16	GEN 1:16	Pe NeHalang ume ke lemenge papalauna nai. Umeia chaia nenge tualeme ke palaungana toto nga sinanga pe teio nenge tualeme mana nga miliko. Pe umeia itoch mur pule.
24	GEN 1:24	Pe NeHalang hele, “Ure maulul ngana mur te lohot nga ich nga aria mata kuenkuena ngana mur. Pe huros marana ngana mur pe ure nemur nenge te sere olole nga ich pe huros inolo ngana mur te lohot pule nga aria mata mur.” Pe la ure nemur te lohot ke pomau.
45	GEN 2:14	Pe ech tana molngana ene Taikiris pe lele nga ich lochloch nge Asiria nga chaia haka ngana. Pe ech tana henel ngana ene Uprates.
54	GEN 2:23	Pe Antam hele, “Ute nem nakuna mange iau iam. Pe lape e hetue i ke ‘hei’ iange i lohot nga kik pe nga mirak.”
171	GEN 7:11	Ich hanna ulala pe ech pach haka pe tapa sana ulala pe ech pasiling sio. Ure nei lohot nga etue analoch pe rahtele nai ngana nga teio nai ngana nga etue nenge Noa ana hesinga lohot ke iri ana non kina iri ana non kina elle pe ana non kina analoch (600).
175	GEN 7:15	Ure lochloch ngana nenge te maulul iri nachnai teteu langa mono nge Noa.
181	GEN 7:21	Pe ure lochloch ngana nenge tetu ke te maulul nga ich te mete lochloch. Ure nenge pomanga ngie mur pe kolok mur pe huros inolo ngana mur pe ure nenge te amamo nga ich pe hehei pe hana lochloch.
208	GEN 9:2	Huros mur nga ich pe ngie mur pe ruo mur lape te mataua imo pe a nauele iri. Ure nemur e tunge lange imo ke amo ngaunga ia. Huros mur pe ngie mur pe ruo mur nga ruach pe ure lochloch ngana nenge te amo rarara nga ich.
218	GEN 9:12	Pe NeHalang hele, “E tal hote pitte usina nga tapa sana ke heilangia tomunga hel ana helenga nenge e poia lange iong pe ure lochloch ngana nenge te maulul nga ich. Ure nem lape helete metene iong nga nenge lape e tal hite helenga manmanna ngana nem ke koko.
231	GEN 9:25	Pe hele ke teke, “Ure meena lape lohot nge Ham tuna Kanan! Lape lohot ke i hekuleileinga ana non nenge pingana iuiu ero pe umume manmana nge titina mur.”
258	GEN 10:23	Pe Aram tutuna mur laka: Us pe Hul pe Keta pe Mas.
262	GEN 10:27	pe Hatoram pe Usal pe Tikla
295	GEN 11:28	Pe Haran mete nga nena kileng huna nge Ur nge Kaltia, nga ich nenge tana hoe i ia. Nga etue nenge mete, temene tu ke maulul kura.
298	GEN 11:31	Iok, Tera mene tuna Apram pe nette Sarai nenge Apram nehei pe nette Lot nenge Haran tuna, pe iri lochloch te hile reria kileng huna nge Ur nge Kaltia pe te i ke te lange Kenan. Pe nga etue nenge te lohot nge Harran, te la ero ol. Te tu mana lamau ol.
312	GEN 12:13	Urana nge o hele lange iri ke o teke lium koi iau. Pomalam lape te poi ke urana at nge iau. Ke nge iong mana lape e tu ke e maulul.”
357	GEN 14:20	Ta heto heke NeHalang Nenga Lut Toto I laka tung heke lem ngarang mur la nga perim.” Ol pe Apram tunge ure huna elle lange i. Ure huna elle nem lohot nge ure loloch ngana nenge Apram lolochia nga hunelinga pe hekou sue hana nemur pe takiraua ke huna iri analoch. Pe huna elle laka nenge tunge lange Melkisetek nem.
