10	GEN 1:10	De dae madak naa Ana foin nade, ‘mada lai’; ma oe mana makabubuak naa, Ana foin nade ‘tasi’. Ana mete-nita basa naar, boe ma dalen namahoko, nahuu hata fo Ana nakadadadi nalak naa, memak neulauk.
16	GEN 1:16	Ana nakadadadik buas manggaledok moꞌok matak dua. Mana moꞌon lenak, nasaꞌa nai fai leledok; kadiꞌik nasaꞌa nai fai leꞌodaek. Ana oo nakadadadik nduuk kara boe.
153	GEN 6:15	O tao ofak naa narun meter 133; loan meter 22; ma deman meter 13.
233	GEN 9:27	Elan fo Manetualain tao nambaloa Yafet dae oen; Ma tititi-nonosin leo-laꞌo mole-dame ro Sem tititi-nonosin. Tehuu elan fo Kanaꞌan dadi neu Yafet kulin.”
1483	GEN 49:9	O ia sama leo singa tena ta hohoꞌak, fo mesa kana bisa sangga nanaꞌan. O sama leo singa mane narereꞌa ao-inan fo nae neu sunggu-luꞌu boe; ta hambu esa boe na nambarani neti nggunggue o. O sama leo singa ina fo mana nanea anan boe; ta hambu hatahori esa boe na nambarani neu rambaraꞌu o. Leo naak oo no o boe, huu hatahorir ramahia o, ma ara ta rambarani tao mata-matak.
23230	MAT 1:17	Dadi mulai numa Abraham mai losa Dauk, hambu dombe salahunu haa; numa Dauk mai losa ara neni nggari henik kara reni Babel reu, hambu dombe salahunu haa; ma numa Babel mai losa bonggi Karistus, hambu dombe salahunu haa.
23392	MAT 7:7	“Mete ma ei hule-haradoi, moke makandoo neu Manetualain; neu ko Ana fee. Mete ma ei sangga makandoo, neu ko Ana natudu dalak. Mete ma ei manggou makandoo; neu ko Ana soi lelesu.
23523	MAT 10:37	Dadi hatahori mana nau tungga Au tebe-tebe, ana muste sue-lai neu Au lena heni basa-basan; lena heni ina-aman, ma lena heni anan nara. Mete ma taa, na, hatahori naa ta nandaa dadi neu Au hatahoring.
23663	MAT 13:55	Naa te Ndia ia, kada tukan ai Anan. Ita talela inan no malole, ndia Maria; ma fadin nara, sira Yakobis, Yusuf, Yudas ma Simon.
23849	MAT 19:18	Hatahori naa natane bali nae, “Parenda bee naa?” Boe ma Yesus naselu nae, “Boso makanisa hatahori; boso laꞌok sala mua ta o saom; boso mamanaꞌo; boso dadi sakasii pepeko-lelekok;
23850	MAT 19:19	fee hada-horomatak neu o inam ma o amam; ma sue neu o toranoom sama leo o sue o ao heli-helim.”
23967	MAT 22:26	Ta dook ka, ana oo mate boe, ma anak taa. Leo naak oo no fadik katelun boe; ana sao nala ina falu naa, tehuu ana oo mate boe, ma ta laꞌo ela anak. Talo naa nakandoo losa fadi muri anak oo, maten boe.
24057	MAT 24:31	Boe ma Au pake toꞌik lii moꞌok fo parenda Manetualain atan nara marai nusa tetuk do inggu temak reu rakabubua basa hatahorir fo Au here alak kara ruma dae-bafok buꞌun haa sara mai, numa ledo toda mai losa ledo tesa; numa kii mai losa kona.”
24162	MAT 26:39	Boe ma Ana hodok mata neu faa, de sendek luu-langgan fo hule-haradoi nae, “Papa! Mete ma Papa nau, na, Au hae lemba-asaa doidosok ia. Tehuu boso tungga Au hihii-nanaung; naa fo tungga kada Papa hihii-nanaun.”
24236	MAT 27:38	Numa naa oo ara paku rakanisa hatahori naꞌo manu-meo dua boe. Esa neu Yesus boboa konan; esa neu boboa kiin.
