22601	JON 1:1	Oplera Mir teosmelu Zonaim, Amataira werem kega, “Bakiamu Ninebeiem able auka uteb, a abi able opem detager ableglam abi lera adud tonar tabakiamudari kari opge ekweidari.”
22602	JON 1:2	Ege Zonade no nerut gab etaruklu e abi bakiamulu Zopaem ge nade nar barsirer Tasis atiem.
22605	JON 1:5	Zona ge kikem bakiamulu muige ut tipereder.
22607	JON 1:7	Able pazar tabara netatnetat batagerda, “Baru mi lu dakeware a daraimrare able luglugira atamilam pe netira gem able au wagide deremli.” Able pazargize ga lu dikeuda ege able luglugira tag bamarida Zonaim.
22609	JON 1:9	“Ka Ibru nali”, Zonade iabi daratagrare. “Ka isorgiru waikerer able Ople, able Agud kotorira, ge e able gur a gesep daratagmi.”
22610	JON 1:10	Wi umele urder Zona Opleilam tabadmiriklu. Ablegide iabi geum dararepda wige batkarti, “Ma naluglam able korepge tabadmirikda?”
22615	JON 1:15	A wi Zonai erpeidarda adem batawereda gurem ege keko metalug barki.
22617	JON 2:1	A Oplei Mirlam au laret Zonai irmilu a ega dawer neis a netat gerger a ki muige able au larira kem.
22618	JON 2:2	Able au lar kemlam Zona erkepasameilu taba Ople Agudim.
22627	JON 2:11	A Oplelut able lar au aler detagri a ege Zonai adem ikeida watwet gesepge.
22628	JON 3:1	Agudide Zonai nerut gaber ga detagri,
22630	JON 3:3	Zonade Oplera mir dirmiri a bakiamuda Ninebeem able auka uteb irdiredi, lelut wais 3 gerger ko abi wadatupir.
22631	JON 3:4	Zona eudi digmi Ninebeige kemerkemer gerger keubu e able mir etomerti, “40 gergerge Ninebe ia obatkoare.”
22638	JON 4:1	Zonara sir dormeida able luglam a weku abra barki.
22642	JON 4:5	Zona eosmeda bakiamuda emrida naiger pekge Ninebelam. E mud tabara diuri a able mudge emrida, dikairi nalu ia wakaida Ninebeem.
22643	JON 4:6	Oplede arpomerarpomer luneg ikaida omeida a Zonai kebikebi mud kirmem ikwari waiakaida abra sagim ko adem wadami a Zonara eudi serer barki able lunegem.
22645	JON 4:8	Nade lim ga teupamada Adide urweriurweri naiger wag temarikda a able limira urweri Zonai kirimge emriri abi ikaida abra erkepinor barki. Zona laglag weumida ege eudi able mir detauti, “E au sikak ia wadike karim ka naumilu a nole idid nawer.”
22646	JON 4:9	Ege Adide Zonai detagri kega, “Nalu sasrim pe mara dike ko ma able luneg wekuge akai”? Zonade abi detagri, “Kara sasrim nagri wekuem able korepge ka umele naumilu.”
24288	MRK 1:4	Able miraisisle, Zone Bapataiso, batomerdari muige sogipurge. E le bapataiso darapaitlare a leem marauermer: “Adem tabatarare wabi witlam a bapataiso bapaitare ya waiakai Adide waba wit adem waitkir.”
24289	MRK 1:5	Le tabakeslare Ierusalemalam a pako kemerkemer Iudaialam bakeslare bauser Zonei wasorda. Na legize ge tabara wit detautlare ege yabi bapataiso darapaitlare muige Ioridanoge.
24290	MRK 1:6	Zonera walige kamela muslam dikereder a ege amier kelarkelar lager abi gemge dimrireder. Abra lewer ge pirn nagriweretlare a pako isawira ni.
