5	GEN 1:5	NeHalang hetue kileng mesehe ngana ke “etue,” pe kileng au ngana ke “miliko.” Iok miliko sio pe uach mule nga etue elle ngana.
8	GEN 1:8	NeHalang hetue kileng koana neu ke “tapa.” Iok miliko sio pe uach mule nga etue nai ngana.
13	GEN 1:13	Iok miliko sio pe uach mule nga etue mol ngana.
19	GEN 1:19	Iok miliko sio pe uach mule nga etue henel ngana.
23	GEN 1:23	Iok miliko sio pe uach mule nga etue lime ngana.
27	GEN 1:27	Ke pomalam NeHalang ume hote ita non ngana ke nakura pomange I. Ke NeHalang ume hote ita ke nakura pomange I toto; pe ume hote ita ke hehei pe hana.
31	GEN 1:31	NeHalang nau la nga ure lochloch ngana nge umeia pe esia nge urana toto. Iok miliko sio pe uach mule nga etue ratele elle ngana.
37	GEN 2:6	I manmanna ke pitte ero pe mo sio nga ich lochloch pe pach haka ke pomanga ech matana ke lome ich sana lochloch.
46	GEN 2:15	Iok Non Soke NeHalang talue non neu ke umume pe nauelele ume neu.
48	GEN 2:17	pe ae nenge lete matana ngana nga poinga nge urana pe poinga nge poreke o ngaua ero. Iange nenge teke o ngaua o mete sapele.”
49	GEN 2:18	Iok Non Soke NeHalang hele, “Non nei i toro mana tu pe poreke i. Pomalam lape e ume hote neingana e nge pomange i ke halaulaua i.”
61	GEN 3:5	“Iange NeHalang eteia ke letemo matana toto pe a pomange i pe a eteia utar nenge urana pe poreke.”
65	GEN 3:9	Pe Non Soke Nehalang iua Antam ke teke, “Antam ou! Iong ngai?”
66	GEN 3:10	Pe Antam tuacholia ke teke, “Iau koi e amneia meena ngam nga ume letena pe e talkome iange e lachlach mana?”
67	GEN 3:11	Pe NeHalang hele, “Ia itei nenge hele lange iong ke teke o lachlach? Nakuna nenge o ngaua ae ngana ngana nenge e hele lange iong ke e teke o ngaua ero iam! Ae?”
69	GEN 3:13	Pe Non Soke NeHalang onteia hei neu ke teke, “Pomerei toto nenge o poia poinga poreke ngana nei?” Pe hei neu hele lange NeHalang ke teke, “Ilimo laka channanga ia iau ke e ngaua ae ngana ngana nem.”
70	GEN 3:14	Pomalam Non Soke NeHalang hele lange ilimo neu ke teke, “Iong toro mana lape o mene melmelenga palaungana pe huros mur ero. Nga etue lochloch ngana nenge o tu nga ich, lape o amo mana nga sam pe o ngau manmana maruchrue iange o channanga ia hei nei. Pe lape o amnea melmelenga palaungana.
73	GEN 3:17	Pe NeHalang hele lange Antam, “Iong o longo taua lem hei ke o ngaua ae nganangana nenge e hetoro sue lange iong ke e teke o ngaua ero. “Ke lape o amnea melmelenga palaungana nga o tu ngam nga ich nei iange lape e poia ich nei ke poreke pe am ngaunga haka ke urana ero pe lape o puo teu tote iong nga ume laka o ngau.
80	GEN 3:24	Iok NeHalang lope hote iri pe talue angkelo solaki ngana e ke nauele ume ilina hele nenga chaia haka ngana. Pe mese chalemlem ngana e nge matana kaliu ala hetaliliu elele ana ae.
82	GEN 4:2	Iok nga hoena Eua hoho mule Kaen tina e pe hetue ke ene Apel. Pe Apel lohot ke i non nenge nauelele sipsip pe kolok mur pe Kaen i non nenge umume nga ume.
86	GEN 4:6	Pe Non Soke onteia Kaen ke teke, “Iong mam letem inin pe o iech ero ia utar?”
88	GEN 4:8	Iok nga hoena Kaen hele lange tina Apel ke teke, “Ita nai tala ke ta i rara nga ich nenge ana heilil mana!” Iok iri nai tela ke te i rara nga lamau pe Kaen ngira taua tina Apel pe hune i ke mete.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
90	GEN 4:10	Pe Non Soke NeHalang hele, “Pomere nenge o poia poinga poreke ngana nem mam?” O longo la, tim eina kou lele nga ich pe tang atat nge Iau.
