27	GEN 1:27	Ke pomalam NeHalang ume hote ita non ngana ke nakura pomange I. Ke NeHalang ume hote ita ke nakura pomange I toto; pe ume hote ita ke hehei pe hana.
30	GEN 1:30	Pe e tunge ure nemur ke amo ngaunga ia pule; Huros mur lochloch nga ich ngie mur lochloch nga tapa sana pe ure lochloch nenge te sere olole nga ich pe ure lochloch nenge eingaria tu teu nge iri. Pe E tunge eleling lochloch ke amo ngaunga ia pule.” Pe la ure nemur te lohot ke pomau.
103	GEN 4:23	Pe nga etuene Lamek hele lange nehei mur ke teke, “He Ata pe he Sila a longo at nge iau; Ne Lamek nehei mur, a longo at nga lek helenga. Non e pal poreke tote iau pe e hune i ke mete, pe non lomele ngana e nosia iau pe e hune i ke mete.
206	GEN 8:22	“Nga etue nenge ich nei tu, ure nemur lape te lohotot; ngaunga tua ngana pe ngaunga lulu ngana, kileng lololo ngana pe kileng milang ngana, chaia ana etue pe pitte ana etue, kileng mesehe ngana pe kileng au ngana.”
214	GEN 9:8	Pe NeHalang hele lange Noa pe tutuna mur ke mai;
224	GEN 9:18	Noa tutuna mur nenge iri ul tetu nga mono koi nemur; Sem pe Ham pe Iapet. (Ham i Kenan temene.)
236	GEN 10:1	Ech tau kileng ke het pe Noa tutuna nemur; Sem pe Ham pe Iapet te hoe tuturia mur ol.
301	GEN 12:2	“Pe lape e pete iong pe e poia lem tete mur ke te lohot ke iri halang toto; pe lape e poia pingam ke song pe hulua te naue ke e pete tote iong.
338	GEN 14:1	Hana nemur iri naunga-ala ana hana mur; Ne Amrapel nauele kileng Papilon pe ne Arioch nauele kileng Elasa pe ne Ketolama nauele kileng Elam pe ne Tital nauele kileng Koim.
339	GEN 14:2	Naunga-ala ana hana nemur tela ke te palhel luluch nge naunga-ala ana hana hel pule. Eria mur koi nei; Ne Pera nenge nauele kileng Sotom pe ne Pirsa nenge nauele kileng Komora pe ne Sinap nenge nauele kileng Atma pe ne Semepa nenge nauele kileng Sepoim pe naunga-ala ana non nenge Pela (nenge heueu nei te hetue ke Soa).
354	GEN 14:17	Iok Apram hekou sue ne Ketolama pe pekngana naunga-ala ana hana nemur ke het pe la mule sapele. Pe nga mule ngana, naunga-ala ana non nenge Sotom lohot ke saolia i nga mos nge Saue (Saue luna laka; Naunga-ala ana non nena mos).
384	GEN 16:2	Pe Sarai hele lange Apram, “Non Soke poi ele iau ke e hoe tuk e ero. Pomalam o la ke o ma luluch nge lek hekuleileinga ana hei; lape tutuk mur te ha lakou nge i.” Pe Apram ngata nga Sarai nena helenga.
511	GEN 20:15	Pe Apimelek hele lange Apraham ke teke, “O naula lek ich kou lochloch ngana neu; ol la pe o are nga lemem ngam.”
526	GEN 21:12	Pe NeHalang hele lange i ke teke, “Letem meena sakililia kol nem pe lem hekuleileinga ana hei nem ero; o longo la mana nga utar nenge Sara heleia lange iong. Iange lem tete mur lape te lohot laka nge Isak.
531	GEN 21:17	Pe NeHalang longe kol neu nge tangtang pe nena angkelo tu nga tapa pe iu lange Heka ke teke, “Heka, pomerei? O matau ero; kol neu ma lamau ke tangtang pe NeHalang longe ke ulolo.
