102	GEN 4:22	Pe Lamek nehei Sila hoe tuna tamane ngana e nge ene Tupal-Kaen, pe liuna ene laka Nama. Tupal-Kaen i non nenge ume hotot urelu kuenkuena ngana mur nga ure nenge ene bras pe aen.
338	GEN 14:1	Hana nemur iri naunga-ala ana hana mur; Ne Amrapel nauele kileng Papilon pe ne Arioch nauele kileng Elasa pe ne Ketolama nauele kileng Elam pe ne Tital nauele kileng Koim.
339	GEN 14:2	Naunga-ala ana hana nemur tela ke te palhel luluch nge naunga-ala ana hana hel pule. Eria mur koi nei; Ne Pera nenge nauele kileng Sotom pe ne Pirsa nenge nauele kileng Komora pe ne Sinap nenge nauele kileng Atma pe ne Semepa nenge nauele kileng Sepoim pe naunga-ala ana non nenge Pela (nenge heueu nei te hetue ke Soa).
340	GEN 14:3	Naunga-ala ana hana lime nei te mene reria palinga hel ana hana mur pe tela ke te mes ke muria elle nga tottolo nenge Sitim (nga ruach mesmes ngana ana mos).
345	GEN 14:8	Pe naunga-ala ana non nenge Sotom pe nenge Komora pe nenge Atma pe nenge Sepoim pe nenge Pela (nenge te hetue ke Soa) te lohot ke te has ele reria hunelinga munna nga mos nenge Sitim.
346	GEN 14:9	Ke naunga-ala ana hana henel te pal hel luluch nge naunga-ala ana hana lime. Te pal hel luluch nge ne Ketolama nenge i naunga-ala ana non nge Elam pe ne Tital nenge i naunga-ala ana non nenge Koim pe ne Amrapel nenge i naunga-ala ana non nenge Sina pe ne Arioch nenge i naunga-ala ana non nenge Elasar.
347	GEN 14:10	Pe mos nenge Sitim muta ia polo mur nenge te menmene ich muna ngana ia. Ich muna ngana nem ene laka kolta. Pe nga etue nenge naunga-ala ana non nenge Sotom pe Komora teua, reria hana mur hel te losio teu nga polo nemur. Pe naunga-ala ana hana mol pe reria hana mur te ua ke te la nga sasana mur.
348	GEN 14:11	Naunga-ala ana hana henel neu te kerkereng toto pe te lolochia ure lochloch ngana pe ngaunga mur nge Sotom pe Komora ke te laia iri.
351	GEN 14:14	Nga etue nenge Apram longe nge te laua tina tuna, heukiraua nena hana kerkereng ngana mur nge iri ana non kina analoch pe ana non kina lime pe analoch pe rahtele mol (318). Hana nemur iri ul ke te tutu nike. Te la pe te hekumia naunga-ala ana hana nemur ke la het nga tuele tana nenge Tan.
352	GEN 14:15	Pe nga miliko Apram chachia nena hana mur ke te pal hel pe te hekou sue naunga-ala nemur reria hana mur pe te lope iri ke ramaria lange Hopa nga kileng Tamaskus ilina hele nenga lut.
354	GEN 14:17	Iok Apram hekou sue ne Ketolama pe pekngana naunga-ala ana hana nemur ke het pe la mule sapele. Pe nga mule ngana, naunga-ala ana non nenge Sotom lohot ke saolia i nga mos nge Saue (Saue luna laka; Naunga-ala ana non nena mos).
355	GEN 14:18	Pe Melkisetek i naunga-ala ana non nga kileng nenge Salem. Ana non mene hote beret pe uain. Pe i NeHalang Nenga Lut Toto nena tunginga ana non ia.
358	GEN 14:21	Pe naunga-ala ana non nenge Sotom hele lange Apram ke teke, “O tunge lek hehei pe hana ke nenge o mene mule iri nem, ke te at mule nge iau pe o mene ure lochloch ngana nem ke lem ia.”
359	GEN 14:22	Pe Apram hele lange naunga-ala ana non nenge Sotom ke teke, “Iau e poia helenga kerkereng ngana e lange NeHalang Nenga Lut Toto nenge ala hote tapa pe ich ke e teke,
393	GEN 16:11	Pe Non Soke nena hekulkulonga neu hele lange i pule ke teke, “Iong sam lo pe lape o hoe tum tamane ngana e. Pe o hetue ke ene Ismael. Ismael-Luna laka: NeHalang longe. Iange Non Soke longe lem tanginga lo.
