46	GEN 2:15	Õꞌacʉ̃ masʉ̃rẽ ti wesere cṹúgʉ̃, te otesere coꞌtedutigʉ, aꞌtiro ni werecʉ niwĩ:
572	GEN 22:24	Ãpẽrã Nacor nʉmo Milca peꞌsu Reúma põꞌrã Teba, Gaham, Tahas, Maaca nicãrã niwã.
661	GEN 25:2	Co meꞌrã aꞌtiro wãmetirãrẽ põꞌrãticʉ niwĩ. Zimram, Jocsán, Medán, Madiã́, Isbac, Súa nicãrã niwã.
684	GEN 25:25	Ne bajuamʉꞌtãgʉ̃ poari sõꞌagʉ̃ nicʉ niwĩ. Tojo nicã, cʉ̃ upʉpʉre poaripijagʉ nicʉ niwĩ. Cʉ̃rẽ Esaú pisucãrã niwã.
686	GEN 25:27	Siapeꞌe meꞌrã wĩꞌmarã bʉcʉacãrã niwã. Esaú cãpũpʉ sijasere tʉꞌsa, waꞌicʉrã muꞌsĩgʉ̃ nicʉ niwĩ. Jacob peꞌe sõꞌowaro niticʉ niwĩ. Cʉ̃ wiꞌipʉ niseticãꞌcʉ niwĩ.
687	GEN 25:28	Isaa waꞌicʉrã nʉcʉ̃cjãrãrẽ baꞌatʉꞌsayugʉ, cʉ̃ macʉ̃ Esaú peꞌere maꞌiyʉꞌrʉnʉꞌcãcʉ niwĩ. Paco Rebeca peꞌe Jacore maꞌiyʉꞌrʉnʉꞌcãco niwõ.
688	GEN 25:29	Niꞌcã nʉmʉ Jacob cʉ̃ baꞌase doꞌari cura Esaú nʉcʉ̃pʉ sijagʉ ejaꞌcʉ ʉjʉaboayʉꞌrʉaꞌcʉ dajacʉ niwĩ.
689	GEN 25:30	Tojo weegʉ cʉ̃ acabijire nicʉ niwĩ: —Yʉꞌʉre pajañaꞌña. Sise baꞌase sõꞌase mʉꞌʉ cʉosere yʉꞌʉre oꞌocureya. Yʉꞌʉ ʉjʉaboa wẽrĩgʉ̃ weesaꞌa, nicʉ niwĩ. (Tojo weerã ape wãme Esaúre Edom pisusama.)
691	GEN 25:32	Tere tʉꞌogʉ, Esaú nicʉ niwĩ: —¿Mʉꞌʉ yʉꞌʉre ĩꞌaweti? Yʉꞌʉ ʉjʉaboa wẽrĩgʉ̃ weesaꞌa. Tojo weero yʉꞌʉ masã maꞌmi nise yʉꞌʉma wapamarĩꞌi, nicʉ niwĩ.
692	GEN 25:33	Jacob cʉ̃rẽ nicʉ niwĩ: —To pũrĩcãrẽ Õꞌacʉ̃rẽ wãmepeo, “Tojota weegʉti”, nibaqueꞌoya, nicʉ niwĩ. Tere tʉꞌogʉ, Esaú “Õꞌacʉ̃rẽ wãmepeo, diacjʉ̃ta niꞌi”, nicʉ niwĩ. Tojo weegʉ cʉ̃ acabijire cʉ̃ masã maꞌmi nisere duacʉ niwĩ.
693	GEN 25:34	Beꞌro Jacob, Esaúre, pã́, tojo nicã cʉ̃ baꞌase doꞌaꞌquere ecacʉ niwĩ. Esaú baꞌa, sĩꞌrĩtojagʉ, wãꞌcãnʉꞌcã, waꞌa waꞌacʉ niwĩ. Cʉ̃ masã maꞌmi nisere “Tojo nisaꞌa”, ni wãcũticʉ niwĩ.
727	GEN 26:34	Esaú cuarenta cʉ̃ꞌmarĩ cʉogʉ, Judit wãmetigore nʉmoticʉ niwĩ. Co Beeri wãmetigʉ hitita masʉ̃ macõ nico niwõ. Beꞌro apego nʉmotinemocʉ niwĩ tja. Co Basemat wãmetico niwõ. Co Elón wãmetigʉ hitita masʉ̃ macõ nico niwõ.
