60	GEN 3:4	Pe ilimo neu hele lange hei neu ke teke, “Ah! A mete ero paiam!”
88	GEN 4:8	Iok nga hoena Kaen hele lange tina Apel ke teke, “Ita nai tala ke ta i rara nga ich nenge ana heilil mana!” Iok iri nai tela ke te i rara nga lamau pe Kaen ngira taua tina Apel pe hune i ke mete.
416	GEN 17:18	Pe Apraham hele lange NeHalang ke teke, “Iok teke pomam, O pete Ismael pe o nauele i ke nek!”
472	GEN 19:14	Iok la ol, Lot la ke hele lange uene mur. Hana nai neu te teke te lechleia Lot tutuna heheina mur. Pe hele lange iri ke teke, “Ueiuei mana pe a ua hot nga lamai iange Non Soke lape hengau lulu heke tuele tana nei!” Pe uene nemur te teke ma songlelele reria.
475	GEN 19:17	Te mene hote iri lange hot ke ulo pe elle nge iri hele, “A song ke a eleis maul ngamo pe a ralele mule ero! Pe a mes ke a tah eingamo nga kileng unne nga mos nei ero! A song ke a la toto nga hengene mur iange lape a mete heueu!”
549	GEN 22:1	Pe nga etue hel nga hoena NeHalang olleke Apraham pe hele, “Apraham ou!” Pe Apraham tuacholia, “Iau koi.”
559	GEN 22:11	Pe Non Soke nena angkelo nga lut nga tapa alngana sio lange i ke teke, “Apraham, Apraham!” Pe Apraham tuacholia ke teke, “Iau koi.”
725	GEN 26:32	Nga etue neu pule Isak nena hana mur te lange i pe te heleia ech matana e nge te selia ke te teke, “Mo sel hote ech matana e lo!”
761	GEN 27:33	Ol pe Isak ngana lohot pe loiloi pe hele ke teke, “Pe itei nenge rurumia huros pe mene at nge iau ke e ngaua mai? E ngaua ke het pe e pete i pe iong o at ke o puris. Pe petanga nenge e tunge lange i nem lape tu luluch nge i ke koko!”
762	GEN 27:34	Nga etue nenge Esau longe temene nge hele ke mau, tul heke tanginga pe tang ke soke toto. Pe hele lange temene ke teke, “Temek o pete iau pe o hele ia lem petanga ana helenga mur at nge iau pule!”
764	GEN 27:36	Ol pe Esau hele lange temene ke teke, “Kol nem ene nenge Iakop nem pete tote i iange pallaka hali. I pallaka ia iau ke henai ngana koi. Nga tele ngnana mene mullik ke teke i palaungana pe heueu nei mene tote lek petanga!” Pe Esau onteia temene ke teke, “Temek pomere? Lek petanga e kau kura nge lape o tunge at nge iau?”
766	GEN 27:38	Pe Esau hele lange temene ke teke, “Temek, nenge teke lem petanga elle tu kura o pete iau pule!” Pe Esau tang ke soke toto mule.
832	GEN 30:1	Retsel hoe tuna e nge Iakop ero, pomalam letena inin taua Liah. Pe hele lange Iakop ke teke, “O poia iau ke sak ke e hoe tutuk mur hel nge iong. Nenge teke ero lape e mete!”
1157	GEN 39:7	Pe mala ero mana pe Potipa nehei memeleia i pe hele lange i ke teke, “O iat ke o ma luluch nge iau!”
1162	GEN 39:12	Ol pe hei neu rahite i nga nena hengeron sase ngana pe hele, “O iat ke ita nai ta ma!” Pe ero. Iosep hakarung hot nga nena hengeron sase ngana neu pe song hot nga pele neu.
1269	GEN 42:16	A kulosia timo e ke la taua timo nenge kino ke at pe imo lochloch ngana nemur ama teu nga tuele au ngana mukam. Pe ta nauala lape lemo helenga nem manmanna ma ero. Nenge teke lemo helenga nem manmanna ero, e hele ke kerkereng toto nga Parao ene ke imo toloinga ana hana mur!”
1360	GEN 45:1	Iosep longe ke mau pe teke tang ia titina mur pe alngana lange nena ume ana hana mur ke teke, “Imo lochloch ala nge hot mukam!” Te lange hot pe Iosep iri ul titina mur mana tetu ol. Ol pe Iosep hemallaha hot sapele i lange titina mur.
1383	GEN 45:24	Ke het pe kulosia titina mur ke te la pe hele lange iri ke teke, “A la pe a hele inin tau hel nga kue ero!”
