6	GEN 1:6	Dhali Arumgimis ki o gwo mo ki: Dhalka balany di’d mo ibwaman ḵumma/ yi’de/ mo dhali dhalki a’di ḵwa/a’da ris ḵumma/ yi’de/ bwa mo ’pena ris ḵumma/ yi’de/ mo.
149	GEN 6:11	Hili mony’cesh a’di p̱u/ki’d e bwam/e ma Arumgimis mo dhali mony’cesh ’tu’dkunu ki piny piny ki mo jin bujurkunuwa bujur mo.
150	GEN 6:12	Dhali Arumgimis mishki mony’cesh mo dhali hili mo mo ma, a’di p̱u/ki’d mo haali/ aris buŋgwar isi ’baar p̱u/ki uni isiny cine/ mo e bway buni jin iina uni ap̱o/ mony’cesh mo.
209	GEN 9:3	Aris to kun joc̱kin kun ’kon ki e mo tani uni mini ta tonṯe/ gom um mo, dhali me’d jin c̱ika/ um ton dhii/i’d mmosi mo tani aha/ mina c̱i um aris to ’baar mo.
488	GEN 19:30	Dhala Luuth yaki’di ya ki mis ka pije/ mo ’peni Pan Suugar mo dhali c̱a’bki’d mo e ’kuwosha turga/ mo dhali i’bwa/m piti isu/ nyaḵki a’di mo. Haali/ a’di ḵo/ki’da ḵo/ is mo mmo’ko e Pan Suugar mo. Dhali a’di c̱a’bki’d mo ibwamana jurum wosh mo dhali i’bwa/m piti isu/ nyaḵki a’di mo.
539	GEN 21:25	Dhala Ibrahiim nyo/ki’da Abimaalik ki gwo mo gom jis yi’de/ mo a’di jin bu’thkina c̱iŋkina/ ma Abimaalik ki ’bi’th mo.
549	GEN 22:1	Dhali ki a’di warki’d ki mo jin pekin ma ris to gwansan mo tani Arumgimis nyo/ki’da Ibrahiim mo dhali o a’di gwo mo ki: Ibrahiim. Dhali a’di ki thoḵ a’di ’twa/ mo ki: Aha/ dina mmahan mo be.
764	GEN 27:36	Iisu oki gwo mo ki: A’di ’konuki yuḵ gway ka Yakuub ka jiŋ gana/ ’taa? Haali/ a’di thamki aha/ thum me’di su/ mo. A’di bu’thki mo ma bwanyaram pem jin taka/ mo, dhali hili mo mo ma, shwane/ a’di bu’thki mom’bor miim pem ’peni aha/ mo. Yan’ko’d a’di ki o gwo mo ki: A/mom’bor miiŋ kamu/ bunya/ dina /e ki ’tash ’twa/ mo gom aha/ mowa?
769	GEN 27:41	Shwane/ Iisu shi/ki’da Yakuubi e mo gom mom’bor mii jin ’borkina com a’di mii mo, dhala Iisu oki gwo e is piti mo ki: Atee jin minu kowa ko goma babam pem a’di ’dishkina ’twa/ mo. Aha/ mina ’kosha kam pem ka Yakuub jwa mo ŋ’ko’d mo.
803	GEN 29:7	A’di ki o gwo mo ki: Hili mo mo ma, atente/ caaca kagahara mo, a’di diki ta atente/ jin minu tul to/e isi monṯal ’de/ mo, woli ḵa’bal yi’de/ mo ma dhali iiku/ mo mmoc̱i uni ashon dhii/i’d mo.
846	GEN 30:15	Hila yim ki thoḵa yim gwo mo ki: A/a’di ta ari mii jin gwa’dagwa’d mo mmobutha kaṯẖim pem mo ’peni aha/ mo ’taa? Dhali /e ki doḵ/e o gwo mo ki /e mini ḵal maman cwa ma lup̱p̱aah jin ḵalkina ya/m pem ’te/ si’dawa? Rahiil ki thoḵa yim gwo mo ki: Ba a’di be midi ya ishi /e mon’thiny shwane/ mo gom maman cwa ma lup̱p̱aah jin ḵalina ya/m pini mo ’te/ be.
862	GEN 30:31	A’di ki o gwo mo ki: Atinta a’di imiga/ c̱i /e mo? AYakuub o gwo mo ki: /E mini c̱i aha/ toŋ kamu/ yisa. Waḵki/ /e mini mii to yan gom aha/ mo aha/ mina doḵ/e c̱i ama’diny ḵa’bal pini ashon dhii/i’d mo dhali ta amandhu uni mo.