652	GEN 24:60	Pe te pete Repeka ke te teke, “Opoi! Liumem Repeka la tau. Non Soke pete iong ke o hoho pe tutum mur lape iri halang nge halang toto; pe lape lem tete mur te mene tote reria ngarang mur reria tuele tatana mur.”
682	GEN 25:23	Pe Non Soke hele lange hei neu ke teke, “Hehei pe hana nga tuele tana nai, reria tete mur laka tetu nga letem. Tutum mur nai nenga letem nem, lape te chach hel nga etue nenge iri papalaungana; Elle lape kerkereng toto nge e, pe nenge soke lape ume mule nge nenge kino.”
973	GEN 33:12	Ke het pe Esau hele ke teke, “Iok ta la ol; Iau lape e koko nge imo.”
981	GEN 33:20	Pe Iakop lung heke hatanga e nga lamau pe hetue ke ene laka El-Elohe-Israel. (Luna mai koi; Israel mur aria Soke NeHalang nenge kikina toto).
1003	GEN 34:22	Pe iri te longala ke ta tu ke ita hana elle mana nga nenge te teke; ta riria rera hana mur lochloch singiria ke pomange iri.
1020	GEN 35:8	Pe Tipora nenge nauelele Repeka nga i kino ngana, mete nga lamau pe te alohite i nga ae ouk e ene rochroi langa kileng nenge Petel. Ana ae mes nga kileng Petel ilina hele nenge sio. Pe te hetetue ae neu ke ene Alon-Pakut. Luna laka; ae Ouk nenge tanginga ana.
1122	GEN 38:2	Pe non e nga lamau pule ene laka ne Sua. Ana non nena nge Kanan. Iuta esia ne Sua tuna hei ngana pe mutena taua i ke leia pe ma luluch nge i;
1175	GEN 40:2	Ke Parao letena inin taua nena hana papalauna nai nei; Non soke nenge nauelele ana uain pe non soke nenge nauelele hana nenge te makmak peret.
1196	GEN 40:23	Pe non soke nenge nauelele ne Parao ana uain neu, letena metene Iosep ero ol; letena lilil ele tote i.
1291	GEN 42:38	Pe Iakop hele, “Tuk nei lape sio la luluch nge imo ero; tina kou mete lo pe i toro mana koi tu ol. Iau e tuauna lo pe nenge teke ute hune i nga lemo inga nem, lape a poia letek ke kolkol toto pe e mete sapele.”
1300	GEN 43:9	Iau sipok lape e nauele i; pe letem here iau nge e nauele i ke nek. Pe nenge teke e mene mule i at nge iong ero, lape e kulala mana ak helenga nge iong ol; nge lape o hele menmene iau nga etue lochloch ngana nenge e tu nga ich nei.
1307	GEN 43:16	Pe nga etue nenge Iosep naue Pensamin nge iri ul, hele lange non nenge nau elele nena pele ke teke, “O mene hana nei la nga lek pele pe o hune huros e ke o makia; iange lape te ngau luluch nge iau nga sinanga.”
1357	GEN 44:32	Pe pule iau laka nenge e nauele i. Pe e hele lange temek ke e teke, ‘Nenge teke e mene mule i at nge iong ero, lape e kulala mana ak helenga nge iong ol; nge lape o hele menmene iau nga etue lochloch ngana nenge e tu nga ich nei!’
1467	GEN 48:15	Ol pe Iakop onteia NeHalang ke poi ke urana lange Iosep pe nena hana mur pe hele ke teke, “NeHalang; lek tete Apraham pe temek Isak te nanas tau tote lemem ngam, pe iong Nehalang nenge o nauele iau nga e ha ngak nike ke at heueu nei.