1389	GEN 46:2	Pe nga miliko NeHalang lohot nge Israel nga opene ke teke, “Iakop! Iakop!” Pe Iakop tuacholia ke teke, “Iau koi.”
23297	MAT 4:19	Pe hele lange iri nai, “A i at ke a nanasia iau pe e poia imo ke aole hana pule!”
23439	MAT 8:25	Ol pe nena hana mur te hengo heke I pe te hele ke te teke, “Non Soke, o halaua ita ero kai? Ta metmete lo i!”
23446	MAT 8:32	Ol pe Iesus hele lange iri, “Iok, a laol!” Ol pe uneinei nemur te lohot nge hana nai neu pe la ke teteu heke kie nemur. Pe kie ana tuangarung neu te song hot sapele langa sasana neu ilina, pe te losio teu nga kolkolu neu pe te pulachlach ke te mete sapele.
23475	MAT 9:27	Iok, Iesus lohot nga lamau ke teke lalalo pe hana mata hit nai te nanas pe alngaria hot lange I ke te teke, “Ne Teuit tuna, letem poreke ia imem!”
23534	MAT 11:6	Hana nenge te longe lek helenga pe leteria manmanna ngana losio ero, lape te iech toto!”
23774	MAT 17:5	Petrus helele kura pe ulu lohot ke poi hite iri. Ulu neu hussu toto pe helenga e lohot nga ulu neu ke teke, “Tuk toto koi nei, nenge mutek tau tote pe e iech toto nge I. A longo taua I!”
23880	MAT 20:19	Pe lape te tunge I lange hana lomonmona ngana mur ke te songlele ule, pe te heon heke I nga manga toto ke mete. Pe nga etue mol ngana lape maul haka mule!”
23891	MAT 20:30	Pe hana nai nge mataria hit te arare nga kue ilina. Te arare pe te longe nge te teke Iesus kou lopar toto aria ke lala neu lo. Ol pe te alngaria haka ke te teke, “Non Soke! Ne Teuit tuna, letem poreke ia imem!”
23892	MAT 20:31	Pe hulua nemur te keres taua iri ke te teke te reng. Pe ero, iri nai alngaria haka ke soke toto ol, “Non Soke, ne Teuit tuna, letem poreke ia imem!”
23904	MAT 21:9	Pe hulua nenge iri mukmuka nge Iesus pe hulua nenge iri hoena, iri lochloch te makul haka pe te hele, “Ta iech pe ta heto haka tote ne Teuit Tuna! NeHalang pete tote i, iange at nga Non Soke ene! Ta iech pe ta heto haka tote NeHalang nga lut nga tapa, iange mene mule ita lo!”
23914	MAT 21:19	Pe esia popi tana e nge mes nga kue ilina. Ol pe teke la ke nau pe popi tana neu nganangana ero. Mes mana ia ina. Pomalam heleia popi tana neu ke teke, “Lape o rora mule ero ol!” Ueiuei mana pe popi tana neu kalum sapele.
24158	MAT 26:35	Pe Petrus hele ke kerkereng toto ke teke, “Iau lape e pallaka ke pomam ero toto! Nenge teke e mete luluch nge iong, helenga nenge e eteia iong ero lape e heleia ero toto!” Pe Iesus nena hana nemur lochloch te hele ke pomau pule.
24195	MAT 26:72	Pe Petrus hele ke kerkereng toto ke teke, “Iau e eteia non nem ero toto iam!”
24219	MAT 27:21	Ol pe ne Pilatus ontei mule iri ke teke, “Lememo taua non tei nge hana nai nei ke e tung mule lange imo?” Pe hana nemur te tuacholia, “Lememem taua ne Parapas!”
24220	MAT 27:22	Pe ne Pilatus ontei mule, “Pe Iesus nenge te hetue I ke Kristus, lape e poia I ke mere mai ol?” Pe iri lochloch ngana te tuachol ia ke te teke, “O heon heke I nga manga toto!”
24221	MAT 27:23	Pe ne Pilatus hele, “Ia, i mai poia utar ke poreke?” Pe iri lochloch ngana te haliu hot ke te teke, “O heon heke I nga manga toto!”
24223	MAT 27:25	Pe hulua lochloch ngana nemur te hele, “O tunge I at. Pe mete ngana nem ana helenga, hakaka nge imem pe tutumem mur ol!”
