45	GEN 2:14	Panggek katelun, nade Tigris. Panggek ia dadi too-lane neu dae Asyur boboan dulu. Lee panggek kahaan, nade Efrat.
98	GEN 4:18	Boe ma Henok anan, ndia Irad. Irad anan, Mehuyael. Mehuyael anan, Metusael. Ma Metusael anan, Lamek.
242	GEN 10:7	Kus tititi-nonosin nara, sira Seba, Hawila, Sabta, Raema ma Sabteka. Raema tititi-nonosin nara, sira Syeba ma Dedan.
246	GEN 10:11	Numa naa mai, ana koasa tamba no Asyur. Basa boe ma ana nambaririik kota Niniwe, Rehobot-Ir, Kala,
257	GEN 10:22	Sem tititi-nonosin nara, sira Elam, Asyur, Arpakhsad, Lud ma Aram.
263	GEN 10:28	Obal, Abimael, Syeba,
338	GEN 14:1	Lelek naa, hambu manek haa rakabua, sira: Amrafel, manek nusak Sinear. Ariok, manek nusak Elasar. Kedarlaomer, manek nusak Elam. Ma Tideal, manek nusak Goyim.
342	GEN 14:5	Neu maso teuk ka-14, boe ma manek Kedarlaomer, ma ndia nonoon manek kateluk kara raa, mai ro sira soldadun nara. Boe ma ara ratati rasenggi nusak hida. Sira: hatahori Refaim marai nusak Asterot-Karnaim, hatahori Susim marai nusak Ham, hatahori Emim marai nusak Sawe-Kiryataim,
497	GEN 20:1	Basa boe ma Abraham lali numa Mamre mai, neni dae Negeb manai boboan kona neu, de ana leo numa nggoro Kades ma Syur taladan. Tehuu ta dook ka, boe ma ana lali seluk bali neni nggoro Gerar neu.
528	GEN 21:14	Neu beꞌe-mai huhua-anan, boe ma Abraham tao lepa-nggees fo fee Hagar, ma feen oe boto esa, ana nasalilin neu arun. Basa boe ma ana neu nafuli inak naa no anan Ismael, de ara laꞌo leo. Boe ma ara laꞌok ndule basa dae nees, mana deka nai Beer Syeba.
545	GEN 21:31	Huu dua sara soꞌuk sumba-sook numa naa ena, de ara foi mamanak naa nade Beer Syeba. Sosoa-ndandaan nae, ‘Oe mata Sumba-sook’.
547	GEN 21:33	Basa boe ma Abraham sele ai huu tamariska esa numa Beer Syeba. Mulai numa lelek naa neu, ai huuk naa fee nesenenedak neu Abraham, fo numa naa ana nakaluku-nakatele neu MANETUALAIN mana Masodak Losa Doon Naa Neu.
567	GEN 22:19	Basa boe ma Abraham no Isak konda fali reni ata kaduan nara reu, fo ara fali sama-sama reni Beer Syeba reu. Abraham asa leo nai naa.
573	GEN 23:1	Neu Sara mate, teun nara 127 ena. Neu ana mate naa, Abraham asa leo numa Kiryat-Arba (ndia Hebron) nai dae Kanaꞌan. Abraham buꞌi nakarereu, ma ana beꞌe-falufii saon fo mana matek naa ena.
662	GEN 25:3	Yoksan anan nara, sira: Seba no Dedan. Dedan tititi-nonosin nara, sira: hatahori Asyur, hatahori Etus, ma hatahori Leum.
672	GEN 25:13	Ismael ana toun salahunu dua. Naden nara tungga-tungga numa uluk losa muri anak, sira: Nebayot, Kedar, Adbeel, Mibsam, Misma, Duma, Masa, Hadad, Tema, Yetur, Nafis, ma Kedma. Kakanak kara raa, dadi reu bei-baꞌik ruma hatahori nusa-nusak salahunu dua mai, esa-esak no ndia nusa heli-helin. Ara foi nusak kara raa naden nara, esa-esak tungga sira baꞌin nara naden.
677	GEN 25:18	Tehuu tititi-nonosin nara esa musu no esa. De ara leo sasarak, mulai numa Hawila mai losa Syur, fo mana natoo no nusa Masir, nakandoo losa Asyur.