728	GEN 26:35	Ãꞌrã pʉarã Esaú nʉmosãnumia Isaare, Rebecare pũrõ waro bʉjaweticã weecãrã niwã.
729	GEN 27:1	Isaa bʉcʉ waro ẽjãgʉ̃, cʉ̃ caperi añurõ ĩꞌaticʉ niwĩ. Tojo weegʉ niꞌcã nʉmʉ cʉ̃ macʉ̃ masã maꞌmi Esaúre pijio, aꞌtiro nicʉ niwĩ: —¡Macʉ̃! Cʉ̃ tojo nicã, Esaú “¿Deꞌro niti, pacʉ?”, ni yʉꞌticʉ niwĩ.
733	GEN 27:5	Rebeca peꞌe Isaa Esaúre tojo nisere tʉꞌoco niwõ. Tojo tʉꞌoꞌco niyugo, Esaú cãpũpʉ cʉ̃ pacʉre waꞌicʉrã wẽjẽbosagʉ waꞌáca beꞌro,
734	GEN 27:6	co macʉ̃ Jacore aꞌtiro nico niwõ: —Mʉꞌʉ pacʉ, mʉꞌʉ maꞌmi Esaúre aꞌtiro nicã tʉꞌoapʉ. Aꞌtiro niami:
743	GEN 27:15	Beꞌro masã maꞌmi Esaú ye suꞌti añuyʉꞌrʉnʉꞌcãse co wiꞌipʉ nʉrõꞌquere mii, cʉ̃ acabiji Jacore sãaco niwõ.
747	GEN 27:19	—Yʉꞌʉ masã maꞌmi Esaú niꞌi. Mʉꞌʉ yʉꞌʉre dutiꞌcaronojõta weeapʉ. Wãꞌcãnujãña. Yʉꞌʉ waꞌicʉ wẽjẽ doꞌaꞌquere baꞌaya. Baꞌatoja, yʉꞌʉre Õꞌacʉ̃rẽ “Añurõ weeya”, ni sẽrĩbosaya, nicʉ niwĩ.
749	GEN 27:21	Isaa cʉ̃rẽ nicʉ niwĩ: —Aꞌtocure aꞌtia. ¿Diacjʉ̃ta yʉꞌʉ macʉ̃ Esaú niti mʉꞌʉ? nígʉ̃, mʉꞌʉrẽ daꞌrañaꞌgʉ̃tigʉ weeꞌe.
750	GEN 27:22	Tojo weegʉ Jacob cʉ̃ tiroacãpʉ waꞌacʉ niwĩ. Cʉ̃rẽ daꞌrañaꞌgʉ̃, cʉ̃ pacʉ nicʉ niwĩ: —Mejõ mʉꞌʉ ucũse peꞌe Jacob ucũse weronojõ nírõcoro. Tojo nimirõ, omocãrĩ peꞌe Esaú ye omocãrĩ nírõcoro.
751	GEN 27:23	Esaú weronojõ omocãrĩ poaritiyucã, Isaa “Apĩ nimi”, ni masĩticʉ niwĩ. Cʉ̃ Õꞌacʉ̃rẽ sẽrĩbosati dʉporoacã,
752	GEN 27:24	apaturi sẽrĩtiñaꞌapocʉ niwĩ tja. —¿Diacjʉ̃ta Esaú niti mʉꞌʉ? —Esaúta niꞌi, ni yʉꞌticʉ niwĩ Jacob.
758	GEN 27:30	Cʉ̃ Jacore Õꞌacʉ̃rẽ sẽrĩbosatuꞌajáca beꞌroacã, cʉ̃ wijaari cura Esaú waꞌicʉrã wẽjẽgʉ̃ ejaꞌcʉ dajacʉ niwĩ.
760	GEN 27:32	Tere tʉꞌogʉ, Isaa sẽrĩtiñaꞌcʉ niwĩ: —¿Noanojõ niti mʉꞌʉ? —Yʉꞌʉ Esaú niꞌi. Masã maꞌmi niꞌi, ni yʉꞌticʉ niwĩ.
