29	GEN 1:29	Pe NeHalang hele ke teke, “A longo at! Heilil nemur nenge nganangana lohot nga ich letena pe ae mur nenge tutuna mur te tu teu nga ngana ngaria mur, e tunge lange imo ke amo ngaunga ia.
60	GEN 3:4	Pe ilimo neu hele lange hei neu ke teke, “Ah! A mete ero paiam!”
65	GEN 3:9	Pe Non Soke Nehalang iua Antam ke teke, “Antam ou! Iong ngai?”
67	GEN 3:11	Pe NeHalang hele, “Ia itei nenge hele lange iong ke teke o lachlach? Nakuna nenge o ngaua ae ngana ngana nenge e hele lange iong ke e teke o ngaua ero iam! Ae?”
88	GEN 4:8	Iok nga hoena Kaen hele lange tina Apel ke teke, “Ita nai tala ke ta i rara nga ich nenge ana heilil mana!” Iok iri nai tela ke te i rara nga lamau pe Kaen ngira taua tina Apel pe hune i ke mete.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
95	GEN 4:15	Pe Non Soke hele lange i ke teke, “O matau ero! Nenge teke mele hune iong, mele nem lape ameia ana melmelenga nge palaungna toto.” Ol pe Non Soke tal heke lala e lange i ke mele nenge saolia i hune i ero.
151	GEN 6:13	Pe NeHalang hele lange Noa ke teke, “Iau letek haka ke e teke e hemete hulua lochloch iange te heloko teu tote iri nga salaunga ana poinga pe te hun helel nge iri. Oe! Lape e heporeke tote iri luluch nga ich.
231	GEN 9:25	Pe hele ke teke, “Ure meena lape lohot nge Ham tuna Kanan! Lape lohot ke i hekuleileinga ana non nenge pingana iuiu ero pe umume manmana nge titina mur.”
318	GEN 12:19	Pe pomere nenge o hele ke o teke, ‘Liuk laka.’ Eh ngana koi! O mene lem hei pe a la ol.”
416	GEN 17:18	Pe Apraham hele lange NeHalang ke teke, “Iok teke pomam, O pete Ismael pe o nauele i ke nek!”
431	GEN 18:6	Iok laol Apraham teu la nga nena pelpele ke ueiuei mana pe hele lange Sara ke teke, “O ueiuei! O mene mioka nenge urana toto pe o tune.”
465	GEN 19:7	pe hele ke teke, “A poi ke mam ero! Iau pekngak mur laka imo pe a poia poinga poreke ngana nei ero.
467	GEN 19:9	Pe Sotom mur te tuacholia ke te teke, “Ah! O poi hele imem ero. Iong ngie koke iong ke o at pe lem nga lamai ero. Pomerei nenge o mil teu at nga lemem poinga mur? Heueu lape mo heporeke tote iong nge iri.” Te echia Lot pe te puo teua iri la nga piunga ke te teke te palchach sue.
472	GEN 19:14	Iok la ol, Lot la ke hele lange uene mur. Hana nai neu te teke te lechleia Lot tutuna heheina mur. Pe hele lange iri ke teke, “Ueiuei mana pe a ua hot nga lamai iange Non Soke lape hengau lulu heke tuele tana nei!” Pe uene nemur te teke ma songlelele reria.
473	GEN 19:15	Iok uach sio lo pe angkelo nemur te heueiuei ia Lot ke te teke, “Ueiuei mana! O mene lem hei pe tutum mur heheina nai nei pe a ua hot nga kileng nei iange lape a mete luluch nge hehei pe hana nga kileng ngaulala ngana heueu.”
475	GEN 19:17	Te mene hote iri lange hot ke ulo pe elle nge iri hele, “A song ke a eleis maul ngamo pe a ralele mule ero! Pe a mes ke a tah eingamo nga kileng unne nga mos nei ero! A song ke a la toto nga hengene mur iange lape a mete heueu!”