414	GEN 17:16	Lape E pete i pe E poia i ke hoe tum tamane ngana e. Pe lape E pete i ke tuele kina mur lochloch taria ia, pe naunga-ala ana hana mur nenge te nauelele hehei pe hana lape te lohot nge ana hei tutuna mur.”
505	GEN 20:9	Iok, Apimelek iu teua Apraham pe hele, “Pomerei nenge o poia imem ke pomai? Iau mai e poia poinga poreke ngana e lange iong ke merei toto, nenge o poia iau pe lek naunga-ala ana kileng ke mo tu teu nga poinga poreke ngana nei? Poinga nemur nenge toinge o poia at nge iau ero, ngana koi o poia at nge iau nei.”
694	GEN 26:1	Iok, uringa lohot nga ich nenge Kenan. Pe uringa nem lohot ke pomanga nenge lohot nge Apraham nge nike. Pe Isak lake esia Apimelek. Apimelek i naunga-ala ana non nga kileng nenge Pilistia nge Kerar.
776	GEN 28:2	Heueu mana nei o lohaka pe o lange lem te ne Petuel. Tam temene la ka ne Petuel pe i kou tu nga kileng nenge Patan-Aram nga ich nenge Mesapotamia nga kileng ilinha hele nenga lut. Pe lem achung Lapan tutuna heheina mur halang. O naue e pe o mene i ke lem hei ia.
827	GEN 29:31	Non Soke eteia ke Iakop mutena tau tote Retsel nge Liah. Pomalam poia Liah ke ho-o pe Retsel ho-o ero.
829	GEN 29:33	Iok Liah sana pe ho-o mule tuna tamane ngana e pe hetue ke ene Simion. Pe hele ke teke, “Non Soke longe nge ek mutena taua iau ero pomalam tung mule tuk nei.”
830	GEN 29:34	Iok Liah sana pe ho-o mule tuna tamane ngana e pe hetue ke ene Liuai. Pe hele ke teke, “Nei ol ek lape at ke tu hite iau ol iange e ho-o ke tutuna mur mol lo.”
831	GEN 29:35	Iok, Liah sana mule pe hele ke teke, “Nei ol e heto heke Non Soke.” Pomalam hoe tuna tamane ngana neu pe hetue ke ene Iuta pe ho-o ero sapele.
833	GEN 30:2	Pe Iakop letena inin taua Retsel pe hele lange ke teke, “O heleia iau ke mam ia, iau NeHalang kai? NeHalang laka poi hele iong ke o ho-o ero nem.”
839	GEN 30:8	Ol pe Retsel hele ke teke, “E ume ke kerkereng toto luluch nge tik ke ho-o lo.” Pomalam Retsel hetue kol neu ke ene Naptali.
840	GEN 30:9	Iok Lia nau pe ho-o ero ol mene nena hekuleileinga ana hei nenge ene Silpa ke tunge lange Iakop ke pomanga ne hei ia.
853	GEN 30:22	Pe NeHalang letena ia Retsel pe longe nena hetalaulaunga pe poia i ke ho-o mule.
1021	GEN 35:9	Nga etue nenge Iakop lohaka nga kileng nenge Patan-Aram ke mule nga ich nenge Kenan, NeHalang lohot mule nge i pe pete i pe hekerkereng ia i.
1023	GEN 35:11	Pe NeHalang hele lange i ke teke, “Iau NeHalang Nenge Lek Kerkerenga Palaungana Toto. Lape e poia lemtete mur ke te lohot ke iri halang toto pe te are nga tuele kina lochloch. Pe lem tete nemur hel lape te lohot ke iri naunga-ala ana hana mur.
1072	GEN 36:31	Nga etue nenge naunga-ala ana non e mes haka ke nauele kileng nenge Israel ero kura, naunga-ala ana hana nemur te nauele hehei pe hana nga ich nenge Itom:
1073	GEN 36:32	Ke Pela nenge Beor tuna lohot ke i naunga-ala ana non nenge nauele kileng nenge Itom. Pe nena kileng ene laka Tinapa.
