22606	JON 1:6	Narkolelut ge abi terdari a abi titmeri, “Ma nalu ikeli ut nauperidi? Eti a mara agud damos upiatidarem karim e merbi ia nasge watidikerare a mi iako nole nabaume.”
22608	JON 1:8	Wi eudi abi itmerda, “Ma kerbi detagrare nako marialam paki uridli muige able adud paikaige? Nalu pema ikeli? Na gedlam ma tabakiamudari? Ma na gedbuai nali?”
22610	JON 1:10	Wi umele urder Zona Opleilam tabadmiriklu. Ablegide iabi geum dararepda wige batkarti, “Ma naluglam able korepge tabadmirikda?”
22611	JON 1:11	Able wag a gur ekelei aukaise adud belei. Able pazargize abi itmerda, “Ki marim nalu akairare waiakai able au wagira urker wedemri?”
22639	JON 4:2	E eudi erkepasameida, “Ople, ka nole detauti nade ka mena gedge nawer? Ableglam ka dudumge badmirikda Tasisem. Ka umele nawer mama debe tonartonar a au omaromar Ad nali, wapum lidagebge a au degdeg mara lag ike leem a able Ad ma nali ma nole lagkak le detko.
22641	JON 4:4	Oplelut abi tiditagri, “Nako marim sikak dike ma wekuge nawer?”
22646	JON 4:9	Ege Adide Zonai detagri kega, “Nalu sasrim pe mara dike ko ma able luneg wekuge akai”? Zonade abi detagri, “Kara sasrim nagri wekuem able korepge ka umele naumilu.”
22648	JON 4:11	“Epe Ninebera ebur a pako 120,000em le ko duridli, able le pe nole mamoser umele uridli debele adudlam. Ei kara nole ia nas obaruk Ninebeem able au utebem?”
24311	MRK 1:27	Ege le bazigmuarti. Wige tabara bautmerlare, “Nalu peike? Able erwer nerut korep ike. Able le pe barkakle dali. E aukaise dimoni detagri a wipe irmirda.”
24338	MRK 2:9	Wage ke dikepwararwem: nalu sikak dikeredi, able atmutatmut le obatager, “Ma wit bamaiderdi” a “Ma ekwei, papek mara etaruk, mage nagem”?
24345	MRK 2:16	Wader Aotarle ge Parisaio urder Iesui erdarda lewer erwer able lekem, wige abra kaimegiz darautmerda, “E naluglam lewer eroli adud lege?”
24347	MRK 2:18	Netat gergerge, Zonera a Parisaiora kaimegiz nole lewer arokak urder. Wader le tabakiauda Iesuim a abi itmerda, “Zonera a Parisaiora kaimegiz lewer arokak uridli. Naluglam mara kaimegiz nole ko lewer arokak waurder?”
24348	MRK 2:19	Iesude detauti, “Wa nalu dikepwareda? Nako le paipu lewerge oba werer ge obakerer? Nole. Nade paipule yabidoge wadawer wi lewer wairolare.
24350	MRK 2:21	Nole netat lelut kerkar walimog etketi emeret walige. Nalu ya wakai? Able kerkar walimog ya obazrare emeret walilge.
24351	MRK 2:22	A nole netat lelut kerkar waina epaiterdi muige emeret tarporge. Nalu ya wakai? Able kerkar wainade ya able emeret tarpor wadiskimer, a able waina a pako tarpor ya obatkowam. Nole, pardarlegize kerkar waina waipaiterdare muige kekar tarporge.” MRK 2.23-28
24361	MRK 3:4	Ege Iesude le nautmerda, “Nalu debeiu ikeredi merbi Gelarge pe merbi dikereda ma Sabadge ikerer? A nalu adudlu? Nako e debele ikeredi ma lera idid daseserder? A debele ikeredi ma abi ipit?” Wige nole abi mir ikwarda.
24390	MRK 3:33	Iesude eudim detauti, “Nete kara agekar ama dali? Nete kara agekar barada dali?”
24413	MRK 4:21	Iesude yabi daratagerda, “Nade wa lampa dirsirkare, nako wa sepge demargerare wa lewer kobarlugu etkamare? Nako wa sikge sepge demargerare? Nolekar, wai ikairare lampa agimur luge demargerare.
24422	MRK 4:30	Iesude ko yabi daratagerda, “Mi nako Adira Basalaia sikak datautare? Nalu mir abisir mir mi akerare ei able Basalaia merbi waditomeretiare?
