34	GEN 2:3	Ke nga etue rahtele nai ngana NeHalang ume ero ol. Tu mana pe pete etue neu pe poia ke i etue nenge heo ngana.
45	GEN 2:14	Pe ech tana molngana ene Taikiris pe lele nga ich lochloch nge Asiria nga chaia haka ngana. Pe ech tana henel ngana ene Uprates.
89	GEN 4:9	Pe Non Soke onteia Kaen ke teke, “Kaen! Tim Apel ngai?” Pe Kaen hele, “E eteia i ero. Ia iau mam ak ume ma nenge e nauelele i mam?”
102	GEN 4:22	Pe Lamek nehei Sila hoe tuna tamane ngana e nge ene Tupal-Kaen, pe liuna ene laka Nama. Tupal-Kaen i non nenge ume hotot urelu kuenkuena ngana mur nga ure nenge ene bras pe aen.
106	GEN 4:26	Pe Set hoe tuna tamane ngana e pe hetue ke ene Enos. Nga etue neu hehei pe hana te talun ke te heto heke Non Soke ene ke te teke, “Ta heto heke NeHalang.”
141	GEN 6:3	Pe Non Soke hele, “Opek nenge e tunge lange hehei pe hana ke te maulul lape tu ke koko ero iange iri lape te mete. Talun heueu nei pe la, lape e tung ke hesinga iri ananon kina lime pe ananon kina elle (120) nga mele tungana nga ich nei.”
176	GEN 7:16	Ke tamane ngana e pe heina e te teu la ke pomanga NeHalang helengana ia lange i. Te teu la ke ulo pe NeHalang piu hele sapele iri.
232	GEN 9:26	Pe Noa hele pule ke teke, “Ta heto heke NeHalang Sem ana Non Soke pe poia Kenan ke Sem nena hekuleileinga ana non.
237	GEN 10:2	Ipet tutuna mur laka: Koma pe Makok pe Matai Iauan pe Tubal pe Mesek pe Tiras.
238	GEN 10:3	Pe Koma tutuna mur laka: Askenas pe Ripat pe Tokarma.
239	GEN 10:4	Pe Iauan tutuna mur laka: Elisa pe Tarsis pe Saiprus mur pe Totan mur.
242	GEN 10:7	Pe Kus tutuna mur laka: Sepa pe Hauila pe Sapta pe Rama pe Sapteka. Pe Rama tutuna mur laka: Sepa pe Tetan.
247	GEN 10:12	pe Resen. Tuele tana nenge Resen i tuele tana nenge palaungana toto pe tu nga kileng nenge Niniue pe Kala tunangaria.
262	GEN 10:27	pe Hatoram pe Usal pe Tikla
265	GEN 10:30	Tuele kina nenge iri nemur tetu ia talun nge Mesa ke lange Sephar nga hengene mur nga chaia haka ngana.
269	GEN 11:2	Te lohaka nga chaia haka ngana pe te i ke la te are nga mos nge Papilon.
273	GEN 11:6	Pe Non Soke letena tuanin ke teke, “Hana nemur iri elle pe te heleia helenga nge elle mana. Te ume ia tuele tana palaungana nem lo pe nga hoena lape te ume ia ure hel pule nga lemeria ngaria.
291	GEN 11:24	Pe Nahor ana hesinga iri ana non kina elle pe ratele henel (29) pe hoe tuna tamane ngana e pe hetue ke ene Tera.
293	GEN 11:26	Pe Tera ana hesinga iri ana non kina mol pe analoch (70) pe hoe tutuna nemur: Apram pe Nahor pe Haran.
294	GEN 11:27	Nananga Nenge Tera Nena Tete Mur. Tera tutuna mur laka Apram pe Nahor pe Haran, pe Haran tuna laka Lot.
298	GEN 11:31	Iok, Tera mene tuna Apram pe nette Sarai nenge Apram nehei pe nette Lot nenge Haran tuna, pe iri lochloch te hile reria kileng huna nge Ur nge Kaltia pe te i ke te lange Kenan. Pe nga etue nenge te lohot nge Harran, te la ero ol. Te tu mana lamau ol.
299	GEN 11:32	Pe Tera tu nga ich ke ana hesinga iri ana non kina iri analoch pe lime (205) pe mete nge Harran.
332	GEN 13:13	Pe hehei pe hana nenge Sotom te poreke toto. Te popoia poinga nenge poreke toto nga Non Soke matana.
338	GEN 14:1	Hana nemur iri naunga-ala ana hana mur; Ne Amrapel nauele kileng Papilon pe ne Arioch nauele kileng Elasa pe ne Ketolama nauele kileng Elam pe ne Tital nauele kileng Koim.