866	GEN 30:35	Hili ’peni acim c̱aan mo tani a’di ḵwa/ki’da aris gwaṯẖi mi bwa mo uni kun tana ’beres is mo dhala dhudhunya/ mo dhali aris kuman mi kun tana unycur mo dhali ḵan iya/ gwo mo mmoji uni mo be.
868	GEN 30:37	Dhali yan’ko’da Yakuub ḵwa/ki’da biny cwan this jin ’ta’dama’ta’dam mo dhali ’ciṯẖ uni mo dhali thoson uni mo dhali ’ce cwa is mo mmotagi kush mo mmoṯor gulu’c cwaŋkush gwan eya tente/ mo.
1065	GEN 36:24	Uni gwansan ita iya/ ma Sib/uun mo: Ayyah dhala Ana a’di jin ta’da Ana jin gamki yi’de/ jin kasha e ki kash jin ’batha’ba’th e mombwaasho mo me’d jin urkina a’di aris thuluny ma Sib/uun jin ta’da babam piti mmoc̱iya shon dhii/i’d mo.
1096	GEN 37:12	Dhali ikam iikin mo mmoc̱iya ma’diny ḵa’bal gi com ashon dhii/i’d mo mmo’dish Pan Shakiim is mo.
1097	GEN 37:13	Dhala Israyiil oki’da Yuusup̱ gwo mo ki: Ikam pini ’koki ura ma’diny ḵa’bal mo mmoc̱iya shon dhii/i’d mmo’dish Pan Shakiim is mo ’taa? Yayu/ mo, aha/ mina hash /e i uni mo. Dhali a’di thoḵki a’di gwo mo ki: Aha/ dina imahan mo be.
1100	GEN 37:16	Aha/ ŋap̱kina ikam pem mo. A’di oki gwo kan mo mmo/o ki: Ṯoraa/ mo ma, aha/ ’thona /e mo, mane mom buni jin c̱ina uni ama’diny ḵa’bal ashon dhii/i’d mo?
1318	GEN 43:27	Dhali a’di ’theḵki gwondoṯ mo gom moŋ’kom buni dhali o gwo mo ki: A/ababam bum di’d ki ’bore/ mo ’te/ tana? wathin dhan jin ṯorkina um aha/ gwo mowa? A/a’di di’d ki ’bore/ mowa?
1425	GEN 47:4	Uni okina P̱irawn gwo mo ki: Aman p̱u’dkina mo mmo’ko ki ’ko ma c̱a/ e mony’cesh yan mo haali/ ashon dhii/i’da kamu/ yisa di’d imun kun mina c̱iŋkinam pini ic̱iya ma’diny ḵa’bal mo haali/ ṯe/ si’da/ a’di ishilki ’kwani is mo e Paŋ Kanaan mo. Dhali shwane/, aman ’thona /e mo, ki /e mini dhal c̱iŋkinam pini bway mo mmo’ko e Pan Jaasaan mo.
1468	GEN 48:16	aman’doyu gwo a’di jin wanki aha/ ’ba/ mo ’pena ris tonthus mo, ’bori uc̱i mii mo. Dhali e uni mo tani dhalki gway pem lu/ki’d mo dhali gway gi ibabam pem ka Ibrahiim dhala Is/hak mo. Dhali dhalki uni can mo mmota dhana buhany ’kwani mo e bwaman mony’cesh mo.
1471	GEN 48:19	Hili ababam piti a’di i/ushki’d mo dhali o gwo mo ki: Aha/ misha mo ya/m pem mo, aha/ misha mo. A’di si’da/ midi war ki ’kwani mo dhali a’di si’da/ midi caaca mo. Bahili ara kam jin gwa’dagwa’d a’di imidi caaca kagahara mo mmobol a’di e mo dhali emen piti midi ta abuhany kal ’kwaniny’cesh ka ris mo.
1767	EXO 9:24	Awassa/ raski’d, dhali awara sho’k su’kki’d ki dwa/a’d dwa/a’d ki sule/ sule/ mo ’peni bwaman ma wassa/ mo. ’Tham si’da/ bucurki’d ki ’bi’th mo. Ji gi wakansan yisa mishkunu yisa e Bampa/ Masiri ’baar mo ’pena dhamo/ me’dyin dina a’di ki war ki kal mo.
