314	GEN 12:15	Tauvene yes daaba tau tiŋgin uraat to kinik na tighita, ve tila tisaav pa kinik tighe: “Aa kinik, yei nighita livaa poia ee ilepleep!” Ra tila tigham Sarai, ve tighuru ila ruum to kinik.
317	GEN 12:18	Tauvene kinik ipoi Abram ilam, ve iyaoni ighe: “Yo ugham karom payau pasaa? Sarai ene yo azuwam! Mindai ta usaav ughe yo livum? Yau naghur ila aliŋam, tauta naghamu naghe imin azuwag. Aiyo, ugham azuwam, ve yamru aghau ala!”
387	GEN 16:5	Tauvene Sarai izi ve isuk saveeŋ pa Abram ighe: “Pataŋani tau aazne izaa tsiau, ene yo umin puughu pani! Onoon, yau taug naghur besooŋa tsiau livaa ilat tsio. Eemon saawe tau iwatagh ighe i aapo, maata tatanin ghau kat. Maaron tauu pale igabiiz ghiit, ve ighur atuya iŋarui sei tau igham sosor!”
440	GEN 18:15	Sara ilooŋ Yoova aliiŋa, ve iroi. Tauvene ipaisamun tauu ighe: “Wai, yau naŋiŋ mako!” Eemon Yoova isaav pani ighe: “Mako. Yo uŋiŋ.”
467	GEN 19:9	Yes tilooŋ saveeŋ tane, ve tisaav tighe: “Ŋeer tane nugh tauu? I loom mon. Ve aazne, ighe imin tiina ve igabiiz ghiit?” Ra tisaav pani tighe: “Ughau ula pa ziige! Yei nighe nigham ŋgar saghati pa zeran ru tana. Ve yo pale nivaghamun ghom kat!” Ra tisipiir Lot ila ziige, ve tighe tirav valaghin ataman.
472	GEN 19:14	Tauvene Lot ila to rauŋa ru tau tighe tivai natlivaŋa na, ve isaav pazi ighe: “Ai, rekia aburig ve apul nugh tane! Pa Yoova ighe ireua ilale!” Eemon yesuru tighur ila Lot aliiŋa mako. Tighe pa i igham saveeŋ mogheraaŋ pazi mon.
555	GEN 22:7	Tilaghlaagh tila, ve Isak isaav pa taama Abaram ighe: “Wai tamaŋ!” Abaram iyol aliiŋa ighe: “Natug, mindai?” Ra Isak ighasoni ighe: “Iit tagham yav ve ai. Eemon sipsip sindei ta pale tagham watooŋrau pani?”
559	GEN 22:11	Eemon Mbaŋooŋa to Yoova ileep sambam ve iboob izila pani ighe: “Abaram, Abaram!” Abaram iyok pa aliiŋa ighe: “Taug ene.”
610	GEN 24:18	Rebeka iyol aliiŋa ighe: “Tiina tsiau, poia. Ughun lak!” Ve rekia mon iit uur tooni izi, ipaŋgeua, ve besooŋa tana ighun.
689	GEN 25:30	Tauvene isaav pa Yakop ighe: “Aiss, yau pitool ghau le nasaghat kat. Sur siŋsiŋai tana, uzoov leg rigta ilam naghun!” (Tauta tiwaat Esau eeza ite tighe Edom.)
725	GEN 26:32	Aaz eemon tana, besooŋa to Isak tilam ve tipaes pani tighe: “Tiina tsiei, puura tau yei nitaii na, nighita yaa bolokbolokia izaa pani!”
746	GEN 27:18	Yakop ila to taama, ve ipoii ighe: “Tamaŋ, nalam wa!” Taama Isak ighe: “Natug, taug ene. Ve yo sei?”
762	GEN 27:34	Esau ilooŋ taama saveeŋ tooni, le loolo isaghat pa tauu, ve itaŋ tiina, ve itaŋ rarai taama ighe: “O tamaŋ, ughur poia to Maaron izaa tsiau paam!”
763	GEN 27:35	Eemon Isak isaav pani ighe: “Wai, palotiiŋ tau naghe nagham payo, tauta tazim ilam itombaan ghau gha ighamu ila wa!”
