23260	MAT 2:22	Abanga kadofinga naking ka aming fam wari ning yangging, kama tubo Judia ning Herot wa kuma' kumakinga adining gipmam wa mindingni Akeleas adibu bema tanga mareta' ning toging. Ka Josep adi Akeleas wari beni ning kama gipmam bema tanga mareiagu' u naknga saba kabasi' Jisas ma uknamni' ning tonga mutu tanga ai, indi kama tubo Judia tara' ingging mo' ikantam ning togu'. Ning tanga Josep wari dama dera aramak tugu' ka Anutu wari midi ka yong ka adi anga iik waraga' u anatintingnegu'. Ning tinga adi marara kama tubo Judia tara' wa tatarafik sa' tanga kama tubo Galili Provins tara' waraga' ubu mugoging.
23261	MAT 2:23	Anganga Nasaret yong ka kama tubo Galili tara' u kadofinga ning tanga unggung wadigi' ikiaging. Ning tinga midi nua'ni ka timinggi' profet arantagim wari Jisas waraga' toging wari beng guk sini' kadofigu'. Ka adi midi ka wa ning toging, adi Nasaretni aming ning anini'ga' ning toging.
23274	MAT 3:13	Ka Jon wari aming ama u faimarugu' ganang ka Jisas adindu' Jon wari ama ingam ga' sura kama tubo Galili u kabinga marara kama ka Jon wari aming ama faimarugu' Jodan tara' waraga' agu'.
23290	MAT 4:12	Ka Jisas adi midi ne ka Jon Baptis u kalabus iyung kuma' bema dasiging wara'ning u kuma' naku'. Ning tanga marara kama tubo Galili tara' waraga' ubu mugogu'.
23291	MAT 4:13	Ka adi u anga kadofinga wa ananing yong ki Nasaret u mo' anga yagu', mokngang adi Nasaret wa tatarafik sa' tanga anga Kapaneam yong ga' agu'. Ka Kapaneam yong wa Galili gwang gaga ganang, ka kama dibing ka wa Sebyulan guk ka Naftalai guk adisining papase arantagim wara'sining kama waraga' mugogu'.
23293	MAT 4:15	“aming ka Sebyulan ya Naftalai ya sidi kama ka Jodan ama tubo do ning tara' ka kadapmang ka gwang girii ga' yaranga mugoting, abanga sidi Galili tara' wara'ning dibing ka Juda mo' wari ikiting sidi ning sanotik,
23296	MAT 4:18	Ka Jisas wari Galili gwang gagu u yaranga agu'. Anganga yapku' ka aming fama' iguyangguk Saimon wapni nua'ni Pita guk ka kuyangni Andru guk wari kanesi' ka ama ging mamanggak ning tiagumu' u gwang wara'ganang umben kaminga fiaregumu'.
23301	MAT 4:23	Ka Jisas wari kama tubo Galili tara' wara'ning yong yong u yangara adisining siring yaksi' ganang amanga Anutuning midi kareng ka kama ka aming wari Anutuning bining ganang iik wari kagadofi wara'ning u ituaima yaranga ning tanga aming ka bagana kadagasi kuni' kuni' guk undu' ifakarenda ning tanga yaregu'.
23303	MAT 4:25	Ning tinga ami taming kabi'mo' ka kama tubo Galili tara' a kama tubo Dekapolis tara' a Jerusalem yong girii tara' a kama tubo Judia tara' a Jodan ama fugung do ning tara' wara'ni dabiksa' wari Jisas ning kane kigineng u kanga kadidima sini' tonga ko yaranga fengakiaging.
23362	MAT 6:11	Gusa' nana a nasi' kamining didimengsa' nimotang.
23364	MAT 6:13	Gu napa' ka kadaga titiga' kigineng sini' indiramik ning wa kagabi sa' mo' tinga indiramikota'. Gu yotangkanip tinga kadagang wari mo' indifikadauta'. Gusa' napa dabiksa' u niptatoretang. Tangkunang a wap girii kigineng guk wa gupmo'sa' fikifiki ningsa' beng sini' ikitang, beng.
