98	GEN 4:18	Dhali Hanuuk dho’th ya/ jin yuḵu ka Irad mo. Dhala Irad ta’da baba ma Mahuya/iil mo dhala Mahuya/iil ta’da baba ma Matusha/iil mo dhala Matusha/iil ta’da baba ma Laamak mo.
99	GEN 4:19	Dhala Laamak ki mash up̱i su/ mmota i/ash mo. Dhali gway jan ’de/ mo tani yuḵu ka Aadah dhali gway ka kamu/ yuḵu ka Sillah mo.
103	GEN 4:23	Dhala Laamak ki o up̱ gwo mo ki: Aadah dhala Sillah, ciḵi gwo ’peni ’twam pem mo. Um kun ta up̱ ma Laamak mo tani ciḵi gwo jin miga/ o mo: Aha/ ’koshkina wathi/ jin ’koshki aha/ mmotaḵ jama/ mo, wathi/ jin ta dhuru’c jin ’koshki aha/ mo.
104	GEN 4:24	Waḵka Kayiin ri’ckunu me’di pesu/ mo tani ka jiŋ gana/ si’da/ Laamak minu ri’c me’di iss ’kwanimpa ikwara i’ce’dka ’kume’d i’ce’dka pesu/ mo.
131	GEN 5:25	Ka Maṯushaalah c̱a’bki’d ki e ki yili iss ’kwanimpa ipedoŋon i’ce’dka pesu/ mo tani a’di warki’d ka baba ma Laamak mo.
132	GEN 5:26	Dhala Maṯushaalah c̱a’bki’d ki e mo ’ko’di dho’th ma Laamak mo ka yili iss ’kwanimpa i/iss su/ aṯẖ ’de/ i’ce’dka su/ mo, dhali a’di ta’dki iya/a tiya mo dhali i’bwa/a tiya mo.
134	GEN 5:28	Ka Laamak c̱a’bki’d ki e ki yili iss ’kwanimpa ipedoŋon i’ce’dka su/ mo tani a’di warki’d ka baba gi ya/ mo
136	GEN 5:30	Dhala Laamak c̱a’bki’d ki e mo ’ko’di dho’th ma Nuuh mo ka yili iss ’kwanimpa i/iss ’de/ i’ce’dki iss ’kwanimpa ipedoŋon i’ce’dka ḵarpa’c ap̱o/ mo, dhali a’di ta’dki iya/a tiya mo dhali i’bwa/a tiya mo.
137	GEN 5:31	Dhali wakan arisa tee kun c̱a’bkin ma Laamak ki e mo tani ’kona yili iss ’kwanimpa i/iss su/ aṯẖ iss su/ i’ce’dka ’kume’d i’ce’dka pesu/ ap̱o/ mo, dhali a’di wuki’d mo.
248	GEN 10:13	Masir warki’d ka baba ma Ludim mo dhala Anamiim mo dhala Lahabiim mo dhala Nap̱tuhiim mo
254	GEN 10:19	Dhali mo gi ’Kwani gi Paŋ Kanaan p̱ar ’twa/ ki ribi/ ribi/ ’peni Pan Sidun e mo jin c̱utha a’di bway ’kup̱ ki Pany Jaraar ki si’d piti jin si’da a’di ntagi Paŋ Ghassa mo dhali ’peni mo jin c̱utha a’di bway ’kup̱ ki bway Pan Saduum mo dhali Paŋ Gamuura mo dhali Pa Admah mo dhali Pa Sabuyiim ki si’d piti jin si’da a’di ntagi Pan Laasha/ mo.
257	GEN 10:22	Iya/ ma Saam: a’di jin ṯwa/a/ yuḵu gway ka Iilaam mo, dhala Ashshuur mo dhala Arp̱akshaad mo dhala Lud mo dhala Araam mo.
294	GEN 11:27	Dhali uni gwansan mo tani uni ita emen ma Taarah mo. Taarah a’di ta’da baba ma Abraam mo dhala Nahur mo dhala Haraan mo, dhala Haraan ta’da baba ma Luuth mo.