24433	MRK 4:41	Wige bazigmuarti a tabara baotmerlare, “E nalu orwaiorwai le pedali? Wagiba zeuberei umerkak wader le wanasware wipe no abi asriei.”
24442	MRK 5:9	Iesude abi itmeri, “Mara nei nako dikeredi?”. Ege able lelut abi detagri, “Kara nei dikeredi Lera Kub ableglam ki mitkar uridli.”
24463	MRK 5:30	Keko Iesu umele baida abra sasrim abialam adem deosmeda. Ege bataurikda able kubge ge nikidetreder a yabi nautmerda, “Netide pe kara wali mop itutida?”
24464	MRK 5:31	Abra memegle eudige bakeri abi ikaidarda, “Able le pema uridli mari naumarteda. Mape naluglam eutmeli, 'Netide kari natutidari?'”
24472	MRK 5:39	Ege bakiamuda able metaem badari a akaida yabi daratagerda, “Wa naluglam pe wa bamisreda a wa naluglam i bazoli? Able kebi neur nole eumida - e no ut iperedi!”
24478	MRK 6:2	Sabadge ege akaida mitkar le nerwerlare sunagoge. Nade wi abra mir dasorlare wige bazigmuarter a abim mir dimwarlare. Wige tabara netatnetat bautmerlare, “Netilam able lelut able mir taisi? Netilam abra pardar dikeredi? E nako able au dorge ikeli?”
24500	MRK 6:24	Able neur baka eosmeda tabara ama titmeri, “Ka nalu lugem tarautmerer?” Abi amade abi tiditagri, “Ma Zone Baptaiso kirimem teutmerwa.”
24513	MRK 6:37	Iesude yabi daratagerda, “Wa wabu yabi lewer arwem neiswerare.” Wige abi itmerda, “Nako ma laglag nali ki nabakiaware nabause bered tarapare able gair leem pe uridli? Able lewer nagriwerteda au bodom bakir bakir.”
24514	MRK 6:38	Iesude yabi nautmerda, “Waba naket bered nagriwerteda? Wa baka tadasmerare.” Nade wi bakiauda tadasmerda, wige abi detagerda, “Keriba no 5 bered nagriwerteda a neis lar pa nakeredi.”
24537	MRK 7:5	Wige Parisaio a Aotarlegize Iesui itmerda, “Naluglam mari memeglegize nole able erwer irmireda pe merbi lugizlam nagriwerteda? Wi naluglam lewer erweda ogog tagtag?”
24550	MRK 7:18	Iesude yabi daratagerda, “Aise! Nako wako uridli able mir nole wabidoge ikeredi? Lu adlam bakiauda le gemge barti nole yabi nakerda seksek berda,
24573	MRK 8:4	Abi memeglegize abi itmerda, “Nako lelut lewer wairdar e able le wadarasisiare able lekak uteb pe irdi?”
24574	MRK 8:5	Iesude yabi nautmerda, “Naket bered nagriwerteda?” Wige abi detagerda, “Keriba 7 bered nagriwerteda.”
24581	MRK 8:12	Iesude eudige aukaka ner batawerdi a akiadari, “Naluglam le able kerkerge bautmeli nalu atamilam ikeredi? Ka wabi agekar detagreda, wi umerkak ya atamilam wairpeirare!”
24586	MRK 8:17	Iesu umele dawer wi nalu mir batagelare ege eudige yabi nautmerda, “Wa nalu mir peua ipweda meriba nole bered kak? Wa nole peua umele uridli? Nako waba idoni au wapum dali?
24587	MRK 8:18	Waba poni nagriwerteda wa nole dasmereda, waba girip nagriwerteda, wa umerkak asrare. Wa umerkak dikepwalare?
24588	MRK 8:19	Nade ka 5 bered itri 5000em, wage naket epei daramida able leweru ge kaier barida?” Wige abi detagerda, “12 epei.”
24589	MRK 8:20	“A nade ka 7 bered itri 4000em, wage naket epei daramida able leweru ge kaier barida?” Wige abi detagerda, “7 epei.”
24590	MRK 8:21	Iesude eudige yabi daratagerda, “Nako wa mena umerkak uridli?” MRK 8.22-26
24592	MRK 8:23	Iesu akaidari sadmerlera tag derpeidari a abi adem utebiam datkimuada. E sadmerlera poni mosu ditwi a tabara tag ikaida abidoge dikmerida. A eudige eutmeri, “Nako ma lu darasmereda?”