24479	MRK 6:3	Naa te Ndia kada tukan ai. Ita talela inan, ndia Maria; no fadin nara, sira Yakobis, Yoses, Yudas ma Simon. Ndia oo naena fadi inak hida boe. Ita basa ngga leo nai nggorok esa, ma!” Huu naa de ara mbiri ma rasakele, de ara ta nau ramanene neu sana bali.
24676	MRK 10:19	O bubuluk Manetualain parendan numa lele uluk mai ena nae, ‘Boso makanisa hatahori; Boso hohongge-lelena; Boso mamanaꞌo; Boso dadi sakasii pepeko-lelekok; Boso pakanaꞌe mala hatahori hatan; Ma fee hada-horomatak neu o inam ma o amam.’ ”
24813	MRK 13:27	Boe ma Au parenda Manetualain atan nara manai nusa tetuk do inggu temak fo reu rakabubua basa hatahorir fo Au here alak kara ruma dae-bafok buꞌun haa sara mai, numa ledo toda mai losa ledo tesa; numa kii mai losa kona.”
25150	LUK 4:18	“Manetualain Dula-dalen koasan nai Au. Huu naa de Ana henggenee memak Au, fo tui-bengga Lamatuak Hara Lii Malolen neu hatahori kasian nara. Ana nadenu Au ena, fo afada ae, mana nai buir, neu ko hambu nekemboꞌik; pokek kara, neu ko bisa mete-rita rasafali; mana hambu tuni-ndenik kara, neu ko leo-laꞌo no nekemboꞌik.
25355	LUK 8:41	Numa naa oo hambu hatahori esa nade Yairus boe. Hatahori ia, malangga uma huhule-haradoik nai kota naa. Anan, kada kisek; ina anak, teun salahunu dua. Hatematak ia ana fetok naa namahedi nalan seli ela kada faa maten. Neu Yairus mete-nita Yesus mai, boe ma ana neu sendek luu-langgan neu Yesus matan. Ana noke-hule Yesus neni ndia uman neu, fo tulu-fali ndia ana feton. Neu Yesus nakahuꞌun, boe ma ara laꞌo reni Yairus uman reu. Tehuu hatahori noꞌuk kara oo ta rala neun fo rae tungga boe. Huu naa de ara laꞌok raseseti.
25483	LUK 11:9	Leo naak oo soa-neu hule-haradoik boe. Moke-hule makandoo neu Manetualain; neu ko Ana fee. Sangga makandoo; neu ko Ana natudu dalak. Manggou makandoo; neu ko Ana soi lelesu.
25581	LUK 12:53	Ama bonggik laban ana bonggin; ana bonggik laban ama bonggin. Ina bonggik laban ana bonggin; ana bonggik laban ina bonggin. Ari-inak laban feto-feun; feto-feuk laban ari-inan.”
25616	LUK 13:29	Neu ko hatahori dae-bafok manuma dae-bafok ia buꞌun nara mai, numa ledo toda mai losa ledo tesa; numa kii mai losa kona, ranggatuuk raꞌa-rinu sama-sama rai Manetualain uma mane ina-huun.
25777	LUK 18:20	O bubuluk ena, hetu, Manetualain hohoro-lalanen numa lele uluk mai nae: Boso hohongge-lelena; Boso makanisa hatahori; Boso mamanaꞌo; Boso sakasii pepeko-leleko; ma fee hada-horomatak neu o inam ma o amam.”
25975	LUK 22:42	“Papa! Mete ma Papa nau, na, piru heni doidosok ia dook ka numa Au mai. Tehuu boso tungga Au hihii-nanaung; naa fo tungga kada Papa hihii-nanaun mesa kana.”
26118	JHN 1:5	Manggaledok naa, saꞌan tora maso neni makiuk neu; ma makiuk ta bisa nakatataka nala Manggaledok naa. Huu Manggaledok naa, nasaꞌa nakandoo.
26262	JHN 4:37	Hatahorir rae, ‘Hatahori esa sele-tande bini-nggees; hatahori laen nakabubua ndia buna-boan.’ Naa, ndaa naa.