716	GEN 26:23	Numa naa neu, Isak asa laꞌo bali fo rae reu leo nai Beer Syeba.
726	GEN 26:33	Boe ma Isak foi oe matak naa, nade Syeba, fo sosoa-ndandaan ‘sumba-sook’. De ara foi kota naa nade Beer Syeba, losa hatematak ia.
783	GEN 28:9	De ana neni ama ina-huun Ismael neu, boe ma ana sao nala Ismael anan bali, nade Mahalat. Mahalat naa, Nebayot fadi inan.
784	GEN 28:10	Basa boe ma Yakob laꞌo ela Beer Syeba, de nae neni Haran neu.
1030	GEN 35:18	Neu Rahel sangga nae ketu ani hahaen, boe ma ana foi kanak naa, nade, Ben-Oni, (fo sosoa-ndandaan ‘kanak numa au doidosong mai’). Basa boe ma maten. Tehuu Yakob foi kanak naa nade Benyamin, (fo sosoa-ndandaan ‘kanak lima konak.’)
1036	GEN 35:24	Rahel anan nara, sira: Yusuf no Benyamin.
1044	GEN 36:3	Esau oo sao nala Ismael ana inan, nade Basmat. Basmat kaꞌa toun, nade Nebayot.
1051	GEN 36:10	Esau saon Ada, bonggi nala anak touk esa, nade Elifas. Elifas ana toun nara lima. Sira: Teman, Omar, Sefo, Gatam, ma Kenas. Elifas sao tian, nade Timna. Ana bonggi nala ana touk esa, nade Amalek. Esau saon mana nade Basmat, bonggi nala ana touk esa, nade Rehuel. Rehuel bonggi nala ana touk haa, sira: Nahat, Sera, Syama, ma Misa.
1058	GEN 36:17	Esau anan Rehuel anan nara, dadi mane leo Nahat, mane leo Sero, mane leo Syama, ma mane leo Misa. Sira basa sara raa, Esau no saon Basmat tititi-nonosin.
1065	GEN 36:24	Sibeon anan nara, sira: Aya no Anah. Anah naa, ndia natonggo oe mata katobik numa mamana nees, neu ana lolo aman keledein nara.
1257	GEN 42:4	Tehuu Yakob ta nau mboꞌi Yusuf fadi muri anan Benyamin fo neu sama-sama no sara. Ana duꞌa nae, “Boso losak kanak naa hambu sosoek bali!”
1289	GEN 42:36	Basa boe ma Yakob kokolak no sara nae, “Eir ia tao mamopo au anang nggara ena. Yusuf ta sana ena. Simeon oo leo naak boe. Hatematak ia oo ei mae mia Benyamin bali boe? Eir ia tebe-tebe kada mae tao doidoso au!”
1290	GEN 42:37	Boe ma Ruben kokolak mbali aman nae, “Papa, ee! Loo lima Benyamin neu au leo. Au ndia ataa. Au helu-bartaa, neu ko au ua falik kana neu papa. Tehuu mete ma taa, na, elan fo papa hala heni au ana tou kaduang nggara.”
1291	GEN 42:38	Tehuu Yakob naselu falik kana nae, “Ta bisa! Ei ta bole mia Benyamin. Huu kaꞌan Yusuf maten ena. Hatematak ia ela kada mesa kana. Mete ma ana oo hambu sosoek nai dalak boe, na, ei tao susa-sonak tamba nai au langgang losa au konda uni rates uu.”
1294	GEN 43:3	Tehuu Yahuda naselu nae, “Papa! Fai maneuk kara, manek Masir lima konan naa fee nesenedak nahere neu ai ena nae, ai ta bole matudu matan nara reu ndia, mete ma ai ta mia papa ana muri anan Benyamin!
1295	GEN 43:4	De papa muste fee luas neu fadi Benyamin, fo tungga no ai dei. Dei fo ai nau miu hasa nanaꞌak fee papa.
1296	GEN 43:5	Tehuu mete ma papa ta nau fee Benyamin neu, na, ai oo ta miu boe. Te hatahori Masir naa kokolak talo naa ena na!”
1305	GEN 43:14	Au hule-haradoi fo Manetualain mana Koasa Mateꞌen, oꞌofe-fafae manek Masir lima konan naa, fo nameda kasian neu ei. Losa ana nau fee falik Benyamin no Simeon neu ei, fo ei basa ngga fali sama-sama. Tehuu mete ma au anang nggara muste mopo, elan fo au lemba-asaa susa-sonak naa nakandoo leo.”