344	GEN 14:7	Ke het pe te mule ke te lange En Mispat (nge Kates) pe te hekou sue tuele kina mur nenge Amelek pe Amor nenge te tutu nge Haseson Tamar.
346	GEN 14:9	Ke naunga-ala ana hana henel te pal hel luluch nge naunga-ala ana hana lime. Te pal hel luluch nge ne Ketolama nenge i naunga-ala ana non nge Elam pe ne Tital nenge i naunga-ala ana non nenge Koim pe ne Amrapel nenge i naunga-ala ana non nenge Sina pe ne Arioch nenge i naunga-ala ana non nenge Elasar.
351	GEN 14:14	Nga etue nenge Apram longe nge te laua tina tuna, heukiraua nena hana kerkereng ngana mur nge iri ana non kina analoch pe ana non kina lime pe analoch pe rahtele mol (318). Hana nemur iri ul ke te tutu nike. Te la pe te hekumia naunga-ala ana hana nemur ke la het nga tuele tana nenge Tan.
352	GEN 14:15	Pe nga miliko Apram chachia nena hana mur ke te pal hel pe te hekou sue naunga-ala nemur reria hana mur pe te lope iri ke ramaria lange Hopa nga kileng Tamaskus ilina hele nenga lut.
355	GEN 14:18	Pe Melkisetek i naunga-ala ana non nga kileng nenge Salem. Ana non mene hote beret pe uain. Pe i NeHalang Nenga Lut Toto nena tunginga ana non ia.
356	GEN 14:19	Pe pete Apram pe hele ke teke, “NeHalang Nenga Lut Toto lape poi ke urana toto lange iong. I ala hote tapa pe ich.
357	GEN 14:20	Ta heto heke NeHalang Nenga Lut Toto I laka tung heke lem ngarang mur la nga perim.” Ol pe Apram tunge ure huna elle lange i. Ure huna elle nem lohot nge ure loloch ngana nenge Apram lolochia nga hunelinga pe hekou sue hana nemur pe takiraua ke huna iri analoch. Pe huna elle laka nenge tunge lange Melkisetek nem.
359	GEN 14:22	Pe Apram hele lange naunga-ala ana non nenge Sotom ke teke, “Iau e poia helenga kerkereng ngana e lange NeHalang Nenga Lut Toto nenge ala hote tapa pe ich ke e teke,
363	GEN 15:2	Pe Apram tuacholia ke teke, “Non Soke NeHalang lape o tunge utar nge iau? Iau tuk e ero koi nenge lape mene lek urelu mur. Pe mele nenge lape mene ngana kou Eliese nenge Tamaskus.”
365	GEN 15:4	Pe Non Soke hele lange i, “Non nem lape mene lem urelu mur ero. Tum tamane ngana e nge lohot nga iong sipom eim lape mene lem urelu mur.”
377	GEN 15:16	Pe lem tete mur lape te at mule nga ich nei ero mukam. Te amala ke hesinga iri ana non kina iri ana non kina elle (400) het mukam. Pe nem purpure hana henel tetu ngaria nga ich nei. Ke het ol laka lem tete mur te at mule nga ich nei ol. Nem nga etue nenge e heneue Amor mur pe e lope hote iri nga ich nei nga reria poinga poreke ngana mur. Pe heueu nei reria poinga poreke ngana muta haka ke nek ero kura.”
379	GEN 15:18	Ke nga etue neu Non Soke poia tomunga hel ana helenga luluch nge Apram ke teke, “Lape e tunge ich nei lange lem tete mur. Talun nge Ekipto pe mene ke la nga ech tana palaungana nenge Uprates.
399	GEN 17:1	Nga etue nenge Apram ana hesinga iri ana non kina henel pe analoch pe rahtele henel (99) Non Soke lohot nge i pe hele ke teke, “Iau NeHalang Nenge Kerkereng Toto. O nanas mene poinga nge pengpeng pe o poia poinga poreke ngana e nga matak ero toto.
408	GEN 17:10	Tomunga hel ana helenga nenge e poia nei, e poia lange iong pe lange lem tete mur nge he pule. Pe a rahite ke kerkereng: Iri lochloch ngana nenge iri tatamanna te rir us.