26534	JHN 9:25	Hatahori fo mana poke nitak naa naselu nae, “Papa sara boso mamanasa ee! Au ta bubuluk mete ma Ndia naa, hatahori manggarauk do taa. Au bubuluk no tetuk, fai bakahulun au pokek; tehuu hatematak ia au bisa mete-ita ena.”
26713	JHN 13:14	Tehuu mete ma ei Mesem ma Lamatuam ia, safe eim mara ena sama leo hatahori neondak esa, na, talo bee neu ei? Ei oo muste maono-lalau esa mbali esa boe; haꞌi netuduk leo: ei oo esa no esa muste masafe eik boe.
26757	JHN 14:20	Ma neu faik fo Au asoda fali numa mamates mai ena, neu ko ei bubuluk tebe-tebe mae, Au akaesa ua Au Amang; ei makaesa mia Au; ma Au oo akaesa ua ei boe.
27012	ACT 1:20	Petrus kokolak nakandoo bali nae, “Lele uluk mane Dauk surak memak talo naa nai susura Sosoda Kokoa-kikiok kara ena. Ana surak nae, ‘Elan numa naa fo mamana leleon naa, dadi neu mamana nees; ta bole hambu hatahori leo nai naa bali.’ Boe ma ana surak seluk nae, ‘Ela leo bee na ndia uen naa, ara fee lalin neni hatahori laen neu leo.’
27015	ACT 1:23	Neu Petrus kokolak basa talo naa, boe ma hatahorir fo mana tungga rakabua ruma naa, fee nadek dua. Esa nade Matias ma esa bali nade Yusuf (fo ara rasiꞌe roken rae, Barsabas; naden esa bali, ndia Yustus).
27016	ACT 1:24	Boe ma ara hule-haradoi rae, “Amak mana nai nusa tetuk do inggu temak! Amak bubuluk tebe-tebe basa hatahori dalen. Yudas mate laꞌo ela ndia ue-osan ena. De Amak matudu fee ai basa ngga numa hatahori kaduak kara ia mai see ndia Amak here nggati neu Yudas; fo ai soꞌun dadi neu Lamatuak Yesus nedenun.”
27028	ACT 2:10	Farigia, Pamfilia, Masir, numa Libia deka no kota Kerene; boe ma ita ketuk ruma kota Roma mai; ketuk bali ruma pulu Kereta, ma ruma dae Arab mai. Ita ketuk hatahori Yahudir, ma hambu ketuk ruma hatahori nusa-nusak laen mai, fo ara oo maso anggama Yahudi ena boe. Tehuu ita basa ngga tamanene hatahori iar kokolak pake ita esa-esak dedeꞌan, laꞌe-neu basa hata fo ta hohoꞌak, fo Manetualain taok ena. Awii! Ita heran talan seli!”
27037	ACT 2:19	Neu ko Lamatuak Fain losa. Faik naa ta bei mai, tehuu Au tao akahuluk tanda heran nara rai lalai lain. Tanda heran ndia leo ledo dadi makiuk; ma bulan oo dadi mbilas sama leo daak boe. Au oo ae tao dedeꞌa ta hohoꞌak kara nai dae-inak dae boe. Dedeꞌak kara raa, nok bali daak, aꞌi mbilak, ma aꞌi masu bubuak kara hene lain reu. Neu ko losa Lamatuak fai ta hohoꞌan nara raa, hatahori fo nanggou noke tutulu-fafalik neu Lamatuak, sira raa ndia hambu masoi-masodak.’ ” Naa, ndia lele uluk Yoel surak kana ena.
27044	ACT 2:26	Huu naa de au daleng namahoko; de au koa-kio akandoo soa-neun, ma au matu-matu ahani a neu Lamatuak leo.
27116	ACT 4:25	Lele uluk Manetualain Dula-dale Malalaon pake baꞌi Dauk dadi neu Manetualain mana toꞌu dedeꞌan ena. Ana nafada memak nae, neu ko hatahori laban Yesus. Ana surak nae: ‘Hatahori numa nusa-nusak laen nara ramanasa ena, nahuu dedeꞌa anik; Ara kada tao lelik, fo adu dedeꞌa huu-suꞌu taak.