1476	GEN 49:2	“Imo Iakop tutuna mur, a mes ke nek pe a longo; a longo ke nek nga tememo Israel nena helenga.
23335	MAT 5:32	Pe e hele lange imo pengpeng mele nenge hile nehei lape poia hei nem ke la pingana hota mule nge none. Pe hei neu poi ke mau iange ure huna nge iong non nenge o hile i nem. Ke iong non nem o eteia ke iong sipom o heporeke amo leinga. Ure huna nenge o teke o hile lem hei ngana koi nei; Nenge teke lem hei ma luluch nge none ke pingaria hota o hile sapele i. Pe non nenge lei heke mule hei nem lape amneia ke poreke toto iange nanas ia hotonga nenga leinga ero.
23360	MAT 6:9	“Ke nenge teke a hetalaulau, a hetalaulau ke mai koi; “‘Tememem nga lut nga tapa em pengpeng toto.
23721	MAT 15:19	Ke ure nemur nenge poia mele nem ke letena muna hulu toto laka; letena tuanin rara ngana nga ure poreke ngana mur pe hune mele ke mete pe maluluch nge none nehei pe lau sisio hehei pe kemkeme, pe channanga halali pe ngunngunu halali pe poinga nenge taolo heke mene helenga chanangnanga ke ta heporeke mele ene.
23755	MAT 16:14	Pe nena hana mur te hele, “Hehei pe hana hel te heleia Non Tuna ke te teke, I Ioanes nenge henunun; pe hel te teke I Elaisa; pe hel te teke Ieremias; nem pe te teke non hetatalonga e mana.”
23937	MAT 21:42	Pe Iesus hele lange iri, “Imo nge a sisis nga NeHalang na helenga ero kai? Nenge hele ke teke; “‘Hana nenge te hemesmes pele te teke um e poreke pe tesau hote. Pe heueu nei, um nem lohot ke i um kerkereng ngana nenge ratua hele pele. Ure nei Non Soke i sipona poia ke lohot pe i urana toto nga matara.’
24010	MAT 23:23	“Ke imo Paresio mur pe hotonga ana hetoronga mur, a neknek ia imo pule iange amo hengetau nach nai. Nga ure lochloch ngana nenge a menmene iri pe ngaunga kinkino ngana mur nga ume, a tunge ke huna elle nge iri analoch lala nge NeHalang. Pe pomerei lememo ero nge a nanasia hengetoro palaungana nenga hotonga nenge helele ia; poinga nge pengpeng, pe poinga nenge letem poreke ia mele, pe poinga nenga letem manmanna ngana? Ure nemur nenge toinge apoi tettele iri koi nemur, pomalam lape a la nga kinkino ngana pe a nanasia ke nek pule.
24069	MAT 24:43	Pe letemo tuanin ia nei ke nek; Teke pele tokoninga e eteia etue nenge non kemenga kina e lape at nga miliko, manmanna toto ke i lape mamani ero pe mese ke nauala ke poi ele non kemenga nem nge at ke palchach teua nena pele.
24404	MRK 4:12	Ke ngana laka nenge, “‘Tenau pe tenau pe leteria lilil, te longo pe te longo pe te eteia luna ero; pomalam te hulia leteria ero, pe NeHalang letena ia iri nga reria poinga poreke ngana mur ero.’”
24553	MRK 7:21	Iange ure poreke ngana nemur te lohot at nga non nem letena. Ngana laka; letena tuanin ngana poreke ngana mur, pe salaulau pe keme pe hunun hana pe poi poreke lala nge leinga kina mur,
24687	MRK 10:30	i lape mene mule ke halang toto nga etue nei. Lape mene mule ke ana non kina lime; nga pele mur pe titina mur pe liliuna mur pe tatana mur pe aina kinkino ngana pe ich. Pe pule lape hana hel tepoi poreke i pe nga hoena lape tu luluch nge iau ke kokoes.