459	GEN 19:1	Angkelo nai nenge te hilesue NeHalang iri nai Apraham, tela ke te sauhot nge Sotom nga ulei. Te sauhot pe Lot kilkila nga tuele tana neu ana kue matana. Nga etue nenge Lot naue iri lohaka ke la taua iri pe tualou sio pe tatuch sio la nga ich.
467	GEN 19:9	Pe Sotom mur te tuacholia ke te teke, “Ah! O poi hele imem ero. Iong ngie koke iong ke o at pe lem nga lamai ero. Pomerei nenge o mil teu at nga lemem poinga mur? Heueu lape mo heporeke tote iong nge iri.” Te echia Lot pe te puo teua iri la nga piunga ke te teke te palchach sue.
475	GEN 19:17	Te mene hote iri lange hot ke ulo pe elle nge iri hele, “A song ke a eleis maul ngamo pe a ralele mule ero! Pe a mes ke a tah eingamo nga kileng unne nga mos nei ero! A song ke a la toto nga hengene mur iange lape a mete heueu!”
478	GEN 19:20	A nau la tuele tana sune kou tu neu. Tuele tana neu tuna mana pe tu rochroi pol. Ke nenge teke a longele iau, toinge e song ke e eleis maul ngak ke ela la kou.”
480	GEN 19:22	Pe o song la lamau ke ueiei mana. Iau lape e poia ute e ke lohot ero mukam pe nga etue nenge o la ke o lohot lamau lape e poia ke lohot ol.” (Tuele tana neu tuna mana ke ngana laka nenge te hetue ene Soa.)
495	GEN 19:37	Tuna nenge tengene ana hoe tuna tamane ngana e pe hetue ke ene Moap. Ke Moap nemur nenge tetu heueu nei reette laka i.
524	GEN 21:10	Ol pe hele lange Apraham ke teke, “O kulosia lek hekuleileinga ana hei nei pe tuna pele pa neu ke te la toto nga kileng unne. Iange lemek ero nge hei nem tuna mene lem ute e. Tuk Isak i toro mana lape mene lem ure lochloch.”
528	GEN 21:14	Iok nga uach uruna toto Apraham memete pe mene ngaunga pe ech kina nenge te ume hote nga huros ulina pe tunge lange Heka. Pe tal heke nga hei neu palpanna pe kulosia iri nai tuna ke te la. Te i ke tela pe te i rara pulut mana nga ich sana lomona nge Pesepa.
547	GEN 21:33	Pe Apraham tue ae tamaris nge Pesepa pe heto heke Non Soke NeHalang Nenge Tu Ke Koko ene nga lamau.
555	GEN 22:7	Pe Isak hele haka pe onteia temene Apraham ke teke, “Temek!” Pe Apraham tuacholia, “Oe, kolek o hele.” Pe Isak hele ke teke, “Ae mur pe oan koloi - pe sipsip nenge ta mak ke tunginga ia, ngana ngai?”
568	GEN 22:20	Iok etue hel nga hoena Apraham longe nge te teke, “Tim Nahor pe ne hei Milkah te hoe tuturia mur rahtele mol nge iri tatamanna.
572	GEN 22:24	Pe Nahor nehei e pule ene Reuma pe tutuna mur henel: Tepa pe Kaham pe Tahas pe Maaka.
619	GEN 24:27	ke teke, “Ta heto heke ak soke Apraham ana Non Soke NeHalang. I rahite nena helenga kerkereng ngana nenge poia lange ak soke pe sau sue ero. Pe nga lek inga nei Non soke poia iau ke e la pengpeng nge ak soke alona mur.”
654	GEN 24:62	Te i ke te la mulmule nge Kenan pe Isak lohaka nga ech matana nenge Pia Lahai Roi ke la tu nge Nekep.
662	GEN 25:3	Pe Ioksan tuna laka Sepa iri nai Tetan. Pe Tetan nena tete mur laka Ashur mur pe Letus mur pe Leum mur.
673	GEN 25:14	Misma ke het pe Tuma ke het pe Massa ke het pe
674	GEN 25:15	Hatat ke het pe Tema ke het pe Ietur ke het pe Napis ke het pe Ketema.
682	GEN 25:23	Pe Non Soke hele lange hei neu ke teke, “Hehei pe hana nga tuele tana nai, reria tete mur laka tetu nga letem. Tutum mur nai nenga letem nem, lape te chach hel nga etue nenge iri papalaungana; Elle lape kerkereng toto nge e, pe nenge soke lape ume mule nge nenge kino.”