766	GEN 27:38	Eemon Esau itaŋ rarai taama muul ighe: “Tamaŋ mindai? Palotiiŋ tsio eemon geeg tawe? Ite paam mako? O tamaŋ, ughur poia to Maaron izaa tsiau paam!” Ra Esau itaŋ muul toman aliiŋa tiina.
817	GEN 29:21	Ndaman liim ve ru tana isov, ra Yakop isaav pa Laban ighe: “Saawe tau yo ughuru payau, tauta napasovu wa. Ugham livaa tana ilam gha navaii!”
832	GEN 30:1	Rael ighita ighe i irau ipoop Yakop le naatu eta mako. Tauvene iriu toghliva, ve isaav pa Yakop ighe: “Ugham leg natug eta lak! Ighe mako, yau aat namaat!”
841	GEN 30:10	Ra Silpa aapo, ve ipoop Yakop le naatu ee. Tauvene Lea isaav ighe: “Ene gabua poia tau ivot payau!” Tauta iwaat naatu tawe eeza Gat.
845	GEN 30:14	Saawe ee tau tiluplup wit anooŋa, Ruben ilaghlaagh ila uum loolo, le ighita waar anooŋa siriv, ve iyau zi ila pa tiina Lea. Gabua tawe, yes tighur ila tighe ipazaagh zitamoot ve zilivaa, leso tigheen ve zilivaa apozi. Rael ighita, ve isaav pa Lea ighe: “Ai, kaut tau natum ighamu na, ugham leg siriv ilam!”
846	GEN 30:15	Eemon Lea iyol aliiŋa ighe: “Wai! Yo ugham azuwag ipul ghau wa. Ve aazne ughe ugham gabua to natug tane paam? Ene aat mako kat!” Tauvene Rael isaav pani muul ighe: “Poia. Ugham leg siriv. Ve mboŋ aazne, yau aat nasaav pa Yakop ilat yamru agheen imin gholiiŋ waar anooŋa tau natum ighamu ne atuya.”
1144	GEN 38:24	Kaiyo tol ilam ila, ra Tamar vaaru ivot, ve tipaes pa Yuda tighe: “Rawamliva ilaghlaagh sorok gha aapo wa.” Yuda ilooŋ saveeŋ tane, ve iburig gha isaav ariaaŋ ighe: “Ala aghamu ivot ila muuri, andav yav, ve asiki ila yav ighani!”
1149	GEN 38:29	Eemon marani tana niima goroŋia imuul ila, ve malau mako iitete imuuŋ izi. Tauvene livaa tau ipapoop Tamar na isaav ighe: “Wai, yo ugiriŋ etam ite ila, ve uzoornugh gha uvot ulam!” Tauta tiwaat eeza Peres.
1162	GEN 39:12	Tauvene Potipar azaawa ilaagh ŋaruini ila, ituuk pa nonoghiiŋa tooni, ve isaav pani ighe: “Aa, ulam gha ituru tagheen lak!” Eemon Yosep ipul nonoghiiŋa tooni tawe izi, ve ighau ivot ila muuri.
1239	GEN 41:43	Ra ipul karis tooni ite imin Yosep le, ve Yosep ilanlaan pani, ve yes uraata to kinik timuŋmuuŋ pani, ve tiboboob tighe: “Alooŋ! Tiina tsiam, tauta ilam ne! Yam asov aput aghemim pani!” Kinik igham tauvene leso eval tisov to Isip tiwatagh tighe i ighur Yosep imin ŋginiiŋ pa taan isov to Isip wa.
1269	GEN 42:16	Tauvene ambaaŋ tamtamon tsiam eta imuul ila igham tazimim tawe ilam. Ve yam siriv, aat asov aloŋ ala ruum to yavyavuuŋ, ve aleep ve asaŋan zi le tilam tivot. Ene eez tau yau naghe natoov gham pani. Leso nawatagh: Saveeŋ tsiam onoon, ma karom? Ighe tazimim ilam ivot sene mako, ene yau nasaav ariaaŋ payam ila kinik eeza tauvene: Yam zeran to padewaaŋ!”
1289	GEN 42:36	Ve tamazi Yakop isaav pazi ighe: “Yam agham ghau namin maanduat pa natugŋa ru tau tilalez wa. Yosep ilale kat, ve aazne Simeon aana. Ve ene aghe agham Benyamin paam. Aghita. Pataŋani naol ta izazaa tsiau!”