24921	MRK 15:26	Pe tehas heke helenga toto ke henonoua hulua nga Iesus nena poinga una nenge te hune i ia. Tehas ia ke pomai; “IUTA MUR ARIA NAUNGA ALA ANA NON.”
24959	MRK 16:17	NeHalang lape tunge kerkerenga lange iri nenge leteria manmanna ke tepoi ke pomai; Lape te helope hote uneinei mur nga Iesus ene pe te hele nga helenga hel nge altoto pule.
24960	MRK 16:18	Pe te mene heke hilimo mur nga peria; pe te in heke ech poreke ngana nenge he metmete hana pe te mete ero. Tetal heke peria nge haleles kina mur pe haleles pe singiria urana mule.”
24963	LUK 1:1	Oe Teopilos mur; Iri nenge te esia Iesus pe te haliu hote na helenga iri te hetoro sue ure lochloch ngana nemur at nge ita. Pomalam hana halang muteria toto ke tehas nanasia. Pe pule iau sipok e etei teu la toto nga ure nemur nenge lohot nga tunangara. Ke ngana koi nenge e teke urana toto nge iau sipok ehas urume ke nek toto lange imo. (Ure nemur ehas sue iri nenge Iesus poia nga talun ngana toto ke la het nga mete ngana pe maul haka mule ngana nga polo.)
25054	LUK 2:12	Poinga nenge hemallaha hote ke helenga nei manmanna lape lohot ke pomai koi; ala pe a naue i nge te ruchite i nga ruchinga hit sachanchana mur pe te hemara sue i nga pulumakau mur aria ngaunga ana manga.”
25070	LUK 2:28	Simion lake lolo heke Iesus pe heto heke NeHalang pe hele;
25111	LUK 3:17	Pe i lape mene mule nena hana mur ke pomai; lape mene kakop pe sochote mioka ulina mur pe nganngana mur takiraua iri ke muria elle. Ke het pe sau heke ulina mur nga oan sapel lala ngana nenge tu ke koko.”
25393	LUK 9:23	Pe Iesus hele lange iri lochloch, “Nenge teke mele nem lemene toto ke nanasia iau poi ke pomai koi; Hile sue lemene ngana mur lochloch nga ich pe takisia ana melmelenga mur nga etue lochloch. Pomalam nanasia iau ol.
25445	LUK 10:13	“Imo nenge Korasin lape atu ngamo poreke toto! Pe imo nenge Petsaita lape a poreke toto pule! Iange NeHalang poia ure papalaungana nge imo ke a esia lo pe letemo manmanna ia ero. Pe toinge NeHalang poia ure papalaungana nemur nge Tir pe Siton lape iri te hulia reria poinga mur nga halang nike. Iri te henonou hote iri nge te hulia reria poinga poreke ngana mur ke pomai; te heronia hengeron muna hulu ngana pe te hepore singiria ana apou!
25483	LUK 11:9	“Ke e hele lange imo; nenge teke lememo taua ute nge NeHalang a ontei pe i tunge lange imo. Pe a tango rara ure pe lape a hottaua. Nenge teke o ischongia piunga te lohe piunga lange iong.
25567	LUK 12:39	Pe letemo metene nei ke nek; Nenge teke pele tokoninga eteia etue nenge kemenge ana hana mur te atat ia i lape nauala ke nek toto ke kemenge kina nemur te palchach teua nena pele ero.
25654	LUK 14:32	“Non soke nem letena tuanin ke mau pe eteia nge nakuna ero nge iri ul ke te palhel. Pomalam lape poi ke pomai; Hana nenge iri halang tetu ke sase kura pe i nenge na hana unne sune mana nem kulosia hana hel ke la te hele toto mule ke te teke palinga hel nem lasus ol.”