96	GEN 4:16	Iok Kaen ua hot nga Non Soke matana pe la ke tu nga ich nenge ene “Irara.” Ana ich tu nga kilenge ilina hele nenga lut nga ume nenge Paratiso.
97	GEN 4:17	Iok Kaen maluluch nge nehei ke sana pe hoe tuna tamane ngana e pe hetue ke ene Enok. Pe Kaen talun ke hemes heke tuele tana e pe heto heke nge tuna Enok.
98	GEN 4:18	Pe Enok tuna laka Irat pe Irat tuna laka Mehusael pe Mehusael tuna laka Metusael pe Metusael tuna laka Lamek.
100	GEN 4:20	Pe Ata sana ke hoe tuna tamane ngana e nge ene Iapal. Pe iri nenge te mama nga pelpele pe te nauele reria sipsip mur pe kolok mur reette laka Iapal.
101	GEN 4:21	Pe Iapal tina laka Iupal. Pe iri lochloch nenge te palpal hario pe milollo pe te iuiua iu reette laka Iupal.
107	GEN 5:1	Alalaha nei te hasia ke te nana urume Antam pe nena tete mur. Nga etue nenge Ne Halang alahote hehei pe hana, umeia iri ke nakuria poma nge I sipona.
121	GEN 5:15	Pe Mahalalel tu ke ana hesinga iri ana non kina iri mol pe lime (65) pe hoe tuna Iaret.
124	GEN 5:18	Pe Iaret tu ke ana hesinga iri ana non kina lime pe ana non kina mol pe nai (162) pe hoe tuna Enok.
125	GEN 5:19	Ke het pe Iaret tu mule ke ana hesinga iri ana non kina iri ana non kina nai (800) pe hoho mule tutuna mur tatamanna pe heheina hel pule.
126	GEN 5:20	Ke Iaret tu nga ich ke ana hesinga iri ana non kina iri ana non kina nai pe ana non kina lime pe ana non kina mol pe nai (962) pe mete.
128	GEN 5:22	Ke het pe Inok tu mule ke ana hesinga iri ana non kina iri analoch pe ana non kina lime (300) pe hoho mule tutuna mur tatamanna pe heheina hel pule.
138	GEN 5:32	Pe Noah tu ke ana hesinga iri ana non kina iri ana non kina elle pe ana non kina lime (500) pe hoe tutuna mur, Sem pe Ham pe Iapet.
145	GEN 6:7	Ke pomalam Non Soke hele, “Iau e ala hote hehei pe hana nga ich pe heueu nei lape e hemelue iri ke mele e nge tu nga ich ero ol. Hehei pe hana pe ur inolo mur pe ngie mur nga tapa sana pe ure nemur nenge te amamo pule. E poia iri ke pomau pe letek meena iange e ala hote iri.”
148	GEN 6:10	Noa tutuna mur iri mol, Sem pe Ham pe Iapet.
151	GEN 6:13	Pe NeHalang hele lange Noa ke teke, “Iau letek haka ke e teke e hemete hulua lochloch iange te heloko teu tote iri nga salaunga ana poinga pe te hun helel nge iri. Oe! Lape e heporeke tote iri luluch nga ich.
155	GEN 6:17	Iange Iau lape e poi hote ech ke hot ke taua kileng lochloch ngana nga ich ke hemete hulua lochloch pe ure lochloch ngana nenge eingaria pe te maulul pe tetu nge sio nga tapa ene. Ke ure lochloch ngana nenge tetu nga ich lape te mete lochloch.
156	GEN 6:18	Pe Iau lape e poia lek tomunga hele ana helenga luluch nge iong. Pe iong lape oteu nga lem mono luluch nge lem hei pe tutum mur pe reria hehei mur pule.
161	GEN 7:1	Ol pe NeHalang hele lange Noa ke teke, “Iong pe lem hei pe tutum mur pe reria hehei mur ateu langa mono iange iong toro mana o nanasia poinga nge pengpeng nga ich nei pe hulua lochloch ngana ero.
171	GEN 7:11	Ich hanna ulala pe ech pach haka pe tapa sana ulala pe ech pasiling sio. Ure nei lohot nga etue analoch pe rahtele nai ngana nga teio nai ngana nga etue nenge Noa ana hesinga lohot ke iri ana non kina iri ana non kina elle pe ana non kina analoch (600).
