21	GEN 1:21	Ke NeHalang ala hote huros papalau ngana mur ke te muta teu nga ruach, luluch nga ure maulul ngana kuenkuena ngana mur nenge te i rarara nga aria mata mur nga ruach letena. Pe ngie kuenkuena ngana mur nenge saharia (pe te lehe rarara) nga aria mata mur (nga tapa sana.) Pe NeHalang naue ke pomau pe letena urana ia.
34	GEN 2:3	Ke nga etue rahtele nai ngana NeHalang ume ero ol. Tu mana pe pete etue neu pe poia ke i etue nenge heo ngana.
44	GEN 2:13	Ech nenge Kion i ech tana nei ngana ia nenge lele nga ich lochloch nge Kus.
49	GEN 2:18	Iok Non Soke NeHalang hele, “Non nei i toro mana tu pe poreke i. Pomalam lape e ume hote neingana e nge pomange i ke halaulaua i.”
51	GEN 2:20	Pe Antam tunge kolok mur eria pe ngie mur nga tapa sana pe ure inolo mur nga eria. Pe Antam pekngana pele nge halaua i ero.
53	GEN 2:22	Non Soke NeHalang ume hote heie nga Antam kina nenge siu hote nga alisina ke het pe tunge i lange Antam.
54	GEN 2:23	Pe Antam hele, “Ute nem nakuna mange iau iam. Pe lape e hetue i ke ‘hei’ iange i lohot nga kik pe nga mirak.”
61	GEN 3:5	“Iange NeHalang eteia ke letemo matana toto pe a pomange i pe a eteia utar nenge urana pe poreke.”
64	GEN 3:8	Pe nga kileng makuk ngana Antam pe nehei te amneia Non Soke Nehalang meena ngana nge i olole nga ume, pe iri nai te talkome ana nga ume letena.
71	GEN 3:15	Pe lape e poia iong ke lem ngarang hei nei pe i nena ngarang iong. Pe tum lape nena ngarang hei nei tuna. Ke nge he hei nei tuna lape hepapar hite palpalum pe iong lape o tele apena.”
76	GEN 3:20	Antam hetue ne hei ke ene, “Eua” iange i hulua lochloch ngana nenge tetu ke te maulul nga ich nei reette palaungana ia.
82	GEN 4:2	Iok nga hoena Eua hoho mule Kaen tina e pe hetue ke ene Apel. Pe Apel lohot ke i non nenge nauelele sipsip pe kolok mur pe Kaen i non nenge umume nga ume.
88	GEN 4:8	Iok nga hoena Kaen hele lange tina Apel ke teke, “Ita nai tala ke ta i rara nga ich nenge ana heilil mana!” Iok iri nai tela ke te i rara nga lamau pe Kaen ngira taua tina Apel pe hune i ke mete.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
91	GEN 4:11	Pe ich kou hanna pangpanga ke tontone tim eina nenge perim poia. Ke heueu nei, lape lek keke iong ke o i rara mana nga ich.
92	GEN 4:12	Pe nga etue nenge o umume am nga ich, ute pele nge lape haka ke nek ero. Pe lape mulim e nge o tu ia ero. Lape o i rara manmana nga ich.
94	GEN 4:14	O nau at, heueu nei o lope hote iau lamai pe lape e la ke e talkome toto nga matam ol. Lape e i rara mana nga ich iange mulik e nge e tuia ero. Pe nenge teke mele saolia iau lape hune iau ke e mete.”
95	GEN 4:15	Pe Non Soke hele lange i ke teke, “O matau ero! Nenge teke mele hune iong, mele nem lape ameia ana melmelenga nge palaungna toto.” Ol pe Non Soke tal heke lala e lange i ke mele nenge saolia i hune i ero.
102	GEN 4:22	Pe Lamek nehei Sila hoe tuna tamane ngana e nge ene Tupal-Kaen, pe liuna ene laka Nama. Tupal-Kaen i non nenge ume hotot urelu kuenkuena ngana mur nga ure nenge ene bras pe aen.
103	GEN 4:23	Pe nga etuene Lamek hele lange nehei mur ke teke, “He Ata pe he Sila a longo at nge iau; Ne Lamek nehei mur, a longo at nga lek helenga. Non e pal poreke tote iau pe e hune i ke mete, pe non lomele ngana e nosia iau pe e hune i ke mete.
109	GEN 5:3	Antam ana hesinga iri ana non kina lime pa ana non kina elle pe analoch (130) pe hoe tuna tamane e nge nakuna pomange i pengpeng pe hetue ke ene Set.