762	GEN 27:34	Tere tʉꞌogʉ, Esaú ʉpʉtʉ bʉjaweti ua, uticʉ niwĩ. Aꞌtiro caricũcʉ niwĩ: —Pacʉ, yʉꞌʉ quẽꞌrãrẽ Õꞌacʉ̃rẽ sẽrĩbosacureya, nicʉ niwĩ.
764	GEN 27:36	Tere tʉꞌogʉ, Esaú cʉ̃ pacʉre nicʉ niwĩ tja: —Tʉꞌomasĩrãta cʉ̃rẽ Jacob wãme õꞌocãrã niwʉ̃. Cʉ̃ yʉꞌʉre pʉatipʉ ñaꞌarõ weetojami. Ne waro, yʉꞌʉ masã maꞌmi nisere yʉꞌʉre ẽꞌmawĩ. Niꞌcãrõacãrẽ tja mejãrõta Õꞌacʉ̃rẽ mʉꞌʉ sẽrĩbosase, ye níboꞌquere ẽꞌmapĩ. ¿Yʉꞌʉre ne cãꞌrõ apeyenojõ dʉꞌsatibutiati? nicʉ niwĩ.
766	GEN 27:38	Esaú cʉ̃ pacʉre ninemocʉ niwĩ: —Pacʉ, ¿niꞌcãtita Õꞌacʉ̃rẽ añusere sẽrĩta basioti? Yʉꞌʉ quẽꞌrãrẽ cʉ̃rẽ añusere sẽrĩbosaya, nicʉ niwĩ. Beꞌro apaturi caricũ, uticʉ niwĩ.
769	GEN 27:41	Tojo waꞌáca beꞌro te meꞌrã Esaú cʉ̃ acabijire ĩꞌasĩꞌrĩti, uanʉꞌcãcʉ niwĩ. Cʉ̃ pacʉ Jacob peꞌere Õꞌacʉ̃rẽ sẽrĩbosaꞌque buꞌiri tojo weecʉ niwĩ. “Yʉꞌʉ pacʉ cʉ̃ wẽrĩatjo cãꞌrõ dʉꞌsaꞌa. Cʉ̃ wẽ́rĩ́ca beꞌro yʉꞌʉ acabijire wẽjẽgʉ̃ti”, ni wãcũcʉ niwĩ.
770	GEN 27:42	Esaú tojo weegʉti nise quetire tʉꞌogo, Rebeca Jacore pijio, aꞌtiro nico niwõ: —Mʉꞌʉ maꞌmi Esaú mʉꞌʉrẽ aꞌmegʉ̃, “Wẽjẽgʉ̃ti”, niapʉ.
774	GEN 27:46	Beꞌro Rebeca co marãpʉ Isaare nico niwõ: —Ãꞌrã hitita masã numia Esaú nʉmosãnumia meꞌrã yʉꞌʉ caributiyʉꞌrʉa waꞌasaꞌa. Jacob cʉ̃ aꞌti diꞌta Canaácjãrã ãꞌrã hitita masã numia weronojõ nigõrẽ cʉ̃ nʉmoticãma, mejõ wẽrĩa waꞌasĩꞌrĩsaꞌa, nico niwõ.
779	GEN 28:5	Tojo wee Jacore Padan-arãpʉ oꞌócãꞌcʉ niwĩ. Topʉre Labán ya wiꞌipʉ etacʉ niwĩ. Cʉ̃ Betuel, arameo masʉ̃ macʉ̃, tojo nicã Rebeca maꞌmi nicʉ niwĩ. Rebeca, Jacob, Esaú paco nico niwõ.
780	GEN 28:6	Esaú, cʉ̃ pacʉ Isaa, Õꞌacʉ̃rẽ “Jacore añurõ weeya”, ni sẽrĩbosacã, tojo nicã cʉ̃rẽ Padan-arãpʉ nʉmotidutigʉ oꞌócã tʉꞌocʉ niwĩ. Tojo nicã cʉ̃rẽ Õꞌacʉ̃rẽ añurõ weedutigʉ, “Aꞌtocjãrã Canaácjãrã numia meꞌrã ne nʉmotiticãꞌña” nicã tʉꞌocʉ niwĩ.