24596	MRK 8:27	Ege Iesu a abra memegle aden bakiauda gair utebem ge Sizaria-Pilipaige naridweretlare. Wi gabge nakasirweretlare ege Iesude yabi nautmerda, “Wa kari natagrare, nako legize detauteda kaka nete nali?”
24598	MRK 8:29	Iesu yabi nautmerda, “Wawa uridli? Wape nako peua detauteda kaka nete nali?” Peterude abi detagri, “Mama Keriso nali!”
24605	MRK 8:36	Nako lelut agekar sikak wadawer ese abi kemerkemer able gesep obakwar ei weumi? Nolekar!
24618	MRK 9:11	Wige eudige Iesui itmerda, “Naluglam Aotarlegize detauteda Elaiza kikem watatabakiamu?”
24619	MRK 9:12	Iesude yabi daratagerda, “Agekar Elaiza kikem tabakiamuda ko gair lu wadararsirare. A mipe nalu pemi etagada nako Lera Werem dali muige Zogoziawalige? Mi etageda e asiasi wadigi a abi wadituaklare!
24623	MRK 9:16	Iesude tabara memegle nautmerda, “Wa naluglam pewa tabasardeda?”
24626	MRK 9:19	Iesude yabi daratagerda, “Wa owaturkak le uridli! Ka na niainiai yaka wabidoge nawar? Ka na niainiai yaka okasosok wabialam digier? Wa able werem kei karim tigardare.”
24628	MRK 9:21	Iesude able lera bab itmeri, “E na niainiai able orwairorwair wadawer?” Ege abi ikaidari, “Able kerkerlam nade e kebi werem wadali.
24629	MRK 9:22	Mitkar kerkerge dimonide abi waiker ko abi waipiti e abi obatawerder urem a niem. Ma kerbi omarge; mai umele kerbi upiditidarare?”
24635	MRK 9:28	Keubu, nade Iesu tebteb bakiamuda badari able metage, abi memeglegize titmerda, “Ki naluglam nole ki able dimoni adem ismerdarda?”
24640	MRK 9:33	Wi taba Kapanamge bakarki. Nade wi bakiauda metage barti, ege yabi nautmerdi, “Wa naluglam pewa gabge tabasardeda?”
24659	MRK 10:2	Wader Parisaiole tabakiauda abim ko abi taba miru wadamisirda. Wi eudige abi itmerda, “Ma kerbi detagrare, muige kerbi gelarge, aka kimiargize umele tabara koskir wadaratuakare?”
24660	MRK 10:3	Iesude ge yabi nautmerda, “Wabi Mosede nako wabi waditagreda?”
24674	MRK 10:17	Nawer Iesu ga marbamarker obakiamuda, ege le abim korider temrida a kokni erapeida abi opem. E eudige Iesui itmeri, “Debe erwerle, ka nalu lu akere ya waiakai ka niai idid tarpeilu?”
24675	MRK 10:18	Iesude abi itmeri, “Ma naluglam kari nabgeli debele? No pe Ad dali debele.
24676	MRK 10:19	Ma umele nali 10 geiar:' ma nole ipitwa; ma nole kog derevwa; ma nole erwamem; ma nole besdiridwa; ma nole okaderdar; ma mara bab a ama narmirwa?”
24683	MRK 10:26	Wige aukaise ga bazigmuarti nade wi able mir asorda. Wi tabara bautmerlare, “Pe irdiredi, nete ya idid watakai?”
24693	MRK 10:36	Iesude ge yabi nautmeri, “Wa nalu lu laglag dali ka wabim akailu?”
24695	MRK 10:38	Iesude eudige yabi daratagri, “Wa nole umerkak dali wa nalugem eutmereiei. Nako wa umele able asiasi iriam mokakalam able asiasi ya kaka arie? Nako wa umele bapataiso bapaiteredlam okasosokge mokakalam ya kaka nabapaiteredlu okasosokge?”
24708	MRK 10:51	Iesude eudige abi itmerda, “Ma nalu laglag nali kaka marim akerer?” Ege abi sadmer kimiaride detagri, “Erwerle, ka laglag nali lea koka dameri.”
24712	MRK 11:3	Ese nalelut wabi waditmerwa, “Wa naluglam able ikereiei?” wage abi detagerwam, “Ople laglag dali. E ya abi kei dudumge watimarik.””
24714	MRK 11:5	wader le ge urder yabi nautmerlei, “Wa nalugem wa asina ditwimerteiei?”
24737	MRK 11:28	a abi itmerda, “Mara nalu sasrim ikeredi mape able lu ikeli? A netide mari able sasrim nakwari?”
24739	MRK 11:30	Wa kari natagrare, nako Zonera sasrim dikeredi le baptaiso wadarapaitlare tabakiamuda Adilam? Ese nole, nako e lelam ikeredi?”