1793	EXO 10:15	Uni kumkina ’ceshi ’baar mo. Wakan a’cesh ki ḵar ’kup̱ ki dhurum mo mo. Dhali uni shwaki to kun sikunu mo e mony’cesh mo dhali aris maman to ’peni uni kun urkin ma wassa/ ’kup̱ mo. Ton dhi/i’da kamu/ yisa boc̱o’da walla cwa si’da/ walla to kun sinu mo em bunto mo ki tur eya ’cesh gi Pam Masir mo.
14254	PSA 23:2	A’di karki aha/ mmo/ish ’ko’da shon dhii/i’d mo. A’di suski aha/ e shemen yi’de/ jin doshki’d mo.
14391	PSA 33:6	Ki gwo gi Tap̱a mo tani momis uḵkunu mo dhali aris to kun ’koni bwaman uni ki shi/in jin shi/ini’d ’peni ’twam piti mo.
14491	PSA 37:20	Hili imanmii tonthus mo tani uni ’ce’dki sho’k mo. Aris uni kun ta ’kup̱ gi Tap̱a mo tani uni wana e ki monyca ma shon dhii/i’d mo, uni kun la p̱uu mo – dhali uni kun wana e ka ku’d kun la p̱uu mo.
14831	PSA 58:10	Ki ’dishe/ tani anos bum mina ’ko’d gwari ’batha’ba’th me’da ’de/ jin shwana o’d mo, waḵki/ ta’da go’d go’d walla diki’d mo/o’d mo tani dhalki a’di dhi’th uni sho’k ki jahanne/ mo.
14855	PSA 60:4	/E karki mony’cesh mmoyiḵin is mo. Dhali /e ki ’twaḵ a’di bwa mmotheḵ she/ mo. Nyaŋi a’di ka nyaŋ’ko’d mo e mom piti jin shi/ki’d mo, haali/ a’di mol dosh shoka ’cesh mo.
14923	PSA 65:13	Mo ma shon dhii/i’d gi mombwaasho mo tani wolki ’twa/ mo, dhali aris woshi ’baar mo uni ’kamki is buni ki moŋ’kuny bwa mo.
14936	PSA 66:12	/E ki dhal ’kwani bway mo mmomeri ’kup̱i aman mo. Aman iikina e mo/o’d mo dhali e yi’de/ kun shwana nyor mo, hili /e din mmosus am e embul mo kun beeyabee mo.
15086	PSA 73:11	Dhali uni o gwo mo ki: Ki tonta si’da/ imish ma Arumgimis mo? A/a’di jin Caa e ki Ca nyiṯẖki toŋ kamuwa?
15096	PSA 73:21	Ka ḵashiram pem ḵa/ki’d ki ḵa/ mo tani dhali ki aha/ su’kkunu eya du mo,
15104	PSA 74:1	Ayy Arumgimis, ki to jin ta’da ta iṯa’kkina /e amana sho ki sule/ sule/ kan mo? Ki to jin ta’da ta idhala /eya nyor pini i ya ku’d ap̱o/ ḵa’bal pini kun tana shon dhii/i’d mo?
15168	PSA 77:18	Dhali araḵ kun ’kani mis wolki yi’de/ mo, dhali momis si’da/ dhalki mondor ma sho’k me’d mo. Dhali athop̱am pini a’di dhwa/a’dki’d ki dhwa/a’d dhwa/a’d mo eya ris ’twaŋkal kuku/ mo.
15256	PSA 79:13	Dhali yan’ko’d aman kun tana ’kwanim pini mo, uni gun tana ma’diny ḵa’bal pini goma shon dhii/i’d pini mo aman mina c̱i /e mo jin ’boruwa ’bor bwa i is ki sule/ sule/ mo, ’pena nyaḵum yil jin tanu mo ntaga nyaḵum yil jiŋ ’ko’d mo, aman mina p̱e’d momaŋ pini mo be.
15314	PSA 83:13	Uni gun o gwo mo ki: Dhalki ana budha to gom is bana mo ’pena shon dhii/i’d ma Arumgimis mo.
15466	PSA 91:6	walla to jin wo’cki is she/ jin parki’d mon’thiny mo, walla mo jin ’ce’du/ sho’k jin shi/ki’da shi/ is montee mo.
