3	GEN 1:3	Pe NeHalang hele, “Kileng mesehe ngana lohot.” Pe la kileng mesehe ngana lohot.
5	GEN 1:5	NeHalang hetue kileng mesehe ngana ke “etue,” pe kileng au ngana ke “miliko.” Iok miliko sio pe uach mule nga etue elle ngana.
6	GEN 1:6	Pe NeHalang hele, “Ech chach nga tunangana pe kileng koana ngana heke iri ke te la nga hele pe hele.”
8	GEN 1:8	NeHalang hetue kileng koana neu ke “tapa.” Iok miliko sio pe uach mule nga etue nai ngana.
9	GEN 1:9	Pe NeHalang hele, “Ech nenge tu nga kileng koana nenge sio lake hekirau ke munna elle pe kileng hal ngana hota.” Pe la lohot ke pomau.
10	GEN 1:10	NeHalang hetue kileng hal ngana ke “ich.” Pe ech nenge heuirau ke munna elle neu hetue ke “ruach.” Pe NeHalang esia ke pomau pe letena urana ia.
11	GEN 1:11	Ol pe NeHalang hele, “Heilil pe ae mur te haka nga ich. Heilil mur nenge te heiei pe te hei hot mulmule tuturia mur pe ae kuenkuena ngana mur nga ich nenge te hei pe tuturia mur te tu teu mule nga iri siporia ngana ngaria mur.” Pe la ure nemur te lohot ke pomau.
14	GEN 1:14	Pe NeHalang hele, “Lemenge lohot nga tapa sana ke ma tote etue nga miliko pe heilang ia etue mur pe hesinga mur pe etue papalaungana mur.
15	GEN 1:15	Pe te lohot ke iri lemenge nenga tapa sana ke te tualeme hatal ia ich.” Pe la ure nemur te lohot ke pomau.
20	GEN 1:20	Pe NeHalang hele, “Ruach muta ia ruo kuenkuena ngana mur ure lochloch ngana nenge ruach letena ana ia. Pe ngie mur lochloch te kangkanga haka ich ana pe lehe tele rara nga kileng koana nenga tapa sana.”
22	GEN 1:22	Pe NeHalang pete iri pe hele, “A hala lele ke imo halang toto pe a ronge ruach pe ech lochloch ngana. Pe imo ngie mur, a hala lele pule pe a lohot ke imo halang toto nga ich.”
24	GEN 1:24	Pe NeHalang hele, “Ure maulul ngana mur te lohot nga ich nga aria mata kuenkuena ngana mur. Pe huros marana ngana mur pe ure nemur nenge te sere olole nga ich pe huros inolo ngana mur te lohot pule nga aria mata mur.” Pe la ure nemur te lohot ke pomau.
26	GEN 1:26	Pe NeHalang hele, “Lape ta ume hote iri nenge iri non pe nakuria pomange ita toto ke te nauele ruo mur nga ruach letena pe ngie mur nga tapa sana pe huros marana ngana mur pe huros inolo ngana mur lochloch pe ure lochloch ngana nenge te sere olole nga ich.”
28	GEN 1:28	Pe NeHalang pete iri pe hele lange iri ke teke, “Lape a hoho pe a hala lele ke imo halang toto ke a hemute ich pe anau ele. Pe anau ele ruo mur nga ruach pe ngie mur nga tapa sana pe ure lochloch ngana nenge te sere olole nga ich nei.”
29	GEN 1:29	Pe NeHalang hele ke teke, “A longo at! Heilil nemur nenge nganangana lohot nga ich letena pe ae mur nenge tutuna mur te tu teu nga ngana ngaria mur, e tunge lange imo ke amo ngaunga ia.
30	GEN 1:30	Pe e tunge ure nemur ke amo ngaunga ia pule; Huros mur lochloch nga ich ngie mur lochloch nga tapa sana pe ure lochloch nenge te sere olole nga ich pe ure lochloch nenge eingaria tu teu nge iri. Pe E tunge eleling lochloch ke amo ngaunga ia pule.” Pe la ure nemur te lohot ke pomau.
47	GEN 2:16	Non Soke NeHalang hele lange non neu ke teke, “O ngau nga ae lochloch ngana nenga ume
48	GEN 2:17	pe ae nenge lete matana ngana nga poinga nge urana pe poinga nge poreke o ngaua ero. Iange nenge teke o ngaua o mete sapele.”
49	GEN 2:18	Iok Non Soke NeHalang hele, “Non nei i toro mana tu pe poreke i. Pomalam lape e ume hote neingana e nge pomange i ke halaulaua i.”
54	GEN 2:23	Pe Antam hele, “Ute nem nakuna mange iau iam. Pe lape e hetue i ke ‘hei’ iange i lohot nga kik pe nga mirak.”
57	GEN 3:1	Non Soke NeHalang ume hote ur inolo mur lochloch ke urana pe ilimo mana nge letena matana toto nge iri lochloch pe hele lange hei neu ke teke, “NeHalang hele ke teke, ‘A ngaua ae e nganagana nga ume nei ero, ae?’ ”
58	GEN 3:2	Pe hei neu hele langa ilimo ke teke, “Mo ngaua ae lochloch ngana ngaria
59	GEN 3:3	pe ae nenge mes nga ume tuna ngana NeHalang hele ke teke mo ngaua nganangana ero iange lape mo mete.”
60	GEN 3:4	Pe ilimo neu hele lange hei neu ke teke, “Ah! A mete ero paiam!”
61	GEN 3:5	“Iange NeHalang eteia ke letemo matana toto pe a pomange i pe a eteia utar nenge urana pe poreke.”
65	GEN 3:9	Pe Non Soke Nehalang iua Antam ke teke, “Antam ou! Iong ngai?”
66	GEN 3:10	Pe Antam tuacholia ke teke, “Iau koi e amneia meena ngam nga ume letena pe e talkome iange e lachlach mana?”
67	GEN 3:11	Pe NeHalang hele, “Ia itei nenge hele lange iong ke teke o lachlach? Nakuna nenge o ngaua ae ngana ngana nenge e hele lange iong ke e teke o ngaua ero iam! Ae?”