24740	MRK 11:31	Wige eudige bakeri ga tabara basarediare, “Mi nalu mi detautlare? Ese mi nabatkarte, “Adilam ikeredi”, e merbi ya waditagrare, “Wage naluglam nole Zone asorlare?”
24751	MRK 12:9	Iesude yabi nautmerda, “Aka wa nako dikepwareda able gedub kemlelut nalu ya nerut lu waikai? E ya watakomer a yabi asesered le ya wanarsare, a wader kerkar asesered le ya waiker gedubge wanamrare.
24756	MRK 12:14	Wi tabakiauda ge abidoge a abi detagerda, “Erwerle, ki umele uridli ma gair kerkerge agekar waditauter a ma nole le geumge wekerer. Ki umele uridli ma nole girip wairdirer able leem e nete dali; ma le agekar wanerwerlare Adira gab. Ma kerbi detagrare, pe keriba geiar ikeredi, nako e agekar ikeredi mi Kaisai bodomalam aiswelare? Nako nolekar?”
24757	MRK 12:15	Ege Iesude umele wadasmeli yaba mir amisir. Ege yabi nautmerda, “Wa naluglam mokakalam ikereda kari namisreda? Wa zorom bakir tikadarare ya waiakai ka dasmere.”
24758	MRK 12:16	Wige bodom bakir abim tikadarda ege eutmeri, “Netira nei iba opei pe nauperedi?” Wige abi detagerda, “Kaisara.”
24765	MRK 12:23	Able kerker watabaruk nade ya eudle obakiamu ididem, ei netira koskir ya wadawer? Ege gair 7 baradage ispida.”
24770	MRK 12:28	Netat le Autarlelam ge dawer able mir asri ge wi miripulare. E asri Iesude barkak mir Sadusaio daratagerda. Ege tabakiamuda lesuim ko abi waitmeri, “Nalu gelar pe aukakale ikeredi?”
24777	MRK 12:35	Nade Iesude yabi au zogometage nerwerlare, ege le ge carautmerda, “Aotarlegize nalugem detauteda Keriso ya Dawitara werem wadawer?
24779	MRK 12:37	Dawitade Kerisoi dabgerer Ople. Pa dikeredi, Keriso ya naluglam Dawita werem wadawer?” Ege able au kub lera ge nikidetreder Iesu sererserer asorlare. MRK 12.38-40
24827	MRK 14:4	Wader le ge urder yaba lid bageblare a tabara batagelare, “E nalugiam debe laglag wakaiso pe no ikiaii?
24829	MRK 14:6	Ege Iesude yabi daratagerda, “Noiekar, wa able koskir dikairtare! Wa nalugiam abi okasosok ikereda? E karim debe lu ikaidari.
24835	MRK 14:12	Kikem gergerge irdireder Yiskak Beredira Aro Gerger wi aresa arenio Paseka Lewer Arwem, a Iesui memeglegize eudige abi itmerda, “Ma laglag nali ki nabakiaware nade mara Paseka Lewer darsirare?”
24842	MRK 14:19	Ege memeglera okasosok barukdarda wige bakeri abi netat itmerlare, “Agekar, nole kakanali?”
24844	MRK 14:21	Lera Werem ya weumi able korepkorep ge bautarda Zogoziawalige. Epe able le dali ya e Lera Werem wadip ya au asiasi wadigi! E wadikeper, “Ka naluglam osmeda?”” MRK 14.22-26
24860	MRK 14:37	E eudige ko akomeda bakiamuda tabara neis a netat memegle nardardare wige ut nardeder. E akaida Peterui ikailu, “Saimona, ma naluglam ut nauperedi? Mai umerkak idid wanali kebikebi wadikaili?”
24864	MRK 14:41	E nade ge ko takomeda neis a netat kerkerge, ege yabi daratagridare, “Wa naluglam mena ut derdedi? Wage no ge ut eididare waba gem dirsirdare; a nole! Able kerker pe itutida! Wa kei egridare! Abie le pema ikase ya Lera Werem wairpei wide wanakwarare.
24883	MRK 14:60	Able Kirim Merkemle yabi gair le opem ekweida a Iesui itmeri, “Mai umele mamor detaut nalu pe bamisreda? Ma ge detaut.”
