24309	MRK 1:25	Iesude aukaise dimoni detagri, “Ma mir baimi mage adem able kimiarlam teosmer!”
24368	MRK 3:11	A gair kerkerge na lera ge dimoni urder yabidoge abi erdarlare, wi kokmamu bamrer abi opem ererbakrier, “Mamanali Adira Werem!”
24378	MRK 3:21	Legize able mir Iesura buai daratagerlare. Wi detautlare, “E akaida peimpeim baidari!” Ableluglam abra buai tabakiauda mirem abi wairpeirare a waigareda gedim.
24431	MRK 4:39	Ege Iesu ekweidari eudimge wagiba zeuberei daraisumdari, “Wa temrilam! Wa mapodan bailam!” Ege wag ekemuda a gur akaida mapodan baidari.
24440	MRK 5:7	Iesude eudige abi ikailu, “Dimoni, ma adem teosmer able lelam!” Ege sasmir dimridari, “Iesu able Au Adira Werem, “Ma nole nerut lu karim ikai! Mage Adi detager ma nole kari nares.”
24472	MRK 5:39	Ege bakiamuda able metaem badari a akaida yabi daratagerda, “Wa naluglam pe wa bamisreda a wa naluglam i bazoli? Able kebi neur nole eumida - e no ut iperedi!”
24474	MRK 5:41	Ege bakiamuda abra tag derpeidari a abi taba miru detagri, “Talita kum” - “Kebi neur, ka mari peka natagri, ma ekiam!”
24479	MRK 6:3	E no kamda dali; e no Mariara werem dali; e no Zemisira barada dali, a lose a Iuda a Saimona; a pako abra sisi pa duridli!” A wige nole abi lagkak urder.
24525	MRK 6:49	wige abi erdarda e gurge tidigmer. Wige dikepwarlare e lamar dali; wige sasmir demerda ableglam wi aukaka geumge bakerer. Iesude keko yabi daratagerda, “Wa sererge uridwa. Kakanali. Wa nole geum!”
24548	MRK 7:16	Wa gair legize able mir erpeirare a wabidoge ikedrare!”
24569	MRK 7:37	Gair legize ge netiba able mir asorlare wi bazigmuarter a wi gair legize abi dispirlare. Wi detautlare, “Gair lu e ikeli epe au debele nagriwerteda. E asorkak le nadgireda ya waiakai wi umele wasorlare, a e mirkak le nadgireda ya waiakai wi umele mir waditautlare!”
24581	MRK 8:12	Iesude eudige aukaka ner batawerdi a akiadari, “Naluglam le able kerkerge bautmeli nalu atamilam ikeredi? Ka wabi agekar detagreda, wi umerkak ya atamilam wairpeirare!”
24593	MRK 8:24	Able kimiar eudige egri a abi detagri, “Ka le darasmereda; wi uridli mokakalam lu wipe daragmeda!”
24598	MRK 8:29	Iesu yabi nautmerda, “Wawa uridli? Wape nako peua detauteda kaka nete nali?” Peterude abi detagri, “Mama Keriso nali!”
24602	MRK 8:33	Iesu tabatawirikda taba memegle darasmerda, eudige Pererui ertaperti. E abi detagri, “Ma adem bakiamuda karialam, Satana! Mara akepwar no lera akepwar nagriwerteda. Wi nole Adira akepwar nagriwerteda!”
24631	MRK 9:24	Ege keko able wermira bab erer ekri, “Kara owatur ikeredi, epe no kebile ikeredi. Ma kari upinati ya waiakai kara owatur waiakai aule obai!”
24632	MRK 9:25	Iesude dasmeri lera kub etamier; ege au kelarkelar dimoni detagri, “Asorkak a mirkaka dimoni, ka mari kelarkelar detagri ma adem teosmer able kebilelam a mage nole ko bakiamu abidoge bau!”
24633	MRK 9:26	Ege dimonide sasmir dimri, eudige able kebile aler deskerdi, a adem teosmeda. Gaie le ge urder eudige natkareta, “E eumida!” ableglam able kebile mokakalam dali eudle.