68	GEN 3:12	Pe non neu hele, “Hei nenge o ume hote pe o tunge at nge iau koi nenge tunge ae ngana ngana nei at nge iau ke e ngaua.”
69	GEN 3:13	Pe Non Soke NeHalang onteia hei neu ke teke, “Pomerei toto nenge o poia poinga poreke ngana nei?” Pe hei neu hele lange NeHalang ke teke, “Ilimo laka channanga ia iau ke e ngaua ae ngana ngana nem.”
70	GEN 3:14	Pomalam Non Soke NeHalang hele lange ilimo neu ke teke, “Iong toro mana lape o mene melmelenga palaungana pe huros mur ero. Nga etue lochloch ngana nenge o tu nga ich, lape o amo mana nga sam pe o ngau manmana maruchrue iange o channanga ia hei nei. Pe lape o amnea melmelenga palaungana.
71	GEN 3:15	Pe lape e poia iong ke lem ngarang hei nei pe i nena ngarang iong. Pe tum lape nena ngarang hei nei tuna. Ke nge he hei nei tuna lape hepapar hite palpalum pe iong lape o tele apena.”
72	GEN 3:16	Pe NeHalang hele lange hei neu ke teke, “Lape o amnea melmelenga palaungana nga etue nenge sam pe pule nga etue nenge o hoho ia. Pe mutem tau tote em pe o nanas mene em nena helenga.”
73	GEN 3:17	Pe NeHalang hele lange Antam, “Iong o longo taua lem hei ke o ngaua ae nganangana nenge e hetoro sue lange iong ke e teke o ngaua ero. “Ke lape o amnea melmelenga palaungana nga o tu ngam nga ich nei iange lape e poia ich nei ke poreke pe am ngaunga haka ke urana ero pe lape o puo teu tote iong nga ume laka o ngau.
75	GEN 3:19	Pe o ume ke kerkereng toto ke hines sio ia iong, pomalam lape o ngau. Pe o pur manmana ume ke pomalam mana ke la het nga etue nenge o la mule nga ich, iange o lohot nga ich.”
76	GEN 3:20	Antam hetue ne hei ke ene, “Eua” iange i hulua lochloch ngana nenge tetu ke te maulul nga ich nei reette palaungana ia.
78	GEN 3:22	Pe Non Soke NeHalang hele, “Non nei lohot ke pomange ita ke eteia utar nenge urana pe poreke ke pomalam ta nauele ke ngaua ae nenge tunge maulinga ke koko nem nganangana e ero, iange lape tu ke maulul ke koko.”
81	GEN 4:1	Antam ma luluch nge nehei Eua ke sana pe hoe tuna Kaen. Pe Eua hele, “Nga Non Soke nena halaunga e hoe tuk nei.”
86	GEN 4:6	Pe Non Soke onteia Kaen ke teke, “Iong mam letem inin pe o iech ero ia utar?”
88	GEN 4:8	Iok nga hoena Kaen hele lange tina Apel ke teke, “Ita nai tala ke ta i rara nga ich nenge ana heilil mana!” Iok iri nai tela ke te i rara nga lamau pe Kaen ngira taua tina Apel pe hune i ke mete.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
90	GEN 4:10	Pe Non Soke NeHalang hele, “Pomere nenge o poia poinga poreke ngana nem mam?” O longo la, tim eina kou lele nga ich pe tang atat nge Iau.
93	GEN 4:13	Pe Kaen hele lange Non Soke ke teke, “Melmelenga nenge o tunge at nge iau nem, palaungana toto pe lape heporeke tote iau iam.
94	GEN 4:14	O nau at, heueu nei o lope hote iau lamai pe lape e la ke e talkome toto nga matam ol. Lape e i rara mana nga ich iange mulik e nge e tuia ero. Pe nenge teke mele saolia iau lape hune iau ke e mete.”
95	GEN 4:15	Pe Non Soke hele lange i ke teke, “O matau ero! Nenge teke mele hune iong, mele nem lape ameia ana melmelenga nge palaungna toto.” Ol pe Non Soke tal heke lala e lange i ke mele nenge saolia i hune i ero.
96	GEN 4:16	Iok Kaen ua hot nga Non Soke matana pe la ke tu nga ich nenge ene “Irara.” Ana ich tu nga kilenge ilina hele nenga lut nga ume nenge Paratiso.
103	GEN 4:23	Pe nga etuene Lamek hele lange nehei mur ke teke, “He Ata pe he Sila a longo at nge iau; Ne Lamek nehei mur, a longo at nga lek helenga. Non e pal poreke tote iau pe e hune i ke mete, pe non lomele ngana e nosia iau pe e hune i ke mete.
104	GEN 4:24	Ke nenge teke mele hune Kaen lape takisia melmelenga nge palaungana toto. Pe nenge teke mele hune iau lape takisia ana melmelenga nge palaungana toto ol.”
105	GEN 4:25	Pe Antam maluluch mule nge nehei pe hoho mule tuna tamane ngana e pe hetue ene ke Set pe nehei hele, “Ne Halang tung mule tuk nei ke mene Apel munna nenge Kaen hune.”
106	GEN 4:26	Pe Set hoe tuna tamane ngana e pe hetue ke ene Enos. Nga etue neu hehei pe hana te talun ke te heto heke Non Soke ene ke te teke, “Ta heto heke NeHalang.”
135	GEN 5:29	pe hetue ke ene Noah. Pe Lamek hele ke teke, “Non Soke na keke ich ke ta ume pe ta amneia melmelenga nga rera ume mur. Pe Noa lape poia ita ke ta tah eingara pol nga ara melmelenga mur.”
141	GEN 6:3	Pe Non Soke hele, “Opek nenge e tunge lange hehei pe hana ke te maulul lape tu ke koko ero iange iri lape te mete. Talun heueu nei pe la, lape e tung ke hesinga iri ananon kina lime pe ananon kina elle (120) nga mele tungana nga ich nei.”
145	GEN 6:7	Ke pomalam Non Soke hele, “Iau e ala hote hehei pe hana nga ich pe heueu nei lape e hemelue iri ke mele e nge tu nga ich ero ol. Hehei pe hana pe ur inolo mur pe ngie mur nga tapa sana pe ure nemur nenge te amamo pule. E poia iri ke pomau pe letek meena iange e ala hote iri.”