173	GEN 7:13	Nga etue nem pengpeng nenge pitte hesio Noa pe nehei pe tutuna mur, Shem pe Ham pe Iapet pe reria hehei mol neu te teu langa mono letena lo.
184	GEN 7:24	Iange ech tautaua kileng ke etue iri ana non kina rahtele nai pe analoch (150).
196	GEN 8:12	Iok kulala ke etue iri rahtele nai het pe kulos hot mule chaulum neu. Pe neu ol ngie neu at mule nge i ero ol.
200	GEN 8:16	“Iok laol, iong pe lem hei pe tutum mur pe lem tete mur a lohot nga mono ol.
204	GEN 8:20	Iok laol Noa lung heke tunginga ana hatanga ke poi tunginga mur ia lange Non Soke. Pe mene huros lemlem ngana mur pe ngie lemlem ngana mur ke mak heke ke poi tunginga ia.
212	GEN 9:6	“None nenge hune mele ke mete, hana lape te hune i ke mete pule. iange Iau NeHalang pe e umeia hehei pe hana ke nakuria mange iau.
224	GEN 9:18	Noa tutuna mur nenge iri ul tetu nga mono koi nemur; Sem pe Ham pe Iapet. (Ham i Kenan temene.)
229	GEN 9:23	Ol pe Sem iri nai Iapet te mene malenga pe te rahit heke langa ekeria pe tehul rumeria pe te ruka teu langa pelpele letena. Pe te nau kel mana pe te askou hite temeria nge lachlach.
230	GEN 9:24	Iok laol Noa letena matana pe lo haka longe utar nenge tuna lomele ngana poia lange i.
233	GEN 9:27	Pe e hetalaulau ke NeHalang poia Iapet tutuna mur ke iri halang toto pe poia iri ke te kila ke nek luluch nge Sem, pe poia Kenan ke Iapet nena hekuleileinga ana non ia.”
236	GEN 10:1	Ech tau kileng ke het pe Noa tutuna nemur; Sem pe Ham pe Iapet te hoe tuturia mur ol.
237	GEN 10:2	Ipet tutuna mur laka: Koma pe Makok pe Matai Iauan pe Tubal pe Mesek pe Tiras.
239	GEN 10:4	Pe Iauan tutuna mur laka: Elisa pe Tarsis pe Saiprus mur pe Totan mur.
241	GEN 10:6	Ham tutuna mur laka: Kus pe Isip pe Put pe Kanan.
246	GEN 10:11	Iok Nimrot lo haka nga lamau pe lange Asiria pe maheke tuele tana nenge Niniue hemes haka ngana pe tuele tana nenge Rehopotir pe tuele tana nenge Kala
248	GEN 10:13	Iok Isip tutuna mur laka hana nenge Lut pe hana nenge Anam pe hana nenge Lehap pe hana nenge Naptu,
250	GEN 10:15	Iok Kenan tuna nenge tengene ana laka Saiton nenge hana nenge Saiton reette ia pe tuna e pule ene Hitae,
251	GEN 10:16	pe Iepus pe Amor pe Kirkas
255	GEN 10:20	Iok nenge nei Ham tutuna mur nga aria mata mur pe reria helenga mur pe reria ich mur pe tuele kina mur.
256	GEN 10:21	Sem tina nenge soke laka Iapet pe i hana nenge Eper reette ia.
260	GEN 10:25	Pe Eper tutuna mur iri nai: Elle ene Pelek luna laka “Chachia” iange nga etue nenge i tu hehei pe hana nga ich te chach hel ke tetu teu nga reria kaleu ramana mur. Pe ana non tina ene laka Ioktan.
261	GEN 10:26	Iok Ioktan tuna laka Almotat pe Selep pe Hasarmauet pe Iera
264	GEN 10:29	pe Opir pe Hauila pe Iopap. Iri nemur Ioktan tutuna mur ia iri.
266	GEN 10:31	Iok nenge nei Sem tutuna mur nga aria mata mur pe reria helenga mur pe reria ich mur pe tuele kina mur.
296	GEN 11:29	Pe Apram pe Nahor te lei. Ke Apram nehei laka Sarai pe Nahor nehei laka Milka nenge Haran tuna pe liuna laka Iska.
298	GEN 11:31	Iok, Tera mene tuna Apram pe nette Sarai nenge Apram nehei pe nette Lot nenge Haran tuna, pe iri lochloch te hile reria kileng huna nge Ur nge Kaltia pe te i ke te lange Kenan. Pe nga etue nenge te lohot nge Harran, te la ero ol. Te tu mana lamau ol.
