245	GEN 10:10	Dhali monṯel ’pen gi ’peŋkuman bampam piti mo ta Pam Baabil mo dhali Pan Arak mo dhali Pa Akkad mo, aris uni ’baar mo ’kon e mony’cesh gi Pan Shinaar mo.
276	GEN 11:9	Wakan gway piti yuḵu gway ka Baabil mo haali/ Tap̱a tuŋkurki ’twa/ gi mony’ceshi ’baar mo is mo, dhali ’peni mun mo tani Tap̱a ki c̱eker uni bwa eya ris bwam/e gi mony’ceshi ’baar mo.
307	GEN 12:8	Yan’ko’d a’di ki thoṯẖ mo e ’kuwosha turga/ gi mom’pesho’k ki Pam Beeṯ/iil mo dhali a’di ki ṯel gu’b burrinyem piti mo. Pam Beeṯ/iil di’d ka bora luŋgu’b mo dhali Pa Aay di’d ki ’ban gi mom’pesho’k mo. Dhali e mun mo tani a’di ki nyaŋa gwaṯa/ jin miinuwa bas gom Tap̱a mo dhali a’di ki yuḵ gway gi Tap̱a mo.
322	GEN 13:3	Dhali a’di yaki’d ’pena Januub mo ntagi Pam Beeṯ/iil mo e mo jin dikina gu’b burrinyem piti ki monṯel ’pen mo, mo jin diki’di bwaman gi Pam Beeṯ/iil mo dhali gi Pa Ayy mo,
339	GEN 14:2	imaliḵ gwansan miiki mo/as ap̱owa Baara/ jin ta’da maliḵ gi Pan Saduum mo dhala Birshaa/ jin ta’da maliḵ gi Paŋ Gamuura mo dhala Shin/aab jin ta’da maliḵ gi Pa Admah mo dhala Shim/iibar jin ta’da maliḵ gi Pan Sabuyiim mo dhali a’di jin ta’da maliḵ gi Pam Baala/ mo (yansan ita Pan Suugar mo).
345	GEN 14:8	Dhali yan’ko’d mo tani maliḵ gi Pan Saduum mo dhala maliḵ gi Paŋ Gamuura mo dhala maliḵ gi Pa Admah mo dhala maliḵ gi Pan Sabuyiim mo dhala maliḵ gi Pam Baala/ mo (yansan ita Pan Suugar mo), uni iikin ka pije/ mo dhali uni gamki ’twa/ ’kup̱ mo e mo ma mee mo e Embul ma Siddiim mo
396	GEN 16:14	Haali/ a’di wakan mo tani jis yi’de/ yan yuḵkunu gway ka Birlahayru/i mo. A’di di’di bwaman ma Kaadish dhala Baara’d mo.
496	GEN 19:38	Dhali ayim jin ta jiŋ ’ko’d mo a’di si’da/ idho’thki ya/ mo dhali gway piti yerkunu mo ka Ben/ammi mo. A’di yaase ita com gom uc̱i ma Ammuun mo ntagi shwanesan mo be.
528	GEN 21:14	Dhala Ibrahiim cu mis mo mon’thamo/ ka’tum mo dhali bu’th maaŋḵuthu’d mo dhali ḵucaŋ yi’de/ mo dhali a’di ki c̱i ka Haagar mo mmokar ki a’di e ’kup̱a bi ma yim mo dhali a’di ki c̱i ka yima ’ci mo dhali karka ayim ’pen mo dhala ayim a’di yaki’d mo dhali yaki yany c̱a/ mo e mombwaasho e Pam Birsaba mo.
545	GEN 21:31	Gom gwo gi wakan mo a’di iyuḵkunu mo yansan gway ka Birsaba mo, haali/ uni su/ thulki gwo me’da p̱o/ mo be.
546	GEN 21:32	Dhali gom gwo gi wakan mo tani uni gamki gwo me’d mo e Pam Birsaba mo. Dhala Abimaalik cuki mis mo dhala P̱ikul mo a’di jin ta wathi/ gom ’kwani ma meem piti mo dhali uni doḵkin ka nyaŋ’ko’d mo eya ’cesh gi Pam P̱ilisthiin mo.