27117	ACT 4:26	Manek kara marai dae-bafok ia rakabua fo rae ratati laban Lamatuak; ma malanggan nara rala harak fo reu laban Manetualain no Karistus, ndia Hatahori fo Manetualain henggenee memak kana numa lele uluk mai ena.’
27217	ACT 7:32	‘Au ia, o bei-baꞌim mara Manetualain; ndia baꞌi Abraham, baꞌi Isak, ma baꞌi Yakob Manetualain.’ Musa namanene nala naa, boe ma ana namataꞌu nalan seli losa ana dere faku-faku, ma ana ta nambarani botik matan fo mete ai huuk fo aꞌi naꞌak naa.
27471	ACT 13:40	Huu naa de ei muste duꞌa matalolole. Boso losak, hata fo Manetualain mana toꞌu dedeꞌan lele uluk kara rafada ena, tuda laꞌe ei. Ara surak ena rae, ‘Besa-besa ei hatahori mana makatitiik kara fo soa mete hatahori no kada pui a! Huu Au, Manetualain, tao sudi hata fo hatahorir heran bali-bali; tehuu neu ko ei simbo mala ei babaꞌem, fo ei mate ndua hadak. Au tao dalak esa neu ei bei masodak, tehuu ei ta nau simbok. Leo mae hatahorir rafada ena oo, ei ta nau malela boe. Malole lenak ei duꞌa matalolole dedeꞌak kara iar, mita fo ei oo heran boe.’ Dadi toranoo nggara ein. Duꞌa matalolole hata fo au afada bebeik kara ena. Boso nggari heni hata fo ei mamanene malan bebeik kara ia ena, sama leo hatahori mana makatitiik kara tatao-nonoꞌin. Au kokolang baꞌu kada naa. Makasi noꞌuk ka.”
27487	ACT 14:4	Boe ma hatahorir maruma kota naa rabaꞌe dadi reu bubuak dua. Bubuak esa tungga hatahori fo nemeheheren neu anggama Yahudi matea ndoos; ma esa bali na, ara tungga rahere rook Lamatuak nedenun nara. Hatahori bubuak kaduak kara raa rareresi rakandoo.
27564	ACT 16:12	Numa naa mai, ai laꞌo tungga mada lai meni kota moꞌok esa miu, nade Felipi. (Felipi naa, kota kaneas nai profensi Makedonia; man-parenda Roma oo toꞌu koasa nai naa boe.) Ai leo faik hida numa naa.
27664	ACT 19:10	Paulus nanori sara talo naa, losa teuk dua; losa hatahorir maruma profensi Asia katematuan ramanene rala Lamatuak Yesus Tutui Malolen ena. Mana mamanenek kara raa, hatahori Yahudi ma hatahori ta Yahudi boe.
27671	ACT 19:17	Basa boe ma dedeꞌak naa natanggela numa bafak mai neni bafak neu, losa basa hatahorir marai kota Epesus bubuluk; hatahori Yahudir, ma hatahori ta Yahudir oo bubuluk boe. Kekeꞌun, see a mesan fo namanene dedeꞌak naa, ara dadi ramataꞌu ma heran. Boe ma ara koa-kio Lamatuak Yesus, nahuu Ana fee koasa moꞌok neu Paulus ena.
27698	ACT 20:4	Hambu hatahori bubua anak esa tungga Paulus. Ndia Timotius; papa Pirus anan Sopater numa kota Berea mai; hatahori dua ruma kota Tesalonika mai, nade Aristarkus ma Sekundus; hatahori esa numa kota Derbe mai, nade Gayus; ma hatahori dua ruma profensi Asia mai, ndia Tikikus ma Trofimus.