130	GEN 5:24	Enok i Ne Halang neingana toto ia pe erue sio mana iange NeHalang mene tote i.
146	GEN 6:8	Pe Noa i non nenge urana nga Non Soke matana.
147	GEN 6:9	Nananga nenge Noa tutuna mur pe na tete mur koi nei: Nga etue neu hehei pe hana te popoi poinga poreke ngana. Pe Noa i non nge pengpeng iange poia poinga poreke ngana e ero. Pe NeHalang iech toto nga Noa letena tuanin ngana mur pe nena poinga mur.
183	GEN 7:23	Ke Non Soke hemete ure lochloch ngana nenge te maulul nga ich ke te het lochloch. Hehei pe hana pe huros nenge marana pe inolo pe ngie mur. Pe Noa i toro mana tu ol luluch nge iri nenge tetu luluch nge i nga mono.
185	GEN 8:1	Pe NeHalang letena metene Noa pe huros mur lochloch nenge marana pe inolo nenge tetu luluch nge i nga mono. Pomalam kulosia tuttula ke hiurus ia ich pe ech hakarung sio sapele.
195	GEN 8:11	Pe chaulum neu at mule nge i nga ulei pe koke ae Oliua ina nga hanna pe Noa hetei sapele ke ech soso hatalia ich lo.
196	GEN 8:12	Iok kulala ke etue iri rahtele nai het pe kulos hot mule chaulum neu. Pe neu ol ngie neu at mule nge i ero ol.
202	GEN 8:18	Ke pomalam Noa i hot luluch nge nehei pe tutuna mur pe reria hehei mur.
212	GEN 9:6	“None nenge hune mele ke mete, hana lape te hune i ke mete pule. iange Iau NeHalang pe e umeia hehei pe hana ke nakuria mange iau.
224	GEN 9:18	Noa tutuna mur nenge iri ul tetu nga mono koi nemur; Sem pe Ham pe Iapet. (Ham i Kenan temene.)
226	GEN 9:20	Noa i non nenge umume nga ume pe i tala toto nge tue uain ana ume.
228	GEN 9:22	Pe Kenan temene Ham i teu la pe esia temene nge lachlach pe la heleia lange titina mur nai nge hot.
231	GEN 9:25	Pe hele ke teke, “Ure meena lape lohot nge Ham tuna Kanan! Lape lohot ke i hekuleileinga ana non nenge pingana iuiu ero pe umume manmana nge titina mur.”
243	GEN 10:8	Ne Kus i Nimrot temene pe i tala toto nga ich nge nena kerkerenga halang ke hekou sisio hana.
244	GEN 10:9	Pe i non nenge Non Soke poia i ke letena matana toto nga huros hun ngana. Ana helenga nenge te heleia ke te teke, “Non nei hunun huros ke mange Nimrot nge Non Soke halaulaua i.”
247	GEN 10:12	pe Resen. Tuele tana nenge Resen i tuele tana nenge palaungana toto pe tu nga kileng nenge Niniue pe Kala tunangaria.
256	GEN 10:21	Sem tina nenge soke laka Iapet pe i hana nenge Eper reette ia.
260	GEN 10:25	Pe Eper tutuna mur iri nai: Elle ene Pelek luna laka “Chachia” iange nga etue nenge i tu hehei pe hana nga ich te chach hel ke tetu teu nga reria kaleu ramana mur. Pe ana non tina ene laka Ioktan.
269	GEN 11:2	Te lohaka nga chaia haka ngana pe te i ke la te are nga mos nge Papilon.
295	GEN 11:28	Pe Haran mete nga nena kileng huna nge Ur nge Kaltia, nga ich nenge tana hoe i ia. Nga etue nenge mete, temene tu ke maulul kura.
298	GEN 11:31	Iok, Tera mene tuna Apram pe nette Sarai nenge Apram nehei pe nette Lot nenge Haran tuna, pe iri lochloch te hile reria kileng huna nge Ur nge Kaltia pe te i ke te lange Kenan. Pe nga etue nenge te lohot nge Harran, te la ero ol. Te tu mana lamau ol.
303	GEN 12:4	Ke Apram lohaka nge Harran pe la sapele ke pomanga Non Soke hele ngana ia lange i pe Lot la luluch nge i. Nga etue neu Apram ana hesinga iri ana non kina mol pe analoch pe lime (75).