1306	GEN 43:15	Basa boe ma ara reu rakabubua rala sira fefeen ma doik kara raa, fo reni sara Masir reu. Ara oo roo Benyamin boe. Ara losa naa, boe ma reu rasare Yusuf.
1307	GEN 43:16	Neu Yusuf mete-nita Benyamin no kaꞌan nara, boe ma ana nadenu ndia malangga mana maono-lalaun nae, “Mia hatahorir ia reni au umang reu! Basa naa miu tati sapi esa fo dode-nasu malada-malada. Huu neu ko ara raꞌa nai ledo tetuk ia ro au.”
1320	GEN 43:29	Basa boe ma Yusuf leleuk ndule sara, losa ana mete-nita ndia fadin Benyamin. Sira dua sara ina esa ma ama esa. Boe ma ana nae, “Ooo! Ndia ena, ei fadi muri anam fo ei tuik fai maneuk kara raa ena, do?” Boe ma ana kokolak no Benyamin nae, “Ana, nggee! Au hule-haradoi fo Manetualain fee babaꞌe-babatik noꞌuk ka neu o.”
1321	GEN 43:30	Yusuf mete-nita Benyamin naa, boe ma dalen hii nalan seli fo nahindan doo basa ia naa nae mboꞌa dea mai ena. Te ana sue nalan seli neu fadin na. Ana ta bisa nakataka nala dalen ena. Boe ma ana lai-laik laꞌo ela sara, fo maso neni kaman dale neu. De ana buꞌi nasakekedun numa naa.
1325	GEN 43:34	Basa de Yusuf koladu fo ndia mana mafafaꞌu uman nara haꞌi fee kaꞌa-fadin nara nanaꞌak numa ndia mein mai. Basa sara simbo koko babaꞌuk. Tehuu ara tao Benyamin enan, baꞌu lena laꞌe lima numa ndia kaꞌan nara mai. Boe ma basa sara raꞌa-rinu losa poꞌon nara rakabete ralan seli.
1337	GEN 44:12	Malangga mana maono-lalau naa parisa no lutuk karon nara raa esa-esak, mulai numa kaꞌa uluk karon mai, losa fadi murik enan. Boe ma ana mete-nita moo lilo fulak naa numa Benyamin karon dale.
1338	GEN 44:13	Benyamin kaꞌan nara mete-rita talo naa, boe ma dalen nara rakalulutu ralan seli. Ara fua falik karon nara raa reni keledei lain reu, de ara lenggu fali reni kota reu.
1371	GEN 45:12	Yusuf nafada basa, boe ma ana kokolak bali nae, “Hatematak ia, ei mete-mita no ei matam ena, hetu? Ma o Benyamin. Au ia, memak Yusuf.
1373	GEN 45:14	Boe ma ana holu nala fadin Benyamin, de dua sara buꞌi.
1381	GEN 45:22	Yusuf oo fee sara esa-esak bua-loꞌa beuk pasan esa boe. Tehuu ana fee Benyamin doi fulak 300, no bua-loꞌa beuk pasan lima.
1400	GEN 46:13	Isaskar no anan nara, sira: Tola, Pua, Ayub, ma Simron.
1406	GEN 46:19	Boe ma hambu Yakob saon laen bali, nade Rahel. Ana bonggi nala anak dua, sira: Yusuf no Benyamin.
1408	GEN 46:21	Benyamin oo tungga Masir neu no anan nara boe, sira: Bela, Beker, Asibel, Gera, Naaman, Ehi, Ros, Mupim, Hupim, ma Ared.
1501	GEN 49:27	Benyamin! O paranim sama leo busa fui mana lakamarak. Bei huhua anak, te ana neu sombu ena fo humu nala ndia nanaꞌan. Mete ma leꞌodae, na, ana neu babaꞌe nanaꞌa lenan nara fee anan nara. O tititi-nonosim oo ta hohoꞌak talo naa boe!”