24680	MRK 10:23	Iesu akaida tabara memegle darasmerda a eudige yabi daratagerda, “Lugizkem leem au sagimsagim ikeredi wi obarot Adi basalaiage!”
24704	MRK 10:47	Nade legize abi detagerda Iesu Nazaret Le pe ikasiredi, ege eudige ererekri a barbori, “Iesu! Dawitara werem! Ma kari omarge nakai!”
24705	MRK 10:48	Ege gair legize etapereta a abi detagerda, “Ma mirkak emri.” Ege auka aler ko babori, “Dawita weem! Ma kari omarge nakai!”
24719	MRK 11:10	Adira werkab pe merbi bab Dawitai basalaiage ikeredi! Able basalaia pe tikase! Gair aospir Adim!”
24726	MRK 11:17	Ege le ga nerwerda. E yabi daratagerda, “Able mir bautarda zogoziawalige: Kara metaya ivadabgerlare erkepasam meta able legize gair gedlam wape no pewa detauirikdarda akaidari erwamlera kur baidari!”
24730	MRK 11:21	Peterude dikepwali nalu ge tabakerda ege akaida Iesui ikaidari, “Erwerle ma kei egremar! Able lu ge mama detagri e eumida!”
24749	MRK 12:7	Nadege able asesered legize abi erdarda, wige tabara batagelare, “Able lukem lera werem pe ikase. Tabakiaware, mi abi apitare, able gedub ya wakai meriba obai!”
24769	MRK 12:27	Ei idid lera Ad dali, e nole eud lera dali. Wawa aukaka seksek dikepwareda!” MRK 12.28-34
24782	MRK 12:40	Wi koskir maikera meta erwamem wadaraislare, a tababu pa obakelare wi zogozogo le uridli pe auka piripiri erkep obasamer. Wi able tonar pe ikereda yaba asiasi bodomalam waiakai aukaise obai!” MRK 12.41-44
24787	MRK 13:1	Nade ga Iesu au zogometalam eosmerer, netat le abi memeglelam akaida abi ikaidari, “Erwerle, ma able aukaka bakir darasmerare! Ma able debe aukaka meta darasmerare!”
24807	MRK 13:21	Nade able kerker ya watabaruk, ese legize wabi waditagerlare, “Kei bager Keriso pedali!” a “Kei bager e itadali!”, wi ya besle waurder.
24823	MRK 13:37	Ka wabim peka able mir detautli a gair le pa uridli: Wa erkepaskawem!”
24828	MRK 14:5	Legize merbi bodom bakir wadaiswerda mokakalam netat urut bodomalam able wakaisolam. Mi umele able bodom bakir lukak le wanaiswerda!” Wige au kelarkelar etapereta.
24852	MRK 14:29	Peterude abi detager, “Able wader le umele taba owaturge obakesmer nole kakanali!”
24892	MRK 14:69	Able memegle neuret ge abi terdari a ko akaida able le daratagerda ge ekweder ur dairumaretlare, “E netat pe able lelam dali!”
24908	MRK 15:13	Wige abim baborda, “Abim nilaru sataoroge detagrare!”
24913	MRK 15:18	A wi bakeri abim ererbakrier, “Ei, Iudaia lera Mamus!”
24925	MRK 15:30	Pe irdiredi ma mabu adem tetugered a mage sataurolam sepem tarabu!”
24927	MRK 15:32	Ei! Keriso mamanali, mamanali Isralara gesep ople, able kerker pe irdi ma sataurolam sepem tarabu ya waiakai ki umele mari nasmerare mama able lu ikeli, a ki umele mari narmirlare!” A neis le ga taba nerut satauroge namereder wi ko abi aiserlei. MRK 15.33-41
24930	MRK 15:35	Wader le ge urder abra erer dasorda a wige natkareta, “Wa asrare, e Elaizaem ererekrili!”
24934	MRK 15:39	Ares lera kirimle ge Iesui opem ikweireder abra ererdasri a e Iesui erdari eumida. Ege eudige atkarti, “Agekar, able le e Adira werem dali!”