782	GEN 28:8	Tojo weegʉ Esaú cʉ̃ pacʉsʉmʉa Canaá diꞌtacjãrã numiarẽ tʉꞌsatisere masĩcʉ niwĩ.
783	GEN 28:9	Tere masĩgʉ̃, Abrahã macʉ̃ Ismae tiropʉ ĩꞌagʉ̃ waꞌacʉ niwĩ. Topʉ cʉ̃ macõ Mahalat wãmetigore nʉmoticʉ niwĩ. Co Nebaiot acabijo nico niwõ. Cʉ̃ Esaú ãpẽrã pʉarã numia Canaácjãrã numiarẽ nʉmotitojacʉ niwĩ.
785	GEN 28:11	Waꞌacũmí, ñamicaꞌapʉ niyucã, cʉ̃ noꞌo naꞌitõꞌorõ cãrĩcʉ niwĩ. Topʉ cãrĩgʉ̃tigʉ, niꞌcãgã ʉ̃tãgã topʉ cũñacjare miicṹú, cʉ̃ dʉpoare ẽotuucũuocʉ niwĩ.
932	GEN 32:4	Jacob cʉ̃ dʉporo quetiwereri masãrẽ Seir diꞌtapʉ oꞌómʉꞌtãcʉ niwĩ. To Seir Edom wãmetiropʉ tojacaro niwʉ̃. Cʉ̃ maꞌmi Esaúre quetiweremʉꞌtãdutigʉ, narẽ oꞌóyucʉ niwĩ.
933	GEN 32:5	Narẽ aꞌte quetire weredutigʉ oꞌócʉ niwĩ: “Yʉꞌʉ maꞌmi Esaúre aꞌtiro ni wereapa: ‘Mʉꞌʉ acabiji Jacob mʉꞌʉ dutiro doca nigʉ̃́ aꞌtiro weredutiami: “Yʉꞌʉ yoacã Labán meꞌrã niapʉ.
935	GEN 32:7	Cʉ̃ quetiweredutigʉ oꞌóꞌcãrã dajarã, Jacore aꞌtiro nicãrã niwã: —Ʉ̃sã mʉꞌʉ maꞌmi Esaú tiropʉ ejapʉ. Niꞌcãrõacã mʉꞌʉrẽ põtẽrĩgʉ̃ aꞌtiami. Cuatrocientos ʉmʉa meꞌrã aꞌtiami, nicãrã niwã.
937	GEN 32:9	Aꞌtiro wãcũcʉ niwĩ: “Esaú cʉ̃ niꞌcã curuacjãrã meꞌrã aꞌmewẽjẽgʉ̃ sãjãcã, ape curuacjãrã duꞌtiarãsama.”
940	GEN 32:12	Yʉꞌʉre pajañaꞌcureya. Yʉꞌʉ maꞌmi Esaú yʉꞌʉre ne mejẽcã weecã weeticãꞌña. Cʉ̃ yʉꞌʉre, numiarẽ, wĩꞌmarãrẽ wẽjẽbosami nígʉ̃, uiꞌi.
942	GEN 32:14	Ti ñamirẽ Jacob topʉta cãrĩcʉ niwĩ. Cʉ̃ cʉose, cʉ̃ miaꞌquere cʉ̃ maꞌmi Esaúre oꞌogʉtigʉ besecʉ niwĩ.
946	GEN 32:18	Ne waro cʉ̃ oꞌómʉꞌtãgʉ̃rẽ aꞌtiro weeduticʉ niwĩ: —Yʉꞌʉ maꞌmi Esaúre põtẽrĩgʉ̃, cʉ̃ sẽrĩtiñaꞌcã, “¿Noa mʉꞌʉ wiogʉ niti, noꞌopʉ waꞌati, ãꞌrã waꞌicʉrã mʉꞌʉ miarã, noa yarã niti?” nicã,
962	GEN 33:1	Esaú cuatrocientos ʉmʉa meꞌrã aꞌticã ĩꞌagʉ̃, Jacob aꞌtiro weecʉ niwĩ. Lea, Raquel, pʉarã narẽ daꞌracoꞌterã numia meꞌrã nanʉcʉ̃ na põꞌrãrẽ dʉcawaacʉ niwĩ.
964	GEN 33:3	Beꞌro Jacob na dʉporoacã ʉꞌmʉtãwãꞌcãcʉ niwĩ. Esaúre põtẽrĩgʉ̃ waꞌagʉ, sietetiri cʉ̃ diapoare nucũcãpʉ paamuꞌrĩqueꞌacʉ niwĩ. Téé cʉ̃ tiropʉ ejagʉ, tojo weeduꞌucʉ niwĩ.