300	GEN 12:1	Iok Non Soke hele lange Apram ke teke, “O hile lem kileng pe lem hana mur pe iri lochloch ngana nenge te tu luluch nge temem pe o la nga ich nenge lape e henonou iong ia.
309	GEN 12:10	Iok nga hoena uringa palaungana lohot nga ich nenge te tuia pe Apram sio ke la tu pol nge Ekipto iange uringa neu poreke toto.
310	GEN 12:11	Pe nga etue nenge te la rochroi nge Ekipto Apram hele lange ne hei Sarai ke teke, “Iau e eteia ke iong nakum urana toto.
313	GEN 12:14	Iok la ol nga etue nenge Apram la ke lohot nge Ekipto, Ekipto mur te naue Sarai nge nakuna urana toto.
319	GEN 12:20	Iok la ol ne Parao hele lange nena hana mur ke te kulos hote Apram. Pomalam te kulosia Apram pe nehei ke te la, pe te la luluch nga reria ure mur lochloch.
329	GEN 13:10	Iok la ol, Lot nau rara pe esia kileng mos ngana nge Iortan ke lange Soa. Kileng neu ana ech halang ke pomanga Non soke ana ume pe pomanga ich nenge Ekipto. (Nei nga etue nenge Non Soke heporeke tuele tana nenge Sotom pe Komora ero kura).
330	GEN 13:11	Ke Lot hesilei hote kileng mos ngana lochloch nge Iortan pe lohaka sapele ke la nga chaia haka ngana. Ke hana nai neu te chach hel sapele.
333	GEN 13:14	Iok Lot lohaka ke la lo pe Non Soke hele lange Apram ke teke, “O mes lamam pe o nau ole la nga kileng lochloch. O nau haka langa kileng ilina hele nenga lut ana pe o nau ole la nga nenge sio pe o nau ole la nga chaia haka ngana pe o nau ole la nga chaia sio ngana.
334	GEN 13:15	“Ich lochloch ngana nenge o naue nem lape e tunge lange iong pe lem tete mur ke lemo ia ol.
336	GEN 13:17	Iok o lohaka pe o i kela onau nga ich nemur nenge lape e tung lochloche lange iong.”
341	GEN 14:4	Iange ne Ketolama nauele iri ke hesinga iri analoch pe nai (12) pe nga hesinga analoch pe rahtele mol ngana (13) leteria inin pe te hunel.
347	GEN 14:10	Pe mos nenge Sitim muta ia polo mur nenge te menmene ich muna ngana ia. Ich muna ngana nem ene laka kolta. Pe nga etue nenge naunga-ala ana non nenge Sotom pe Komora teua, reria hana mur hel te losio teu nga polo nemur. Pe naunga-ala ana hana mol pe reria hana mur te ua ke te la nga sasana mur.
354	GEN 14:17	Iok Apram hekou sue ne Ketolama pe pekngana naunga-ala ana hana nemur ke het pe la mule sapele. Pe nga mule ngana, naunga-ala ana non nenge Sotom lohot ke saolia i nga mos nge Saue (Saue luna laka; Naunga-ala ana non nena mos).
356	GEN 14:19	Pe pete Apram pe hele ke teke, “NeHalang Nenga Lut Toto lape poi ke urana toto lange iong. I ala hote tapa pe ich.
357	GEN 14:20	Ta heto heke NeHalang Nenga Lut Toto I laka tung heke lem ngarang mur la nga perim.” Ol pe Apram tunge ure huna elle lange i. Ure huna elle nem lohot nge ure loloch ngana nenge Apram lolochia nga hunelinga pe hekou sue hana nemur pe takiraua ke huna iri analoch. Pe huna elle laka nenge tunge lange Melkisetek nem.
359	GEN 14:22	Pe Apram hele lange naunga-ala ana non nenge Sotom ke teke, “Iau e poia helenga kerkereng ngana e lange NeHalang Nenga Lut Toto nenge ala hote tapa pe ich ke e teke,
360	GEN 14:23	Iau lape e mene lem ute pele ero toto. Ke ute e nge sachana tuna mana ke manga malus ulina nenge o tautau tako ia pe apem ulina ana rur, nem lape e mene ero pule. Iange lape o hele ke o teke, ‘Iau iam e poia Apram ke nena urelu halang.’
362	GEN 15:1	Iok nga hoena Non Soke lohot nge Apram nga maopene ngana pe hele lange i ke teke, “Apram o matau ero. Lem kaleu koi Iau pe lape e poia iong ke pingam iuiu toto.”