1297	GEN 43:6	Yakop ilooŋ saveeŋ tane, ve iyaon zi ighe: “Puughu mindai ta apaesia tazimim ila to daaba tawe? Ene agham pataŋani tiina kat payau!”
1360	GEN 45:1	Yuda isavia saveeŋ tane, le Yosep irau ipariaaŋ tauu pa taŋiiz muul mako. Tauvene isaav aliiŋa tiina pa yes uraata tooni tau yesŋa tiyozyooz na, ighe: “Yam asov avot ala muuri!” Yes tivot tila, ve i tomania tooghŋa ve taazi zigazi tileep, ra ivotia tauu pazi.
1387	GEN 45:28	Tauvene isaav ighe: “Onoon kat. Ŋgarig gha naghur ila. Natug Yosep imaat mako. I ilepleep. Yau aat nala ve naghita pataghaaŋ. O ighe namaat, namaat lak!”
1389	GEN 46:2	Mboŋ tana, itandagh ighe Maaron ilam tooni, ve ipoii ighe: “Yakop, Yakop!” Yakop iyok pa aliiŋa ighe: “Taug ene.”
1417	GEN 46:30	Ra Yakop isaav pani ighe: “Aa natug, yau naghe pa yo umaat wa. Eemon mako. Aazne, naghit ghom uleep matam yaryaare. Ighe namaat, namaat lak!”
1552	EXO 1:19	Yesuru tiyol aliiŋa tighe: “Wai, yes Hibru tinazi, popaaŋ toozi imin yes Isip tinazi mako. Pasaa, yes zilivaa ariaŋazi, ve tipopoop rekia mon. Saawe tau yeiru nilaghlaagh soone, yes tipoop wa!”
1561	EXO 2:6	Kinik natliva ikaak ti aavo, ve ighita ŋeer marani ighengheen ila loolo ve itaŋtaŋ. Tauvene loolo isaghatini, ve isaav ighe: “Alei, ene aat Hibru tinazi eta naatu!”
1584	EXO 3:4	Tauvene Mose ilaagh ŋarui ai tawe ila ighe ighit poghania. Eemon Yoova ileep ila ai tawe ve ighita Mose ilam, ra ipoii ighe: “Mose, Mose!” Mose iyok pa aliiŋa ighe: “Taug ene.”
1726	EXO 8:11	Saawe tau kinik to Isip ighita pataŋani to gob isov, i isaav ighe: “Aa saleem! Aazne ra, nimariau!” Eemon ŋgar tooni iyaryaaŋ muul ighe izoor Yoova aliiŋa. Tauvene ilooŋ Mose yesuru Aron aliŋazi mako, ve iŋguruut yes Israela muul. Ŋgar tau i ighamu, ene iduduuŋ pa saveeŋ tau Yoova isavia pa Mose gha Aron na.
1986	EXO 17:2	Tauvene tiŋooŋ pa Mose tighe: “Ughita lemai yaa gha nighun lak!” Mose iyol aliŋazi ighe: “Puughu mindai ta atemim yavyav ve aŋooŋ payau ne? Yam aghe atoov Yoova tapiri?”
2010	EXO 18:10	Tauvene isaav pa Mose ighe: “Yau napait Yoova pa poia tooni! Muuŋ, saawe tau yam aleep ila kinik to Isip tomania tamtamon tooni sambazi, yes titatan gham ve tigham saghatin gham kat. Eemon Yoova igham mulin gham ila nimazi wa. Tauvene aazne, yau naghilaal kat naghe: Yoova, i iliiv zimaronŋa tisov!”
2071	EXO 20:19	ve tisaav pa Mose tighe: “Yo aat ugham Maaron aavo, ve upaesia aliiŋa payei. Pa yei niroi. Isaav ighe i tauu isavsaav tomani ghei, ene pale nisov nimataar!”
2444	EXO 32:5	Aron ighita ŋgar toozi tawe, ve igharaat artaal ee ila gabua tawe naagho, ve isaav pazi ighe: “Bogzo, aat talup ghiit pa suŋuuŋ, ve tapait Yoova!”