24884	MRK 14:61	Ege Iesu mena mirkak ekweireder, e nole yabim nerut mir detauti. Ege Kirim Merkem Lelut nerut orwairorwair ga abi itmeri, “Nako mama Keriso nali?, able Werkabwerkab Adira Werem?”
24886	MRK 14:63	Nade wi able mir asorda, ege Kirim Merkem Lelut urkerge tabara wali etwati a akaidari yabi daratagerda, “Mi nole laglag uridli wader legize merbi waditagrare nalu e ikeli; mi abra bes dasorda e Adi opmir detagri! Mi nalu abim akairare?” Wige gair legize detauta abi no apitare.
24897	MRK 15:2	Pilatode abi itmeri, “Nako ma Mamus Iudaia lera nali? Iesu ge atkarti, “Mama agekar detautii kaka nali.”
24898	MRK 15:3	Kebi Kirim Merkemlegize abim tag emariklare ge gair lu bamisilare. Ege Pilatode abi ko itmeri, “Ma naluglam nole nerut mir detaut? Wi marim tag emarkeda able gair lu bamisreda.”
24903	MRK 15:8	Nade ge lera nikidetreder taba etami a bakeri Pilatoim bagoda e yabim waikaida nalu e yabim waikerer able Datupir Lewer kererge, ege yabi nautmerda, “Nako wa laglag ka Mamus Iudaia Lera adem datwie?”
24907	MRK 15:12	Pilatode ko yabi daratagerda ge le nikidetreder, “Wa nako a laglag uridli ka nalu akailu able leem wabi dabgereda Mamus Iudaia Lera?”
24909	MRK 15:14	Pilatode yabi nautmerda, “E nalu adud lu ikeri?”
24929	MRK 15:34	Neis a netat kolokge Iesu aler ererekri, “Eloi, Eloi lema sabaktani?” Able mir pe merbi mir dikeredi, “Kara Ad! Kara Ad! Ma nalugiam ma kari nakairti?”
24945	MRK 16:3	Nade wi gabge barukle wige tabara bautmele, “Netide ya adem bakir watirparik merbim able paier gabtelam?” ableglam able bakir aukakale ikereder. Wige egridere a erdardare able bakir emetu barparki.
25306	LUK 7:42	Able neis le ge yaba nole bakir daragriweretlare ko abi bodomalam waiswereriei, ege no yabi daratwi. Nete able neislelam abi au omarge ikerer?”
25313	LUK 7:49	Wader le ge emreder eudige dikepwarda, “Nete pe able le dali e umele wit waitkir?”
25388	LUK 9:18	Nerut kerkerge, Iesu tebteb erkepasameirer. Ege memegle ko ge urder, ege eudi ge yabi nautmerda, “Nako legize detauteda kaka nete nali?”
25390	LUK 9:20	Ege yabi nautmerda, “A wape nako pewa detauteda ka nete nali?” Peterude abi detagri, “Mama Agudira Keriso nali.”
25424	LUK 9:54	Nade able neis memegle Zemisiba Zonei able mir asriei wige eutmeriei, “Ople, nako ma laglag nali ki ur dabgerei kotorlam watabu able le wanasare?”
25447	LUK 10:15	Marim Kapanam! Nako ma laglag nali mari kotorem nagisrare? Mari ya adem wataratimdare Asiasi Utebem!”
25457	LUK 10:25	Netat kerkerge, able Gelar Erwerle ekweilu laglag Iesui wadamisri taba miru. Able kimiaret eudige Iesui itmeri, “Erwerle, ka nalu lu akailu ya wayakai ka niai idid tarpeilu?”
25458	LUK 10:26	Ege Iesude abi detagri, “Nalu lu pe naisirwerteda muige Gelar Ziawalige? Ma nalu waitager able ziawalilam?”
25461	LUK 10:29	Ege able kimiar dawer tababu obakaida aukaka wadali gair legize abi wadasmereda, e Iesui ga itmeri, “Kara nete le dali maikes karidoge?”
25468	LUK 10:36	Iesude eudige detauti, “Maridoge pe nako dikeredi, nete yabialam able neis a netat le ge maikesle dawer able kimiarira ge abi erwamlegize eresa?”
25472	LUK 10:40	Mata nole ge tadawer Mariaidoge ablelam e baugwater mitkar lu dararsirlare. E eudige akaida Iesui ikaidari, “Ople, nako mama dikepwali e seksek dikeredi kari berbetide nakairti paka tebteb nali nole upiatidarkak mitkar dorge kaka ikeli? Ma abi detager e watabakamu kari upiwanati!”