23418	MAT 8:4	Ning tanga Jisas wari aming u ning anisefigu', gu fuka i gifagarendarik yaraga' aming ka ni guk mo' anotang. Gu bagana aming wari karenda ning kadapmang didimeng titing waraga' sura pris ganang sa' autang. Auinga pris wari fuka tubobu kuma' karendotang u gapma wap aming kareng ning ubu gana gangkareinga anga Anutu ga' ofa ka tim Moses wari bagana aming karenda wara'ning waraga'sa' tangam waraga' togu' u tangamotang. Ning tinga aming wari u gapma gu wap aming kareng ning gana adisigok kubap iikga' tubobu ginagiknganting ning anigu'. Ning aniinga mugo tugu'.
23433	MAT 8:19	Ning tonga mugo tonga tinga Moses ning kadapmang tang wara'ning sasuk aming girii nua'ni wari Jisas ganang u kadofinga ning anigu', yanggek aming gam na guning arantagim ira gugok kubap mantam. Gu indeng autang wa nandu' kubap sa' ayantam ga'.
23442	MAT 8:28	Ning tanga anganga gwang gaga tubo ka aming Juda mo' ka Gadara ning iniaging wara'sining kamaganang do kadofiging. Ka aming masi' unggo kadagasi guk fama' wari Jisas u abanga katuagumu'. Aming fama' ka wa masi' papesi sini', dama deksi' wa kama ginang ka aming kungkumosi fonga faipmiaging wara'ganangsa' defara fengakiagumu'. Ka aming yong ki wara'ni adi aming fama' waraga' tanga mutu tanga kadapmang ka wara'guk mo' famaiaging.
23464	MAT 9:16	Ka naga abanga kadapmang kareng inga'ni yanggetik wara'ning wa midi nua'ni ka ning toutik, kwi' timini wari damarik tota' u kanga ginang u muntofi sefonga wa kwi' inga'ni sini' mo' dopma muntofotang, mokngang. Gu ning totang wa kwi' inga'ni wari tangkunang guk ko fideinga kwi' timini wari urapsa' nua'bu damirira ning tanga ginang wari girii sini' kadofota'.
23483	MAT 9:35	Ka Jisas wari yong ka u kabinga ning tanga marara kama tubo Galili tara' wara'ning yong yong u yangara adisining siring yaksi'ganang amanga Anutuning midi kareng ka Anutuning bining kareng wari kagadofi wara'ning u ituaima yaranga ning tanga aming ka bagana kadagasi kuni' kuni' guk undu' ifakarenda ning tanga yaregu'.
23501	MAT 10:15	Beng sini' sanirik aming ka naning midi ninak ga' bibi' naknga kadapmang isefisamting wa kadagang tinting wara' adi inga' kama kigineng ari' ka Anutu wari aming ning kadapmang u yapma tagagareyabo' ganang wa mamareng girii ka adi bemni' wari mamareng ka timinggi' aming ka yong kadagasi fama' Sodom guk ka Gumora guk wara'ganang ikiaging wari bemni' u tarafaro'ga'.
23529	MAT 11:1	Ka Jisas wari ananing arantagim 12 waraga' kane u ima ning tanga ibinga adi kama tubo Galili unggung wara'ning yong fam ga' anga ami taming u yanggera Anutuning midi u ituaima ning tanga yaregu'.
23548	MAT 11:20	Ka yong fam ka kama tubo Galili tara' wara'ning ka tim Jisas wari yangara kane tangkunasi fam u tanga yaregu' ka adi kabaksi' faranga naktangka guk mo' tiging waraga' tanga Jisas wari ning ifang yanggu', a Korasin aming sidi inga' mamareng girii sini' katuani'ga'. Abanga Betsaida aming sidindu' mamareng girii ningsa' katuani'ga'. Beng sini' na kane tangkunang sidining dasi'ganang kuni' nua'ni sini' tirik, ka mokngang sidi waraga' guk mo' suking. A naga kane tangkunang ka i tirik ning i aming arantagim ka yong fama' ka Taia guk ka Saidon guk ka Anutuning midi mo' naknga ikiting adisining dasi'ganang u anga tiamarok wa adi kabaksi' urapsa' faranga adisining kadagang u kabinga ning tanga adisining kadagang waraga' sura kwi' babam kadagasi tama ning tanga kunumbang sa' kuma' urang marafakianing.