27757	ACT 21:25	Tehuu soa-neu hatahori ta Yahudi fo namahere neu Lamatuak Yesus ena, ita haitua susurak fee sara ena. Ita tafada ita nekeketun fai maneuk kara naa ena tae, sira ta parluu tungga basa ita hatahori Yahudi hohoro-lalanen lalaꞌen. Hata fo ara muste rasanedak fo tao tunggan, ndia: Boso laꞌok sala mia ta ei sao toum do ta sao inam. Boso mabali mia bua sosonggok, ma boso miꞌa hata fo tao nunute toranoo Yahudir. Ndia: boso miꞌa mbaa sosonggok; boso miꞌa mbaa daa; ma boso miꞌa mbaa banda neni hese nisak fo daan ta kalua heni sana.”
27825	ACT 23:23	Basa boe ma komedan naa noke soldadu pangga moꞌok dua. Ana fee parenda neu sara nae, “Sadia mala soldadu anak natun dua; ma soldadu mana saꞌe ndara hitu hulu; ma soldadu mana toꞌu tee natun dua. Ei laꞌo memak liꞌu sio leꞌodaen ia, meni kota Kesarea miu.
27895	ACT 26:4	Mulai numa kadiꞌi anang mai, ara ranori au ena fo leo-laꞌo tungga ita hatahori Yahudir dala-hadan. Makasososan au hambu nenorik numa au nggorong; basa boe ma au uu fo sakola tamba numa Yerusalem bali. Hatahori Yahudir marai Yerusalem mara bubuluk au leleo-lalaꞌong, ma ara ralela tebe-tebe au.
27982	ACT 28:15	Neu Yesus hatahorin nara marai Roma ramanene rae, ai mae meni naa miu, boe ma ara mai soru ai numa dalak. Ketuk ratonggo ro ai numa Pasar Apius; ketuk bali ratonggo ro ai numa mamanak esa, nade Uma Hahae Teluk. Neu Paulus mete-nita sara, boe ma ana noke makasi noꞌun seli neu Manetualain, ma dalen dadi natea.
27994	ACT 28:27	Huu hatahori nusak ia dalen nara ratea ralan seli ena. Ndiꞌi doon nara ta nau ramanene ena! Ma sira matan nara rapopoke risak kasa ena! Ela sara ruma naa fo hae ramanene bali; Ma ela sara ruma naa fo matan nara hae mete-rita bali. Ma ela sara ruma naa fo dalen nara makiuk seku neu. Losa ara ta bubuluk dalak fali neni Au mai bali. De talo bee fo Au bisa tao alole sara bali?’ ”
28274	ROM 10:18	Au atane sudik, talo ia: fama te ei duꞌa mae, hatahori Israꞌel asa ta ramanene rita laꞌe-neu Karistus, do? Ara ramanene ena! Sama leo neni surak nai Manetualain Susura Malalaon numa lele uluk mai nae, “Manetualain mana toꞌu dedeꞌan hara hehelun laꞌe-neu Lamatuak natanggela ndule dae-bafok katematuan ena; Sira dedeꞌa-kokolan losa dae-bafok buꞌun nara ena.”
28322	ROM 12:9	Mete ma ei matudu susue-lalaik neu hatahorir, na, matudu susue-lalaik tetebe ndoos; boso dea-matak. Masadea laꞌo ela basa hata fo manggarauk, ma toꞌu mahere basa hata fo neulauk.
28325	ROM 12:12	Ei dalem mara muste ramahoko hatu-leledon, huu ei bubuluk mala ena, hata fo Lamatuak helu-bartaa nae fee ei. Makatataka, mete ma hambu susa-sonak. Hule-haradoi hatu-leledon; boso manggu.
28338	ROM 13:4	Hatahori mana toꞌu parendar, sira iar ndia Manetualain here nala sara fo raono-lalau ei. Tehuu mete ma ei tao salak makandoo, malole lenak ei besa-besa leo! Huu ta hie-hie ara raena haak fo fee hukun neu ei. Sira iar, sama leo Manetualain hatahori neondan fo fee hukun neu hatahori fo mana tao manggarauk kara. Huu Manetualain ta simbok hata ndia manggarauk fo hatahorir taok; Ana namanasa sara.
28343	ROM 13:9	Hohoro-lalanek kara raa rae, “Boso hohongge-lelena; boso makanisa hatahori; boso mamanaꞌo; boso dale hedi hatahori laen hata-heton,” ma laen bali. Mete ma nau tao tungga basa Hohoro-lalanek kara, na, muste tao tungga Hohoro-lalanek esa ia, ndia nae, “O muste sue hatahori laen nara, sama leo sue neu o ao heli-helim.”