23219	MAT 1:6	Isai bonggi nala Dauk. Numa Dauk mai losa lelek naa, fo hatahori Israꞌel asa neni nggari henik kara reni Babel reu, hambu dombe salahunu haa bali, sira: Dauk bonggi nala Soleman (Soleman inan ndia, bakahulun Uria saon). Soleman bonggi nala Rehabeam, Rehabeam bonggi nala Abia, Abia bonggi nala Asaf, Asaf bonggi nala Yosafat, Yosafat bonggi nala Yoram, Yoram bonggi nala Usia, Usia bonggi nala Yotam, Yotam bonggi nala Ahas, Ahas bonggi nala Heskia, Heskia bonggi nala Manase, Manase bonggi nala Amos, Amos bonggi nala Yosias, Yosias bonggi nala Yekonya no fadin nara, neu lelek fo neni nggari henik kara reni Babel reu.
23225	MAT 1:12	Neu ara neni nggari henik kara reni Babel reu losa Yesus, hambu dombe salahunu haa bali, sira: Yekonya bonggi nala Saltiel, Saltiel bonggi nala Serubabel, Serubabel bonggi nala Abihut, Abihut bonggi nala Elyakim, Elyakim bonggi nala Asor, Asor bonggi nala Sadok, Sadok bonggi nala Akim, Akim bonggi nala Eliut, Eliut bonggi nala Eliasar, Eliasar bonggi nala Matan, Matan bonggi nala Yakob, boe ma Yakob bonggi nala Yusuf. Yusuf naa, sao nala Maria. Maria naa, ndia bonggi nala Yesus Karistus.
23235	MAT 1:22	Dedeꞌak ia dadi talo naa, nahuu Manetualain nafada memak kana numa lele uluk mai ena. Ana pake nita Ndia mana toꞌu dedeꞌan Yesaya fo surak nae,
23264	MAT 3:3	Lele uluk Manetualain mana toꞌu dedeꞌan esa, nade Yesaya surak laꞌe-neu Yohanis nae, “Neu ko hambu hatahori eki nai mamana nees nae, ‘Basa hatahorir sadia memak tao matalolole dalak, fo soru Lamatuak mamain! Tao matetu dalak kara soa-neun!’ ”
23292	MAT 4:14	No dalak naa, Ana tao tungga hata fo Manetualain mana toꞌu dedeꞌan Yesaya surak memak kana ena nae,
23431	MAT 8:17	Ana tao basa iar, tungga hata fo Manetualain mana toꞌu dedeꞌan Yesaya surak memak kana nae, “Ana tao nahai ita hedin nara. Ma Ana nasaa nala ita doidoson.”
23532	MAT 11:4	Yesus namanene nala naa, boe ma Ana naselu nae, “Ei mesa ngga mamanene ena ma mete-mita ena. De fali miu ngga fo tui kaꞌa Yohanis mae, basa-basan dadi ena tungga hata fo Manetualain mana toꞌu dedeꞌan Yesaya surak memak kana ena nae:
23575	MAT 12:17	Ana tao talo naa, tungga hata fo Manetualain nafada neu Ndia mana toꞌu dedeꞌan Yesaya ena nae,
23622	MAT 13:14	Sira iar sama leo hatahorir fo Manetualain mana toꞌu dedeꞌan Yesaya surak kana ena nae, ‘Neu ko ei mamanene, tehuu ei ta nau bubuluk. Neu ko ei mete-mita, tehuu ei ta nau malela hata fo mandadik ena.
23697	MAT 14:31	Yesus loo liman tutik ka no lai-laik, de toꞌu nala Petrus liman. Ana kokolak nae, “Ayii, Peꞌu, ee! Tao hata de o dalem nabaꞌek? O ta mamahere tebe-tebe neu Au, do?”
23709	MAT 15:7	Huu naa de bebeik kara ia Au kokolak ena ae, eir ia, hatahori mana kokolak laen, tao laen! Naa, ndaa no hata fo Manetualain mana toꞌu dedeꞌan Yesaya surak memak laꞌe-neu ei numa lele uluk mai ena! Ana surak nae,
24126	MAT 26:3	Faik naa, malangga anggama Yahudi malanggan nara ma lasi-lasi hadak kara rakabua numa Kayafas uman. Kayafas naa, ndia malangga anggama Yahudi malangga ina-huun.
24180	MAT 26:57	Basa boe ma hatahorir mana humu Yesus raa, roo Yesus neni malangga anggama Yahudi malangga ina-huun Kayafas uman neu, nahuu hatahori moꞌo-inahuuk kara rakabua rai naa ena. Sira ndia malangga anggama Yahudi malanggan nara, meser anggamar, ma lasi-lasi hadak kara.