298	GEN 11:31	Taarah ki susa Abraam jin ta ya/m piti mo dhala Luuth jin ta’da ’ci ma Haraan mo, jin tana a’di adhancom mo, dhala Saray jin ta’da mar piti mo, a’di jin ta ash gi ya/m piti jin ta’da Abraam mo, dhali uni iikin mo mmonṯal ’de/ mo ’peni Pa Ur ma Kaldaan mmo/ii e bampa/ gi Paŋ Kanaan mo. Hili ki uni p̱u’dkin e Pan Haraan mo tani uni ki ’ko mo be.
303	GEN 12:4	Wakan Abraam yaki’d mo, me’d gwo jin ṯorkina Tap̱a a’di mo dhala Luuth yaki’d nyaḵki a’di mo. Dhala Abraam ’kokini yili issi kwara i’ce’dka ḵarpa’c mo me’d jin yakina a’di ’peni Pan Haraan mo.
304	GEN 12:5	Dhala Abraam ki susa Saray jin ta ashim piti ilu/ mo dhali a’di ki susa Luuth jin ta’da ’ci ma kam mo, dhali aris tom buni kun tana uni mo uni gun tulkina uni is mo, dhali ’kwani kun gamkina uni e Pan Haraan. Dhali uni ’kakin ka ji sho’k ki bway Paŋ Kanaan mo. Ki uni p̱u’dkin e bampa/ gi Paŋ Kanaan mo tani
320	GEN 13:1	Wakan Abraam yaki’d ka gagamis ’peni Pam Masir mo a’di uni ki ashim piti nyaḵki a’di mo dhali aris to kun tana a’di mo dhala Luuth si’da/ nyaḵki uni mo eya Januub mo.
324	GEN 13:5	Dhala Luuth, a’di jin yaki’d nyaḵka Abraam mo tani a’di si’da/ ta’dki ma’diny ḵa’bal ka ris mo dhali ma’diny mi ka ris mo dhali to/e ka ris mo dhali gu’b burrinye/ ka ris mo.
326	GEN 13:7	Dhali mo jin biruwa bir diki’di bwaman imanhil to/e ma Abraam mo dhali imanhil to/e ma Luuth mo. Dhali ka tee c̱aan mo tani ’Kwani gi Paŋ Kanaan mo dhali ’Kwani gi Pam Paaris ’kokin mo e bampa/ mo.
327	GEN 13:8	Dhali yan’ko’d Abraam ki owa Luuth gwo mo ki: Dhalku/ ki dhal mo jin biruwa bir bway mo mmodi ibwaman ana mo, aha/ dhali /e mo, dhali ibwaman imanhil to/em pini mo dhali imanhil to/em pem mo haali/ ana tana ikam mo.
329	GEN 13:10	Dhala Luuth ’de’kki em piti ki mis mo dhali mishki mo mo ki embul ma Uurdun a’di ya’thkunu ki ’bore/ eya ris mo ’baar mo me’d bwaagoŋ jin ta monsinu gi Tap̱a mo, me’d bampa/ gi Pam Masir si’da/ e mo jin c̱utha a’di bway ’kup̱ ki Pan Suugar mo. Yansan diki’di ṯwa/a/ mo ki Pan Saduum dhali Paŋ Gamuura ’konuki ’ce’d sho’k mo ki Tap̱a mo.
330	GEN 13:11	Wakan mo Luuth kwanyki’d gom is piti aris mo ’baar mo jin ta embul ma Uurdun mo, dhala Luuth yaki’d mo ’kup̱ ki mom’pesho’k mo. Wakan uni ḵwa/ki is buni bwa mo ka rem ’kup̱ mo.
331	GEN 13:12	Abraam c̱a’bki’d mo e bampa/ gi Paŋ Kanaan mo, ka Luuth c̱a’bki’d mo e bwaŋ ’kwani eya ris ’peŋkuman bampa/ gi embul mo dhali a’di ijoc̱ki gu’b burrinyem piti ntagi Pan Saduum mo be.