1074	GEN 36:33	Pe nga etue nenge Pela mete, Iopap nenge Serah tuna nga kileng nenge Posra, mene munna ke i naunga-ala ana non.
1075	GEN 36:34	Pe nga etue nenge Iopap mete, Husam nenga ich nenge Teman mene munna ke i naunga-ala ana non.
1076	GEN 36:35	Pe nga etue nenge Husham mete, Atat nenge Petat tuna mene munna ke i naunga-ala ana non. Pe Atat nena nge Auit. Ana non iri ul Mitian mur te palhel pe hekou sue iri nga tuele kina palaungana nenge Moap.
1077	GEN 36:36	Pe nga etue nenge Atat mete, Samla nenge nena nge Masreka, mene munna ke i naunga-ala ana non.
1078	GEN 36:37	Pe nga etue nenge Samla mete, Saul nenge nena nge Reopot mene munna ke i naunga-ala ana non. Kileng Reopot tu rochroi nga ech tana palaungana nenge Uprates.
1079	GEN 36:38	Pe nga etue nenge Saul mete, Pal-Hanan nenge Akpor tuna mene munna ke i naunga-ala ana non.
1080	GEN 36:39	Pe nga etue nenge Pal-Hanan nenge Akpor tuna mete, Atar nenge nena nge Pau mene munna ke i naunga-ala ana non. Pe nehei ene laka Mehetapel. Mehetapel i he Matret tuna hei ngana ia pe he Matret i he Mesahap tuna hei ngana ia.
1084	GEN 36:43	pe Maktiel pe Iram. Hana papalauna nemur te nauele aria mata mur nga iri siporia reria ich mur pe reria kileng mur nga kileng nenge Itom. Ke Itom mur re-ette palaungana laka Esau pe aria nananga koi nei.
1102	GEN 37:18	Pe titina mur te naue i la nga tau kura pe te etei-il mene i nga nena hengeron. Ol pe tetal helenga ke te teke te hune i.
1109	GEN 37:25	Iok, te are sio ke te teke te ngaungau pe te naula pe te esia hana nenge te lohot nga mata nenge Ismael, nge te lohaka nga kileng nenge Kiliat ke te atat. Hana nemur te i ia reria lulu pe reria kamel mur te takisia ure nemur nenge ururia haka toto pe ae eina inangana he-ech ngana mur nenge ene Pam pe nenge ene Mir ke ramaria sio lala nge Ekipto.
1114	GEN 37:30	Pe la mule nge titina mur pe hele, “Kol nei i-i ero nga polo mai! Lape e poi ke mere mai?”
1170	GEN 39:20	Ol pe Iosep ana soke hele lange palinga hel ana hana mur te mene Iosep pe te tal teua i nga tuele au ngana. Tuele au ngana neu naunga-ala ana non nena hana mur te ma teueu ia. Pe nga etue nenge Iosep tu nga tuele au ngana,
1174	GEN 40:1	Iok mala pol lo pe non nenge nauelele naunga-ala ana non ana uain pe nenge makmak ana peret te poia poinga e nge aria soke naunga-ala nenge Ekipto neu lemene ero toto ia.
1236	GEN 41:40	Pomalam lape e talue iong ke iong muka nge hana papalauna mur nga lek pele pe hehei pe hana lochloch lape te longo la mana nge iong. Iau naunga-ala ana non pe iau toro mana iau palaungana nge iong.”
1238	GEN 41:42	Ol pe Parao poi hote naunga-ala ana hana mur reria uto nga penna kukana pe poi teua nga Iosep penna kukana. Pe heronia Iosep nga hengeron urana ngana mur pe heon heke nananga chalemlem ngana nga kanna.
1239	GEN 41:43	Pe tunge nena kares nei ngana nenge oriong mur te tak rungrunge ke Iosep song rara ia ke pomanga i naunga-ala ana non nei ngana ia. Pe hana nenge te umume nge Parao te song ke iri muka pe te alngaria ke te teke, “A allele nga kue, non soke koi atat.” Nga poinga nei Parao poia Iosep ke i palaungana toto pe nauele tuele kina lochloch ngana nge Ekipto.