547	GEN 21:33	Dhala Ibrahiim siki cwa jin wana e ka ’kwaṯṯan e Pam Birsaba mo dhali a’di ki yuḵ gway gi Tap̱a mo a’di jin ta’da Arumgimis jin di’d ki e ki sule/ sule/ mo be.
548	GEN 21:34	Dhala Ibrahiim yaki’d ki yaŋ’kus e Bampa/ gi Pam P̱ilisthiin yil ka ris mo be.
567	GEN 22:19	Gom gwo gi wakan mo tani Ibrahiim doḵki’d mo nyaḵki ’kwanin dhuru’c piti mo dhali uni ki cu mis mo dhali ii mo i monṯal ’de/ mo e Pam Birsaba mo. Dhala Ibrahiim c̱a’bki’d e Pam Birsaba mo be.
569	GEN 22:21	Jin ṯwa/a/ yuḵu gway ka Uus mo dhali jiŋ ’ko’d yuḵu gway ka Buus dhali jin ’kon ma p̱o/ ikwara yuḵu gway ka Gamu/iil mo a’di jin ta’da baba ma Araam mo
570	GEN 22:22	dhali Kaasad mo dhala Hasu mo dhala P̱ildaash mo dhala Yidlaap̱ mo dhala Baṯu/iil mo be.
571	GEN 22:23	Dhala Baṯu/iil dho’thki’da Rip̱ka mo. Uc̱i ipekwara gwansan idho’thkin ma Milkah goma Nahur mo jin ta’da kam ma Ibrahiim mo be.
585	GEN 23:13	Dhali a’di ki owa Ip̱ruun e mo jin ciḵa ’kwani gi bampa/ gwo mo ki: Hili waḵki/ /e mini ciḵ aha/ gwo mo tani aha/ mina c̱i /e ṯẖaman gi bunto mo. Buthi a’di ’peni aha/ mo ki aha/ mina kan jwam pem imun mo.
607	GEN 24:15	Nṯwa/a/ ki a’di ki ’baarki gwom piti mmo/o mo tani hili mo mo ma, Rip̱ka a’di jin dho’thkunu ka Baṯu/iil jin ta ya/ ma Milkah jin ta ash ma Nahur jin ta’da kam ma Ibrahiim mo tani a’di yayi’d ka pije/ ka dhur yi’dem piti me’d e ’kup̱a bi ma yim mo be.
616	GEN 24:24	Ayim ki o a’di gwo mo ki: Aha/ tana ’bwa/ ma Baṯu/iil jin ta ya/ ma Milkah mo a’di jin dho’thkin ma yim ka Nahur mo be.
639	GEN 24:47	Gom gwo gi wakan mo tani aha/ p̱ikina mo dhala yim ki c̱i ki kalman mmop̱i si’da/ mo be. Dhali yan’ko’d mo tani aha/ ki doṯa yim gwo mo mmo/o ki: /E ta ’bwa/ maja si’da/? Ayim ki thoḵ aha/ gwo mo ki: Aha/ tana ’bwa/ ma Baṯu/iil jin ta ya/ ma Nahur mo, a’di jin dho’thkin ma Milkah a’di mo. Gom gwo gi wakan mo tani aha/ ki kar dhirriny ’dolkon e shush ma yim dhali gurany ’per eya bi ma yim mo be.
642	GEN 24:50	Dhali yan’ko’d mo tani Laabaan dhala Baṯu/iil thoḵki gwo mo ki: To gwan p̱u’dkin ’peni Tap̱a mo dhali aman mola gwo shiyi’di o i /e walla jim ’boro’d mo.
652	GEN 24:60	Dhali uni ’borkina Rip̱ka mii mo dhali owa yim gwo mo ki: ’Bwah bama, tayi ata’da gi ’kwani ma alaap̱ ka ris kun maru is ka alaap̱i ’kume’d mo dhali dhalki emen pini dil to ’peni ’twaman ma goŋ gi uni gwansan kun shi/ uni i e mo.
654	GEN 24:62	Dhala Is/hak a’di yayi’d ’peni Pam Birlahayru/i dhali a’di c̱a’bki’d mo eya Januub mo.
669	GEN 25:10	Bwam bunto yan yolkin ma Ibrahiim ’peni ’Kwani Hiṯẖṯẖa mo tani a’di ikankunu a’di nycine/ uni ka ashim piti ka Saarah mo be.