15527	PSA 95:7	Haali/ a’di ta’da Arumgimis bana mo, dhali ana tana ’kwani ma shon dhii/i’d piti mo, dhali ḵa’bal gi me’d piti mo. Ayy ka tee yan shwane/ mo ki um mini ’taki ciḵ ’twam piti moyi.
15577	PSA 100:3	Mishi mo mo ki a’di ta Tap̱a jin ta’da Arumgimis mo. A’di ta a’di jin uḵki ana mo dhali ana tana kum piti mo be. Ana tana ’kwanim piti mo dhali ana tana ḵa’bal ma shon dhii/i’d piti mo.
15705	PSA 105:32	A’di c̱i uni dhana wasa/ mmohe’th me’da sho’k mo, dhala wara/ sho’k yan jin dhwa/a’dki mo ki dhwa/a’d dhwa/a’d e bampam buni ’baar mo.
15923	PSA 116:7	Doḵi ka nyaŋ’ko’d, ayy ḵashiram pem, e mosi/is pini mo, haali/ Tap̱a a’di ṯu/ulki’d nyaḵki /e ki mii jin isha to ka enthus gom /e mo.
23381	MAT 6:30	Hili waḵki/ Arumgimis ki hitha sho ki burrinye/ wakan mo e bwaasho mo tani uni gun ’kokin mo shwane/ dhali ka’thamo/ ’kwani ki ṯa’k uni e mo/o’d mo tani bakata ’te/ mmina a’di diki hi’th um ki burrinye/ ki nyanye/ mo, ayy um ’kwani kun gwa’da moŋgam gwo is ki gwa’d mo kan?
23650	MAT 13:42	Dhali uni mini ṯa’k uni e mo/o’d jin c̱a’bki wur wur mo. Dhali e mun mo tani ’kwani mini ko mo dhali ’pe’d shem buni mo be.
23817	MAT 18:21	Dhali yan’ko’d Buṯerus p̱u’dki’d mo dhali o a’di gwo mo ki: Tap̱a, me’d ekata min ma kam pem mmii miinthus ap̱o/ aha/ mo dhali aha/ ki dhal a’di miinthus piti ’pen mo? a/me’d kun ’koni saba kana?
24053	MAT 24:27	Haali/ me’da wara sho’k jin p̱u’dki’d ’peni mom’pesho’k mo dhali dhwa/a’d mo mo ntaga bora luŋgu’b mo tani wakan a’di midi ta mo jin mina Ya/ gi ’Kwani ip̱u’du/ mo be.
24307	MRK 1:23	Dhali ki jahanne/ wathiŋ kamu/ diki’d e gu’b montul is buni mo a’di jin taki’d ga rum thus jin nyo/o’d mo be.
24310	MRK 1:26	Dhala rum thus jin nyo/o’d ki tor a’di ’ko’da ’cesh mo dhali cuu gwo ki dhan ’twa/ jin caaca mo. Dhali a’di ki pi ka pije/ ’peni a’di mo.
24387	MRK 3:30	Haali/ uni oki gwo mo ki: A’di ta’d ga rum thus jin nyo/o’d mo be.
24435	MRK 5:2	Dhali ki a’di piki’d ka pije/ ’peni bwam ma ḵur mo tani a’di gamki ’kup̱ ki wathi/ jin piki’d mo ’peni moŋ’kup̱aje jin taki’d ga rum thus jin nyo/o’d mo be.
24441	MRK 5:8	Haali/ a’di ki o a’di gwo mo ki: Piyi ka pije/ ’peni wathi/ mo, /e jin tana rum thus jin nyo/o’d kan mo.
24496	MRK 6:20	Haala Hirodus a’di ḵo/ki’da Yohaan mo mmomishkina a’di a’di ki a’di ta wathiŋ ḵar/e mo dhali wathi/ jin ḵogu mo dhali kar a’di ki ’dantar mo. Ki a’di ciḵki gwo ’peni a’di mo tani a’di duŋkurkina ’kup̱ is kagahara mo dhali a’di di’d mmociḵ gwo ’peni a’di ki bwaŋ ’kunyga/ mo be.
24515	MRK 6:39	Dhali yan’ko’d a’di ki ḵan uni gwo ’baar mo mmo’ko ’pena ’cesh ka pwaḵ she/ mo ap̱owa shon dhii/i’d mo.
24557	MRK 7:25	Hili ki jahanne/ a’boma kamu/ a’di jin bu’thkin ma rum thus jin nyo/o’d ’bwa/ mo ciḵki gwo mo gom a’di mo, dhali a’di p̱u’dki’d mo dhali c̱a’bki jiŋ ’kup̱a’dup̱uni shoki a’di mo be.