333	GEN 13:14	Dhali Tap̱a ki owa Abraam gwo mo ’ko’da Luuth ḵwa/ki is piti bwa mo ’pena Abraam mo ki: ’Deki em pini imis mo ma, dhali hili mo mo ma, ’peni mo jin dina /e nycine/ mo ’kup̱ ki moŋ’ko’d gwar ma bim poros mo dhali ’kup̱ ki moŋ’ko’d gwar ma biny cam mo dhali ’kup̱ ki mom’pesho’k mo dhali ’kup̱ ki bora luŋgu’b mo,
349	GEN 14:12	Dhala Luuth si’da/ ibu’thkina uni mo, a’di jin ta ya/ ma kam ma Abraam mo, a’di jin c̱a’bki’d mo e Pan Saduum mo dhali aris tom piti bu’thkina uni mo dhali uni iikin mo be.
353	GEN 14:16	Dhali yan’ko’d a’di ki ’doyu aris to ka nyaŋ’ko’d mo, dhali a’di si’da/ ki sus abas piti ka Luuth ka nyaŋ’ko’d mo nyaḵki tom piti mo ki up̱i lu/ mo dhali ’kwani ma mee gara/ mo be.
459	GEN 19:1	Iman’doyu gwo su/ gwansan p̱u’dkin mo e Pan Saduum mo e mom’pimpili/ mo. Dhala Luuth diki’d mo mmoc̱a’b ’pena ’cesh e ’twaŋkal gi Pan Saduum mo. Ki Luuth p̱arki uni e mo tani a’di cuki mis mo mmogam uni ’kup̱ mo dhali a’di kumki is piti mo ki bwam/em piti eya ’cesh mo.
463	GEN 19:5	Dhali uni yuḵki ’twa/ eya Luuth mo ki: Mane ’kwaniŋ gwas kun p̱u’dkin e /e mon’thiny yan mo mane? Susi uni ka pije/ e aman mo ma ki aman mina mish uni mo.
464	GEN 19:6	Dhala Luuth yaki’d ka pije/ ki campur mo e ’kwaniŋ gwas mo dhali mu’thki campur i’ko’di a’di mo,
467	GEN 19:9	Hili uni oki gwo mo ki: Doshi ka c̱iŋ’ko’d mo ma. Dhali uni oki gwo mo ki: Cim yan p̱u’dki’d mo mmoc̱a’b yilkina/ mo dhali a’di midi ’taki lo’b mo jin tanuwa mandwall gwo moyi. Shwane/ aman mina ṯu/ul /e mo ki mii kun warkin ki shi/ kagahara mo mmobol kun minu mii gom uni e mo. Yan’ko’d uni yap̱ki ap̱o/ wathiŋ gwaṯẖ jin yuḵu ka Luuth ki is kagahara mo dhali ’dishki is mo mmo’ce’da campur mo.
468	GEN 19:10	Hili ’kwaniŋ gwas dhuki me’d buni mo dhali susa Luuth bway bwaŋ gu’b e uni mo, dhali mu’thki’da campur mo.
470	GEN 19:12	Yan’ko’d ’kwaniŋ gwas okina Luuth gwo mo ki: Ṯal ’deŋ kamu/ takina /e imahana? Iya/ kun ta imar mo ’taa? Iya/ mo ’taa? I’bwa/ mo ’taa? Walla ma a’diŋ kamu/ jin takina /e mo e ’peŋkuman bampa/ yan mo tani susi uni ka pije/ mo ’peni mo yan mo
472	GEN 19:14	Dhali wakan mo tani Luuth yaki’d ka pije/ mo dhali oki iya/ kun ta imar mo uni kun mini ’taki mash i’bwa/ piti gwo mo ki: Cuyi mis mo ma. Iiku/ ka pije/ mo ’peni mo yan mo, haali/ Tap̱a muru’di ’ce’d ’peŋkuman bampa/ yan sho’k mo. Hili a’di wakina e ga man/o gwo ki maḵ mo e iya/ kun ta imar piti mo.