25958	LUK 22:25	Pe Iesus hele lange iri, “Hehei pe hana nga ich aria naungaala ana hana mur reria poinga pomai koi; iri siporia tetal heke iri ke iri soksoke pe reria kerkerenga palaungana toto. Pe te teke hehei pe hana lochloch te heto pekngaria mur ia iri. “Pe hana soksoke ngana mur, reria kerkerenga palaungana toto nge tenau ele reria hana mur. Pe hana soksoke ngana nemur hel, te heto heke iri siporia ke te teke iri reria kerkerenga palaungana toto nge tenau ele hehei pe hana!
26389	JHN 6:63	NeHalang Opene tunge maulinga ke koko; pe none na kerkerenga ana ume pele ero. Ke helenga nemur nenge e heleia lala nge imo nem, Opepengpeng laka nena helenga mur. Pe helenga nemur te tunge maulinga.
26479	JHN 8:29	Iange i nenge kulosia iau at, ngana koi tu luluch nge iau; Hile iau ke iau toro ero iange e nanas mene lemene ngana ke kokoes.”
26492	JHN 8:42	Pe Iesus hele lange iri, “Nenge teke Tememo toto NeHalang toinge lememo taua iau. Iange iau etu luluch nge i koi nenge eat nei. Pe eat nga iau sipok lemek ngak ero; i sipona kulosia iau ke eat.
26534	JHN 9:25	Pe non neu tuacholia, “A teke non nem i non poreke ngana, nem e eteia ero. Pe ute elle mana nge e eteia. Ngana laka nenge; iau matak hit mukam pe heueu nei e es mule ol.”
26745	JHN 14:8	Ol pe Pilipus hele lange Iesus, “Non Soke, imem lape mo ontei mule iong nga ute e ero ol. Pe ure nenge mutemem tau tote ngana koi nei; O henonoua imem nge Temere ke mo naue nga matamem.”
26780	JHN 15:12	Pe lek hotonga nenge e teke a nanasia ngana koi nei; Mutemo taua pekngamo mur ke pomange iau nge mutek taua imo.
26803	JHN 16:8	Pe nga etue nenge ana non at, lape hemallaha hot tote ure nemur lange hehei pe hana nga ich nei. Ngana laka; Poinga poreke ngana huuna mur pe poinga mur nenge tatu ke pengpeng nga NeHalang matana pe NeHalang nena haliunga lohot ngana nge he.
26985	JHN 21:18	Pe e hele ke manmanna toto lange iong; Nga iong lomele ngam iong sipom o hemele iong pe oi ke ola nga lemem ngam. Pe nga etue nenge o tuauna ol lape otul hote perim pe mele at ke hemele iong. Pe lape mene iong langa kileng nenge lemem ero nge ola ia.”
27035	ACT 2:17	“‘NeHalang hele ke pomai koi; Etue nemur nga hoena nge te lohot tala nga etue hetala ngana, iau lape e tunge Opepengpeng ke rongo heke iri lochloch. Tutumo mur tatamanna pe tutumo mur heheina, lape te haliu hote lek helenga mur. Pe lape lemo lolomele mur, lape tenau operia ia ure mur pe amo hana papalauna mur, lape tema operia rara.
27071	ACT 3:6	Pe Petrus hele mule lange i, “Iau lek umtutuna ero toto koi, nenge lape e tunge lange iong. Pe lek ure nenge e teke e tunge lange iong ngana koi nei; Nga Iesus Kristus nenge Nasaret ene, e hele lange iong ke omes haka pe oi!”
27084	ACT 3:19	Pomalam apoi ke pomai koi; A hulia letemo nga lemo poinga poreke ngana mur pe a nanasia NeHalang. Pomalam lape NeHalang letena porekeia imo nga lemo poinga poreke ngana mur.
27432	ACT 13:1	Nge Antiok, iri nenge leteria manmanna pe te heto hekeke Iesus te tutu. Pe hana hel nge iri, iri hetatalonga. Pe hel iri hetoronga. Hana nemur eria koi; Parnapas pe Simon (nenge singina muna) pe Lusius (nenge nena nge Sirini) pe Manaen (nenge ana lala Herot Antipas) pe Sol.