24286	MRK 1:2	Yesus bei ta mulai Ndia ue-osan, te Manetualain nadenu hatahori esa, nade Yohanis, fo nakahuluk buka dalak soa-neu Yesus mamain. Lele uluk Manetualain pake Ndia mana toꞌu dedeꞌan esa ena, nade baꞌi Yesaya. Ana surak memak kana ena nae: “Nenene, ee! Au adenu Au hatahoring esa fo neu buka dalak fee O.
24538	MRK 7:6	Tehuu Yesus naselu nae, “Eir ia, memak hatahori mana kokolak laen, tao laen. Numa lele uluk mai baꞌi Yesaya surak Manetualain hara hehelun ena nae, ‘Hatahorir ia koa-kio Au, no kada bafan nara, tehuu ta no dalen nara. Ara tao talo naa oo, naa kada hie-hie a mesan boe. Ara ta tao matak Au hihii-nanaun, tehuu ara tungga kada hatahori dae-bafok hihii-nanaun.’ Ei oo sama leo naak boe.
25095	LUK 3:1	Faik naa, Tiberius dadi neu mane ina-huuk mana toꞌu parenda numa Roma teuk salahunu lima ena. Pontius Pilatus dadi neu nggubenor numa profensi Yudea. Herodes dadi neu nggubenor numa profensi Galilea. Herodes kaꞌan Felipus dadi neu nggubenor numa profensi Iturea ma profensi Trakonitis. Ma Lisanias dadi neu nggubenor numa profensi Abilene. Faik naa oo Hanas ma Kayafas dadi reu malangga anggama Yahudi malangga ina-huun nai kota Yerusalem boe. Faik naa, Yohanis fo Sakaria anan naa, leo numa mamana nees dook ka numa nggorok mai. Numa naa Manetualain feen hara heheluk.
25098	LUK 3:4	Lele uluk Manetualain mana toꞌu dedeꞌan baꞌi Yesaya surak laꞌe-neu Yohanis ia nae, “Hambu hatahori nai mamana nees eki nae, ‘Basa hatahorir mahehere tao malole dalak fo simbok Lamatuak mamain! Tao matetetu dalak fo simbok kana.
25124	LUK 3:30	Lewi aman, Simeon. Simeon aman, Yahuda. Yahuda aman, Yusuf. Yusuf aman, Yonam. Yonam aman, Elyakim.
25125	LUK 3:31	Elyakim aman, Melea. Melea aman, Mena. Mena aman, Matata. Matata aman, Natan. Natan aman, Dauk.
25149	LUK 4:17	Boe ma ara loo feen baꞌi Yesaya susuran. Ana buka susurak naa de sangga lalanek, ma lees nae,
25286	LUK 7:22	Basa boe ma, Yesus nafada Yohanis ana nunin nara nae, “Ei fali miu mafada kaꞌa Yohanis, basa hata fo ei mamanene malan ma mete-mitan no mata heli-helim ena, sama leo Manetualain mana toꞌu dedeꞌan Yesaya surak nae, ‘Hatahori pokek, mete-nita. Hatahori ei kekok, nambadeik laꞌo-laꞌo. Hatahori hedi kusta, dadi nambalao. Hatahori mbakek, namanene. Hatahori mates, nasoda fali numa mamates mai. Hatahori kasian namanene Hara Lii Malole.’
25970	LUK 22:37	Huu hatahori Yahudir tao Au, leo hatahori manggarauk. Doo-doo faa bali te ara mai humu Au. Sama leo hata fo baꞌi Yesaya surak memak kana ena nae: ‘Ara taon sama leo hatahori manggarauk!’ ”
26136	JHN 1:23	Boe ma ana kokolak tungga hata fo baꞌi Yesaya surak nita nae, “Au ia, ndia hatahori mana bolu nai mamana nees nae, ‘Basa hatahorir sadia tao neulau dalak kara, fo simbok Lamatuak mamain! Tao matetu dalak kara fo soru Ndia.’ ”
26641	JHN 11:49	Teuk naa, Kayafas ndia dadi neu malangga anggamar malangga ina-huun. Ana kokolak nae, “Nggoa bebek kara ein, ee! Ei ta bubuluk hata-hata!