23667	MAT 14:1	Ka kama ka king Herot wari kama tubo Galili tara' u katatoranga mareiagu' wara'ganang ka adi Jisas wari kane tangkunasi mirakel fam tanga agu' wara'ning midi ne u naknga base tugu'.
23694	MAT 14:28	Ka Pita wari ning tonga katinganggu', ai beng wa torang girii, ga beng sini' wa. Ga beng udep wa katinang tinga gwang ganang wa sa'tatora agawak.
23700	MAT 14:34	Ning tanga Jisas guk ka arantagimni guk dabik bot ganang mera anga kama tubo Genesaret ubu kadofiging.
23731	MAT 15:29	Ning tanga Jisas wari yong ka u kabinga kama tubo ka Galili gwang ganang tara' waraga' ubu agu'. Anga kadofinga kama bubo nua'ni ganang aranga mareiagu'.
23791	MAT 17:22	Ka Jisas wari arantagimni dabiksa' ubu inagira kama ka u kabinga kama tubo Galili ga' ubu aging. Anga ning tanga Jisas wari ana kungkumak waraga' arantagimni u fonga bak kukyapma ning yanggu', beng sini' sanirik kabi'sini' aming wari Amingning Tim Iyak naga bemnapma tonga aming arantagim nua'ni ning kafasi'ganang yamting.
23804	MAT 18:8	A ga undu' ningsa', sasuka wari kadagang titiga' kadofigabinga wa gu kadagang tanga kadaga ma te' wara' gu sasuk kadagang ka ningwari kadofigabinga wa gu kadapmang urapsa' udautang. Ka kadagang ning udaga wara'ning wa ning, kaga a kafaga wari kadagang titiga' ginagira aunga tinga wa gu iibi sa' mo' totang. Mokngang gu kaga fugung a kafaga u wadigi' doptautang. Gu wari giramakinga kudip kadagang ganang ma maya' wara' gu kaga a kafaga u doptanga igura ning tanga kaga a kafaga fugungsa' guk ira kadagang guk mo' tanga karengsa' ira autang. Wara' gu inga' wa ka' ningsa' ira aya'.
23828	MAT 18:32	Ning tinga aming girii wari midi ne kadagang ka u naknga kaba kadagang sini' naknga kane aming ka kadagang tota' u katingana anga kadofiinga aming girii wari ning kafanga anota', a gu kane aming kadagang sini' sasuka kareng guk mokngang. Gu tim nagaganang dinau girii tugung ka gu naga sige gigibi ga' mak koinga na bibiri' gapma sige gibiinga mugogung.
23832	MAT 19:1	Ka Jisas adi midi u ina ina ning tanga kama tubo Galili u kabinga kama tubo Judia tara' waraga' ubu anga Jodan ama u fenga fugung do waraga' aging.
23849	MAT 19:18	Ka aming wari anigu', ka nasi' nasi' midi tangkunang u yarotik. Ka Jisas wari ning anigu', midi ka wa ning. Gu aming nua'ni mo' ura sebotang a gu tamga kabinga taming nua'ni mo' sanotang a aming nua'nining napa' ni mo' iromkubanotang a mandaga' mo' giknotang.
23852	MAT 19:21	Ka Jisas wari ning anigu', gu kadapmang ka u tipdidima sini' tonga wa napa' kubaniksa' ka ko adera' u totang wa ning. Gu i anga guning uningkim mambong a mambongga tangkunasi fam u manggara tatafak aming ga' yamsasu'nanga ning tanga naganing kane u wara'ganang nawara totang. Gu kamaganang ya sigesa' irotang de ka inga' Anutuning yongganang wa gu Anutu wari kafakafa tagabinga kangasi sini' ire'ga' ning anigu'.
23906	MAT 21:11	Ka aming ka Jisas u nagira aging wari ning tonga katiangging, ya profet nua'ni wapni Jisas ka yong Nasaret kama tubo Galili tara' do urang wara'ni wari abara' ning toging.