473	GEN 19:15	Ki e ma tente/ kasha’d mo tani aLuuth miikina iman’doyu gwo is ki ’kasa/ ’kasa/ mo mmo/o gwo mo ki: Cuyi mis mo mo ma mmosus ashim pini dhali i’bwa/m pini isu/ mo, uni kun ’koyin mmahan mo, isi ciki/ ki /e minu diki ’ce’d sho’k mo e mo jin doruwa dor mo gi ’peŋkuman bampa/ mo.
476	GEN 19:18	Dhala Luuth oki uni gwo mo ki: Ayy tap̱am pema, dhalku/ a’di ki di wakan mo ma.
480	GEN 19:22	Layu/ /e ki jahanne/ mo ma mmoye imun mo haali/ aha/ mola toŋ kamu/ mii mo ntagi /e mini p̱u’du/ mo e mun mo. Haali/ a’di gi wakan mo tani a’di iyuḵkunu ’peŋkuman bampa/ yan gway ka Suugar mo.
481	GEN 19:23	Atente/ sulki’d mo hila/ ap̱o/ mony’cesh mo me’d jin cic̱kin ma Luuth e Pan Suugar mo.
487	GEN 19:29	Dhali a’di warki’d mo ka Arumgimis ’ce’dki ’peŋkuman bampa/ kun ’koni bwaman mom’ba’da’d sho’k mo tani Arumgimis kaki’da Ibrahiim e mo dhali karki’da Luuth ki ya mo ’peni bwaman mo jin kumkunu ’twa/a ’cesh mo me’d jin kumkina a’di ’peŋkuman bampa/ gwansan ’twa/a ’cesh mo uni kun c̱a’bkin ma Luuth nycine/ mo be.
488	GEN 19:30	Dhala Luuth yaki’di ya ki mis ka pije/ mo ’peni Pan Suugar mo dhali c̱a’bki’d mo e ’kuwosha turga/ mo dhali i’bwa/m piti isu/ nyaḵki a’di mo. Haali/ a’di ḵo/ki’da ḵo/ is mo mmo’ko e Pan Suugar mo. Dhali a’di c̱a’bki’d mo ibwamana jurum wosh mo dhali i’bwa/m piti isu/ nyaḵki a’di mo.
491	GEN 19:33	Dhali uni ṯu’ckina babam buni mo mmop̱i yimana mura’th jin ḵa/u ki ŋah ŋah mo ki mon’thiny yin gana/ mo. Dhali a’di jin ta bwanyara/ yaki’d mo dhali nyaḵ ish ki com piti mo. Dhala Luuth a’di diki mish mo mo, atente/ jin ishkina a’diya yim ’ko’da ’cesh mo walla atente/ jin cukina a’di ki mis mo.
493	GEN 19:35	Dhali uni ṯu’ckina babam buni mo mmop̱i yimana mura’th jin ḵa/u ki ŋah ŋah mo ki mon’thiny doḵ/e mo. Dhali a’di jin ta jiŋ ’ko’d cuki mis mo dhali ishki nyaḵki a’di mo. Dhali doḵ/e aLuuth diki mish mo mo, atente/ jin ishkin ma yim ’ko’da ’cesh mo walla atente/ jin cukin ma yim ki mis mo.
494	GEN 19:36	Wakan be uni su/ kun ta i’bwa/ ma Luuth mo uni ’kokin mo ki uc̱i ibwa mo ki com buni mo be.
621	GEN 24:29	Dhala Rip̱ka ta’d ka kam jin yuḵu gway ka Laabaan mo. Dhala Laabaan ki gus ka pije/ e wathi/ mo e jis yi’de/ jin kasha e mo be.