27464	ACT 13:33	Ke pomalam heueu nei, NeHalang nena helenga nem lohot ke manmanna ke tuturia mur ita ta naue. Nga nenge hemaul heke mule Iesus nga metenga, ure nenge lohot nem tehas urume tele nike nga alalaha chonna naingana nenge Sam. Ke ana helenga hele ke teke, “‘Tuk laka Iong; ke heueu nei Temem koi Iau’”
27534	ACT 15:23	Pe te hekule alalaha nei nenge hele ke teke; “Imem, Iesus nena hekulkulonga mur pe hana papalauna mur koi, mohas ia alalaha nei lange imo hana lomonmona mur nenge a tu nge Antiok pe Siria pe Silisia. Imem titimem mur laka imo iange letemo manmanna nge Ne Iesus. Uach pe miliko toto lange imo lochloch.
27539	ACT 15:28	Imem mo nanas mene Opepengpeng lemene ngana nenge mo teke a takisia ure meena ngana ero ol. Pe mo teke a nanas tau mene koi hotonga nemur;
27615	ACT 17:23	Ei rara nga lemo kileng pe e neue ure pane mur nenge a heto hekeke iri. Pe e hottaua helenga e nga tunginga munna nenge a makmakia pe a tunge lala nge nehalang. Helenga neu tehas ia ke mai; ‘Lange nehalang nenge ta eteia ero.’ Imo a eteia nehalang nenge a heto hekeke nem ero. Pe e hele lange imo pengpeng, I toto koloi nenge e heleleia nei.
27718	ACT 20:24	Pe iau e matau ele singik nga ume nei ero. Nenge teke te hune iau, panem ute pele ero. Pe ure nenge palaungana toto ngana koi; nenge e teke e heulo hot tote ume nenge Non Soke Iesus tunge at nge iau. Nenge e hetottore hehei pe hana nga helenga urana toto ngana nga NeHalang nena nekinga nge nena hana mur.
27802	ACT 22:30	Iok, pomange rou non aehuna neu teke etei toto; Pomere nenge Iuta mur te poia poinga nei lange Paulus mai? Pomalam eukiraua tunginga ana hana mur aria papalauna mur pe hana papalauna nge Iuta pe hele ke teun hote rur nga Paulus penna. Ke het pe mene Paulus ke la hemesia i nga hana papalauna nemur mataria.
27851	ACT 24:14	Pe e teke e hele hot pengpeng ia lange iong ke mai; Iau e heto heke NeHalang nenge lemem tete mur te heto hekeke. Pe e nanasia kue nenge te hetue ke Esinga Tele. Pe iri leteria manmanna nga kue nem ero. Pe letek manmanna nga hotonga nemur nenge Moses pe nga alalaha nemur nenge hetatalonga mur tehas sue iri.
27852	ACT 24:15	Pe sak kikina toto nge NeHalang ke mange iri; nenge mo teke hana nenge te urana pe hana nenge te poreke lape te maul haka mule nga metenga.
28018	ROM 1:20	Pe ute hel nge NeHalang, hehei pe hana nakuria ero toto nge te naue nga mataria. Ure nenge pomanga; Nena kerkerenga nenge tu ke koko pe nena ure talkomkome ngana mur. Pe nga etue nenge NeHalang ala hote ich, ure nemur te lohot ke mallaha mana ke at heueu nei pe te eteia iri ke ulolo. Ke pomalam hehei pe hana tesau hote helenga nenge pomai ke te hele ala aria nga ure poreke ngana mur nenge te popoia ero: Nenge te hele ke teke, “Ah! Imem mo eteia ero i!”
28145	ROM 6:9	Iange ta eteia ke Kristus maul haka mule nga metenga pe lape mete mule ero ol; metenga nena kerkerenga nenge hekou sio mule i ero.