965	GEN 33:4	Esaú peꞌe cʉ̃rẽ põtẽrĩgʉ̃, omawãꞌcãti, paabʉꞌa, miꞌmicʉ niwĩ. Na pʉarãpʉta aꞌmerĩ uticãrã niwã.
966	GEN 33:5	Tuꞌajanʉꞌcõ, Esaú na numiarẽ, wĩꞌmarãrẽ ĩꞌa, aꞌtiro ni sẽrĩtiñaꞌcʉ niwĩ: —¿Ãꞌrã waro noanojõ niti? ni sẽrĩtiñaꞌcʉ niwĩ. —Na, yʉꞌʉ põꞌrã Õꞌacʉ̃ yʉꞌʉre, mʉꞌʉ dutise doca nigʉ̃rẽ oꞌoꞌcãrã nima, nicʉ niwĩ Jacob.
967	GEN 33:6	Tojo nicã tʉꞌorã, cʉ̃rẽ daꞌracoꞌterã numia na põꞌrã meꞌrã, Esaú tiroacãpʉ waꞌa, cʉ̃rẽ wiopesase meꞌrã añudutirã, nucũcãpʉ paamuꞌrĩqueꞌacãrã niwã.
969	GEN 33:8	Esaú Jacore sẽrĩtiñaꞌcʉ niwĩ: —¿Deꞌro weegʉsari mʉꞌʉ, waꞌicʉrã sõꞌonícãrã yʉꞌʉre põtẽrĩwãꞌcãꞌcãrã pãjãrã meꞌrã? Jacob cʉ̃rẽ yʉꞌticʉ niwĩ: —Mʉꞌʉ yʉꞌʉre añurõ wãcũcã ʉagʉ, tojo weeasʉ.
970	GEN 33:9	—Niweꞌe, nijã. Yʉꞌʉ quẽꞌrã pãjãrã cʉoapʉ. Na mʉꞌʉ yarã meꞌrãta tojayá, nicʉ niwĩ Esaú.
972	GEN 33:11	Yʉꞌʉ mʉꞌʉrẽ miiti oꞌosere ñeꞌeña. Õꞌacʉ̃ yʉꞌʉre peje apeyenojõ cʉocã weeami. Ne apeyenojõ dʉꞌsaweꞌe. Jacob cʉ̃ pejetiri tojo nicã tʉꞌogʉ, Esaú “Jaʉ”, nicʉ niwĩ.
973	GEN 33:12	Beꞌro Esaú nicʉ niwĩ: —Teꞌa. Yʉꞌʉ mʉꞌʉ dʉporo ʉꞌmʉtãgʉ̃ti, nicʉ niwĩ.
976	GEN 33:15	Esaú, “Jaʉ, tojota weerã́. Yʉꞌʉ meꞌrã aꞌtiꞌcãrã ʉmʉarẽ mʉꞌʉrẽ baꞌpaticã, pejetirã cũugʉ̃ti”, nicʉ niwĩ. Jacob peꞌe cʉ̃rẽ yʉꞌticʉ niwĩ: —Añurõsaꞌa. Cũuticãꞌña. Mʉꞌʉrẽ caribosĩꞌrĩtisaꞌa, nicʉ niwĩ.
977	GEN 33:16	Na tojo ni ucṹca nʉmʉrẽta Esaú Seipʉ dajatojaacʉ niwĩ.
1013	GEN 35:1	Õꞌacʉ̃ Jacore aꞌtiro nicʉ niwĩ: “Wãꞌcãnʉꞌcãña. Betepʉ waꞌa, topʉ tojaqueꞌaya. Topʉ niꞌcãrõ yʉꞌʉre ẽjõpeogʉ waꞌicʉrãrẽ ʉ̃jʉ̃amorõpeorore daꞌreapa. Mʉꞌʉ maꞌmi Esaúre uiwãꞌcãcaterore yʉꞌʉ topʉ mʉꞌʉrẽ bajuaꞌcaropʉ waꞌaya.”