305	GEN 12:6	Pe te i nga ich neu ke la te lohot nge Sekem. Pe ae tapuna ngana e mes nga kileng neu. Ana ae ene laka ae ok nenge More. Nga etue neu Kenan mur te tutu nga ich neu kura.
306	GEN 12:7	Pe Non Soke lohot nge Apram pe hele lange i ke teke, “Lape e tunge ich nei lange lem tete mur.” Pomalam Apram lung heke hatanga e lange Non Soke nenge lohot nge i.
314	GEN 12:15	Pe ne Parao nena hana papalauna mur te esia ana hei nge nakuna urana pe te mene teua i lange ne Parao nga nena pele palaungana.
317	GEN 12:18	Pomalam ne Parao hekulo Apram ana pe onteia i ke teke, “Pomerei nenge o poia iau ke pomai? Heungana nge o hele pengpeng at nge iau ke o teke, ‘Hei nei lek hei ia.’
320	GEN 13:1	Ke Apram pe nehei pe reria ure mur lochloch te i hot nge Ekipto pe te lo haka lange Nekep pe Lot la luluch nge iri.
321	GEN 13:2	Apram lohot ke i non nenge nena ure halang nga huros marana ngana mur pe nena ure sachanchana sinaha ngana mur.
328	GEN 13:9	Ke pomalam ta chach hel. O nau la ich palaungana kou tumana paneu. Nenge teke o la nga pen hoihoi iau e la nga pen tamalmal pe nenge teke o la nga pen tamalmal iau e la nga pen hoihoi.”
336	GEN 13:17	Iok o lohaka pe o i kela onau nga ich nemur nenge lape e tung lochloche lange iong.”
346	GEN 14:9	Ke naunga-ala ana hana henel te pal hel luluch nge naunga-ala ana hana lime. Te pal hel luluch nge ne Ketolama nenge i naunga-ala ana non nge Elam pe ne Tital nenge i naunga-ala ana non nenge Koim pe ne Amrapel nenge i naunga-ala ana non nenge Sina pe ne Arioch nenge i naunga-ala ana non nenge Elasar.
349	GEN 14:12	Pe te mene Apram tina tuna Lot pe nena ure lochloch ngana pule iange i tutu nge Sotom.
350	GEN 14:13	Pe non Hipru e ua nga hunelinga neu pe la ke hele toto nge Apram nga ure nenge lohot. Pe Apram kou tula rochroi toto nga ae papalau nge Mamre. Mamre i none nga mata nenge Amor pe titina mur laka Eskol pe Aner. Hana nemur pekngaria toto laka Apram.
354	GEN 14:17	Iok Apram hekou sue ne Ketolama pe pekngana naunga-ala ana hana nemur ke het pe la mule sapele. Pe nga mule ngana, naunga-ala ana non nenge Sotom lohot ke saolia i nga mos nge Saue (Saue luna laka; Naunga-ala ana non nena mos).
355	GEN 14:18	Pe Melkisetek i naunga-ala ana non nga kileng nenge Salem. Ana non mene hote beret pe uain. Pe i NeHalang Nenga Lut Toto nena tunginga ana non ia.
362	GEN 15:1	Iok nga hoena Non Soke lohot nge Apram nga maopene ngana pe hele lange i ke teke, “Apram o matau ero. Lem kaleu koi Iau pe lape e poia iong ke pingam iuiu toto.”
366	GEN 15:5	Pe Non Soke mene hote i lange hot pe hele, “O nau haka la nga tapa sana pe o sisele itoch mur - nakum nge o sisele iri kau?” Pe Non Soke hele mule, “Lem tete mur lape iri hulua ke pomalaka nga itoch nemur.”
367	GEN 15:6	Ol pe Apram letena manmanna nge Non Soke pomalam Non Soke hetue i ke i non nge pengpeng.
370	GEN 15:9	Pe Non Soke hele lange i ke teke, “O mene pulumakau hei ngana e pe meme hei ngana e pe sipsip tamane ngana e nge aria hesinga iri mol pe o at ia iri nge Iau. Pe o mene ngie chaulum nai pule.”
373	GEN 15:12	Iok chaia matana sisio lo pe Apram mamani hun toto pe kileng au ngana palaungana toto lohot nge i pe matau toto.
374	GEN 15:13	Ol pe Non Soke hele lange i ke teke, “Lem tete mur lape la tetu nga tuele kina e nenge reria ia ero. Pe lape te poi poreke iri pe te ume manmana nge hana hel.