151	GEN 6:13	Pe NeHalang hele lange Noa ke teke, “Iau letek haka ke e teke e hemete hulua lochloch iange te heloko teu tote iri nga salaunga ana poinga pe te hun helel nge iri. Oe! Lape e heporeke tote iri luluch nga ich.
159	GEN 6:21	Pe pule o lolochia ngaunga kuenkuena ngana mur ke o tatach teua langa mono ke iong pe lem hei pe tutum mur pe reria hehei mur pe huros nemur amo ngaunga ia.”
161	GEN 7:1	Ol pe NeHalang hele lange Noa ke teke, “Iong pe lem hei pe tutum mur pe reria hehei mur ateu langa mono iange iong toro mana o nanasia poinga nge pengpeng nga ich nei pe hulua lochloch ngana ero.
164	GEN 7:4	Etue iri rahtele nai koi tu ol pe lape e hekule pitte ke sio nga ich. Pe pitte nem lape molmol ke etue iri ana non kina nai (40) pe miliko iri ana non kina nai (40). Pe lape e hemete ure maulul ngana lochloch ngana nenge e alahote iri ke tetu nga ich.”
200	GEN 8:16	“Iok laol, iong pe lem hei pe tutum mur pe lem tete mur a lohot nga mono ol.
201	GEN 8:17	Pe o mene ure maulul ngana lochloch ngana nenge te tu luluch nge iong ke te hot tah. Ngie mur pe huros mur pe ure lochloch ngana nenge te amamo nga ich ke te hala lele ke iri halang toto nga ich.”
205	GEN 8:21	Pe Non Soke seke tunginga nemur inangaria pe hele, “Hehei pe hana te poia poinga poreke ngana pe e poia poinga nei ke tuacholia reria poinga poreke ngana mur. Pe lape e heporeke mule nge hehei pe hana nga ich ero ol. Nga etue nenge iri lolomele leteria tu mana nga poinga poreke ngana pe e tunge aria melenga lo. Pe nei ol lape e heporeke ure lochloch ngana nenge te maulul ero ol.
206	GEN 8:22	“Nga etue nenge ich nei tu, ure nemur lape te lohotot; ngaunga tua ngana pe ngaunga lulu ngana, kileng lololo ngana pe kileng milang ngana, chaia ana etue pe pitte ana etue, kileng mesehe ngana pe kileng au ngana.”
207	GEN 9:1	NeHalang hele lange Noa pe tutuna mur ke poimai: “Lek petanga nenge lange iong pomai koi. Lape a hoho ke tutumo mur iri halang toto pomalam lape a tu ke a purpure kileng lochloch ngana nga ich.
210	GEN 9:4	“Pe huros mirana nenge eina tu hite kura a ngaua ero iange maulinga lohot laka nga toho.
212	GEN 9:6	“None nenge hune mele ke mete, hana lape te hune i ke mete pule. iange Iau NeHalang pe e umeia hehei pe hana ke nakuria mange iau.
213	GEN 9:7	Ke pomalam e teke iong pe lem tete mur a hala lele ke imo halang toto pe a tu ke a purpure kileng lochloch ngana nga ich.”
215	GEN 9:9	“Heueu nei e poia lek tomunga hel ana helenga luluch nge imo pe nge lemo tete mur nenge lape te lohot nge he.
217	GEN 9:11	E poia lek tomunga hel ana helenga nei lange imo ke mai: Ech hot ke taua kileng ke ulolo pe ure lochloch ngana nenge te maulul nga ich te mete lochloch. Pe lape e poi mule poinga e nge pomai nga hoena ero ol.”
218	GEN 9:12	Pe NeHalang hele, “E tal hote pitte usina nga tapa sana ke heilangia tomunga hel ana helenga nenge e poia lange iong pe ure lochloch ngana nenge te maulul nga ich. Ure nem lape helete metene iong nga nenge lape e tal hite helenga manmanna ngana nem ke koko.
223	GEN 9:17	“Ke pitte usina nem heinglangia tomunga hel ana helenga nem.”
231	GEN 9:25	Pe hele ke teke, “Ure meena lape lohot nge Ham tuna Kanan! Lape lohot ke i hekuleileinga ana non nenge pingana iuiu ero pe umume manmana nge titina mur.”
232	GEN 9:26	Pe Noa hele pule ke teke, “Ta heto heke NeHalang Sem ana Non Soke pe poia Kenan ke Sem nena hekuleileinga ana non.
233	GEN 9:27	Pe e hetalaulau ke NeHalang poia Iapet tutuna mur ke iri halang toto pe poia iri ke te kila ke nek luluch nge Sem, pe poia Kenan ke Iapet nena hekuleileinga ana non ia.”
244	GEN 10:9	Pe i non nenge Non Soke poia i ke letena matana toto nga huros hun ngana. Ana helenga nenge te heleia ke te teke, “Non nei hunun huros ke mange Nimrot nge Non Soke halaulaua i.”
260	GEN 10:25	Pe Eper tutuna mur iri nai: Elle ene Pelek luna laka “Chachia” iange nga etue nenge i tu hehei pe hana nga ich te chach hel ke tetu teu nga reria kaleu ramana mur. Pe ana non tina ene laka Ioktan.
270	GEN 11:3	Pe nga hoena te hele tele hel nge iri ke te teke, “A iat, ta mene melete pe maha ke perra ule pe ta hemilangia iri ke te lohot ke iri um nenge ene prik” Pe te mene ure nenge pilpile ke manga pulos nenge te hepile tele um nemur ia.
271	GEN 11:4	Pe te ngai haka hel ke te teke, “A iat ta lele heke ita sipora rera tuele tana nenge mokona la ke tottole teu nga tapa sana. Pomalam lape pingara song pe ta loloun rara ke tala nga ich lochloch ero ol.”
273	GEN 11:6	Pe Non Soke letena tuanin ke teke, “Hana nemur iri elle pe te heleia helenga nge elle mana. Te ume ia tuele tana palaungana nem lo pe nga hoena lape te ume ia ure hel pule nga lemeria ngaria.