24227	MAT 27:29	Pe te mene rur e nge matantana pe te helule, pe tetal heke langa palpalna. Pe pule te tunge kula e lange I ke rahite nga penna tamalmal ke nakuna manga naungaala ana non soke e. Pe te tualou palaria nge I pe te songlele hule I pe alngaria ke pomai, “Masin! Iuta mur aria non soke!”
24238	MAT 27:40	“Iong utar pa nenge o teke o toto sue NeHalang na pele, pe o hemes heke mule nga etue iri mol mana? Nenge teke iong NeHalang tuna, O halaua Iong sipom ke osio nga manga toto nem!”
24245	MAT 27:47	Pe iri nenge te mes rochroi, te longe pe te hele, “Non nei iuiua Elaisa i!”
24247	MAT 27:49	Pe pekngana mur te hele, “O mes mukam pe ta nauala. Lape Elaisa at ke halaua i ma ero!”
24299	MRK 1:15	Ke Ioanes hele, “Etue toto ngana at lo. Pe etue rochroi mana nge NeHalang lape at ke lohot nge imo! A hulia lemo poinga mur pe letemo manmanna nga nena helenga urana toto ngana!”
24325	MRK 1:41	Iesus letena ia i ke ra haka nge i pe hele, “Nga lemek ngak o urana mule!”
24341	MRK 2:12	Iri lochloch te nechnei kurkura pe ana non lohaka, pe lou heke na tako pe i hot. Pe hehei pe hana te esia pe te rura mana kela te heto heke NeHalang pe te hele, “Nge nike ta neue ure nge lohot ke pomai ero i!”
24368	MRK 3:11	Iri hana nenge uneinei poia iri te esia Iesus pe te tualou sio nga matana pe te hele haka lange i, “Iong NeHalang Tuna!”
24401	MRK 4:9	Ke het pe Iesus hele, “A pal talngamo pe a longo ke neknek!”
24431	MRK 4:39	Iesus mes haka pe hele langa tuttula, “Heingam ero!” Pe hele langa ruach, “O mana ke nek!” Tuttula nem mete sio pe ruach ma ke mello.
24440	MRK 5:7	Pe alngana haka ke soke toto ke teke, “Iesus, NeHalang nenga lut toto tuna iong! Oat ke o potar nge iau?” Pe hemaluche Iesus nga NeHalang ene ke teke, “Iesus o heporeke iau ero!”
24451	MRK 5:18	Iesus lohaka nga sulang nem pe non nenge uneinei tu nge i ech ke teke, “Ita ul!”
24456	MRK 5:23	Pe hetalaulau toto lange i ke teke, “Tuk hei ngana nenge kino kou teke metmete lo. Auo! Atong, oi at ke ora haka nge i pe o hemasia ke maul mule!”
24472	MRK 5:39	Iesus i teu pe hele lange iri, “Pomere nenge a chauchai rara pe a tangtang mam? He nei mete ero i. Mamani mana pai!”
24479	MRK 6:3	I pele ana lelenga iam! Pe i Maria tuna pe titina mur laka Iakop pe Iosep, Iutas pe Simon. Pe liliuna mur pai itaul ke ta tutu panei mai!” Ol pe lemeria ero ia i.
24513	MRK 6:37	Pe Iesus hele, “Imo sipomo a tunge aria ngaunga.” Pe te hele, “Mo hengaua iri ke mere mai? O teke mo olia aria ngaunga? Nem lape umtutuna halang toto paiam!”
24526	MRK 6:50	Iange iri lochloch tenaue i pe te matau. Ueiuei mana pe hele lange iri ke teke, “A matau ero! A kerkereng, Iau pa i!”
24548	MRK 7:16	Apal talngamo pe a longo ke neknek!”
24560	MRK 7:28	Pe hei neu tuacholia ke teke, “Oe Non Soke, pe kaone mur te ngaua aina kinkino ngana aria ngaunga mumuna nga hatanga ene!”
24566	MRK 7:34	Ol pe Iesus nau haka langa tapa, eingana tah pe hele, “Epata!” Luna, “O longo mule!”
24614	MRK 9:7	Ol pe ulu lohot pe ana mulil ma hite iri pe te longe helenga e nge sio at nga ulu ke teke, “Tuk nge mutek tau tote koi. A longo taua i!”
24626	MRK 9:19	Iesus hele lange iri, “Etu luluch nge imo ke mala toto lo. Pomere nenge letemo manmanna ero mana mam? Etu luluch nge imo ke mere ol? Pe e halaua imo ke mere ol? A mene kol nem at nge iau!”