23957	MAT 22:16	Adi midi u totangkanga ning tanga Farisi wari adisining arantagim guk ka Herot ning arantagim fam wara'guk u yangkareinga Jisas kaunga aging. Anga kadofinga Jisas u mandaga' taramikonga ning aninga yareging, ma' aming girii gam indi kuma' fagapkedem gu midi beng guksa' fatorang. Gu aming ka ni midi anonga wa gu a adi aming girii wara' na sireng sini' mo' anotik ning tonga tosasebe da' guk mo' titang. Mokngang gu Anutuning kadapmang wa didimengsa' ituatang.
23958	MAT 22:17	Wara' indi napa' nua'niga' gangkantam wa gu didimengsa' ninotang. Gu indining sutang, Juda aming indining kadapmang wa indining adera', Romni girii Sisa wari takis kamingam ga' tuguta' ka indi adita' takis udi girisa' kamingamtam wa ma mokngang ning anigaging.
24004	MAT 23:17	Ka sidi midi ka tempel wa napa' tangkunang sini' mo', a tempel ning gol wa napa' tangkunang ning tuguting wa ning torik, sidi masi' papesi a dasi' kadagasi beng sini'. Gol wa tempel ning kapmik ganangsa' ita' wara' tempel wa napa' girii wap guk beng sini' ikita'.
24102	MAT 25:25	Gu kadapmang ka ning u titang waraga' tanga na mutu tanga gu uningkim mambong wan tausen kina ka kane titiga' ning tonga namgung wa na sige ma biwa' ning tonga bema tonga kamaganang unafarafinga sebinga gi' giri fidegamita'. Ka i kaya' na guning mambong ya kami gata' didimeng tubobu gamirik yang ning tonga amota'.
24103	MAT 25:26	Ka aming girii wari u kanga aming ka u ning anota', a gu kane aming kadagang didirimang beng sini'. Gu aming nua'ni ning tangkunang ganangsa' tanga ikitik ning ba nabitang.
24104	MAT 25:27	A, gu naganing uningkim mambong idi sige ba sebinga fideta'. Gu tim bengk ganang kamonga tugung wa uningkim wari girii giragainga kami naga i kadofarik ning ganang wa beng guk bimbem ning, ka naga' tanga gu sige guk tonga sebinga fideta'.
24121	MAT 25:44	Naga midi ka ning ininga aming arantagim ka wari ning nangni'ga', ai girii indi gu seka ninak a ama ga' maga pamparanga a gu aming yong kamanini ning abubu a kwi'ga' nafek titi a bagana agik a kalabus kane ganang iik ning tinga yotangkagap guk mo titi ning guk wa indeng tugum waraga' torang. Gu napa' mamareng ka u tonga yararang ningwara'guk tonga tugung ganang wa indi kuma'sa' yotangkagamianam.
24155	MAT 26:32	Ka na Anutu wari tubobu kuma' nifimarakinga tim anga kama tubo Galili do anga sipmerokga'.
24159	MAT 26:36	Ning tanga Jisas wari arantagimni u inagira gwaya kabasi' bingking kareng ka wapni Getsemani ning aniaging waraga' aging. Anga kadofinga arantagimni u ning yanggu', sidi ingging nipmeiakni'. Na dota' anga sibeng Anutuga' ibang toutik.
24176	MAT 26:53	Gu naganing tangkunang wara'guk mo' nakedanga tarang. Na sibeng katinganinga adi naga yotangkanap waraga' adining kunim aming arantagim kabi' kabi'mo' ka nambani girii sini' udi kuma'sa' yangkaranam ning.
24191	MAT 26:68	Ura ning tanga midi ning animbeging, a gu Kasira Aming girii ba. Gu aming Anutuning midi kapmo' udi beng guksa' ba tokadofitang. Ningwara' gu aming ka guguk ting wara'sining wapsi' u bengsa' toya' ning aninga yareging.
24192	MAT 26:69	Ka Pita adi yak wara'ning fugang ganang fidegu'. Ka pris girii ning kunung taming nua'ni ka adining yak wara'ganang kane tarugu' wari Pita u abanga katuanga ning anigu', a gu udi kuma' gabarik Jisas Galilini adining amingni wari merafatang.
24196	MAT 26:73	Ning tanga kabi'ning adeia' aming fam ka unggung adeiangaging wari abanga bak tanga Pita u ning tiringa aniging, a beng guk sini' gu udi kuma' gapkedem gu adining arantagim nua'nu wari fadeiantang. Indi guning banaka ka Galili aming wari tipfaranga tuguting ning sini' torang udi kuma' nakedem.