670	GEN 25:11	’Ko’di jwa ma Ibrahiim mo tani Arumgimis ’borki’da Is/hak mii mo a’di jin ta ya/m piti mo. Dhala Is/hak a’di c̱a’bki’d mo e pam Birlahayru/i mo be.
679	GEN 25:20	Is/hak a’di i’kokina yili issu/ mo ka dhan piti me’d jin bu’thkina a’di aRip̱ka ki ash mo a’di yim jin ta ’bwa/ ma Baṯu/iil mo jin ta Wathi/ Araam gi Pam P̱addaan/araam jin ta ’bwah ma Laabaan Wathi/ Araam mo be.
716	GEN 26:23	’Peni maṯṯaan mo tani a’di yaki’d ka gagamis mo e Pan Birsaba mo be.
726	GEN 26:33	A’di yuḵki jis yi’de/ yan gway mo ka Shibah mo. Gom ’pemen gwo gi wakan mo tani a’di iyuḵkunu ’peŋkuman bampa/ yan gway ka Birsaba ntagi shwanesan mo be.
727	GEN 26:34	Me’d jin ’kona yili Iisu i issu/ mo tani a’di bu’thki ash mo jin yuḵu gway ka Yahudiit jin ta ’bwa/ ma Biiri jin ta Wathi/ Hiṯẖṯẖa mo dhala Basmah jin ta ’bwa/ ma Iiluun jin ta Wathi/ Hiṯẖṯẖa mo.
762	GEN 27:34	Ka Iisu ciḵki gwo ’peni com mo tani a’di ’therki dhan ko ki ’bi’th mo dhali ko ki jabu’th ki ḵu’bu/ ḵu’bu/ mo, dhali o com gwo mo ki: ’Bori aha/ mii mo ma, isi aha/ gara/ si’dayi, ayy ababam pem mo.
766	GEN 27:38	Iisu ki o com gwo mo ki: A/e taki jasi mom’bor mii ’deŋ gana/ kan niina? ababam pem mo. ’Bori aha/ mii mo ma, isi aha/ gara/ si’dayi, ayy ababam pem mo. Dhala Iisu c̱eki ’twam piti mo dhali ko mo be.
776	GEN 28:2	Cuyi mis mo dhali yayi mo e Pam P̱addaan/araam e gu’b ma Baṯu/iil jin ta’da baba gi kwan mo dhali butha ’bom ’peni mun mo jan ’de/ ’peni i’bwa/ ma Laabaan jin ta’da kam gi kwan mo.
779	GEN 28:5	Wakan Is/hak hashki’da Yakuub ’peni a’di mo dhali a’di yaki’d mo e Pam P̱addaan/araam mo eya Laabaan jin ta ya/ ma Baṯu/iil mo jin ta Wathi/ Araam a’di jin ta’da kam ma Rip̱ka mo a’di jin ta KoYakuub dhala Iisu mo.
784	GEN 28:10	Yakuub dhalki Pam Birsaba ’pen mo dhali yaki’d mo ’kup̱ki bway Pan Haraan mo.
793	GEN 28:19	A’di yuḵki mo c̱aan gway mo ka Beeṯ/iil mo, hili gway gi ’peŋkuman bampa/ yan mo tani a’di yuḵu iṯwa/a/ ka Luus mo be.
825	GEN 29:29	(Laabaan c̱iki c̱iŋkina/ nyaram piti ka Bilhah ki ’bwa/ ka Rahiil mo mmota c̱iŋkina/ nyara/ ma yim mo.)
834	GEN 30:3	Yan’ko’da yim ki o gwo mo ki: Bilhah jin ta nyarany c̱iŋkinam pem di’d imahan mo. /E mini ya ayim mo ka yim midi ta gi uc̱i e ’kup̱a’dup̱un pem mo dhali aha/ mina ta gi uc̱i ka yim si’da/ moyi.
835	GEN 30:4	Wakan ayim c̱iki a’di aBilhah jin ta nyara/ c̱iŋkinam piti mo mmota ash mo dhali aYakuub a’di yaki’da yim mo.