378	GEN 15:17	Iok chaia matana sio lo pe kileng au pe oan ana tuninga e nge pululu pe rir remen ngana te lohot pe te i teu nga huros sachanchana nemur tunangaria.
385	GEN 16:3	Apram tu nge Kenan ke ana hesinga iri analoch (10) lalo pe Sarai tunge Heka lange i ke nehei naingana ia. Heka nena nge Ekipto pe i Sarai nena hekuleileinga ana hei ia.
386	GEN 16:4	Iok laol Apram maluluch nge Heka ke la sana. Nga eteue nenge Heka eteia ke sana lo, talun ke heto heke i pe ngai lele hei palau Sarai.
388	GEN 16:6	Pe Apram hele ke teke, “O nau at, hei nem lem hekuleileinga ana hei ia. O teke o poia i ke merechrei, o poia nga lemem ngam mana.” Pomalam Sarai poi poreke Heka ke ua sapele.
389	GEN 16:7	Hei neu ua pe nanasia kue nenge lange Sur ke la nga ich sana lomona. Pe Non Soke nena hekulkulonga e saolia i nga ech matana e nga lamau.
390	GEN 16:8	Pe hele lange i ke teke, “Heka, e Sarai nena hekuleileinga ana hei laka iong. O i at nga langai? Pe o la ke merechrei?” Pe Heka tuacholia ke teke, “E ua hei palau Sarai ana.”
393	GEN 16:11	Pe Non Soke nena hekulkulonga neu hele lange i pule ke teke, “Iong sam lo pe lape o hoe tum tamane ngana e. Pe o hetue ke ene Ismael. Ismael-Luna laka: NeHalang longe. Iange Non Soke longe lem tanginga lo.
395	GEN 16:13	E Heka hetue Non Soke nenge hele luluch nge i neu ke ene, “Iong NeHalang nenge o naue iau.” Iange i hele ke teke, “E naue NeHalang nenge naue iau ke ulolo?”
399	GEN 17:1	Nga etue nenge Apram ana hesinga iri ana non kina henel pe analoch pe rahtele henel (99) Non Soke lohot nge i pe hele ke teke, “Iau NeHalang Nenge Kerkereng Toto. O nanas mene poinga nge pengpeng pe o poia poinga poreke ngana e nga matak ero toto.
401	GEN 17:3	Ol pe Apram losio pe ma ke nausio pe NeHalang hele lange i ke teke,
412	GEN 17:14	Mele nenge te riria singina ero heporeke lek tomunga hel ana helenga nem, pe lape te lope hote i ke tuteu luluch nge nena hana mur ero ol.”
413	GEN 17:15	NeHalang hele la pule nge Apraham ke teke, “Pe iong lem hei Sarai, lape te hetue i ke Sarai ero ol. Lape te hetue i ke ene laka Sara ol.
414	GEN 17:16	Lape E pete i pe E poia i ke hoe tum tamane ngana e. Pe lape E pete i ke tuele kina mur lochloch taria ia, pe naunga-ala ana hana mur nenge te nauelele hehei pe hana lape te lohot nge ana hei tutuna mur.”
416	GEN 17:18	Pe Apraham hele lange NeHalang ke teke, “Iok teke pomam, O pete Ismael pe o nauele i ke nek!”
417	GEN 17:19	Pe NeHalang hele ke teke, “Oe pe lem hei Sara lape hoe tum tamane ngana e pule pe o hetue i ke ene Isak. Lape E poia lek tomunga hel ana helenga luluch nge i pe nena tete mur nenge lape te lohot nga hoena. Pe tomunga hel ana helenga nem lape tu ke koko.
418	GEN 17:20	Lape E poi ke urana lange Ismael ke pomanga o hele ngam. Lape e pete i ke manmanna pe lape e poia i ke tutuna mur halang pule. I lape lohot ke hana nenge iri mukmuka nge hehei pe hana temeria ia. Hana nemur iri analoch pe nai pe lape te lohot ke hana kerkereng ngana mur ia iri.
419	GEN 17:21	Pe lek tomunga hel ana helenga nenge e poia nge Isak, he Sara lape hoe i nga etue nei nga hesinga nenge atat.”
428	GEN 18:3	Pe hele, “Hana, iau Non Soke nena non pe lemek ero nge a i toto mana nga lek pelpele ke ala. Lemek ke e teke a iat nga lek pelpele.