624	GEN 24:32	Gom gwo gi wakan mo tani wathi/ p̱u’dki’d e gu’b mo. Dhala Laabaan ’cuḵki kalman ashi/ mo dhali a’di ki c̱i uni awusha/ mo dhali tonṯe/ gom kalman mmoshwa mo dhali yi’de/ mmolam sho’k piti mo dhali sho’k gi ’kwani kun nyaḵ iiyu/ ki a’di mo be.
642	GEN 24:50	Dhali yan’ko’d mo tani Laabaan dhala Baṯu/iil thoḵki gwo mo ki: To gwan p̱u’dkin ’peni Tap̱a mo dhali aman mola gwo shiyi’di o i /e walla jim ’boro’d mo.
662	GEN 25:3	Yagshaan si’da/ a’di ita’da baba ma Shaba mo dhala Dadaan mo. Dhali iya/ ma Dadaan uni si’da/ annihe/ mo: Ashshuriim dhala Lathushiim dhala La/ummiim mo be.
679	GEN 25:20	Is/hak a’di i’kokina yili issu/ mo ka dhan piti me’d jin bu’thkina a’di aRip̱ka ki ash mo a’di yim jin ta ’bwa/ ma Baṯu/iil mo jin ta Wathi/ Araam gi Pam P̱addaan/araam jin ta ’bwah ma Laabaan Wathi/ Araam mo be.
771	GEN 27:43	Dhali ’peni shwanesan mo, ya/m pem hayi gwo gi ’twam pem e mo, dhali cuyi mis dhali gusi pa mo a Laabaan mo a’di jin ta’da kam pem mo e Pan Haraan mo.
776	GEN 28:2	Cuyi mis mo dhali yayi mo e Pam P̱addaan/araam e gu’b ma Baṯu/iil jin ta’da baba gi kwan mo dhali butha ’bom ’peni mun mo jan ’de/ ’peni i’bwa/ ma Laabaan jin ta’da kam gi kwan mo.
779	GEN 28:5	Wakan Is/hak hashki’da Yakuub ’peni a’di mo dhali a’di yaki’d mo e Pam P̱addaan/araam mo eya Laabaan jin ta ya/ ma Baṯu/iil mo jin ta Wathi/ Araam a’di jin ta’da kam ma Rip̱ka mo a’di jin ta KoYakuub dhala Iisu mo.
793	GEN 28:19	A’di yuḵki mo c̱aan gway mo ka Beeṯ/iil mo, hili gway gi ’peŋkuman bampa/ yan mo tani a’di yuḵu iṯwa/a/ ka Luus mo be.
801	GEN 29:5	A’di ki o uni gwo mo ki: A/um mishina Laabaan jin ta ya/ ma Nahur mowa? Uni ki thoḵ a’di gwo mo ki: Aman mishkina a’di mo be.
806	GEN 29:10	Dhali ka Yakuub p̱arki’da Rahiil e mo a’di jin ta ’bwa/ ma Laabaan jin ta’da kam gi kum mo dhali ḵa’bal ma Laabaan jin ta’da kam gi kum mo tani Yakuub seki mis mo dhali ’daŋkal wosh mo ’peni ’twaŋkal jis yi’de/ mo dhali wolka ma’diny ḵa’bal ma Laabaan yi’de/ mo a’di jin ta’da kam gi kum mo be.
809	GEN 29:13	Ka Laabaan ciḵki gwom ’borga/ goma Yakuub jin ta ya/ gi ’bwaham mo tani a’di guski’d mo mmogam a’di ’kup̱ mo dhali kar a’di mmota isa kony mo dhali p̱i a’di ’twa/ mo dhali susi a’di bway gu’b piti mo. AYakuub ṯorki’da Laabaan aris to gwansani ’baar mo be.
810	GEN 29:14	Dhali aLaabaan ki o a’di gwo mo ki: Ka jiŋ gana/ /e tana simam pem mo dhali buŋgwar is pem mo. Dhali a’di c̱a’bki’d nyaḵki a’di ka appe i’de/ mo.