25278	LUK 7:14	Ege digmi bakiamuda eudlera meta itutida; able legize ge eplare wige no bakwi. Iesude abi detagri, “Kirgirle, ka mari natagri, ma ekiam!”
25280	LUK 7:16	Gair le ge urder wi bazigmuarti; wi Agudi dispirda a ke detautlare, “Au peropeta pe merbim batomeda! Agud tabakiamuda tabara le upidaratidareda!”
25303	LUK 7:39	Nade able Parisayo, ge Iesuim mir igri able lu dasmeri, e eudige dikepwari, “Ese able kimiar agekar peropeta wadali, e ya umele wadali nalu koskiret pe abi itutili, a e umele wadali abra tonar pe witwit dikeredi!”
25405	LUK 9:35	Ege kodomir teosmeda bazlam, “Kara werem pedali, Kaka itutida. Abi asrawem!”
25447	LUK 10:15	Marim Kapanam! Nako ma laglag nali mari kotorem nagisrare? Mari ya adem wataratimdare Asiasi Utebem!”
25449	LUK 10:17	Nade able 72 le tabakomerti wige au sererge urder. Wi detautlare, “Ople keriba aukaka sasrim nagri able demonide ko kerbi dasreda nade ki mari neige ki yabi au kelarkelar daratagreda!”
25472	LUK 10:40	Mata nole ge tadawer Mariaidoge ablelam e baugwater mitkar lu dararsirlare. E eudige akaida Iesui ikaidari, “Ople, nako mama dikepwali e seksek dikeredi kari berbetide nakairti paka tebteb nali nole upiatidarkak mitkar dorge kaka ikeli? Ma abi detager e watabakamu kari upiwanati!”
25713	LUK 16:24	Ege eudige ererekri, “Baba Abrama! Ma kari omarge tarakai: ma Lazaro temarik e tabara tagpim nige watakmei a watabakiamu kara werut gebem waitimuar ableglam kaka asiasi digili muige able urge!”
25733	LUK 17:13	wige erer tabakri, “Iesuoi! Ople! Ma kerbi omarge dikerare!”
25760	LUK 18:3	Muige able utebge ei koskir maik ko wadali. E mena watabakseli autmer leem a abi waikeli, “Ka laglag ma kari nazimu kari kurablelam!”
26180	JHN 2:16	E eudige dakaidari le daratagerda ge dibadiba salemikelare: “Adem bakiaware! Wa nole kari Babira meta ikairare lu arap uteb obai!”
26938	JHN 20:2	Ege eudige korider emrida Simona Peteruim a nerut memegle ge Iesude abim lag ikerer. E Bakiamuda yabi daratagri, “Wi Ople adem ikadarda bakir kurlam a mi nole umerkak wi abi nade ikedidarda!”
26964	JHN 20:28	Tomaside eudige abi ikaidari, “Kara Ople a kara Agud!”
26974	JHN 21:7	Able memegle ya Iesude abim lag waikeli Simona Peteru detagri, “E Ople pedali!” Simona Peterude ge tabara wali adem igilu. Nade e asri Ople ge tadawer, e tababu waliu ko bamisri a eupamada gurim.
26984	JHN 21:17	A neis a netat gaber Iesude ko abi itmeri, “Simona, Zonera werem, nako ma karim lag ikeli?” Peterura okasosok barki ableglam Iesude abi itmeri neis a netat gaber `Nako ma karim lag ikeli?' E Iesui detager, “Ople, mama umele nali gair lu; mama umele kaka marim lag ikeli!” Iesu ga akaida abi detagri, “Ma kara mamoe naseserdawem.”
28199	ROM 8:15	Able Lamar Zogo wa erpeidarda nole wabi dikerda geumgeum atriatri le berda; nolekar, e wabi dikerda Agudira omaskir berda. Abi Lamar Zogo sasrimge mi Agudim ererbakrili: “Baba kara Bab!”