24231	MAT 27:33	Ka adi midi ninak sa' tanga Jisas ning firi ugari u barungnanga kabi'ning anganga kama wap Golgota ning aniaging u kadofiging. Ka midi Golgota wara'ning kini wa ki kati ning aniaging u anga kadofiging.
24235	MAT 27:37	Ka Jisas u ugaringa wa firi dibing kabi' bema midi pumpurum kabi' nua'ni ka ning yoking, YA JISAS JUDA NING KING. Ning yora bema Jisas ning ki ganang using u tapking.
24253	MAT 27:55	Ka taming arantagim kabi'mo' ka Jisas u yotangkangama tanga kama tubo Galili u kubap kabinga aging adindu' dokning unggung ko fidenga tabanga fakatatoreging.
24271	MAT 28:7	Kanga ning tanga sidi tubobu urapsa' unara anga adining arantagimni u ning yangtamu', adi kuma' marara kama tubo Galili do tim kuma' anga sipmeta' ka sidi mandang anga kanting. Sidi midi ka i sanirik ya anga iyang sa' tantamu' ning yanggu'.
24274	MAT 28:10	Ka Jisas wari ning yanggu', sidi mutu mo' tantamu'. Sidi i anga naganing kuyane arantagim fam u ininga adi kama tubo Galili ga' anting. Anga kama ka wara'ganang wa naga naptuani' ning yanggu'.
24280	MAT 28:16	Ka Jisas ananing arantagimni sini' ka ileven ning wari Jisas wari tubobu kuma' maragu' wara'ning midi u naknga kama tubo Judia tara' u kabinga marara kama tubo Galili tara' waraga' mugo tiging. Anga kadofinga kama bubo ka tim wara'ganang ipmek ga' fainarugu' wara'ganang areging.
24293	MRK 1:9	Ning tanga iya' Jisas adi yong kabasi' Nasaret ka kama tubo Galili tara' u itarugu' u kabinga abugu'. Abanga Jon Baptis ganang u kadofiinga Jon wari Jodan ama ganang ingamgu'.
24298	MRK 1:14	Ning tanga iya' king aming wari Jon Baptis u bema kalabus iyung dasiging. Ning tinga Jisas adi kama tubo Galili ga' tubobu mugogu'. Anga kadofinga Anutuning midi kareng u tokadofinga yaregu'.
24300	MRK 1:16	Ning tanga kama nua'niganang ka Jisas wari Galili gwang gaga u yaranga agu'. Anganga aming fama' iguyangguk ka Saimon ya Andru ya u yaptuagu'. Adi ama ging wengmanggak ning kane tiagumu' wara' adi ama gwang wara'ganang anga ama ging kane fatugumu' u yaptuagu'.
24312	MRK 1:28	Adi Jisas ning tangkunang u kanga waraga' midi tonga yareging wari kama tubo Galili tara' dabik u urapsa' feradanga mugoinga naksasu'neging.
24323	MRK 1:39	Ning ina ning tanga yong ka u kabinga anga kama tubo Galili tara' unggung wara'ning yong yong u yangara adisining siring yakganang amanga Anutuning midi kareng ituaima yaregu'. Ning tanga aming masi' unggo kadagasi guk kabi'mo' wara'sining masi' unggo kadagasi u tanga igukima ning tugu'.
24342	MRK 2:13	Ning tanga Jisas adi kama ka Galili gwang gaga tara' waraga' tubobu mugogu'. Ka aming arantagim kabi'mo' wari Jisas ganang abuinga Jisas wari Anutuning midi kareng yanggeku'.
24364	MRK 3:7	Ning tanga Jisas guk ka arantagimni guk adi yong ka u kabinga Galili gwang ga' mugoging. Ka ami taming arantagim kabi'mo' wari Jisas wari kane tangkunang tanga yaregu' wara'ning midi ne u naknga Jisas u kadidima sini' tonga mandang iwara aging. Ka aming arantaim girii ka u aging wa kama tubo Judia tara' wara'ni a Jerusalem yong girii aming a Idumia tara' wara'ni a Jodan ama fugung tubo do ning tara' wara'ni a yong fama' ka Taia guk ka Saidon guk tara' wara'ni aming dabiksa' ka yong ka ning wari marara yaranga aging.