2463	EXO 32:24	Yes tisaav payau tauvene, tauta nasaav pazi naghe: ‘Poia. Sei tau ighe ipabood tauu pa gol na, izughu, ve ighamu ilam.’ Tauvene yes tila tiyauur gol toozi ilam tsiau, ve nasuruuv zi tizala yav, ve rekia mon makau anunu ivot!”
2465	EXO 32:26	Tauta ila iyooz ila eez maata, ve iboob ighe: “Alooŋ! Sei tau ighe itaghon Yoova, na ilam tsiau!” Tauvene yes to rumei Levi tisov tila tilup zi ila Mose naagho,
2492	EXO 33:18	Mose ilooŋ saveeŋ tane, ve ighason Maaron muul ighe: “Aa Yoova, ighe tauvene, na utotoi taum tomania tapirim ve poia tsio payau, ve naghit katin ghom!”
13977	PSA 4:7	Tamtamon naol tipasawal tighe: “Oyai, ŋeez o tagham lepoogh poia!” Eemon yau naghe: “Yoova, lolom poia payei, ve utotoi taum payei.”
14334	PSA 29:9	Yoova aliiŋa igham mekmek sagsagŋa tau apozi na, tirur le tipoop pataghaaŋ. Ve igham ai raua tisov timburur tizi. Tauvene tamtamon tisov tau tilup zi pa suŋuuŋ ila rumei tooni loolo na, tisaav toman aliŋazi tiina tighe: “Tapait Yoova eeza. Pa i tapiri tiina kat!”
14449	PSA 35:19	Koiagŋa, muuŋ yeŋa lupuuŋ tsiei eemon. Eemon aazne, tighur koi payau sorok. Tauvene uul ghau lak! Mako pale tiliiv ghau ve tipakur zi. Ve tighan matazi payau, ve tighe: “Aa, ŋeer ta ivaghamgham wa!” O Yoova, ŋgar tauvene ivot sov!
14451	PSA 35:21	Ve aliŋazi izazaa sorok, ve tisavsaav ila matag tighe: “Aa, ŋgarig gha nighit ghom!”
14455	PSA 35:25	Mako lolozi poia ve tisaav tighe: “Aa, isov! Ŋgar tau taghe tagham pani, tauta ivot pani gha isaghat wa!”
14564	PSA 40:16	Ve yes tau tisavsaav payau tighe: “Aa, ughita wa? Ŋgar tau nighe ivot payo, tauta ivot wa!” Zeran tauvene, utatan zi ve ugham zi tivaghamgham. Leso mayazi pa ŋgar tau tighamu na.
15029	PSA 70:4	Zeran tawe tipaŋiŋizai ghau tighe: “Aa! Saghatiiŋ tau taghe ivot pani, tauta ivot wa!” Tauvene utatan zi, ve ugham zi mayazi ve tighau tila.
15030	PSA 70:5	Eemon tamtamon tisov tau tizuzuari zi payo na, yes pale tintinizi ve lolozi poia payo. Yes tau lolozi pa uleeŋ tsio kat, ene pale monmon tisavsaav tighe: “Maaron, i eeza tiina le tiina kat!”
15371	PSA 87:7	Tauvene tamtamon pale timboumbou, ve titortor toman lolozi poia, ve tisaav tighe: “A Yerusalem, yo umin puura tau yaa bolokbolokia pani. Pasaa, yo, tauta gabua popoia katini ivotvot payei!”
15811	PSA 108:2	Maaron, lolog ruru payo mako. Lolog isaghav ghom, ve naghur ilat tsiam ariaaŋ. Tauvene nasaav pa taug naghe: “Uburig ve umbou to upait Maaron!”
15920	PSA 116:4	Tauta nataŋ rarai Yoova naghe: “O Yoova, paita namaat tane. Uul ghau lak!”
15953	PSA 118:16	Niima iparav ariaaŋ kat. I igharaat ghi pa malmal, ve iparav le iliiv koiŋa!”
16158	PSA 122:1	Saawe tau tisaav payau tighe: “Uburig ve itiŋa tazala pa Yoova rumei tooni!” Saveeŋ toozi tawe igham ghau lolog poia kat.