26643	JHN 11:51	Kayafas ta kokolak tungga ndia hihiin mesa kana. Te Lamatuak pake ndia bafan, nahuu teuk naa, ana dadi malangga anggamar malangga ina-huun. Huu naa de Kayafas nafada memak nae, neu ko Yesus mate soa-neu basa hatahori Yahudir.
26645	JHN 11:53	De mulai numa faik fo Kayafas kokolak naa mai, hatahori Yahudi malanggan nara duduꞌa fo rala harak rae tao risa Yesus.
26687	JHN 12:38	Naa, sama leo Manetualain mana toꞌu dedeꞌan Yesaya nafada nita memak kana nae, “Lamatuak, ee! Ta hambu hatahori mana namahere neu ai kokolan! Leo mae Lamatuak natudu Lamatuak koasan ena, tehuu hatahorir tao leo bali ta mete-rita hata-hata na!”
26688	JHN 12:39	Huu naa de hatahori Yahudi ketuk ta bisa ramahere Lamatuak hatematak ia, sama leo Yesaya surak nai mamanak laen nae,
26690	JHN 12:41	Yesaya kokolak talo naa, nahuu ana mete-nita Yesus ta neni babanggan ena, de ana tui memak laꞌe-neu Yesus.
26867	JHN 18:13	Boe ma ara renin nakahuluk neni Anas neu. Anas naa, ndia Kayafas ari-aman. Teuk naa, Kayafas dadi neu malangga anggama Yahudir malangga ina-huun.
26868	JHN 18:14	Kayafas ia, ndia fee nita nenori-nefadak neu hatahori Yahudi malanggan nara nae, “Malole lenak soa-neu ei, mete ma hambu kada hatahori esa ndia mate nggati basa hatahorir.”
26878	JHN 18:24	Basa boe ma Anas nadenu ro Yesus neni Kayafas neu, fo mana dadi anggama Yahudi malangga ina-huun. Neu ara roon neu naa, bei neni futuk.
26882	JHN 18:28	Neu bei huhua anan, ara leꞌa roo Yesus numa Kayafas mai, fo reni nggubenor uma man-parendan nai soldadu Romar kota batun reu. Hatahori Yahudir mesa kasa ta maso reni hatahori Roma mamanan reu, huu naa tao nanggenggeo sara, fo ara ta bisa raꞌa feta Paska.
27097	ACT 4:6	Ma malangga anggama Yahudi malangga ina-huun oo numa naa boe. Naden Hanas. Hatahori moꞌo-inahuuk laen nara ndia Kayafas, Yohanis, Aleksander ma malangga ina-huuk nufanelun laen nara oo ruma naa boe.
27272	ACT 8:27	Felipus namanene nala parenda naa, boe ma ana laꞌo tutik ka. Neu ana bei laꞌok numa dalak naa, boe ma ana mete-nita hatahori esa. Hatahori naa, hatahori moꞌo-inahuuk esa numa nusa Etiopia mai. Ana ndia koladu ina manek Kandake hata-heton lalaꞌen. Ana bei fo hule-haradoi basa numa Yerusalem, de hatematak ia ana fali neu ngga saꞌe kareta. Neu Felipus mete-nitan, ana nanggatuuk lees numa kareta naa lain. Ana lees Manetualain mana toꞌu dedeꞌan baꞌi Yesaya susuran.
27275	ACT 8:30	Neu ana sangga deka ena, boe ma namanene hatahori naa lees numa baꞌi Yesaya susuran mai. De ana natanen nae, “Papa! Papa nalela hata fo papa lees naa, do taa?”
27279	ACT 8:34	Hatahori moꞌo-inahuuk naa lees basa talo naa, boe ma ana natane Felipus nae, “Talo bee? Baꞌi Yesaya ia kokolak laꞌe-ndaa ndia aon do, ana kokolak laꞌe-ndaa hatahori laen?”
27280	ACT 8:35	Boe ma Felipus nanori fee amak ia, Lamatuak Yesus Tutui Malolen. Ana mulai numa Yesaya susuran bebeik kara naa, fo natudun dalak tungga Yesus.
27452	ACT 13:21	Neu Semuel dadi neu Manetualain mana toꞌu dedeꞌan, ita bei-baꞌin nara hihiik ka hambu manek esa dei. De Manetualain soꞌuk nala Kis anan, nade Saul, numa leo Benyamin mai. Saul toꞌu parenda losa teuk haa hulu.