368	GEN 15:7	Pe Non Soke hele pule ke teke, “Iau Non Soke nenge mene hote iong nga lem kileng huna nge Ur nge Kaltia pe e tunge ich nei lange iong ke lem ia ol.”
379	GEN 15:18	Ke nga etue neu Non Soke poia tomunga hel ana helenga luluch nge Apram ke teke, “Lape e tunge ich nei lange lem tete mur. Talun nge Ekipto pe mene ke la nga ech tana palaungana nenge Uprates.
430	GEN 18:5	Pe e la ke e mene ngaunga unne ke a ngau ke kikimo mukam. Ol laka ai mule ia lemo inga ke ala ol. Iange imo a lohot nge iau lo ke pomalam e teke e halaua imo.” Pe hana neu tuacholia ke te teke, “Urana toto, o poia ke pomanga o hele ngam.”
442	GEN 18:17	Pe Non Soke letena tuanin nge isipona ke teke, “Urana nge e hele hote utar nenge e teke e popoia lange Apraham.
472	GEN 19:14	Iok la ol, Lot la ke hele lange uene mur. Hana nai neu te teke te lechleia Lot tutuna heheina mur. Pe hele lange iri ke teke, “Ueiuei mana pe a ua hot nga lamai iange Non Soke lape hengau lulu heke tuele tana nei!” Pe uene nemur te teke ma songlelele reria.
473	GEN 19:15	Iok uach sio lo pe angkelo nemur te heueiuei ia Lot ke te teke, “Ueiuei mana! O mene lem hei pe tutum mur heheina nai nei pe a ua hot nga kileng nei iange lape a mete luluch nge hehei pe hana nga kileng ngaulala ngana heueu.”
569	GEN 22:21	Ke tuna tengene ana ene laka Us pe tina e ene Pus. Pe tiria e pule ene Kemuel (nenge Aram temene).
588	GEN 23:16	Apraham ngata nga Epron nena helenga pe sisala hot ke umtutuna iri ana non kina iri ana non kina elle (400) ke pomanga Epron heto ngana pe tunge lange i. Umtutuna ana hana mur te olol ich nga umtutuna nenge pomau pule.
642	GEN 24:50	Pe Lapan iri nai Petuel te tuacholia ke te teke, “Ure lochloch ngana nenge o hele ia nem at nge Non Soke pe lape mo hele ke merei?
689	GEN 25:30	Pe hele lange Iakop ke teke, “Ueiuei, o tunge ngaunga remenmen ngana unne at ke e ngaua! E makuk toto lo i.” Ke ngana laka nenge te hetue i ke ene Etom.
746	GEN 27:18	Pe Iakop laia nge temene pe hele, “Temek.” Pe temene hele, “Kolek, Utar. Iong itei malam?”
765	GEN 27:37	Pe Isak tuacholia ke teke, “Ero ol iange e poia i ke i soke nge iong lo. Pe e poia alona mur lochloch ke te ume mule nge i. Pe e hele ke e teke i lape ana uit pe uaen halang toto. Ke kolek, lape e poia iong ke mere mam ol? Ute e nge lape e tung lange iong ero ol i.”
796	GEN 28:22	Um nenge e hemesia nei heilangia ke lem pele koi tu lamai. Pe ure lochloch ngana nenge o tunge nge iau lape e takiraua ke huna iri analoch. Pe huna elle lape e tung mule lange Iong.”
882	GEN 31:8	Nga tele ngana Lapan hele ke teke, ‘Urum laka meme nenge singiria tuatuntun.’ Pe meme nemur te hoe tuturia mur nenge singiria tuatuntun lochloch. Pe nga hoena hele ke teke, ‘Urum laka meme nemur nenge singiria lihoho.’ Pe meme nemur te hoe tuturia mur nenge singiria lihio lochloch.