476	GEN 19:18	Pe Lot hele, “Hana papalauna, nakuna nenge lape e nanasia lemo helenga ero pai!
549	GEN 22:1	Pe nga etue hel nga hoena NeHalang olleke Apraham pe hele, “Apraham ou!” Pe Apraham tuacholia, “Iau koi.”
555	GEN 22:7	Pe Isak hele haka pe onteia temene Apraham ke teke, “Temek!” Pe Apraham tuacholia, “Oe, kolek o hele.” Pe Isak hele ke teke, “Ae mur pe oan koloi - pe sipsip nenge ta mak ke tunginga ia, ngana ngai?”
559	GEN 22:11	Pe Non Soke nena angkelo nga lut nga tapa alngana sio lange i ke teke, “Apraham, Apraham!” Pe Apraham tuacholia ke teke, “Iau koi.”
613	GEN 24:21	Pe non neu reng mana pe nau mana lala nga hei neu poi nganngana. Pe letena tuanin ke teke, “Lape hei nem mam lom? Nenge teke isipona eh! Non Soke poia lek inga nei nganangana ke lohot lo.”
650	GEN 24:58	Iok te iu hote Repeka pe te onteia i ke te teke, “Non nei teke i mulmule lokoi. Pomerei o teke o la lululuch nge i loma?” Pe ana hei tuacholia ke teke, “Oe! E lala lo i.”
652	GEN 24:60	Pe te pete Repeka ke te teke, “Opoi! Liumem Repeka la tau. Non Soke pete iong ke o hoho pe tutum mur lape iri halang nge halang toto; pe lape lem tete mur te mene tote reria ngarang mur reria tuele tatana mur.”
689	GEN 25:30	Pe hele lange Iakop ke teke, “Ueiuei, o tunge ngaunga remenmen ngana unne at ke e ngaua! E makuk toto lo i.” Ke ngana laka nenge te hetue i ke ene Etom.
691	GEN 25:32	Pe Esau hele, “Hei! O nau at e metmete loi. Teepe nem mam lape tunge utar nge urana at nge iau?”
725	GEN 26:32	Nga etue neu pule Isak nena hana mur te lange i pe te heleia ech matana e nge te selia ke te teke, “Mo sel hote ech matana e lo!”
729	GEN 27:1	Iok, Isak matana hit pe naue ute e ero ol iange tuauna toto lo. Pe nga etue ene hekulo tuna Esau ana. Esau i tuna nenge tengene ana. Pe hele lange i ke teke, “Tuk.” Pe Esau tuacholia ke teke, “Ou! Iau koi.”
739	GEN 27:11	Pe Iakop hele lange tana Rebeka ke teke, “Ero iam! Iange tik Esau singina pulpulna halang pe iau ero.
755	GEN 27:27	pomalam Iakop la ke lauhite i. Pe Isak seke hengeron nenge Iakop heronia inangana pe pete i pe hele ke teke, “Aiom! Kolek inangana pomanga ume nenge Non Soke pete pe poia ke urana toto.
761	GEN 27:33	Ol pe Isak ngana lohot pe loiloi pe hele ke teke, “Pe itei nenge rurumia huros pe mene at nge iau ke e ngaua mai? E ngaua ke het pe e pete i pe iong o at ke o puris. Pe petanga nenge e tunge lange i nem lape tu luluch nge i ke koko!”
762	GEN 27:34	Nga etue nenge Esau longe temene nge hele ke mau, tul heke tanginga pe tang ke soke toto. Pe hele lange temene ke teke, “Temek o pete iau pe o hele ia lem petanga ana helenga mur at nge iau pule!”
764	GEN 27:36	Ol pe Esau hele lange temene ke teke, “Kol nem ene nenge Iakop nem pete tote i iange pallaka hali. I pallaka ia iau ke henai ngana koi. Nga tele ngnana mene mullik ke teke i palaungana pe heueu nei mene tote lek petanga!” Pe Esau onteia temene ke teke, “Temek pomere? Lek petanga e kau kura nge lape o tunge at nge iau?”
766	GEN 27:38	Pe Esau hele lange temene ke teke, “Temek, nenge teke lem petanga elle tu kura o pete iau pule!” Pe Esau tang ke soke toto mule.
800	GEN 29:4	Ol pe Iakop onteia sipsip ana naunga ala nemur ke teke, “Sinanga hana! Lemo nge ngai malam?” Pe iri te tuacholia ke te teke, “Lemem nge Haran.”