28746	1CO 13:13	Dadi hatematak ia, hambu dedeꞌak telu ndia ita muste tao tunggan takandoo. Ndia: ita muste tamahere takandoo neu Lamatuak; ita muste tamahena takandoo tae, neu ko Ana koladu basa-basan dadi malole; ma ita muste tasue-lai takandoo. Numa dedeꞌa kateluk kara iar mai, susue-lalaik, ndia nenenin lenak. Huu susue-lalaik ndia lolen lena heni basa-basan.
28827	1CO 15:41	Nai lalai, ledo ta hohoꞌan laen; bulan ta hohoꞌan laen; ma nduuk kara oo, ta hohoꞌan nara laen boe. Esa-esak no ndia mata-aon. Esa-esak no ndia ta hohoꞌan. Dadi basan ta hohoꞌak kara, hetu?
28850	1CO 16:6	Basa naa, dei fo au nau leo taak ua ei dook ka faa; fama te losa fai makasufuk katemak esa. Basa boe ma ei bisa mia au losa mamanak esa bali.
28911	2CO 3:2	Huu ai susura nekelalaꞌon hambun ena. Susurak naa, ndia ei mesa ngga. Ai malela dedeꞌak noꞌuk ka laꞌe-neu ei leleo-lalaꞌom. Dedeꞌak kara raa neni mbedak nai ai dalen ena. Basa hatahorir bisa lees ei leleo-lalaꞌom; numa naa mai ara ralela ai ue-tataon buna-boan.
28974	2CO 6:8	Ai oo makatataka boe, leo mae hatahorir ratudu hada-horomatak neu ai, do, ara kokolak rakabobook ai naden; leo mae ara kokolak rakatutudak ai, do, ara ranea ai nade malolen; leo mae hatahorir kokolak bafa rouk rae, ai kedi-ira mala hatahorir, do, ara kokolak rae, hambu ai kokolak tetebes.
28984	2CO 6:18	Au nau dadi uu ei Amam; ei oo dadi miu Au anang nggara boe. Naa ndia, ita Lamatuan nafada nae, Ndia, ndia mana Koasa Mateꞌen.”
29007	2CO 8:7	Ei leleo-lalaꞌom soa-neu Lamatuak memak neulaun seli. Haꞌi netuduk leo: ei nemeheherem, matea; ei kokolam fo matetea hatahori dalen, neulauk; ei bubuluk noꞌuk ka laꞌe-neu Lamatuak; ei dale team mandema; ma ei sue-lai malan seli neu ai. Huu naa de au nau fo ei oo, doi-sou Lamatuak hatahorin mana hambu susa-sonak no fee doik noꞌun seli boe.
29344	EPH 4:5	Ita Lamatuan fo mana naena haak parenda ita, kada esak ka; Ita tamahere kada dalak esak ka fo ita bisa mole-dame to Ndia. Ma ita basa ngga simbo sarani, fo dadi takaesa to Ndia.
29582	COL 2:21	“Boso toꞌu ia; boso miꞌa naa; boso mafaroe ia.”
29589	COL 3:5	Huu naa de ei muste nggari heni ei hihiim fo mana hii tao kada manggarauk kara. Haꞌi netuduk leo: dale hii makaminak mia hatahori fo ta o saom; dale hii tao hata fo manggenggeok kara; dale hii tao tungga ao-mbaak hihii-nanaun; dale hii tao manggarauk mata-matak kara; ma dale hedik fo nau basan dadi neu kada o enam, (naa te, naa sama leo o songgo-tanggu, huu o makadedemak dedeꞌak laen, fo seti heni Manetualain).
29592	COL 3:8	Tehuu hatematak ia, ei muste nggari heni basa ei dalem mana hii tao manggarauk lalaꞌen. Haꞌi netuduk leo: hii mamanasa; dale katobik; mbeda dalek; kokolak makabobook hatahori nade malolen; ma bafa sesesu taak.