895	GEN 31:21	Ol pe lohaka kome mana luluch nga nena ure mur lochloch. I ke la lotele nga ech tana nenge Uprates pe i ke ramana la nga hengene mur nga kileng nenge Kileat.
926	GEN 31:52	Um tana nenge mes nei pe um huna nei te helete metene ita ke, iau lape e lotele ke la e pal nge iong ero. Pe iong pule o lotele ke at o pal nge iau ero.
976	GEN 33:15	Ol pe Esau hele teke, “Pomalam, lape e henonou hote lek hana hel te tu luluch nge imo pe imo ul ke a at nga hoena ol.” Pe Iakop tuacholia ke teke, “Urana, pe lemek ero poinga nem. Iange e teke e etei tote ke ak soke letena urana mule nge iau lo.”
993	GEN 34:12	A heto hote ure urana ngana mur nenge a teke e tunge lange imo pe a talue uru nga hei nei ana ngesinga. Umtutuna ia nenge talue, iau lape te tunge lange imo pe a tunge hei nem at ke lek hei ia.”
1069	GEN 36:28	Pe Tisan tutuna nemur nenge tatamanna eria mur koi nei: Us pe Aran.
1078	GEN 36:37	Pe nga etue nenge Samla mete, Saul nenge nena nge Reopot mene munna ke i naunga-ala ana non. Kileng Reopot tu rochroi nga ech tana palaungana nenge Uprates.
1185	GEN 40:12	Pe Iosep hele lange i ke teke, O maopem ngam nem luna mai koi, “Uain penna mol nem heilangia etue iri mol.
1201	GEN 41:5	Iok mamani mule pe maopene henai ngana ke mai: Uit nganangana iri rahtele nai nge te lum toto pe nakuria urana, te heon nga uit tana elle.
1204	GEN 41:8	Uach sio ol pe Parao letena meena toto. Ol pe hekulo hana nenge te popoi ure paluna pe nenge leteria matana toto nge Ekipto aria ke te lange i, pe heleia maopene ngana neu lange iri. Pe e nge iri henin hote luna lange i ero.
1250	GEN 41:54	pe hesinga rahtele nai nenge uringa ana lohot sapele ke pomanga Iosep hele ngana. Uringa lohot nga tuele tana mur hel pe nga kileng lochloch ngana nge Ekipto ngaunga halang kura.
1274	GEN 42:21	Ol pe te hele, “Manmanna toto. Ure meena ngana nei lohot nge ita iange ta poi poreke tira. Ta esia i nge tang atat nge ita ke teke ta halaua i pe ero. Ta longo lange i ero.”
1314	GEN 43:23	Ol pe non neu hele, “Ute pele ero pe a matau ero. Tememo ana Non Soke NeHalang laka tal teu mule umtutuna nemur nga lemo kole mur. Pe umtutuna nenge a ol ngaunga ia e mene iri lo.” Non neu hele ke mau ke het pe la ke mene hote Simion lange iri.
1335	GEN 44:10	Pe non neu hele, “Urana nga lem helenga nem. Pe itei nenge e hottaua nge mene eulinga nem, i mana lape lohot ke lek hekuleileinga ana non ia pe imo lochloch ngana ero.”
1336	GEN 44:11	Ueiuei mana pe iri elle pe elle te tal sue reria kole mur nga ich pe te ulele iri.
1365	GEN 45:6	Uringa palaungana lohot nga ich nei pe tu ke ana hesinga nai la ke ulolo. Pe hesinga iri lime te maloch kura. Pe hehei pe hana lape te tua ngaunga ero pe te lulu ngaunga ero pule.
1408	GEN 46:21	Pe Pensamin tutuna mur laka: Pela pe Peker pe Aspel pe Kera pe Naman pe Ehi pe Ros pe Mupim pe Upim pe At.
1434	GEN 47:13	Uringa palaungana nem lohot ke poreke toto nga ich lochloch ngana pe heporeke tote ich nenge Ekipto pe ich nenge Kenan pule.