811	GEN 29:15	Dhali yan’ko’da Laabaan ki owa Yakuub gwo mo ki: Haali/ /e tana bas pem mo tani a’di ’boro’da jin mina /e imii aha/ aṯu’c ki me’d mowa? Ṯoraa/ gwo mo gom tom pini jin mina /e gam ki ji gi mina /e ta mo tani midi ta atinta mo?
812	GEN 29:16	Dhala Laabaan a’di ita gi i’bwa/i su/ mo: gway gi ’bwa/ jin ca’d mo tani a’di iyuḵu ka Le/ah mo dhali gway gi ’bwa/ jin gwa’da’d mo tani a’di iyuḵu ka Rahiil mo be.
813	GEN 29:17	E ma Le/ah mol mo hil ki ’bore/ mo haali/ em piti ’cwara’cwar mo, hila Rahiil a’di ta jaroŋ gana/ mo dhali enu kagahara mo be.
815	GEN 29:19	Laabaan ki o gwo mo ki: A’di ’boro’d ki ’bor gana/ mo gom aha/ mo mmoc̱iki /e a’di mo, ma mo diki c̱i a’di ’kwanin tiya mo, c̱a’bi /e nyaḵki aha/ mo.
817	GEN 29:21	Yan’ko’da Yakuub oki’da Laabaan gwo mo ki: C̱iyaa/ a’bom pem mo ki aha/ mina ya ayim mo haali/ mom pem ’baarki’d mo be.
818	GEN 29:22	Wakan aLaabaan tulki’da aris ’kwani gi mo c̱aan isi monṯal ’de/ mo dhali shwa to jin yuḵuwa yuḵ ka tul ’kup̱ mo.
819	GEN 29:23	Hili mom’pimpili/ mo tani a’di ki bu’th ’bwa/ ka Le/ah dhali suski a’di aYakuub mo dhali a’di yaki’da yim mo be.
820	GEN 29:24	(Laabaan c̱iki nyarany c̱iŋkinam piti jin ta’da Silp̱ah e ’bwa/m piti ka Le/ah mo mmota c̱iŋkina/ nyara/ ma yim mo.)
821	GEN 29:25	Dhali e mon’thamo/ mo tani hili mo mo ma, aLe/ah ayim ta a’di jin c̱ikunu a’di mo dhala Yakuub ki owa Laabaan gwo mo ki: Dika/ ki miiki /e aṯu’c goma Rahiil mo ’taa? Atinta he’kkina /e aha/ e wakan mo.
822	GEN 29:26	Laabaan ki thoḵ a’di gwo mo ki: A’di yisa miinu wakana e bampam bam mo mmoc̱i jiŋ gwa’da’d nṯwa/a/ mmodhal a’di ma bwanyara/ i’ko’d mo.
824	GEN 29:28	Yakuub miiki’d kan mo dhali a’di ’baarki’da dhas ’de/ mo. Yan’ko’da Laabaan c̱iki a’di ’bwa/ ka Rahiil mo mmota ash mo be.
825	GEN 29:29	(Laabaan c̱iki c̱iŋkina/ nyaram piti ka Bilhah ki ’bwa/ ka Rahiil mo mmota c̱iŋkina/ nyara/ ma yim mo.)
826	GEN 29:30	Wakan aYakuub yaki’d mo eya Rahiil mo si’da/ dhali a’di enki’da Rahiil mmobola Le/ah e mo, dhali a’di miiki’da Laabaan aṯu’c mo gom yili pesuŋ kamu/ mo be.
827	GEN 29:31	Ki Tap̱a p̱arki mo e ka Le/ah shi/kunu i e mo tani a’di ḵa’dki’da yim bwama dho’th piti ’twa/ mo, hila Rahiil a’di ta’da burum mo be.
