliŋam pa suŋuuŋ tsiau, ve rekia uul ghau! Yo Uleeŋa tsiau ariaaŋa. Yo uponpoon ghau imin maetaaz tau izala kat. Ve umin ruum ariaaŋa to nayooŋ ila loolo. Leso gabua eta ivaghamun ghau sov, ve naleep poi.
14359	PSA 31:10	Yoova, yau besooŋa tsio. Lolom isaghatin ghau ve uul ghau lak! Pa aazne, pataŋani tiina igham ghau le lolog ipataŋan. Yau nataŋ tiina le matag isarsar, ve tapirig isov kat.
14374	PSA 31:25	Tauvene yam tau anumeer Yoova ve aghurghur matamim pani na, aroi sov. Apariaaŋ taumim, ve ayooz ariaaŋ!
14385	PSA 32:11	Yam zeran tau ataghon ŋgar duduuŋa, lolomim poia ve tintinmim pa poia to Yoova. Yam tau ŋgar poia igheen ariaaŋ ila lolomim na, asov lolomim poia pa Yoova ve ayoor eeza toman aliŋamim tiina!
14388	PSA 33:3	Ambou mbouŋ paaghu pani, ve arav poghania ambam ve gita. Leso mbouŋ tsiam paghuuna. Ambou tiina, ve apaiti toman lolomim poia!
14436	PSA 35:6	Aŋela tsio tawe igham taghon zi, ve tilaan ila ndoroom loolo taghon eez tau pusukpusukia na, o poi!
14438	PSA 35:8	Yoova, upateeŋ zi pa saghatiiŋ tiina eta. Ugham zi tighoon ila tauzi puugh toozi. Ve ugham zi titaptap tizila puura tau titaii payau na. Leso saghatiiŋ igham zi le tisaghat kat!
14440	PSA 35:10	Yau aat napait ezam toman lolog, ve naghe: “Yoova, sei ta imin yo? Eta mako! Pasaa, yes tau tapirizi imbool na, yo ugham mulin zi ila yes tau tapirizi tiina na nimazi. Yes mbolaaŋa ve yes tau tileep ila pataŋani loolo na, yo aat uvool toozi, ve ugham mulin zi ila umbuuŋa nimazi.”
14449	PSA 35:19	Koiagŋa, muuŋ yeŋa lupuuŋ tsiei eemon. Eemon aazne, tighur koi payau sorok. Tauvene uul ghau lak! Mako pale tiliiv ghau ve tipakur zi. Ve tighan matazi payau, ve tighe: “Aa, ŋeer ta ivaghamgham wa!” O Yoova, ŋgar tauvene ivot sov!
14452	PSA 35:22	Yoova, ŋgar toozi sasaghati ta naol ne, yo ughit zi wa. Uneneeŋ pazi sov! Tiina tsiau, uleep soghan payau sov.