836	GEN 30:5	Dhala Bilhah a’di bwaaki’d mo dhali dho’thka Yakuub ya/ mo.
846	GEN 30:15	Hila yim ki thoḵa yim gwo mo ki: A/a’di ta ari mii jin gwa’dagwa’d mo mmobutha kaṯẖim pem mo ’peni aha/ mo ’taa? Dhali /e ki doḵ/e o gwo mo ki /e mini ḵal maman cwa ma lup̱p̱aah jin ḵalkina ya/m pem ’te/ si’dawa? Rahiil ki thoḵa yim gwo mo ki: Ba a’di be midi ya ishi /e mon’thiny shwane/ mo gom maman cwa ma lup̱p̱aah jin ḵalina ya/m pini mo ’te/ be.
865	GEN 30:34	Laabaan ki o gwo mo ki: ’Boro’d be, dhalki a’di gi wakan mo me’d jin ona /e mo be.
887	GEN 31:13	Aha/ tana Arumgimis ma Beeṯ/iil e mo jin wolkina /e ayini ’kuwosh jin karkina /e ka tiŋkiliŋ mo dhali /e ki thul gwo me’da p̱o/ gom aha/ mo. Cuyi mis shwane/ mo ’peni bampa/ yan mo dhali doḵi /e ka nyaŋ’ko’d e bampam pini jin dhothu /e mo.
911	GEN 31:37	Ba /e ŋap̱ki bwan tom pem mo ki bur bur mo. Aris uni ’baar mo kun gamkina /e mo tani uni ta ku ki gu’b piniya? Dhu uni imahan mo ibwambori ’kwani ma bas pem mo dhali ’kwani ma bas pini mo ki uni mini ’cunycur to mo e bwaman ana su/ mo.
972	GEN 33:11	Buthi uni mo, aha/ ’thokina /e mo tom pem gwan kun c̱ika/ ka ’ka’d me’di is mo kun ḵalkika/ gom /e mo haali/ Arumgimis ṯu/ulki aha/ ki mii ma ’the mo dhali haali/ aha/ takina gi to jin ’kosh jwa mo. A’di ṯirrishki a’di mo dhali a’di bu’thki uni mo be.
1013	GEN 35:1	Arumgimis oki’da Yakuub gwo mo ki: Cuyi mis mo dhali yayi ka gagamis e Pam Beeṯ/iil mo dhali c̱a’bi /e imun mo dhali ḵa’bi agwaṯa/ goma Arumgimis imun mo a’di jin piki /e i is mo me’d jin guskina /e mo ’pena kam pini ka Iisu mo.
1015	GEN 35:3	Dhali dhalki ana cuna mis mo dhali iina ka gagamis e Pam Beeṯ/iil mo ki aha/ mina ḵa’b agwaṯa/ goma Arumgimis imun mo a’di jin thoḵki aha/ ’twa/ mo ka teem pem jin taka c̱is ka c̱is mo dhali a’di jin nyaḵki di ki aha/ mo eya ris mo gunn kun yakika/ mo.
1018	GEN 35:6	Dhala Yakuub a’di ip̱u’dki’d mo e Pan Luus mo a’di jin ta’da Beeṯ/iil mo a’di jin di’d e bampa/ Kanaan mo a’di dhali aris ’kwani kun nyaḵki ’ko ki a’di mo be.
1019	GEN 35:7	Dhali imun mo tani a’di iḵa’bkina a’di gwaṯa/ mo mmomiiya basa ’cesh mo dhali yuḵ mo yan gway mo ka Iil Beeṯ/iil mo haali/ e mo yan mo tani Arumgimis ṯorki a’di is piti e eya tente/ mo me’d jin guskina a’di mo ’pena kam piti mo.
1020	GEN 35:8	Dhala Dabuurah jin ta’da manhila Rip̱ka mo a’di iwuki’d mo dhala yim a’di kankunu mo e ’peny cwa ma c̱aww e mo jin di’d ka luŋgu’b ki Pam Beeṯ/iil mo. Wakan a’di iyuḵkunu a’di gway mo ka Alluun Bakuut mo.