691	GEN 25:32	Pe Esau hele, “Hei! O nau at e metmete loi. Teepe nem mam lape tunge utar nge urana at nge iau?”
693	GEN 25:34	Ol pe Iakop tunge beret pe ngaunga eina lange Esau ke ngau pe in ke het pe lohaka ke la sapele. Teepe nenge Esau ure nem i ure palaungana ia pe Esau naue ke pomanga ute e nge kino mana.
729	GEN 27:1	Iok, Isak matana hit pe naue ute e ero ol iange tuauna toto lo. Pe nga etue ene hekulo tuna Esau ana. Esau i tuna nenge tengene ana. Pe hele lange i ke teke, “Tuk.” Pe Esau tuacholia ke teke, “Ou! Iau koi.”
746	GEN 27:18	Pe Iakop laia nge temene pe hele, “Temek.” Pe temene hele, “Kolek, Utar. Iong itei malam?”
759	GEN 27:31	I pule tune ngaunga hel nge poia ke inangana heech pe mene at nge temene. Pe hele lange temene ke teke, “Temek o are haka ke o ngaua am huros nenge e hune, ke het pe o pete iau ol.”
762	GEN 27:34	Nga etue nenge Esau longe temene nge hele ke mau, tul heke tanginga pe tang ke soke toto. Pe hele lange temene ke teke, “Temek o pete iau pe o hele ia lem petanga ana helenga mur at nge iau pule!”
763	GEN 27:35	Pe temene hele ke teke, “Tim at pe channanga ia iau ke lem petanga pau kou e tunge lange i pam lo.”
764	GEN 27:36	Ol pe Esau hele lange temene ke teke, “Kol nem ene nenge Iakop nem pete tote i iange pallaka hali. I pallaka ia iau ke henai ngana koi. Nga tele ngnana mene mullik ke teke i palaungana pe heueu nei mene tote lek petanga!” Pe Esau onteia temene ke teke, “Temek pomere? Lek petanga e kau kura nge lape o tunge at nge iau?”
766	GEN 27:38	Pe Esau hele lange temene ke teke, “Temek, nenge teke lem petanga elle tu kura o pete iau pule!” Pe Esau tang ke soke toto mule.
776	GEN 28:2	Heueu mana nei o lohaka pe o lange lem te ne Petuel. Tam temene la ka ne Petuel pe i kou tu nga kileng nenge Patan-Aram nga ich nenge Mesapotamia nga kileng ilinha hele nenga lut. Pe lem achung Lapan tutuna heheina mur halang. O naue e pe o mene i ke lem hei ia.
777	GEN 28:3	Pe e hetalaulau ke NeHalang Nenge Na Kerkerenga Palaungana Toto poi ke urana lange iong pe poia tutum mur ke iri hulua toto. Pe lape o lohot ke hulua nga ich temeria iong.
837	GEN 30:6	Ol pe Retsel hele ke teke, “NeHalang milteu at nge iau nga poinga nenge e poia nei pe longala ke tunge tuk tamane ngana e.” Pomalam Retsel hetue tuna neu ke ene laka Tan.
852	GEN 30:21	Iok nga hoena Lia hoe tuna heingana e pe hetue ke ene Taina.
889	GEN 31:15	iange i naue imem ke pomanga hehei lomonmona ngana mur lo. Tunge imem lange iong pe hesil sio mene urumem nenge o nges imem ia ke het.
901	GEN 31:27	Pomerei nenge o channanga ia iau pe o lel kome mana ak? Toinge o hele toto at nge iau lape e poia lem kilanga unne pe lek hana mur ke te ole hote kema pe hario ke te peu ele iong mukam. Ke het pe e kolosia iong ke ola ol.
909	GEN 31:35	Pe Retsel hele lange temene ke teke, “Temek, letem inin taua iau ero. Iau lape e mes haka ero iange e poi imem hehei.” Ke Lapan tango rara pe hottaua ae tapuna nemur ero.
928	GEN 31:54	Pe hune huros e ke poi tunginga ia nga hengene neu, pe hepal nge alona mur ke te ngau luluch nge i. Te ngau ke het pe te tuia miliko neu nga lamau.
930	GEN 32:2	Pe Iakop pule iri ul nena hana mur te lohaka pe te i ke tela. Te i ke tela pe NeHalang nena hekulkulonga hel te lohot nge i nga kue.
