6	GEN 1:6	Pe NeHalang hele, “Ech chach nga tunangana pe kileng koana ngana heke iri ke te la nga hele pe hele.”
9	GEN 1:9	Pe NeHalang hele, “Ech nenge tu nga kileng koana nenge sio lake hekirau ke munna elle pe kileng hal ngana hota.” Pe la lohot ke pomau.
30	GEN 1:30	Pe e tunge ure nemur ke amo ngaunga ia pule; Huros mur lochloch nga ich ngie mur lochloch nga tapa sana pe ure lochloch nenge te sere olole nga ich pe ure lochloch nenge eingaria tu teu nge iri. Pe E tunge eleling lochloch ke amo ngaunga ia pule.” Pe la ure nemur te lohot ke pomau.
35	GEN 2:4	Ke tapa pe ich ana nananga pomalam mana. NeHalang ume hote ume nenge Eten nga etue nenge ala hote tapa pe ich.
39	GEN 2:8	Non Soke NeHalang tue ume e nga chaia haka ngana nge Eten pe here non nenge alahote nem ke tu ia.
44	GEN 2:13	Ech nenge Kion i ech tana nei ngana ia nenge lele nga ich lochloch nge Kus.
56	GEN 2:25	Antam iri nai Eua singiria lachlach mana pe tetu ke elle pe te meia iri ero.
76	GEN 3:20	Antam hetue ne hei ke ene, “Eua” iange i hulua lochloch ngana nenge tetu ke te maulul nga ich nei reette palaungana ia.
81	GEN 4:1	Antam ma luluch nge nehei Eua ke sana pe hoe tuna Kaen. Pe Eua hele, “Nga Non Soke nena halaunga e hoe tuk nei.”
82	GEN 4:2	Iok nga hoena Eua hoho mule Kaen tina e pe hetue ke ene Apel. Pe Apel lohot ke i non nenge nauelele sipsip pe kolok mur pe Kaen i non nenge umume nga ume.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
97	GEN 4:17	Iok Kaen maluluch nge nehei ke sana pe hoe tuna tamane ngana e pe hetue ke ene Enok. Pe Kaen talun ke hemes heke tuele tana e pe heto heke nge tuna Enok.
98	GEN 4:18	Pe Enok tuna laka Irat pe Irat tuna laka Mehusael pe Mehusael tuna laka Metusael pe Metusael tuna laka Lamek.
99	GEN 4:19	Lamek lei ke hehei nai. Elle ene Atah pe e ene Sila.
106	GEN 4:26	Pe Set hoe tuna tamane ngana e pe hetue ke ene Enos. Nga etue neu hehei pe hana te talun ke te heto heke Non Soke ene ke te teke, “Ta heto heke NeHalang.”
112	GEN 5:6	Pe Set tu ke ana hesinga iri ana non kina lime pe lime (105) pe hoe tuna e pe hetue ke ene Enos.
115	GEN 5:9	Pe Enos tu ke ana hesinga iri ana non kina iri henel pe analoch (90) pe hoe tuna Kanan.
116	GEN 5:10	Ke het pe Enos tu mule ke hesinga iri ana non kina iri ana non kina nai pe analoch pe lime (815) pe hoho mule tutuna mur tatamanna pe heheina hel pule.
117	GEN 5:11	Ke Enos tu nga ich ke ana hesinga iri ana non kina iri ana non kina nai pe ana non kina lime pe lime (905) pe mete.
124	GEN 5:18	Pe Iaret tu ke ana hesinga iri ana non kina lime pe ana non kina mol pe nai (162) pe hoe tuna Enok.
127	GEN 5:21	Pe Enok tu ke ana hesinga iri ana non kina mol pe lime (65) pe hoe tuna Metusela.
129	GEN 5:23	Ke Enok tu nga ich ke ana hesinga iri ana non kina iri analoch pe ana non kina lime pe ana non kina mol pe lime (365).
130	GEN 5:24	Enok i Ne Halang neingana toto ia pe erue sio mana iange NeHalang mene tote i.
145	GEN 6:7	Ke pomalam Non Soke hele, “Iau e ala hote hehei pe hana nga ich pe heueu nei lape e hemelue iri ke mele e nge tu nga ich ero ol. Hehei pe hana pe ur inolo mur pe ngie mur nga tapa sana pe ure nemur nenge te amamo pule. E poia iri ke pomau pe letek meena iange e ala hote iri.”