1022	GEN 35:10	“Mʉꞌʉ Jacob wãmetiꞌi. Tojo wãmetisome majã. Niꞌcãcã meꞌrã mʉꞌʉ wãme Israe nirõsaꞌa”, nicʉ niwĩ tja. Cʉ̃ wãmerẽ dʉcayúca beꞌro,
1041	GEN 35:29	Cʉ̃ ñecʉ̃sʉmʉarẽ sirutugʉ, cʉ̃ quẽꞌrã bʉcʉ waro waꞌa, wẽrĩa waꞌacʉ niwĩ. Cʉ̃ wẽrĩcã ĩꞌa, cʉ̃ põꞌrã Esaú, Jacob cʉ̃rẽ yaacãrã niwã.
1042	GEN 36:1	Aꞌticʉrã Esaú põꞌrã, cʉ̃ pãrãmerã nituriarã nicãrã niwã. Cʉ̃rẽta tja Edom pisucãrã niwã.
1043	GEN 36:2	Esaú Canaá diꞌtacjãrã numiarẽ nʉmoticʉ niwĩ. Niꞌcõ Ada, Elón hitita masʉ̃ macõ nico niwõ. Apego Aholibama Aná macõ, Zibeón heveo masʉ̃ pãrãmeo nico niwõ.
1046	GEN 36:5	Aholibama meꞌrã cʉ̃ põꞌrãtiꞌcãrã Jeús, Jaalam, Coré nicãrã niwã. Ãꞌrã cʉ̃ Canaá diꞌtapʉ nicã bajuacãrã niwã.
1047	GEN 36:6	Esaú cʉ̃ nʉmosãnumia meꞌrã, cʉ̃ põꞌrã ʉmʉa, numia nipeꞌtirã cʉ̃ meꞌrã nirãrẽ piji, aperopʉ macãrĩ waꞌacʉ niwĩ. Cʉ̃ acabiji Jacob tiropʉ níꞌcʉ yoaropʉ waꞌacʉ niwĩ. Nipeꞌtirã cʉ̃ yarã waꞌicʉrãrẽ, tojo nicã nipeꞌtise cʉ̃ Canaá diꞌtapʉ bocaꞌquere miapeꞌocʉ niwĩ.
1049	GEN 36:8	Tojo weegʉ Esaú, apetero Edom na nigʉ̃́, Seir opa buꞌpapijaro nirõpʉ macãrĩ waꞌacʉ niwĩ.
1050	GEN 36:9	Esaú pãrãmerã nituriarã edomita masã Seir opa buꞌpapijaro nirõpʉ niseticãrã niwã.
1051	GEN 36:10	Esaú põꞌrã ʉmʉa aꞌtiro wãmeticãrã niwã: Ada, Esaú nʉmo Elifare põꞌrãtico niwõ. Esaú nʉmo apego Basemat Reuere põꞌrãtico niwõ.
1053	GEN 36:12	Ãꞌrã, Esaú nʉmo Ada pãrãmerã nicãrã niwã. Elifaz apego cʉ̃ nʉmo nitigo meꞌrã põꞌrãticʉ niwĩ tja. Co Timna wãmetico niwõ. Co meꞌrã Amalec wãmetigʉre põꞌrãticʉ niwĩ.
1054	GEN 36:13	Reuel põꞌrã aꞌticʉrã nicãrã niwã: Nahat, Zera, Sama, Miza nicãrã niwã. Na, apego Esaú nʉmo Basemat pãrãmerã nicãrã niwã.
1055	GEN 36:14	Apego Aholibama Esaú nʉmo nico niwõ tja. Co meꞌrã aꞌticʉrã põꞌrãticʉ niwĩ: Jeús, Jaalam, Coré nicãrã niwã. Co Ana macõ, Zibeón pãrãmeo nico niwõ.
1056	GEN 36:15	Aꞌticʉrã Esaú pãrãmerã nituriarã wiorã nicãrã niwã: Elifaz, Esaú macʉ̃ masã maꞌmi põꞌrã Temán, Omar, Zefo, Cenaz,
1058	GEN 36:17	Esaú pãrãmerã Reuel põꞌrã Edom diꞌtapʉre aꞌticʉrã wiorã nicãrã niwã: Nahat, Zera, Sama, Miza nicãrã niwã. Na Basemat Esaú nʉmo pãrãmerã nicãrã niwã.