828	GEN 29:32	Dhali aLe/ah a’di bwaaki’d mo dhali dho’th ya/ mo dhala yim ki yuḵ a’di gway ka Ra/ubiin mo haala yim oki gwo mo ki: Haali/ Tap̱a hilki’d ap̱o/ to kun wo’cki aha/ is she/ mo, shwane/ akaṯẖim pem midi en aha/ ka jiŋ gana/ mo be.
830	GEN 29:34	Doḵ/e ayim bwaaki’d mo dhali dho’th ya/ mo dhali o gwo mo ki: Shwanesan mo akaṯẖim pem midi gam is piti me’d ki aha/ mo haali/ aha/ dho’thkina a’di uc̱iŋgwaṯẖi kwara mo. Gom gwo gi wakan mo tani a’di iyuḵkunu a’di gway ka Lawi mo.
840	GEN 30:9	Ka Le/ah p̱arki mo e mo ki a’di daḵki’da dho’th mo tani ayim ki bu’th c̱iŋkina/ nyaram piti jin ta’da Silp̱ah mo mmoc̱iki a’di ka Yakuub mo mmota ash mo be.
841	GEN 30:10	Yan’ko’d c̱iŋkina/ nyara/ ma Le/ah a’di dho’thki’da Yakuub ya/ mo be.
842	GEN 30:11	Dhala Le/ah ki o gwo mo ki: Mo i e ki ’bor mo, wakan ayim ki yuḵ a’di gway mo ka Jaad mo.
843	GEN 30:12	C̱iŋkina/ nyara/ ma Le/ah a’di jin ta’da Silp̱ah mo dho’thki’da Yakuub ya/ jin ’kon ma p̱o/i su/ mo.
844	GEN 30:13	Dhala Le/ah ki o gwo mo ki: Aha/ be i’bora bwa mo, haali/ aris up̱i ’baar mo mini yuḵ aha/ gway ki ji gi ’bora bwa mo, wakan ayim yuḵki a’di gway mo ka Ashiir mo.
845	GEN 30:14	Ka tee jin ’ciṯẖkunu pos bunycan mo tani aRa/ubiin a’di yaki’d mo dhali gam mamana kamu/ e bunto mo (a’di jin yuḵu ki ’twa/ ma Arab ka lup̱p̱aah mo). Dhali a’di ki ḵalki uni kum ka Le/ah mo. Dhali yan’ko’da Rahiil o gwo mo ki: C̱iyaa/ mo ma, aha/ ’thona /e maman cwa ma lup̱p̱aah jin ḵalkina ya/m pini mo.
847	GEN 30:16	Ka Yakuub p̱u’dki’d mo ’peni bunto mom’pimpili/ mo tani aLe/ah yaki’d ka pije/ mo mmogam a’di ’kup̱ mo, dhali o a’di gwo mo ki: /E mini mii yayu/ aha/ shwane/ mo haali/ aha/ yolkina /e mo ki maman cwa ma lup̱p̱aah jin ta jim ma ya/m pem mo. Wakan a’di ishki’d nyaḵka yim mon’thiny c̱aan mo.
848	GEN 30:17	Dhali Arumgimis ciḵki gwo ma Le/ah mo dhala yim bwaaki’d mo dhali dho’thka Yakuub ya/ jin ’kon ma p̱o/ imudhe’d mo be.
849	GEN 30:18	Le/ah ki o gwo mo ki: Arumgimis c̱iki aha/ tom pem jin karka/ ka bara ṯu’c mo haali/ aha/ c̱ikina c̱iŋkina/ nyaram pem ka kaṯẖim pem mo. Wakana yim ki yuḵ a’di gway ka Yassaakar mo.
850	GEN 30:19	Dhali aLe/ah a’di bwaaki’d mo doḵ/e dhala yim dho’thki’da Yakuub ya/ jin ’kon ma p̱o/i pe’de/ mo be.
851	GEN 30:20	Dhali yan’ko’da Le/ah ki o gwo mo ki: Arumgimis a’di tashaa/ ki tom ’boro’d jin ḵamu/ aḵam mo. Shwane/ akaṯẖim pem midi taḵ aha/ mo haali/ aha/ dho’thkina a’di iya/ kun ’kon ma p̱o/ ipe’de/ mo. Wakan ayim ki yuḵ a’di gway mo ka Sabuluun mo be.