157	GEN 6:19	Pe o mene huros maulul ngana mur iri nachnai nga huros kuenkuena ngana mur lochloch ke teteu langa mono pule. E nge hei pe e nge tamane pe o nauele iri ke te maulul luluch nge iong.
164	GEN 7:4	Etue iri rahtele nai koi tu ol pe lape e hekule pitte ke sio nga ich. Pe pitte nem lape molmol ke etue iri ana non kina nai (40) pe miliko iri ana non kina nai (40). Pe lape e hemete ure maulul ngana lochloch ngana nenge e alahote iri ke tetu nga ich.”
186	GEN 8:2	Ech nga ich letena pach haka ero ol pe pitte uch iange tapa sana ulala ero ol.
189	GEN 8:5	Ech hakarung sisio ke lala pe nga etue elle ngana (1) nga metmete ana talinga lou hengene mokonkona mur te hota sapele.
192	GEN 8:8	Ol pe kulos hote ngie chaulum ke la nau tote kileng. Ech soso hatalia ich lo ma ero kura.
217	GEN 9:11	E poia lek tomunga hel ana helenga nei lange imo ke mai: Ech hot ke taua kileng ke ulolo pe ure lochloch ngana nenge te maulul nga ich te mete lochloch. Pe lape e poi mule poinga e nge pomai nga hoena ero ol.”
218	GEN 9:12	Pe NeHalang hele, “E tal hote pitte usina nga tapa sana ke heilangia tomunga hel ana helenga nenge e poia lange iong pe ure lochloch ngana nenge te maulul nga ich. Ure nem lape helete metene iong nga nenge lape e tal hite helenga manmanna ngana nem ke koko.
221	GEN 9:15	Lape letek metene lek helenga kerkereng ngana nenge e poia lange iong pe nge ure maulul ngana mur lochloch. Ech e lohot ke taua kileng ero ol luluch nga ure maulul ngana mur lochloch.
234	GEN 9:28	Ech taua kileng ke het pe Noa tu ke ana hesinga iri ana non kina iri analoch pe ana non kina lime pe ana non kina nai pe analoch (350) mule.
236	GEN 10:1	Ech tau kileng ke het pe Noa tutuna nemur; Sem pe Ham pe Iapet te hoe tuturia mur ol.
239	GEN 10:4	Pe Iauan tutuna mur laka: Elisa pe Tarsis pe Saiprus mur pe Totan mur.
245	GEN 10:10	Kileng nemur nenge Nimrot nauele tele iri laka, kileng nenge Papel, pe Erek pe Akat pe Kalne. Kileng nemur tetu nga ich nenge Sina.
256	GEN 10:21	Sem tina nenge soke laka Iapet pe i hana nenge Eper reette ia.
257	GEN 10:22	Pe Sem tutuna mur laka: Elam pe Ashur pe Arpakat pe Lut pe Aram.
259	GEN 10:24	Pe Arpakset tuna Sela pe Sela tuna Eper.
260	GEN 10:25	Pe Eper tutuna mur iri nai: Elle ene Pelek luna laka “Chachia” iange nga etue nenge i tu hehei pe hana nga ich te chach hel ke tetu teu nga reria kaleu ramana mur. Pe ana non tina ene laka Ioktan.
267	GEN 10:32	Ech taua kileng ke het lo pe mata ana tuluk nemur te lohot nge Noa tutuna mur. Pe mata elle pe elle aria nananga nga te lohot ngaria. Pe te tu ke altoto nga reria kaleu ramana mur.
277	GEN 11:10	Nananga nenge Sem nena tete mur. Ech taua kileng mur ke hesinga nai la lo, pe Sem ana hesinga iri ana non kina iri lime pe hoe tuna Arpakset.
281	GEN 11:14	Pe Sela ana hesinga iri ana non kina elle pe analoch (30) pe hoe tuna tamane ngana e pe hetue ke ene Eper.
283	GEN 11:16	Pe Eper ana hesinga iri ana non kina elle pe analoch pe henel (34) pe hoe tuna tamane ngana e pe hetue ke ene Pelek.
284	GEN 11:17	Ke het pe Eper tu mule ke ana hesinga iri ana non kina iri ana non kina elle pe ana non kina elle pe analoch (430) pe hoho mule tutuna mur tatamanna pe heheina hel pule.