1059	GEN 36:18	Esaú nʉmo Aholibama põꞌrã aꞌticʉrã wiorã nicãrã niwã: Jeús, Jaalam, Coré nicãrã niwã. Aholibama Aná macõ nico niwõ.
1060	GEN 36:19	Na nipeꞌtirã Esaú, Edom na nigʉ̃́, pãrãmerã nicãrã niwã. Na te curaricjãrã wiorã nicãrã niwã.
1078	GEN 36:37	Samla cʉ̃ wẽ́rĩ́ca beꞌrore cʉ̃ dʉcayuro Saúl duticʉ niwĩ. Cʉ̃ Rehobot wãmetiri macãcjʉ̃ nicʉ niwĩ. Ti macã dia sumutopʉ nicaro niwʉ̃.
1079	GEN 36:38	Saúl wẽ́rĩ́ca beꞌrore cʉ̃ dʉcayuro Baal-hanán, Acbor macʉ̃, duticʉ niwĩ.
1081	GEN 36:40	Esaú põꞌrã wiorã te curarinʉcʉ̃ sʉꞌori nisetiꞌcãrã aꞌticʉrã nicãrã niwã. Niꞌcʉ̃ põꞌrã masã maꞌmi meꞌrã nʉꞌcãcaro niwʉ̃. Na nisetiꞌcaropʉ, tojo nicã na ye curari wãmerẽ werenoꞌrõsaꞌa. Timna, Alva, Jetet,
1084	GEN 36:43	Magdiel, Iram nicãrã niwã. Esaú, apeterore Edom pisunoꞌgʉ̃ nicʉ niwĩ. Na edomita masã wiorã nicãrã niwã. Na, na nirõpʉre, na yarã masãrẽ sʉꞌori duticãrã niwã. Ãꞌrĩ Esaú, Edom masã ñecʉ̃ nicʉ niwĩ.
1122	GEN 38:2	Topʉ niꞌcõ numiorẽ Canaá diꞌtacjʉ̃ Súa wãmetigʉ macõrẽ ĩꞌacʉ niwĩ. Core nʉmoticʉ niwĩ. Co meꞌrã níca beꞌro co nijĩpaco ni, niꞌcʉ̃ wĩꞌmagʉ̃ põꞌrãtico niwõ. Cʉ̃rẽ Er wãme õꞌoco niwõ.
1132	GEN 38:12	Yoáca beꞌro Judá nʉmo Súa macõ wẽrĩa waꞌaco niwõ. Cʉ̃ dʉjari peꞌtíca beꞌro Judá Timnat wãmetiri macãpʉ waꞌacʉ niwĩ. Ti macãpʉta cʉ̃ yarã oveja poarire seecãrã niwã. Cʉ̃ meꞌrãcjʉ̃ Hira Adulãcjʉ̃ cʉ̃rẽ baꞌpaticʉ niwĩ.
1396	GEN 46:9	Cʉ̃ põꞌrã Hanoc, Falú, Hezrón, Carmi nicãrã niwã.
1397	GEN 46:10	Beꞌrore Simeó põꞌrã aꞌticʉrã nicãrã niwã: Jemuel, Jamín, Ohad, Jaquín, Zohar nicãrã niwã. Tojo nicã Saúl, cananeocjõ macʉ̃ nicʉ niwĩ.
1400	GEN 46:13	Beꞌrore Isacar põꞌrã Tola, Fúa, Job, Simrón nicãrã niwã.
1404	GEN 46:17	Beꞌrore Aser põꞌrã Imna, Isúa, Isúi, Bería nicãrã niwã. Na acabijo Sera nico niwõ. Beriá põꞌrã Heber, Malquiel nicãrã niwã.
1520	GEN 50:13	Tojo weerã cʉ̃ mijĩrẽ Canaápʉ yaarã waꞌarã miacãrã niwã. Mia, Macpela wãmetiro nirĩ tutipʉ yaacãrã niwã. Ti tutire Abrahã Efrṍ hitita masʉ̃rẽ dúúca tuti nicaro niwʉ̃. Ti tutire Abrahã nipeꞌtirã yʉꞌʉ acawererãrẽ yaatji tuti nirõsaꞌa nígʉ̃, duucʉ niwĩ. Ti diꞌta Mamre wãmetiro diacjʉ̃ peꞌe tojasaꞌa.