24393	MRK 4:1	Ka Jisas wari Galili gwang do anga ami taming ga' Anutuning midi kareng ituaim ning kane u nua'bu tugu'. Ka aming kabi'mo' kadofiging waraga' tanga Jisas adi bot ganang aranga mera gwang ganang naro' dokning anga mareiagu'. Ning tinga ami taming adi gwang gaga u mera yareging.
24420	MRK 4:28	Giranga ning tanga tim munumung ka mundung sa' kadofinga sasa' tanga bapmo wari giranga aranga ning tanga beng wa wara'ganang inga' titing.
24434	MRK 5:1	Ning tanga anganga gwang fugung kama tubo Geresa tara' u kadofiging.
24450	MRK 5:17	Ning tanga kama tubo Geresa yong ki wara'ni aming wari Jisas wari kama ka u kabinga mugo titi waraga' anadide tiging.
24454	MRK 5:21	Ka Jisas guk ka arantagimni guk wari kama tubo Geresa u kabinga bot ganang tubobu anga Galili tara' u kadofiinga aming arantagim girii wari gwang gaga ganang u bak girii nua'bu abanga tiging.
24467	MRK 5:34	Ka Jisas wari ning anigu', o taming gu nagata' naktangka tarang warisa' tanga wadigi' kuma' karendarang, bagana ka wa nua' mo' bemgabo' mokngang. Gu tubobu anga kareng gi' ningsa' ubu ira autang ning anigu'.
24497	MRK 6:21	Ning tanga iya' inga' Herot wari kama ka mengni wari iibe tugu' wara'ning u katuanga tangsana tugu' ganang wa tamni Herodias wari Jon uuk ga' fasukarugu' wara'ning kadapmang guk kuma' adegu'. Ka Herot wari tangsana waraga' kiap girisi a ami'ning aming ning girisi fam a Galilini aming girisi fam u katiana abanga ning tanga tangsana wara'ning nana u mera naging.
24499	MRK 6:23	Ning aninga ning tanga midi tangkunang sini' nua'bu anigu', beng sini' torik nasi' nasi' gu naga ganggam ga' toutang wa na ganggam sa' totik. Gu naganing nasi' mambong girii u udagam ga' toutang wa na bining sini' udanga ganggam sa' totik ning anigu'.
24529	MRK 6:53	Ning tanga anga gwang gaga tubo yong Genesaret tara' do kadofiging. Anga kadofinga bemkura ning tanga bot u ara iptatangkaging,
24563	MRK 7:31	Ning tanga Jisas adi kama ka Taia tara' u kabinga anganga Saidon yong u tarafira Galili gwang ga' maunga mugogu'.
24602	MRK 8:33	Ka Jisas wari arantagimni fam u faranga ifanga adenga Pita u ning kafanga anigu', a gu aming kamaganangni ning sasuksa' tanga Setan ning midi torang nakamarik wara' ning ganarik, gu Setan tataba te'. Gu Anutuning midi guk mo' sura nangsefi tonga tarang nakamirik ning anigu'.
24637	MRK 9:30	Ning tanga Jisas wari aranatagimni u inagiknanga yong ka u kabinga marara yong kababi' fam ka Galili unggung ikyangakiaging waraga' ubu mugoging.
24658	MRK 10:1	Ning tanga Jisas adi kama tubo Galili u kabinga marara kama tubo Judia tara' waraga' ubu agu'. Anga Jodan ama u yama anga kadofinga aming wari adiganang bak girii abanga tinga kadapmang ka fikifiki fianggetarugu' ning u kama tubo wara'ganang ubu tanga yanggeku'.
24851	MRK 14:28	Beng sini' kuma' kumarok de ka naga tubobu marara wa na tim anga kama tubo Galili do sipmerok. Ka sidi mandang inga' anga naptuani' ning yanggu'.
24855	MRK 14:32	Ning tanga Jisas wari arantagimni u inagira anga gwaya kabasi' binking kareng wapni Getsemani u famanga kukyapma ning yanggu', ingging marekni' na dota' anga ibang toutik.