1027	GEN 35:15	Wakana Yakuub yuḵki mo yan gway ka Beeṯ/iil mo a’di jin ṯorkin ma Arumgimis aṯor ki a’di mo be.
1028	GEN 35:16	Dhali yan’ko’d uni iikin mo ’pena Pam Beeṯ/iil mo dhali uni si’dasi’d naskina/ ’peni Pan Ap̱raatah mo, aRahiil shwan ma ’ci mo dhali ayim di’d e mo jin shwana bwan dho’th mo.
1030	GEN 35:18	Dhali me’da ḵashira/ ma yim di’di mmoḵwa/kina a’di is bwa ’pena yim mo (haali/ ayim wuki’d mo) tani a’di ayim ki yuḵ a’di gway ka Ben/uuni mo hili com a’di iyuḵki a’di gway mo ka Benyamiin mo.
1031	GEN 35:19	Wakana Rahiil a’di wuki’d mo dhala yim a’di kankunu mo e bway gi Pa Ap̱raatah mo, a’di jin ta Pam Beeṯlaham mo be.
1034	GEN 35:22	Ka Israyiil c̱a’bki’d e bampa/ yan mo tani Ra/ubiin a’di yaki’d mo dhali isha Bilhah mo a’di jin ta’da ’bom lac̱a/ gi com mo dhala Israyiil ciḵki gwo yan mo. Dhali iya/ ma Yakuub uni ’koni ’kume’d i’ce’dka su/ mo.
1036	GEN 35:24	Iya/ ma Rahiil uni si’da/ annihe/ mo: Yuusup̱ dhala Benyamiin mo be.
1037	GEN 35:25	Dhali iya/ ma Bilhah a’di jin ta nyarany c̱iŋkina/ ma Rahiil mo uni si’da/ annihe/ mo: Daan dhala Nap̱taali mo.
1044	GEN 36:3	Dhala Basmah jin ta ’bwa/ ma Isma/iil dhali ’bwaham ka Nabayuut mo.
1045	GEN 36:4	Dhala Ada dho’thki’da Iisu a/Elip̱aas mo dhala Basmah dho’thki’da Ra/u/iil mo.
1051	GEN 36:10	Gway gi iya/ ma Iisu uni annihe/ mo: Elip̱aas jin ta ya/ ma Ada mo jin ta asha Iisu mo dhala Ra/u/iil jin ta ya/ ma Basmah jin ta asha Iisu mo.
1054	GEN 36:13	Uni gwansan ita iya/ ma Ra/u/iil mo: a’di jin yuḵu gway ka Nahaṯẖ dhala Saarah dhala Shammah dhala Missa mo. Uni gwansan ita iya/ ma Basmah mo jin ta asha Iisu mo.
1058	GEN 36:17	Uni gwansan si’da/ ita iya/ ma Ra/u/iil jin ta ya/ ma Iisu mo: Nahaṯẖ dhala Saarah dhala Shammah dhala Missa mo uni gwansan ita tap̱a ’pena Ra/u/iil mo e bampa/ gi Pan Aduum mo. Uni gwansan ita iya/ ma Basmah mo jin ta asha Iisu mo.
1068	GEN 36:27	Uni gwansan ita iya/ ma Iisar mo: Bilhaan dhala Sawaan dhala Agaan mo.
1073	GEN 36:32	Baala/ a’di jin ta ya/ ma Ba/uur mo a’di ijiki’da ji ap̱o/ Pa Aduum mo dhali ’peŋkuman bampam piti yuḵkunu gway ka Dinhaabah mo.
1074	GEN 36:33	Baala/ a’di iwuki’d mo dhala Yubab jin ta ya/ ma Saarah ’pena Busrah mo tani a’di ijiki’da ji i embul piti mo.
1076	GEN 36:35	Husham a’di wuki’d mo dhala Hadaad jin ta ya/ ma Badaad a’di jin p̱iki ’Kwani Midyaan e mo e bampa/ ’Kwani Pam Muwab mo tani a’di ki ji/a ji i embul piti mo dhali gway ’peŋkuman bampam piti mo tani a’di yuḵu gway ka Awiit mo.