1241	GEN 41:45	Pe Parao tunge Iosep ene nenge Sapenat-Panea pe tunge heie pule lange Iosep. Hei neu ene laka Asenat pe temene ene laka Potipera. Potipera i tunginga ana non ia nga tuele tana nenge Heliopolis. Iok laol, Iosep i ke nau rara nga kileng lochloch nga tuele kina mur nge Ekipto.
1242	GEN 41:46	Parao i naunga-ala ana non nge Ekipto. Pe Iosep ana hesinga iri ana non kina pe analoch nga etue nenge teu ke talune ume nenge Parao tunge lange i. Iok Parao tu nga nena pele pe Iosep song ke la nau toto nga kileng lochloch ngana nge Ekipto.
1375	GEN 45:16	Iok naunga-ala ana non nenge Ekipto pe nena hana papalaunga mur te iech mana nga etue nenge helenga song ke te teke Iosep titina mur kou te at ke tetu luluch nge i.
1418	GEN 46:31	Ke het pe Iosep hele lange titina mur pe iri lochloch ngana nenge te koko nge temene ke teke, “Lape e la ke e hele toto nge naunga-ala ana non ke pomai, ‘Titik mur pe iri lochloch ngana nenge te tu luluch nge temek nga ich nenge Kenan, te sauhot lamai lo.
1420	GEN 46:33	Pe nenge teke naunga-ala ana non nem iua imo ke onteia imo ke teke, ‘A umume ia ume utar mur?’
1424	GEN 47:3	Ol pe Parao onteia Iosep titina mur ke teke, “A umumeia ume utar mur?” Pe iri te tuacholia ke te teke, “Non soke, imem sipsip ana naunga-ala mur ke pomange lemem tete mur nge nike.”
1484	GEN 49:10	Pe o rahite naunga-ala ana non nena tongtong ke o nauele hehei pe hana. Pe mele pele lape mene hote nge iong ero, pe nge matam alona mur ero pule, ke la het nga etue nenge tongtong tokoninga at ia ke nauele hehei pe hana lochloch.
1494	GEN 49:20	“Pe Asa iong, ngaunga nge halang toto lape te haka nga lem ich. Pe naunga-ala ana hana mur, muteria tau tote ngaunga urana ngana mur nenge o tuntune.
27437	ACT 13:6	Iok, tela sapelpele nga mimio nem ilina ele nge Papos. Pe nga lamau, te saolia non Iuta e nge popoi ure paluna. Ene laka Par-Iesus pe i teke i hetatalonga pe ero. I chanangnanga mana.
30869	REV 6:8	Pe e teke enau la pe e esia oriong popopo ngana e. Pe mele nenge songia oriong neu ene laka Metenga. Pe Metenga Ana Kileng i hoena pe nanasia i ke renren toto. Pe NeHalang tunge kerkerenga lange iri nai ke te poia hunelinga ke lohotot pe te poia uringa ana etue ke lohotot. Pe te poia haleles ke lohotot pe te poia ur-inolo mur ke te lohotot. Ke ure nemur lape te hune hehei pe hana halang nga ich. Pe tehun lochloche iri ero. Lape tehun lapo mene iri nenga ich ana talinga toto henel ngana ke te het.
30947	REV 11:7	Pe nga etue nenge iri nai te heulo hote reria helenga mur, hun-non palaungana nenge lohot nga polo palaungana nenge hetala ngana ero, ngira taua iri pe hekou sue iri pe hune iri ke te mete.
30978	REV 13:1	Ke het pe e naue ur-inolo e nge lohaka nga ruach letena. Pe ur-inolo neu palpalna iri rahtele nai pe ana sangkar iri analoch. Pe iengiengka iri analoch te rongo heke ana sangkar nemur. Pe hesisinga ana helenga mur nenge latautaua NeHalang, tetu nga palpalna rahtele nai neu.
30979	REV 13:2	Pe ur-inolo nenge e naue neu, nakuna pomalaka nga naumiliko inolo palaungana e nenge singina lihoho ngana teu sisil. Pe apena huhuna mur te purpure ure nenge ene pea apena huhuna mur. Pe hanna hote laion hanna. Pe ilimo palaungana neu tunge kikina ngana pe kilanga seina ngana pe kerkerenga nenge nauele kileng, lange ur-inolo neu.