24893	MRK 14:70	Ka Pita adi isasura tanga nua'bu tugu'. Ning tanga kabi'ning adeia' aming fam ka unggung adeging wari nua'bu aniging, a gu udi kuma' gapkedem Galili aming adining arantagmni.
24917	MRK 15:22	Anganga kama wap Golgota u kadofiging. Ka wap ka Golgota wara'ning ki wa aming ki kati ning aniaging u kadofiging.
24921	MRK 15:26	Ugaringa ning tanga firi dibing bema finga kudi ning yoking, YA JUDA NING GIRISI'. Ning yora bema Jisas ning ki ganang using u tapking. Midi dibing kabi' ka u yoking wa Jisas ugumoging wara'ning ki u yora tapking.
24925	MRK 15:30	Gu tangkunang guk udep wa giri, ganing fuka u yotangkanga firi ugari u kaga' urapsa' kabinga afuinga gapnam ning anikigenga tarafira yangaging.
24928	MRK 15:33	Ka adi Jisas u bema firi ganang ugaringa ning tanga anganga 12 klok sidii sini' mayam de wari kangkamara tanga kama yong yong dabiksa' kama garinga yaregu'. Garinga anganga 3 klok kibiri wa kama wari tubobu fagagu'.
24936	MRK 15:41	Taming arantagim ka wa tim Jisas wari kane ka kama tubo Galili do ira tanga yaregu' u tanga yotangkangam fatiaging, ka inga' Jisas wari Jerusalem yong girii ga' areinga undu' kubap yaranga areging wari fidenga fakaging.
24949	MRK 16:7	Ka sidi i kadidimanga tubobu anga Jisas ananing arantagimni ka Pita se' u yangting. Ka Jisas adi Galili do sipmeronga tim kuma' manga' wara' arantagimni adi mandang yaranga anga Galili do kuma' katuani' ana tim kuma' yanggu' ningsa' ning yanggu'.
24961	MRK 16:19	Ka Girii Jisas wari arantagimni ga' midi ari' u ima ima ning tanga adeinga beni Anutu wari kunim furo'ning ga' tubobu wadigi' nagira aregu'. Nagira taranga adining kafong kareng ganang kamiinga girii ira marekita'.
24981	LUK 1:19	Ka ensel wari ning anigu', na wapna Gebriel, Anutu ganang sini' ira adining kunung aming tanga ikitik wara' Anutu ana nangkareinga abanga adining midi kareng i ganirik.
24988	LUK 1:26	Ka Elisabet wari kaba guk ira mayap 6 ning kuma' ibigu' ganang ka Anutu wari adining kunung aming ensel Gabriel u yong kabasi' Nasaret ka kama tubo Galili tara' waraga' anigareinga agu'.
25006	LUK 1:44	Gu midi abanga nanirang u nakinga saba kabasi' naning kabakna ganang undu' kaba kareng naknga fungsa' marata' wara' na guning ki ka girii ning meng ning u wara'ganang nakedarik.
25046	LUK 2:4	Ka Josep adi Maria u sangam ga' kuma' totangkaging. Ka adi girii Devit ning arantagim wara'ning iri wara' adindu' midi ka aming girii Ogastas wari aming wap manggakyap ga' togu' u naknga yong kabasi' Nasaret ka kama tubo Galili tara' u itarugu' u kabinga marara ananing yong ki ka tim papangni Devit wari timinggi' itarugu' ka Betlehem kama tubo Judia tara' waraga' abugu'. Ka tamni Maria undu' wap manggakyap waraga' kubap dabik abugumu'. Ka tamni udi kaba guk.
25081	LUK 2:39	Ka Josep imaraming adi saba kabasi' Jisas wara'ning kane ka girii ning midi tang ka Moses wari yoku' u yaranga tiaging wara'ning u kuma' tasasu'nanga ning tanga yaksing Nasaret ka kama tubo Galili tara' waraga' tubobu mafugumu'.