24624	MRK 9:17	Dhali jan ṯal ’de/ ’pena buhany wathimpa thoḵki a’di gwo mo ki: Manṯor Gwo, aha/ suskina ya/m pem i /e mo haali/ a’di bu’thkin ma rum thus jin nyo/o’d jin mol a’di ’twa/ wal mo.
24627	MRK 9:20	Dhali uni ki susa ’ci i a’di mo. Dhali ka rum thus jin nyo/o’d p̱arki a’di e mo tani dhali ki jahanne/ a’di ki tora ’ci ’ko’da ’cesh mo dhali a’di ki biṯa ’cesh mo dhali ’daŋkal ka gabusha/ i’twa/ mo be.
24632	MRK 9:25	Dhali ka Yesus mishki’da dhana buhany wathimpa p̱u’dkin mo mmosoyu/ mo mmonṯal ’de/ mo tani a’di ḵucurki’da rum thus jin nyo/o’d ki gwo mo mmo/o a’di gwo mo ki: /E jin noni wathi/ ’twa/ wal mo dhali /e jin ta wathi/ ’ceya ’diye/ mo, dhali /e jin tana arum jin nyo/o’d mo tani aha/ ḵankina /e gwo mo ki: Piyi ka pije/ ’peni a’di mo dhali dhalku/ ki se i a’di ki sule/ sule/ mo doḵ/e.
24656	MRK 9:49	Haali/ aris ’kwani ’baar mo ka ’deṯe/ ’deṯe/ mo tani uni minu imii ka ’doŋkoro/ ki mo/o’d mo be.
24722	MRK 11:13	Dhali a’di mishki’da p̱u/ ’pena dhana/ mo jin lu/u’d mo. A’di ki ya mo mmop̱ar e mo waḵki/ a’di midi ’taki gam maman ’peni a’di mo. Ki a’di p̱u’dki’di a’di mo tani a’di diki gam toŋ kamu/ mo hili jasi ’cemen gana/ mo haali/ a’di diki ta yil ma p̱u/ mmodho’th mo be.
24756	MRK 12:14	Dhali uni p̱u’dkin mo dhali o a’di gwo mo ki: Amanṯor Gwowa, aman misha ki /e ta a’diŋ gana/ mo dhali /e diki mii mii ka gwar ’de/ mo gom wathiŋ kamu/ mo, haali/ /e diki taḵ ’kwani gom monycam buni mo hili ka jiŋ gana/ /e ṯori gwo gi bway ma Arumgimis mo be. A/a’di ta gwoŋḵan jin minu c̱ika Kaysara thulp̱a/ mowa? walla minu dhalku/ mo?
24958	MRK 16:16	I/a’di jin midi gam gwo is mo dhali minu mii ki yi’de/ mo tani a’di iminu iwoṯẖ mo be. Hili a’di jin diki gam gwo is mo tani a’di minu waḵ mo be.
25165	LUK 4:33	Dhali e gu’b montul isi mun mo tani wathi/ diki’d jin ta’d ga rum thus jin nyo/o’d mo. Dhali a’di cuu gwo ka dhan ’twa/ jin caaca ki:
25167	LUK 4:35	Hila Yesus ḵucurki a’di ki gwo mo mmo/o gwo mo ki: C̱a’bi ki shwam mo, dhali piyi mo ma ’peni a’di mo. Dhali ka rum thus jin nyo/o’d biṯki a’di a’cesh mo e bwam uni mo tani a’di piki’d ka pije/ mo ’peni bwam a’di mo. A’di diki mii to shiyi’da kamu/ gom a’di mo.
25292	LUK 7:28	Aha/ ṯora um gwo mo ki: E bwaman uni gwansan kun dhodhu mo e bwam up̱ mo tani jan ṯal ’deŋ kamu/ yisa di’da jin ca’d jin bolki’da Yohaan e mo hili isi ciki/ a’di jin p̱isi’d mo e Bampa/ ma Arumgimis mo tani a’di i/eḵki’d ki a’di mo be.