274	GEN 11:7	A iat, ta sio la ke ta hepiriu ele reria helenga ke te longo hel nge iri ero ol.”
300	GEN 12:1	Iok Non Soke hele lange Apram ke teke, “O hile lem kileng pe lem hana mur pe iri lochloch ngana nenge te tu luluch nge temem pe o la nga ich nenge lape e henonou iong ia.
301	GEN 12:2	“Pe lape e pete iong pe e poia lem tete mur ke te lohot ke iri halang toto; pe lape e poia pingam ke song pe hulua te naue ke e pete tote iong.
302	GEN 12:3	Pe e poi ke urana lange iri nenge te poi ke urana lange iong pe iri nenge te poi poreke iong lape e poi poreke iri. Pe lape e poi ke urana lange hulua lochloch nga ich iange nge huna nge iong mana.”
306	GEN 12:7	Pe Non Soke lohot nge Apram pe hele lange i ke teke, “Lape e tunge ich nei lange lem tete mur.” Pomalam Apram lung heke hatanga e lange Non Soke nenge lohot nge i.
310	GEN 12:11	Pe nga etue nenge te la rochroi nge Ekipto Apram hele lange ne hei Sarai ke teke, “Iau e eteia ke iong nakum urana toto.
311	GEN 12:12	Pe nga etue nenge Ekipto mur te naue iong lape te hele ke te teke, ‘Non nei nehei koi.’ Pe lape te hune iau pe iong o tu ke o maulul.
312	GEN 12:13	Urana nge o hele lange iri ke o teke lium koi iau. Pomalam lape te poi ke urana at nge iau. Ke nge iong mana lape e tu ke e maulul.”
317	GEN 12:18	Pomalam ne Parao hekulo Apram ana pe onteia i ke teke, “Pomerei nenge o poia iau ke pomai? Heungana nge o hele pengpeng at nge iau ke o teke, ‘Hei nei lek hei ia.’
318	GEN 12:19	Pe pomere nenge o hele ke o teke, ‘Liuk laka.’ Eh ngana koi! O mene lem hei pe a la ol.”
327	GEN 13:8	Pomalam Apram hele lange Lot ke teke, “Rera hana mur te hunel pe ita nai ita elle mana pe lemera ero nge ta hunel mule nge ita.
328	GEN 13:9	Ke pomalam ta chach hel. O nau la ich palaungana kou tumana paneu. Nenge teke o la nga pen hoihoi iau e la nga pen tamalmal pe nenge teke o la nga pen tamalmal iau e la nga pen hoihoi.”
333	GEN 13:14	Iok Lot lohaka ke la lo pe Non Soke hele lange Apram ke teke, “O mes lamam pe o nau ole la nga kileng lochloch. O nau haka langa kileng ilina hele nenga lut ana pe o nau ole la nga nenge sio pe o nau ole la nga chaia haka ngana pe o nau ole la nga chaia sio ngana.
334	GEN 13:15	“Ich lochloch ngana nenge o naue nem lape e tunge lange iong pe lem tete mur ke lemo ia ol.
336	GEN 13:17	Iok o lohaka pe o i kela onau nga ich nemur nenge lape e tung lochloche lange iong.”
356	GEN 14:19	Pe pete Apram pe hele ke teke, “NeHalang Nenga Lut Toto lape poi ke urana toto lange iong. I ala hote tapa pe ich.
357	GEN 14:20	Ta heto heke NeHalang Nenga Lut Toto I laka tung heke lem ngarang mur la nga perim.” Ol pe Apram tunge ure huna elle lange i. Ure huna elle nem lohot nge ure loloch ngana nenge Apram lolochia nga hunelinga pe hekou sue hana nemur pe takiraua ke huna iri analoch. Pe huna elle laka nenge tunge lange Melkisetek nem.
358	GEN 14:21	Pe naunga-ala ana non nenge Sotom hele lange Apram ke teke, “O tunge lek hehei pe hana ke nenge o mene mule iri nem, ke te at mule nge iau pe o mene ure lochloch ngana nem ke lem ia.”
359	GEN 14:22	Pe Apram hele lange naunga-ala ana non nenge Sotom ke teke, “Iau e poia helenga kerkereng ngana e lange NeHalang Nenga Lut Toto nenge ala hote tapa pe ich ke e teke,
360	GEN 14:23	Iau lape e mene lem ute pele ero toto. Ke ute e nge sachana tuna mana ke manga malus ulina nenge o tautau tako ia pe apem ulina ana rur, nem lape e mene ero pule. Iange lape o hele ke o teke, ‘Iau iam e poia Apram ke nena urelu halang.’
361	GEN 14:24	Ke pomalam lemek ero toto nge e mene ute. Pe utar nenge lek hana mur te ngaua ke ulolo, nem mana lape e mene. Pe lape e mene neingak mur nenge te at luluch nge iau reria pule. Ngana laka ne Aner pe ne Eskol pe ne Mamre.”
362	GEN 15:1	Iok nga hoena Non Soke lohot nge Apram nga maopene ngana pe hele lange i ke teke, “Apram o matau ero. Lem kaleu koi Iau pe lape e poia iong ke pingam iuiu toto.”
363	GEN 15:2	Pe Apram tuacholia ke teke, “Non Soke NeHalang lape o tunge utar nge iau? Iau tuk e ero koi nenge lape mene lek urelu mur. Pe mele nenge lape mene ngana kou Eliese nenge Tamaskus.”
364	GEN 15:3	Pe Apram hele, “Iong o tunge tuk e ero ke pomalam hekuleileinga ana non e nenge te umume nge iau lape mene lek urelu mur.”
365	GEN 15:4	Pe Non Soke hele lange i, “Non nem lape mene lem urelu mur ero. Tum tamane ngana e nge lohot nga iong sipom eim lape mene lem urelu mur.”
366	GEN 15:5	Pe Non Soke mene hote i lange hot pe hele, “O nau haka la nga tapa sana pe o sisele itoch mur - nakum nge o sisele iri kau?” Pe Non Soke hele mule, “Lem tete mur lape iri hulua ke pomalaka nga itoch nemur.”
368	GEN 15:7	Pe Non Soke hele pule ke teke, “Iau Non Soke nenge mene hote iong nga lem kileng huna nge Ur nge Kaltia pe e tunge ich nei lange iong ke lem ia ol.”