25095	LUK 3:1	Ka Romni aming girii nua'ni Sisa Taibirias wari Rom a kama kama dabiksa' ka adi bemgu' u katatoranga mera anganga gurak 15 ning kuma' kabigu' ganang ka aming girisi fam ka kama wara'ning fam ganang tanga ira yaptatoreging wara'sining wapsi' wa ning, Romni kiap girii ka Pontias Pailat adi kama tubo Judia tara' u katatoregu' a king Herot adi kama tubo Galili u katatoregu' a Herot ning kuyang kabasi' Filip undu' girii king tanga kama tubo Ituria guk ka Trekonaitis guk u yaptatoregu' a king Laisenias adi kama tubo Abilini u katatoregu'.
25146	LUK 4:14	Ning tanga iya' Anutuning mini unggo wari Jisas ganang ira tangkunang amiinga Jisas wari tangkunang guk ira kama tubo Galili provins ga' tubobu mugogu'. Anga ira ning tanga Juda aming ning siring yak ganang amanga Anutuning midi kareng u yanggera yaregu'. Ning tinga aming wari adining kane kareng u kanga adining wap bema aranga midi siamo' tonga yareinga Jisas ning kane wara'ning midi ne wari kama tubo wara'ning yong yong u dabiksa' mugoinga naksasu'nanga yareging.
25163	LUK 4:31	Ning tanga Jisas adi Kapaneam yong ka kama tubo Galili tara' waraga' mugogu'. Anga kadofinga iya' mengkura ning kama sabat ganang ka siring yak ganang amanga Anutuning midi yanggeku'.
25166	LUK 4:34	ai Jisas Nasaretni gu nasi' tanibonga abangang. Gu indifikadaga unda' tonga abangang. Na kuma' gapkedarik gu udi Anutuning aming didimeng sini' ka Anutu wari gangkareinga abarang.
25177	LUK 5:1	Ka Jisas wari Genesaret gwang gaga u anga kadofiinga ami taming kabi'mo' wari Anutuning midi nakonga abanga Jisas ganang u bak girii tiging.
25190	LUK 5:14	Ning tanga Jisas wari aming u anisefi tang ning tugu', napa i tagamarik ya aming fam mo' sini' inotang. Gu i anga pris ganang didimengsa' kadofotang. Ning tinga pris wari karengsa' ubu kadofirang u gapma kadapmang ka tim Moses wari togu' u titing u yaranga Anutuga' sura napa' karesi tanga sangamotang. Ning tinga aming wari u gapma ning tonting, o beng sini' adi tubobu kuma' karendanga fugu kareng nua'bu kuma' ba bema ita'.
25193	LUK 5:17	Ka inga' Jisas wari aming nua'ni ning yak ganang amanga ami taming fianggeku'. Ka Farisi arantagim a sasuk aming fam ka Jisas u kadidima waraga' ka yong yong kama tubo Galili a Judia tara' a Jerusalem yong girii wara'ni wari marara abiging ka adindu' dabik unggung marekinga yanggeku'. Ka Jisas adi kane wa Anutuning tangkunang guk tanga yangagu' wara' adi bagana aming ifakarenda ning undu' tugu'.
25336	LUK 8:22	Ka kama nua'ni ganang ka Jisas wari arantagimni u ning yanggu', gwang fugung tubo do waraga' ubu mantam. Ning ina ning tanga arantagimni guk bot nua'ni ganang aranga mera Galili gwang ganang u mugoging.
25340	LUK 8:26	Ning tanga bot ganang u mera anganga gwang fugung ka kama wap Gegesa ka Galili wara'ning tubo do ning tara' u kadofiging. Ka Gegesa wa aming arantagim nua'ni ka Juda mo' wara'sining kama u anga kadofiging.
25342	LUK 8:28	Ka adi bima tanga fentarugu' waraga' tanga fikifiki amine wari som tanga bema sen wari kayong kafong u kuma' tofitangkanga fagabiaging de, ka mokngang adi mini unggo kadagasini wari yotangkangaminga sen tangkunasi u udanga ning tanga base nagira auinga bimanga famarugu'. Ka Jisas wari u kanga aming wara'ning mini unggo kadagasi u ning yangkagaregu', sidi aming i kagabi tanga mugo tini'. Ning tuguinga aming wari ku bang katinga Jisas ning kayong ganang u mangfanga mungkupnanga dera midi bang ning togu', ai Jisas gu nasi' tanabonga abarang. Gu Anutu girii ning mindingni, o bibiri sini' gu napa' ni mo' tanabotang ning togu'.