832	GEN 30:1	Retsel hoe tuna e nge Iakop ero, pomalam letena inin taua Liah. Pe hele lange Iakop ke teke, “O poia iau ke sak ke e hoe tutuk mur hel nge iong. Nenge teke ero lape e mete!”
844	GEN 30:13	Pe hetue kol neu ke ene Asa. Pe Liah hele, “Heueu nei e iech toto ol! Pe lape hehei lochloch ngana te hetue iau ke hei nenge iech manmana.”
846	GEN 30:15	Pe Liah hele lange i ke teke, “Ah! O leia ek ke ulolo pe heueu nei o teke o mene tuk nena ae menrek pullo?” Pe Retsel tuacholia ke teke, “Nenge teke o tunge tum nena ae menrek hel at nge iau, lape o maluluch nge Iakop nga miliko.”
865	GEN 30:34	Pe Lapan tuacholia ke teke, “Iok, urana! Lape ta laia ke pomalaka nga o hele ngam.”
959	GEN 32:31	Pe Iakop hele ke teke, “Eh! Iau nge e naue NeHalang ramana loi. Pe ngana i e mete ero mai.” Pomalam hetue kileng neu ke ene Peniel. (Peniel luna laka NeHalang ramana).
971	GEN 33:10	Pe Iakop tuacholia ke teke, “Ero kole tik! Iong letem urana mule nge iau lo, pomalam o longele tunginga nemur nenge e tunge lala nge iong nei. E naue ramam pe letem urana pe o poi ke nek at nge iau ke pomalaka nga e naue NeHalang ramana.
1105	GEN 37:21	Pe tiria nenge soke ene Rupen. Ana non longe ke mau pe teke poi ala ana pe hele lange iri ke teke, “Ah! ta hune i ero.
1114	GEN 37:30	Pe la mule nge titina mur pe hele, “Kol nei i-i ero nga polo mai! Lape e poi ke mere mai?”
1117	GEN 37:33	Pe temeria nau urume pe hele, “Oe, Kolek nena hengeron laka! I kou lape ur hinolo pele hel te hune pe te lis ule lo.”
1157	GEN 39:7	Pe mala ero mana pe Potipa nehei memeleia i pe hele lange i ke teke, “O iat ke o ma luluch nge iau!”
1158	GEN 39:8	Pe Iosep lemene ero pe hele lange ana non soke nehei ke teke, “O nau at! Ak soke letena here iau pe tunge ure lochloch ngana nga pele nei at nge iau ke e nauele. Pe i letena ia ute e ero ol iange letena here iau.
1162	GEN 39:12	Ol pe hei neu rahite i nga nena hengeron sase ngana pe hele, “O iat ke ita nai ta ma!” Pe ero. Iosep hakarung hot nga nena hengeron sase ngana neu pe song hot nga pele neu.
1164	GEN 39:14	Ol pe iua nena hekuleileinga ana hana mur nenge te umume nga pele neu pe hele lange iri ke teke, “A iat ke a nau nga ure nei! Ek mene teua non Hipru tana nei at nge ita ke hemeia ita! Ana non teu at lamai ke teke ma luluch nge iau pe e alangak hot ke soke toto.
1262	GEN 42:9	Ol pe letena metene maopene ngana mur nenge esia titina mur nge te tualou sio lange i pe hele ke teke, “A pallaka iam! Lape a i at ke a nauling nga lemem kileng ke a nau urume makuk ngana mur iam.”
1265	GEN 42:12	Pe Iosep hele, “Ero! Imo a at ke a nauling ia lemem kileng ke a nau urume makuk ngana iam.”
1267	GEN 42:14	Pe Iosep hele lange iri ke teke, “E hele lange imo ke ulolo: Imo toloinga ana hana mur laka!
1269	GEN 42:16	A kulosia timo e ke la taua timo nenge kino ke at pe imo lochloch ngana nemur ama teu nga tuele au ngana mukam. Pe ta nauala lape lemo helenga nem manmanna ma ero. Nenge teke lemo helenga nem manmanna ero, e hele ke kerkereng toto nga Parao ene ke imo toloinga ana hana mur!”