27478	ACT 13:47	Huu Manetualain nadenu ai, sama leo Yesaya surak ena nae, ‘Au soꞌuk ala ei ena, fo dadi sama leo lantera fo neni manggaledok fee hatahori nusa-nusak laen nara, fo hatahori ta Yahudir, naa fo ei tao manggaledo dalak fo mana neni Au mai naa, ma naa fo Au akamboꞌik kasa numa sira sala-singgon nara mai. Ei oo muste matudu dalak naa nai dae-bafok ia numa suꞌun seri mai neni suꞌun seri neu boe.’ ”
27638	ACT 18:12	Lelek naa, ara soꞌuk hatahori esa, fo dadi neu nggubenor numa profensi Akaya. Naden Galio. Hambu hatahori Yahudi hida oo rala harak fo leꞌa roo Paulus neni nggubenor neu numa mamana neole dedeꞌak.
27653	ACT 18:27	Basa boe ma Apolos naketu fo nae neni profensi Akaya neu. Hatahori kamaherek kara maruma Epesus basa sara dalek esa ro ndia hihiin. Basa de ara tao susurak esa fee sira toranoo hatahori kamaheren nara marai Akaya, roke fo ara simbok Apolos no malole. Ana toꞌu nala susurak naa, boe ma ana laꞌo leo. Losa Akaya, boe ma ana tulu-fali tebe-tebe hatahori kamaherek kara maruma naa.
27655	ACT 19:1	Neu Apolos bei numa Korentus manai profensi Akaya, Paulus laꞌo ndule nggorok kara marai letek. Basa boe ma ana losa kota Epesus. Numa naa, ana natonggo no hatahori hida fo ramahere neu Lamatuak Yesus ena.
27675	ACT 19:21	Basa boe ma, Paulus naketu fo fali neni Yerusalem neu. Tehuu ndia dalen hii nalan seli fo nakahuluk neni profensi Makedonia ma profensi Akaya neu, dei fo ana nau laꞌo nakandoo neni Yerusalem neu. Ana duꞌa memak ena nae, “Malole lenak, au uu tiro-dangga hatahori kamaherek kara marai mamanak kara ia dei. Leo mae talo bee oo au muste losa nai kota Roma boe.”
27683	ACT 19:29	Ara ramanene hatahorir kada eꞌekik talo naa, boe ma ara mulai ralai ruma bee a mesan mai, fo reu rakabubua numa naa, losa kota naa sofen seꞌe-seꞌe no hatahorir. Tehuu basa sara panggananaa. Boe ma hatahorir basa sara mulai tao mue-anggik, tungga-tungga dalak, losa nai kota dae moo loan. Ara humu rala hatahori dua, de leꞌa reni sara naa reu. Sira dua sara naden, Gayus ma Aristarkus. Hatahorir humu rala sara, nahuu dua sara iar, Paulus ana nunin nara ruma Makedonia mai.
27698	ACT 20:4	Hambu hatahori bubua anak esa tungga Paulus. Ndia Timotius; papa Pirus anan Sopater numa kota Berea mai; hatahori dua ruma kota Tesalonika mai, nade Aristarkus ma Sekundus; hatahori esa numa kota Derbe mai, nade Gayus; ma hatahori dua ruma profensi Asia mai, ndia Tikikus ma Trofimus.
27992	ACT 28:25	Sira esa nareresi no esa losa ketuk rae fali reu sara. Tehuu Paulus kokolak nae, “Memak ei nereresim ia, ndaa no hata fo lele uluk Manetualain Dula-dale Malalaon nafada baꞌi Yesaya
28250	ROM 9:27	Manetualain mana toꞌu dedeꞌan laen, ndia Yesaya, eki nita laꞌe-neu hatahori nusak Israꞌel nae, “Leo mae hatahori Israꞌel dadi ramanoꞌu ralan seli, nok bali sarakaek manai tasi tataik, tehuu neu ko Manetualain tao nasoi-nasoda kada hatahori baꞌu anak, numa sira sala-singgon nara mai.
28252	ROM 9:29	Lele uluk Yesaya oo nafada memak laꞌe-neu hatahori Yahudir boe nae, “Ita taua, nahuu Lamatuak mana Koasa Mateꞌen, fee luas fo ita tititi-nonosin ketuk hambu masodak. Mete ma ta talo naa, na, ita ketu-maꞌi ena, sama leo hatahori kota Sodom ma kota Gomorar.”