24631	MRK 9:24	Ueiuei mana kol neu temene hele, “Iau letek manmanna ngana koi tu, pe kerkereng ero. O halaua iau ke letek manmanna ngana tu ke kerkereng!”
24632	MRK 9:25	Iesus esia hulua nge lape ueiuei mana pe te emurung taua iri, tunge helenga kerkereng ngana langa uneinei ke teke, “Iong uneinei nenge o poia kol nem ke talngana hit pe hanna hit, o lohot nge i pe otu teu mule nge i ero ol!”
24633	MRK 9:26	Uneinei neu alngana haka pe heloiloi ia i pe iuch hot sapele. Pe kol neu nakuna pomanga mete. Kela iri lochloch te heleia, “Kol nem mete iam!”
24680	MRK 10:23	Iesus nau lange na hana mur pe hele lange iri, “Anali toto nge iri nenge reria urelu halang pe teteu langa NeHalang naualanga pe nekinga!”
24704	MRK 10:47	Ana non longe nge manga Iesus nge Nasaret kou atat pe alngana haka, “Iesus, Teuit tuna! Letemia iau ke o halaua iau!”
24705	MRK 10:48	Pe iri halang tepoi hele pe te hele lange i ke reng. Pe ero. Non neu alngana ke soke toto ol, “Teuit tuna, letemia iau ke o halaua iau!”
24719	MRK 11:10	NeHalang pete etue nenge atat ke pomanga pete etue nenge temere Teuit esele Israel mur nge nike. Ta heto heke NeHalang nga lut toto!”
24723	MRK 11:14	Iesus hele taua ae popi nem ke teke, “Nganangam ero ol!” Pe na hana mur te longe.
24730	MRK 11:21	Petrus letena metene utar nenge lohot pe onteia Iesus, “Non Soke, onau la! Ae popi nenge lem helenga makia kou mete!”
24769	MRK 12:27	Ke pomalam, NeHalang i hana nenge te maululul aria soke ia. Hana nenge te mete aria soke ia ero. Pe imo letemo matana ngana song ke pengpeng ero toto!”
24787	MRK 13:1	Iesus lohaka hatalia temene nena pele palaungana ke teke lala lo pe nena none hele, “Non Soke, onau la. Um pe pele nemur nakuria urana toto!”
24809	MRK 13:23	E hele tala ia ure lochloch lala nge imo nike pe a nauala amo ke neknek!”
24823	MRK 13:37	Utar nenge e heleia lange imo, e heleia lange iri lochloch: Anau ala ke nek!”
24828	MRK 14:5	Nenge teke te laia nga ingala matana, lape te olia nga umtutuna ana non kina analoch pe lime pe uruna te mene pe te laia nge pakarkar una mur!” Te heleia i nga matana pe te hemeia i.
24844	MRK 14:21	Non Tuna lape mete ke pomanga NeHalang na helenga hele talaia lo. Pe tuacholinga poreke toto ngana, lape lohot nge i nenge tung heke Non Tuna langa hana poreke ngana mur peria, ke te hune! Nenge teke non nem tana hoe i ero nike, toinge urana nge i iam!”
24852	MRK 14:29	Petrus tuacholia, “Nenge teke iri lochloch te teke te ua am, iau lape e ua am ero!”
24854	MRK 14:31	Petrus tuacholia ke kerkereng toto, “Iau lape e hele ke pomam ero toto. Nenge teke tehun luluche iau nge iong, e ua am ero pule!” Iesus nena hana mur lochloch te hele ke pomau pule.
24865	MRK 14:42	A lohaka pe tala ol. Anau la non nenge tung heke iau kou!”
24868	MRK 14:45	Iok laol, Iutas ila sapele nge Iesus. Rahite penna pe hele, “Non Soke!”
24892	MRK 14:69	Hei nem es mule i nge hot pe hele la mule nge iri nenge temes rochroi ke teke, “Iesus nena hana mur, elle iam nem!”
24893	MRK 14:70	Pe Petrus hele, “Itei, iau? Iau elle nge iri ero i!” Mala ero pe iri nenge temes rochroi te hele lange Petrus, “Manmanna toto ke iong pule o koko nge Iesus, iange iong lem nge Kalelea.”
24894	MRK 14:71	Petrus echach ala ke teke, “E hele ke manmanna lange imo pe nenge teke e pallaka, NeHalang tuachol mule at nge iau! E eteia non nenge a heleleia nem ero!”