1288	GEN 42:35	Iok te eu hot mulmule ngaunga mur nga reria kole mur pe iri elle pe elle te nau mule reria umtutuna mur nge te mateu mule nga reria kole mur! Pe iri ul temeria te esia ke mau pe te matau toto.
1332	GEN 44:7	Pe iri te hele ke te teke, “Non soke pomerei nenge o poia helenga nenge pomam at nge imem? Imem mo matau toto nge mo poia poinga nem iam!
1333	GEN 44:8	O nau at! Nga lia mo at ke mo ol ngaunga pe nga etue nenge mo la mule nge Kenan mo hottaua umtutuna mur nge te mateu nga lemem kole mur. Pe umtutuna nemur mo mene mule iri at lo. Pe pomere nenge o teke mo kemeia ure chalemlem pe koikoi ngana nenge pomanga lauta nga am soke nena pele mam?
1342	GEN 44:17	Pe Iosep hele, “Iau lape e poi ke pomam ero toto! Mele nenge mene ak heulinga, i toro mana lape tu ke ume nge iau. Pe imo lochloch ngana letemo elle mana pe ala mule nge tememo.”
1357	GEN 44:32	Pe pule iau laka nenge e nauele i. Pe e hele lange temek ke e teke, ‘Nenge teke e mene mule i at nge iong ero, lape e kulala mana ak helenga nge iong ol; nge lape o hele menmene iau nga etue lochloch ngana nenge e tu nga ich nei!’
1360	GEN 45:1	Iosep longe ke mau pe teke tang ia titina mur pe alngana lange nena ume ana hana mur ke teke, “Imo lochloch ala nge hot mukam!” Te lange hot pe Iosep iri ul titina mur mana tetu ol. Ol pe Iosep hemallaha hot sapele i lange titina mur.
1362	GEN 45:3	Pe hele lange titina mur ke teke, “Iau Iosep koi! Pe temek kau maulul kura mau?” Pe titina mur te tuacholia nena helenga ero iange te matau toto nge te mes nga Iosep matana.
1363	GEN 45:4	Ol pe Iosep hele lange titina mur ke teke, “A hele rochroi at nge iau.” Iok, te la rochroi nge i pe hele, “Iau timo Iosep koi, nenge a hekule iau pe hana te olia iau pe te mene iau at nge Ekipto!
1383	GEN 45:24	Ke het pe kulosia titina mur ke te la pe hele lange iri ke teke, “A la pe a hele inin tau hel nga kue ero!”
1385	GEN 45:26	Pe te hele lange temeria ke te teke, “Iosep mete ero! I kou tu ke maulul kura. Pe heueu nei nauele kileng lochloch ngana nga tuele tana nenge Ekipto.” Iakop longe helenga neu pe letena umum ala pe letena manmanna ia ero.
1387	GEN 45:28	Ol pe Iakop hele, “E manmanna lo! Heueu nei e eteia ke kolek Iosep kou tu ke maulul kura. Ke e lohaka pe e sio ke la e nau toto i mukam ke het laka pe e mete ol.”
1389	GEN 46:2	Pe nga miliko NeHalang lohot nge Israel nga opene ke teke, “Iakop! Iakop!” Pe Iakop tuacholia ke teke, “Iau koi.”
1444	GEN 47:23	Ol pe Iosep hele lange hehei pe hana ke teke, “A longo at! Heueu nei e olia imo pe e ol hote lemo ich mur pule ke ne Parao nena ia ol. Pe ngaunga tutuna alona mur koi, amene ke la a tue nga amo ume mur.
1470	GEN 48:18	Pe Iosep hele lange i, “Temek! Kol nei nge ha tala koi. O tal heke perim tamalmal la nga palpalna.”
1492	GEN 49:18	“Non Soke, e kulele iong ke o mene mule iau!
23233	MAT 1:20	Iok laol, letena tuanin hote ke het pe Non Soke na angkelo e la pe hele lange i nga opene ke teke, “Iosep! Iong lemte palaungana laka ne Teuit. O matau ero. O mene he Maria ke langa lem pele ke lem hei ia iange hei nem sana nga Opepengpeng.