309	GEN 12:10	Iok nga hoena uringa palaungana lohot nga ich nenge te tuia pe Apram sio ke la tu pol nge Ekipto iange uringa neu poreke toto.
310	GEN 12:11	Pe nga etue nenge te la rochroi nge Ekipto Apram hele lange ne hei Sarai ke teke, “Iau e eteia ke iong nakum urana toto.
311	GEN 12:12	Pe nga etue nenge Ekipto mur te naue iong lape te hele ke te teke, ‘Non nei nehei koi.’ Pe lape te hune iau pe iong o tu ke o maulul.
313	GEN 12:14	Iok la ol nga etue nenge Apram la ke lohot nge Ekipto, Ekipto mur te naue Sarai nge nakuna urana toto.
318	GEN 12:19	Pe pomere nenge o hele ke o teke, ‘Liuk laka.’ Eh ngana koi! O mene lem hei pe a la ol.”
320	GEN 13:1	Ke Apram pe nehei pe reria ure mur lochloch te i hot nge Ekipto pe te lo haka lange Nekep pe Lot la luluch nge iri.
329	GEN 13:10	Iok la ol, Lot nau rara pe esia kileng mos ngana nge Iortan ke lange Soa. Kileng neu ana ech halang ke pomanga Non soke ana ume pe pomanga ich nenge Ekipto. (Nei nga etue nenge Non Soke heporeke tuele tana nenge Sotom pe Komora ero kura).
338	GEN 14:1	Hana nemur iri naunga-ala ana hana mur; Ne Amrapel nauele kileng Papilon pe ne Arioch nauele kileng Elasa pe ne Ketolama nauele kileng Elam pe ne Tital nauele kileng Koim.
339	GEN 14:2	Naunga-ala ana hana nemur tela ke te palhel luluch nge naunga-ala ana hana hel pule. Eria mur koi nei; Ne Pera nenge nauele kileng Sotom pe ne Pirsa nenge nauele kileng Komora pe ne Sinap nenge nauele kileng Atma pe ne Semepa nenge nauele kileng Sepoim pe naunga-ala ana non nenge Pela (nenge heueu nei te hetue ke Soa).
342	GEN 14:5	Ke nga hesinga iri analoch pe rahetele henel ngana (14) ne Ketolama pe pekngana naungaala ana hana mol, te la ke te hekousue hana nenge Repaim nga kileng nenge Asterot Karnaim. Pe te hekou sue Sus mur nga tuele tana nenge Ham pe te hekou sue Em mur nga tuele tana nenge Saue Kirataim.
343	GEN 14:6	Pe te hekou sue Hor mur nga sasana ana kileng nge Seir ke ramana ole lange El Paran, rochroi la nga ich sana lomona.
344	GEN 14:7	Ke het pe te mule ke te lange En Mispat (nge Kates) pe te hekou sue tuele kina mur nenge Amelek pe Amor nenge te tutu nge Haseson Tamar.
346	GEN 14:9	Ke naunga-ala ana hana henel te pal hel luluch nge naunga-ala ana hana lime. Te pal hel luluch nge ne Ketolama nenge i naunga-ala ana non nge Elam pe ne Tital nenge i naunga-ala ana non nenge Koim pe ne Amrapel nenge i naunga-ala ana non nenge Sina pe ne Arioch nenge i naunga-ala ana non nenge Elasar.
350	GEN 14:13	Pe non Hipru e ua nga hunelinga neu pe la ke hele toto nge Apram nga ure nenge lohot. Pe Apram kou tula rochroi toto nga ae papalau nge Mamre. Mamre i none nga mata nenge Amor pe titina mur laka Eskol pe Aner. Hana nemur pekngaria toto laka Apram.
361	GEN 14:24	Ke pomalam lemek ero toto nge e mene ute. Pe utar nenge lek hana mur te ngaua ke ulolo, nem mana lape e mene. Pe lape e mene neingak mur nenge te at luluch nge iau reria pule. Ngana laka ne Aner pe ne Eskol pe ne Mamre.”
363	GEN 15:2	Pe Apram tuacholia ke teke, “Non Soke NeHalang lape o tunge utar nge iau? Iau tuk e ero koi nenge lape mene lek urelu mur. Pe mele nenge lape mene ngana kou Eliese nenge Tamaskus.”