429	GEN 18:4	A i at pe te mene ech ke te lomo sue apemo pe a kila lakoi nga ae nei ene.
430	GEN 18:5	Pe e la ke e mene ngaunga unne ke a ngau ke kikimo mukam. Ol laka ai mule ia lemo inga ke ala ol. Iange imo a lohot nge iau lo ke pomalam e teke e halaua imo.” Pe hana neu tuacholia ke te teke, “Urana toto, o poia ke pomanga o hele ngam.”
434	GEN 18:9	Ol pe te onteia i ke te teke, “Lem hei Sara ngai?” Pe Apraham hele ke teke, “I kou nga pelpele letena.”
437	GEN 18:12	Ol pe Sara melmel pe helele nge isipona ke teke, “Iau e tuauna toto pe ak non soke tuauna toto pule. Pe lape singik iech nge e ma luluch mule i kura kai?”
438	GEN 18:13	Ol pe Non Soke hele lange Apraham ke teke, “Pomerei nenge Sara melmel pe hele ke teke, ‘Iau e tuauna toto lo i pe lape e hoe tuk e ke manmanna kai?’
441	GEN 18:16	Iok hana nemur te lohaka ke te i pe ramaria lange Sotom pe Apraham koko ke puotaua iri.
443	GEN 18:18	I na tete mur lape te lohot ke iri halang pe iri tuele kina kerkereng ngana mur. Pe nge i mana, lape E poi ke urana lange tuele kina mur lochloch ngana nga ich.
444	GEN 18:19	Iange Iau Non Soke pe e hesilei hote i ke almasia tutuna mur pe nena tete mur nenge te lohot nge he, ke te nanasia lek helenga pe te poia poinga nge pengpeng pe urana. Pomalam lape E poia ure lochloch ngana ke lohot nge i ke pomanga lek tomunga hel ana helenga nenge E poia lange i.”
447	GEN 18:22	Iok, hana nai neu te i ke ramaria sio lange Sotom pe Apraham mes pe NeHalang mes nga matana.
448	GEN 18:23	Pe Apraham i lange I pe hele, “Hana urana ngana hel tetu nga kileng neu pule pe lape o heporeke iri luluch nge hana porekreke ngana mur?
458	GEN 18:33	Iok Non Soke hele luluch nge Apraham ke het pe hile i pe la sapele. Pe Apraham la mule nga nena kileng.
460	GEN 19:2	Pe hele ke teke, “Hana papalau nai nem a i at nga lek pele ke a lomo sue apemo pe nga miliko a ma mukam. Pe nga uach a lohaka pe a i mule ol.” Pe iri te tuacholia ke te teke, “Ero mo ma la i loi nga kileng unne nenge hana te heukiraurau ia.”
464	GEN 19:6	Ol pe Lot i hot pe piuele mule piunga pe lange iri
479	GEN 19:21	Pe angkelo neu hele lange i ke teke, “Iok urana, e ngata nga lem helenga nem, pe lape e heporeke tuele tana sune nem nenge o heleia nem ero.
481	GEN 19:23	Nga etue nenge Lot sauhote i nge Soa, chaia matana haka ke tue kileng sapele.
484	GEN 19:26	Iok Lot nehei teke ralele la mule, pe NeHalang hulia i la nga mesmes pe kerkereng ke pomanga um tana e ke mes mana ol.
492	GEN 19:34	Iok pomange rou tuna nenge soke hele lange tina nenge kino ke teke, “Nge lona nga miliko e ma luluch nge temek. Pe heueu nga miliko ta hein mule i nga uain pe o teu ke la o ma luluch nge i. Ke tutura mur pe rera tete mur lape te lohot urume poinga nenge tapoia lange temere.”
499	GEN 20:3	Pe ero NeHalang lohot nge Apimelek nga ma opene ngana pe hele lange i ke teke, “Iong lape o mete iange hei nenge o mene nem, lei lo laka.”
500	GEN 20:4	Pe Apimelek hele ke teke, “Non Soke nenge teke none poia poinga poreke ngana e ero, lape o hun suo mene i luluch nge nena hana mur ma?” Apimelek hele ke pomau iange poia poinga poreke ngana e lange Sara ero kura.
501	GEN 20:5	Pe Apimelek hele mule lange NeHalang ke teke, “Apraham hele at nge iau ke teke, ‘Hei nei iau liuk ia.’ Pe Sara hele ke teke, ‘Non nei iau tik ia.’ Nga etue nenge e mene hei nei letek ke e teke e poia poinga urana ngana mana lange i pe e poia poinga poreke ngana e lange i ero.”