23270	MAT 3:9	Eh! Imo a teke Apraham na tete mur imo ke lape NeHalang renge imo ae? Ero toto laka! E hele lange imo pengpeng NeHalang nakuna nge mene um nemur pe poia iri ke te lohot ke Apraham na tete mur ia iri!
23275	MAT 3:14	Pe Ioanes teke hulia Iesus letena pomalam hele ke teke, “Iau toinge e mene henuninga laka nge iong. Pe ngana iam o teke e henun mule iong mam! Pomerei mai?”
23288	MAT 4:10	Pe Iesus tuacholia lange i ke teke, “Iong Satan! O ua toto nge iau. NeHalang nena helenga mur nenge tehas sue ke ulolo, hele ke teke, ‘O heto heke am Soke NeHalang pe o ume mana nge i.’”
23297	MAT 4:19	Pe hele lange iri nai, “A i at ke a nanasia iau pe e poia imo ke aole hana pule!”
23321	MAT 5:18	E hele pengpeng lange imo! Tapa pe ich nei lape te het. Pe hasinga elle munna kinkino ngana nemur unne lape erue ero toto. Hotonga nemur lape tetu ke te rorol lochloch ke la het nga etue nenge helenga nemur nganangana lohot ke manmanna.
23381	MAT 6:30	Pe NeHalang Isipona hemele heilil lochloch ngana nenge tetu nga uraurau. Pe heilil nemur tetu ke te maulul heueu pe nge rou tesau heke iri nga oan. Ke pomalam imo nenge letemo manmanna ngana unne sune mana a etei tote ol ke NeHalang lape hemele imo pule!
23439	MAT 8:25	Ol pe nena hana mur te hengo heke I pe te hele ke te teke, “Non Soke, o halaua ita ero kai? Ta metmete lo i!”
23446	MAT 8:32	Ol pe Iesus hele lange iri, “Iok, a laol!” Ol pe uneinei nemur te lohot nge hana nai neu pe la ke teteu heke kie nemur. Pe kie ana tuangarung neu te song hot sapele langa sasana neu ilina, pe te losio teu nga kolkolu neu pe te pulachlach ke te mete sapele.
23472	MAT 9:24	Ol pe Iesus hele, “Imo lochloch ngana nem a ua! He nem mete ero iam, mamani mana laka.” Pe hulua nemur te melmel lil ia Iesus.
23475	MAT 9:27	Iok, Iesus lohot nga lamau ke teke lalalo pe hana mata hit nai te nanas pe alngaria hot lange I ke te teke, “Ne Teuit tuna, letem poreke ia imem!”
23534	MAT 11:6	Hana nenge te longe lek helenga pe leteria manmanna ngana losio ero, lape te iech toto!”
23553	MAT 11:25	Ke het pe Iesus hele sapele ke teke, “Temek! E heto heke tote Iong. Iong Non nge Iong Soke toto nga lut nga tapa pe nga ich. Iange o hekome tote ure nei lange hana nenge te etei ngaria palaungana toto pe o etei hot mene lange hana nenge te etei sakilil ero ke mange aina kinkino ngana.
23560	MAT 12:2	Ol pe Paresio mur te esia pe te hele lange Iesus ke te teke, “O nau langa lem hana mur te poi ngaria pam! Pomere nenge te nanasia hotonga nenga Israel mur aria etue nenge te hetalaulau ia ero?”
23582	MAT 12:24	Pe Paresio mur te longe pe te hele, “Ero iam! Uneinei mur aria soke Pelsipul laka hekerkereng ia non nem ke helope hotote uneinei mur.”
23592	MAT 12:34	Ilimo alete nemur! Imo hana porekreke ngana mur pa ne mam. Ol pe a teke a heleia ure nge urana ke mere? Iange lape halimo hele hot mene laka ure poreke ngana nemur nenge tu teu nga letemo nem lo.
23651	MAT 13:43	Pe NeHalang nena hana mur, lape singiria tua ke pomanga chaia matana nga Temeria nena naualanga pe nekinga. Imo nenge a longo atat nge Iau, a pal talngamo pe a longo ke nek!