379	GEN 15:18	Ke nga etue neu Non Soke poia tomunga hel ana helenga luluch nge Apram ke teke, “Lape e tunge ich nei lange lem tete mur. Talun nge Ekipto pe mene ke la nga ech tana palaungana nenge Uprates.
383	GEN 16:1	Iok Apram nehei Sarai mes tamane mana pe hoe tuna e ero. Pe nena hekuleileinga ana hei e nena nge Ekipto nge ene Heka.
385	GEN 16:3	Apram tu nge Kenan ke ana hesinga iri analoch (10) lalo pe Sarai tunge Heka lange i ke nehei naingana ia. Heka nena nge Ekipto pe i Sarai nena hekuleileinga ana hei ia.
390	GEN 16:8	Pe hele lange i ke teke, “Heka, e Sarai nena hekuleileinga ana hei laka iong. O i at nga langai? Pe o la ke merechrei?” Pe Heka tuacholia ke teke, “E ua hei palau Sarai ana.”
395	GEN 16:13	E Heka hetue Non Soke nenge hele luluch nge i neu ke ene, “Iong NeHalang nenge o naue iau.” Iange i hele ke teke, “E naue NeHalang nenge naue iau ke ulolo?”
403	GEN 17:5	Lape te hetue iong ke Apram ero ol. Em laka Apraham ol iange lape e poia iong ke o lohot ke tuele kina mur halang reette iong.
405	GEN 17:7	Lape e poia lek tomunga hel ana helenga luluch nge iong nenge lape tu ke koko. Pe lape E poia lange lem tete mur pule nenge lape te lohot nge he. Iau NeHalang am Soke pe Iau NeHalang nenge lem tete mur nga hoena aria Soke pule.
414	GEN 17:16	Lape E pete i pe E poia i ke hoe tum tamane ngana e. Pe lape E pete i ke tuele kina mur lochloch taria ia, pe naunga-ala ana hana mur nenge te nauelele hehei pe hana lape te lohot nge ana hei tutuna mur.”
417	GEN 17:19	Pe NeHalang hele ke teke, “Oe pe lem hei Sara lape hoe tum tamane ngana e pule pe o hetue i ke ene Isak. Lape E poia lek tomunga hel ana helenga luluch nge i pe nena tete mur nenge lape te lohot nga hoena. Pe tomunga hel ana helenga nem lape tu ke koko.
418	GEN 17:20	Lape E poi ke urana lange Ismael ke pomanga o hele ngam. Lape e pete i ke manmanna pe lape e poia i ke tutuna mur halang pule. I lape lohot ke hana nenge iri mukmuka nge hehei pe hana temeria ia. Hana nemur iri analoch pe nai pe lape te lohot ke hana kerkereng ngana mur ia iri.
427	GEN 18:2	pe teke nau haka pe esia hana mol nge te mes. Esia iri pe song hot nga nena pelpele matana ke lange iri pe tualou sio pe tuatuch sio la nga ich.
440	GEN 18:15	Ol pe Sara matau pe channanga pe hele ke teke, “E melmel ero i.” Pe non neu hele ke teke, “O melmel laka.”
443	GEN 18:18	I na tete mur lape te lohot ke iri halang pe iri tuele kina kerkereng ngana mur. Pe nge i mana, lape E poi ke urana lange tuele kina mur lochloch ngana nga ich.
444	GEN 18:19	Iange Iau Non Soke pe e hesilei hote i ke almasia tutuna mur pe nena tete mur nenge te lohot nge he, ke te nanasia lek helenga pe te poia poinga nge pengpeng pe urana. Pomalam lape E poia ure lochloch ngana ke lohot nge i ke pomanga lek tomunga hel ana helenga nenge E poia lange i.”
446	GEN 18:21	pe e teke E etei ke nek. Pomalam lape E sio la ke enau nga poinga nenge te popoia, lape poreke toto ke pomanga E longo ngak ma ero?”
452	GEN 18:27	Ol pe Apraham hele mule ke teke, “Non Soke iau e pomalaka nga maruchrue pe apou. E ontei sakilil mana koi pe letem inin taua iau ero.
460	GEN 19:2	Pe hele ke teke, “Hana papalau nai nem a i at nga lek pele ke a lomo sue apemo pe nga miliko a ma mukam. Pe nga uach a lohaka pe a i mule ol.” Pe iri te tuacholia ke te teke, “Ero mo ma la i loi nga kileng unne nenge hana te heukiraurau ia.”