1440	GEN 47:19	Lape mo mete pe mo hile sio mene lemem ich mur heueu i. O olia imem pe lemem ich mur pule nga ngaunga mana. Urana nge mo lohot ke ne Paraoh nena hekuleileinga ana hana mur imem pe mene lemem ich mur pule. Pe o tung emem ngaunga ke mo maul pe mo mete sio mana ero. Iange lape mo hile sio mene lemem ich mur ke tetu loulou mana heueu.”
1500	GEN 49:26	Iau temem iau pe e hele talue ure urana ngana mur nenge lape te lohot nge iong. Ure urana ngana nemur iri halang toto ke salala hite hengene papalaungana mur pe te hele haka toto nga nenge lek tete mur te mene nge nike. Ke Iosep, ure lochloch ngana nei lape te lohot nge iong. Iong non nenge o lohot ke iong soke toto nge titim mur.
23219	MAT 1:6	Pe Naungaala ana non soke ne Teuit temene Iese. Iok, Solomon temene laka ne Teuit pe tana laka ne Uraia nehei.
23221	MAT 1:8	Pe Iehosapat temene ne Asa pe Iehoram temene ne Iehosapat. Pe Usae temene ne Iehoram.
23222	MAT 1:9	Iok, Iotam temene ne Usae pe Ahas temene ne Iotam. Pe Hesakie temene ne Ahas.
23235	MAT 1:22	Ure lochloch ngana nei lohot ke pete tote ure nemur nenge Non Soke hele hote nga hetatalonga hanna lo nenge hele ke teke,
23298	MAT 4:20	Ueiuei mana iri nai te hile sue aria hoat pe tela ke te nanasia Iesus.
23333	MAT 5:30	Iok, nenge teke perim nenga pen tamalmal poia iong ke o losio nga poinga poreke ngana o chato hote pe o saua ke lasus. Urana toto nge o hile hote singim unne ke lasus. Pe nenge teke ero lape tesau sue singim lochloch ke langa oan ngingina ngana.
23335	MAT 5:32	Pe e hele lange imo pengpeng mele nenge hile nehei lape poia hei nem ke la pingana hota mule nge none. Pe hei neu poi ke mau iange ure huna nge iong non nenge o hile i nem. Ke iong non nem o eteia ke iong sipom o heporeke amo leinga. Ure huna nenge o teke o hile lem hei ngana koi nei; Nenge teke lem hei ma luluch nge none ke pingaria hota o hile sapele i. Pe non nenge lei heke mule hei nem lape amneia ke poreke toto iange nanas ia hotonga nenga leinga ero.
23384	MAT 6:33	Ure nenge toi nge lememo tau tele ngana laka NeHalang nena naualanga pe nekinga pe pule nena poinga nenge pengpeng toto. Ol pe NeHalang lape tunge ure lochloch ngana nemur lange imo.
23417	MAT 8:3	Ol pe Iesus tul hot sapele penna pe la tal heke nge non neu pe hele, “Oe iau lemek. Singim lemlem mule ol.” Ueiuei mana pe haleles poreke ngana neu het sio sapele nga non neu singina. Haleles poreke ngana neu ngau hohoa singira.
23427	MAT 8:13	Ol pe Iesus hele lange palinga hel ana hana mur aria soke neu, “O laol, Ure nem lape lohot ke pomanga letem manmanna ngana nenge o teke lape lohot ke pomam. Ol pe nena non nenge singina haleles neu, singina urana mule nga etue neu pengpeng.”
23482	MAT 9:34	Pe Paresio mur te hele, “Uneinei mur aria soke laka hekerkereng ia i ke helope hotote uneinei mur.”
23512	MAT 10:26	“Pe a mataua iri ero. Ure lochloch ngana nenge talkomkome lape lohot nga mallaha. Pe ure lochloch ngana nenge te hele komkome lape lohot ke hulua te eteia pule.