369	GEN 15:8	Pe Apram hele ke teke, “Non Soke NeHalang lape e eteia ke lek ich nei ke pomerei.?”
370	GEN 15:9	Pe Non Soke hele lange i ke teke, “O mene pulumakau hei ngana e pe meme hei ngana e pe sipsip tamane ngana e nge aria hesinga iri mol pe o at ia iri nge Iau. Pe o mene ngie chaulum nai pule.”
374	GEN 15:13	Ol pe Non Soke hele lange i ke teke, “Lem tete mur lape la tetu nga tuele kina e nenge reria ia ero. Pe lape te poi poreke iri pe te ume manmana nge hana hel.
377	GEN 15:16	Pe lem tete mur lape te at mule nga ich nei ero mukam. Te amala ke hesinga iri ana non kina iri ana non kina elle (400) het mukam. Pe nem purpure hana henel tetu ngaria nga ich nei. Ke het ol laka lem tete mur te at mule nga ich nei ol. Nem nga etue nenge e heneue Amor mur pe e lope hote iri nga ich nei nga reria poinga poreke ngana mur. Pe heueu nei reria poinga poreke ngana muta haka ke nek ero kura.”
379	GEN 15:18	Ke nga etue neu Non Soke poia tomunga hel ana helenga luluch nge Apram ke teke, “Lape e tunge ich nei lange lem tete mur. Talun nge Ekipto pe mene ke la nga ech tana palaungana nenge Uprates.
382	GEN 15:21	pe Amor mur pe Kenan mur pe Kekas mur pe Iepus mur.”
384	GEN 16:2	Pe Sarai hele lange Apram, “Non Soke poi ele iau ke e hoe tuk e ero. Pomalam o la ke o ma luluch nge lek hekuleileinga ana hei; lape tutuk mur te ha lakou nge i.” Pe Apram ngata nga Sarai nena helenga.
387	GEN 16:5	Ol pe Sarai hele lange Apram ke teke, “Iau e amneia melmelenga nga poinga nenge o poia nei. I manmanna ke e tunge lek hekuleileinga ana hei lange iong. Pe heueu nei hele poreke iau iange eteia ke sana lo. Pe e teke Non Soke milteu at nge imem nai nga poinga nei. Itei toto la ke pengpeng?”
388	GEN 16:6	Pe Apram hele ke teke, “O nau at, hei nem lem hekuleileinga ana hei ia. O teke o poia i ke merechrei, o poia nga lemem ngam mana.” Pomalam Sarai poi poreke Heka ke ua sapele.
390	GEN 16:8	Pe hele lange i ke teke, “Heka, e Sarai nena hekuleileinga ana hei laka iong. O i at nga langai? Pe o la ke merechrei?” Pe Heka tuacholia ke teke, “E ua hei palau Sarai ana.”
391	GEN 16:9	Pe Non Soke nena hekulkulonga hele, “O la mule nge hei soke nem pe o nanas mene nena helenga.”
392	GEN 16:10	Pe hekulkulonga neu hele mule ke teke, “Lape e poia lem tete mur ke te lohot ke iri halang toto pe mele pele nakuna nge sisele iri ero.”
393	GEN 16:11	Pe Non Soke nena hekulkulonga neu hele lange i pule ke teke, “Iong sam lo pe lape o hoe tum tamane ngana e. Pe o hetue ke ene Ismael. Ismael-Luna laka: NeHalang longe. Iange Non Soke longe lem tanginga lo.
394	GEN 16:12	Pe Ismael lape poi ke malaka nga kie inolo pe nena ngarang mur laka hana lochloch pe hana lochloch reria ngarang laka i. Pe kila ita ke nek ero pe kila ke nek luluch nge alona mur ero pule.”
395	GEN 16:13	E Heka hetue Non Soke nenge hele luluch nge i neu ke ene, “Iong NeHalang nenge o naue iau.” Iange i hele ke teke, “E naue NeHalang nenge naue iau ke ulolo?”
396	GEN 16:14	Ke ngana laka te hetue ech matana neu ke ene, “Pia Lahai Roi” Luna laka ech matana nenge NeHalang nenge tu ke maulul naue iau. Ana ech matana kou tu heueu nei kura pe tu nga kileng nenge Kates pe Pet tuna ngaria.
399	GEN 17:1	Nga etue nenge Apram ana hesinga iri ana non kina henel pe analoch pe rahtele henel (99) Non Soke lohot nge i pe hele ke teke, “Iau NeHalang Nenge Kerkereng Toto. O nanas mene poinga nge pengpeng pe o poia poinga poreke ngana e nga matak ero toto.
400	GEN 17:2	Pomalam lape e poia lek tomunga hel ana helenga luluch nge iong pe e poia lem tete mur ke iri halang toto.”
402	GEN 17:4	“Ke lek tomunga hel ana helenga nenge lange iong ngana koi nei: Iong lape o lohot ke tuele kina mur nge halang toto reette iong.
406	GEN 17:8	Ich nenge Kenan nenge o are ia nem hana hel reria ich pe lape e tung lochloche lange iong pe lem tete mur nenge te lohot nga hoena ke lemo ia ol. Pe iri aria Non Soke NeHalang, ngana koi Iau.”
407	GEN 17:9	Pe NeHalang hele lange Apraham, “Iong pe lem tete mur nge he, a rahit tote lek tomunga hel ana helenga nei.
412	GEN 17:14	Mele nenge te riria singina ero heporeke lek tomunga hel ana helenga nem, pe lape te lope hote i ke tuteu luluch nge nena hana mur ero ol.”
413	GEN 17:15	NeHalang hele la pule nge Apraham ke teke, “Pe iong lem hei Sarai, lape te hetue i ke Sarai ero ol. Lape te hetue i ke ene laka Sara ol.
414	GEN 17:16	Lape E pete i pe E poia i ke hoe tum tamane ngana e. Pe lape E pete i ke tuele kina mur lochloch taria ia, pe naunga-ala ana hana mur nenge te nauelele hehei pe hana lape te lohot nge ana hei tutuna mur.”