502	GEN 20:6	Pe Nehalang hele lange i nga ma opene ngana neu ke teke, “Oe, E eteia ke iong letem ke o teke o poia poinga urana ngana mana. Pe lemek ero nge o poia poinga poreke ngana e nga matak. Ke ngana laka nenge e poi hele iong ke o ma luluch nge hei nem ero.
507	GEN 20:11	Pe Apraham tuachol ia ke teke, “E poi ke mai iange nga letek e teke, ‘Mele nga kileng nei mataua NeHalang ero toto pe lape te hune iau pe te mene lek hei.’
512	GEN 20:16	Pe Apimelek hele lange Sara ke teke, “E tung ke um tutuna iri halang (K1000.00) lange tim Apraham. E tung mata hue ngana ana ia, nenge lange iri lochloch ngana nenge te tu luluch nge iong ke te eteia ke iong o poia poinga poreke e ero.”
523	GEN 21:9	Pe Heka nenge nena nge Ekipto hoe tuna tamane ngana e nge Apraham. Pe nga etuene e, Sara naue Heka tuna Ismael nge hesalang lululuch nge Isak.
535	GEN 21:21	Nga etue nenge tetu nga ich sana lomona nge Paran, tana mene nehei e nge Ekipto.
538	GEN 21:24	Pe Apraham hele, “Oe E hele ke manmanna toto.”
540	GEN 21:26	Pe Apimelek hele ke teke, “E eteia mele nenge poia poinga nem ero. Heueu mana nei i e longe ol iange iong o hele toto at nge iau ero nike.”
580	GEN 23:8	Pe hele lange iri ke teke, “Nenge teke a longele iau ke e alohite lek hei, iok a longo at nge iau. A mene lek helenga pe ala ke a hele lange Epron nenge ne Soar tuna
582	GEN 23:10	Iri te are nga tuele tana neu ana kue matana ke te helele pe Epron kou kila luluch nge iri. Pe ana non tuacholia Apraham
583	GEN 23:11	ke teke, “Ero, non soke o longo at nge iau, nga lek hana mur mataria lape etung mene ich nem pe polo nenge tu nga ich nem lange iong ke o alohit lem hei ia.”
585	GEN 23:13	Apraham longe Epron nge hele ke mau pe hele, “Nenge teke lemem lape e olia ich nem lange iong. O ngata ke o mene ich uruna nge iau pe e alohite lek hei lamau.”
586	GEN 23:14	Pe Epron tuacholia lange Apraham ke teke,
588	GEN 23:16	Apraham ngata nga Epron nena helenga pe sisala hot ke umtutuna iri ana non kina iri ana non kina elle (400) ke pomanga Epron heto ngana pe tunge lange i. Umtutuna ana hana mur te olol ich nga umtutuna nenge pomau pule.
589	GEN 23:17	Ke Apraham olia Epron nena ich nge Makpela luluch nga metenga ana kileng pe ae lochloch ngana nenge temes nga ich neu. Kileng Makpela tu rochroi lange Mamre.
599	GEN 24:7	Non Soke NeHalang nga tapa mene hote iau nge iri lochloch ngana nenge tetu ke elle luluch nge temek pe nga lek ich. Pe I hele ke kerkereng toto at nge iau ke teke, ‘Lape E tunge ich nei lange lem tete mur.’ Ana non lape kulosia nena angkelo ke i muka nge iong pe halaua iong ke o mene tuk nehei e nga lamau.
606	GEN 24:14	E teke o poia ke nga etue nenge e hele lange hei malolong ngana e ke e teke, ‘Kole o talsue am ech kina ke e in mukam.’ Pe nenge teke hei nem isipona nenge o henonou hote ke Isak nehei ia, lape hele ke teke, ‘O in, pe e heinia lem kamel mur pule.’ Nem lape e eteia ke o poi ke nek toto lange ak soke Apraham.”
623	GEN 24:31	Pe hele lange non neu ke teke, “Iong Non Soke pete iong nga ure urana ngana mur, o iat luluch nge iau. O mes mana nge hot lamai ke? E tatalo hele pele e lo pe lem kamel mur muria pule.”
637	GEN 24:45	“E hetalaulau manmana nga letek kura pe Repeka ure ana ech kina pe i hot at pe sio langa ech matana ke eul ech. Pe e hele lange i ke e teke, ‘E nem, o tunge ech ke e in.’