23513	MAT 10:27	Utar nenge e heleia lange iong nga kileng au ngana, o hele hote nga sinanga. Pe utar nenge e mangun ia langa talngam, o mes haka ia nga pele ona pe o haliu hote.
23529	MAT 11:1	Iok, Iesus hetoro hite nena hana analoch pe nai neu ke het, pe lohaka sapele ke langa kileng nemur nge Kalelea. Pe nga lamau Iesus hetottore hehei pe hana pe haliu hote Helenga Urana Toto Ngana.
23533	MAT 11:5	Iri nenge mataria hit tenau mule lo pe iri nenge aperia mete te i mulmule lo. Pe iri nenge haleles poreke ngana tu nga singiria, singiria urana mule lo. Pe iri nenge talngaria hit te longo mulmule lo pe iri nenge te mete te maul haka mule lo. Pe iri nenge reria ure halang ero, te longlonge NeHalang na Helenga Urana Toto Ngana.
23559	MAT 12:1	Iok laol, nga Sapat ana etue, Iesus pe nena hana mur te i teu nga ume e letena. Ume neu tetue ana uit mur mana. Ol pe Iesus nena hana mur te mete aria pe te sohe uit nganangana hel ke te ngaua.
23570	MAT 12:12	Iok, anau langa ure nai nei, sipsip mur pe ita non. Tei nge iri nai nge NeHalang esia ke ure palaungana toto nga matana? Ure nenge palaugnana toto nga NeHalang matana, ngana koi ita non. Ke pomalam, i pengpeng nge ta halaua mele nga Sapat ana etue.”
23582	MAT 12:24	Pe Paresio mur te longe pe te hele, “Ero iam! Uneinei mur aria soke Pelsipul laka hekerkereng ia non nem ke helope hotote uneinei mur.”
23627	MAT 13:19	Ngaunga alona nenge losio hot langa alingele nem, pomalaka nga mele nenge longe Helenga Urana Toto Ngana nga NeHalang nena naualanga pe nekinga pe eteia luna ke nek ero. Pe non poreke ngana at ke ua toto mule ia helenga nem nenge tu nga mele nem letena. Ke ngaunga alona nenge losio hot nga kue nem luna la nem.
23630	MAT 13:22	Pe ngaunga alona nenge te losio teu nga kiki letentena, pomalaka nga mele nenge longe Helenga Urana Toto Ngana lo, pe letena tu ke kerkereng toto nga ure lochloch ngana nenga ich. Nga nenge teke na umtutuna halang toto pe ure. Pe Helenga Urana Toto Ngana nem, haka pe nganangana ero iange ure nemur te poi hele mene.
23631	MAT 13:23	Pe ngaunga alona nenge te losio haka nga ich nge urana, pomalaka nga mele nenge longe Helenga Urana Toto Ngana nem, pe eteia luna ke nek toto. Ke nganangana mur iri ana non kina iri lime (100), pe hel ana non kina mol (60) pe hel ana non kina elle pe analoch (30).”
23642	MAT 13:34	Iesus heleia ure lochloch ngana lange hehei pe hana nga helenga opene mur mana. Utar nenge heleia, heleia nga helenga opene mana.
23719	MAT 15:17	Ure nenge a tal teua nga halimo, la sapele kela manga letemo. Ke het pe lohot mule nga letemo ke lasus.
23774	MAT 17:5	Petrus helele kura pe ulu lohot ke poi hite iri. Ulu neu hussu toto pe helenga e lohot nga ulu neu ke teke, “Tuk toto koi nei, nenge mutek tau tote pe e iech toto nge I. A longo taua I!”
23793	MAT 17:24	Iok, Iesus iri ul nena hana mur tela te lohot nge Kapernam pe hana nenge te lololoch umtutuna tela nge Petrus pe te onteia i ke te teke, “Amo hetoronga nem mam sausau umtutuna pule ma? Umtutuna nenge lala nga NeHalang na pele palaungana?”