24292	MRK 1:8	Kaka wabi bapataiso nige depaiteda, e ya wabi bapataiso wadikerlare Lamar Zogoge. MRK 1.9-11
24293	MRK 1:9	Keubu, Iesu tabakiamuda Nazaretlam muige Galiiaiage a Zonede abi baptaiso dikailu muige Ioridano keperge.
24294	MRK 1:10	Nade e nilam tegimeda, aududumge Iesude dasmeri kotor ekesmuda a ege Lamar Zogo dibadiba noge abim tabi.
24296	MRK 1:12	Au dudumge able Lamar Zogode Iesui emarikda sogipurem.
24298	MRK 1:14	Keubu wader luge, Zonei didbarda itimedarda, Iesuge bakiamuda Galilaiaem Adira Debe Mir ermer.
24303	MRK 1:19	E kebikebi ko bakiamuda ege nardari tabara neis barada, Zemis a Zone, Zebediia werem. Wi taba narge darawedei tabara larasaperlu dirsirlei.
24304	MRK 1:20	Nadege Iesude yabi nardari ege keko yabi darabgeri; wige tabara bab Zebedi a abra dorgele narge darakairtiei wige Iesui irmirei. MRK 1.21-28
24308	MRK 1:24	“Mara nole nalu peike, Iesu Nazaretle! Ka umele ma taba kerbi detko. Ka umele mama Zogole Adira naii.”
24313	MRK 1:29	Wige sunago dikaireta a bakiauda natkak Saimonyabim metaem Andruei. Zemis iba Zone yabidoge bakiamudariei.
24347	MRK 2:18	Netat gergerge, Zonera a Parisaiora kaimegiz nole lewer arokak urder. Wader le tabakiauda Iesuim a abi itmerda, “Zonera a Parisaiora kaimegiz lewer arokak uridli. Naluglam mara kaimegiz nole ko lewer arokak waurder?”
24374	MRK 3:17	Zemis a abra barada Zone, Zebedaiora neis werem darali (Iesude yaba nei ditkiri Boanagiz, pe dikeredi Girgirira Werem).
24375	MRK 3:18	Andru, Pilipo, Batolomu, Mataio, Tomas, Zemis (Alepaiara werem), Tadaio, Saimona able Zelotle,
24386	MRK 3:29	Adide umerkak wit wadimaidered pe legize Lamar Zogoi opmir detagreda. Yaba witira bodomalam pe niaiem dikeredi.”
24387	MRK 3:30	Iesude able mir detauti ableglam wi Lamar Zogoi dabgelare dimoni dali. MRK 3.31-35
24455	MRK 5:22	Netat sunago kirimle abra nei dikereder Zairus takabiamuda Iesuim. Nadege e Iesui erdari, Zairus tababu akaida kokmamu emridari aukelarkelar Iesuim bagwi, “Kara kebi neur no tididli e maike weteumi. Kape marim bagwi, ma taba mara tag abidoge tadakmerik ya waiakai abra gim wadesemu ei mena wadawer.”
24468	MRK 5:35	Nawar ga Iesude mena able mir detauter, wader miraisisle tabakiauda Zairusi metalam a Zairusi detagerda, “Mara neur teumida. Epe nole pa ko ikeredi ma mena able Erwerle damisrer.
24470	MRK 5:37	Ege no yabi naisidare Peteru a Zemis a abra barada padali Zone bakiaudare kemem, nole nerut le ko dawer.
24479	MRK 6:3	E no kamda dali; e no Mariara werem dali; e no Zemisira barada dali, a lose a Iuda a Saimona; a pako abra sisi pa duridli!” A wige nole abi lagkak urder.
24490	MRK 6:14	Erod able Gesep-Ople able lu asri, ableglam legize Iesura mir debreredlare gair utebge. Kepkep legize ge detautiare, “Zone Baptaiso ko akaida idid baidari! Abra sasrim pe Iesuidoge ikeredi.”
24492	MRK 6:16	Nade Erodide able mir asri, ege detauti, “E Zone Baptaiso dali. Ka abra geka kirim dismida epe ko eudlam ekiamda.”