28161	ROM 7:2	Lape e heninia ke pomai koi; heie lei pe lape tu luluch manmana nge ene lola. Pe nenge teke ene mete, hei nem nanasia hotonga nenga leinga ero ol.
28184	ROM 7:25	E hele urana toto lange NeHalang nge mene mule iau nga ume nenge ara Non Soke Iesus Kristus! Ke etu ngak pomai koi; Nga letek, iau ume ana non nga hotonga nenge NeHalang. Pe nga lek poinga nike ngana, iau ume ana non nga hotonga nenga poinga poreke ngana.
28220	ROM 8:36	Iange manmanna nge ure nemur lape lohot nge ita ke pomanga NeHalang nena alalaha nenge tehas sue ke ulolo, hele ngana nenge hele ke teke, “Kokoes hana te teke te hunune imem nge iong mana; Pe te popoia imem ke pomanga sipsip nenge te hunune.”
28264	ROM 10:8	NeHalang nena alalaha nenge tehas sue ke ulolo hele ke mai koi, “Helenga tu rochroi nge iong nem lo; tuteu luluch nge iong nga letem pe nga halim pule.” Pe helenga nem i helenga nenge lete manmanna ngana ana nenge mo haliu hotote.
28359	ROM 14:11	Iange NeHalang nena alalaha nenge tehas sue ke ulolo, hele ke mai, “NeHalang hele ke teke, ‘Iau etu ke e maulul ke manmanna, pe manmanna toto ke hulua lochloch lape te tualou sio nga matak ke te heto heke iau; pe hulua lochloch lape te hele hot ke te teke iau NeHalang toto ngana.’”
28425	ROM 16:21	Timoti i non nenge ume lululuch nge iau, pe i hekule nena apalanga lange imo. Pe iri nei, iri Iuta ke pomange iau; Lusias pe Iason pe Sosipater. Iri te hekule reria apalanga lange imo pule.
28495	1CO 3:17	Nenge teke mele heporeke NeHalang nena pele, NeHalang lape heporeke mele nem; iange i sipona tal hote ke nena ia. Ke NeHalang na pele nem, ngana laka imo.
28500	1CO 3:22	Ne Paulus pe ne Apolos pe ne Petrus pe ich pe maulinga, pe metenga pe ure nemur nenge tetu heueu nei, pe ure nemur nenge lape te lohot nga hoena; ure lochloch ngana nemur lemoia ke te halaua imo.
28542	1CO 6:7	Pe e hele pengpeng lange imo; Imo a hunel mulmule nge imo iange poinga nenge a nanasia Kristus a altaua ke ulolo. Iau e teke apoi ke pomai koi: Nenge teke te poi poreke imo ma te kemeia lem ure, a chumele mene.
28544	1CO 6:9	Pe lape e hele pengpeng lange imo ke pomai; Mele hel nenge te popoi poinga poreke ngana lape teteu langa NeHalang nena naualanga pe nekinga ero toto. Anau ala amo ke nek iange lape mele hel te channanga ia imo. Salaunga kina mur pe iri nenge te heto hekeke aetapuna mur pe nenge te heporekreke leinga pe hana nenge te salaulau ke mange hehei pe hana nenge te heporeke mulmule hana mur,
28545	1CO 6:10	pe iri nenge te kemkeme pe nenge te teke iri toro manaia ure mur, pe nenge tein halali pe iri nenge te ngailelele mele hel pe nenge te ua tototo ia mele hel reria ure mur; iri lochloch ngana nenge te popoi ke pomai lape teteu langa NeHalang nena naualanga pe nekinga ero toto.
28574	1CO 7:19	Iange poinga nenge ta ririr us pe nenge ta ririr us ero, i ute pele nge palaungana ero. Ure nenge palaungana toto ngana laka; poinga nenge ta nanasia NeHalang nena hotonga mur.