23804	MAT 18:8	Nenge teke perim ma apem, te poia iong ke o losio nga poinga poreke ngana, o chato hote iri pe o saua ke te lasus. Urana nge singim unne lasus nike. Pomalam lape o mene maulinga ke koko. Iange nenge teke apem nai pe perim nai ape ke tetu, lape tesau heke iong langa oan sapel lala ngana nenge tu ke kokoes mana.
23805	MAT 18:9	Nenge teke matam poia iong ke o losio nga poinga poreke ngana, o sul hote pe o saua ke lasus. Urana nge matam elle ke o mene maulinga ke koko. Pe nenge teke matam iri nai ke tetu kura lape tesau heke iong langa oan nge Imperno.”
23876	MAT 20:15	Umtutuna nei iau sipok lek ia, pomalam e poia nga lemek ngak. Pe pule e poia nga poinga urana ngana. Pe iong letem ma ke mere?’”
23899	MAT 21:4	Ure nei lohot ke pete tote hetatalonga e nena helenga nge poia nge nike toto ke teke:
23914	MAT 21:19	Pe esia popi tana e nge mes nga kue ilina. Ol pe teke la ke nau pe popi tana neu nganangana ero. Mes mana ia ina. Pomalam heleia popi tana neu ke teke, “Lape o rora mule ero ol!” Ueiuei mana pe popi tana neu kalum sapele.
23920	MAT 21:25	Iok, a hele at nge Iau. Ioanes nenge henunun henune hehei pe hana. Pe henuninga nem at langai? At nga lut nga tapa ma at nge none mana nga ich nei?” Pe hana nemur te hele tele helia nge iri ke te teke, “Nenge teke ta hele ke ta teke, ‘Ure nem at nga lut nga tapa.’ I lape ontei mule ita ke mai, ‘Iok, pe pomere letemo manmanna nge i ero?’
23921	MAT 21:26	Pe nenge teke ta hele ke ta teke, ‘Ure nem at nge none mana,’ ta matau ala ara nge hehei pe hana pule. Iange iri lochloch leteria kerkereng toto lo nge Ioanes i hetatalonga.”
23933	MAT 21:38	“Pe ero. Hana nemur te esia ume tokoninga tuna nge atat pe te hele, ‘Ume tokoninga tuna la atat nem. Pe i nge lape mene temene nena ure mur lochloch laka. Ta hune i ke mete nike. Pomalam lape ta mene ure lochloch ngana nemur ke rera ia ol.’
23937	MAT 21:42	Pe Iesus hele lange iri, “Imo nge a sisis nga NeHalang na helenga ero kai? Nenge hele ke teke; “‘Hana nenge te hemesmes pele te teke um e poreke pe tesau hote. Pe heueu nei, um nem lohot ke i um kerkereng ngana nenge ratua hele pele. Ure nei Non Soke i sipona poia ke lohot pe i urana toto nga matara.’
23962	MAT 22:21	Pe iri te hele, “Ne Kaesa.” Pe Iesus hele, “Ure nemur nenge ne Kaesa nena, a tung mule iri lange ne Kaesa. Pe ure nemur nenge NeHalang nena, a tung mule iri lange NeHalang.”
23992	MAT 23:5	“Ure lochloch ngana nenge te popoia, te teke te poi heteinga ana mana ia. Ke te kale heke NeHalang nena helenga chorchorna mur nga ramaria pe nga peria pe te hemallaha hot tote ure nemur. Pe pule te kale rur sasase ngana nga reria hengeron mur.
24004	MAT 23:17	Imo letemo mallaha ero pe a etei teu langa NeHalang nena poinga mur ero toto. Ure tei nge palaungana toto? Ngana kau um chalemlem ngana nenge uruna haka neu mau? Iau e teke NeHalang na pele, iange pele nem poia ure nem ke heo ngana toto.
24006	MAT 23:19	Imo nge matamo hit toto lo iam. Ure tei nge palaungana toto? Ngana kau tunginga neu mau? Iau e teke hatanga nem, iange hatanga nem poia tunginga nem ke heo ngana toto.
