24298	MRK 1:14	Keubu wader luge, Zonei didbarda itimedarda, Iesuge bakiamuda Galilaiaem Adira Debe Mir ermer.
24299	MRK 1:15	“Able barkak kerker pedikeredi,” e atkarti. “Adira basalaia maike ikeredi! Wa tabatarare wabi adud tonarlam a wage Debe Mir irmirare.” MRK 1.16-20
24307	MRK 1:23	Keserkeser ege kimiar tabakiamuda sunagoge. Demoni abidoge dawer e ererekrier,
24354	MRK 2:25	Iesu yabi daratagerda, “Agekar wawa etageda Dawitara mir, nade e a abra armirle wige wererge bakeri.
24355	MRK 2:26	Ege bakiamuda Adi metage badari a arito irwi pe no Adim wagimuaretlare. Able lu ge akaida nadege Abiata Kirim Merkemle dawer. Muige kerbi Gelarge, no merkemide tebteb arito wairwer; Dawitade irwi a wader ge tabara armirle naiswerda.”
24440	MRK 5:7	Iesude eudige abi ikailu, “Dimoni, ma adem teosmer able lelam!” Ege sasmir dimridari, “Iesu able Au Adira Werem, “Ma nole nerut lu karim ikai! Mage Adi detager ma nole kari nares.”
24579	MRK 8:10	Ege keko bakiamuda taba memeglekem narge batri a bakiauda able utebem ge able gedge irdireder Dalmanutage. MRK 8.11-13
24647	MRK 9:40	Netide Pe Dorge Ikeli Merbi Asaredkak E Merbim Dorge Ikeli.
24674	MRK 10:17	Nawer Iesu ga marbamarker obakiamuda, ege le abim korider temrida a kokni erapeida abi opem. E eudige Iesui itmeri, “Debe erwerle, ka nalu lu akere ya waiakai ka niai idid tarpeilu?”
24704	MRK 10:47	Nade legize abi detagerda Iesu Nazaret Le pe ikasiredi, ege eudige ererekri a barbori, “Iesu! Dawitara werem! Ma kari omarge nakai!”
24705	MRK 10:48	Ege gair legize etapereta a abi detagerda, “Ma mirkak emri.” Ege auka aler ko babori, “Dawita weem! Ma kari omarge nakai!”
24719	MRK 11:10	Adira werkab pe merbi bab Dawitai basalaiage ikeredi! Able basalaia pe tikase! Gair aospir Adim!”
24777	MRK 12:35	Nade Iesude yabi au zogometage nerwerlare, ege le ge carautmerda, “Aotarlegize nalugem detauteda Keriso ya Dawitara werem wadawer?
24778	MRK 12:36	Lamar Zogode Dawitai detagrer e waditauti, Oplede kara Ople detagri 'Ma ge emri kari narbit pekge nade ka mara kurab le akere mari tetergab aodage!
24779	MRK 12:37	Dawitade Kerisoi dabgerer Ople. Pa dikeredi, Keriso ya naluglam Dawita werem wadawer?” Ege able au kub lera ge nikidetreder Iesu sererserer asorlare. MRK 12.38-40
24795	MRK 13:9	Wawa uridli wa okeoke uridwa. Wabi ya wadireplare a tag waimariklare a wadaislare kotem. A wabi ya sunagoge wadamriklare. Legize ya wabim tag waimariklare siramile a gesep ople opem ableglam wawa kari narmireda, a wabi ya wadikelare wa yabi Debe Mir daratagerlare.
24796	MRK 13:10	Debe Mir ya kikem wairemlare able leem pe gair gedge uridli.
24901	MRK 15:6	Gair Datupir Lewer kerkerge, Pilatode yabi wanauseda audbarlam able le ya le abim obagweda.
24903	MRK 15:8	Nade ge lera nikidetreder taba etami a bakeri Pilatoim bagoda e yabim waikaida nalu e yabim waikerer able Datupir Lewer kererge, ege yabi nautmerda, “Nako wa laglag ka Mamus Iudaia Lera adem datwie?”
24957	MRK 16:15	E akaida yabi daratagerda, “Wa bakiauare gair gedim able gesepge a Debe Mir marauermawem gair leem.
24962	MRK 16:20	Ege memegle adem bausi a marau eremlare gair utebge. Oplede dorge yabi kemem ikerer; e atamilam le natomeretlare Debe Mir ge memeglegize eremlare e agekar mir dikeredi.]
25315	LUK 8:1	Kebi niainiai Iesu ikasereder kemerkemer au uteb a kebi utebge ge e marauermer Debe Mir able Agudira Basalaia detauter. Able 12 memegle abi kemem bakiauda,
26099	LUK 24:39	“Dasmer kara tag a teter, a wa umele kakanali. Wa kara gem itutrare waiakai wa umele ka nole namar nali. Kara gem a kara lid; namar nolekar.
28624	1CO 9:16	Ka umerkak nabauspire peka Debe Mir eremli; nolekar, kari aukaise natagri ka armer. Ese ka umerkak able Debe Mir armer ka umerkak sererge nawer.
28626	1CO 9:18	Nalu kara bodomalam? Ka able Debe Mir eremli ka nole bakir erepli ableglam ka nole aukaise autmeli pe nalu kara ike - kara bodomalam.
28631	1CO 9:23	Ka gair able lu ikeli ia waiakai ka umele upidaratidalare able Debe Mir abreredge. MIZMIZ 9 NOSIK 24-27