24493	MRK 6:17	Erodide tababu aresle namarikdarda Zone watirpeidarda a abi wadidbarda a obatawereda kupkpui utebge, ableglam Erodide taba baradara Pilipira koskir Erodias igardi,
24494	MRK 6:18	a Zonede mena Erodi detagrer e seksek dikeredi e taba baradara koskir digardi.
24495	MRK 6:19	Erodiasira urker Zoneim barki e laglag abi waipiti, ege Erodide nole abi ipiti ableglam e geumge ikerer; e Zonei azimuarda ableglam e umele dawer Zone barkak le a zogo le dawer. Gair kerkerge Zonei miride Erodi waikeli okasosok ke wadali, Erod laglag wadali abi wasri Zonede mir waditautli.
24500	MRK 6:24	Able neur baka eosmeda tabara ama titmeri, “Ka nalu lugem tarautmerer?” Abi amade abi tiditagri, “Ma Zone Baptaiso kirimem teutmerwa.”
24501	MRK 6:25	Able neur dudumdudum sopkak ko akomeda Gesep Opleem abi tiditagri, “Ka laglag ma kari nakwar Zone Baptaisora kirim kobarge wadudawa.”
24503	MRK 6:27	Ege keko au dedumge aseseredle namarikdarda abim watikadarda Zonira kirim. Aseseredle bakiauda Zonira kirim tidismidarda,
24505	MRK 6:29	Nade Zonei memeglegize able mir asorda, wige tabakiauda abra gem ikadarda paierge muige tirdidarda. MRK 6.30-44
24597	MRK 8:28	Wige abi detagerda, “Kepkep legize detauteda mama Zone Baptaiso nali: a wader legize pe ikereda mama Elaiza nali: a wader legize pe detauteda mako pema nali able netat le peropetalam.”
24609	MRK 9:2	6 gerger barukda, Iesude yabi natakridare Peteru, Zemis a Zone yabi a wige abi irmirdare au aremarem paserem ge nole lekak irdireder. Nade wi ga dasmele, ege Iesu epigemelu; abra wali akaidari zoromzorom zarzerzarzer baidari - nole netat le able gesepge tabara wali waikaidari able zarzerzarzer obaidari.
24619	MRK 9:12	Iesude yabi daratagerda, “Agekar Elaiza kikem tabakiamuda ko gair lu wadararsirare. A mipe nalu pemi etagada nako Lera Werem dali muige Zogoziawalige? Mi etageda e asiasi wadigi a abi wadituaklare!
24645	MRK 9:38	Zonede abi detagri, “Erwerle, ki kimiar dasmerlare e mari neige dimoni adem iser. Ki abi detagerda, “Ma ge ekwei ma nole able lu ko iker” ableglam e nole merbidoge ikase.”
24692	MRK 10:35	Ege Zemisiba Zonei, Zebidaiora werem, wi tabakiamudariei Iesuim. Wi taba abi ikaidariei, “Erwerle, ki laglag ma kerbim nerut lu ikai.”
24698	MRK 10:41	Nadege wader 10 memeglegize able mir asorda ege yaba lid bagebda Zemisibim Zoneei.
24703	MRK 10:46	Wi tabakiauda Zerikoge. Nawerge Iesuiba taba memeglekem a lera kub pa ikeredi Zerikolam nakasirweretlare, able sadmer kimiar abra nei dikereder Batimas (e Timaiasirs werem) gabge imireder a leem bakirem bagwer.
24739	MRK 11:30	Wa kari natagrare, nako Zonera sasrim dikeredi le baptaiso wadarapaitlare tabakiamuda Adilam? Ese nole, nako e lelam ikeredi?”
24740	MRK 11:31	Wige eudige bakeri ga tabara basarediare, “Mi nalu mi detautlare? Ese mi nabatkarte, “Adilam ikeredi”, e merbi ya waditagrare, “Wage naluglam nole Zone asorlare?”
24741	MRK 11:32	Ese mi datautare, “No lelam ikeredi -". (Wi le geumge bakerer ableglam gair le umele urder Zone ge agekar peropeta dawer.)