25343	LUK 8:29	Haali/ a’di ḵanki’da rum thus jin nyo/o’d gwo mo mmoya ka pije/ mo ’peni wathi/ mo. (Haali/ me’d ka ris a’di bu’thki a’di mo dhali a’di karkunu mo mmoji mo dhali a’di deḵkunu ka jindhiir mo dhala maḵḵiya mo, hili a’di ’ce’dki mondeḵ mo dhali a’di urkin ma ruma ’cesh ka pije/ mo e bwam ma si’b mo.)
25412	LUK 9:42	Ki a’di di’d mmoyayu/ mo tani aruma ’cesh ki mombol a’di is mo dhali p̱esh a’di mo. Hila Yesus ki ḵucura rum thus jin nyo/o’d ki gwo mo dhali a’di ki wac̱a ’ci mo dhali a’di ki c̱i a’di ka nyaŋ’ko’d e com mo.
26559	JHN 10:9	Aha/ tana ’twaŋkal mo. Waḵki/ jan ṯal ’deŋ kamu/ midi seyu/ i aha/ mo tani a’di minu woṯẖ mo dhali midi seyu/ bwaman mo dhali ya ka pije/ mo dhali gama shon dhii/i’d mo be.
26639	JHN 11:47	Wakan igasiis kun can mo dhali ’Kwani P̱arisiyiin uni tulki ’kwani gi montul is buni is mo dhali o gwo mo ki: Atinta i/a’di imina ana imii mo? Haali/ wathi/ yansan miiki’da ris miimer ka ris mo.
26791	JHN 15:23	A’diyin jin shi/ki aha/ i e mo tani shi/ki’da Babam pemi e si’da/ mo be.
26958	JHN 20:22	Dhali ki a’di oki gwo yansan mo tani a’di shi/inki’da p̱o/ uni mo dhali o uni gwo mo ki: Budhi Shi/in Dheleladhelel mo ma.
27217	ACT 7:32	Aha/ tana Arumgimis gi ibabam pini mo dhala Arumgimis ma Ibrahiim mo dhala Is/hak mo dhala Yakuub mo. Dhala Musa deena is kagahara mo dhali ḵo/ki’da ḵo/ is mo mmohil a’di mo be.
27234	ACT 7:49	Momis ta’da ḵursin tap̱am pem mo dhali mony’cesh ta cwa jin dhuka/ sho’k pem. Gu’b gi wakata imina umi nyaŋaa/ mo? Tap̱a i/o’d kan mo. walla ma mom pem jin miga/ isi/ is mo?
27330	ACT 10:2	A’di ta wathiŋ gayiin dhali a’di ta a’di jin ḵo/ki’da Arumgimis mo uni ki kuŋ gu’b piti ilu/ i’baar mo dhali jin c̱i tom piti kagahara gom ’kwani kun hatha’ko’d mo dhali ’tho’da Arumgimis isa yempa/ mo.
27350	ACT 10:22	Dhali uni o gwo mo ki: Karniliyuus jin ta’da mancil ma askar iss ’kwanimpa mudhe’d jin ta wathi/ jin mii’d ka ḵar/e mo dhali ta a’di jin ḵo/ki’da Arumgimis si’da/ mo dhali jin maŋa ’kwani gi Bampa/ Yahuuda/ ’baar mo tani a’di c̱in ma Arumgimis gwo nṯwa/a/ ka man’doyu gwo jin dheleladhelel mo mmohashi /e e gu’b piti mo dhali mmociḵ gwo ’peni /e mo.
27640	ACT 18:14	Hili ka Buulus murki’di c̱ee ’twam piti mo tani aGhaliyuun ki o ’Kwani Yahuuda/ gwo mo ki: Waḵki/ ka jiŋ gana/ a’di midi ’taki ta mii shi/i’d mo walla mii jin ta jin thus mo dhali jin ta ji ma maḵa/ gany mo tani ayy um ’Kwani Yahuuda/ mo, adu midi ’taki ṯucaa/ mmo’taki gu is ’peni um mo.
27704	ACT 20:10	Dhala Buulus thulki’d ka luŋgu’b mo dhali a’di biṯki’da p̱o/ a’di mo dhali mmokoṯẖkina a’di a’di me’d mo tani a’di o gwo mo ki: Dhalka du ki mii mo ma haali/ a’di shi/irki’d mo be.
28062	ROM 3:3	Dhali gwo wakata waḵki/ kun tiya dar gi gwo jin gamu is mo? Mmo’kona uni ki dar gi gwo jin gamu is mo tani a/a’di imina gwo jin gamu is ma Arumgimis i/ush me’d mowa?