28584	1CO 7:29	Titik mur ure nenge e teke e heleia ngana koi nei; Etue hetala ngana heroi toto lo. Ke pomalam nga etue unne nenge tu nei ol, imo nenge alei letemo langa poinga nenga leinga ero. Letemo tu mana ke pomanga iri nenge telei ero.
28617	1CO 9:9	Ke Hotonga nenge Moses hele ke teke; “Nga etue nenge kolok i hakaka nga uit nganangana ke poi hotote paena mur, atom ele hanna ero.” Pomerei nenge NeHalang poia helenga nei, letena ia kau kolok neu mau?
28619	1CO 9:11	Ure nenge palaungana toto ngana koi nei; Imem motue ngaunga tutuna nenga Opepengpeng nga letemo ke haka. Pe singira ana ure nenge a kalongia at nge imem i ure nenge kino mana.
28626	1CO 9:18	Pe lape e mene uruk utar nga ume nei? Uruk toto laka lom nenge; E iech mana nge e haliu hote helenga urana toto ngana lange hehei pe hana pe e long heke uruk ero. Lemek ero nge e mene ute nge hehei pe hana nga ume nenge e haliu hotote helenga urana toto ngana.
28655	1CO 10:20	Ure nenge e helele ia ngana koi nei; Utar nenge hana nenge te eteia NeHalang ero te popoi tunginga ia nga reria hatanga, te poia lange NeHalang ero. Te poia la laka nge uneinei mur pe iau lemek ero nge atal teu luluche imo lange uneinei mur.
28660	1CO 10:25	Huros nenge te ololia nga ingala matana o mene pe o ngau pulut mene. Pe letem una ia onteinga nemur nenge pomai ero; “Huros nei at langai pe tepoi utar ana ia?”
28705	1CO 12:3	Ke pomalam e teke e hemallaha hote lange imo ke pomai; Mele nenge NeHalang Opene tuteu nge i hele poreke Iesus ero. Pe pule mele nenge Opepengpeng tuteu nge i, lape hele ke teke Iesus i Non Soke.
28744	1CO 13:11	Ana helenga laka nenge; Nga iau kino ngak e hele ngak pe e amnei teu ngak nga ure mur pe letek tuanin ngak pomange aina kinkino ngana. Pe nga etue nenge iau palaungana ol e hile hote poinga nenge aina kinkino ngana ke lasus sapele.
28746	1CO 13:13	Pe ure mol nenge tetu ke kokoes ngaria koi nei; lete manmanna ngana pe kukul alanga pe mutenga. Pe ure nenge palaungana toto nge iri mol, ngana laka mutenga.
28836	1CO 15:50	Titik mur pe liliuk mur, e teke e hele ke mai koi; Singira pe eira lape te teu langa NeHalang nena naualanga pe nekinga ero, iange singi nenge ich nei ana tu ke koko ero.
28846	1CO 16:2	Nenge e hele ke e teke; Nga Sante kokoes imo elle pe elle a mene lemo umtutuna unne hel nenge a hottau ususia pe atal lele hote unne ke ma ke tatalo alala nike. Pomalam nga etue nenge eat lape a song ke a tango rara mule lemo umtutuna nenge halaunga ana ero ol.
28855	1CO 16:11	Pe amoe nau sio mene i ke pomanga non pulut ngana pele ero. A nekia i ke letena masio ke nek pe a halaua i nga nena inga ke at mule nge iau; iange iau pe NeHalang nena hana mur mo kulelele i.
28878	2CO 1:10	Kokoes mo teke mo metmete nga ure meena ngana nemur pe NeHalang halaulaua imem. Pe letemem manmanna ke pomai; Nenge teke a hetalaulau emem ke kokoes, lape NeHalang longe lemo hetalaulaunga pe halau mulmule imem. Pe hulua lape te hele urana pe te heto heke tote i nga ure urana ngana nemur nenge tunge atat nge imem.