16185	PSA 126:2	Saawe tana, tintiniin ve taŋiŋ kat. Loloon poia ve tasir toman aliŋaan tiina. Ŋgar tau Yoova igham pait na, nugh nugh tighita ve tisaav tighe: “Wai, Yoova igham uraat tintiina pa yes Israela!”
16224	PSA 132:5	Le irau nandeeŋ nugh eta pa Yoova. Ŋgar tsiau iyaryaaŋ kat naghe nail nugh eta, leso imin Maaron saksaki to Yakop niia to lepoogh, o ateg izi!”
16293	PSA 137:3	Koiamaiŋa tau tigham ghei nilam nileep nugh toozi na, tighe nimbou mbouŋ siriv, leso tilooŋa ve igham lolozi poia. Tisaav payei tighe: “Ou, ambou mbouŋ tsiam eta to nugh Zion gha nilooŋa lak!”
16297	PSA 137:7	O Yoova, matam iŋgal ŋgar saghati to yes Edoma, ve uyatu. Pasaa, saawe tau koiamaiŋa tireu Yerusalem, yes Edoma tintinizi ve tisaav tighe: “Iya, poia kat pa areu Yerusalem. Areu mbirisaini izi!”
22607	JON 1:7	Ra yes uraata to waaŋ tivasavo zi tighe: “Ai! Iit aat tapayooz mbuur, leso taghita sei kat ta imin puughu pa pataŋani tane!” Tauvene tipayooz mbuur le mbuur itotoi ighe Yona ta imin puughu pa pataŋani tane.
22645	JON 4:8	Saawe tau aaz izaa, Maaron igham yaghur kaaguragh izaa toman tuntunu. Ve aaz ighaaz Yona daaba, le tapiri isov, ve ipasawal ighe le imaat o poi. Tauvene isaav ighe: “Lolog pa naleep muul mako. Namaat, o poi!”
23295	MAT 4:17	Saawe tana, Yesu ipaburigin uraat tooni to votiaaŋ vaaru poia. I isavsaav pa tamtamon ighe: “Apul ŋgar tsiam sasaghati ileple, ve atoor ŋgar tsiam imuul ila pa Maaron! Pa saawe to pooz to nugh sambam ivot ighazooŋ, ene ilam igharau wa!”
23417	MAT 8:3	Yesu niima ila ikisi, ve isaav pani ighe: “Poia. Yau aat nauul ghom. Leso uŋgalaaŋ ila Maaron maata. Aiyo, tinim poia!” I isaav tauvene, ve rekia mon kolekole ighau pa ŋeer tana le tiini poia.
23439	MAT 8:25	Tauvene mbiwa tooni tila tivaaŋo, ve tisaav pani tighe: “Tiina, uburig uul ghiit lak! Paita tamarum gha talaleen tane!”
23440	MAT 8:26	Yesu iyol aliŋazi ighe: “Yam aroi pasaa? Ghuruuŋ ila tsiam tiina mako!” Ra iburig gha isaav ariaaŋ pa yaghur ve dibom imin yaoniiŋ zi, le taun tiina izi.
23446	MAT 8:32	Yesu isaav pazi ighe: “Ala lak!” Tauvene avuvu sasaghati tipul zeran ru tana, ve tiŋarui ŋgai umbaal tawe tila le tizeev zi tiloŋ tila lolozi. Rekia mon ŋgai tawe tisov tilaan taghon sariipa tizila, ve tiyaat tizila yaa loolo, gha tighun yaa le tisov timatmaat.
23475	MAT 9:27	Yesu ipul nugh tawe, ve isakia laghooŋ tooni muul ila, ve matazi kumkuuma ru titaghoni tilam, ve tiboboob tighe: “O, David Naatu, lolom raa, isaghatin ghei ve uul ghei lak!”
23552	MAT 11:24	Tauvene yau nasaav payam. Saawe to Mboŋ Murei, ve Maaron ighe igabiiz tamtamon ve ighur atuya pazi, i pale ighur atuya raurauai pa tamtamon to nugh Sodom. Eemon yam, pale agham atuya tiina kat pa sosor tsiam!”