30980	REV 13:3	Pe ur-inolo neu palpalna e nakuna pomanga tetua hune ana io ke mete, pe ana io munna meu mule pe maul haka mule. Pe hehei pe hana lochloch ngana nga ich te memeleia ur-inolo neu nena kerkerenga pe te nanasia i.
30981	REV 13:4	Pe te heto heke ilimo palaungana neu iange tunge kerkerenga lange ur-inolo neu. Pe pule te heto heke ur-inolo neu pe te hele, “Itei toto nenge lape lohot ke pomanga ur-inolo nei? Pe itei toto nge ana seilil ke iri nai te hunel?”
30982	REV 13:5	NeHalang i sipona heheleia ur-inolo neu ke hele ke heto hekeke ene pe hele porekreke NeHalang. Pe lape poia ana ume ke teio iri ana non kina nai pe nai (42) iange mene kerkerenga ke ulolo.
30984	REV 13:7	Pe pule NeHalang tunge kerkerenga lange ur-inolo neu ke iriul NeHalang nena hana mur tehun elel pe hekou susue iri. Pe NeHalang tunge kerkerenga lange i ke nauele tuele kina papalauna mur, pe kaleu ramana mur, pe nga helenga kuena ngana mur, pe hehei pe hana lochloch ngana nga ich.
30985	REV 13:8	Pe hehei pe hana lochloch nenge te tunga ich, lape te heto heke ur-inolo neu ene. Pe iri nenge eria masio nga maulinga ke koko ana alalaha lo, lape te heto heke ur-inolo neu ene ero. Iange NeHalang ala hote tapa pe ich ero kura pe has sue eria mur ke ulolo nga Sipsip Tuna nenge te hune, nena alalaha. Pe alalaha nem maulinga ke koko ana alalaha ia.
30988	REV 13:11	Ol pe e naue ur-inolo e pule nge lohaka nga ich letena. Ur-inolo neu ana sangkar iri nai ke pomanga sipsip mur pe hele ngana pomanga ilimo palaungana nenge i uneinei ia.
30989	REV 13:12	Pe ur-inolo nenge lohot rume nei, tu luluch nga nenge lohot tala pe mene kerkerenga ke pomanga nenge lohot tala. Pe echia hehei pe hana lochloch ngana nga ich ke te heto heke ur-inolo nenge lohot tala. Nenge palpalna e nakuna manga tetua hune ana io pe ana io munna meu mule lo.
30990	REV 13:13	Ur-inolo nenge lohaka nga ich letena neu poia ure halang ke te lohot manmana. Pe ure e nge poi hote, ngana laka nenge long sue oan nga tapa ke sio at nga ich ke hehei pe hana lochloch te naue.
30991	REV 13:14	Pe iu sue oan nenge neu nga kerkerenga nenge NeHalang tunge lange i, ke halaua ur-inolo nenge lohot tala. Pe nga poinga nem, pallaka ia hehei pe hana lochloch ngana nenge tetu nga ich pe hele lange iri ke teles hote ur-inolo nenge lohot tala ramana nga aetapuna ke te heto heke i. Ngana laka ur-inolo nenge tetua hune palpalna elle ana io pe ana io munna meu mule lo.
30992	REV 13:15	Pe ur-inolo nenge lohaka nga ich letena neu, NeHalang tunge kerkerenga lange i ke iu teua eingana langa nenge lohot tala nena lelenga nenge teles hote nga aetapuna ke hele. Hele pe hemete hehei pe hana nenge te heto heke i ero ke te mete.
30993	REV 13:16	Pe ur-inolo neingana nenge lohaka nga ich letena neu, echia hehei pe hana lochloch ke tetal haka sach nge iri. Iri nenge reria ure halang, pe nenge reria ure halang ero, pe iri nenge te umume nge hana hel, pe nenge teume nge hana hel ero, pe iri nenge pingaria iuiu, pe nenge pingaria iuiu ero. Hehei pe hana nemur, ur-inolo neu echia iri ke tetal haka sach nga peria tamalmal, nem pe nga ramaria.
30994	REV 13:17	Pe tehas ia ur-inolo nem ene nga sach nenge tetal heke nge iri nem. Ke pomalam iri nenge ur-inolo nem ene mahaka nge iri, iri mana lape te olia pe teia reria lulu. Pe iri nenge ur-inolo ene mahaka nge iri ero te olia pe teia reria lulu e ero.