28302	ROM 11:25	Ki um mini ’koki ’ko ki ji mol mo mo e mohe’k em bum mo tani aha/ ŋap̱a um mmomish gwo ’ban mo, a’di jin ta gwo jin bagu mo, iwaḵa. A/usiny’ce p̱u’dki’d e ’ban gi ’Kwani ma Israyiila tiya mo ntaga waambuhany ’kwani kun ’koki ta ’Kwani Yahuuda/ ’tu’dkunu mo mmopu’d mo be.
28350	ROM 14:2	Wathin ’de/ gam gwo is ki a’di mishi shwa aris to mo. Dhali wathi/ jin ’ka’da is a’di shwa jasi ton dhii/i’d mo.
28514	1CO 4:13	Ki aman yerkunu is ki gway ki gwonthus mo tani aman malaskina gwo mo. Aman warkina mo dhali shwane/ wa e ka duhal gi ’kwaniny’cesh mo dhali aman wana e ki to jin dhi’thkunu aris to nyo/o’di ’baar mo be.
28651	1CO 10:16	Aḵubbaaya gi mom’boru mii mo a’di jin ’bora ana a’bor mii mo tani a/a’di diki ta mii jin nyaḵu to bu’th mo goma bas ma Ḵrisṯẖos mo ’taa? Dhali maaŋḵuthu’d jin ’ce’dkina ana mo tani a/a’di diki ta mii jin nyaḵu buŋgwar is ma Ḵrisṯẖos bu’th mo ’taa?
28717	1CO 12:15	Waḵki/ sho’k midi ’taki o gwo mo ki: Haali/ aha/ ŋala/ tana me’d mo tani aha/ yisa icila buŋgwar is mowa, itani a/a’di midi ’taki ’cwap̱ a’di ari’ceenne/ ’peni buŋgwar is mowa?
28718	1CO 12:16	Dhali waḵki/ ’ce midi ’taki o gwo mo ki: Haali/ aha/ ŋala/ tana e mo tani aha/ yisa icila buŋgwar is mowa, itani a/a’di midi ’taki ’cwap̱ a’di ari’ceenne/ ’peni buŋgwar is mowa?
28738	1CO 13:5	A’di yisa kar is ki ji gi mish to mo yisa walla mii mii jin mantharamandhar yisa. Mo/en diki ses mo mmomii a’di jin o a’di bwa mo. A’di diki shwa mii ki o’d mo walla push gwo shi/i’d eya du mo.
28822	1CO 15:36	/E wathim p̱us yan mo! To jin sina /e mo tani a/a’di midi di ki e iṯwa/a/ mowa hili isi ciki/ a’di midi wu mo be.
29174	GAL 3:5	Dhali a’di si’da/ jin thip̱ki’da thip̱ ki Shi/in e um mo dhali mii miimer e bwam um mo tani a/a’di ki mii a’di ki gwoŋḵan jin c̱inu mo walla ki gwo jin ciḵu ki moŋgam gwo is mo?
29291	EPH 1:18	mmotana um gi e ma du kun ’twaḵki mo ki ’twaḵ jin shi/i’d mo, ki um mini mish mo ma ’teŋ kap̱e/ yan mo jin yuḵkina a’di um icine/ mo dhali mom piti jin tana a’di pa ki pa mo gi mal gi monycam piti e uni kun dhunu ki she/ ki dhelel dhelel mo,
29292	EPH 1:19	dhali mom’bi’th piti yan jin eḵki’d ki eḵ jin shi/i’d jin molu bar mo e ana kun gama gwo is mo isi me’d miim piti jin miina a’di ka dhan ’bi’th jin ta’da dem dem mo,
29398	EPH 5:27	ka ḵaniisa minu kari bwambori a’di mo ki ra/ ra/ mo ki dar gi monyo/o’d mo walla mo jin dudup̱a dudup̱ mo walla ma to gi wakan mo, ka yim midi dheleladhelel mo dhali dar gi monthalkin mo.
29641	1TH 2:4	Hili jasi me’d jin ṯeskunu aman ka Arumgimis mo mmota imandhu to mo gom gwom ’borga/ mo tani wakan aman ṯorkina gwo mo, yisa mmomii mii mmo’bor ’kwani bwa mo yisa, hili mmo’bora Arumgimis bwa i is mo, a’di jin nyo/ki’da dum bam mo be.