23673	MAT 14:7	Tauvene Erod iburig gha isik aliiŋa pani ighe: “Onoon saaŋa! Saa kaut tau yo ughason ghau pani, yau aat nagham payo!” Ra ipariaaŋ saveeŋ mbuaaŋ tooni tawe le iyaryaaŋ kat.
23692	MAT 14:26	Mbiwa tooni matazi ila, le tighita Yesu ilaghlaagh izala yaa paavo iŋarui zi ilam. Tighita le toz ilale. Ve tiboob tighe: “Wai, ewe mariaam eta ta ilam ne!” Tauvene roiŋ tiina igham zi, ve tisaŋeeŋ saghat.
23693	MAT 14:27	Eemon Yesu rekia mon ve isaav pazi ighe: “Ai, aroi sov! Atemim izi. Ene yau!”
23695	MAT 14:29	Yesu iyol aliiŋa ighe: “Poia, ulam lak!” Tauvene Petrus izi pa waaŋ, ve ilaagh izala yaa paavo gha iŋarui Yesu ila.
23696	MAT 14:30	Eemon ighita yaghur toman dibom tintiina, le iroi ve ighe izal. Tauvene iboob aliiŋa tiina ighe: “Tiina, uul ghau lak!”
23699	MAT 14:33	Tauvene zetazŋa tau tileep waaŋ paavo na, tiput aghezi pa Yesu ve tipaiti tighe: “Onoon kat, yo Maaron Naatu!”
23725	MAT 15:23	Eemon Yesu iyol aliiŋa rigta mako. Ineneeŋ mon. Livaa tawe inoknok ghasoniiŋni. Tauvene mbiwa tooni tila tisaav pani tighe: “Livaa tau ipoipoi ve itataghon ghiit ne, uziire ila!”
23727	MAT 15:25	I isavsaav, ve livaa tana iŋaruini ila igharau, iput aaghe izi Yesu naagho, ve isaav pani muul ighe: “Tiina, uul ghau lak!”
23763	MAT 16:22	Petrus ilooŋ saveeŋ tane, ve igham Yesu ila ziige, ve iyaoni ighe: “Tiina, vene mako. Gabua tauvene irau ivot payo mako. Mako le mako kat!”
23841	MAT 19:10	Mbiwa tooni tilooŋ saveeŋ tane, ve tisaav pani tighe: “Wai, isaav ighe Maaron ighur tutuuŋ ariaaŋa tauvene pa vaivaiŋa tomania azuwazŋa, na poia to tamtamon tivai sov!”
23891	MAT 20:30	Tilaagh tila le tizaa to zeran ru tau matazi kumkuuma. Mbolezi izi eez ziige, ve tilepleep. Yesuru tilooŋ tighe Yesu ilam le ighe isaliv zi. Tauvene tiboob aliŋazi tiina tighe: “Aa Tiina tsiei, David Naatu, lolom isaghatin ghei, ve uul ghei lak!”
23892	MAT 20:31	Eval tiina tilooŋ zi, ve tiyaon zi tighe tineneeŋ. Eemon mako. Yesuru titaŋ rarai Yesu muul toman aliŋazi tiina kat tighe: “Aa tiina tsiei, David Naatu, lolom, raa, isaghatin ghei, ve uul ghei lak!”
23904	MAT 21:9	Ve tamtamon siriv timuuŋ pa Yesu, ve siriv tilaagh murei, ve tipaiti toman aliŋazi tiina tighe: “Hosana! Tapakur David Naatu. Ŋeer tane ilam pa Ŋeer Tiina eeza. Poia to Maaron aat izaa tooni ve ipaloti. Hosana! Tapait Maaron tau ileep saaŋa le saaŋa kat na eeza!”
23910	MAT 21:15	Tauvene geegeu tau tileep Rumei Tiina naagho na paam, tiboboob aliŋazi tiina tighe: “Hosana! Tapakur David Naatu!” Yes daaba to watooŋrau ve yes ŋgara to tutuuŋ tighita gabua ŋgeretazi tau Yesu ighamgham zi na, ve tilooŋ saveeŋ to geegeu tawe, le irau lolozi mako.
24147	MAT 26:24	Tauvene Tamtamon Naatu aat ila gha tiravu imaat itaghon saveeŋ tau tiboode pani pataghaaŋ wa. Ve ŋeer tau pale ighuru ila koiŋa nimazi na, i ikaria tauu wa! Imin ta tiina ipoopa mako, kanaŋ poia!”