24010	MAT 23:23	“Ke imo Paresio mur pe hotonga ana hetoronga mur, a neknek ia imo pule iange amo hengetau nach nai. Nga ure lochloch ngana nenge a menmene iri pe ngaunga kinkino ngana mur nga ume, a tunge ke huna elle nge iri analoch lala nge NeHalang. Pe pomerei lememo ero nge a nanasia hengetoro palaungana nenga hotonga nenge helele ia; poinga nge pengpeng, pe poinga nenge letem poreke ia mele, pe poinga nenga letem manmanna ngana? Ure nemur nenge toinge apoi tettele iri koi nemur, pomalam lape a la nga kinkino ngana pe a nanasia ke nek pule.
24029	MAT 24:3	Iok, Iesus arare nga hengene nge Oliua pe nena hana mur tela kome mana nge I pe te ontei hote I ke pomai, “O hele hot lemem. Ure nem lape lohot nge ngingie? Pe utar nge lape lohot tala ke mo nau hilia oat mule ngam pe ich nei hetala toto ngana mai?”
24032	MAT 24:6	Pe imo lape a longe nananga mur nga hunelinga palaungana, pe a longe pingana nge sasa ke at. Pe a matau ero. Ure nemur nenge pomam te lohot tattala pe ich nei hetala toto ngana, ngana kou atat kura.
24041	MAT 24:15	Pe Iesus hele pule ke teke, “Imo lape a naue ure poreke ngana nenge hetatalonga Taniel hele ia nge nike toto lo ke teke, ‘Ure poreke ngana nem mes nga NeHalang na tuele.’ Mele nenge sisia helenga nei letena tuanin hote luna ke nek.
24051	MAT 24:25	A longo ke nek! Ure nemur te lohot ero kura pe e hele tele lange imo nike.
24098	MAT 25:21	“Ol pe non palau neu hele, ‘Urana toto. Lek non iong nge urana. O poia ume unne sune nem ke urana mana. Pe lape e talue iong ke o nauele ume hel pule. O iat ke o iech luluch nge iau.’
24100	MAT 25:23	“Pe non palau neu hele, ‘Urana toto. Lek non iong nge urana. O poia ume unne sune nem ke urana mana. Pe lape e talue iong ke o nauele ume hel pule. O iat ke o iech luluch nge iau.’
24130	MAT 26:7	Iesus are ke ngaungau nga hatanga, pe heie mene ure nenge inangana ehech pe uruna ele aka toto, pe la ke pasiling heke nga Iesus palpalna. (Ure nem mateu nga kina nge te umeia nga um e nge ene alampasta.)
24131	MAT 26:8	Pe Iesus nena hana mur te esia pe leteria inin toto pe te hele, “Ure nei uruna haka toto i, pe pomere nenge hei pa nei at ke hesil sio mene nga lamai mai?
24136	MAT 26:13	E hele ke manmanna toto lange imo, lape te haliu hote Helenga Urana Toto Ngana nga kileng lochloch ngana nga ich nei, pe lape te hele hote poinga nenge hei nei poia pule, ke hulua lochloch ngana te hele ia pe leteria metene i.”
24147	MAT 26:24	Non Tuna lape mete ke pomanga NeHalang Nena Alalaha hele talue nge nike lo. Pe non nenge poi poreke Non Tuna nem lape tungana poreke toto. Urana toto ngana, toinge non nem tana hoe i ero nike.”
24189	MAT 26:66	Pe letemo ma ke mere?” Pe hana nemur te tuachol ia, “Urana nge ta hune I ke mete.”
24204	MAT 27:6	Pe hana nenge te popoi tunginga aria papalauna mur te mene heke umtutuna neu pe te hele, “Umtutuna nei ta tal teu luluche langa NeHalang na pele ana umtutuna mur ero, iange te ol none eina ia ke ulolo.”