415	GEN 17:17	Apraham losio ke ma ke sana sio pe melmel pe helele nge isipona ke teke, “Non e nge ana hesinga iri ananon kina lime (100) mai nakuna nge hoe tuna tamane ngana e kura kai? He Sara ana hesinga iri ana non kina henel pe analoch (90) pe lape hoho kura kau?”
416	GEN 17:18	Pe Apraham hele lange NeHalang ke teke, “Iok teke pomam, O pete Ismael pe o nauele i ke nek!”
417	GEN 17:19	Pe NeHalang hele ke teke, “Oe pe lem hei Sara lape hoe tum tamane ngana e pule pe o hetue i ke ene Isak. Lape E poia lek tomunga hel ana helenga luluch nge i pe nena tete mur nenge lape te lohot nga hoena. Pe tomunga hel ana helenga nem lape tu ke koko.
419	GEN 17:21	Pe lek tomunga hel ana helenga nenge e poia nge Isak, he Sara lape hoe i nga etue nei nga hesinga nenge atat.”
428	GEN 18:3	Pe hele, “Hana, iau Non Soke nena non pe lemek ero nge a i toto mana nga lek pelpele ke ala. Lemek ke e teke a iat nga lek pelpele.
430	GEN 18:5	Pe e la ke e mene ngaunga unne ke a ngau ke kikimo mukam. Ol laka ai mule ia lemo inga ke ala ol. Iange imo a lohot nge iau lo ke pomalam e teke e halaua imo.” Pe hana neu tuacholia ke te teke, “Urana toto, o poia ke pomanga o hele ngam.”
431	GEN 18:6	Iok laol Apraham teu la nga nena pelpele ke ueiuei mana pe hele lange Sara ke teke, “O ueiuei! O mene mioka nenge urana toto pe o tune.”
434	GEN 18:9	Ol pe te onteia i ke te teke, “Lem hei Sara ngai?” Pe Apraham hele ke teke, “I kou nga pelpele letena.”
435	GEN 18:10	Ol pe elle nge iri nenge hul rumena la nga pelpele, hele ke teke, “Nga hesinga nenge atat neu pe nga teio nei lape e at mule nge iong pe Sara lape hoe tuna tamane ngana e.” Pe Sara mes teu nga piunga nga pelpele pe longe helenga neu.
437	GEN 18:12	Ol pe Sara melmel pe helele nge isipona ke teke, “Iau e tuauna toto pe ak non soke tuauna toto pule. Pe lape singik iech nge e ma luluch mule i kura kai?”
438	GEN 18:13	Ol pe Non Soke hele lange Apraham ke teke, “Pomerei nenge Sara melmel pe hele ke teke, ‘Iau e tuauna toto lo i pe lape e hoe tuk e ke manmanna kai?’
439	GEN 18:14	Apraham e hele lange iong. Non Soke nakuna nge poia ure lochloch. Iau lape e at mule nge iong nga teio nei nga hesinga nenge atat nem pe Sara lape hoe tuna tamane ngana e lo.”
440	GEN 18:15	Ol pe Sara matau pe channanga pe hele ke teke, “E melmel ero i.” Pe non neu hele ke teke, “O melmel laka.”
442	GEN 18:17	Pe Non Soke letena tuanin nge isipona ke teke, “Urana nge e hele hote utar nenge e teke e popoia lange Apraham.
444	GEN 18:19	Iange Iau Non Soke pe e hesilei hote i ke almasia tutuna mur pe nena tete mur nenge te lohot nge he, ke te nanasia lek helenga pe te poia poinga nge pengpeng pe urana. Pomalam lape E poia ure lochloch ngana ke lohot nge i ke pomanga lek tomunga hel ana helenga nenge E poia lange i.”
445	GEN 18:20	Ol pe Non Soke hele, “Helenga halang lohot nga poinga poreke ngana nenge te poreke toto nge te lohotot nge Sotom pe Komora,
446	GEN 18:21	pe e teke E etei ke nek. Pomalam lape E sio la ke enau nga poinga nenge te popoia, lape poreke toto ke pomanga E longo ngak ma ero?”
448	GEN 18:23	Pe Apraham i lange I pe hele, “Hana urana ngana hel tetu nga kileng neu pule pe lape o heporeke iri luluch nge hana porekreke ngana mur?
450	GEN 18:25	Poinga nenge o teke o poia lange hana poreke ngana mur ke o hune iri, o poia lange hana urana ngana mur ero. Nem nakuna urana ero. Milteunga nenge lala nge hehei pe hana nga ich lochloch song ke nanasia poinga nge pengpeng.”
451	GEN 18:26	Ol pe Non Soke hele ke teke, “Nenge teke e naue ke hana urana ngana mur iri ana non kina nai pe analoch (50) tetu nge Sotom, lape e heporeke kileng neu ero.”
452	GEN 18:27	Ol pe Apraham hele mule ke teke, “Non Soke iau e pomalaka nga maruchrue pe apou. E ontei sakilil mana koi pe letem inin taua iau ero.
453	GEN 18:28	Nenge teke hana urana ngana mur aria sisalanga hele sio ke lime iri ero, lape o heporeke kileng neu pule?” Pe Non Soke hele ke teke, “Nenge teke e naue ke hana urana ngana mur iri ana non kina nai pe lime mana, lape e heporeke kileng nem ero pule.”
454	GEN 18:29	Pe Apraham ontei mule I ke teke, “Pe nenge teke o hottau ke hana iri ana non kina nai te urana, lape o heporeke kileng neu pule?” Pe Non Soke hele, “Lape letek ia iri ke e heporeke kileng neu ero.”
455	GEN 18:30	Pe Apraham hele, “Non Soke letem inin taua iau ero pe e ontei mule. Pe nenge teke hana iri ana non kina elle pe analoch mana nge te urana lape pomerei?” Pe Non Soke hele, “Nenge teke e hottau ke hana iri ana non kina elle pe analoch mana nge te urana, lape e heporeke kileng nem ero pule.”
456	GEN 18:31	Pe Apraham hele, “Non Soke e ontei sakilil pe letem inin taua iau ero. Nenge teke hana nenge te urana iri ana non kina elle mana tetu lamau?” Pe Non Soke hele, “Lape letekia iri ke e heporeke kileng neu ero.”