24156	MAT 26:33	Petrus ilooŋ saveeŋ tane, ve isaav ariaaŋ pa Yesu ighe: “Ene aat yes siriv. Ve yau irau natap, ve naghur murig payo ne mako. Mako le mako kat!”
24172	MAT 26:49	Tauvene saawe tau tila tivot toozi, Yudas iŋarui Yesu ila, ve isaav pani ighe: “Paduduŋaaŋ, mboŋ poia!” Ra isaghavu ve iyaŋin pani.
24189	MAT 26:66	Laak, agham ŋgar pani mindai?” Yes tiyol aliiŋa tighe: “I isosor wa. Tamtamon tauvene irau ileep mako. I aat imaat!”
24197	MAT 26:74	Tauvene Petrus iburig ve aavo iyaryaaŋ kat ighe: “Onoon sambam, ŋeer tawe, yau nawataghi rigta mako kat. Ighe natoom, Maaron tauu pale ivaghamun ghau!” Saawe duduuŋ tana, tatareek itaŋ.
24220	MAT 27:22	Tauvene Piladus ighason zi muul: “Ighe tauvene, pale nagham mindai pa Yesu tau tiwaato tighe i Mesia?” Yes tisov tilup avozi tighe: “Uravu izala ai pambarooŋ!”
24221	MAT 27:23	Tauvene Piladus ighason zi muul ighe: “Pasaa? I igham saa sosor?” Eemon azezi katitiiŋ pa bobaaŋ tighe: “Uravu izala ai pambarooŋ!”
24223	MAT 27:25	Eval tiina tiyol aliiŋa tighe: “Poia. Siŋ tooni atuya izaa tsiei toman natmaiŋa lak!”
24227	MAT 27:29	ra tigham waar tuatua gha titalia, ve tighuru izala Yesu daaba imin moghar ndamoonda. Mako tighur toon ila Yesu niima tapir imin titi to kinik, ve tiput aghezi pani, ve tipamogheraini tighe: “Iya, aa kinik to yes Yuda, yei nipakur ghom!”
24241	MAT 27:43	I inumeer Maaron, ve ighe i Maaron Naatu. Poia. Isaav ighe Maaron loolo pani, o iuule ta aazne!”
24273	MAT 28:9	Malau mako ve Yesu tauu ivot toozi, ve isaav pazi ighe: “Yamru, mboŋoozo poia!” Yesuru tiŋaruini tila, ve tiput aghezi pani, tisaghav aaghe, ve tipakuru.
24299	MRK 1:15	I isavsaav pa tamtamon ighe: “Alooŋ! Saawe to Maaron itotoi pooz tooni ivot ighazooŋ, ene ilam igharau wa. Apul ŋgar tsiam sasaghati ileple, atoor ŋgar tsiam imuul ila pa Maaron, ve aghur ila vaaru poia!”
24309	MRK 1:25	Eemon Yesu iyaoni ighe: “Ai, yo uneneeŋ. Upuli ve ughau ula!”
24321	MRK 1:37	Tila tindeeŋa, ve tipaes pani tighe: “Eval tiina tiliil ghom we!”
24325	MRK 1:41	Yesu loolo isaghatini, tauvene niima ila ikisi, ve isaav pani ighe: “Poia, yau aat nauul ghom. Aiyo, tinim poia ve uŋgalaaŋ!”
24368	MRK 3:11	Ve yes tau avuvu sasaghati tizeev zi na, saawe isov tau tighita Yesu, titaptap tizi Yesu aaghe puughu, ve tiboboob aliŋazi tiina tighe: “Yo Maaron Naatu!”
24401	MRK 4:9	Yesu isavia saveeŋ palelaaŋ tane le isov, ra ipariaaŋa ighe: “Tamtamon tau ighe le taliiŋa, i aat ilooŋ saveeŋ tane, ve igham ŋgar pani poi!”
24431	MRK 4:39	Yesu iburig gha isaav ariaaŋ pa yaghur imin yaoniiŋni. Ra isaav pa dibom ighe: “Ai, irao! Atem izi!” Rekia mon yaghur imaat, ve taun tiina izi.