856	GEN 30:25	Ka Rahiil dho’thki’da Yuusup̱ mo tani aYakuub oki’da Laabaan gwo mo ki: Karki aha/ ’pen mo ki aha/ mina ya mo e gu’b pem mo dhali e bampam pem mo.
858	GEN 30:27	Hila Laabaan o a’di gwo mo ki: Waḵki/ /e mini dhalaa/ bway mmo/o gwo gi wakan mo si’da/ tani aha/ da/arkina gwo mo ki to jin mishu ki jamas mii mo tani Tap̱a a’di ’borki aha/ mii gom /e mo be.
865	GEN 30:34	Laabaan ki o gwo mo ki: ’Boro’d be, dhalki a’di gi wakan mo me’d jin ona /e mo be.
867	GEN 30:36	Dhali a’di hashki uni mmo/ii mo si’dasi’d ka cim kwara mo ’peni bwaman a’di ki is piti mo dhala Yakuub mo. Dhala Yakuub dhuki kun tiya mo uni kun tana ma’diny ḵa’bal ma Laabaan mo be.
871	GEN 30:40	Dhala Yakuub ḵwa/ki ḵa’bal bwa mo dhali kar jis/em piti ’kup̱ki ḵa’bal kun ’beresa is ki ’beres mo dhali dhalki ḵa’bal ’thi/ e bwamana ma’diny ḵa’bal ma Laabaan mo dhali a’di ki dhu kum piti kun ura a’di ki she/ mo dhali diki gam uni me’d ka ma’diny kuma Laabaan mo be.
873	GEN 30:42	Hili e ḵa’bal kun ’ka’da is ki ’ka’d mo tani a’di diki dhu cwa gwan imun mo wakan uni gwan kun ta ḵa’bal kun ’ka’da is mo tani uni kuma Laabaan mo dhali kun ’bitha is ki ’bi’th gwan mo tani uni ta kuma Yakuub mo be.
875	GEN 31:1	Dhala Yakuub ciḵki gwo jin ’kokina iya/ ma Laabaan mmo/o mo ki: AYakuub a’di bu’thki’da ris to ’baar mo kun ta kuma babam bana mo, dhali ’peni kuma babam bana mo tani a’di igamkina a’di mii adu is mmota pa ki pa kagahara mo be.
876	GEN 31:2	Dhala Yakuub si’da/ mishki mo mo ka Laabaan diki hil a’di i e ki ’bore/ ki hila ’the mo me’d jin ṯwa/a/ mo.
878	GEN 31:4	Gom gwo gi wakan mo tani aYakuub hashki gwo eya Rahiil dhala Le/ah e mombwaasho jin ’kona ma’diny ḵa’bal piti mo.
886	GEN 31:12	Dhali a’di ki o aha/ gwo mo ki: ’Deki em pini ’kup̱ki mo momis mo dhali p̱ari mo e mo, aris mi kun p̱ena jap̱p̱a/ ap̱o/ ama’diny ḵa’bal mo tani uni ’beresa is ki ’beres mo dhali uni tana dhudhunya/ mo dhali uni tana diŋdiŋ mo haali/ aha/ mishkina ris to kun miikin ma Laabaan ap̱o/ /e mo.
888	GEN 31:14	Yan’ko’da Rahiil dhala Le/ah thoḵki a’di gwo mo ki: A/toŋ kamu/ di’d jin ’tuntulkunu bwa ime’d mo walla mala kamu/ dhalkunu aman e gu’b ma babam bam mowa?
893	GEN 31:19	Dhali ka cim c̱aan mo tani aLaabaan a’di yaki’d mo mmo’ciṯẖ ḵa’bal piti amur mo dhala Rahiil a’di ḵwalki tomp̱inycon gi gu’b gi com mo.