1079	GEN 36:38	Sha/uul a’di iwuki’d mo dhala Baalhanaan a’di jin ta ya/ ma Akbuur a’di ijiki’da ji i embul piti mo.
1080	GEN 36:39	Baalhanaan a’di jin ta ya/ ma Akbuur a’di iwuki’d mo dhala Hadaar a’di ijiki’da ji i embul piti mo dhali gway gi ’peŋkuman bampam piti mo tani a’di iyuḵkunu gway ka P̱a/u mo. Ash yuḵkunu gway ka Mahithab/iil mo a’di jin ta ’bwa/ ma Mathrid mo a’di jin ta ’bwa/ ma Maadahab mo.
1086	GEN 37:2	Yansan a’di ita gwo jin beledhu goma waḵ ma Yakuub mo. Yuusup̱ a’di ’kona yili ’kume’d i’ce’dka pesu/ ap̱o/ mo me’d jin urkina a’di ama’diny ḵa’bal nyaḵki ikam mo. A’di ta’da ’ci nyaḵki iya/ ma Bilhah dhala Silp̱ah mo uni kun ta up̱ ki com mo, dhala Yuusup̱ ḵalki’da ris gwon thus kun thama ikam a’di imii mmoṯor ababam buni mo.
1106	GEN 37:22	Dhali Ra/ubiin oki uni gwo mo ki: Dhalki a’diya bas ki p̱o mo. Biṯi a’di e jis yi’de/ gwan kun ’kon e mombwaasho mo hili dhalki me’d bum ki dhu ap̱o/ a’di mo, ki a’di midi ’taki ye a’di mo ’peni me’d buni mo mmowar a’di is mo goma babam piti mo be.
1160	GEN 39:10	Ba dhala yim ṯorki’da ṯor ka Yuusup̱ isa yempa/ yempa/ mo dhali a’di ’tena bwa mmociḵ gwo ma yim mo mmo/isha ayim mo walla mmonyaḵ c̱a’b ka yim mo.
1222	GEN 41:26	Bip̱a ’borga/ kun ’koni pesu/ mo tani uni a’di ita yil kun mini ’ko ipesu/ kun mini ’bora’bor mo dhali awushan dwamga/ kun ’bora’bor mo tani uni si’da/ ita yili pesu/ mo, jan a’di iṯala ’pen ’de/ mo be.
1257	GEN 42:4	Hila Yakuub diki hasha Benyamiin mo a’di jin ta’da kam ma Yuusup̱ mo nyaḵki ikam mo haali/ a’di ḵo/ki is mo oki tonthusa kamu/ midi ’taki biṯ a’di ap̱o/ mo be.
1289	GEN 42:36	Dhala Yakuub jin ta’da babam buni oki uni gwo mo ki: Um bu’thki uc̱i ’peni aha/ mo dhala Yuusup̱ yisa di’da dhali aShim/uun si’da/ a’di p̱iki’d mo adhali um shwane/ mini susa Benyamiina? Aris mii gwansan uni p̱u’dkina p̱o/ aha/ mo.
1302	GEN 43:11	Dhali yan’ko’d ababam buni ka Israyiil oki uni gwo mo ki: Waḵki/ a’di midi mii wakan mo tani ba miiyi a’di yan mo. Buthi maman cwa kun mina umi kwany mo ’peni bampa/ mo dhali dhuyi uni e bwaŋ ḵucaŋ mo dhali ḵalki uni ka luŋgu’b gom wathi/ mo mmota to jin mina um taḵ a’di mo ara ’bi’c cwa ma balsam dhali ara yina dham dhala ’bi’c en’thi/ dhala murr dhali emen cwa jin wana maman ki shu’be/ mo dhali emen cwaŋ kamu/ si’da/ mo.
1305	GEN 43:14	Ba dhalka Arumgimis jin Eḵa/ Eḵ c̱i um mii jin miinu mo ibwambori wathi/ mo ki a’di midi hasha kam bum akamu/ ka nyaŋ’ko’d nyaḵka Benyamiin mo. Waḵki/ aha/ minu bu’th uc̱i i’baar mo tani aha/ dara ki mowoṯẖ mo be.
1306	GEN 43:15	Wakan ’kwani ḵalki tontaḵ mo dhali uni ḵalkina aguurush ka ’buḵum ’ban nyaḵki uni mo dhala Benyamiin mo dhali uni cuki mis mo dhali ii ka luŋgu’b bway bampa/ Masir mo dhali uni doshkini bwambor ma Yuusup̱ mo be.