23683	MAT 14:17	Pe iri te hele, “Ero! Iange mioka iri lime pe ruo nai mana i tema mai.”
23696	MAT 14:30	Pe Petrus esia tuttula palaungana neu pe sana rora mule. Pomalam talun ke hekorong teu mule nga ruach. Ol pe alngana hot ke teke, “Non Soke! O halaua iau.”
23705	MAT 15:3	Pe Iesus hele, “Oe! Pe imo pomere nenge a nanas taua NeHalang na hotonga mur ero, pe a nanas mene lemo hotonga mur?
23709	MAT 15:7	Imo hana nenge a pallaka hali! Hetatalonga Isaias hele hot pengpeng ia imo lo nenge hele ke teke
23724	MAT 15:22	Ana hei esia Iesus pe tang hot lange I ke teke, “Non Soke! Iong ne Teuit tuna laka iong. Letem poreke ia iau pe o halaua iau! Tuk heingana e, uneinei te poi poreke tote. Pomerei pe o iat ke o halaua i, iange tu ngana poreke toto lo.”
23727	MAT 15:25	Ol pe hei neu at ke tualou sio palana nga Iesus matana pe hele, “Non Soke! O halaua iau.”
23763	MAT 16:22	Pe Petrus longe Iesus nge hele ke mau pe mene lele hote Iesus pe keres taua I ke teke, “Non Soke! O poi ke pomam ero. Lemek ero nge ure nem lohot nge iong.”
23764	MAT 16:23	Pe Iesus ul mule ramana lange Petrus pe hele lange i ke teke, “Iong non poreke ngana iam, o la nga rumek! O poi ke malaka nga ure nenge teke poi hele lek kue pe hesingo ia Iau ke e losio mule. Iong letem tu mana nga ure nemur nga ich nei. Letem tu nge NeHalang ero toto.”
23774	MAT 17:5	Petrus helele kura pe ulu lohot ke poi hite iri. Ulu neu hussu toto pe helenga e lohot nga ulu neu ke teke, “Tuk toto koi nei, nenge mutek tau tote pe e iech toto nge I. A longo taua I!”
23803	MAT 18:7	“Hulua nga kileng lochloch lape te amneia melmelenga palaungana. Iange ute hel poia iri ke te losio nga poinga poreke ngana mur. Pe ure nemur lape te lohot ke manmanna. Pe non nem nenge poia iri ke te losio lape amneia melmelenga ke poreke toto!
23806	MAT 18:10	“Anau ala ke nek! A poi poreke aina kinkino ngana nenge mai ero. Iange reria angkelo mur kou tetu luluch nge Temek nga lut nga tapa. Pe kokoes te esesia Temek nakuna. [
23828	MAT 18:32	“Iok laol, non soke neu iu teua non neu la pe hele ke teke, ‘Iong nem, lem poinga poreke toto! Hanganok nenge o poia nge iau nem, e hele lange iong ke e teke lasus lo. Iange iong sipom o hele ke o teke letek poreke ia iong.
23880	MAT 20:19	Pe lape te tunge I lange hana lomonmona ngana mur ke te songlele ule, pe te heon heke I nga manga toto ke mete. Pe nga etue mol ngana lape maul haka mule!”
23883	MAT 20:22	Ol pe Iesus hele, “Imo a eteia ute e ero. A ontei pulut rara mana iam. Nakumo nge a inia ure ehech ngana nga eulinga nenge lape e ininia nei kai?” Pe iri nai te hele, “Oe! Nakumem nge mo inia la.”
23891	MAT 20:30	Pe hana nai nge mataria hit te arare nga kue ilina. Te arare pe te longe nge te teke Iesus kou lopar toto aria ke lala neu lo. Ol pe te alngaria haka ke te teke, “Non Soke! Ne Teuit tuna, letem poreke ia imem!”
23892	MAT 20:31	Pe hulua nemur te keres taua iri ke te teke te reng. Pe ero, iri nai alngaria haka ke soke toto ol, “Non Soke, ne Teuit tuna, letem poreke ia imem!”