30995	REV 13:18	Ure nei sangsang letematana ngana. Mele nenge letena matana lape sisala luluche ur-inolo nem ene huhuna mur ke nek pe letena matana ia. Iange ene huuna nemur i none ene ia. Ke ur-inolo nem ene huuna mur koi nenge 666. (Ana non kina lime iri rahtele elle pe ana non kina mol pe rahtele elle.)
31004	REV 14:9	Iok, angkelo mol ngana lohot pe haliu ke soke toto ke teke, “Mele hel nenge te heto heke ur-inolo pe nena lelenga nenge teles hote pe tehas heke ana has nga peria pe nga ramaria,
31006	REV 14:11	Pe oan nem pulu ngana tuke kokoes mana. Ke iri nenge te heto hekeke ur-inolo pe na lelenga nenge teles hote pe iri nenge tehas heke ana has nge iri, lape te amneia melmelenga ke kokoes mana nga sinanga pe nga miliko pe tetah eingaria ia ero.”
31017	REV 15:2	Pe e naue ute e nge nakuna pomanga ruach melona nge achouchou pe sinaha ke pomanga silonga nge teusil nga oan. Pe e naue NeHalang nena tula mur nenge te hekou susue ur-inolo pe na lelenga nenge teles hote nga aetapuna pe ene huuna mur. Hana nemur e naue iri nge te rahite aria milollo mur nenge NeHalang tunge lange iri pe temes nga ruach melona neu ilina.
31025	REV 16:2	Iok, angkelo elle ngana eusiling hote NeHalang letena inin ngana nga nena kaliu ke pasiling sue ke langa ich. Pomalam sikilla lohot nge hehei pe hana nenge tehas heke ur-inolo ana has nge iri pe te heto hekeke nena lelenga.
31033	REV 16:10	Iok, angkelo lime ngana eusiling heke nena kaliu langa ur-hinolo nena kilanga seina ngana, pe miliko sio sapele nga kileng nemur nenge ur-inolo nauele iri. Pe hehei pe hana tetua sereia melmelenga nenge lohot nge iri ke elela.
31036	REV 16:13	Ol pe e naue ur-lomona opene poreke ngana iri mol nge nakuria pomanga chauchar. Elle lohot nga ilimo palaungana nenge uneinei ia hanna, pe e lohot nga ur-inolo neu hanna, pe e lohot nga hetatalonga pallaklaka ngana hanna.
31039	REV 16:16	Ol pe ur-inolo opene mol neu te eukiraua naungaala ana hana mur nga kileng nenge te hetue nga helenga Hipru ke Amaketon. (Hunelinga ana hasa)
31047	REV 17:3	Ol pe Opepengpeng roro heke iau pe angkelo neu mene iau ke mola nga ich sana lomona. Pe nga lamau e naue heie nge are haka nga ur-inolo remenmen ngana e ona. Pe ur-inolo neu palpalna mur iri rahtele nai pe ana sangkar iri analoch. Pe NeHalang ana hesisinga ana helenga mur te rongo heke singina lochloch.
31051	REV 17:7	Ol pe angkelo neu onteia iau, “Ngam lohot ia utar? Ngam lohot ia kau ur-inolo nenge palpalna iri rahtele nai pe ana sangkar iri analoch pe hei nenge are haka nga ona mau? Iok, lape e hemallaha hote luna lange iong ol.
31052	REV 17:8	Ur-inolo nenge o naue nem, maulul nge nike pe heueu nei tu ero ol pe nga hoena lape lohaka mule nga polo palaungana nenge hetala ngana ero pe at mule. Pe at mule ngana nem lisala ngana lalom, iange Kristus lape hekou sue i ke het heulo sapele. Nge nike toto NeHalang ala hote tapa pe ich ero kura pe has sue hehei pe hana hel eria nga maulinga ke koko ana alalaha. Pe iri nenge eria masio nga alalaha nem ero lape te naue ur-inolo nei pe lape te rura toto. Iange i maulul nge nike pe heueu nei tu ero ol pe nga hoena lape lohot mule.
31053	REV 17:9	“Ure nei sangsang lete matana ngana. Ur-inolo palpalna iri rahtele nai nem luria laka: Sasana iri rahtele nai nenge hei neu mes hakaka ia. Pe luria e pule lataua naungaala ana hana mur nge iri rahtele nai.