29595	COL 3:11	Nai masoda beuk ia dale, ita ta bisa henggenee hatahori numa kada rou dean mai tae, sira raa, hatahori Yahudir do, hatahori ta Yahudir; hatahori mana sunat do, hatahori ta mana sunat; hatahori feꞌek do, hatahori ta mana malela hadak do; ata-dato do, ta ata-dato. Naa, nenenin taa! Tehuu nenenin lenak ndia, mete ma ara rakaesa ro Karistus, ma mete ma Ana nasoda nai sira dalen.
29839	1TI 5:9	Mete ma nau soꞌu ina falu fo sou malanggan nai saranik uen nara dale, ndia dudu-furan talo ia: teun nara tabole kuran numa nee hulu mai; fai bakahulun ana leo-laꞌo dalen mahanik neu kada sao touk esa;
29840	1TI 5:10	hatahori ralelan, huu ana soa tao neulauk neu hatahori laen nara; ana nakaboi natalolole anan nara; liman makambelak fo naono-lalau hatahori laen nara; ana tulu-fali hatahori kamaherek kara no tao ue-osa dakuk kara; ana soa tulu-fali hatahori manai susa-sonak dale; ma ana soa nahani a fo tulu-fali nai hata fo neulauk dale.
29967	TIT 1:8	Hatahori mana makalalaꞌok saranik kara, ara muste nau simbok hatahorir nai uman nara no lima nekembelan. Ara muste hii kada neulauk; muste matu-matuk, fo ta mbeu seserik, fo dale lolo-laok, ma bisa nakatataka nala aon.
30006	PHM 1:1	Susurak ia numa au mai, Paulus. Au nonoong Timotius oo haitua hara masodak boe. Sadi kaꞌa bubuluk, ara oka au nai bui ia, nahuu au afada hatahorir laꞌe-neu Yesus Karistus. Au surak susurak ia fee o, Filmon, fo ai sue-lain ma dadi neu nonook mana naue-osa sama-sama no ai;
30007	PHM 1:2	fee kaꞌa inak Apfia, fo ai taon leo ai toranoon; fee Arkipus, mana naote tingga-tingga sama-sama no ai nai ue-osa ia; ma soa-neu saranik kara fo mana rasiꞌe rakabua hule-haradoi nai o umam.
30112	HEB 6:1	Dadi ei muste manori nenori malelak lenak bali, nahuu ei manori mala nenorik oka-huun nara laꞌe-neu Karistus dook ka ena. Huu naa de hatematak ia, hae manori laꞌi-laꞌik ka nenorik oka-huun laꞌe-neu hatahori muste laꞌo ela sira sala-singgon nara; nenorik laꞌe-neu hatahorir ramahere neu Manetualain;
30113	HEB 6:2	nenorik laꞌe-neu sarani; nenorik laꞌe-neu ndae limak fo simbok Manetualain Dula-dale Malalaon; nenorik laꞌe-neu Manetualain neu ko tao nasoda falik hatahori mates; ma nenorik laꞌe-neu hatahorir neu ko rasare mbali Manetualain fo simbok neketu-neladin nae, see ndia bole nasoda nakandoo no Ndia, ma see ndia taa.
30256	HEB 11:17	Baꞌi Abraham oo namahere tebe-tebe Manetualain boe, neu Manetualain fora ndia nemeheheren. Huu naa de ana tungga Manetualain parendan fo loo lima ndia anan Isak dadi tunu-hotuk. Naa te fai bakahulun Manetualain helu-bartaa basa laꞌe-neu kanak naa ena nae; “Numa o anam Isak ia mai; neu ko o hambu tititi-nonosik noꞌun seli; losa dadi neu hatahori nusak ta hohoꞌak esa.”
30508	1PE 3:17	Mete ma naa tungga Manetualain hihii-nanaun, na, boso lilii-ndondou te malole lenak ei hambu susa-sonak nahuu tao hata fo ndoos; boso huu ei tao salak.