24778	MRK 12:36	Lamar Zogode Dawitai detagrer e waditauti, Oplede kara Ople detagri 'Ma ge emri kari narbit pekge nade ka mara kurab le akere mari tetergab aodage!
24789	MRK 13:3	Nadege Iesu imireder Oliwa Paserge, Peteru, Zemis, Zone a Andru no wi tebteb abim tabakiaudare.
24797	MRK 13:11	Nade wabi wadireplare a tag waimariklare kotge, waba nole okasosok obarkawem keubu ya kerker watabaruk wa nalu ya detautlare. Nade ya kerker watabaruk, wa detautawem nalu mir wabi Lamar Zogode wadaiswelare, ableglam able mir wa ya detautlare nole wabialam; wi ya wanagriweretlare Lamar Zogolam.
24844	MRK 14:21	Lera Werem ya weumi able korepkorep ge bautarda Zogoziawalige. Epe able le dali ya e Lera Werem wadip ya au asiasi wadigi! E wadikeper, “Ka naluglam osmeda?”” MRK 14.22-26
24856	MRK 14:33	Ege yabi neisidare Peteru, Zemis a Zone nerut utebge ge nade e au muimui okasosoke dawer.
24872	MRK 14:49	Gair gergerge ka le wanerwerlare muige au zogometa utebge, wa nole kari gewa narpeidarda. Epe sikak dikeredi; able Zogoziawali ya obatomer nalu lu agekar ikeredi.”
24935	MRK 15:40	Wader koskir ge urder murislam erkep tegreder. Wader le yabialam ge Maria Magdalalam, Maria (Zemis Able Kebile a lose yaba ama), a Salomi.
24943	MRK 16:1	Nade Sabad gerger emetu barki, Maria Magdalalam, Maria (Zemisira ama) a Salomi pas laglag lu terapidare ya waiakaida wi Iesura gem waditimuardare.
25316	LUK 8:2	a pako wader koskir ge netiba nadgirda adud lamarlam a gimlam. Maria (ge abi dabgelare Magdalale), able le ge abra 7 demoni abialam adem disa, ge dawer; a pako Zoana (Kuzara koskir ge Erodira kirim memegle dawer); a pako Suzana a pako mitkar wader koskir ge Iesui a abra memegle wi upidaratilare tabara turumu.
25389	LUK 9:19	Wige abi detagerda, “Kepkep legize detauteda mama Zone Baptaiso nali; a wader legize pe ikereda mama Elaiza nali; a wader legize pe detauteda mama au emeret peropeta nali ko ma idid akaida.”
25394	LUK 9:24	Netide laglag tabara idid wakur, e ya weumi: nete ya karim weumi e ya tabara idid watirpei.” MIZMIZ 9 NOSIK 28-36
25398	LUK 9:28	Able piripiri mokakalam 8 gerger barukdarda ge Iesude able lu daratautlare, ege Peteru, Zone a Zemis naisidare paserem ogidare erkepasamem.
25424	LUK 9:54	Nade able neis memegle Zemisiba Zonei able mir asriei wige eutmeriei, “Ople, nako ma laglag nali ki ur dabgerei kotorlam watabu able le wanasare?”
25458	LUK 10:26	Ege Iesude abi detagri, “Nalu lu pe naisirwerteda muige Gelar Ziawalige? Ma nalu waitager able ziawalilam?”
25462	LUK 10:30	Iesude abi detagri, “Nade able le bakiamuda Ierusalemaem Zerikolam, abi wader erwamlegize erpeidarda gair lu abi adem etkamerda, a abi eresa. Nade wi abi dikaireta gab dege, e maike weumida.
26105	LUK 24:45	E iaba idoni bauskilu wige Zogoziawali dimirwartare.
26946	JHN 20:10	Wige able memegle ko akomedariei gedim. MIZMIZ 20 NOSIK 19-31
26958	JHN 20:22	A ga akaidari yabi daratagridare, “Wa Lamar Zogo erpeirare.” Eudige yabidoge wag emariklu.