31055	REV 17:11	Pe naungaala ana hana rahtele nai neu pekngaria laka ur-inolo nenge maulul nge nike pe heueu nei tu ero ol pe lala nga het heulo ngana lo.
31056	REV 17:12	“Pe sangkar iri analoch nenge o naue nem te heilangia naungaala ana hana mur nge iri analoch nge te mene kerkerenga ero kura. Pe iri lape te mene kerkerenga ke te lohot ke iri naungaala ana hana mur. Pe lape teume luluch nge ur-inolo neu ke tenau ele kileng mur nga sinanga koana unne sune elle mana.
31057	REV 17:13	Pe iri leteria matana ngana elle mana. Ke pomalam lape te tunge kikiria ngaria pe reria kerkerenga nenge tenau ele kileng lange ur-inolo neu.
31060	REV 17:16	Pe ur-inolo pe sangkar analoch nenge o esia iri nem lape lemeria ero ia hei nem. Pe lape te poia hei neu ke tungana poreke nga nenge te mene nena urelu mur pe singina lachlach mana pe tesau heke i langa pel sapel ngana.
31061	REV 17:17	NeHalang i sipona tung teua lete matana ngana nga hana nemur leteria, ke pomalam te tunge reria kerkerenga nenge tenau ele kileng lange ur-inolo neu. Pe lape ur-inolo neu nauele iri kela het nga etue nenge NeHalang letena tuanin ngana mur pe nena helenga mur te lohot ke manmanna.
31064	REV 18:2	Pe haliu hot ke soke toto ke pomai, “Tuangachol nenge NeHalang tunge heporeke pe sisparai ia tuele tana palaungana nenge Papilon ke ulolo! Pe kileng nem tal uneinei mur reria kileng ia ol. Pe ur-lomona mur nenge te poreke pe ngie nemur nenge muna ulu pe nenge te poreke toto tetu ia pule.
31105	REV 19:19	Ol pe e naue ur-inolo pe naungaala ana hana mur lochloch nga ich pe reria palinghel ana hana mur, nge te eukirau ke te teke te hunel luluch nge Non Soke nenge are haka nga oriong pe nena palinga hel ana hana mur.
31106	REV 19:20	Pe Non Soke pe nena hana mur te hekou sue ur-inolo neu iri nai neingana nenge lohaka nga ich letena pe mene munna ke popoia urelu ke te lohot manmana pe pallaka halali. Pe nga etue nenge poia urelu nemur ke te lohotot, channanga ia hehei pe hana nenge tehas heke ur-inolo ana has nge iri ke te heto heke ur-inolo na lelenga nenge teles hote. Pe iri nai, Non Soke pe nena hana mur tesau sio maulul ia iri langa oan nga polo palaungana, nga um remen ngana nenge milang toto pe inangana siusiu toto ke pomanga luchluch.
31109	REV 20:2	At pe hekou sue ilimo palaungana neu pe kale hite pe lape tuke pomalam mana ke ana hesinga iri ana non kina lime iri analoch (1000). Ilimo palaungana neu i uneinei pe i ur-halangana toto ia nenge te hetue ke non soanna ngana pe ene e pule Satan.
31111	REV 20:4	Ol pe e naue kilanga seina ngana mur. Pe iri nenge teare haka nga kilanga seina ngana nemur te mene kerkerenga nenge tenau ele hehei pe hana. Pe e naue hana nenge te chatoa karia operia mur pule. Ngana laka iri nenge te haliu hotote NeHalang nena helenga mur pe helenga manmanna toto ngana nenge Iesus hemallaha hote. Pe iri te heto heke ur-inolo ero pe te heto heke na lelenga nenge teles hote ero pe te palheke ana has nga peria pe nga ramaria ero pule. Iri te maul haka mule pe iriul Kristus ke tenau ele hehei pe hana ke hesinga iri ana non kina lime iri analoch (1000).
31117	REV 20:10	Pe non poreke ngana nenge channanga ia iri nem lape tesau sue i ke langa oan nga polo palaungana. Nga um remen ngana nenge milang toto pe inangana siusiu toto ke pomanga luchluch. Pe ur-inolo pe neingana, tesau sio tele iri langa polo neu lo. Pe lape te amneia melmelenga nga sinanga pe nga miliko ke koko.