457	GEN 18:32	Pe Apraham hele, “Non Soke letem inin taua iau ero pe e ontei elle mule. Nenge teke hana nenge urana iri analoch mana tetu lamau?” Pe Non Soke tuacholia, “Lape letek ia iri pe e heporeke kileng neu ero pule.”
460	GEN 19:2	Pe hele ke teke, “Hana papalau nai nem a i at nga lek pele ke a lomo sue apemo pe nga miliko a ma mukam. Pe nga uach a lohaka pe a i mule ol.” Pe iri te tuacholia ke te teke, “Ero mo ma la i loi nga kileng unne nenge hana te heukiraurau ia.”
463	GEN 19:5	Pe te iu lange Lot ke pomai, “Hana nai nenge te at ke tema nga lem pele ngai? O mene iri at nge imem ke mo heporeke iri lakoi nge hot.”
465	GEN 19:7	pe hele ke teke, “A poi ke mam ero! Iau pekngak mur laka imo pe a poia poinga poreke ngana nei ero.
466	GEN 19:8	Anau at, iau tutuk mur heheina nai nge tema luluch nge hana ero kura. Lape e mene hote iri at nge imo pe a poi lange iri nga lememo ngamo. Pe a poia ute lange hana nai nei ero iange te teu at nga lek pele ke e nauele iri.”
467	GEN 19:9	Pe Sotom mur te tuacholia ke te teke, “Ah! O poi hele imem ero. Iong ngie koke iong ke o at pe lem nga lamai ero. Pomerei nenge o mil teu at nga lemem poinga mur? Heueu lape mo heporeke tote iong nge iri.” Te echia Lot pe te puo teua iri la nga piunga ke te teke te palchach sue.
470	GEN 19:12	Pe hana nai neu te onteia Lot ke te teke, “Lem hana hel kai tetu nga tuele tana nei pule mai? O mene tutum mur nenge tatamanna pe heheina pe uem mur pe itei hel pule nenge lem hana mur ia iri pe a ua hot nga lamai,
471	GEN 19:13	iange lape mo hengau lulu heke kileng nei. Helenga halang toto lohot nga poinga poreke ngana nenge poreke toto nge te lohotot nga kileng nei, pomalam Non Soke kulosia imem at ke mo hengau lulu heke.”
472	GEN 19:14	Iok la ol, Lot la ke hele lange uene mur. Hana nai neu te teke te lechleia Lot tutuna heheina mur. Pe hele lange iri ke teke, “Ueiuei mana pe a ua hot nga lamai iange Non Soke lape hengau lulu heke tuele tana nei!” Pe uene nemur te teke ma songlelele reria.
473	GEN 19:15	Iok uach sio lo pe angkelo nemur te heueiuei ia Lot ke te teke, “Ueiuei mana! O mene lem hei pe tutum mur heheina nai nei pe a ua hot nga kileng nei iange lape a mete luluch nge hehei pe hana nga kileng ngaulala ngana heueu.”
475	GEN 19:17	Te mene hote iri lange hot ke ulo pe elle nge iri hele, “A song ke a eleis maul ngamo pe a ralele mule ero! Pe a mes ke a tah eingamo nga kileng unne nga mos nei ero! A song ke a la toto nga hengene mur iange lape a mete heueu!”
476	GEN 19:18	Pe Lot hele, “Hana papalauna, nakuna nenge lape e nanasia lemo helenga ero pai!
478	GEN 19:20	A nau la tuele tana sune kou tu neu. Tuele tana neu tuna mana pe tu rochroi pol. Ke nenge teke a longele iau, toinge e song ke e eleis maul ngak ke ela la kou.”
479	GEN 19:21	Pe angkelo neu hele lange i ke teke, “Iok urana, e ngata nga lem helenga nem, pe lape e heporeke tuele tana sune nem nenge o heleia nem ero.
480	GEN 19:22	Pe o song la lamau ke ueiei mana. Iau lape e poia ute e ke lohot ero mukam pe nga etue nenge o la ke o lohot lamau lape e poia ke lohot ol.” (Tuele tana neu tuna mana ke ngana laka nenge te hetue ene Soa.)
489	GEN 19:31	Ol pe nga etuene e tuna nenge tengene ana hele lange tina nenge kino ke teke, “Poinga nenga ich lochloch hehei pe hana te hohoe tuturia mur. Pe ita lape ta hoe tutura mur hel ero iange hana ero nga kileng nei pe temere tuauna lo.
490	GEN 19:32	Pomalam ta heinia temere nga uain ke mamani pe ta ma luluch nge i, ke tutura mur pe rera tete mur lape te lohot, urume poinga nenge tapoia lange temere.”
492	GEN 19:34	Iok pomange rou tuna nenge soke hele lange tina nenge kino ke teke, “Nge lona nga miliko e ma luluch nge temek. Pe heueu nga miliko ta hein mule i nga uain pe o teu ke la o ma luluch nge i. Ke tutura mur pe rera tete mur lape te lohot urume poinga nenge tapoia lange temere.”
498	GEN 20:2	Ol pe hele urume nehei Sara ke teke, “Hei nei iau liuk ia.” Pomalam Apimelek hekulo Sara ana pe te mene lange i.
499	GEN 20:3	Pe ero NeHalang lohot nge Apimelek nga ma opene ngana pe hele lange i ke teke, “Iong lape o mete iange hei nenge o mene nem, lei lo laka.”
500	GEN 20:4	Pe Apimelek hele ke teke, “Non Soke nenge teke none poia poinga poreke ngana e ero, lape o hun suo mene i luluch nge nena hana mur ma?” Apimelek hele ke pomau iange poia poinga poreke ngana e lange Sara ero kura.
501	GEN 20:5	Pe Apimelek hele mule lange NeHalang ke teke, “Apraham hele at nge iau ke teke, ‘Hei nei iau liuk ia.’ Pe Sara hele ke teke, ‘Non nei iau tik ia.’ Nga etue nenge e mene hei nei letek ke e teke e poia poinga urana ngana mana lange i pe e poia poinga poreke ngana e lange i ero.”