1548	EXO 1:15	Apeyema tja faraṍ numia wĩꞌmarã bajuari cura coꞌterã numia Sifra, Fúa wãmetirãrẽ aꞌtiro nicʉ niwĩ:
1670	EXO 6:14	Israe curuacjãrã masã maꞌmisʉmʉa ãꞌrã nicãrã niwã: Jacob macʉ̃ Rubén, masã maꞌmi nicʉ niwĩ. Cʉ̃ põꞌrã Hanoc, Falú, Hezrón, Carmi nicãrã niwã. Ãꞌrã Rubén ya curuacjãrã nicãrã niwã.
1671	EXO 6:15	Simeó põꞌrã aꞌticʉrã nicãrã niwã: Jemuel, Jamín, Ohad, Jaquín, Zohar, Saúl nicãrã niwã. Cʉ̃ Saúl cananeo diꞌtacjõ macʉ̃ nicʉ niwĩ. Ãꞌrã Simeó ya curuacjãrã nicãrã niwã.
1679	EXO 6:23	Aarṍ Elisabet wãmetigore nʉmoticʉ niwĩ. Co Aminadab macõ Naasón acabijo nico niwõ. Na aꞌticʉrã põꞌrãticãrã niwã: Nadab, Abihú, Eleazar, Itamar.
2025	EXO 18:25	Tojo weegʉ Israe curuacjãrãrẽ “Ãꞌrãta tʉꞌomasĩma”, ni besecʉ niwĩ. Narẽ dutise cṹúgʉ̃, mil masãrẽ, cien masãrẽ, cincuenta masãrẽ, diez masãrẽ dutiajãrẽ besecʉ niwĩ.
2179	EXO 24:1	Õꞌacʉ̃ dutise cũuꞌquere wéréca beꞌro Moisére nicʉ niwĩ: —Aarṍ, cʉ̃ põꞌrã Nadab, Abihú, ãpẽrã setenta Israe curuacjãrã wiorã meꞌrã aꞌto yʉꞌʉ nirõpʉ mʉjãtia. Mejõ yoacurero tojato. Topʉ paamuꞌrĩqueꞌato.
2187	EXO 24:9	Tere tuꞌajáca beꞌro Moisé Aarṍ, Nadab, Abihú, tojo nicã setenta Israe curuacjãrã wiorã meꞌrã ʉ̃rʉ̃gʉ̃pʉ mʉjãcʉ niwĩ.
6149	JOS 12:17	apĩ Tapúa wiogʉ, apĩ Hefer wiogʉ,
6482	JOS 24:4	Cʉ̃ Isaare tja cʉ̃ põꞌrã pʉarã Jacob, Esaúre oꞌowʉ. Esaúre diꞌta opa buꞌpapijaro Seir wãmetiri diꞌtare cũuwʉ̃. Jacob peꞌe cʉ̃ põꞌrã meꞌrã Egiptopʉ buꞌawã.
6565	JDG 2:18	Israe curuacjãrãrẽ ĩꞌatuꞌtirã narẽ ñaꞌarõ wee, pũrõ piꞌeticã weecãrã niwã. Na uti caricũsere tʉꞌogʉ, Õꞌacʉ̃ narẽ pajañaꞌcʉ niwĩ. Tojo weegʉ masãrẽ sʉꞌori nisetiacjʉre cṹúgʉ̃, cʉ̃rẽ weetamucʉ niwĩ. Cʉ̃ catiro ejatuaro masãrẽ narẽ ĩꞌatuꞌtirãrẽ yʉꞌrʉweticã weecʉ niwĩ.
6694	JDG 6:38	Tojota waꞌacaro niwʉ̃. Ape nʉmʉ Gedeṍ wãꞌcã, poari añurõ púúca caserore bocacʉ niwĩ. Ti caserore bipecã, niꞌcã pa muꞌmurõ aco wijacaro niwʉ̃.
6715	JDG 7:19	Ñami deco nicã, madianita masã surara coꞌterã dʉcayúca beꞌro Gedeṍ cien surara cʉ̃ meꞌrã nirã́ madianita masã surara nerẽrõ ape pãꞌrẽpʉ etacãrã niwã. Topʉ eta, na ye putise capesaꞌrire puti, sʉtʉparʉ na cʉoseparʉre bopecãrã niwã.