24908	MRK 15:13	Pe Iri lochloch te hele aka ke te teke, “A hune i nga manga toto!”
24909	MRK 15:14	Pe ne Pilatus onteia iri, “Ia i mai poia poinga poreke ngana nge mere nenge a teke ta hune i?” Pe te hele haka ke palaungana toto, “A hune i nga manga toto!”
24930	MRK 15:35	Hana hel temes pe te longe Iesus nge hele pe te hele, “A reng pe ta longo. Ngana kou iuiua Elaisa!”
24953	MRK 16:11	Te longe Maria nge hele, “Iesus kou maul haka mule pe e neue i lo!” Te longe helenga nem pe leteria manmanna nge ana hei ero.
24987	LUK 1:25	Pe Elisapet hele, “Nga etue nemur ol e iech toto nge NeHalang halaua iau ke sak! Pe e meia iau nga hulua mataria ero ol!”
25023	LUK 1:61	Pe alona mur te hele, “Iong alom mur eria pomam ero!”
25056	LUK 2:14	“Ta heto heke NeHalang nge i Non Soke nga lut nga tapa. Pe tunga nge nek lape tu hite iri nenge NeHalang iech ia iri!”
25057	LUK 2:15	La ol pe angkelo nemur te hile iri pe te haka la mule nga lut nga tapa. Pe sipsip ana naungaala nemur te hele tele hel nge iri, “Ita ol! Tala nge Petlehem ke tanau urume ure nenge Non Soke hele at nge ita lo!”
25090	LUK 2:48	Temene pe tana te esia i pe leteria lilil toto lange i. Pe tana hele lange i, “Tuk, o poia imem ke pomere? Iau pe temem letemem toto ia iong ke moat mo tango rere iong i!”
25167	LUK 4:35	Pe Iesus keres taua uneinei neu pe hele, “O reng ol pe oua hot nge non nem!” Pe uneinei neu tamal sue non neu langa ich pe ua hot sapele nge i pe non neu singina urana mana.
25173	LUK 4:41	Pe uneinei mur te ua hot nge hana halang pe te alngaria ke mai, “Iong NeHalang tuna!” Pe Iesus hele ke kerkereng toto lange uneinei nemur, pe poia iri ke te hele ero iange te eteia ke Iesus i Kristus nem.
25184	LUK 5:8	Pe Simon Petrus esia ure nenge lohot pe tualou sio nga Iesus matana pe hele lange i, “Non Soke oua toto ak iange iau lek poinga poreke!”
25188	LUK 5:12	Iok, Iesus langa kileng e pe nga kileng neu none tu. Pe non nem tu poreke toto ia haleles poreke toto ngana nenge ngau hohoa singira. Pe nga etue nenge esia Iesus talsio tote i pe hele ke teke, “Non Soke, nenge teke lemem toto o hemasia iau!”
25189	LUK 5:13	Pe Iesus tal heke penna nge non neu pe hele, “Oe lemek toto. Singim lemlem mule!” Pe haleles neu het sapele nge non neu.
25197	LUK 5:21	Pe hotonga ana hetoronga mur pe Paresio mur te hele te hele hel nge iri, “Itei pane mai? Mele nei hele poreke tote NeHalang i! Teke i utar toto pamai? NeHalang i toro mana nge saua rera poinga poreke ngana mur ke te lasus!”
25200	LUK 5:24	Heueu lape aes tote nga matamo nge Non Tuna na kerkerenga palaungana nga ich nge saua poinga poreke ngana mur.” Iok, hele lange non nenge apena mete neu, “E hele lange iong, o lohaka pe o mene lem tako pe ola nga lem pele!”
25273	LUK 7:9	Iesus rura toto nga Non Soke neu nena helenga nei. Longe ke het pe ralele taua hulua nenge te nananas ia i pe hele lange iri, “E hele lange imo pengpeng, e hottaua none nge letena manmanna ngana pomai ero kura. Pe nge Israel pule e hottaua e ero!”
25278	LUK 7:14	Pe Iesus i ke la rahaka nga metenga ana hete pe hana nenge te takisia temes. Pe Iesus hele, “Kol nem! E hele lange iong. O lohaka!”
25280	LUK 7:16	Pe hulua nemur te esia pe te matau pe te heto heke NeHalang pe te teke, “Hetatalonga e nge na kerkerenga palaungana toto i! Tu luluch nge ita! NeHalang at lo ke hemas mule nena hana mur!”
25287	LUK 7:23	Hana nenge te longe lek helenga pe leteria manmanna ngana losio ero lape te iech toto!”