30594	2PE 3:5	Tehuu hambu dedeꞌak esa fo hatahori mana masapepekok kara ta nau rasaneda ralan. Ndia, numa makasososan mai Manetualain kada kokolak a mesan, de lalai hambu memak kana. Boe ma Manetualain nakadadadik oe. Basa de Ana bingga feꞌe oe numa mada lai mai, boe ma nakadadadik mada lai sou numa oe mai. Manetualain kokolak nae leo bee ena, na, naa hambun neuk ka leo. Doo-doo boe ma Manetualain pake faa moꞌok fo nakalulutu heni basa hatahorir marai dae-bafok ia; mana rasoda rai Noh lelen. Tehuu hatematak ia, Manetualain nafada memak hata fo Ana nae taon neu lalai no dae-inak. Hatematak ia Ana bei nakatataak kana, tehuu neu ko ndaa no fain, Ana nae hotu heni sara. Neu ko Manetualain natuda huku-dokik fo nakalulutu heni basa hatahorir fo ta mana nau tao matak neu Ndia. Leo mae talo naa, tehuu hatahori masapepekok kara raa ta nau rasaneda rae, neu ko Manetualain tao tungga hata fo Ana kokolak ena.
30633	1JN 2:16	Hata fo manai dae-bafok ia, ta natoꞌu no Manetualain. Haꞌi netuduk leo: hatahori fo mana leo-laꞌo tao namahoko ndia ao heli-helin; hatahori fo mana bare-naꞌo sudi hata; ma hatahori fo mana koa aon nahuu kamasuꞌik. Dedeꞌa leo naak kara ta raoka nai Amak Manetualain. Ara raoka nai kada dae-bafok ia.
30752	JUD 1:12	Mete ma hatahori iar rakabua ro ei fo masaneda Manetualain susue-lalain, neu ei miꞌa-minu sama-sama, na, ara ta rameda mae ro sira bare-naꞌon. De ei muste besa-besa, ee! Sira iar nok bali batu unuk nai tasi dale fo nakalulutu ofak. Ara oo sama leo sosoꞌa nggeok nai dae madak lain boe, te ta natuda soba udan faa boe na. Ara kada kokolak raloloa bafan, tehuu ta tao hata-hata fo neulauk. Ara nok bali ai huuk fo ta naena sosoak faa boe na. Neu fai neboak, ara ta fee boak esa boe na; naa te neni feꞌa henik losa okan nara ena.
30829	REV 3:15	Au mete-ita ei tao hata nai Laodikea naa ena. Tehuu eir ia, talo bee? Katobik, taa; makasufuk oo taa boe. Mete ma katobik, na, katobi ndoos! Mete ma makasufuk, na, makasufu ndoos!
30867	REV 6:6	Basa boe ma au amanene nok bali harak esa numa horis ta hohoꞌak kahaak kara raa talada heon mai. Harak naa nafada nae, “Neu ko hambu fai ndoe-laꞌas ta hohoꞌak nai dae-inak. Hatahori nggadin faik esa, dai kada hasa isik mok telu; isi neulauk, na, hambu kada mok esak ka. Tehuu neu fai ndoe-laꞌas naa losa ena, ta bole tao risa ai setun ma ai anggor rai osir dale.”
30883	REV 7:5	Numa leo Yahuda mai, hambu hatahori 12.000; leo Ruben, hatahori 12.000; leo Gad, hatahori 12.000;
30884	REV 7:6	leo Aser, hatahori 12.000; leo Naftali, hatahori 12.000; leo Manase, hatahori 12.000;
30885	REV 7:7	leo Simeon, hatahori 12.000; leo Lewi, hatahori 12.000; leo Isaskar, hatahori 12.000;
30886	REV 7:8	leo Sebulon, hatahori 12.000; leo Yusuf, hatahori 12.000; ma numa leo Benyamin mai, hatahori 12.000.
31151	REV 22:2	Boe ma ana faa neni okofoo moꞌok taladan manai kota naa neu. Nai lee naa tatain beke serik, hambu ai huuk esa neni masodak. Ai huuk naa, teuk esa naboa laꞌe salahunu dua; bulak esa, laꞌe esa. Doon bisa dadi neu modo-aidoo, fo tao nahai hatahori nusa-nusak kara marai dae-inak.