1307	GEN 43:16	Ka Yuusup̱ p̱arki’da Benyamiin e mo tani a’di oki’da manhil to e gu’b piti gwo mo ki: Susi ’kwani gu’b mo dhali ’ciṯẖi/ to/e ’kus mo dhali thosoni to ki jahanne/ mo haali/ ’kwani mini nyaḵ to shwa ki aha/ montee mo.
1320	GEN 43:29	Dhali a’di i’de’kki em piti ki mis mo dhali misha kam piti ka Benyamiin mo jin ta ya/ gi kum mo dhali o gwo mo ki: A/ara kam bum jin gwa’da’d a’dana a’di jin ṯorkina um aha/ mowa? Arumgimis midi mii mii ma ’the gom /e ya/m pem.
1325	GEN 43:34	To kun ’tuntulu/ bwa ime’d ’pena tharabeesa ma Yuusup̱ mo tani a’di ḵalkunu uni mo hili aBenyamiin a’di ’tuntulkunu to ime’d me’di mudhe’d mo mmobol kum buni e mo. Wakan uni p̱iki to mo dhali ’kuny bwa nyaḵki a’di mo be.
1337	GEN 44:12	Dhali a’di ŋap̱ki to mo mmoṯel ’pen ’peni a’di jin ca’d mo dhali daḵ ’kup̱ ki a’di jin gwa’da’d mo dhali aḵubbaaya a’di gamkunu e ’twaman ma wolgwap̱i/ ma Benyamiin mo be.
1371	GEN 45:12	Dhali shwane/ em pini midi mish mo mo dhali e ma kam pem ka Benyamiin mishki mo mo ki a’di ta ’twam pem jin ṯorki’da ṯor nyaḵki /e mo.
1373	GEN 45:14	Dhali yan’ko’d a’di biṯki’d m’ba/ ma kam piti ka Benyamiin mo dhali ko mo dhala Benyamiin si’da/ goki’d e ’ba/ piti mo.
1381	GEN 45:22	Eya ris uni ka ’deṯe/ ’deṯe/ dhali eya ris uni ’baar mo tani a’di c̱iki uni burrinye/ ka kwa kwara mmo/aḵ e mo hili aBenyamiin mo tani a’di ki c̱iki a’di ariyaal iss ’kwanimpa ḵarpa’c mo ’pena guurush jin ta ’dolkon kush mo dhali burrinye/ imudhe’d kun mina a’di mii aḵ e mo.
1388	GEN 46:1	Wakana Israyiil bu’thki moyam piti mo nyaḵka ris tom piti kun tana a’di mo dhali a’di p̱u’dki’d mo e Pam Birsaba mo dhali a’di ki c̱i to jin ’ciṯẖu/ ’kus mmomiiya basa ’cesh goma Arumgimis ma babam piti ka Is/hak mo.
1392	GEN 46:5	Dhala Yakuub cuki mis mo ’peni Pam Birsaba mo dhali aris iya/ ma Israyiil uni ḵalkina Yakuub jin ta’da babam buni mo nyaḵki ushi uc̱im buni mo dhali aris up̱ buni mo eya risa arabiya kun dira shumarum mo uni kun hashkin ma P̱irawn mo mmoḵalu/ uni mo be.
1404	GEN 46:17	Dhali gway gi iya/ ma Ashiir uni annihe/ mo: Yimnah dhala Yishwah dhala Yishwi dhala Barii/ah nyaḵka Saarah jin ta ’bwah buni mo. Dhali gway gi iya/ ma Barii/ah uni annihe/ mo: Haabar dhala Malḵi/iil mo.
1406	GEN 46:19	Dhali gway gi iya/ ma Rahiil a’di jin ta asha Yakuub uni annihe/ mo: Yuusup̱ dhala Benyamiin mo.
1408	GEN 46:21	Dhali gway gi iya/ ma Benyamiin uni annihe/ mo: Baala/ dhala Baakar dhala Ashbiil dhala Jiira dhala Namaan dhala Iihi dhala Ruush dhala Mup̱p̱iim dhala Hup̱p̱iim dhala Ard mo.