502	GEN 20:6	Pe Nehalang hele lange i nga ma opene ngana neu ke teke, “Oe, E eteia ke iong letem ke o teke o poia poinga urana ngana mana. Pe lemek ero nge o poia poinga poreke ngana e nga matak. Ke ngana laka nenge e poi hele iong ke o ma luluch nge hei nem ero.
503	GEN 20:7	Heueu nei o tung mule hei nem lange ene iange ene i hetatalonga ia. Pe hei nem ene lape hetalaulau am ke o tu ke o maulul. Pe nenge teke o la muleia hei nem nge ene ero, o etei mellehe mene ke iong pe lem hana mur lochloch lape a mete.”
505	GEN 20:9	Iok, Apimelek iu teua Apraham pe hele, “Pomerei nenge o poia imem ke pomai? Iau mai e poia poinga poreke ngana e lange iong ke merei toto, nenge o poia iau pe lek naunga-ala ana kileng ke mo tu teu nga poinga poreke ngana nei? Poinga nemur nenge toinge o poia at nge iau ero, ngana koi o poia at nge iau nei.”
506	GEN 20:10	Pe Apimelek onteia Apraham ke teke, “Lem huna nga utar toto nenge o poia poinga nei?”
507	GEN 20:11	Pe Apraham tuachol ia ke teke, “E poi ke mai iange nga letek e teke, ‘Mele nga kileng nei mataua NeHalang ero toto pe lape te hune iau pe te mene lek hei.’
509	GEN 20:13	Pe nga etue nenge NeHalang hele at nge iau ke e hile temek na pele pe e loloun rara langa kileng mur, e hele lange ana hei ke e teke, ‘O henonou hote mutemngam at nge iau ke mai koi: Nga kileng lochloch ngana nenge ta la ia o hele ke o teke, “Non nei iau tik ia.” ’”
511	GEN 20:15	Pe Apimelek hele lange Apraham ke teke, “O naula lek ich kou lochloch ngana neu; ol la pe o are nga lemem ngam.”
512	GEN 20:16	Pe Apimelek hele lange Sara ke teke, “E tung ke um tutuna iri halang (K1000.00) lange tim Apraham. E tung mata hue ngana ana ia, nenge lange iri lochloch ngana nenge te tu luluch nge iong ke te eteia ke iong o poia poinga poreke e ero.”
520	GEN 21:6	Pe Sara hele, “NeHalang poi ke urana at nge iau ke e iech pe e melmel pe iri lochloch ngana nenge te longe iau nge e poi ke pomai lape te iech pe te melmel pule.”
521	GEN 21:7	Pe Sara hele pule ke teke, “Itei toto nenge lape hele lange Apraham ke teke, lem hei Sara lape hoe tuna pe nakuna nge hesiua kau? Pe ero, Apraham tuauna lo pe e hoe tuna tamane e.”
524	GEN 21:10	Ol pe hele lange Apraham ke teke, “O kulosia lek hekuleileinga ana hei nei pe tuna pele pa neu ke te la toto nga kileng unne. Iange lemek ero nge hei nem tuna mene lem ute e. Tuk Isak i toro mana lape mene lem ure lochloch.”
526	GEN 21:12	Pe NeHalang hele lange i ke teke, “Letem meena sakililia kol nem pe lem hekuleileinga ana hei nem ero; o longo la mana nga utar nenge Sara heleia lange iong. Iange lem tete mur lape te lohot laka nge Isak.
527	GEN 21:13	Pe hekuleileinga ana hei nem tuna, lape e poia na tete mur ke te lohot ke iri halang pule iange iong tum ia.”
530	GEN 21:16	pe i la ke are kangkanga toto nge tuna iange letena ke teke, “Lemek ero toto nge e esia tuk nge mete nga matak.” Ke ana hei are pe tangtang ol.
531	GEN 21:17	Pe NeHalang longe kol neu nge tangtang pe nena angkelo tu nga tapa pe iu lange Heka ke teke, “Heka, pomerei? O matau ero; kol neu ma lamau ke tangtang pe NeHalang longe ke ulolo.
532	GEN 21:18	O in heke kol nem pe o rahite i nga penna iange lape e poia i ke na tete mur iri halang toto.”
536	GEN 21:22	Iok ne Pikol i non nenge nauelele Apimelek nena palinga hel ana hana mur. Pe nga etue neu iri nai te hele lange Apraham ke te teke, “NeHalang tu luluch nge iong nga ure lochloch ngana nenge o popoia.
537	GEN 21:23	Iok o hele ke manmanna toto at nge iau nga NeHalang matana ke o pallaka mule iau ero ol pe o pallaka ia tutuk mur pe lek tete mur ero pule. Iau e poia poinga urana ngana lange iong. Ke pomalam o poi ke urana at nge iau pe o poi ke urana langa kileng nenge iong non lomona ngana pe heueu nei o iat ke o are ia.”
538	GEN 21:24	Pe Apraham hele, “Oe E hele ke manmanna toto.”
540	GEN 21:26	Pe Apimelek hele ke teke, “E eteia mele nenge poia poinga nem ero. Heueu mana nei i e longe ol iange iong o hele toto at nge iau ero nike.”
543	GEN 21:29	pe Apimelek onteia Apraham ke teke, “Iong o mene ke sipsip heheina iri rahtele nai pe o tal hote iri ke altoto. Nei luna ma ke merei?”
544	GEN 21:30	Pe Apraham tuacholia ke teke, “O longala ke o mene sipsip rahtele nai nei nge iau pe o hele hote ke iau koi nenge e selia ech matana nei.”
549	GEN 22:1	Pe nga etue hel nga hoena NeHalang olleke Apraham pe hele, “Apraham ou!” Pe Apraham tuacholia, “Iau koi.”
550	GEN 22:2	Pe NeHalang hele ke teke, “O mene tum tamane ngana elle nem nenge mutem tau tote - Isak pe o la nga kileng nenge Morea. Pe o makia i lamau ke pomanga lem tunginga, nga hengene e nenge lape e henonoua lange iong.”
553	GEN 22:5	Pe hele lange nena hekuleileinga ana hana mur ke teke, “Imo nai a tu luluch nga tongki la koloi pe imem nai kol nei mo langa lamau ke mo heto heke Non Soke. Ke het pe mo at mule nge imo.”