946	GEN 32:18	Pe Iakop hele lange hekuleileinga ana non nenge nauele huros ana tuluk nenga muka ke teke, “Tik Esau lape sahol tele iong pe lape onteia iong ke teke, ‘Non tei nena non iong pe ramam la ke merechrei? Pe itei nenge nena huros nemur nenge iri mukmuka nge iong?’
952	GEN 32:24	Te lotele ke tela nga hele ke het pe Iakop lotele la mule ke kulos tele nena ume ana hana mur nga nena ure mur pule.
953	GEN 32:25	Pe Iakop i toro mana tu ol pe non e lohot taua i pe iri nai te pal hel. Te pal helel nga miliko neu ke la kileng matale sio.
955	GEN 32:27	Te pal helel pe non neu hele lala nge Iakop ke teke, “O hal taua iau ol iange kileng uach sio lo.” Pe Iakop tuacholia ke teke, “O pete iau mukam laka e hal taua iong ke o la.”
961	GEN 32:33	Te hehel sose Iakop aepona nenga ipuna tuatom ngana mesohe hot. Pomalam atat ke heueu nei kura, Israel mur te ngaua huros mirana nenga ipuna tuatom ngana ero.
982	GEN 34:1	Taina temene laka Iakop pe tana laka he Lia. Ana hei i hot ke teke la ke nau tote hehei mur nga kileng neu.
983	GEN 34:2	Pe non Hiuaet e nge nauele ich neu, ene laka Hamor pe tuna ene laka Sekem. Sekem esia Taina pe mene i ke lau sue i.
984	GEN 34:3	Sekem mutena tau tote Taina pe poia helenga urana ngana mur ke teke Taina mutena taua i pule.
986	GEN 34:5	Nga etue nenge Iakop longe Sekem nge poi poreke tuna Taina, poia helenga e ero. Kulele tutuna tatamanna mur ke te at mule nga pele mukam. Iri kou te nauelele reria ume nenge te nauelele reria huros mur kura.
990	GEN 34:9	Ta ngata hel ke imem mo leia lemo heheina mur pe imo a leia lemem heheina mur.
992	GEN 34:11	Ol pe Sekem hele lange Taina temene pe liliuna mur ke teke, “E teke letemo urana mule nge iau pe nenge teke a onteia iau nga utar, lape e tunge lange imo.
1006	GEN 34:25	Iok etue mol nga hoena, hana lochloch ngana te maia aria melmelenga kura. Pe Iakop tutuna mur, Simion pe Liuai te mene reria kakop sasase ngana mur pe te lelkome teu mana nga tuele tana neu pe te hune hana lochloch. Hana nai Taina liliuna mur ia iri.
1007	GEN 34:26	Pe te hune Hamor pe tuna Sekem pule nga reria kakop sasase ngana pe te mene hote Taina nga Sekem nena pele pe te ua ke te la mule nga reria te tu ngaria.
1018	GEN 35:6	Iok, Iakop pe hana pe hehei nenge te i luluch nge i neu, te i ke la te lohot nga tuele tana nenge Lus nga ich nenge Kanan. (Tuele tana nenge Lus, heueu nei te hetue ke ene laka tuele tana nenge Petel).
1020	GEN 35:8	Pe Tipora nenge nauelele Repeka nga i kino ngana, mete nga lamau pe te alohite i nga ae ouk e ene rochroi langa kileng nenge Petel. Ana ae mes nga kileng Petel ilina hele nenge sio. Pe te hetetue ae neu ke ene Alon-Pakut. Luna laka; ae Ouk nenge tanginga ana.
1023	GEN 35:11	Pe NeHalang hele lange i ke teke, “Iau NeHalang Nenge Lek Kerkerenga Palaungana Toto. Lape e poia lemtete mur ke te lohot ke iri halang toto pe te are nga tuele kina lochloch. Pe lem tete nemur hel lape te lohot ke iri naunga-ala ana hana mur.
1028	GEN 35:16	Iok, Iakop pe nena hana mur te lohaka nga kileng nenge Petel pe te i ke ramaria la nga kileng e nge ene Eprata. Te i ke te lala kura pe Retsel ana etue at sapele nenge lape hoho.
1037	GEN 35:25	Pe Retsel nena hekuleileinga ana hei nenge ene Pilah tutuna mur laka: Tan pe Naptali.