29865	1TI 6:10	Haali/ mo jin enuwa guurush mo tani a’di ta’da birman goma ris tonthusi ’baar mo. Gom ’daŋ gwo yan jin ’kosho’d mo tani kun tiya perkin mo ’peni bway gi moŋgam gwo is mo dhali uni su’kkin ma dum buni ki la/a’d la/a’d ka ris mo.
29869	1TI 6:14	aha/ ḵana /e gwo mo mmodhu gwoŋḵan jin ’kwarkunu mo ki dar gi monyo/o’d mo dhali ki dar gi mo jin waḵuwa waḵ mo ntaga tee jin mina Tap̱a Yesus Ḵrisṯẖos bana piyu/ mo be.
30115	HEB 6:4	Haali/ a’di molu mii mo mmotash mii e mo doḵ/e gom mo jin rijuwa du is mo gom uni gwansan kun takin gi e ma du kun ’twaḵki mo ki ’twaḵ jin shi/i’d ’thissa/ mo, uni gun nyoḵki to gi momis jin c̱inu ki me’d mo dhali war ki uni gun pwaḵkunu Shi/in Dheleladhelel mo be,
30122	HEB 6:11	Dhali aman ona bwa ki isi oŋ gana/ ki um ka ’deṯe/ ’deṯe/ mo mini ṯor mii yan ka daran du mo mmonyiṯẖa/ nyiṯẖ ki mii jin shi/i’d mo mmomish ki isa duŋ gana/ gom mo ma ’teŋ kap̱e/ jin midi di ntagi ’pemen mo be,
30157	HEB 7:26	Haali/ a’di ha me’d ki haŋ gana/ mo ki ana mina ’taki ta ga gasiis jin ca’d gi wakan mo, a’di jin ḵogu mo dhali a’di jin dar gi mii ’ba/ mo dhali a’di jin dar gi mo jin nyo/o’d mo, dhali a’di jin ḵwa/i is mo ’peni imanmii miinthus mo, dhali a’di jin karu ki ca mo ap̱o/ momisi ’baar mo.
30165	HEB 8:6	Hili me’d jin wana a’di kan mo tani aḴrisṯẖos a’di bu’thki mo jin miinu to mo, a’di jin ’boro’d ki isi ’bor jin shi/i’d mo mmobol jin dhamo/ e mo, me’d gwo jin gamu me’d mo jin doshkina a’di agalany mo mmomii mo jin bolki’da kamu/ e mo, haali/ a’di ruu’kkunu mo ki gwo kun onu is mo kun bolki tiyan dhamo/ e mo be.
30200	HEB 9:28	wakan aḴrisṯẖos, a’di jin c̱ikunu mo mmoḵal miinthus gi ’kwani ka ris me’d ’de/ mo tani a’di midi piyu/ doḵ/e me’di su/ mo tani yisa mmo/us mii is mo gom miinthus mo, hili mmota uni gwansan is ki me’d mo, uni gun gananki ’ba/ ki ganan jin shi/i’d mo mmoc̱or a’di mo be.
30392	JAS 3:6	Dhali ale’d a’di ta o’d mo be. Ale’d a’di ta to gi ’kwaniny’cesh jin diki ta ḵar/e ibwaman tom buŋgwar is bana mo mmonyo/ buŋgwar isi ’baar mo mmoc̱i’th ki o’d ’peni buyem pa jin dhodhuwa dho’th jin dosh ’peni o’d mo dhali jin c̱idhu ki o’d ki mo/o’d mo.
30448	1PE 1:7	Wakan ki moŋgam gwo is bum gana/ mo, jin ta yintho/ ki yintho/ mo mmobol ’dolkon gana/ e mo, a’di, ba a’di jin mishi p̱u/ mo tani a’di nyo/u ki mo/o’d mo tani minu ’taki gam mo mmoc̱i momaŋ mo dhali monyca mo dhali montaḵ mo e mony’cee jin minu ’ceeya Yesus Ḵrisṯẖos mo be.
30571	2PE 2:4	Haali/ waḵki/ Arumgimis diki ’tash iman’doyu gwo ’twa/ mo me’d jin miina uni miinthus mo tani, hili a’di ki ṯa’k uni e mo/o’d mo dhali a’di ki dhu uni e jisa ’kulga/ mo kun ta mondhurumi’d jin ’ceṯẖki’da ’tum mo mmodhu uni ntagi gwo jin minu dwall mo be.